رواية مزاولة حب الفصل السابع والعشرون27والثامن والعشرون28بقلم دودو محمد
فى شقة انس
اتفاجئت يارا بوجود انس فى الاوضه وهى بتتكلم مع رحمه التليفون وقع من ايديها وقالت
يارا :- ا.ا.انت دخلت ازاى
انس :- من الباب
يارا :- م.م.ما انا عارفه من الباب دخلت ازاى من غير ما تخبط
انس :- الباب كان مفتوح ودخلت وبعدين فيها ايه لما ادخل أوضى لازم استأذن يعنى
يارا :- ا.ا.اه لازم تستأذن ما هى مش اوضك لوحدك افرض كنت بغير هدومى تدخل علطول كده
انس :- قرب منها وقال ياريت
يارا :- وقفت بصدمه وقالت ي.ي.يعنى ايه ياريت
انس :- قرب ليها اكتر وقال يعنى ياريت ادخل عليكى وانتى بتغيرى هدومك
يارا :- بكسوف ا.ا.ايه اللى انت بتقوله ده
انس :- شدها فى حضنه وقال فيها ايه ما انتى مراتى
يارا :- اتصدمت وبصت لفوق ونفسها سرع ومقدرتش تنطق ولا كلمه
انس :- بص على شفايفها وقرب منها ولسه هيبوسها بعد عنها وقال احم ر.ر.روحى اعمليلى واحد قهوه وخرج وسابها
يارا :- وقفت مكانها مصدومه من اللى حصل
انس :- من بره بصوت عالى يلا اخلصى
يارا :- انتفضت من مكانها وخرجت تجرى دخلت المطبخ وبدأت تعمل لانس القهوه وبعد وقت خلصت وخرجت وهى متوتره من المطبخ وحطت قدامه القهوه ودخلت تجرى تانى على الاوضه
انس :- غمض عينه واتنهد واخد فنجان القهوه شرب منه واتعصب وقال بصوت عالى ياااااارا انتى تعالى هنا بسرعه
يارا :- جات تجرى وقالت ن.ن.نعم
انس :- ايه الزفته اللى انتى عاملها دى
يارا :- م.م.مالها
انس :- اتفضلى دوقى
يارا :- بس انا مش بحبها
انس :- بعصبيه قولتلك دوقى
يارا :- اخدته من أيده وشربت منه وقالت بقرف ايه ده
انس :- اسألى نفسك يا هانم ايه ده
يارا :- احم ش.ش شكلى اتلغبط ما بين الملح والسكر ه.ه.هدخل اعملك واحده تانيه
انس :- مش عايز قهوه ولا زفت
يارا :- غلط يعنى مش جريمه
انس :- وقف بعصبيه وقال وليكى عين كمان تردى
يارا :- اه ارد حصل ايه يعنى مكنتش اقصد مش هتعلق ليا حبل المشنقه علشان عملت القهوه بالملح مش بالسكر
انس :- مسكها من دراعها وقال بت انتى مترديش
يارا :- شدت دراعها وقالت فيه ايه من ساعة ما دخلت الشقه وانت أوامر اوامر انت مش شارينى خدامه على فكره انت متجوزنى على سنة الله ورسوله يعنى بلاش تعيش دور سى السيد علشان مش هكون ليك امينه يا انس وسابته ودخلت الاوضه
انس :- بصلها بغيظ وهى داخله ودخل وراها الاوضه وشدها من دراعها وقفها وقال لاء يا يارا انا هعيش عليكى دور سى سيد وانتى هتبقى ليا امينه غصب عنك انا مش متجوزك علشان سواد عيونك وادلعك واهنيكى انا متجوزك علشان اكسرك مناخيرك اللى طلعتيها السما بعد ما كنتى هتموتى عليا
يارا :- تعرف انك حيوان يا انس
انس :- بصلها بصدمه
يارا :- اه والله حيوان علشان مفكر أن انا علشان بحبك هسيبك تتحكم فيا وتعاملنى بالطريقه دى بس لاء غلطان انا ممكن ادوس على قلبى عادى اوى مدام قلبى ده هيجرح كرامتى لأن انا كرامتى فوق كل شئ ومدام انت متجوزنى علشان تكسرى مناخيرى يبقى متحاولش علشان مش هتقدر وطلقنى من دلوقتى احسن
انس :- بصدمه اطلقك
يارا :- اه تطلقنى يا انس عارف ليه علشان مش عايزه اكرهك من أفعالك عايزه احتفظ بأنس اللى رسمته فى خيالى وحبيته
انس :- داس على أسنانه وشد يارا قربها اكتر منه بغيظ وقال طلاق مش هطلقك يا يارا وبص على شفايفها اتوتر وبلع ريقه وغمض عينه وقرب من شفايفها ولسه هيبوسها
يارا :- زقته وبعدته عنها وقالت بتوتر ل.ل.لو سمحت متقربش منى تانى
انس :- انا من حقى اخد منك حقى الشرعى
يارا :- بتوتر ت.ت.تقصد ايه
انس:- وهو بيقرب منها قال ايه نسيتى احنا كان مفروض دخلتنا امبارح
يارا :- وهى بترجع لوراه قالت ه.ه.هو انت مريض عندك انفصام فى الشخصيه انت مش طبيعى على فكره
انس:- وهو بيقرب منها قال مش طبيعى علشان بطلب حقى الشرعى
يارا :- وهى بترجع لوراه قالت ل.ل.لاء مش علشان كده بس لسه ك.ك.كنت متعصب وبتزعق و د.د.دلوقتى بتقولى عايز حقك الشرعى وضهرها خبط فى الحيطه
انس :- قرب منها وسند دراعه على الحيطه وقال والله ده ملوش دعوه بده وبعدين انا راجل وعيبه فى حقى لما مراتى تبقى بنت بنوت لحد دلوقتى
يارا :- بكسوف ها
انس :- ها ايه بلعتى لسانك
يارا :- بصت ليه بتوتر وبلعة ريقها وقالت ا.ا.ايه اللى انت بتقوله ده
انس :- ايه بقول اللى المفروض كان حصل من امبارح وقرب من شفايفها ولسه هيبوسها بص ليها لاقها مسلمه نفسها ليه ابتسم وقرب من ودنها وقال انا عارف انك مش هترفضى بس انا بقى اللى مش عايز وبعد عنها
يارا :- بصت ليه بصدمه وقالت انت اكيد مجنون والله العظيم ما طبيعى
انس :- علشان بس اعرفك انك بتاعت كلام وبكلمه واحده منى اجيبك
يارا :- يلعن ابو قلبى اللى حبك يا انس متفرحش اوى كده علشان كل اللى بتعمله ده هيقسى قلبى عليك وهتلاقينى كرهتك وبعد عنك وسعتها انت اللى هتجرى ورايا علشان اسمعك بس هتكون خلاص خسرتنى
انس :- بص ليها مده طويله وسابها وخرج
يارا :- قعدت على السرير وحطت ايديها على وشها وقعدت تعيط
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى الشركه
كانت رحمه وتمارا كل واحده منهم قاعده على المكتب الخاص بتاعها وقالت رحمه
رحمه :- انا خايفه على يارا والله العظيم من ابو الهول اللى معاها ده
تمارا :- على فكره ابو الهول ده بيحبها وبيموت فيها كمان بس هو اللى قفل شويه
رحمه :- قفل شويه بس قولى شويتين تلاته
ندى :- وهى داخله من الباب هو مين ده يا بنات
تمارا :- بفرحه ندى انتى ابو الهول وافق أنه ينزلك الشغل
ندى :- لاء
رحمه :- امال ايه
ندى :- مفيش اتحايلت على ماما وقالت ليا انزل وهى هتبقى تكلمه
تمارا :- احسن حاجه عملتيها دخلتى للمدير طيب
ندى :- وهى بتقعد على المكتب بتاعها قالت ايوه طبعآ وسمعنى كلام زى الزفت على الصبح بس الصراحه كتر خيره ده احنا بنغيب من الشغل اكتر ما بنشتغل
رحمه :- الصراحه على قد ما هو عصبى ولسانه طويل بس مستحملنا
ندى :- المهم كنتوا بتتكلموا على مين كده
رحمه :- هو احنا عندنا كام لوح يا ندى
ندى :- بضحك واحد اخويا انس
رحمه :- اسم الله عليكى نبيها وبتفهميها وهى طايره
ندى :- هى يارا كلمتكم
رحمه :- كنت بكلمها واتحطت فى موقف زباله
ندى :- موقف ايه ده
تمارا :- قبل الموقف مش تسألى الاول سبع الرجال عمل ايه
ندى :- اكيد سبع مش محتاجه كلام
رحمه :- لاء السبع نام على الكنبه ومسألش فى يارا
ندى :- بصدمه احيه
تمارا :- بأف وربنا
رحمه :- والمصيبه التانيه أن يارا كانت بتحلم بيه وهى نايمه وبتدلع بقى وبتنادى بأسمه و فتحت عينيها لاقت اخوكى فوق راسها وسمعها وهى بتتكلم
ندى :- يا نهار كسوف يا كسفتك السوده يا حازم
تمارا :- والهبله نيلتها اكتر بتكلم رحمه وبتحكى ليها الحلم اخوكى دخل عليها
ندى :- لاء يارا دى فله
رحمه :- المشكله ان هى سابت السكه مفتوحه وانا سمعت ربع كلامهم وقفلت الفون بسرعه
ندى :- ليه كانوا بيعملوا ايه
تمارا :- خليكم فى حالكم اهو نبركم ده اللى جايبهم وراه
ندى :- امته بقى انا وحبيبى مالك نتجوز ونزقزق مع بعض فى عش حبنا
رحمه :- يا بنتى انتى كل اللى فى دماغك قلة الأدب
ندى :- وفين قلة الأدب فى كده مش جوزى الله
تمارا :- ربنا يستر على مالك يوم الفرح بتاعكم والله ده انتى هتفترسى امه
وقعدوا التلاته يضحكوا وكل واحده شافت شغلها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
مر يومين بدون احداث تذكر على ابطالنا
فى شقة يارا
كانوا البنات التلاته قاعدين مع يارا فى شقتها
تمارا :- وهى بتشرب النسكافيه قالت ده جبله ومش بيحس وربنا
يارا :- انا هموت مشلوله منه من ساعة اللى حصل ده من يومين وهو مش بيكلمنى غير حضرى الاكل اعمليلى قهوه
رحمه :- قولتلكم ده لوح محدش صدق
ندى :- انا جايلك ورقبتى قد السستمه من اخويا حد يبقى معاه لهطت القشطه دى وميلمسهاش
يارا :- علشان حمار
تمارا :- بس سؤال هو انتى بتقعدى قصاده كده
يارا :- كده ازاى
تمارا :- بالترنج
يارا :- اه فيها ايه
رحمه :- ليه حق ميسألش فيكى فين يا بت اللى قولتلك عليه شوق ولا تدوق
يارا :- يا شيخه روحى ده هو اللى بيتعامل معايا بالنظام ده بيشوقنى اوى ابن ال
ندى:- ايه ابن ال هتشتمى واخته قاعده وبعدين يا اختى كتر خيره أن راضى يعيش مع ابن عمه فين الحاجات المشخلعه يا بت اغريه يا سكينه
يارا :- أغرى مين يا حبيبتى اخوكى لو شافنى من غير حاجه خالص ولا هيسأل فيا ده جبله اقسم بالله
تمارا :- لاء سيبى نفسك لينا واحنا هنخليه جاى راكع قصادك
يارا :- تفتكروا
رحمه :- جربى مش هتخسرى حاجه بس لما تلاقيه خلاص هيموت عليكى ابعدى عنه وخليه يتجنن عليكى
يارا :- بصت ليهم بتوتر وقالت م.م.ماشى
ندى :- بس قبل اى حاجه جعاااااانه هو انتى مش عندك اكل ولا ايه
يارا :- عندك المطبخ ادخلى حطى وكلى
رحمه :- وانا كمان
يارا :- خلاص سخنوا وناكل وبعد كده نبقى نعمل كل حاجه
تمارا :- وانتى اتشليتى ما تقومى سخنى معانا
يارا :- الله مش عروسه
رحمه :- عررررروسه قوم ابت قال عروسه قال
ندى :- قوم يا حبيبتى قومى
يارا :- جاتكم القرف الواحد ميعرفش يعيش الدور عليكم شويه ودخلوا الاربعه المطبخ وسخنوا الاكل وقعدوا على الترابيزه
رحمه :- هو الاكل حلو وكل حاجه بس هو انتى نسيتى تحطى الملح
يارا :- كلى وانتى ساكته بلاش التتش بتاعك ده لو سمحتى
ندى :- هو انس بياكل من الاكل ده يا عين امه
يارا :- اه يا اختى وبيمسح الاطباق كلها كمان
تمارا :- اتلمى منك ليها والله العظيم الاكل تحفه تسلم ايدك يا يويو
يارا :- وربنا انتى اللى فيهم يا تيمو
وبعد وقت خلصوا اكل ولسه البنات هتقوم
يارا :- رايحه فين منك ليها
ندى :- هنغسل ايدينا ونستنى النسكافيه بقى
يارا :- وحياة امك منك ليها ندى تغسل المواعين ورحمه تعمل النسكافيه وانا وتيمو هنرتب المكان
رحمه :- نعم يا اختى هو احنا جاين نخدم حضرتك
يارا :- ايوه هو انتوا هتعملوا فيها ضيوف اخلصوا
وبدأوا كل واحده تعمل حاجه
ندى :- تيمو
تمارا :- اممم
ندى :- عامله ايه مع اللى اسمه ياسين ده
تمارا :- زفت
ندى :- ليه كده
تمارا :- مش قادره أحبه هو بيحاول يعمل كل حاجه علشان يحببنى فيه بس المشكله فيا انا مش قادره احب غير يوسف
يارا :- اديله فرصه يا تمارا وحاولى تحبيه انتى لازم تنسى حب يوسف ده وتعيشى حياتك من اول وجديد وانا شايفه أن ياسين ده كويس والله
تمارا :- بحاول والله يا يارا مش قادره احبه والله ما قادره
رحمه :- ولا عمرك هتقدرى لأن حب يوسف عايش فى قلبك وعمره ما هيطلع منه
تمارا :- لاء يا رحمه انا لازم اطلع حب يوسف من قلبى حتى لو هموت فيها
ندى :- طيب هو يوسف عامل ايه مع مراته
رحمه :- لسه بينام فى اوضه تانيه غير اوضت ارين وانا حاسه ان يوسف عارف حاجه عليها نظراته ليها غريبه
تمارا :- يستاهل مش هو اللى اختارها يستحمل بقى
يارا :- والله العظيم يوسف وانس دول عايزين يتولع فيهم على كمية البرود اللى فيهم
ندى :- طيب ما يطلقها ويريح دماغه بدل ما الاسم أنه متجوز
رحمه :- ما هو هيعمل كده بس مش عارفه مستنى ايه
يارا :- تيمو هو لو يوسف طلق ارين وجه اتقدم ليكى هتقبلى تتجوزيه
تمارا :- لاء
كلهم بصوا لبعض بأستغراب
ندى :- ليه بقى
تمارا :- علشان انا مش بديل لحد يتجوز ويحب ويعيش حياته ولما يزهق يطلقها ويجى يتجوزنى انا لاء والف لاء انا عمرى ما هقبل بكده انا مش تحت امره
رحمه :- بس هو عرف أن غلط فى حقك يا تيمو ومستعد يعمل اى حاجه علشان تسامحيه
تمارا :- اسامح مين يا رحمه انا لو اخوكى ده بيموت قدامى وكلمة السماح هى اللى هتحيه هسيبه يموت ومش هقولها ليه على وجع قلبى اللى بحس بيه بسببه بقولكم ايه قفلوا على السيره دى وتعالوا نجهز يارا قبل ما جوزها يجى
وكل واحده اخدت النسكافيه بتاعها فى ايديها وراحوا على اوضت يارا
ندى :- ادخلى خدى شاور كده على ما احنا نطلع ليكى الهدوم اللى هتلبسيها
يارا :- ماشى بس بلاش حاجه مفضوحه اوى
رحمه :- امشى يا بنت الناس الطيبه مش عايزه اغلط
ندى :- ضحكت وقالت انا قولت البت دى عندها حد متخلف فى العيله لأن التخلف ده وراثه
يارا :- هه خفه منك ليها وسابتهم ودخلت الحمام
ندى :- فتحت الدولاب وقالت ايه رأيكم فى ده يا بنات
رحمه :- لاء ده محترم احنا عايزين حاجه افور اوى وضحكت
ندى :- اه منك يا سوسه
تمارا :- ده حلو اوى
ندى :- واوووو تحفه
رحمه :- حلو اوى
ندى :- حطته على جسمها من فوق وقالت الله فكرونى اجيب واحد شبه وانا بشترى الهدوم بتاعتى
رحمه :- ده انتى هتجيبى هدومك كلها مسخره الله يكون فى عونك يا مالك
ندى :- الله هو فيه احلى من المسخره وكله بما يرضى الله
تمارا :- ضحكت وقالت مجنونه اقسم بالله وفى الوقت ده خرجت يارا من الحمام وهى لابسه البورنص ودخلت الاوضه وبصت على السرير وقالت
يارا :- ايه ده أنا مستحيل البس المسخره ده
رحمه :- شدتها وقالت اترزعى هنا على الكرسى ومتقوليش ولا كلمه فاهمه
يارا :- مينفعش وربنا ما ينفع هتكسف
ندى :- معلش تعالى على نفسك اشوف فيكى يوم الله يكون فى عونك يا ابو الهول
تمارا :- بلا بقى خلينا نخلص وبدأت تجهز يارا
ندى :- اخدت الروج وحطت منه وقالت مش حلو
يارا :- محدش قالك تحطى منه عجبنى
رحمه :- حطت من البرفان وقالت تحفه هجيب منها واحده
تمارا :- انا بجيب منها علطول
رحمه :- رشت منها على تمارا وقالت خلاص هاتى ليا واحده منها
ندى :- حطت واحد تانى على شفايفها وقالت الله تحفه اللون ده انا هخده
يارا :- وحياة امك منك ليها انتوا بتفرقوا على نفسكم من جيب ابوكم
رحمه :- براحتنا ده احنا هنعمل معاكى احلى واجمل معروف يا يويو
تمارا :- بنات ساعدوني الله يكرمكم علشان نخلص بقى والاتنين قعدوا يساعدوا تمارا وبعد وقت خلصوا يارا
ندى :- واو واو واووووو
رحمه :- ده انس هيضرب نفسه مليون جزمه لما يشوفك كده
تمارا :- احنا هنمشى بقى وانتى البسى ده وظبطى نفسك ماشى
يارا :- بتوتر قالت ا.ا.انا مستحيل اطلع ليه وانا كده
ندى :- نعممممم يا روح امك بعد ده كله وربنا ادخل فيكى السجن قومى ابت جاتها نيله اللى عايزه خلفه زيك يلا يا بنات
يارا :- لالالا خليكم قاعدين معايا شويه
رحمه :- وربنا مجنونه يلا احسن هتشل وسلموا عليها وخرجوا وسابوها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى فيلا حسام
يوسف كان قاعد فى الجنينه وفى الوقت ده تليفونه رن رد عليه وسكت شويه وقال بصدمه
يوسف :- خليهم الاتنين عندك انا جاى حالا وقام لبس هدومه وخرج لاقه تمارا لسه راجعه هى ورحمه قال بعصبيه اركبى
تمارا :- اركب ليه
يوسف :- اخلصى مش وقت أسأله
تمارا :- فيه ايه مش هركب غير لما افهم فيه ايه
يوسف :- هتعرفى كل حاجه اركبى بقولك
تمارا :- نفخت وقالت اركبى معانا يا رحمه
رحمه :- اوك وركبوا هما الاتنين ويوسف مشى بالعربيه بسرعه رهيبه وبعد وقت وصلوا مكان غريب رحمه وتمارا بصوا لبعض بأستغراب
يوسف :- انزلوا
تمارا :- ايه المكان الغريب ده
يوسف :- تعالى معايا وانتى هتعرفى كل حاجه جوه ومسك ايديها ودخلوا التلاته جوه ووقفت تمارا مصدومه مكانها وقالت
تمارا :- ياسين
رحمه :- بصدمه ارين بيعملوا ايه هنا مع بعض
يوسف :- راح مسكها من شعرها وقال امشى معايا يا و****
ارين :- اه شعرى هفهمك يا يوسف
يوسف :- هتفهمينى ايه ما كل حاجه واضحه اهى
تمارا :- ليه ها اشمعنا دى بالذات
ياسين :- استنى هفهمك والله العظيم مش زى ما انتى مفكره
تمارا :- قلعت الدبله وحدفتها فى وشه وقالت مش عايزه اعرفك تانى فاهم ومشيت
ياسين :- طلع يجرى وراها ومسكها من دراعها وقال استنى يا تمارا هفهمك
تمارا :- سيب دراعى يا ياسين
ياسين :- طيب تعالى معايا وانا هفهمك كل حاجه
تمارا :- قولتلك سيب دراعى
يوسف :- مسك ايد ياسين وقال ابعد عنها
ياسين :- ملكش دعوه انا وخطيبتى روح شوف مراتك اللى هى سبب المشاكل اصلا
يوسف :- انت وهى هقتلكم متقلقش
ياسين :- زقه وقال أخرج انت ومراتك من حياتنا فاهم وبص لتمارا وقال تمارا تعالى معايا ارجوكى هفهمك كل حاجه
يوسف :- امشى يا تمارا ملكيش دعوه بيه
ياسين :- روح لمراتك وملكش دعوه بينا تمارا علشان خاطرك اسمعينى الاول وبعد كده ابقى اعملى اللى انتى عايزه تعمليه
يوسف :- امشى يا تمارا
تمارا :- اتنهدت بحزن وقالت روحوا انتوا انا هروح معاه
يوسف :- بصدمه ايه اللى انتى بتقوليه ده ازاى هتروحى معاه وانتى شوفتي بعينك معاها
تمارا :- خلاص يا يوسف قولت هروح معاه ومشيت مع ياسين
يوسف :- داس على أسنانه وبص على ارين بغيظ وركب العربيه ومشى بيهم تانى على الفيلا
ياسين :- وقف تاكسى وركب هو وتمارا وراحوا قعدوا فى كافيه
تمارا :- ممكن تقولى بقى عايز ايه
ياسين :- والله العظيم بحبك وعمرى ما فكرت اخونك
تمارا :- اه بأمارة انك دلوقتى كنت مع ارين فى مكان وسخ
ياسين :- من حقك تشكى فيا بعد ما شوفتينا فى المكان ده بس مش زى ما انتى مفكره
تمارا :- والله
ياسين :- فاكره لما شوفتيها واقفه معايا فى الخطوبه بتاعتنا
تمارا :- ايوه
ياسين :- انا كنت واقف مستنيكى تيجى لاقتها جايه وبتقولى انها مرات يوسف سلمت عليها عادى و لاقيتها بتقولى أنها عارفه انك انتى ويوسف بتحبوا بعض وان مهما عملنا انا وهى عمرنا ما هنعرف نخليكم تحبونا انا استغربت من طريقة كلامها واستأذنت وكنت لسه همشى واسيبها لاقيتها بتقولى أنها ممكن تعمل اى حاجه علشان تحافظ على جوزها وتخليه ليها انشالله لو وصلت معاها انها تقتل الشخص اللى يفكر يخده منها بصيت ليها بأستغراب وسألتها تقصد بمين الكلام ده قالت إنها تقصدك انتى ولو بحبك بجد وخايف عليكى لازم اساعدها انها تبعدك عن جوزها وفى الاول والاخر دى فرصه ليا كمان ولما رفض لاقيتها بتقولى أن انا مش بحبك ولا خايف عليكى وملمش غير نفسى لما يحصلك حاجه انا خوفت عليكى والله العظيم خوفت عليكى ومع ذلك مردتش عليها وقولتلها تسيبنى افكر ادتنى رقم الفون بتاعها وقالت ليا هتستنا ردى وفى الوقت ده انتى جيتى وهى مشيت ولما خرجنا تانى يوم ما بعض ورجعنا بليل ولاقيته واقف بيتكلم معاكى كده وهى بتبص عليكم من فوق خوفت عليكى وقررت أن انا اقول ليها أن موافق واساعدها وفى نفس الوقت احميكى منها واقربك ليا واتصلت بيها وقولتلها أن انا موافق اساعدها ولما شافنا اخوكى كريم مع بعض كانت بتتفق معايا على الخطه اللى هنفذها علشان اكرهك فيه منكرش أن انا كنت حابب الموضوع ده لان فى الاول والاخر مصلحه ليا انا كمان واتفقنا أن انا اسجله وهو بيتفق معايا أن هو يدينى فلوس بشرط أن ابعد عنك وبكده انتى تكرهيه
تمارا :- ازاى بقى
ياسين :- كنت أنا هخليه يوصل لمرحله دى بطريقتى واول ما يبدوء يساومنى عليكى بالفلوس كنت هسجله
تمارا :- ولو كلامك ده صح كنت بتعمل ايه النهارده فى المكان ده معاها
ياسين :- والله العظيم ما اعرف هى كانت عايزانى ليه هى اتصلت بيا وقالت ليا اجى ليها فى المكان ده علشان فيه حاجه تخصك علشان كده انا جيت ومقالتش ليا حاجه لأنها كانت سكرانه وقعدت تقول هقتلك يا تمارا يوسف هيكون ليا انا والكلام ده والله العظيم هو ده اللى. حصل ومكذبتش عليكى فى ولا كلمه وربنا يعلم انا عملت كده ليه علشان بحبك وكنت خايف عليكى من شرها لان واضح كده أنها بتحبه ومستعده تعمل اى حاجه علشان يبقى ليها هى وبس
تمارا :- بصت ليه ومردتش عليه
ياسين :-تمارا هو ده اللى حصل
تمارا :- رجعت شعرها لوراه وقالت انا مبقتش فاهمه حاجه انت صح ولا هو ولا هى ولا انا خلاص تعبت ومبقتش قادره استحمل كل ده
ياسين :- تمارا انا بحبك وعمرى ما فكرت اذيكى انا حاولت كتير استفز يوسف قصادك علشان اسمع منك الكلمتين الحلوين اللى كنتى بتقوليهم ليا رغم أن انا كنت عارف انك بتقوليهم علشان تغظيه هو مش اكتر
تمارا :- رغم أنها كانت عايزه تأذينى بس برضه معاها عذرها بتحب جوزها وعايزاه يبقى ليها والغيره بتعمل اكتر من كده
ياسين :- يعنى ايه مش فاهم
تمارا :- فين الدبله بتاعتى
ياسين :- اهى
تمارا :- اخدتها منه ولبستها وقالت تيجى تطلب من بابا أننا نتجوز اخر الشهر ده
ياسين :- بصدمه نعم
تمارا :- لازم اخلى يوسف يفقد الأمر فيا وينتبه لمراته وابنه وده هيحصل بعد ما احنا نتجوز
ياسين :- يعنى انتى عايزه نتجوز علشان خاطر يوسف يفقد الأمر فيكى
تمارا :- والدموع فى عينيها قالت ايوه اللى بيحب حد بيضحى علشان حبيبه يعيش سعيد وسعادة يوسف مع مراته وان ابنه يتربى ما بينهم مش هقبل أبدآ افرق طفل لسه جاى الدنيا عن أمه وأبوه
ياسين :- طيب وانا فين من كل ده يا تمارا مش ملاحظه ان دى انانيه منك
تمارا :- انت مش كان عندك استعداد تحببنى فيك وتنسينى يوسف ده مهمتك دلوقتى يا ياسين
ياسين :- اتنهد وقال ماشى يا تمارا اهم حاجه انتى مصدقانى
تمارا :- لو مكنتش صدقتك مكنتش هلبس دبلتك واطلب منك أننا نتجوز
ياسين :- بحبك
تمارا :- ابتسمت ليه بتوتر وقالت يلا بينا علشان الوقت أتأخر وخرجوا ركبوا تاكسى وراحوا على الفيلا وصلوا الفيلا ولسه هتدخل وقفت مصدومه لما سمعت يوسف بيقول
يوسف :- مش هسمح ليكى تأذى تمارا هتجوزها واحميها من شرك يا ارين انا كنت عارف من زمان انك بتخرجى من ورايا بليل وبتروحى تشربى وتسكرى فى الأماكن المشبوهه وكنت مستنى انك تولدى واطلقك بس خلاص مش قادر استحمل وجودك فى حياتى اكتر من كده انتى طا
تمارا :- دخلت وقطعته وقالت انسانى يا يوسف علشان انا عمرى ما هكون ليك احنا خلاص قررنا انا وياسين هنتجوز اخر الشهر ده
يوسف :- بصدمه ايه اللى انتى بتقوليه ده مستحيل ده يحصل يا تمارا مستحيل اخليكى تتجوزى البنى ادم ده
تمارا :- تسمح ولا متسمحش انت ملكش كلمه فى حياتى وانا قررت خلاص يا يوسف بعد اذنك يا بابا طبعآ
عماد :- بس يا تمارا
تمارا :- علشان خاطرى يا بابا هو ده اللى هيريحنى دلوقتى وحضرتك طول عمرك بدور على راحتى صح
ياسين :- متقلقش على تمارا انا بحبها وعمرى ما هفكر اجرحها ولا اوجعها وافق ومش هتندم يا عمى
يوسف :- بغيظ اه يا واطى يا كداب ولسه هيروح يضربه
تمارا :- وقفت قصاد ياسين وقالت حياتى وانا حره فيها وقولتلك هتجوز ياسين يعنى هتجوز ياسين
يوسف :- تمارا بلاش عند علشان خاطرى اى حاجه قالها ليكى كدب صدقينى انا
تمارا :- بصت لارين ورجعت بصت ليوسف وقالت وانا اخد قرارى ومش هتجوز غير ياسين عن اذنك وسابتهم ومشيت
ياسين :- بص بتحدى ليوسف وضحك ليه بأنتصار وخرج وسابه
يوسف :- عمى عماد اوعى توافق واللة العظيم الشخص ده مش كويس واللى حصل ده كله تمثيليه منهم ارجوك يا عم عماد ارفض
عماد :- بص ليوسف واتنهد وقام وسابه ومشى
يوسف :- مسك ارين من شعرها وقال هقتلك يا ارين هقتلك وزقها ومشى وسابهم
ارين :- بصت عليه وهو خارج وابتسمت بشر وعملت نفسها بتعيط
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى شقة بدر
كان نايم على السرير بتاعه وسرحان وفى الوقت ده تليفونه رن بص فيه لاقه بتاع الشيكات اتنهد ورد عليه وقال
بدر :- الو
المتصل :- انت بتتهرب منى ومش بترد على تليفونك ليه
بدر :- مش بتهرب منك بس انا بحاول اشتغل ليل ونهار علشان اسد الشيكات اللى عليا
المتصل :- وجهزت الفلوس
بدر :- لسه اصبر عليا شويه كمان ربنا يكرمك
المتصل :- مفيش صبر انت قولتلى يومين وبقالك اكتر من اسبوعين ومجبتش جنيه واحد حتى
بدر :- اللى كنت بشتغل بيه كنت بكمل بيه حاجات اختى فلوسك واللى اشتغلت بيه كله راح فى جهاز اختى هدفعهم ليك بس اصبر عليا شويه
المتصل :- عمومآ الكلام ده مبقاش ينفع انا قدمت الشيكات لشرطه وهما يتصرفوا معاك سلام وفى الوقت ده جرس الباب رن حط التليفون على السرير وقام فتح الباب لاقه الشرطه اتنهد بوجع وحزن وقال
بدر :- انا جاى معاكم وقفل الباب ونزل معاهم وراح على القسم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى شقة انس
جهزت يارا نفسها ووقفت قصاد المرايا وبصت على نفسها وقالت
يارا :- لالالا مستحيل يشوفنى كده انا لازم اغير هدومى وامسح كل ده وسكتت شويه وقالت بس لو معملتش كده عمره ما هيبص ليا ولا يعبرنى وبعدين قالت انشالله ما عبرنى هغير يعنى هغير وراحت فتحت الدولاب وطلعت ترنج وحطته على السرير وخرجت من الأوضه وراحت على الحمام علشان تغسل وشها وترجع تغير هدومها بس فى الوقت ده انس فتح الباب ودخل وشاف يارا بالمنظر ده
يارا :- وقفت مكانها بكسوف وبصت لانس بصدمه
انس :- قفل الباب ودخل عندها و..............
🦋 مزاولة حب 🦋 28
🐝الفصل الثامن وعشرون🐝
فى شقة انس ويارا
بصت يارا لنفسها فى المرايا واتكسفت من المنظر وقررت انها تغسل وشها وتغير الهدوم اللى عليها قبل ما انس يجى خرجت من الاوضه ولسه هتروح الحمام لاقت انس فتح الباب ودخل وقفت مكانها بكسوف وبصت ليه بصدمه
انس :- دخل وقفل الباب وراه وراح عندها ووقف قصادها وبص ليها من تحت لفوق بأعجاب
يارا :- اتوترت اكتر من نظراته ولسه هتمشى
انس :- وقف قصادها وكل ما تتحرك يارا يقف قصادها علشان متمشيش
يارا :- ل.ل.لو سمحت سبنى امشى
انس :- قرب منها اكتر ومشى صوبعه على خدها وبص فى عينيها وقال رايحه فين
يارا :- بتوتر ه.ه.هدخل الحمام اغسل وشى
انس :- مشى صوبعه على شفايفها وقال هتغسلى وشك ليه كده احلى على فكره
يارا :- ها
انس :- بص على جسمها وقال والفستان اللى عليكى مثير اوى
يارا :- وشها احمر من الكسوف وغمضت عينيها
انس :- قربها اكتر ليه ولف دراعه حاولين وسطها وقال فتحى عينك
يارا :- هزت راسها بمعنى لاء
انس :- فتحى عينك يا يارا
يارا :- فتحت عينيها واحده واحده وبصت فى عينيه
انس :- قرب من شفايفها ولسه هيبوسها
يارا :- غيرت اتجاه وشها
انس :- ليه
يارا :- بصت ليه بكسوف وقالت بشوق ولا ادوق
انس :- يعنى ايه مش فاهم
يارا :- رحمه قالت ليا اشوقك بس مخلكش تدوق
انس :- ضحك ودى اول مره تحصل قصاد يارا
يارا :- بصدمه هو اللى انا شوفته ده حقيقى
انس :- بأستغراب هو ايه ده
يارا :- انت ضحكت صح ولا انا بيتهيألى
انس :- ضحك تانى وقال لاء مش بيتهيألك
يارا :- انت كده ضحكت مرتين
انس :- طيب قررتى ايه هتشوقينى ولا تدوقينى
يارا :- ها
انس :- انا هقولك وميل عليها وشالها
يارا :- اتصدمت وبصت ليه ومنطقتش ولا كلمه
انس :- دخل الاوضه ونزل يارا على الأرض ومد أيده فى ضهرها وبدء يفتح ليها السوسته بتاعة الفستان
يارا :- بكسوف ا.ا.انت هتعمل ايه
انس :- ششش ومد أيده على كتفها علشان ينزل حمالة الفستان
يارا :- غمضت عينيها وبلعت ريقها بتوتر ومسكت ايد انس علشان تمنعه ينزل الحماله
انس :- بصلها بأستغراب
يارا :- لاء يا انس اللى انت عايز تعمله مش هيحصل
انس :- ايه اللى انتى بتقوليه ده
يارا :- بصت ليه بوجع وقالت علشان انا مش ضعيفه ولا بكلمه منك بضعف انا لو سيبتك تلمسنى دلوقتى يا انس ببقى بديك الفرصه اللى هتذلنى بيها عارفه أن ده حقك الشرعى بس كرامتى فوق كل شئ عن اذنك وسابته وخرجت من الاوضه دخلت الحمام وقفلت على نفسها الباب وراحت وقفت قصاد المرايا وابتسمت وقالت لمستك حلوه اوى يا انس وضحكتك احلى بس لازم اعمل معاك كده علشان تتعود تحترمنى بعد كده وقلعت الفستان وبدأت تاخد شاور
انس :- قعد على السرير بصدمه من كلام يارا ليه قفل قبضة أيده جامد وقال ماشى يا يارا انتى اللى جبتيه لنفسك وغير هدومه وخرج من الاوضه
يارا :- خرجت وهى لابسه البورنص وشعرها مبلول وبصت لانس بتحدى ودخلت الاوضه
انس :- اتوتر لما شافها بالمنظر ده ومشى أيده على شعره وبص على الاوضه لاقها هتفتح البورنص علشان تقلعه بلع ريقه بصعوبه ونفسه سرع وفضل يبص عليها
يارا :- مدت ايديها علشان تفتح حزام البورنص وهى متابعه نظراته عليها وشدت الحزام ومسكت البورنص علشان ميتفتحش وراحت عند الباب وقفلته
انس :- اتعدل وقال هووووف ايه ده اللى بيحصل ده اهدا يا انس اهدا وغمض عينه وبلع ريقه وقال تمام خليك ثابت على كده وقال بصوت عالى ياراااااااا
يارا :- فتحت الباب وخرجت وقالت نعم
انس :- اعمليلى واحد قهوه
يارا :- حاضر ومشيت قدامه بدلع ودخلت المطبخ
انس :- لاء كده كتير ودخل وراها المطبخ لاقها بتمد ايديها علشان تجيب السكر راح وقف وراها ومسك السكر
يارا :- اتوترت لما لاقته واقف وراها ولفت ليه وقالت ن.ن.نعم عايز ايه
انس :- وهو مقرب منها جدآ قال جيت اديكى السكر بدل ما تعمليه بالملح زى المره اللى فاتت ومد أيده بالسكر
يارا :- اخدته منه بتوتر وقالت م.م.متقلقش باخد بالى منه دلوقتى
انس :- بص على شعرها المبلول ومسك خصره منه وقال اول مره اشوف شعرك مبلول كده
يارا :- ا.ا.ايه المشكله يعنى
انس :- بص على شفايفها وقال مفيش مشكله بس شكله حلو اوى وغمض عينه علشان يهدا وبعد عنها وقال ا.ا.اعملى القهوه ب.ب.بسرعه وخرج من المطبخ يجرى قعد على الكنبه ونفخ وقال فين الثبات الانفعالى بتاعك يا انس اهدا كده وأثبت
يارا :- عملت القهوه وخرجت حطته قدامه وقالت عايز حاجه تانى
انس :- لاء
يارا :- طيب وسابته ودخلت الاوضه بتاعتها لاقت تليفونها بيرن برقم رحمه استغربت وردت عليها وقالت خير يا رحمه
رحمه :- بت يا يارا انا برن على اخوكى مش بيرد ليه
يارا :- وانا هعرف منين ما يمكن نايم ولا حاجه
رحمه :- بدر مش بينام غير لما يكلمنى الاول
يارا :- بقلق انتى هتقلقينى ليه بقى اقفلى طيب اجرب عليه
رحمه :- لو رد عليكى طمنينى
يارا :- ماشى باى وقفلت مع رحمه وجابت رقم بدر واتصلت بيه وانتظرت للاخر ومحدش رد جربت كذا مره مردش عليها خرجت تجرى من الاوضه لاقت انس نايم خبطت على كتفه بدموع وقالت قوم بسرعه يا انس
انس :- فتح عينه واتخض لما شاف دموع يارا وقال ايه فيه ايه
يارا :- بتصل على بدر اخويا مش بيرد
انس :- بغيظ خضتينى يا شيخه ما لازم ميردش الوقت متأخر واكيد نايم
يارا :- لاء انا قلبى بيقولى أن فيه حاجه انا خايفه ليكون حصلت ليه حاجه وهو نايم لوحده فى الشقه
انس :- ادخلى نامى يا يارا والصباح رباح
يارا :- لاء مش هدخل انام انا هروح اشوفه
انس :- تروحى فين
يارا :- الشقه عند بدر
انس :- انتى اتجننتى تنزلى دلوقتى
يارا :- اه اتجننت انا مليش فى الدنيا دى غيره ولازم اطمن عليه انا هدخل اغير هدومى وسابته ودخلت الاوضه
انس :- يلعن ام دى جوازه هوف وقام قعد على الكنبه
يارا :- غيرت هدومها وخرجت وقالت انا نازله
انس :- وقف بغيظ وقال هتزفت معاكى امشى
يارا :- لاء خليك انت انا هروح لوحدى
انس :- داس على أسنانه بغيظ وقال امشى قدامى ساكته بدل ما احلف ما انتى نازله
يارا :- هوف حاضر وفتحت الباب ونزلت وهو نزل وراها وراحوا عند البيت وطلعت تجرى يارا وقعدت تخبط على الباب وترن فى الجرس وقالت لاء اكيد هو فيه حاجه
انس :- هو نومه تقيل
يارا :- بدموع لاء
انس :- قعد يخبط ويرن الجرس
يارا :- ثوانى وفتحت صندوق صغير واخدت منه مفتاح الشقه وفتحت بيه
انس :- بغيظ ولما فيه مفتاح تانى مفتحتيش من الاول ليه
يارا :- مش بيبقى موجود فى المكان ده علطول ودخلت الاوضه بتاعة بدر لاقت تليفونه بيرن على السرير وهو مش موجود اخدت التليفون وبصت فيه لاقيتها رحمه فتحت السكه عليها
رحمه :- بعصبيه انت مش بترد عليا ليه قلقتنى عليك يا شيخ
يارا :- دى انا يا رحمه بدر مش موجود فى الشقه وسايب تليفونه
رحمه :- بخوف وقلق هيكون راح فين فى وقت زى ده بس
يارا :- بدموع مش عارفه
انس :- اخوكى الشرطه اخدته
يارا :- بصدمه ايه مين قالك
انس :- الجار اللى قصادكم لاقيته بيسألنى عن اخوكى وبيقولى خرج ولا لسه
يارا :- بدموع اخويا حبيبى اكيد مظلوم بدر طيب وعمره ما يعمل حاجه غلط
رحمه :- انتى يا بنتى ردى عليا
يارا :- بدر الشرطه أخدته يا رحمه
رحمه :- نهار مش فايت ليه
يارا :- معرفش هروح القسم وابقى اعرفك
رحمه :- بدموع متنسيش يا يارا
يارا :- حاضر باى وقفلت السكه مع رحمه وقالت يلا نروح ليه
انس :- اتنهد وقال امشى ونزلوا وراحوا القسم عند بدر ودخلوا يجروا وسألوا عليه ودخل انس لظابط وطلب منه أنه يشوف بدر وبعت جابه المكتب وخرج وسابهم مع بدر
يارا :- اترمت فى حضنه وقالت بدر يا حبيبى ايه اللى حصل
بدر :- متقلقيش يا حبيبتى انا كويس ومفيش حاجه حصلت
يارا :- بدموع امال انت بتعمل ايه هنا
بدر :- بكدب مفيش فيه بس تشابه اسماء وهيتأكدوا أن مش انا وهيخرجونى علطول ومسح دموعها وقال وبعدين انتى ايه نزلك من بيتك فى وقت زى ده
يارا :- رحمه كانت بتتصل بيك كتير وانت مش بترد قلقت عليك واتصلت بيا تسألنى ولما مردتش عليا انا كمان قلقت ونزلنا انا وانس وروحنا الشقه وعمو صلاح قالنا ان الشرطه جات واخدتك
بدر :- متقلقيش يا حبيبتى وطمنى رحمه انا كويس
انس :- حس بكدب بدر بس مقالش حاجه
بدر :- يلا يا حبيبتى روحى مع جوزك وانا اول ما اخرج من هنا هجيلك اطمنك عليا
يارا :- بس
بدر :- مفيش بس يا يارا يلا امشى مع جوزك فيه عروسه لسه متجوزه تنزل فى وقت زى ده وتروح القسم خد مراتك يا انس وخلى بالك عليها لحد ما اخرج
يارا :- طيب خلينى هنا لحد ما يتأكدوا منك ويخرجوك
بدر :- يارا متوجعيش قلبى معاكى امشى مع جوزك يلا وطمنى رحمه ها
يارا :- بدموع حاضر
انس :- انا هحاول اخرجك من هنا بأسرع وقت
بدر :- ها ل.ل.لاء متشغلش بالك انت بيا انا هخرج من هنا فى اى وقت خلى بالك انت بس على اختى يلا امشوا
انس :- اخد يارا وخرج من عند بدر وروحوا الشقه بتاعتهم
بدر :- غمض عينه واتنهد بوجع ودخل العسكرى اخده ورجعه تانى الحجز
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى فيلا عماد
فى اوضت تمارا
كانت نايمه تمارا على سريرها وعماله تعيط وفى الوقت ده الباب بتاعها خبط مسحت دموعها وقالت
تمارا :- ادخل
عماد :- فتح الباب وقال لسه صاحيه
تمارا :- ايوه يا بابا صاحيه تعالى
عماد :- دخل وقفل الباب وراه وراح قعد جمب تمارا على السرير وقال بتعملى ايه
تمارا :- نزلت عيونها فى الارض وقالت ولا حاجه يا بابا قاعده
عماد :- رفع راسها وبص فى عينيها وقال كنتى بتعيطى صح
تمارا :- ل.ل.لاء
عماد :- متكدبيش عليا يا تمارا انا بفهمك اكتر من نفسك
تمارا :- اترمت فى حضنه وعيطت وقالت انا تعبت يا بابا تعبت مبقتش عارفه مين الصح ومين الغلط بقيت تايهه ومش عارفه رجلى هتودينى لحد فين
عماد :- بلاش تتسرعى فى موضوع جوازك من ياسين ده يا تمارا
تمارا :- ليه يا بابا مش حضرتك سألت عليه واتأكد أنه كويس
عماد :- ايوه بس برضه مش قادر ارتاح ليه وبعدين اللى حصل النهارده ده خلانى اشك فيه اكتر يوسف عنده حق يا تمارا
تمارا :- يا بابا يوسف بيعمل كده علشان عايزنى ليه علشان هو انانى وعايز كل حاجه علشانه واللى حصل النهارده ده انا شايفه أن اللى غلطان فى الموضوع ده كله يوسف لانه دايمآ بيظهر حبه ليا قصاد مراته واى واحده مكانها بتحب جوزها هدافع عن بيتها وجوزها ابو ابنها وتبعد اى واحده تقرب ليه وانا بديها العذر الصراحه وياسين انا شايفه ان موقفه طبيعى انت بس علشان بتحبنى و بتخاف عليا اوى زياده عن اللزوم
عماد :- مش كده يا بنتى نظراته وكلامه مش مريحه انا قادر أفهمه علشان راجل زيه انتى مش هتقدرى تفهميه زى
تمارا :- مسكت أيده وقالت بابا لو صحيح بتتمنى تشوفني سعيده وافق على الجواز ياسين الشخص الوحيد المناسب ليا وهيقدر ينسينى يوسف ارجوك يا بابا وافق
عماد :- اسمعى كلامى بلاش هتندمى يا بنتى ولو بقيتى مراته مش هقدر اعملك حاجه زى وانتى دلوقتى فى بيتى
تمارا :- علشان خاطرى انا يا بابا وافق
عماد :- اتنهد وقام وقف وقال أهدى دلوقتى بس وفكرى بهدوء وبعد كده خدى القرار لأن القرار فى وقت زى ده بتبقى قرارات انفعاليه وهتندمى عليها بعد كده يلا تصبحى على خير يا بنتى وسابها وخرج
تمارا :- بدموع يااااارب ريح قلبى الموجوع ده يارب
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
اشرقت شمس صباح يوم جديد بنورها الساطع فى سماء القاهره لتبدء ندى بفتح عيونها على صوت تليفونها بصت فيه لاقته مالك ابتسمت وردت عليه بحب وقالت
ندى :- صباح الخير يا حبيبى
مالك :- صباح الورد والفل والياسمين يا عمرى واحشتينى
ندى :- بس انت مش واحشنى
مالك :- نعم
ندى :- مش واحشنى علشان بشوفك علطول قصاد عينى وفى احلامى صورتك مش بتفارق خيالى اصلا يا قلبى
مالك :- يا لهوى يا ناس على الرومانسيه اموت انا
ندى :-ضحكت وقالت انت لسه شوفت حاجه
مالك :- ايوه بقى يا مدلعنى امته بقى يخلصوا الشهرين دول وتبقى معايا فى بيتى وفى حضنى
ندى :- هييييح امته
مالك :-ضحك وقال انا حاسس انك انتى مستعجله اكتر منى
ندى :- ها ل.ل.لاء طبعآ
مالك :- يا بت
ندى :- يا قلب البت من جوه
مالك :- ااااه يا نارى يا بت بطلى سهوكه انتى بتولعينى كده
ندى :- بضحك بولعك ليه انت لمبه
مالك :- ههه خفه
ندى :- انت صحيت
مالك :- لاء لسه نايم ايه الغباء ده يا ندوش امال بكلمك ازاى
ندى :- مش قصدى يا بارد انا اقصد انت جهزت ولا لسه نايم على السرير
مالك :- اااه لا لسه نايم على السرير وواخد المخده فى حضنى على أساس انها انتى
ندى :- جو فكسان اوى يا مالك جو الوساده الخاليه ده
مالك :- تصدقى انك واحده فصيله
ندى :- بضحك فصيلة ايه بقى هههه
مالك :- ايه يا بنتى الظرافه واللطافه دى
ندى :- طول عمرى لطيفه يا قلبى
مالك :- بضحك لطيفه اللى بتغنى
ندى :- يا لهوى على الدم يا ناس سم
مالك :- سم فى عينك ده انا لما اشوفك
ندى :- هتعمل ايه يعنى
مالك :- بحب هقطعك بوس
ندى :- يا نهار بوس
مالك :- ضحك وقال مجنونه بس بحبك
ندى :- وانا بعشق امك
مالك :- قعد يضحك وقال يلا قومى اجهزى علشان اخدك باى يا عمرى
ندى :- باى وقفلت معاه وقامت تجهز نفسها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى فيلا عماد
صحيت تمارا من نومها على صوت تليفونها بصت فيه لاقته ياسين نفخت وقامت قعدت وقالت
تمارا :- ايوه يا ياسين
ياسين :- صباح الخير يا قلبى
تمارا :- صباح النور
ياسين :- انتى لسه نايمه ولا ايه
تمارا :- ايوه صحيت على صوت تليفونك
ياسين :- مش هتروحى الشغل
تمارا :- لاء رايحه هقوم اجهز وانزل علطول
ياسين :- اجى اوصلك
تمارا :- لالالا خليك متتعبش نفسك انت اصلا على ما توصل هنا هكون انا مشيت
ياسين :- ماشى بس جهزى نفسك بعد الشغل
تمارا :- ليه هنروح فين
ياسين :- هنروح الشقه عندى
تمارا :- بصدمه نعم
ياسين :- متفهميش غلط انا قصدى هنروح الشقه والعمال هناك علشان تختارى لون الدهان والديكور اللى عايزه تعمليه
تمارا :- ها ليه
ياسين :- علشان دى شقتك اللى هتعيشى فيها ولازم يكون كل حاجه زى ما انتى عايزاها
تمارا :- بتوتر ها ا.ا اه ماشى هستناك بعد الشغل باى وقفلت السكه ورجعت شعرها لوراه وقالت هتعملى ايه يا تمارا هتعيشى معاه ازاى وانتى مش قادره تتقبلى وجوده فى حياتك يارب حلها من عندك علشان تعبت وقامت دخلت الحمام اخدت شاور واتوضت وخرجت لبست هدومها وأدت فرضها وخرجت من اوضتها ولسه هتنزل سمعت صوت اخوها بيزعق فى الاوضه بتاعته استغربت وراحت خبطت على الباب ودخلت عنده لاقته بيتكلم فى التليفون ومتعصب قعدت تستنى لحد ما يخلص كلامه و بعد ما خلص قالت مالك يا كريم متعصب كده ليه
كريم :- بعصبيه مفيش
تمارا :- هو ايه اللى مفيش انت صوتك كان عالى اوى وقعدت جمبه وقالت انت هتكدب على اختك
كريم :- فاكره البنت اللى قولتلك عليها كنت بحبها وسبتها بعد اللى حصل
تمارا :- اه مالها
كريم :- بتحاول تستفزينى وبتوقف تتكلم مع اصحابها الولاد
تمارا :- وانت زعلان ليه مش انت سيبتها خلاص
كريم :- ها م م م
تمارا :- علقت ليه ،ايه شكلك لسه بتحبها
كريم :- بص ليها وبص فى الارض
تمارا :- يبقى لسه بتحبها
كريم :- ايوه بحبها وبغير عليها لما بشوفها واقفه مع اى ولد وهى عارفه كده علشان كده بتستفزينى بكده
تمارا :- طيب مدام هى بتستفزك يبقى هى كمان لسه بتحبك وبتغيظك علشان ترجعها ليك
كريم :- انا عارف انها لسه بتحبنى بس انا مقدرش ارجعها تانى بعد اللى حصل معايا
تمارا :- انت عبيط يا ابنى ما قولنا خلاص واللى حصلك ده حصل لمليون واحد غيرك مضيعهاش من ايدك يا كريم اول حب ده مش بيتعوض بيجى مره واحده فى العمر ولو خسرته يبقى عمرك ما هتعرف تعوض الحب ده تانى مهما تقابل
كريم :- بس
تمارا :- خلينى اقابلها
كريم :- تقابليها؟! ليه ؟
تمارا :- ملكش دعوه خلينى اقابلها ومش هتندم
كريم :- ماشى امته بقى
تمارا :- النهارده مش هينفع خليها بكره
كريم :- ماشى
تمارا :- اسمها ايه بقى
كريم :- ريتاج
تمارا :- الله اسمها حلو اوى خلاص بكره اقابل ريتاچ وقامت وقفت وقالت يلا هروح انا علشان متأخرش على شغلى ومشيت لحد الباب
كريم :- تمارا
تمارا :- بصت ليه وقالت ايوه
كريم :- ابعدى عن ياسين علشان كداب انا غلط لما قولت عليه كويس
تمارا :- ابتسمت ليه بوجع وقالت ياسين كمان اسبوعين هيكون جوزى يا كريم وانا واثقه فيه وسابته ومشيت
كريم :- لازم تبعدى عنه يا تمارا لازم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى قسم الشرطه
دخل العسكرى وجاب بدر من الحجز وراح عند الظابط وسابه وخرج وقفل الباب وراه
الظابط :- أمضى هنا علشان تخرج يا بدر
بدر :- بأستغراب أخرج
الظابط :- ايوه ولا مش عايز تخرج
بدر :- طيب ازاى
الظابط :- صاحب الشيكات سحب الشكوه فيك
بدر :- وهو عمل كده ليه
الظابط :- ممكن يكون حد دفع ليك الشيكات دى وعلشان كده أتنازل أو يكون صعبت عليه وعلشان كده خرجك من هنا
بدر :- ده محدش يصعب عليه بس مين اللى هيكون دفعهم
الظابط :- والله معرفش اتفضل أمضى ولما تخرج روح أسأله
بدر :- بص ليه مده وراح مضى وخرج من القسم وروح على البيت اخد شاور ونام من كتر التعب
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى الشركه
دخلت تمارا الشركه ودخلت على المكتب بتاعها لاقت رحمه قاعده بصت ليها بأستغراب وقالت
تمارا :- صباح الخير
رحمه :- بحزن صباح النور
تمارا :- مالك
رحمه :- بزعل بدر
تمارا :- ماله
رحمه :- من امبارح فى القسم
تمارا :- بصدمه ليه
رحمه :- ها م .م.معرفش
تمارا :- رحمه انتى بتكدبى
رحمه :- ل.ل لاء وانا هكدب ليه صدقينى معرفش
تمارا :- اوك هبقى اكلم يارا واعرف منها
رحمه :- رنيت عليها مردتش
تمارا :- ممكن تكون نايمه
رحمه :- ايوه دى نايمه الصبح لما النهار طلع
تمارا :- اوك بس غريبه اول مره تيجى الشغل بدرى
رحمه :- م.م.ما انا منمتش اصلا علشان كده جيت الشغل بدرى
تمارا :- اه ما باين عليكى قلة النوم وقامت وقفت وقالت هروح اودى الملف ده ليوسف هو فى مكتبه
رحمه :- معرفش
تمارا :- هو ايه اللى معرفش مش جاين مع بعض
رحمه :- لاء انا جيت لوحدى معرفش يوسف جه ولا لسه
تمارا :- يخربيت كده روحى نامى بدل ما انتى مش مركزه
رحمه :- مش هعرف انام غير لما اطمن على بدر
تمارا :- أن شاءالله هيخرج ،هروح انا وخرجت من المكتب بتاعها وراحت سألت على يوسف ودخلت المكتب عنده لاقته لسه مجاش حطت الملف على المكتب ولسه بتلف لاقيته وراها
يوسف :- تمارا بتعملى ايه
تمارا :- جايبه ليك الملف ده وملاقتكش سيبته على المكتب وكنت خارجه حالا
يوسف :- قعد على المكتب ومسك الملف وبص فيه وقال اه تمام خلصتيه
تمارا :- ايوه عن اذنك ولسه هتمشى
يوسف :- تمارا
تمارا :- بصت ليه وقالت نعم
يوسف :- كنت عايز اتكلم معاكى
تمارا :- عندى شغل كتير
يوسف :- خلاص خليها بعد الشغل نروح كافيه ونتكلم بهدوء
تمارا :- للاسف مش هينفع
يوسف :- ليه
تمارا :- علشان ياسين هيجى ليا بعد الشغل علشان هنروح نختار ديكور الشقه
يوسف :- بعصبيه برضه مصممه تتجوزى البنى ادم ده يا تمارا ابعدى عن الشخص ده صدقينى هتندمى
تمارا :- انا عمرى ما ندمت على حاجه فى حياتى غير مره واحده بس يا يوسف أنا واثقه فى ياسين وعارفه انا بعمل ايه
يوسف :- قام من على مكتبه وراح مسكها من دراعها وقال بعصبيه انتى مش عارفه انتى بتعملى ايه انتى بضيعى نفسك يا تمارا عنادك ده هيوديكى فى ستين داهيه فؤقى يا تمارا بقى قؤقى وشوفى انتى بتعملى ايه فى نفسك مش علشان عايزه تنسينى تروحى ترمى نفسك فى النار يا ستى انا ممكن اسافر وابعد عنك خالص بس بلاش تتجوزى الشخص ده
تمارا :- براحتك تسافر ولا تعيش هنا دى حاجه تخصك زى جوازى من ياسين حاجه تخصنى انا ومحدش ليه يدخل فيها
يوسف :- عااااااا انتى دماغك دى ايه روحى اتجوزيه يا تمارا بس مترجعيش تبكى بدل دموعك دم بعد كده خلى عنادك ينفعك ورجع قعد على الكرسى
تمارا :- بصت ليه مده وخرجت تجرى من عنده
يوسف :- بعصبيه عاااااااا ووقع كل اللى على المكتب فى الارض وحط راسه ما بين ايديه وقال ليه تعملى فى نفسك كده يا تمارا ليه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى شقة انس
بدأت يارا تفتح عينيها واحده واحده وبصت جمبها واتصدمت لاقت نفسها نايمه فى حضن انس قامت قعدت بسرعه ورجعت شعرها لوراه وبصت على انس وهو نايم وفى الوقت ده انس حس بحركه جمبه فتح عينه لاقه نفسه نايم على السرير ويارا بتبص ليه بأستغراب قام قعد وقال
انس :- احم ا.ا.انا مش عارف نمت ازاى امبارح
يارا :- ه.ه.هو ايه اللى حصل
انس :- ها مفيش وقام وقف وقال قومى اعمليلى قهوه وسابها وخرج دخل الحمام
يارا :- هو ازاى نام جمبى وانا ازاى نمت فى حضنه وسكتت مره واحده وقالت يا نهار اسوح وقعدت تفتكر اللى حصل امبارح
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فلاش بااااااك
دخلت يارا مع انس الشقه وهى منهاره وعماله تعيط علشان اخوها بدر ودخلت الاوضه واترمت على السرير وقعدت تعيط وانس بص عليها وهى كده ودخل وقال
انس :- ممكن تبطلى عياط
يارا :- انا مليش غيره يا انس فى الدنيا دى بدر غلبان اوى وطيب وحرام اللى بيحصل فيه ده ياريت كنت انا وهو لاء وقعدت تعيط
انس :- راح قعد على السرير جمبها وقال انا الصبح هكلم حد اعرفه واعرف اخوكى هناك بيعمل ايه ولو عرفت أخرجه هخرجه
يارا :- بصت ليه بدموع وقالت بجد
انس :- ايوه ولسه هيقوم
يارا :- شدته وقعدته تانى جمبها واترمت فى حضنه وقالت شكرآ يا انس شكرآ
انس :- اتفاجئ باللى عملته يارا وقال احم ا.ا انا هروح انام ولسه هيقوم
يارا :- قربت من شفايفه وباسته
انس :- اتفاجئ وقرب أيده على ضهرها ببطئ شديد وضمها اكتر ليه وعمق البوسه اكتر
يارا :- بعدت عن شفايفه ونامت فى حضنه وقالت انا بحبك اوى يا انس اوى ومسكت فى هدومه اكتر
انس :- نفسه سرع وحاول يتحكم فى أعصابه وقرب أيده ببطئ من شعرها ومشى أيده على شعرها لحد ما حس أن يارا نامت عدلها على السرير ونيمها على المخده وغطاها ولسه هيخرج مسكت يارا أيده وقالت
يارا :- خليك جمبى
انس :- بص على ايديها اللى ماسكه أيده واتنهد ونام جمبها ومشى أيده على شعرها لحد ما عينه هو كمان راحت فى النوم
يارا :- اتقلبت ونامت فى حضنه لصبح
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
بااااااك
فأقت يارا على صوت انس وهو بينادى عليها بصت اتجاه الباب بصدمه وقالت
يارا :- نهار اسوح ومنيل ازاى عملت كده هبص فى وشه ازاى غبيه ومتهوره
انس :- بصوت عالى من بره انتى يا بنتى ما تخلصى قومى اعمليلى القهوه
يارا :- غمضت عينيها وقالت قوينى يارب وقامت خرجت من الاوضه واول ما شافته بيبص ليها طلعت تجرى على المطبخ
انس :- ابتسم وعرف انها افتكرت اللى حصل بليل
يارا :- حطت القهوه على النار وسرحت فى اللى حصل بليل واتفاجئت بأنس قدامها والقهوه بتفور على البوتجاز بصت على القهوه وبصت لانس و..............