رواية احتواء القاسي
الفصل الثامن والاربعون 48
بقلم سوسو تويكس
رجعتا من الشغل وطوالي مشيت على البيت كانو قاعدين كلهم مجتمعين، امي قالت لي:لينه دي من وقت رجعت من المستشفى حابسه نفسها في الغرفه، كلو مره بنمشي عليها بس ما بترضا تفتح_استغربتا وسالتها بخوف:مشت المستشفى لي، حصل ليها شي_ملاذ:لالا، مشيت معاها لي اماني ومن وقت رجعت حاسه بيها متغيره وياهو دخلتها تاني ابت تفتح الباب وقافله نفسها جوا الغرفه خوفنا عليها والله_شكلها لسه متأثره بسبب اجهاض اماني وبتلوم في نفسها، معتصم:ايواا، خلاص بمشي اشوفها واجي _طلعت فوق وانا مترقب رده فعلها هي اكيد ما ح تفتح لي الباب بس بحاول_ضربتا ليها الباب فتحت بعد مسافه شكلها كانت بتبكي، دخلت قعدتا في السرير وانا مواجهة، من عيونها باين عليها مشتته، وحاسس قلبها حن شويه ولانت حبه معقول تكون عرفت او اماني ورتها _اتكلمت بهدؤ بعد صمت طال مننا نحنا الاتنين َقالت:انا عرفتا كلو شي_عايز اتكلم قاطعتني وهي بتقول:لكن لسه ما سامحتك، ما قادره اتجاوز فاهمني_اتفهمتها احتويت يدينها وانا بقول بنبره حنينه عايز أثر عليها:ننتي، عارف ما ساهل انك تتجاوزي، عشان كده عايز فرصه ننسى ونتجاوز مع بعض_قالت لي وهي بتعاين في عيوني بنظره ما قدرتا افسرها: واذا حصل موقف زي ده تاني والشهامه شالتك وعملتا نفس الموقف ده انا اعمل شنو_سكتا ما عرفتا ارد بشنو كلامها كان منطقي وفعلا اذا حصل كده تاني وطلبو مني استر زول انت ما بقدر ارفض_لينه:سكتا لي؟ انت محتاج تنظم أولوياتك في الحياة وتعرف انو حتى الشهامه ليها عواقب وتتعلم انو في حاجات بتكون مهمة في حياتك تخليك ترفض اذا اتختيت في موقف زي ده،الأهم ثم المهم، غير كده ما تجي تطلب مني اسامحك_ يمكن لأول مره انا بشوفها بتتكلم بعقلانيه، فعلا كلامها صاح، انا محتاج افكر وانظم،معتصم:كلامك صاح، بس برضو انتي لازم تعرفي انو المشاكل بتحصل بس لازم نتعلم كيف نسامح ونتفهم وندى فرصه لبعض، حاليا انتي مشكلتك ما انو ما قادره لأ انتي ما عايزه تتجاوزي، والشي ده ظاهر من عيونك، وحاليا ده ما الموضوع الجيت ليهو، انتي من قبيل قافله الباب على نفسك وما اكلتي، عرفنا زعلانه مني، طيب نفسك والأولاد الفي بطنك ذنبهم شنو_عايزه تتكلم قاطعتها وانا بسوقها برا الغرفه وبقول:ده ما موضوع تجادلي فيهو حسي ح تمرقي وتاكلي _صراحه هدفي الحقيقي انو ارجع العلاقه بينها وبين ناس امي زي الاول هي لسه زعلانه
_صراحه هدفي الحقيقي انو ارجع العلاقه بينها وبين ناس امي زي الاول هي لسه زعلانه من حكايه انو دسو عليها، وفعلاََ نزلت معاي قعدت في الصاله، امي من شافتها نزلت فرحت، قالت لي ملاذ:قومي امشي ختي ليها اكل، وانتي يا ساره جيبي العصير_لينه:لالا بمشي باكل هناك في المطبخ في النهايه انا ما غريبه_ملاذ:والله انا زاتي بمشي باكل معاك من شفت وشك نفسيتي فتحت للاكل😂_ساره:لي؟ بقت فاتح شهيه 😂_بقو يضحكو، حسيتها رجعت تاني لينه الزمان ودي خطوه كويسه شديد او على الاقل رجعت تتعامل معاهم زي اول، ما تستغربو لينه زعلها صعب شديد من زمان، وحسي انا بحاول اخليها تتجاوز اتحملها والا بيسمى #إحتواء لشنو، وخصوصا انو قلبها بدا يحن وده تقدم وإنجاز بس برضو لازم افكر في كلامها داك_بلسان لينه:مبسوطه شديد بانو تعاملي مع ناس خالتو ساميه رجع زي الاول، وكان السبب معتصم وده كافي يخليني اتقدم خطوه ناحيتو، وياريت لو اقدر انسا كل شي عملو بس انا طبعي كده زعلي صعب شديد وما بيدي اعمل شنو، بعد صلاة العشا رجع بيتنا هناك، وما حاول يضغط على عشان ارجع معا، عارف اني محتاجه وقت حبه، زي الساعه ٩ اتصل على مكالمه كنت متردده اذا ارد ولا لأ في الاخر رديت ما اتكلمتا نهائي كان هو بس البتكلم وكلام كلو عن ذكرياتنا زمان وكلام متفائل انو ما ح يتخلى عني وبعدين نسمي أولادنا شنو... الخ،لحدي نهايه المكالمه وقت كان عايز يقفل يادوب اتكلمت وقلت ليهو: ممكن تقرا لي لحدي ما انوم_معتصم:انتي تأمري _وفعلا قرأ لي لحدي ما نمتا، صحيت الصباح على صوت تلفوني فتحتو لقيتو معتصم رديت من دون ما اتكلم قال لي:ننتي قومي الصلاة جا زمنها، وتاني كل يوم ح اصحيك كده لحدي ما قلبك يحن وترجعي يا جافيه_ابتسمت على كلامو _مضى تلاته يوم ومستمر بنفس التفاصيل بليل بتصل لي وبنوم على صوتو وهو بيقرا لي والصباح تاني بتصل يصحيني للصلاة _اليله قاعدين نشرب في الشاي كده جا علينا احترنا لانو بالصباح بمشي الشغل بعد ما سلم علينا جا قعد في الكرسي وكان قصادي، قال وهو بعاين لي:انا ما منطريقي ده مسافر ٤ يوم حصلت مشكله تاني في واحد من فروعنا الهنا، وكلفوني انا و٣ مهندسين غيري عشان نسافر وجيت اودعكم... يتبع
• وان سـألوني عـن مـذاق الفـرح
سـأخبرهـم عـن لـقاء عـيـنيـك❤️