رواية لأنها توسل
الفصل الثاني والعشرون 22
بقلم سوسو تويكس
** جا وسلم واستئذن منهم،، قلبي في يدي وشغاله احنس فيهو:غيث ما تتهور الخطوبه ليه ما انتهت،، فكاني وهو بقول :ما بتهور حسي بس لحدي بعدين، ومن جمبي هنا ما تتحركي عشان ما اتصرف معاك تصرف ما يعجبك،،، سكتا ساي وانا بسب لفطوم كلو بسببها لبسو الدبل واتفقو انو العرس بعد شهر،، الحلاني من غيث انو احمد ناداهو يعرفو على اصحابو ما صدقت طوالي هربت الخطوبه خلصت ورجعنا البيت حوالي ٩ وانا قلبي في حلقي من الخوف اول ما دخلنا خلقت انقلبت وهو بقول:توسل لا اله الا الله،،، انا هنا شلتا الشهاده عديل، توسل:محمد الرسول الله مالك يا.. ،،انفعل وهو بقرب:كيف مالي؟ ، طلعتي شعرك واتزفتي عملتي الميكب في وشك وبعده ونسه وضحك مع أصحاب احمد وتسأليني مالك هااا،، دموعي طوالي جرو وانا بتمتم وشايف خلاص ح يطق ليهو عرق من الغضب:ت. تووبه و.. وال. الله توبه تاني ما بعيده،،، غيث:اصلا لو فكرتي تعيديها بشنقك وبدفنك في سابع ارض،،، شال نفس وهو بحاول يتحكم في غضبو قالي بهدؤ وهو بمسح دموعي :انا بغار و غيرتي كعبه ف احسن ليك لو ما عايزة يوم قتلك يكون على يدي اتجنبي غيرتي يا توسل،،، هزيت راسي بخوف شافني لسه بشهق من البكا قالي بضحك : لو شوفتي شكلك الميكب اتخرب بقاا فظييع😂،، سبحان مغير الاحوال بس عشان اتجنب غضبو ما سالتو دخلتا واستحيت وغيرتا كان شغال بتلفونو قعدتا في السرير بزهج ماف موضوع والزمن يادوب ١٠، شفتو بضحك في التلفون شيطاني قالي دي منو البتكلم معاها لمن يضحك🙂،، وعلى سيرة بت اتذكرت توسل ديك معقوله يكون لسه ما نساها فكرة الموضوع ساي بتنفسن بي قفل التلفون وهو بقول:الشين سرحان في شنو 🙂،، ابتسمت غصبا عني، سألتو :انت كان في بت في حياتك قبلي كده،، السؤال ما عجبو وحاول يغير الموضوع،، توسل:غيث ما تغير الموضوع،، غيث:لو عرفتي بحيصل شنو،، توسل :بيحصل كتير احتمال تكون بتحبها لحسي،، عاين لي باستغراب وقال:انتي في زول قال ليك كلام وجايه حسي تحققي، المهم يا ستي ح اجاوبك، ايي،، توسل:اسمها منو ونسيتها ولا لأ،، غيث :اسمها توسل، وايي يا ستي نسيت جدها زاتو تاني في شي،، بقيت اضحك ارتحت وقت قال كده وباين انو ما بكذب،، قالي:شفتي ضحكتك دي بتجهجه حبوبتي والله باقي اليل ده،، طوالي فصلت، عايزه انوم لقيتو حاوطني وهو بمشي يدو على شعري الحركه دي نقطة ضعفي نعستا ونمتا❥ـــــــــــــــــღـــــــــــــــــ❥
،، مضى اسبوع وكلو مرة غيث بخليني اكتشف حاجه جديده عنو وعايزني اتعود عليهو اكتر،، في يوم بليل في نص ونستنا قالي:انا عايز بت بتشبهك ما خده نفس تفاصيلك وكلو شي،، اتوترتا عايزه ارد الباب انقذني وقت ضرب مشا يفتحو وهو بقول:الباب انقذك بس جاييك ما تفرحي 😂،، طلع ده غسان قالي حاجه وغيث ملامحو اتغيرت شال مفتاح عربيتو وعايز يطلع،، سألتو :في شنو،، قالي استعجال وهو طالع:امي تعبت،، لبستا لي أقرب عبايه وتبعتو لقيتو شايلها وهي مغمى عليها وصلنا المستشفى وغسان وغزل منهارين،، بعد مسافه الدكتور طلع وهو بقول:هي حاليا كويسه وانتو عارفين انو عندها قلب والتوتر والزعل معاها ما كويس،، دخلنا ليها وغيث دموع جرو وهي ماسك يدها وبقول:لي بتعملي في نفسك كده يا أمي،، امو:مشيت عرستا غصبا عني وما عايزني ازعل، ما بقول ليك طلقها لكن عرس اسيل يا ولدي لو عايز رضاي عرس اسيل،، غيث:لو ده البرحيك حاضر يا أمي......