رواية احلامي البريئه الفصل الرابع عشر14بقلم ملك روحي
مراد بالرغم من انه تحت تأثير البنج ومش داري بالدنيا إلا إنه مش قادر يفارق محبوبته. وقلبه حاسس بيها.
عبدالله بعد محاولات كتير انه يفك ايد احلام من ايدين مراد ولكنه فشل.
احلام؛ خلاص ياعبدالله سيبه انا هفضل شويه وبعدين نحاول تاني.
عبدالله؛ بس ده خلاص هيفوق وانتي قولتي انك مش عايزاه يعرف انك موجوده هنا.
احلام؛ وعيونها على مراد بصتله بهيام.. بس صاحبك مش مخليني امشي.
عبدالله؛ ابتسم على حاله صاحبه حتى وهوه مش دريان بالدنيا عنيد جدا.
مراد؛ وهوه تحت تأثير البنج.. بينادي على اخوه سليم.. متسبنيش ياسليم انا ماليش زنب خليك معايا هيا متستاهلش انك تموت عشانها ارجوك متمشيش انا محتاجلك. سلييييم سلييييم.
احلام. اتخضت وهيا سامعه مراد بينادي بعلوو صوته على سليم اخوه وحالته النفسيه سيئه.
عبدالله. قرب منه وحاول ينادي عليه عشان يفوق لكن مراد استمر بأنه ينادي على سليم وجسمه كله بيرتعش والعرق على جبينه.
بدأت احلام تفك ايديها من ايد مراد وقالت ل. عبدالله انها هتجبله حقنه مهدئه.
خرجت احلام عشان تشوف دكتور خالد وتساله عن حاله مراد وتجبله حقنه مهدئه. وبعد دقايق دخل الدكتور خالد عند مراد يطمن على حالته.
د. خالد؛ قرب من مراد وشاف نبضه.
عبدالله؛ طمني يادكتور.
د. خالد؛ اطمن حالته مستقره.
عبدالله؛ طيب هيفوق امتا.
د. خالد؛ دلوقتي هيفوق.
مراد؛ بدأ يهز رأسه بوجع وفتح عيونه وشاف عبدالله جنبه ودكتور خالد.. بص على عبدالله وابتسم انه جنبه. عبدالله قرب منه وابتسمله بحب.
عبدالله؛ حمدلله على السلامة يابطل كده تخضني عليك.
مراد؛ عبدالله انا مبسوط انك موجود. سامحني ياعبدالله انت عارف اني ماليش غيرك.
عبدالله؛ متتكلمش في حاجه دلوقتي لما نطمن عليك الأول.
د. خالد؛ حمدلله على السلامه حالتك مستقره دلوقتي انا بلغت الشرطه وهما جايين عشان يعرفوا مين اللي ضرب عليك نار يااستاذ مراد.
مراد؛ عينه على دكتور خالد وبيفتكر هوه شافه فين ومش قادر يفتكر.
د. خالد؛ أنت فاكر مين ضرب عليك نار وقت الحادثه.
مراد؛ هه مش فاكر انا معرفش مين ضرب عليا نار.
وكانت احلام في الوقت ده وصلت غرفه مراد بس قبل ماتدخل سمعت صوت مراد ووقفت من بعيد عشان تطمن عليه من غير مايشوفها.
مراد؛ انا شوفت حضرتك قبل كده يادكتور.
د خالد؛ ماظنش يااستاذ مراد اتقابلنا قبل كده.اسيبك ترتاح دلوقتي وهتابع حالتك كل شويه.وخرج د. خالد واحلام وقفت بعيد عشان ميشوفهاش. وقربت عشان تسمع مراد.كان قلبها واجعها عليه.
عبدالله؛ ايه اللي حصل يامراد ومين الناس دول اللي ضربوا عليك نار.. بقلمي #ملك روحي
مراد؛ هوه مفيش غيره كمال.
عبدالله؛ كمال وانت عرفت منين.
مراد؛ من كام يوم في رقم غريب كلمني وهددني بأنه هيحسرني على حياتي أو أي حد غالي عندي زي ماعمل مع سليم اخويا بس الظاهر كده ملقوش حد قريب مني يوجعوني عليه فقالوا يقتلوني بقاا وخلاص.
احلام؛ كانت واقفه وبتسمع كلام مراد والخطر اللي بيهدد حياته حطت ايديها على بقها وشهقت من الخوف.
عبدالله؛ لازم تبلغ البوليس يامراد مش لازم تسكت على اللي بيحصل ده.
مراد؛ البوليس هيعملي ايه هيعرف يجيب كمال. معرفوش يوصلوله بعد ماقتل سليم اخويا. صدقني مفيش حد هيقتله غيري ورحمه سليم ماهسيبه يايقتلني يااقتله.
عبدالله؛ اتعصب من كلام مراد.. انت بردوو العند مسيطر عليك وهضيع نفسك انت لازم تفوق يامراد وسيب الشرطه تتصرف.
مراد؛ خليها على الله.. ممكن أسألك سؤال ياعبدالله.
عبدالله؛ طبعا يامراد اسأل.
مراد؛ وهوه بيتلفت حوالين منه هيا احلام عامله ايه متعرفش حاجه عنها.
عبدالله؛ ايه اللي خلاك تفتكرها دلوقتي. مش خلاص الموضوع ده اتقفل.
احلام كانت سامعه كل حاجه وهيا واقفه جنب الباب.
مراد؛ مفيش حاجه بالنسبالي اتقفلت ياعبدالله انا عارف اني أذيتها ومقدرتش حبها ليا ولعبت بمشاعرها بس ربنا يعلم اني ندمت ياعبدالله.
عبدالله؛ ياريت عرفت ده من بدري يامراد كنت وفرت كتير على نفسك.
مراد؛ اتنهد بتعب.. مش قادر انسى ياعبدالله انا كرهت اي ست في الدنيا كرهتهم كلهم.
عبدالله؛ مش كل الناس زي بعض وان كانت واحده طلعت خاينه مناخدش حد بزنب حد.. وانت عارف ان. نيره كانت بتحبك بردوو.
مراد؛ والعصبيه اتمكنت منه. وقال بغضب.. متجبش سيرتها قدامي ولا عايز اسمع اسمها دي واحده خاينه انت ناسي انها مشتركه في موت سليم.
اعرفكم ب(نيره) حبيبه سليم اخو مراد.وهنعرف هيا عملت ايه في الأحداث اللي جايه.
عبدالله؛ لازم تنسى يامراد. سليم الله يرحمه خلاص وكمال تسيبه للشرطه تتصرف معاه وتنتبه لحياتك متوقفش حياتك كلها للانتقام هتخسر ايه تاني اكتر من اللي خسرته.
مراد؛ والدموع اتجمعت في عينيه.. اخويا سليم هوه اللي خسرته مات وهوه فاكر اني خونته انا كنت ضحيه للعبه اتعملت عليا ملحقتش اعرفه الحقيقه ولما حاولت كان خلاص الوقت فات ومشي وسابني.
عبدالله؛ قرب من مراد وحط ايده على كتفه.. ادعيله ربنا يرحمه سليم لو كان عايش مكانش هيقبل انك تضيع حياتك عشان ناس زي دول اسمع كلامي ياصاحبي.
مراد؛ بصله بحب سامحني ياعبدالله ومتسبنيش ياصاحبي انا محتاجلك.
عبدالله قرب منه وابتسم انا جنبك ياصاحبي وهفضل جنبك علطول بس انت شد حيلك كده وقوم بالسلامه.
مراد :ممكن تطمني عليها.
عبدالله؛ اطمن هيا كويسه وبخير.
مراد ابتسم بوجع واتنهد تنهيده كلها الم.. ياريتها كانت جنبي دلوقتي... بقلمي #ملك روحي
احلام كانت مصدومه من كلام مراد. ومشيت على مكتبها.
والشرطه جات تحقق مع مراد عشان يعرفوا مين ضرب عليه نار ومراد قالهم انه ميعرفش بس قالهم تحت ضغط من عبدالله ان في حد اتصل عليه من رقم غريب وهدده والشرطه اخدت الرقم للتحري عنه.
احلام خرجت من المستشفى عشان تروح بيتها وهيا نازله قابلت دكتور خالد..
د خالد؛ ممكن اوصلك يااحلام.
احلام؛ متشكره يادكتور انا هعدي على واحده صحبتي عشان اخد المحاضرات بتاعتي منها عشان مش بروح الكليه.
د خالد؛ طيب ممكن تتأخري عليها شويه واعزمك عالغدا.
احلام؛ وايه المناسبه يادكتور.
د خالد؛ طيب بس أقبلي عزومتي الأول.
احلام؛ مش هقدر يادكتور خالد عشان مقولتش لبابا ومش عايزه اتأخر عليه.
د خالد؛ احلام انا معجب بيكي وعايز اطلب ايدك.
احلام؛ أتفاجأت بكلام د. خالد. وقالت بتوتر.. انت فاجأتني بكلامك ده يادكتور.
د خالد؛ انا عارف انه مفاجأه بالنسبالك ومش عايز منك رد دلوقتي فكري وردي عليا.
احلام؛ حضرتك متعرفش عني حاجه ولا عن والدي ازاي بتطلب أيدي وانت متعرفش حاجه عن حياتي.
د خالد؛ ميهمنيش حد غيرك يااحلام وكل حاجه ممكن اعرفها لما نتخطب.
احلام :نتخطب انا مش عارفه اقولك ايه.
د خالد؛ متقوليش. وانا منتظر ردك.
احلام؛ هزت راسها وقالت ان شاء الله.
د خالد؛ عن اذنك.
احلام؛ رجليها مكانتش شيلاها من اللي سمعته واتصلت على غاده عشان تحكيلها اللي حصل معاها طول اليوم..