رواية لأنها توسل
الفصل الثالث والعشرون 23
بقلم سوسو تويكس
* دقايق صمت مرت وانا بحاول استوعب غيث قال شنو يعني وافق عكلام امو طب وانا والكلام القالو لي كلو كذب، معقوله انا سهلة للدرجه دي،، خرجوها لانو ماف شي خطير ورجعنا الفيله وحانت لحظه المواجهة سألتو ودموعي بدو ينزلو : ح تنفذ كلام امك القالتو،، جا قعدني في السرير ومسك يديني وهو بقول:انا عارف انو صعب عليك بس والله بالنسبه لي اصعب، ولولا امي م..،، قاطعتو وانا بنفض يدو وببكي:يعني ح تتزوج اسيل،، غيث: اهدي بالله عليك، انتي سمعتي الدكتور قال شنو، وامي دي عندها قلب من زمان وانا ما بقدر اتحمل خسارتها(سكت مسافه وقال:لو زواجي من اسيل بيمنع توتر امي وزعلها.. انا مستعد اتزوجها،، انهرت في البكا ما بقدر اتحمل فكرة انو واحدة تانيه تشاركني فيهو،، جا علي وحضني، حاولتا ازحو بس كان بشدد من احتضاني بقيت اضربو على صدرو وانا بقول :طلقني يا غيث،، بعد مني وهو منفعل وغضبان وقال: عجثتي الكلام ده،، توسل:انا ما.. ما بستحمل اشوفك مع غيري وانت ما بتقدر ترفض طلب امك عشان كده طلقني واي زول يشوف طريقو،،، انفعل فيني :ما انتي براك البتتعذبي انا بتعذب اكتر منك باضعاف، من جهة امي المضطر انفذ طلباتها عشان ما افقدها ومن جهة انتي الما قادرة تفهمي معناتي وفراقي ليك ساهل للدرجه دي.. يمكن انتي بتقدري تعيشي بلاااي بس انا ما بقدر، وربي ما بقدر،، وطلع من الغرفه وخلاني ما عارفه مشي وين بقيت ابكي بحرقه يعني حتى وقت رضيت بقسمتي، قسمتي ما عايزه ترضى بي💔، لقيت نفسي نمتا في الأرض من كترة البكا.....