رواية مزاولة حب الفصل الثالث والثلاثون33والرابع والثلاثون34بقلم دودو محمد
فى فيلا مالك
كانت ندى بتحاول تعرف حقيقة الكلام اللى سمعته عند مالك فى المكتب ايه راحت عنده الفيلا وسألته رد عليها وقال
مالك :- تمام يا ندى هقولك مين دى ، دى تبقى اختى الكبيره والوحيده ولما كنت بقولها لسه مقولتيش ليكى دى كانت على المفاجئه اللى كنت عاملها ليكى اللى هى كنت هاخدك ايطاليا نقضى شهر العسل هناك بس كنت ناوى اقولك المفاجئه دى بعد الفرح وليه كنت بقولها كل واحد منكم حبه مختلف عن التانى لأنها هى اختى وانتى حبيبتى ولما بقولها انتى الحب الاول والاخير علشان هى اختى الكبيره وفى مقام امى وفضلها عليا كبير اعتقد كده شرحت ليكى المكالمه كلها يا ندى
ندى:- اتصدمت لما عرفت الحقيقه وقامت عنده ومسكت أيده وقالت انا اسفه
مالك :- للاسف اسفك ده مش هيعمل حاجه لقلبى اللى اتوجع من نظرتك وكلامك با ندى
ندى :- طيب اعمل ايه بس حط نفسك مكانى وتسمع الكلام ده مش كنت هتفهم الكلام غلط وتزعل
مالك :- لا يا ندى مكنتش هفهم الكلام غلط لان انا بحبك وواثق فيكى ومستحيل اصدق انك تكلمى راجل غيرى حتى لو سمعت الكلام ده بودنى كنت هدخل استفسر منك بهدوء مش اعمل زى ما انتى عملتى كده
ندى :- انا غلطانه وحماره كمان متزعلش منى بقى
مالك :- أداها ضهره ومردش عليها
ندى :- وقفت قصاده وقالت اعمل ايه طيب ما انا بحبك وبغير عليك
مالك :- فيه فرق ما بين الغيره وقلة الثقه يا ندى
ندى :- لاء انا واثقه فيك جدآ يا مالك بس دى غيره مش اكتر
مالك :- خلاص ماشى يا ندى
ندى :- يعنى مش زعلان منى
مالك :- لاء زعلان طبعآ
ندى :- يوووه برضه طيب اعمل ايه وتسامحنى
مالك :- ولا حاجه اتفضلى امشى قدامى اوصلك البيت
ندى :- قعدت وقالت انا مش همشى من هنا غير لما تسامحنى
مالك :- قومى يا ندى بلاش جنان
ندى :- انا مجنونه ايه الجديد يعنى ومش همشى من هنا غير لما تسامحنى انشالله لو بعد مية سنه هفضل قاعده ليك كده
مالك :- ندى انا كل ده ماسك اعصابى عليكى بالعافيه لو فلتت منى متلوميش غير نفسك انتى حره
ندى :- ما هو انت هتسامحنى يعنى هتسامحنى مليش دعوه ها
مالك :- خليكى قاعده براحتك وسابها وطلع اوضه
ندى :- يوووووه وبصت فوق وقالت تعالى على نفسك واطلعى ليه ما انتى اللى غلطانه ومتسرعه وراحت علشان تطلع السلم ووقفت على اول السلم وقالت بس ازاى هطلع اوضه بس لاء انا اتكسف ولسه هترجع قالت انتى عبيطه فيها ايه ده جوزك مش عيب ولا حرام وطلعت تجرى على السلم ووقفت تبص حاوليها علشان تعرف مالك فى أنه اوضه شافت نور ظاهر من تحت الباب عرفت أن مالك فى الاوضه دى راحت خبطت على الباب وفتحته ودخلت وقالت خلاص بقى علشان خاطرى يا مالك
مالك :- غمض عينه وقال ندى انزلى تحت
ندى :- قعدت على حرف السرير وقالت لاء مش هنزل
مالك :- بلاش عند يا ندى قولتلك انزلى
ندى :- لاء
مالك :- ندى
ندى :- بحبك
مالك :- يا بنتى انزلى احسنلك
ندى :- بعشقك
مالك :- اتهدى الله يحرقك
ندى :- بموت فيك
مالك :- لاء بقى انا عملت اللى عليا وقام قعد جمبها وقرب من شفايفها وباسها بوسه طويله
ندى :- اتصدمت من اللى حصل وحاولت تبعده عنها
مالك :- بعد عنها وسند راسه على راسها وقال ده عقابك بعد كده
ندى :- ا.ا.انت ازاى تعمل كده
مالك :- حاولت انزلك علشان اتغلب على افكارى الشيطانيه بس انتى اللى رفضى ابقى كده عملت اللى عليا ولا لاء
ندى :- انت قليل الادب
مالك :- هو كده قلت ادب دى الاوضه دى هتشهد على حروب عالميه من قلة الأدب
ندى :- زقته وقالت غلس وسابته ونزلت
مالك :- ابتسم ونزل وراها وقال انا هسامحك المرادى بس بعد كده لو شكيتى فيا تانى يبقى خسرتينى للابد يا ندى فاهمه
ندى :- فاهمه
مالك :- وصوتك ميعلاش عليا تانى أنا اكتر حاجه بكرهه الصوت العالى وانا مسكت نفسى عليكى بالعافيه علشان متعصبش عليكى وانا عصبيتى وحشه اوى يا ندى خليها حلقه فى ودنك صوتك ميعلاش عليا وحاولى متخلنيش اتعصب علشان مش هكون لطيف خالص معاكى
ندى :- انت بتخوفنى ليه منك
مالك :- مسك ايديها وقال انا مش بخوفك منى ولا حاجه بس بعرفك تتعاملى معايا ازاى علشان مش حابب تشوفى عصبيتى
ندى :- هزت راسها وقالت حاضر
مالك :- طيب ما تجيبى بوسه وانتى مطيعه كده
ندى :- مالك
مالك :- ضحك وقال خلاص بهزر يلا تعالى اوصلك البيت
ندى :- مشيت قدامه بكسوف
مالك :- احبك يا ابيض وضحك وركبوا العربيه وراح وصلها البيت
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى شقة بدر
رجع بدر البيت لاقه يارا سلم عليها وحضنها وقال
بدر :- يارا انتى هنا من امته
يارا :- جيت الصبح وانت فى الشغل
بدر :- وفين جوزك
يارا :- بصت ليه بتوتر وقالت ا.ا انس فى الشغل ولما شافنى قاعده زهقانه فى البيت لوحدى قالى روحى اقعدى يومين مع اخوكى
بدر :- وهو مش مصدق كلام يارا قال ده بيتك طبعآ واى وقت تيجى فيه بس اوعى تكونوا زعلانين من بعض ومش عايزه تقولى ليا
يارا :- ها ل.ل.لاء طبعآ مفيش زعل ولا حاجه
بدر :- ربنا يسعدك يا قلبى
يارا :- عملت ايه مع رحمه دى كانت هتموت عليك
بدر :- مقدرتش ابعد عنها وهى جدعه بجد ومتمسكه بيا العمر كله وبتحبنى وحبها ده اللى خلانى اتمسك بيها اكتر
يارا :- بفرحه بجد فرحتنى رحمه جدعه وطيبه اوى ومتواضعه جدآ ربنا يقرب ليكم البعيد يارب
بدر :- عايزانى اشتغل معاها فى الشركه
يارا :- طيب دى حاجه كويسه يا بدر قولتلها ايه
بدر :- قولتلها هفكر بس مش حابب الفكره
يارا :- ليه بس
بدر :- انا كده ببقى بستغلها يا يارا انتى عارفه أن انا مبحبش الطريقه دى
يارا :- ازاى بس بتستغلها يا بدر انت هتقدم فى وظيفه زى اى موظف رايح يشتغل ولو اتقابلت هتشتغل بمجهودك انت ومرتبك ده جاى من تعبك يبقى ازاى بتستغلها بلاش تكون حساس زياده عن اللزوم يا بدر انا شايفه ان ده انسب حل علشان تقدر تكون نفسك وتتجوزوا بقى
بدر :- انتى شايفه كده
يارا :- ايوه
بدر :- اتنهد وقال هصلى ركعتين واللى ربنا كاتبه هيكون وقام وقف
يارا :- ونعم بالله مش هتاكل
بدر :- انتى عملتى اكل
يارا :- ايوه طبعآ
بدر :- هدخل اخد دش بسرعه كده على ما تحضرى الاكل علشان ناكل مع بعض وسابها ودخل الاوضه
يارا :- دخلت المطبخ حضرت الاكل والاتنين أكلوا وقام بدر ودخل اوضه علشان ينام ويارا رتبت المطبخ وخرجت منه ولسه هتدخل اوضتها جرس الباب رن استغربت وراحت تفتح الباب لاقيتها ام انس فرحت واترمت فى حضنها وقالت ماما واحشتينى اوى
ام انس :- طبطبت على ضهرها وقالت انتى اكتر يا بنتى عامله ايه
يارا :- انا كويسه الحمدالله وبعدت عنها وقالت اتفضلى يا ماما
ام انس :- دخلت وقالت يزيد فضلك يا بنتى
يارا :- قفلت الباب وقالت تعالى يا ماما ادخلى
ام انس :- لاء مش عايزه اقعد فى اوضت الضيوف انا عايزه اتكلم معاكى كلمتين فى اوضك
يارا :- اه طبعآ تعالى يا ماما اتفضلى ودخلت ام انس الاوضه وقفلت يارا وراهم الباب
ام انس :- قعدت على السرير وقالت تعالى اقعدى هنا جمبى
يارا :- قعدت جمبها وابتسمت ليها
ام انس :- ها قوليلى بقى فيه ايه بينك وبين الولا انس
يارا :- ها م.م.مفيش انا جيت اقعد يومين بس مع اخويه بدر
ام انس :- متكدبيش عليا عيب عليكى ده انا ست كبيره وافهمها وهى طايره انس ابن مش من نوع الرجاله اللى يسيب مراته تنام بره البيت وهو مش معاها وكمان ابنى من يوم ما اتجوز مجاش نام فى اوضه غير النهارده قولى يا يارا فيه ايه بينك وبينه زعلانين من بعض صح
يارا :- بصى يا ماما انا مش هخبى عليكى حاجه انس ابنك مريض نفسي عنده انفصام فى الشخصيه من يوم ما اتجوزنا وهو شويه يبقى كويس وشويه يقلب من غير سبب شويه يقرب وشويه يبعد وجه فى الاواخر بعد خالص ده بينام على الكنبه من يوم فرحنا تخيلى عريس ينام على الكنبه فى الصاله ويسيب مراته ليلة الدخلة
ام انس :- بصدمه يعنى ابنى ملمسكيش لحد دلوقتى انتى لسه بنت بنوت
يارا :- بكسوف ل ل لاء انا مش بنت بنوت لحد دلوقتى ح ح.حصلت مره ومن ساعتها وهو مش بيكلمنى نهائى انا تعبت بجد يا ماما ومش هقدر اكمل معاه على الحال ده انا اه بحبه بس اللى هو بيعملوا معايا ده هيخلينى اكره وانا مش عايزه اوصل للمرحله دى
ام انس :- وهو بيحبك اوى على فكره
يارا :- ولما هو بيحبنى بيعمل معايا كده ليه
ام انس :- هقولك يا بنتى انس طول عمره شخصيه طيبه وحنونه بس شخصيته تقيله شويه بس مبقاش قلبه جامد اوى كده وعصبى علطول غير بعد اللى حصله
يارا :- بأستغراب ايه اللى حصل ليه
ام انس :- من كام سنه انس كان فى شغله ولسه متخرج جديد ومع أصحابه سهرانين مع بعض فى الشغل سمعوا صوت ضرب نار عليهم كانوا الارهابين عاملين هجوم عليهم وكلهم اخدوا وضع الاستعداد وبدأوا يتبادلوا مع بعض ضرب النار الحمدالله قدروا يتصدوا ليهم بس طبعآ فى خسائر فى الأرواح وكان من ضمنهم صاحب انس المقرب ليه كان لسه عريس ومراته حامل حاول يلحقه بس معرفش اخر حاجه قالها ليه وصاه على مراته وابنه اللى فى بطنها ومات كانت ايام صعبه اوى على ابنى انس مش قادر ينسى صاحبه اللى كان شايله على دراعه وهو غرقان فى دمه وراح بلغ مرات صاحبه الخبر وشاف انهيار مراته عليه مقدرش يستحمل المنظر رجع يجرى على البيت وكان أول مره ابنى انس اشوف دموعه وهو كبير اترمى فى حضنى وهو جسمه كله بيرتعش وعمال يعيط وماسك فيا شبه الطفل الصغير اللى خايف من حاجه وماسك فى أمه ومن يومها وابنى انس بقى شخصيه جامده اوى بقى كلامه حاد جدآ معانا ساعات يقرب مننا ويحتوى أخته وساعات كتير يكون قاسى جدآ معاها ومن ساعتها على الحال ده يا بنتى علشان كده عايزه اطلب منك اصبرى عليه شويه حاولى انتى تغيرى شخصيته وترجعيه زى زمان اه مكانش برضه الشاب الخفيف اللى بيضحك علطول بس كان على الأقل لين شويه عن كده هو بيحبك وانا متأكدة من ده بس محتاج وقت كبير علشان تقدرى تخليه يظهر مشاعره ليكى
يارا :- كانت مصدومه من الكلام اللي سمعته وبصت لام انس وقالت كل ده حصل مع انس
ام انس :- ايوه يا بنتى
يارا :- بدموع يا حبيبى ده اتعذب اوى يا ماما انا لو اعرف ان كل ده حصل معاه مكنتش زعلته خالص صعبه اوى أن صحبه يموت على أيده انا لازم اروح ليه ولسه هتقوم علشان تلبس
ام انس :- شدتها وقالت اقعدى هنا يا بنتى واصبرى مش هينفع تروحى من نفسك لازم هو اللى يجى يخدك علشان ميعرفش أن جيت ليكى وعرفتى كل حاجه وانك هترجعى ليه علشان صعبان عليكى مش هيرضى بكده وهيبقى معاكى اصعب من الاول
يارا :- عندك حق يا ماما بس هو هيجى يخدنى ازاى انا خايفه يعاند ويسيبنى هنا ويطلقنى بجد
ام انس :- لاء متخافيش ميقدرش يطلقك بس ممكن يسيبك كام يوم علشان يأدبك انك جيتى هنا وسيبتى البيت
يارا :- مش مهم لو على الكام يوم استحمل وابقى اكلمك اطمن عليه
ام انس :- وقفت وقالت إن شاءالله يا بنتى ربنا يسعدكم ويهنيكم يارب
يارا :-مسكت ايديها وقالت خليكى قاعده معايا شويه يا ماما
ام انس :- طبطبت علي ايديها وقالت مقدرش أتأخر اكتر من كده يا بنتى علشان زمان انس هيصحى يروح شغله
يارا :- ماشى خلى بالك عليه يا ماما خليه ياكل كويس
ام انس :- ضربتها على رأسها من وراه وقالت يا عبيطه انا أمه بتوصينى عليه ازاى
يارا :- ضحكت وقالت صح انتى هتخافى عليه اكتر منى
ام انس :- باستها من خدها وقالت خلى بالك على نفسك مش محتاجه حاجه
يارا :- ربنا يخليكى يا ماما
ام انس :- فتحت الباب وخرجت ووصلتها يارا لحد باب الشقه وقفلت الباب ودخلت اوضتها ونامت على السرير وقالت
يارا :- يا حبيبى يا انس انت شوفت ايام صعبه اوى وانا زى العبيطه بزعلك لما نرجع تانى لبعض مش هزعلك تانى أبدآ وقعدت تبص فى السقف وتفكر فيه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى الشركه
انتهى وقت الشغل ونزلت تمارا ورحمه من الشركه وراحوا يركبوا العربيه بتاعتهم بس فى الوقت ده سمعوا صوت يوسف بينادى عليهم بصت تمارا لرحمه وقالت
تمارا :- ابتدينا شغل المراهقين بقى
رحمه :- يا بنتى اصبرى لما نشوف عايز ايه
يوسف :- جه وقال رايحين فين يا بنات
تمارا :- سؤال غريب الصراحه خلصنا شغل هنكون رايحين فين يعنى
رحمه :- اكيد رايحين البيت
يوسف :- ما انتوا ساعات بتروحوا على يارا علشان كده سألتكم
تمارا :- عايز ايه يعنى
يوسف :- تعالوا نتمشى شويه بدل ما نروح على البيت دلوقتى
رحمه :- لاء انا تعبانه ومش قادره وعايزه اروح انام روحوا انتوا
تمارا :- لاء مش هروح مع حد فى حته انا هروح معاكى يا رحمه يلا بينا
يوسف :- انتوا بقيتوا غلسين كده ليه
تمارا :- من بعد ما عندكم ومسكت رحمه من ايديها ومشيت وركبت عربيتها ورحمه ركبت معاها وشغلتها ولسه هتمشى
يوسف :- وقف بعربيته قصادها
تمارا :- اللهم طولك يا روح مش بقولك شغل المراهقين هيشتغل ونزلت من العربيه وراحت عنده وقالت ممكن افهم ايه اللى انت بتعمله ده
يوسف :- قعد يصفر ومردش عليها
تمارا :- متعصبنيش
يوسف :- اركبى
تمارا :- لاء مش هركب وابعد علشان امشى
يوسف :- لاء مش هبعد وهتركبى معايا يا تمارا
تمارا :- بعينك يا يوسف وخليك واقف براحتك وراحت عند رحمه وقالت انزلى يا بت
رحمه :- نزلت بأستغراب وقالت فيه ايه
تمارا :- هنركب تاكسى وخليه واقف لصبح ومشيت وسابتها وراحت وقفت تاكسى
رحمه :- ايه شغل العيال ده يخربيت العبط وطلعت تجرى وراها
يوسف :- نزل من العربيه وراح يجرى وراه تمارا ومسكها من دراعها ومناعها تركب وقال هتعملى ايه يا مجنونه
تمارا :- سيب دراعى يا يوسف
يوسف :- امشى طيب معايا
تمارا :- لاء
رحمه :- فضحتونا انت وهى الناس بتبص عليكم
يوسف :- ما هى اللى عناديه ودماغها ناشفه
تمارا :- اه انا عناديه ملكش فيه سيب دراعى بقولك
يوسف :- يا بنتى خلى الراجل يمشى ويشوف اكل عيشه
تمارا :- مش هيمشى غير وانا معاه سيب دراعى بقى
يوسف :- شدها وبص لسواق وقال اتفضل انت شوف اكل عيشك
سواق التاكسى نفخ ومشى
تمارا :- فيه مليون تاكسى غيره ومش هركب معاك برضه
رحمه :- اقسم بالله انتوا الاتنين مجانين
يوسف :- تمارا بجد والله عايز اتكلم معاكى
تمارا :- بخصوص ايه
يوسف :- حياتنا الجايه
تمارا :- اسمها حياتك الجايه مش حياتنا كل واحد ليه حياته يا يوسف
يوسف :- انا وانتى واحد يا تمارا
تمارا :- انت مبتزهقش يا يوسف من الكلام فى الموضوع ده
يوسف :- لاء مش بزهق ولا عمره هزهق غير لما تسامحينى يا تمارا
تمارا :- يوسف ارجوك سيبنى فى حالى خلينى اشوف حياتى بقى واصلح اللى انا كسرته امبارح
يوسف :- انا مستعد اعمل اى حاجه علشانك لو عايزانى اروح اكلم عمى عماد يسامحك اروح والله
تمارا :- لاء شكرآ مش عايزه مساعده من حد
رحمه :- طيب ايه هنوقف كتير كده انا تعبانه وعايزه اروح
تمارا :- قولى لاخوكى خليه يسيبنى امشى
يوسف :- اتنهد وقال ماشى يا تمارا هسيبك تمشى مش علشان تعبت انا نفسى طويل جدآ وهفضل وراكى لحد ما تسامحينى بس هسيبك تمشى علشان مش حابب يكون فيه خناق تانى ما بينا وسابها وراح ركب عربيته ومشى
تمارا :- اخوكى ده ايه بجد بنى أدم مستفز
رحمه :- هو بيعمل كل ده علشان بيحبك
تمارا :- بيحبنى اركبى يا اختى اركبى وركبوا الاتنين العربيه وراحوا على البيت ودخلت تمارا على الفيلا بتاعتهم لاقت امها كانت لسه قاعده وهتقوم اول ما شافتها طلعت تجرى ومسكتها وقالت انا اسفه يا ماما
سميه :- حاولت تقوم وقالت ابعد عنى أنا عمر لسانى ما هيخاطب لسانك ده ابدآ لحد ما اموت
تمارا :- بعد الشر عليكى يا ماما انا عارفه أن كنت غبيه واتصرفت غلط بس غصب عنى والله يا ماما مقدرتش اكمل الجوازه مش هقدر اكون سعيده معاه وانا قلبى مع حد تانى
سميه :- كان عندك الايام كلها كنتى ارفضى براحتك مش جايه تفضحينا قدام الناس كلها وتلغى الفرح
تمارا :- باست راسها وايديها وقالت انا اسفه يا ست الكل بنتك وغلطت وعرفت الغلط بتاعها وطالبه من قلبك الكبير ده السماح ما انا طول عمرى بغلط وانتى بطيبة قلبك بتسامحينى مجاتش على المرادى يا سوسو بالله عليكى سامحينى انا من غيركم ولا حاجه
سميه :- انتى مبقتيش مفهومه يا تمارا تصرفاتك بقيت غريبه ومقلقه
تمارا :- للاسف حبى ليوسف كان هيضيعنى وحبى ده هو اللى خلانى اعمل كل ده
سميه :- انا مش قادره اورى وشى لناس بعد الفضيحه اللى انتى عملتيها دى
تمارا :- يا ماما مين مهم عندك راحة بنتك ولا كلام الناس
سميه :- بنتى طبعآ بس برضه كلام الناس مش هيخلص
تمارا :- كده الناس بتتكلم وكده الناس بتتكلم كلام الناس مبيخلصش مهما عملتى يا ماما
سميه :- بصت الاتجاه التانى ومردتش عليها
تمارا :- وحياة عماد عندك سامحينى
سميه :- ماشى يا تمارا اول واخر مره تتصرفى تصرفات زى دى تانى فاهمه
تمارا :- حرمت والله انا ناويه اعنس جمبك اصلا وحضنتها
سميه :- ضربتها على كتفها وقالت انتى يا بت ناويه تشلينى
تمارا :- ضحكت وقالت بعد الشر عليك يا جميل بحبك يا ابيض يا عرسى انت
سميه :- فيه بنت محترمه تقول لامها كده
تمارا :- مش انا قولت
سميه :- اه
تمارا :- يبقى فيه وقعدت تضحك وفى الوقت ده دخل عماد قربت سميه من بنتها وقالت
سميه :- روحى صالحى ابوكى علشان زعلان منك اوى
تمارا :- لاء ده كله كوم وزعل عماد ده كوم تانى
عماد :- سابهم ودخل اوضه
تمارا :- راحت خبطت على الباب ودخلت
عماد :- روحى اوضك يا تمارا انا مش عايز اتكلم فى الموضوع ده دلوقتى
تمارا راحت قعدت على الأرض قصاد ابوها ومسكت أيده وقالت انا اسفه يا بابا ارجوك سامحنى انت عارف ان انا مقدرش على زعلك انت بالذات
عماد :- لاء قدرتى يا تمارا لما معملتيش لينا كلنا حساب واحرجتينا قدام الناس كلها يبقى قدرتى ، من يوم ما اتقدم ليكى ياسين وانا اللى بطلب منك ترفضى وتبعدى عنه بس انتى كنتى دايمآ بتعاندى ومصممه على رأيك لحد قبل ما تنزلى بدقايق قولتلك ارفضى يا تمارا وانا هنزل ألغى الفرح بأى حجه قولتيلى لاء يا بابا هتجوزه احنا مقصرناش معاكى بحاجه إنما انتى قصرتى معانا كتير اوى يا تمارا دى كانت انانيه منك يا بنتى
تمارا :- حقك عليا بجد انا عارفه أن انا غبيه وحماره وان غلطى كبير بس قلبك انت اكبر وهتسامحنى يا بابا
عماد :- انتى متعرفيش انتى عملتى فيا ايه بعد عملتك دى يا تمارا
تمارا :- اترمت فى حضنه بدموع وقالت كفايه ارجوك مش قادره استحمل زعلك اكتر من كده انت عارف انت غالى عندى قد ايه يا بابا انت نور عينى اللى بشوف بيها لو زعلت منى هشوف الدنيا تانى ازاى سامح بنتك اللى متقدرش تشوف نظرة غضب منك ليها أنا طول عمرى بغلط وانت يا بابا بتمسك ايدى وتشدنى لصح وتوجهنى ليه انا عايشه بنصايحك ليا ومقدرش اعيش من غيرها انت عمرى يا بابا انت فرحت ايامى كلها انت سندى وضهرى ولو زعلت منى ضهرى هيكون مكشوف وهقع يا بابا
عماد :- اتنهد بوجع ومد أيده على ضهرها وطبطب عليها وضمها فى حضنه
تمارا :- مسكت فى ابوها اكتر وقعدت تعيط
عماد :- بعدها عن حضنه ومسك وشها بين ايديه ومسح دموعها وقال مش عايز اشوف دموعك دى تانى فاهمه
تمارا :- ابتسمت بحب وقالت فاهمه يا بابا فاهمه وحضنته جامد وباست خده وقامت وقفت وقالت هروح بقى انام النهارده وانا مرتاحه كل حاجه رجعت الحمدالله زى الاول والحياة بقت طبيعيه وفتحت الباب وخرجت
عماد :- بص عليها وهى ماشيه وابتسم وقال ربنا يريح قلبك ويسعد ايامك يا بنتى يارب وقام يغير هدومه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
مر شهر على ابطالنا
نزل بدر الشركه مع رحمه بعد محاولات كتير جدآ من رحمه ويارا علشان يوافق
انس مسألش على يارا طول الشهر اللى فات وبدر عرف كل حاجه يوسف لسه بيحاول مع تمارا علشان تسامحه وهى رافضه النهارده يوم عالمى عند مالك وندى النهارده ليلة فرحهم
فى الاوضه الخاصه بندى فى الفندق كانت قاعده متوتره وقالت
ندى :- يا بنات انا خايفه اوى
رحمه :- شوف مين اللى بتتكلم وبتقول خايفه امال فين الانحراف وانك هتموتى على الجواز وكده
ندى :- ما هو انا لسه هموت على الجواز واللى بعده بس برضه مش عارفه خايفه ليه اوى النهارده
تمارا :- ما هو لو انتى مخوفتيش تبقى انسانه مش طبيعيه مش شرط من اللى هيحصل بينك وبينه بس فكرة انك هتبقى زوجه ومسؤوله عن راجل وطفل وبيت كامل هيكون مسؤول منك بجد فكره مرعبه جدآ
رحمه :- عندك حق يا تيمو فكره صعبه بس برضه فكره انك هتبقى مع الشخص اللى بتحبيه وبيحبك علطول وهتبقوا عيله واحده حلوه اوى يارب قرب البعيد بقى
تمارا :- انتى مالك بقيتى تتكلمى شبه البت ندى كده
رحمه :- الحب حلو اوى يا تيمو وبصت ليارا وقالت مالك ساكته كده ليه يا يارا
يارا :- سبونى فى حالى ابوس ايديكم
تمارا :- فيكى ايه يا يارا
ندى :- ما انتوا عارفين أن هى قاعده عند بدر وسايبه بيتها
رحمه :- الصراحه اخوكى ده مستفز اوى شهر بحاله مسألش فيها حتى بمكالمه واحده يخربيت كده يا شيخه
ندى :- يعنى انتوا شيفنى فرحانه اوى بقاعدته معانا فى البيت ده انا شوفت المرار فى الشهر ده منه ده انا كنت هتشل وربنا
تمارا :- بس بجد حرام اللى بيعملوا فيها ده هو قلبه قاسى اوى كده ليه عليها حرام هى استحملت بما فيه الكفايه
يارا :- بدموع انا كل اللى غايظنى أن حتى لما روحت عندهم علشان اساعد ندى فى تحضير الحاجه بتاعتها شافنى ولا سأل فيا ولا كأنى مراته ولا يعرفها
ندى :- والله ماما بتحاول تكلمه بس هو مش راضى يتكلم معاها فى اى حاجه تخص يارا
يارا :- ورغم كل اللى بيعمله فيا ده بحبه ومش قادره أكرهه
تمارا :- هو فيه حاجه واجعه قلوبنا غير الحب ده وفى الوقت ده الباب خبط
يارا :- خليكم انا هقوم افتح وراحت فتحت الباب لاقته انس اتوترت وقالت ا.ا.انس نعم ع.ع.عايز ايه
انس :- ندى خلصت
يارا :- ايوه
انس :- خليها تيجى يلا
يارا :- اتنهدت وقالت طيب ودخلت بزعل وقالت بيقولك اخوكى يلا
ندى :- وقفت وقالت يا منجى من المهالك يارب واخدت نفس عميق وقالت شكلى حلو يا بنات
تمارا :- قمر والله العظيم
رحمه :- الله يكون فى عون مالك ده مش بعيد يخطفك ويهرب من الفرح
يارا :- اخلصى مش ناقصين التانى يتعصب علينا فى يوم زى ده
انس :- بصوت عالى خلصوا يلا
يارا :- شوفتى امشى بقى وخرجوا الاربعه من الاوضه وراحوا عند انس
انس :- قرب من راسها وباسها وقال مبروك يا حبيبتى
ندى :- بفرحه الله يبارك فيك يا انس وحطت دراعها فى دراعه
يارا :- بصت على انس والدموع فى عينيها وبصت لتمارا ورحمه
تمارا ورحمه كل واحده فيهم حطت دراعها فى دراع يارا ونزلوا التلاته وراه انس وندى
مالك :- اول ما شاف ندى وقف متنح مكانه
انس :- وقف قصاده وقال مش عايز تاخد مراتك
مالك :- ها ا.ا.اه طبعآ وسلم عليه وقرب من راس ندى وباسها
ندى :- ابتسمت ليه بكسوف وحطت دراعها فى دراعه
مالك :- ايه الجمال ده بس قمر اوى والله
ندى :- وانت مز اوى على فكره
مالك :- بقولك ايه ما تيجى نهرب ونطلع على اوضتنا ايه رأيك
ندى :- يا سلام والفرح
مالك :- صدقيني الاوضه احسن مليون مره من الفرح
ندى :- بلاش جنان وامشى يلا
مالك :- يا عين امك على اللى هتشوفيه منى النهارده هتموتى يا سوسو
ندى :- مالك بلاش قلة ادب
مالك :- دى قلة الأدب هتكون الراعى الرسمى لليله النهارده قال بلاش قلة ادب قال
تمارا :- طيب بالنسبه لناس اللى مستنيه حضرتكم مش ناوين تمشوا بقى
يوسف :- بلاش السهوكه بتاعتكم دى واخلصوا مش ناقصين فقع مراره
رحمه :- دول مالك وندى اساس السهوكه من غيرهم هيفقع مرارتنا
ندى :- فيه ايه منك ليها ما تتلموا ميغركمش أن انا لابسه فستان ابيض وعروسه وكده لاء ده انا اقطعكم هنا
مالك :- سيبك منهم يا روحى دول ناس متغاظين مننا امشى يا قلبى يلا
تمارا :- يا دمكم سم اوى الصراحه
وراحوا كلهم على القاعه وقعدوا ندى ومالك فى المكان المخصص ليهم وراحوا البنات قعدوا على ترابيزه وانس وبدر ويوسف على ترابيزه وبدأت فقرات الحفله بالراقصه السلو ما بين مالك وندى
وقفوا الاتنين فى النص وحط مالك دراعه حاولين وسط ندى وندى حطت ايديها على كتفه وبدأوا يرقصوا مع بعض
مالك :- انا حاسس ان بحلم معقول خلاص من النهارده هتبقى فى بيتى وملكى انا بس
ندى :- وانا كمان مش قادره اصدق حاسه أن انا بحلم
مالك :- بحبك اوى يا ندى بوعدك هعيشك اسعد واحده فى الدنيا دى كلها مش هندمك عمرى على انك وافقتى تكونى مراتى
ندى :- انا بحبك وواثقه فيك وعارفه انك هتكون احن واحسن الراجل فى الدنيا دى بحالها وان انا عمرى ما هندم على قرارى ده ربنا يخليك ليا وتفضل ضهرى وسندى فى الدنيا
مالك :- شالها ولف بيها والكل سقف ليهم ونزلها وقال بعشقك يا ندى بموت فيكى
ندى:- حضنته وقالت وانا بحبك اوى اووووى يا مالك
مالك :- بهزار فين بقى
ندى :- هو ايه ده
مالك :- البوس مش انتى قولتى هتقطعينى بوس فى القاعه
ندى :- بصدمه انا قولت كده
مالك :- بضحك ايوه للبنات فى المكتب حتى اسأليهم
ندى :- افتكرت ووشها احمر من الكسوف وضربته على كتفه وقالت بس بقى متكسفنيش
مالك :- يخربيت كده يا شيخه هو فيه حلاوه كده فى الدنيا وضمها فى حضنه وقعدوا يرقصوا مع بعض وفى الوقت ده الديجى طلب من الكابلز يشاركوهم الرقصه
يوسف :- تيجى نرقص
تمارا :- لاء انا هرقص مع كريم اخويه وقامت وقفت وراحت اخدت كريم وراحوا يرقصوا
بدر :- انا طبعآ لو قولتلك تعالى نرقص هنتقطع هنا
رحمه :- نبيه يا حبيبى وبتلقطها وهى طايره وضحكت
انس :- راح مد أيده ليارا
يارا :- بصت لايده وبصت الاتجاه التانى وقالت مش عايزه ارقص
انس :- مسك ايديها شدها وقفها
يارا :- قولتلك مش عايزه ارقص
انس :- امشى يا يارا الناس بتبص علينا
بدر :- روحى مع جوزك يا يارا
رحمه :- امشى يا بنتى بلاش توقفى كده
يارا :- نفخت وبصت ليهم ومشيت معاه
انس :- حط أيده حاولين وسطها وبص ليها
يارا :- قربت ايديها ببطئ على كتفه وحطت ايديها على كتفه وبصت على الأرض وبدأوا يرقصوا مع بعض
انس :- :- مش ناويه ترجعى بيتك بقى
يارا :- ده على اساس أن انا فارقه معاك اوى
انس :- انتى شايفه ايه
يارا :- شايفه أن انا ولا حاجه عندك جوازه كده وخلاص وانت ندمت عليها شايفه نفسى واحده ملهاش اى اهميه عندك ولا فى بالك اصلا يا انس
انس :- خلصتى كلامك
يارا :- لاء مخلصتش انا بجد تعبت وكرهت نفسى من معاملتك ليا وتجاهلك ليا طول الوقت انت كنت عايز ايه ها عايز تورينى أن انا ولا حاجه برافوا ليك علشان قدرت توصلها ليا بجداره اخد اللى انت عايزه منى ورمتنى زى الكلبه فى البيت ولما مشيت وروحت بيت اخويه مسألتش فيا ولا حتى بكالمة تليفون حسستنى أن انا كنت جبل على قلبك وما صدقت أنه انزاح وارتحت افرض يا سيدى مشيت من البيت علشان اعرف نفسى مهمه عندك ولا لاء ايه الغلط فى كده الحمدالله انت أكد ليا ان انا ولا حاجه عندك انت كسرت فيا كل حاجه حلوه وكل ده ليه علشان عارف ومتأكد إن انا بحبك ومهما عملت فيا هستحملك بس كل انسان وليه طاقه يا انس
انس :- خلصتى كلامك
يارا :- انت ايه طريقتك دى كل اللى نازل عليك خلصتى خلصتى اه يا انس خلصت اتفضل اتكلم
انس :- انا بحبك وبعشقك ومش قادر على بعدك اكتر من كده وواحشتينى اوى يا يارا
يارا :- بصت ليه بصدمه وقالت اللى انا سمعته ده بجد
انس :- ايوه بجد انتى من ساعة ما سيبتى البيت وانا مدخلتش فيه علشان مش هستحمل اقعد ثانيه واحده وانتى مش موجوده فيه البيت من غيرك ولا حاجه يا يارا
يارا :- ولما انت كده ليه مسألتش فيا طول الفتره اللى فاتت دى
انس :- سيبتك تريحى اعصابك شويه وقولت انك هتبقى مشغوله مع ندى علشان كده مضغطش عليكى وسيبتك براحتك
يارا :- يعنى انت بتحبنى بجد ولا بتقولها ليا زى المره اللى فاتت علشان مزاجك وبس
انس :- انتى شايفه كده
يارا :- انا بقيت مش شايفه حاجه خالص يا انس بجد انا بقيت تايهه ومش فاهمه اى حاجه
انس :- مسك ايديها اللى على كتفه وقربها من شفايفه وباسها وقال متزعليش منى يا يارا
يارا :- بصت ليه مده وحضنته وقالت مهما تعمل فيا هفضل احبك برضه
انس :- ضمها اكتر فى حضنه وباسها من خدها وكملوا رقص
عند بدر ورحمه
رحمه :- بدر
بدر :- نعم
رحمه :- بابا اهو
بدر :- اه من عارفه ماله
رحمه :- مش عايز تقوله حاجه
بدر :- لاء هقوله ايه
رحمه :- بدر افتكر الله يكرمك
بدر :- سكت شويه وقال مش فاكر برضه
رحمه :- هتشل
بدر :- بعد الشر عليكى يا حبيبتى
رحمه :- روح اطلب ايدى من بابا يا بدر فهمت كده
بدر :- مالها ايدك سلامتها
رحمه :- اصوت والم الناس عليا اخطبنى يا ابن الناس قبل ما يجرارى حاجه
بدر :- قعد يضحك وقال ما انا فاهم من الاول بس كنت بهزر معاكى
رحمه :- ضربته على كتفه وقالت والله العظيم غلس
بدر :- قعد يضحك وقال بس بحبك
رحمه :- طيب ايه روح بقى
بدر :- حاضر يا بنتى أهدى وسابها وراح عند حسام وقال احم ل.ل.لو تسمح ليا بكلمتين
حسام :- اتفضل يا ابنى
بدر :- انا بدر موظف عندكم و.و.وكنت عايز اخد ميعاد من حضرتك علشان اطلب ايد الانسه رحمه بنت حضرتك
حسام :- امممم تمام بكره بعد العشا
بدر :- أن شاءالله بعد اذن حضرتك
حسام :- اه طبعآ اتفضل
بدر :- راح قعد على الترابيزه واخد نفس وقال الموضوع ده طلع صعب اوى الصراحه
رحمه :- ها قالك ايه
بدر :- قالى هيستنانى بكره بعد العشا
رحمه :- بفرحه بجد
بدر :- يارب يوافق بس
رحمه :- أن شاءالله هيوافق وهبقى حبيبتك ومراتك وام عيالك
بدر :- يارب يا حبيبتى يارب وفى الوقت ده النور اتقطع والكل استغرب
تمارا :- بأستغراب هو فيه ايه والنور اشتغل تانى وبصت جمبها لاقت يوسف قاعد على ركبته قصادها وفاتح علبه وقال
يوسف :- تمارا تتجوزينى
تمارا :- بصت ليه بصدمه والدموع اتجمعت فى عينيها ولفت ضهرها ومردتش عليه
يوسف :- انا اسف يا تمارا على كل اللى عملته فيكى انا عارف ان غلط فى حقك كتير بس انا خلاص صلحت غلطى ده وجاى ليكى ندمان وبطلب منك السماح وبتمنى انك توافقى على طلبى تتجوزينى يا تمارا
تمارا :- لفت ليه وبصت فى عينيه وقالت بدموع ............
🦋مزاولة حب🦋34
🐝الفصل الرابع وثلاثون 🐝
فى القاعه
طلب يوسف الجواز من تمارا وقصاد الناس كلها واعترف بغلطه واعتذر وانتظر ردها عليه بصت ليه تمارا بدموع وقالت
تمارا :- مش موافقه يا يوسف انت وجعت قلبى وجرحتنى وبسببك انت، انا عملت حاجات كتير من غير تفكير بس لازم ابعد عنك علشان اقدر اعيش يا يوسف روح شوف ابنك اللى فى بطن طليقتك روح دور على واحده لسه فيها الروح تنفعك إنما أنا خلاص مبقتش أنفع ليك يا يوسف وبصت ليه كتير وسابته ومشيت
يوسف :- بص عليها وهى ماشيه بحزن وراح ركب عربيته ومشى بيها وانتهى الفرح وكل واحد روح على بيته
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند مالك وندى
طلعوا الاتنين على الاوضه بتاعتهم وفتح مالك الباب ولسه هتدخل ندى الاوضه
مالك :- منعها وقال لاء استنى
ندى :- ا.ا.ايه فيه ايه
مالك :- ميل عليها وشالها وقال مينفعش عروستى الجميله تدخل اوضتها على رجليها كده ودخل الاوضه وقفل الباب برجله
ندى :- ابتسمت ليه بحب ولفت دراعها حاولين رقابته ونامت على كتفه
مالك :- دخل الاوضه عند السرير ونزلها وقال ندى حبيبتى انتى مالك تقلتى كده
ندى :- ده مش انا ده الفستان والله
مالك :- لالالا لازم اتأكد بنفسى
ندى :- ازاى يعنى
مالك :- يعنى اقلعك الفستان واشيلك من غيره
ندى :- ضربته وقالت بس يا قليل الادب
مالك :- قليل الادب ايه انتى مراتى يا بنت الناس الطيبه تعالى يلا اقلعك
ندى :- انت يا ابنى بتفكر ازاى بس فيه واحد اول ما يدخل مع مراته يقولها يلا تعالى اقلعك الفستان فين الرومانسيه فين الهزار فين الحمام علشان هموت وادخل الحمام من بدرى
مالك :- بضحك لاء واضح اوى انك انتى اللى رومانسيه ادخلى يا اختى الحمام اهو وابقى شدى السيفون بعد ما تخلصى علشان بقرف
ندى :- انت مجنون والله ما طبيعى ودخلت الحمام وقفلت الباب وراها وسندت عليه وقالت أهدى يا ندى دى ليله عاديه مش ده مالك حبيب قلبك اللى كنتى بتحلمى تبقى معاه طيب خايفه ليه دلوقتى لاء انا مش خايفه انا هموت من الرعب
مالك :- ايه يا حبيبتى لدرجاتى عندك امساك
ندى :- ا.ا.اتلم ا.ا انا خارجه اهو
مالك :- يا مسهل وقعد وربع على السرير
ندى :- مدت ايديها علشان تفتح الباب ورجعت سحبتها تانى وقالت لاء مش قادره انا خايفه اوى اعمل ايه دلوقتى وراحت بصت فى المرايا وقالت امال عامله نفسك قويه ومش خايفه ليه قدامه وانتى اصلا جبانه وقعدت تاكل فى ضوافيرها
مالك :- اجى اساعدك طيب
ندى :- ت.ت تساعدنى فى ايه
مالك :- فى اى حاجه بس علشان ننجز يعنى
ندى :- ل.ل.لا شكرآ
مالك :- طيب انتى ناويه تتأخرى اكتر من كده ولا حاجه لو ناويه تتأخرى قولى انام شويه لحد ما تخرجى
ندى :- ل.ل.لاء انا خارجه اهو
مالك :- ما انتى بقالك ساعه بتقولى انا خارجه يا حبيبتى لو الباب مش عارفه تفتحيه اجى افتحه والله
ندى :- ل ل لاء انا بعرف افتحه لوحدى
مالك :- هه يا مسهل
ندى :- أجمدى بقى واخرجى واخدت نفس عميق ومدت ايديها وفتحت الباب وخرجت وهى بتبص فى الارض
مالك :- حمدالله على السلامه كفاره يا جدع وقام عندها وقرب منها وقال كل ده تغيبى عليا واحشتينى اوى فى الشويه دول والله وقرب من شفايفها ولسه هيبوسها
ندى :- ا.ا.انا عايزه ادخل الحمام
مالك :- احلفى
ندى :- سابته ودخلت تجرى وقفلت الباب وراها
مالك :- على فكره بقى حرام والله اللى انتى بتعمله فيا، ده نظام شوق ولا دوق ده ولا ايه
ندى :- س.س سورى يا حبيبى انا خارجه اهو
مالك :- ااااه انا خارجه اهو طيب انا اخد تعسيله بقى لحد ما تخرجى
ندى :- خبطت برجليها فى الارض وقالت ايه حصلى مالى مش على بعضى ليه انا ليه خايفه اوى كده هوف بقى ياربى بصى انا هخرج واسيبله نفسى واللى يحصل يحصل بقى ومدت ايديها عند الباب وسحبتها تانى وقالت لاء انا خايفه اوى وفى الوقت ده لاقت الباب بيتفتح ومالك داخل ليها اتصدمت وقالت ا.ا.انت ازاى تدخل عليا الحمام كده
مالك :- مسك ايديها وخرجها من الحمام
ندى :- انت ازاى تفتح الباب وتدخل عليا الحمام
مالك :- مشى صوابعه على شفايفها وقال شششش أهدى يا ندى
ندى :- اخدت نفس وقالت مالك انا خايفه اوى
مالك :- ابتسم ليها وشدها فى حضنه وقال أهدى يا حبيبتى مش عايزك تخافى من حاجه انا بحبك وعمرى ما هأذيكى يا ندى ولو كان اللى هيحصل ما بينا ده هيأذيكى انا عمرى ما كنت هفكر المسك أبدآ
ندى :- مسكت فيه بخوف
مالك :- مد أيده على رباط الفستان وبدأ يشده
ندى :- حاولت تبعد عن حضنه
مالك :- قربها اكتر ليه وقال أهدى يا ندى وسيبى نفسك ليا ومتخافيش وفك رباط الفستان وفتحه وبدء ضهر ندى العريان يظهر ويلمسه بأيديه
ندى :- متحركتش من حضنه ومسكت فى قميصه اكتر وغمضت عينيها
مالك :- قرب من رقابتها وباسها وبعدها عن حضنه وبص فى عينيها وقال بحبك يا ندى ومش عايزك تخافى منى
ندى :- هزت راسها بمعنى حاضر
مالك :- مد أيده على كتفها وبدء ينزل الفستان واحده واحده وهو بيبص فى عينيها
ندى :- مسكت أيده وقالت س س.سبنى انا اكمل وادخل انت غير هدومك واتوضى
مالك :- ابتسم ليها وقال ماشى وقرب من شفايفها وباسها برقه واخد هدومه ودخل الحمام
ندى :- اخدت نفسها وقالت ده ايه الغلب ده بس ياربى وبدأت تغير هدومها ولبست الاسدال بتاعها وانتظرت خروج مالك
مالك :- خرج من الحمام واتفاجئ بجمال ندى فى الحجاب وقال تعرفى انك فى الحجاب جميله اوى
ندى :- بجد
مالك :- والله العظيم ايه رأيك تلبسيه
ندى :- اتحجب
مالك :- ايوه وفيها ايه انا عايز شعرك ليا انا لوحدى
ندى :- مش عارفه انا عمرى ما فكرت فى الموضوع ده الصراحه
مالك :- تعالى نصلى دلوقتى ونتكلم فى الموضوع ده بعدين
ندى :- ماشى
مالك :- بدأ يصلى بندى الركعتين وبعد وقت انتهى وقال الدعاء وبص لندى وقال ربنا يبارك ليا فيكى يا حبيبتى وقام وقف ومسك ايديها وقفها وقال تحبى اقلعك انا الاسدال ولا تقلعيه انتى
ندى :- ا.ا.اى حاجه
مالك :- فك ليها الطرحه وبدء يقلعها الاسدال وحدفه على الأرض وبص على جسمها وقال ده انتى طلعتى طلقه يا بنت اللذينه
ندى :- بكسوف م.م.مالك متكسفنيش بقى
مالك :- شدها فى حضنه وقعد يضحك على كسوفها
ندى :- ضحكت على ضحك مالك وقالت انت غلس والله
مالك :- بعدها عن حضنه ومسك وشها بين ايديه وقال بس بعشقك والله وقرب من شفايفها وباسها ومد أيده على حمالة القميص ونزلها ليها وعلى الحماله التانيه ونزلها ليها وقرب من رقابتها وباسها وميل عليها وشالها وحطها على السرير
ندى :- كانت ماسكه فيه بخوف ومسلمه نفسها ليه
مالك :- بص ليها وقال لو مش مستعده ابعد يا ندى اهم حاجه عندى انتى والله
ندى :- شوية خوف صغيرين متقلقش عليا
مالك :- والله يا ندى انتى عندى اهم من الدنيا بحالها مش معنى ان النهارده ليلة الدخله اجى عليكى وانتى خايفه الايام الجايه ما بينا كتير انا ممكن اصبر عليكى العمر كله
ندى :- ابتسمت ليه بحب وقربت من شفايفه وباسته
مالك :- فرح بحركة ندى وعمق البوسه و(سكتت شهرزاد عن الكلام الغير مباح)
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى فيلا عماد
دخلت رحمه الاوضه عند تمارا وقالت
رحمه :- ايه يا بنتى الجنان ده ازاى تعملى كده ده انتى روحك فيه انتى غاويه تعذبى نفسك وخلاص
تمارا :- اعمل ايه يا رحمه مش قادره أنسى اللى عملوا فيا انا اتعذبت بسببه كتير اوى اه لسه بحبه بس مش قادره اتقبل فكرة أن أكون فى حضنه بديل لواحده تانيه يعنى لو مكانتش ارين طلعت خاينه مكانش هيطلقها ولا يفكر يعمل اللى هو بيعملوا ده انا عند اخوكى بديل مش اكتر يا رحمه
رحمه :- لاء غلطانه يا تمارا يوسف بيحبك بجد وبلعكس ارين هى اللى كانت مجرد بديل ليكى عند يوسف بدليل لما رجع وشافك حبه ظهر ليكى قصاد الكل هى كانت مجرد شهوه مش اكتر اه غلط بس مفيش انسان مبيغلطش خصوصآ لو عاش حياه ساهله زى اللى هو عاشها بره كل حاجه كانت متاحه ليه وكبر على كده شاف واحده سهله وكل حاجه عندها عادى محبهاش هى حب جسمها الشيطان زينها فى عينيه علشان يفعل المحرمات ورجع عرف غلطه ده وندم عليه سامحيه يا تمارا ده ربنا عز وجل بيسامح يبقى احنا البشر منسامحش ليه
تمارا :- بدموع مش قادره اخد اى قرار دلوقتى يا رحمه انا هروح اقعد يومين فى اسكندريه وافكر بهدوء هناك انا قولت لبابا وقالى روحى فكرى براحتك
رحمه :- اصبرى طيب بكره بليل اروح معاكى علشان بدر جاى يتقدم ليا بكره ومش هينفع اروح معاكى النهارده
تمارا :- انا هروح بالعربيه النهارده وانتى لو عايزه تيجى بكره ابقى تعالى مع نفسك
رحمه :- اه يا واطيه مش هتخليكى جمبى فى يوم زى ده
تمارا :- معلش يا رحمه ده لسه تعارف اكيد فى التقديم هكون معاكى انا لازم ابعد يا رحمه عايزه اكون لوحدى افكر بهدوء من غير ضغط عليا
رحمه :- ماشى يا حبيبتى روحى وانا بكره هجيلك أو بعد بكره بكتير يلا تصبحى على خير وباستها من خدها وخرجت
تمارا :- بصت على رحمه وهى ماشيه وقامت وقفت فى الشباك واتنهدت بوجع وحطت ايديها على رقابتها ومسكت السلسله وبصت على شباك يوسف لاقيته ضلمه دخلت قعدت على سريرها وقالت يا ترى اللى انا عملته ده صح ولا غلط ضيعت الفرصه من ايدى ولا انقذت قلبى من غدره ريحت قلبى ولا تعبته يارب أنا تعبت ومبقتش فاهمه حاجه وقامت حضرت شنتطها ونزلت والكل نايم وركبت عربيتها ومشيت بيها على اسكندريه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى شقة انس
دخلت يارا مع انس الشقه وبصت ليها بأشتياق وبصت لانس وقالت
يارا :- شقتنا واحشتنى اوى يا انس
انس :- متعملهاش تانى مهما حصل ما بينا اوعى فى يوم من الايام تسيبى بيتك فاهمه
يارا :- ابتسمت ليه وقالت فاهمه
انس :- ادخلى غيرى هدومك يلا
يارا :- وانت مش هتدخل تغير هدومك فى الاوضه انت كمان
انس :- ابتسم ليها وقال لما انتى تخلصى الاول لو عايزانى ادخل وانتى بتغيرى معنديش مشكله
يارا :- اتكسفت ووشها احمر وقالت م.م.مش قصدى كده انا قصدى تدخل تغير هدومك فى الحمام
انس :- يعنى مكنتيش تقصدى الاوضه
يارا :- بصت ليه بكسوف ودخلت على الاوضه وقفلت الباب وقالت ايه اللى انتى قولتيه ده يدخل الاوضه يغير هدومه ازاى وانتى بتغيرى غبيه مش بتاخدى بالك من كلامك وراحت فتحت الدولاب واخدت هدوم منه وفتحت الباب واخدت هدومها ومشيت علطول على الحمام من غير ما تبص على الكنبه وفتحت باب الحمام فى نفس الوقت اللى انس كان خارج منه وهو صدره عريان وحاطط البشكير على وسطه وخبطت فى صدره العريان وحطت ايديها على صدره وبصت ليه بصدمه وقالت ا.ا انت بتعمل ايه هنا و.و.وازاى هنا وهناك وبصت على الكنبه لاقيتها فاضيه بصت ليه وغمضت عينيها
انس :- ضحك على كلامها ورفع وشها بأيده وبص على شفايفها وقرب منها وباسها
يارا :- اتفاجئت باللى حصل وفتحت عينيها بصدمه وبصت ليه
انس :- بعد عن شفايفها وقال واحشتنى شفايفك اوى وغمز ليها وسابها ودخل الاوضه
يارا :- وقفت مكانها مصدومه وبصت عليه وهو داخل الاوضه واخدت نفس عميق وقالت شكلى داخله على ايام عسل ودخلت الحمام واخدت شاور وخرجت من الحمام ودخلت اوضتها لاقت صنية اكل محطوطه على السرير استغربت ولسه هتلف بضهرها لاقت انس بيحضنها من ضهرها وبيبوسها من رقابتها وبيقولها واحشتينى
يارا :- ابتسمت بحب وقالت وانت كمان واحشتنى اوى
انس :- قرب من ودنها وقال بهمس بحبك يا يارا بعشقك
يارا :- حضنت أيده اللى حضناها وقالت وانا بموت فى كل حاجه فيك بعشق كلامك وضحكك وحركاتك حتى عصبيتك بحبها كل حاجه فيك يا انس انا بهواها وإدمان عندى
انس :- لفها ليه وقربها من حضنه وقال يعنى انتى لسه بتحبينى و مكرهتنيش زى ما قولتى
يارا :- لاء طبعآ انا عمرى ما اقدر اكرهك
انس :- قرب من شفايفها وباسها بوسه رقيقه وقال يلا تعالى كلى انا حضرته ليكى بأيدى
يارا :- تسلم ايدك يا قلبى اسرح شعرى الاول طيب وانشفه
انس :- اقعدى كلى انتى وانا هسرحه ليكى
يارا :- بصت ليه بأستغراب وقالت انت هتسرح ليا شعرى
انس :- ايوه وفيها ايه تعالى بس وقعدها على السرير وحط الاكل على رجليها وقال كلى وملكيش دعوه بحاجه
يارا :- طيب انت مش هتاكل
انس :- كلى انتى بس وانا لما اسرح شعرك هاكل وبدء يشيل الفوطه من على شعرها ومسك الفرشه وبدء يسرح ليها شعرها
يارا :- رفعت راسها وبصت ليه بحب وابتسمت ليه واخدت حته من السندوتش ومدت ايديها عند بؤق انس وقالت خد حته منى
انس :- اخد حته من السندوتش وكمل تسريح شعر يارا
يارا :- كانت فرحانه جدآ وقعدت تاكل وتأكل انس معاها وهو سرح ليها شعرها ونشفه ليها
انس :- حلو كده
يارا :- تسلم ايدك ومسكت أيده وباستها وقالت ربنا يخليك ليا يارب
انس :- شال الصينيه على الكومدينوا ونام على السرير واخد يارا فى حضنه وقال ولا يحرمنى منك يارب وباس راسها
يارا :- ممكن أسألك سؤال
انس :- اسألى
يارا :- ايه سبب التغير المفاجئ معايا ده يا أنس
انس :- اتنهد وقال الشهر اللى بعدنا فيه عن بعض قعد كتير مع نفسى وقررت أن كفايه كده لازم اوصلك مشاعرى واعيش معاكى كل لحظه حلوه محدش عارف هيخلص عمره امته
يارا :- ربنا يطول فى عمرك ويخليك ليا يا انس طيب معلش سؤال تانى
انس :- براحتك اسألى
يارا :- وانت ليه كنت بدارى مشاعرك عنى مدام بتحبنى ليه كنت بتعاملنى كده
انس :- يارا انا فقد اعز صديق ليا فى الدنيا دى شيلته على ايديا وهو سايح فى دمه صاحبى اللى مات ده مات وهو لسه عريس ومراته حامل فى ابنه مات من قبل ما يشوف ابنه ويفرح بيه مات وساب مراته فى الدنيا لوحدها سابها تربى ابنهم لوحدها احنا الشغلانه اللى احنا فيها دى كل يوم ظباط بيموتوا ويسيبوا امهم وابوهم وعيالهم ومراتتهم فى الدنيا دى لوحديهم انا مكنتش عايز يحصل معاكى اللى حصل مع صاحبى ومراته خوفت اتقتل على ايد الاهاربيين واسيبك فى الدنيا لوحدك خوفت اقرب منك واموت واسيب ابنى فى الدنيا من قبل ما اشوفه خوفت عليكى وعلى وجعك لو حصل ليا حاجه خوفت تتقهرى زى القهره اللى شوفتها فى عيون مرات صاحبى، علطول كانت صورتها قدام عينى خوفت تنهارى زيها انا مش خايف من الموت والله خوفى كله عليكى انتى يا يارا وعلى وجع قلبك
يارا :- كانت دموعها نازله منها ومسكت فيها وقالت بعد الشر عليك يا حبيبى ربنا يجعل يومى قبل يومك يارب وبعدين يا انس اللى انت عملته ده غلط وحرام احنا كلنا هنموت مش شرط تكون ظابط فى الجيش لاء اى انسان هيموت لكل اجلا كتاب يا حبيبى لينا ميعاد محدش هيتقدم دقيقه ولا هيتأخر دقيقه يبقى ليه تخاف من الموت (قُل لَّن يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا ۚ وَعَلَى اللَّهِ فَلْيَتَوَكَّلِ الْمُؤْمِنُونَ) سيبها على ربنا وتوكل عليه وأن شاءالله ربنا هيحميك انت واللى زيك بإذن الله
انس :- انتى اكبر نعمه ربنا بعتها ليا فى الدنيا دى
يارا :- بحب وانت احلى حاجه فى الدنيا دى كلها يا انس
انس :- قرب من شفايفها وقال بحبك وباسها بوسه طويله و(سكتت شهرزاد عن الكلام الغير مباح)
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى فيلا حسام
فى اوضت يوسف
دخل يوسف اوضه وهو حزين قعد على حرف السرير بتاعه وحط راسه ما بين ايديه وقال
يوسف :- تمارا خلاص راحت من ايدك يا يوسف
حسام :- لاء مراحتش من ايدك يا ابنى
يوسف :- بأستغراب ازاى يا بابا وهى رفضتنى قصاد الناس كلها
حسام :- مش انت عايز تتجوز تمارا
يوسف :- اكيد طبعآ يا بابا انا بحلم باليوم ده
حسام :- يبقى هقولك تعمل ايه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
اشرقت شمس صباح يوم جديد بنورها الساطع فى سماء الاسكندريه وصلت تمارا اسكندريه واول مره متكونش عايزه تنام نزلت الشنطه بتاعتها فى الشاليه وخرجت تتمشى على البحر ووقفت قصاد الميه وسرحت فى اللى حصل فى الفرح وقعدت تلعب برجليها فى الميه وفى وقت ده سمعت صوت بينده عليها بصت على الصوت وقالت بصدمه
تمارا :- انت بتعمل ايه هنا
يوسف :- جيتلك علشان متبقيش لوحدك
تمارا :- جيت هنا ازاى قبلى وعرفت ازاى أن انا هنا اصلا
يوسف :- جيت بسرعه علشان جيت فى الطياره ومين قالى العصفوره
تمارا :- اكيد رحمه الكلبه الجاسوسه ده انا مش هسيبها لما اشوفها
يوسف :- قرب منها وقال ليه عملتى كده فيا يا تمارا ورفضينى
تمارا :- لان المفروض هو ده اللى يحصل ولو سمحت امشى بقى انا جيت اقضى يومين لوحدى بعيد عن المشاكل ووجع الدماغ
يوسف :- انا مش همشى من هنا غير لما تبقى مراتى
تمارا :- وحياة امك بتحلم ولسه هتمشى
يوسف :- مسكها من دراعها وقال هتبقى مراتى يعنى هتبقى مراتى وهتشوفى
تمارا :- سحبت دراعها بغيظ منه وسابته ومشيت راحت على الشاليه الخاص بيهم ودخلت اوضتها ونامت على السرير وقالت بيحلم قال مش هيمشى من هنا الا وانا مراته قال وابتسمت على كلامه وغمضت عينيها ونامت
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى القاهره
فى الفندق
صحيت ندى من نومها ورفعت راسها لفوق وبصت على مالك وهو نايم بكسوف وابتسمت بحب وقربت من خده وباسته بس اتفاجئت أن مالك غير اتجاه وشه والبوسه جات فى شفايفه وقربها اكتر ليه وعمق البوسه وبعد وقت بعد عنها وقال
مالك :- احلى صباح ده ولا ايه
ندى :- ا.ا.انت كنت صاحى
مالك :- من بدرى وعمال ابص عليكى وانتى نايمه واول ما لاقيتك بتفتحى عينيكى عملت نفسى نايمه علشان اشوفك هتعملى ايه
ندى :- ضربته على كتفه وقالت كداب وغلس ولسه هتقوم
مالك :- شدها فى حضنه وقال رايحه فين بس استنى هقولك
ندى :- اوعى يا مالك عايزه ادخل الحمام
مالك :- انتى ايه حكايتك مع ام الحمام ده عامله عقد معاه ولا ايه انا بدأت اغير منه ده انتى بتدخلى تقعدى فيه اكتر ما بتقعدى معايا
ندى :- قعدت تضحك وقالت انت مجنون مش طبيعى على فكره وقامت من جمبه ودخلت الحمام وفى الوقت ده تليفون مالك رن برقم يوسف رد عليه وقال
مالك :- بزمتك انت عندك دم فيه حد يتصل بعريس فى وقت زى ده طيب افرض كنت مشغول ولا حاجه
يوسف :- ابلع ريقك يا ابنى خلينى أصبح عليك الاول صباحيه مباركه يا عريس ايه عملت الصح ولا عرتنا
مالك :- فشر انا راجل يا ابنى والحمدلله المهمه تمت بنجاح
يوسف :- مبروك يا عريس
مالك :- الله يبارك فيك عقبالك انت وتمارا يارب
يوسف :- يارب يا اخويه يسمع من بؤقك ربنا
مالك :- بس ايه اللى حصل انا قولت انك هيجيلك اكتئاب بعد رفض تمارا ليك فى الفرح بس انا شايف العكس ماشاءالله صحتك بتيجى على الكسفه يا ابنى
يوسف :- ما انا عندها فى اسكندريه ومش هرجع من هناك إلا وهى مراتى
مالك :- اسكندريه ومراتك انا مش فاهم حاجه
يوسف :- هقولك وقال ليه كل حاجه
مالك :- صلاة النبى احسن هو ده الكلام هكون عندك بكره من النجمه وهأجل سفر إيطاليا بعدين
يوسف :- اهم حاجه مراتك اوعى تتكلم
مالك :- لاء متقلقش
يوسف :- سلام
مالك :- سلام وقفل السكه وشويه وخرجت ندى من الحمام وهى لابسه البورنص قام وقف وراح عندها وحضنها من ضهرها وباسها فى خدها وقال خلصتى الحمام اللى وخدك منى ده
ندى :- ضحكت وقالت اه خلاص
مالك :- طيب مستعجله ليه على الشاور
ندى :- قصدك ايه
مالك :- مد أيده على حزام البورنص وقال قصدى أن فيه موضوع مهم ولازم نتكلم فيه دلوقتى حالا
ندى :- مسكت أيده وقالت انت هتعمل ايه
مالك :- ما قولتلك عايزك فى موضوع مهم
ندى :- لاء بقى اوعى كده
مالك :- لاء اوعى ايه بس احنا عرسان فى أول يوم يا حبيبتى ده انا حتى نسيت اقولك صباحيه مباركه يا عروسه وشالها وحطها على السرير وشد الحزام بتاع البورنص وفتحه وقال استعنا على الشقا بالله وقرب منها وباسها و(سكتت شهرزاد عن الكلام الغير مباح)
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى شقة انس
صحى انس من نومه وباس راس يارا وهى نايمه وسحب ايديه من تحت راسها براحه علشان متصحاش وخرج من الاوضه دخل الحمام اخد شاور واتوضه وخرج لبس هدومه واده فرضه ودخل المطبخ يحضر الفطار ليارا
يارا :- صحيت من نومها على صوت تليفونها بصت فيه لاقيتها رحمه قامت قعدت وردت عليها وقالت صباح الخير يا رحمه
رحمه :- صباحيه مباركه يا عروسه امبارح كان عندنا عروستنا ندى وأخوها فى ليله واحده
يارا :- يا ساتر يا بنتى قل اعوذ برب الفلق هتقرى ولا ايه
رحمه :- لاء حضرتك انا بحسد بس وضحكت
يارا :- عقبالك يا ستى انتى وبدر وتريحونا بقى
رحمه :- يارب يا اختى يسمع من بؤقك ربنا ايه هتيجى النهارده مع بدر وهو جاى يقابل بابا
يارا :- بفضل أن بدر يقعد الاول مع ابوكى لوحده وبعد كده نروح معاه فى الخطوبه
رحمه :- هييييح خطوبه امته يبقى فرح علطول واروح معاه بيتنا بقى
يارا :- يا بنتى مالك بتتكلمى شبه البت ندى كده ليه
رحمه :- اعمل ايه لاخوكى جننى بحبه
يارا :- ربنا يسعدكم يارب المهم متصلتيش بالبت ندى اطمنتى عليها
رحمه :- اطمن على مين يا اما ده المفروض نطمن على مالك منها وضحكت
يارا :- عندك حق والله زمانها افترسته وضحكت
رحمه :- بقولك اعملى حسابك كلنا رايحين اسكندريه
يارا :- بأستغراب هنعمل ايه هناك
رحمه :- هقولك بس تمارا متعرفش حاجه
يارا :- قولى متخافيش
رحمه :- هقولك وقالت ليها كل حاجه
يارا :- احسن طريقه والله تمارا مش هينفع معاها غير كده
رحمه :- حاولى بقى تقنعى انس يوافق ياخدك اسكندريه
يارا :- ماشى هقوله يلا باى وقفلت السكه
انس :- دخل وقعد جمبها على السرير ومسك ايديها وباسها وقال صباح الخير
يارا :- بحب صباح النور كنت فين كده
انس :- حضرت ليكى الفطار
يارا :- قلبى الصغير لا يحتمل انت متأكد ان حرارتك مش عاليه ولا حاجه
انس :- ضحك وقال لاء انا خفيت على ايدك يا يارا وباس خدها وقال يلا افطرى
يارا :- اخدت السندوتش واكلت حته منه وقالت طيب وانت مش هتاكل
انس :- هاكل طبعآ واخدت سندوتش واكل منه
يارا :- وهى بتاكل قالت انس
انس :- نعم
يارا :- عايزين نروح اسكندريه بكره
انس :- بأستغراب اسكندريه ليه
يارا :- قالت ليه اللى رحمه قالته ليها
انس :- بس صعب نروح اسكندريه علشان الشغل يا يارا
يارا :- بزعل طيب انا اروح وانت ابقى تعالى ورايا
انس :- برضه مش هينفع
يارا :- ليه بس
انس :- كده
يارا :- بس
انس :- قطعها وقال خلاص يا يارا قولتلك مش هينفع مبحبش اكرر كلامى كتير
يارا :- يووووه عمرك ما هتتغير وقامت دخلت الحمام
انس :- بص عليها وهى ماشيه واتنهد وخرج من اوضه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى القاهره
انتهى اليوم وجاء الليل ووصل بدر الفيلا عند رحمه وهو متوتر ودخل انتظر نزول حسام دخلت رحمه ليه وقالت
رحمه :- اهدا شويه انت ايه موترك كده بس
بدر :- مش عارف والله بس خايف ابوكى يرفضنى
رحمه :-متقلقش بابا طيب اوى واهم حاجه عنده انا واكيد لما يسألنى هقوله أن انا عايزاك وهو هيوافق علشانى
بدر :- ربنا يستر بقى
وفى الوقت ده دخل حسام وسلم على بدر وبص لرحمه وقال
حسام :- روح هاتى حاجه ل وبص لبدر
بدر :- بدر حضرتك أسمى بدر
حسام :- هاتى لبدر حاجه يشربها
رحمه :- حاضر وبصت بعينيها لبدر تطمنه وخرجت وسابتهم
حسام :- امبارح قولتلى انك عايز تخطب بنتى رحمه صح
بدر :- ا.ا ايوه
حسام :- كلمنى عن نفسك طيب
بدر :- ا.ا.انا أسمى بدر عاشور عندى تلاتين سنه من عيله فقيره أبويه متوفى من زمان اوى وامى لسه متوفيه كنت شغال فى شركه خاصه والمرتب كان صغير اشتغلت مكانيكى فتره علشان اجهز اختى وجوزتها الحمدالله واشتغلت عندكم فى الشركه من مده صغيره وقدرت الحمدالله اظبط نفسى وعندى الشقه بتاعتنا انا واختى هتجوز فيها
حسام :- امممم وانت بقى تعرف رحمه بنتى من قبل ما تشتغل فى الشركه ولا بعدها
بدر :- لاء من قبل ما اشتغل فى الشركه عندكم هى صاحبة اختى يارا
حسام :- اه انت اخو يارا
بدر :- ا.ا ايوه
حسام :- طيب هتقدر تعيش بنتى فى نفس المستوى اللى هى عايشه فيه ده
بدر :- لاء طبعآ حضرتك انا شاب فقير وانا فهمت وضعى كله لرحمه وهى وافقت على كده رغم أن انا حاولت ابعد عنها علشان مظلمهاش معايا بس احنا الاتنين بنحب بعض ومقدرناش نبعد عن بعض حضرتك
حسام :- انا بقترح أن بلاش موضوع الشقه ده وانكم تعيشوا معانا هنا فى الفيلا وتبقى عايشه فى نفس المستوى
بدر :- اسف حضرتك انا بحب اكون مسؤول على مراتى يعنى يوم ما هتبقى على أسمى هتنسى عيشت الفيلا والرفاهية وترضى بالعيشه بتاعتى يا اما كده يا اما بلاش منها جوازه خالص مش انا الشاب اللى هيرضى يعيش عال على أهل مراته اسف حضرتك وقام وقف
حسام :- ضحك وقال اقعد يا بدر انا سعيد جدآ بيك وكلام بنتى عليك طلع كله صح
بدر :- بأستغراب انا مش فاهم حاجه
حسام :- يعنى رحمه قالت ليا ظروفك كلها وقالت ليا انك شاب مكافح ومختلف وعندك عزة نفس غريبه وعمرك ما تقبل المساعده وانا أتأكد من كلامها ده وهديك بنتى وانا مطمن عليها
بدر :- بفرحه يعنى حضرتك موافق
حسام :- بأبتسامه ايوه
بدر :- بفرحه مش عارف اقول ايه لحضرتك انا بوعدك هحط رحمه فى عينى وعمرى ما هزعلها أبدآ
حسام :- خبط على كتفه وقال انا واثق انك هتعمل كده وفى الوقت ده دخلت رحمه وهى معاها العصير والإبتسامة مرسومه على شفايفها
حسام :- مبروك يا بنتى
رحمه :- الله يبارك فيك يا بابا
حسام :- شوف هتكون جاهز امته للخطوبه يا ابنى
رحمه :- ممكن اتكلم بعد اذنك يا بابا
حسام :- اتكلمى يا بنتى
رحمه :- انا من رأى بلاش موضوع الخطوبه دى انا شايفه أن بدر يلبسنى الدبله كده وخلاص والفرح فى الليله الكبيره ايه رأيك يا بدر
بدر :- اللى انتوا تقولوا عليه انا معاكم فيه
حسام :- يبقى على خيرة الله والفرح بعد سنه أن شاءالله
رحمه :- سنه ده كتير اوى يا بابا
حسام :- قام وقف ومسكها من ودنها وقال سنه حلوه يا لمضه
رحمه :- اه اه يا بابا خلاص سنه حلوه يا كبير
بدر :- ضحك وقال انا لو عليا تبقى النهارده مش بكره بس باباكى عنده حق علشان اقدر اجهز كل حاجه يا رحمه
رحمه :- طيب كتب كتاب طاااه
حسام :- خبط على أيد على ايد وقال ده ايه الجيل المهبب ده البنات بقت هى اللى مستعجله
بدر :- ضحك على كلام حسام
حسام :- نقرأه الفاتحه وبدأوا يقروا الفاتحه ودخلت سميحه وسلمت على بدر وباركت ليهم وخرجت هى وحسام وسابوا رحمه قاعده مع بدر
رحمه :- انا مش قادره اصدق نفسى انت خلاص بقيت خطيبى رسمى نظمى فهمى
بدر :- ضحك وقال اه خلاص بقيت خطيبك وانتى بقيتى خطيبتى
رحمه :- بس سنه كتير اوى انا كنت عايزه ابقى فى بيتك فى أقرب وقت ممكن
بدر :- معلش يا حبيبتى ربنا يرزقنى وانا هحاول أنجز قبل السنه
رحمه :- يارب يا حبيبى انا استناك العمر كله يا بدر
بدر :- ربنا يخليكى ليا ويبارك ليا فيكى يارب
رحمه :- بس برضه مش هتنازل عن كتب الكتاب انا عايزه اكون على اسمك بأى طريقه
بدر :- ربنا يسهل يا قلبى شويه واكلم ابوكى على موضوع كتب الكتاب ده
رحمه :- بفرحه ماشى واخدت العصير ومدت ايديها بالعصير وقالت اشرب
بدر :- اخد العصير ومسك ايد رحمه وباسها وقال بحبك
رحمه :- ابتسمت ليه وقالت وانا بعشقك
بدر :- امال فين يوسف
رحمه :- يوسف فى اسكندريه
بدر :- بيعمل ايه
رحمه :- رايح وراه تمارا علشان وقالت ليه كل حاجه
بدر :- بفرحه بجد
رحمه :- اه والله واحنا لازم نكون هناك بكره ايه رأيك
بدر :- فكره حلوه هروح معاكم
رحمه :- بفرحه هيييييه
بدر :- ابتسم ليها بحب وقال مجنونه بس بعشقك وشرب العصير وقام ومشى
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى اسكندريه
صحيت تمارا من نومها وبصت فى تليفونها وقالت
تمارا :- يا لهوى انا نمت كل ده وقامت دخلت الحمام وبعد وقت خرجت وأدت فرضها وقالت انا جعانه اوى وخرجت من الاوضه بتاعتها وخرجت من الشاليه وراحت على المطعم ودخلت وطلبت اكل واتفاجئت يوسف بيقعد معاها على الترابيزه وبيقول
يوسف :- هات ليا انا كمان زيها بالظبط
تمارا :- اتنهدت وقالت يعنى انا مش هخلص منك
يوسف :- لاء
تمارا :- واخرتها
يوسف :- هتجوزك
تمارا :- وانا قولتلك بتحلم
يوسف :- اوقات كتير الاحلام بتتحقق
تمارا :- بصت ليه ومردتش عليه
يوسف :- مسك ايديها وقال بحبك
تمارا :- شدت ايديها وقالت وانا بكرهك وسبنى فى حالى بقى
يوسف :- خلاص بقى يا تيمو انسى اللى فات وخلينا ولاد النهارده
تمارا :- لاء برضه
وفى الوقت ده الاكل جه وقعدوا الاتنين ياكلوا
يوسف :- مد أيده وقال خدى دى من ايدى
تمارا :- لاء مش عايزه حاجه منك انت ايه يا اخى جبله
يوسف :- لاء انا بعشقك
تمارا :- ابتسمت وكملت اكلها وبعد وقت خلصت اكل ولسه هتحاسب
يوسف :- هتعملى ايه
تمارا :- هحاسب
يوسف :- مينفعش طبعآ فيه واحد يسيب مراته العسل دى تحاسب على اكلها وهى معاه
تمارا :- مراتك لاء ده انت راحت منك على الاخر واخدت شنتطها ومشيت وسابته
يوسف :- حاسب على الاكل وقام يجرى وراها وقال تمارا استنى يا بنتى
تمارا :- وربنا لو مبعدش عنى هصوت والم عليك الناس واقول انك بتعاكسنى
يوسف :- هو فيه حد بيعاكس مراته برضه
تمارا :- عاااا هتشل انت مش هتبطل شغل المراهقين ده بقى
يوسف :- وانبى عسل وبحبك
تمارا :- والنبى انت غلس ودمك تقيل وسابته ومشيت ورجعت تانى عند البحر وقعدت قصاد الميه
يوسف :- قعد جمبها
تمارا :- مش هنخلص بقى من شغل العيال ده يا يوسف
يوسف :- لاء
تمارا :- انا زهقت بجد والله
يوسف :- قرب منها وحط أيده على كتفها وقال فى ايدك ترتاحى من كل ده يا حبيبتى بلاش عند وقولى موافقه وكل حاجه هتبقى تمام
تمارا :- بصت على ايده اللى على كتفها وزقتها وقالت متلمسنيش تانى فاهم
يوسف :- بضحك خلاص خلاص أهدى الله يرحم ايام زمان لما كنتى كل شويه فى حضنى
تمارا :- كنا اطفال احباب الله مش شحط زي دلوقتى
يوسف :- قعد يضحك على كلامها
تمارا :- ابتسمت على ضحكت يوسف وقالت انت مش طبيعى على فكره
يوسف :- والله يا تمارا انتى جننتينى معاكى
تمارا :- بصت ليه واتنهدت وقالت امال انا اقول ايه على اللى انت عامله فيا
يوسف :- قولى سامحتك وموافقه أننا نتجوز
تمارا :- وقفت وقالت لاء ولسه هتمشى اتفاجئت بياسين بصت ليوسف وبصت لياسين وقالت بصدمه ياسين بتعمل ايه هنا
ياسين :- انا رجعت اعيش هنا مع ذكرياتك يا تمارا
تمارا :- اتنهدت وقالت انا اسفه يا ياسين
يوسف :- مش خلصنا بقى راجع تانى ليه
ياسين :- انا مرجعتش انا هنا بقالى كذا يوم
يوسف :- طيب اتكل على الله يلا
تمارا :- يوسف متتكلمش معاه كده وبصت لياسين وقالت متزعلش يا ياسين
ياسين :- مبقاش فيه حاجه تزعلنى بعد اللى حصل منك يا تمارا
يوسف :- اللهم طولك يا روح ما تمشى بقى
ياسين :- بص ليوسف بغيظ وبص لتمارا بحب وسابهم ومشى
تمارا :- انت ازاى تتكلم معاه كده
يوسف :- متتكلميش معاه تانى لو سمحتى ده شخص مش محترم
تمارا :- استغفر الله العظيم انت مالك اتكلم معاه ولا لاء دى حاجه تخصنى انا وسابته ورجعت تانى على الشاليه وقعدت تفكر فى كلام يوسف وتضحك وسمعت صوت غريب فى الشاليه استغربت وقامت تشوف مين ملاقتش حد وسمعت الصوت فى اوضتها فتحت الباب ودخلت وبصت فى الاوضه ملاقتش حد ولسه هتخرج ايد شدتها ودخلتها الاوضه والباب اتقفل وحط أيده على بؤقها بصت تمارا ليه بصدمه ونزل أيده من على بؤقها قالت انت بتعمل ايه هنا فى اوضى