رواية احلامي البريئه الفصل الخامس عشر15بقلم ملك روحي
احلام قابلت غاده في كافتيريا وقعدوا يتكلموا واحلام حكيت كل اللي حصل معاها لغاده.
غاده؛ ومراد دلوقتي عامل ايه.
احلام؛ حالته مستقره.
غاده؛ طيب ودكتور خالد.
احلام؛ عايز يطلب أيدي وهوه ميعرفش عني حاجه تفتكري لو عرف ان بابا كان جنايني هيقبل يتجوزني.
غاده؛ وميقبلش ليه انتي دكتوره قد الدنيا ولا انتي متبريه من باباكي.
احلام؛ انتي عارفه اني اكتر واحده متفرقش عندي وليه بتقولي كده انتي بردوو لسه مش عارفاني ياغاده.
غاده؛ عارفاكي يااحلام وخايفه عليكي.
احلام؛ خايفه عليا من ايه.
غاده :من اللي جاي وانا شايفه انك تدي نفسك فرصه وتبدأي من جديد وتشوفي مستقبلك.
احلام؛ قصدك ايه ياغاده.
غاده؛ قصدي ان دكتور خالد مناسب جدا ليكي وكمان مستقبلك معاه كويس.
احلام؛ يعني اتجوزه عشان عنده مستشفى وهيضمنلي مستقبلي صح ياغاده. طب والحب.
غاده؛ حب. وانتي لما حبيتي خدتي ايه غير الكسره والقهر واخرتها عايرك وقالك يابنت الجنايني. فوقي يااحلام بقاا وشوفي مستقبلك.
احلام؛ انا عمري مهتجوز واحد وانا مبحبوش وعمري ماتجوز واحد عشان يضمنلي مستقبلي مش انا ياغاده حتى لو انجرحت قبل كده من الشخص اللي حبيته بردوو مش هتجوز واحد انا مش بحبه.
غاده؛ اهدي يااحلام وانا مقولتلكيش اتجوزي من غير حب. جربي اتخطبي مثلا وحاولي تقربي منه مش يمكن تحبيه.
احلام؛ مش عارفه ياغاده مش قادره افكر في حاجه واللي عايزاه دلوقتي اني اركز في دراستي وبس.
غاده؛ طيب ياحبيبتي اهم حاجه تكوني مرتاحه ومبسوطه.
احلام؛ تفتكري مراد ايه اللي حصل مع اخوه سليم ومين البنت دي اللي مات بسببها.
غاده؛ تاني مراد يااحلام انتي بردوو لسه بتفكري فيه.
احلام؛ مش بأيدي ياغاده صدقيني كل مااحاول انسي واضغط على نفسي الاقيني برجع لنقطه الصفر زي مايكون بضحك على نفسي. انا حبيته بجد حبيته من قلبي ومش حب يوم ولا شهر ولا سنه ده حب العمر ازاي عايزاني انساه كده بسهوله ولا اكنه كان موجود في حياتي.
غاده؛ انا عارفه انه صعب ومش سهل انك تغيري حاجات كتير اتعودتي عليها بس لو الحب ده هيكسرك ويجرحك ومش هيقدرك يبقى بلاش منه ولازم تنسى بالقوه.
احلام؛ والدموع في عينيها. انا تعبانه اوي ياغاده وبضعف اوي لما بشوفه وانا بعيد عنه بقول لنفسي انا قويه وهقدر اتخطاه وانسى. واول مااشوفه وأقرب منه بحس اني ضعيفه ومش قادره ابعد ببقى عايزه افضل جنبه على طول مش عارفه اعمل ايه قوليلي اعمل ايه ياغاده. انا بجد تعبت.
غاده؛ قربت منها واخدتها في حضنها. انا عارفه انه صعب يااحلام بس لازم تتحدى نفسك وتدوسي على قلبك عشان تكوني أقوى من كده عشان كده بقولك تدي نفسك فرصه وابدأي من جديد.
احلام؛ مسحت دموعها. وقالت هحاول... بقلمي #ملك روحي.
وعدي اليوم.. تاني يوم نزلت احلام عالمستشفى. ودخلت مكتبها. وقعدت اتنهدت بتعب وفجأه تليفون المكتب رن..
احلام :الووو.
د خالد؛ الوو ايوه يااحلام.
احلام :د خالد.
د خالد؛ ايوه عامله ايه النهارده.
احلام؛ انا بخير الحمد لله.
د خالد؛ ممكن تقبلي عزومتي انهارده عالغدا.
احلام؛ بتوتر.. انا بس طب والمستشفى.
د خالد؛ متقلقيش هنخلص شغل ونتغدي احلام انا عايز أقرب منك اكتر واتعرف عليكي زي ماقولتلك انا مش عايز اعرف ردك دلوقتي عايز نقرب من بعض الأول ونتعرف
احلام؛ افتكرت كلام غاده لما قالتلها لازم تدي نفسها فرصه تانيه.. وقالت تمام يادكتور خالد انا موافقه.
د خالد؛ يبقى اتفاقنا هخلص شغلي واعدي عليكي.
عند مراد. عبدالله مسابهوش خالص وكان جنبه طول الوقت. عبدالله نزل يجيب اكل وقهوه عشان يفطر.
مراد صحي من النوم وملقاش عبدالله جنبه وكان عايز يدخل الحمام فضل مستني وضرب الجرس والممرضه جاتله وسألها على عبدالله قالتله انها شافته في الكافتيريا.
عبدالله قالها انه هيستناه لما يطلع.
احلام كانت قلقانه على مراد وعايزه تطمن عليه خرجت من مكتبها عشان تمر عالعيانين اللي في المستشفى وهيا طالعه قابلت عبدالله.
عبدالله؛ صباح الخير يااحلام.
احلام؛ صباح الخير ايه الاخبار طمني.
عبدالله؛ اطمني بخير.
احلام؛ هوه عرف اني موجوده هنا.
عبدالله؛ لا معرفش اطمني.
احلام؛ اتنهدت بوجع ماشي ياعبدالله انا هسيبك بقا عشان عندي شغل.
عند مراد. عبدالله اتأخر عليه والممرضه كانت هتخرج.
مراد؛ لوسمحتي ممكن تساعديني أقف.
الممرضه؛ طبعا اتفضل. بس انت محظوظ اوي يامراد بيه.
مراد؛ وهوه بيحاول يقف. تقصدي ايه.
الممرضه؛ لما جيت هنا كانت حالتك صعبه ولحسن حظك الدكتور خالد كان موجود وكمان عندنا دكتوره قمر لسه جديده والمستشفي كلها بتتكلم عن شطارتها.
مراد؛ وانتي بتحكيلي كل ده ليه انا مالي.
الممرضه؛ أصلها كان باين عليها تعرفك كانت قلقانه عليك كده حتى دكتور خالد استغرب انها كانت خايفه عليك.
مراد؛ باستغراب تعرفني وكانت خايفه عليا. هيا اسمها ايه.
الممرضه؛ دكتوره احلام.
مراد؛ برق بعينيه احلام انتي متأكده انها دكتوره احلام محمد.
الممرضه؛ الله مانتا تعرفها اهوه وكمان عارف اسمها.
مراد :ايوه اعرفها وهيا بتشتغل هنا في المستشفى اللي اعرفه انها لسه بتدرس.
الممرضه؛ اه بس هيا هنا تحت إشراف الدكتور خالد وموصي عليها جامد.
مراد؛ دكتور خالد اااه انا دلوقتي افتكرت شوفته فين. طيب روحي انتي.
وخرجت الممرضه وبعدها دخل عبدالله.
عبدالله :صباح الخير يابطل انت صحيت.
مراد؛ بصله بعتاب.. ليه مقولتليش انها موجوده هنا في المستشفى.
عبدالله؛ باستغراب. هيا مين دي.
مراد؛ بعصبيه. انت عارف انا بكلمك عن مين احلام ياعبدالله ليه مقولتليش انها موجوده هنا مع اني سألتك عليها.
عبدالله :هيا اللي طلبت مني مقولكش.
مراد؛ حس بوجع في قلبه.. للدرجادي مش عايزه تقرب مني ولا عايزاني اشوفها.
عبدالله :ممكن ترتاح يامراد انت تعبان دلوقتي متفكرش في حاجه غير صحتك وبس.
مراد؛ عايز اشوفها ياعبدالله.
عبدالله؛ تشوفها ازاي اذا كان هيا رافضه انك تعرف انها موجوده هنا عشان متشوفهاش ولا هيا تشوفك.
مراد؛ اتصرف ارجوك ياعبدالله عايز اتكلم معاها. وكمان الممرضه قالتلي انها كانت جنبي في العمليات وكانت قلقانه عليا صح ياعبدالله.
عبدالله :حط ايده على كتفه اللي عايزك تعرفه ان احلام لسه بتحبك وكانت خايفه عليك جدا بس اللي حصل واللي عملته فيها... وقاطعه مراد وقال متكملش انا عارف اني طلعت واحد ندل وخاين بس انا حبيتها ياعبدالله وندمت ارجوك تساعدني انا مش عايزها تضيع من بين ايديا.
عبدالله؛ مفيش حد يقدر يساعدك انت بس اللي تقدر تصلح الغلط اللي عملته. احلام بتحبك وصدقني مش هتلاقي حد يحبك قدها انت مشوفتهاش كانت عامله ازاي لما كنت بين الحياه والموت.
مراد؛ ابتسم من قلبه. انا مش عارف اعمل ايه عشان أصلح اللي عملته ده شكلي ضيعتها من ايدي للأبد.
عبدالله؛ لو بتحبها يبقى لازم تحارب عشانها وتعرفها قد ايه بتحبها..
مراد :مش هضيعها من ايدي تاني ابدا مهما حصل.
عبدالله؛ بصله وابتسم وغمزله وانا معاك وهساعدك.
مراد؛ ابتسم. وحط ايده على بطنه بوجع. اااه انا نسيت كنت عايز ادخل الحمام..
عبدالله :ضحك بصوت عالي يلاا بسرعه تعالي ادخلك الحمام قبل ماتزروط الدنيا.
الممرضه قابلت احلام. وقالتلها الدكتور خالد نزل مشوار ضروري والدكتور محمد لسه مجاش المستشفى وقالي ابلغ حضرتك تمري عالعيانين وكمان بالأخص مراد بيه وتابعي حالته وبلغيه..
احلام :حطت ايدها على دماغها وقالت يادي المصيبه.