رواية احتواء القاسي
الفصل التاسع والعشرون29
بقلم سوسو تويكس
تاني يوم كان شغال بتلفونو اتذكرت البت ديك الكان رسلت ليهو ريكورد، قعدتا مسافه وشفتو لسه مندمج في التلفون، وانا من جوا بغلي عديل اكيد دي البت ديك_لينه:حلوة صح؟ _ختا التلفون وقالي:شنو؟ _لينه:بتكلم عن بت اليوم داك، مش دي هي زاتها البتتراسل معاها حسي_ابتسم بالجمبه وقال:هااا قصدك اماني يخ حلوةبس دي مزة عديل_عيوني رغرغو قربتا ابلعو كبايه الشاي البشري فيها _قلتا بانفعال:ده ما عدل، حتى لو زواج علي الورق طالما انا احترمتا قرارك وقطعتا تواصلي مع بكري، المفروض انت زاتك تقطع تواصلك معاها_قعد يضحك فيني وقال:اماني دي اختي يا هبلة_لينه:كيف يعني انت عندك اخت غير ملاذ _معتصم:ما الا اختي بت امي وابوي، اماني دي اخت امنيه الله يرحمها الصغيره، ونحنا من زمان اتربينا سوا وما بفرق بينها وبين ملاذ_لينه:مش كانو جيرانكم _معتصم:ايي ورحلو لكن تواصلنا معاهم لسه مستمر_لينه:طيب وبكري ما برضو اخ... _معتصم:لا ما اخوكي وانا بكره زول يعاين ليك بنفس نظرتي ليك وما تفتحي سيرتو_لينه :نظرة شنو؟ _غيير الموضوع وقال:خلينا من ده، عااد غيرتك صعبه يا بت أمريكا 😂_لينه:لا.. ما.. قصدي ما _معتصم:خلاص عرفنا غيرتك ما بتتفسر🙂_فنيتو بالمسند الجمبي قعد يضحك_معتصم:اها ما ناويه تفسحيني في بلدك يا بت امريكا_لينه:بفسحك لكن على حسابك _معتصم:لكن تفلسي بي باقي الايام دي تقعدي بدون اكل_قعدتا اضحك _المهم مشيت اتجهزتا لبستا لي فستان لكن طويل ودي اول مره في حياتي في أمريكا البس فستان طويل_كا بيجي ومشجر بالكبدي _بعد اتجهزتا طلعتا من الحمام وقت شافني نزل الفريم الكان لابسو بحركة خلتني اتلش فيهو كان لابس تي شريت بالكبدي وبنطلون بيجي _لينه:احساس مطقمين 🐸_معتصم:احساس صدفة ليس الا_شال منديل من الفي الغرفه وشفتو بقرب ما عرفتا امشي وين الباب وراي، عاينتا لقيتو قدامي قلبي عايز يطلع من محلو والبوظ اعصابي ريحة عطرو الاختلطت مع انفاسي_غمضتا عيوني عشان شويه كده وح ابكي من التوتر، مسح لي الروج بالمنديل ودخل لي الخصل الكان مطلعاهم، فتحتا عيوني شفتو مركز معاي قالي :كده احلى زح وانا يادوب قدرتا اتنفس، ضحك فيني وقال:صفي النيه مسحتا ليك الروج بس عشان كان شاذ، ما حصل الفي فهمك الشمال ده😂+شعرك ده ما اشوفو برا مفهوم_طبعا احرجني الحيوان🥲_المهم طلعنا ويا شوارع لاس فيغاس جاك زول...
يتبع