رواية سلطان زمانه
الفصل الثاني2
بقلم مريم اليوسف
ومتل ماذكرنا اليوم كان جمعة وطبعا هشام مجتمع مع عيلتو طول اليوم
كانو مجتمعين بالصالون نسوانو كل واحدة لابسة عبايات بيتي مزكرشة وفخمة وهو كان لابس كلابية بيضا .. وكان قاعد بين ولادو التلاتة يلي هنن بنت وولد من نور وبنت من حلا وعم يلعبهن بالالعاب والولاد حلوين متل امهاتهن
نور : ابن عمي نطلع اليوم شي مشوار
هشام : لا
نور : متل مابتأمر .. شو حابب ناكل ع العشا
هشام: خليه خفيف
حلا : ابن عمي مع مين كنت تحكي من شوي فوق بمكتبك
اتطلع فيها نظرة وهية فورا فهمت وصارت تلعب بموبايلها
نور : حبيبي انت في شي زاعجك
هشام : لا ابدا ... بس ممنوع اقعد شوي مع ولادي .. ضروري كل جمعة نطلع .. اول مبارح طلعت معك ومبارح مع حلا حلو الواحد يقعد شوي ببيتو مو هيك
نور : اكيد تؤبرني
حكت بنتو الكبيرة يلي بتبلغ من العمر ٧ سنين واسمها حنين : بابا بدي تاب
هشام : تكرم عيونك .. بس بشرط
حنين : حاضر بس ساعة بالنهار
هشام : واذا لعبتي فيه اكتر من ساعة بكسرو متل ماكسرت يلي قبلو
حنين ؛ حاضر بابا
هشام : وين بوسة البابا
وقفت حنين وضمتو من رقبتو وباستو على خدو
هشام : يلا خدي اخواتك وع غرفكن
نور : خلي الدادا تبدلكن تيابكن
حلا : سوسو ماما تعي لعندي
قامت حملت بنتها الصغيرة وقالت : انا طالعة نيم سوسو فوق بغرفتها
هشام : انا عندي شغل بالمكتب فوق اذا بدكن تعملو اي شي فيكن تعملوه او اذا بدكن تروحو ع شي محل
نور : رح نطلب بيتزا شو رأيك
هشام : اوك لا تحسبو حسابي .. خلي الخادمة تعملي نسكافيه واتطالعو لفوق
حنين : يسس بيتزا
حلا : انا بخبرها
وكل مين راح باتجاه حلا اخدت بنتها وهشام طلع ع مكتبو .. وحنين اخدت اخوها الصغير ع غرفتها ونور فتحت على تطبيق طلبات لتطلب بيتزا
~~~~~~~~~~~~~~•
الشام
البنات واقفين على المجلى وعم يجلوا الجو عتم شوي.
الاء : كأنو هالضو صاير خفيف
اسماء : اي صرلا كم يوم ما اجت الكهربا وما انشحنت البطارية مشان هيك الضو خفيف
الاء : لكن اطلعي خبري حمزة قبل مايروح يجي ياخدها بكرا ويشحنها
اسماء : طالعة خبرو
طلعت شوي ورجعت كانت الاء عم تمسح المجلى
اسماء : ليكي جوالك كان عم يطنطن
نشفت اديها وتناولت الجوال وقالت : خبرتي حمزة
اسماء : اي ..
الاء : اي مشان ماتقطعنا ع القليلة لحتى نشحن جوالاتنا
فتحت الجوال وكان رسالة على الواتساب من رقم طويل
الاء : معقول هاد العريس
اسماء : اي حمزة بعتلو رقمك بكون هو .. شو باعت ؟
الاء : مساء الخير
اسماء : اي ردي
الاء : تعي نروح ع الغرفة ونحكي معو
اسماء : هههه تعي
دخلو على الغرفة وسكرو على حالن وقعدو جنب بعضن بحماس .. والاء اخدت نفس عميق وزفرتو وردت : اهلا مساء النور
هشام : كيفك الاء
الاء : الحمد لله كيفك انت
هشام : الحمد لله
سكتو شوي ومحدا بعت .. بس هو بعت : انا هشام بتعرفي هالشي
ضحكت وقالت : اي عرفت انو انت
هشام ؛ اي تمام .. عم احكي معك لنتعرف ع بعض اكتر اذا ماعندك مانع
الاء : لا طبعا .. وهاد حق للطرفين
هشام : طيب انا جاهز اذا عندك اي سؤال
فكرت كتير شو تبعتلو .. وبعدها بعتت
: انت بتصلي
هشام : الحمد لله
الاء : الحمد لله ، وكيف بتلاقي علاقتك بربك
هشام : هلق مافي حدا مننا ماشي ع السراط وكل شخص عندو اخطاء وذنوب وبندعي رب العالمين انو يتوب علينا .. بس عم اعمل جهدي انو ارضي ربي
الاء : طيب النساء شو موضعهن بالاسلام
هشام : هههه حاسس حالي بدرس ديانة
الاء : ههههه مو لهل الدرجة .. بس الرسول صل الله عليه وسلم : "إذا جاءكم من ترضون دينه وخلقه فزوجوه
هشام : عم امزح معك وبالعكس كتيير عجبني حديثك واسئلتك... بدي تعرفي النساء شو موضعن بالاسلام رح قلك .. النساء ربك كرمهن وعطاهن كل حقوقهن يلي بتخليهن متساوين هنن والرجال ... بس مو متل المساواة يلي يطالبوا فيها دول الغرب ... الاسلام كرم المرأة بأنها تقعد وتتعزز وتكون اميرة بيتها وكلشي بيوصل لعندها وما مطلوب منها لا تشتغل بالبيت ولا تطبخ ولا تغسل ولا تطلع تشتغل لتصرف على البيت هي من حق الزوج .. وحتى شغلها بالبيت الو اجر وثواب عند رب العالمين واذا زوجها قادر على انو يجبلها خادمة لازم يجبلها خادمة وهية مو مطلوب منها اي شي حتى تربية الولاد مو من مسؤوليتها هية بس تقعد وتدلل .. بس كمان لازم تطيع زوجها
الاء : طيب مثلا اذا حابة تشتغل
هشام : حقها بس بشرط يكون الشغل بيتناسب مع شرع ربنا .. والمصاري يلي بدا تشتغل فيهن هدول الها والرجل مالو اي حق فيهن لأنو هو مجبور بالنفقة عليها حتى لو بتشتغل ومابصير ياخد مصاريها وهية مو راضية ... وكمان رسولنا صل الله عليه وسلم قال : استوصوا بالنساء خيرا .. يعني انتو وصية الرسول ... حتى رب العالمين ميزكن ونزل سورة وسماها سورة النساء بس في ناس كتير بمجتمعنا بيقسوا كتير ع نسوانن ومفكرين هالشي حلال وانهن عم يربوهن ... وهالشي غلط كبيير وللأسف المجتمع بيدعمهن
الاء : معك حق .. مجتمع فاشل و النساء كتير عم تنظلم
هشام : للأسف
الاء : طيب شو رأيك بتعدد الزوجات
بالواقع هشام ضحك وكتب : شبو
الاء : انو شو رأيك
هشام : سؤال ؟
الاء : تفضل
هشام : التعدد حلال ولا حرام
الاء : حلال
هشام : خلص جاوبتي على سؤالك
الاء : قصدي انت شو رأيك فيه
هشام : مافيني حرم شي رب العالمين حللو
بقوله تعالى(فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلَاثَ وَرُبَاعَ
الاء : كمل الاية الكريمة
(فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلَاثَ وَرُبَاعَ فَإِنْ خِفْتُمْ أَلَّا تَعْدِلُوا فَوَاحِدَةً) ...
يعني وحدة بتكفي
واية غيرها بتقول :
وَلَنْ تَسْتَطِيعُوا أَنْ تَعْدِلُوا بَيْنَ النِّسَاءِ وَلَوْ حَرَصْتُمْ)
يعني لو حرصتم لن تعدلوا
هشام : كمان انت ماكلمتي الاية
(وَلَن تَسْتَطِيعُوا أَن تَعْدِلُوا بَيْنَ النِّسَاءِ وَلَوْ حَرَصْتُمْ ۖ فَلَا تَمِيلُوا كُلَّ الْمَيْلِ فَتَذَرُوهَا كَالْمُعَلَّقَةِ ۚ وَإِن تُصْلِحُوا وَتَتَّقُوا فَإِنَّ اللَّهَ كَانَ غَفُورًا رَّحِيمًا)
صح مارح نعدل .. بس ربك عطانا حل انو لا تميلو كل الميل .. يعني ما نهجر وحدة والتاني نخليها كالمعلقة ... بس يعني قد مافيه يحاول انو يعدل و ان الله غفور رحيم
الاء : ...
هشام : هلق بشكل عام مافيكي تتناقشي بهل الامر مع الرجال حصرا .. لأنو بأكدلك في ناس مو حافظة من القرآن الكريم الا هي الاية ههههه
الاء : طيب اذا صار نصيب انت رح تتزوج علي
هشام : مابعرف
الاء : والله
هشام : ههههه طيب انا صادق ليش بتنقهرو من الحق
الاء : وعفكرة انا فيني اتشرط بالعقد انك ماتتزوج علي .. هاد من حقنا ولا انا غلطانة
هشام : حقك ونص .. وهلق ممكن نطلع من هالقصة
الاء : ماشي
~~~~~~~~~~~~•
قطر
نزل ع الصالون والابتسامة على وجهو ولقى نسوانو والولاد عاملين حفلة بيتزا ..
هشام : شو هاد شو عاملين
نور : شايف انت خبصو الدنيا بالكاتشب
هشام : وانا مالي حصة
نور : والله ماوصيتلك .. بس في كتير تاكل معها
هشام : انا يلي باكل
قعد معهن على الطاولة وصار ياكل بيتزا .. ونور كل شوي تقرب منو قطعة مشان ياكل من ايدها وحلا كذلك الامر
وهو كان كتير مبسوط
~~~~~~~~~~~~•
حكو يومين مع بعض .. وهشام كان كتير مبسوط وكأنو رجع لايام المراهقة .. والاء كمان حاببتو وحابة الحديث معو وقررت توافق عليه وتصير الخطبة رسمية
~~~~~~~~~~~~~•
الشام
عم تحكي الاء معو
الاء : اهلا كيفك
هشام : مشتاق لحروفك
الاء : تشتقلك مكة يارب
هشام : انا واياكي ان شاء الله
الاء : آمين
هشام : بس تصيري عندي ان شاء الله رح نطلع نعمل عمرة .. او حج
الاء : عم تحكي جد
هشام : والله
الاء : ياريت .. امنية حياتي زور مكة والكعبة الشريفة
هشام : ان شاء الله رح حققلك هالامنية بأذن ربك .. بس انت قوليلي شو صار معك ..
الاء : مشان شو
هشام : بدك توافقي علي ولا لأ .. انو عجبتك لنعمل كلشي رسمي
الاء : اي .. فيك تحكي مع اهلي وتحدد موعد الخطبة
هشام : احلى خبر .. طيب بهل المناسبة حابب شوفك
الاء : امممم
هشام ؛ بنحكي فيديو
الاء : بس عنا عتمة مارح بين مظبوط
هشام : ليه
الاء : الكهربا مقطوعة
اهشام : لكن عشو عم تضووا
الاء : على بطارية و ليدات
هشام : اممم ... طيب موافق لو بالعتمة فتحي فيديو .. مبارح خجلت احكي قدام امك وما شفتك منيح
الاء : طيب لحظة شوي
قامت لبست حجابها وشغلت شمعة قدامها لتبين على الكاميرا اكتر واتصلت فيه
وظهر قدامها كان شكلو بمطعم فخم والإضاءة مية مية
الاء بخجل : كيفك
هشام : لما شفتك صرت منيح
الاء : تسلم
هشام : عفكرة ضو الشمعة على وجهك محليكي
الاء : تسلم عيونك الحلوين ... انت وين قاعد مبين مكان حلو
هشام : اي هاد المطعم قريب من الشركة يلي بشتغل فيها مريت اتعشى واحكي معك
الاء : عجب متاخر بالشغل
هشام : شوية تراكمات لا تهتمي
الاء بخجل : طيب انا ممكن سكر
هشام : اي بنكمل كتابة .. المهم شفتك
الاء : سلام
هشام : الله معك
~~~~~~~~~~~~~•
عندو
كان قاعد وملتهي بجوالو لينضم لقعدتو رفيقو رياض وحسن
رياض : اتأخرنا
سكر الموبايل وهو مبتسم وقال : لا عادي
حسن : شو سر هالابتسامة
هشام : ههههه سر
رياض : لا تقول انك لقيت التالتة
هشام ضحك ضحكة كبيرة (كانت ضحكتو مميزة وحلوة )
حسن : ماعم صدق .. عنجد هشاام
هشام : والله وعقبال الرابعة كمان
رياض : لك الله لايشبعك نسوان
هشام ؛ اي الله لايشبعني .. ليش بينشبع منهن
رياض : سورية ؟
هشام : اي سورية انا مابتزوج الا من بنات بلدي
حسن : عندك الشقرا والبيضا الجديدة شو
هشام : سمرا
رياض : لاء وبنوع كمان
هشام : بعجبك
حسن : وين ساكنة
هشام : بسوريا
حسن : بتقدر تجيبها لهون
هشام : لو مابقدر جيبها مابفوت هالفوتة .. ماعيب عليك
رياض : طيب مين بتحب اكتر وحدة
هشام : كلن بحبن
رياض : بيناتنا اكيد وحدة مميزة
هشام : والله كلن وكل وحدة عندها شي مختلف بخليني حبها وميزها
حسن : والجديدة شو وضعها عزبة مطلقة ارملة
هشام : وحياتك عزبة
رياض : نسينا انك قاهر العذارا
حسن : ههههههههه والله جبتها
هشام : اي حاج مسخرة انت واياه
حسن : اخر سؤال
هشام : تفضل
حسن : كيف قبلت فيك وانت متزوج تنتين
هشام : مابتعرف
رياض : بربك
هشام : والله
رياض : وعلى شو ناوي
هشام :بعد شهر زمان من الزواج بخبرها وبجيبها وبسكنها من ضرايرها ... بتكون صارت مرتي ورح ترضى وتقعد مشان ماتخرب بيتها
حسن : ليش حاسك ندل
رياض : حاسسو ... هو ندل بالاصل ... الله يساعد هالنسوان يلي عندو كيف متحملينو ومتحملين طيشو
هشام : مين اشتكالك بالله
رياض: المهم اطلبنا اراكيل خلينا نفوت نلعب ماتش على الببوجي
هشام : مع انك ما بتستاهل .. ميييتر
~~~~~~~~~~~`•
بعد يومين
نزل هشام على الشام وهو هلق عند اختو
قاعد بالمطبخ واختو عم تعمل قهوة قدامو على الغاز
ام عمر : خلص حاسم الامر
هشام : اي .. شو عم نلعب
ام عمر : كم باقي يوم
هشام : اليوم وبكرا
ام عمر : طيب خليك كمان
هشام : مابقدر عندي شغل لفوق راسي ... لولا كتب الكتاب وتثبيت الزواج مابنزل
ام عمر : ونسوانك شو حكو
هشام : ولا شي ...
ام عمر : قد ماكان والله صعبة على المرى
هشام : تعودوا ... والجديدة كمان بتتعود معن
ام عمر : كيف بدك تبرر كذبتك للعروس
هشام : لوقتها بيفرجها الله
ام عمر : اااخ منك والله كل شغلك ماعم يعجبني
هشام : المهم انا عاجبني ... يلا اختي شو صار بهل القهوة ... وكمان وين الخاتم يلي عقياس ايدها لأنزل جبلها علامة
ام عمر : منشرب القهوة وبنزل معك
هشام : ماشي
~~~~~~~~~~~~~•
البيت مكركب عند عيلة الاء
ومتلبكين على الفاضي
ام حمزة : لؤي الله يرضى عليك جبلنا مولدة صغيرة نضوي عليها احسن من ضو الليدات
لؤي : ماشي بس بدها بنزين
حمزة : بسحب شوي من متوري
اسماء : امي شو جبتو للضيافة
امها : وصيت على علبة كاتو مقطع وكولا
اسماء : بسس
امها : هي قدرتنا
الاء من الغرفة ندهت لأسماء كانت واقفة قدام المراية وعم تحاول تسحب الفستان من ورا .. كان فستان طويل بلون السكري وفيه لمعة خفيفة
الاء : ارفعيلي السحاب
اسماء : عمهل المسا بتلبسيه فرد مرة
الاء : خليني جربو
اسماء : ماشي
الاء : اصلا مو مقتنعة فيه .. انا سمرا وهو فاتح
اسماء : والله مابو شي وحلو
الاء : ما سألتيها لجارتنا اذا عندا غيرو
اسماء : فرجتني اياهن وهاد اكتر واحد لقيت عليه القيمة
الاء : طيب ارفعي هالسحاب لشوف
(تشقق)
الاء : شوو صار
اسماء بصدمة : فرطت درازة الفستان
الاء : ياااربي شو هالمصيبة
اسماء : والله مانو ديق عليكي ليش هيك صار
الاء : من حظي يلي بهوي
اسماء : اشلحيه خلينا نخيطو
الاء : بدو ماكينة هاد
اسماء : بنشوف امي بركي بتلاقي شي طريقة
الاء : لك يضرب حظي
اسماء ؛ خلص طولي بالك
الاء : شو مشان الانارة
اسماء : امي قالت ل لؤي يشحدلنا من عند شي حدا مولدة نقضي عليها هالسهرة .. بس مو هون المشكلة قال امي جايبة علبة كاتو مقطع وكولا
الاء ؛ هالضيفة بطلت من زمان .. وياريت محرزة
اسماء : طيب شو الحل معك تجيبي ضيافة تقيلة .. وهي الاقفاص الدهبية يلي بحطو فيها ضيافة وتعبيها حلو .. هاد الدارج هالايام
الاء : جاي عبالي قلو معد بدي كل هالخطبة .. بنروح فرد مرة ع المحكة يعني واحد بيعزم الناس ليشرشح حالو ... يا يعمل شي عليه القيمة يا بلا محدا عتبان علينا
اسماء : طولي بالك ولوو
الاء : ايو طولة بال .. لا الفستان ظابط ولا الضيافة .. والمولدة الله اعلم اذا بلاقي او لأ
قعدت ومبين عليها رح تنفجر من القهر
سمعت صوت لؤي دخل ع البيت .. قامت لعند الباب وسمعتو قال : مالقيت ولا مولدة حدا يعيرنا اياها
الاء : خلص مافي داعي .. رح قلو بنعمل كتب الكتاب فرد مرة بالمحكمة
امها : ليش يا امي
الاء : شو ليش يا امي .. مانك شايفة الوضع مافي شي ضابط ... الواحد يا يعمل شي منيح يا بلااه ... لايكلف الله نفسا الا وسعها .. ونحنا ماقدرتنا هي التكاليف
حمزة : انا بقول معها حق
الاء : اي بنروح انا وحمزة وهشام ع المحكمة وبنكتب الكتاب وبنجي
امها : وقرايبينا شوبدنا نقلن
الاء : بنقلن انو بابا تعب ولغينا الخطبة
امها : طيب متل مابدكن
الاء : انا رح احكي مع هشام
دخلت الاء ودخلت وراها اسماء وقفت عند الباب زعلانة على اختها ..وبقلبها : مارح اندم انو كذبت عليكي ... بقولو المصاري مو كلشي والله المصاري كلشييي ... روحي واطلعي من هالقرف يلي عايشينو
الاء : الو .
هشام : يا هلا
الاء : كيفك
هشام : غير شكل
الاء : ليك هشام انا بقول بلاها كتب الكتاب عنا بالبيت فرد مرة بننزل على المحكمة
هشام : ليش صاير شي
الاء : ابدا
هشام : لا في شي شبو صوتك
الاء : مافي شي بس هيك احسن ... ابي تعبان ومو خرج عجقة
هشام : هالحكي كذب .. في اب مابدو يحضر كتب كتاب بنتو
الاء : خلص هاد يلي عندي .. واذا حابب تعا وبنروح هلق على المحكمة قبل ماتصير ٢
هشام : شوي وبحكيكي
~~~~~~~~~~~•
سكر والتفت ع اختو يلي قاعدة جنبو بالسيارة
ام عمر : شو القصة
هشام : عطيني رقم اختها لألاء او انت اتصلي فيها
ام عمر : شو القصة
هشام : قال بدا نعمل كتب الكتاب بالمحكمة فورا
ام عمر : اي منيح
هشام : شو منيح ... بنفضح انا اذا انكتب الكتاب بالمحكمة ببين انو متزوج تنيتن
ام عمر : هههههه والله بتستاهل
هشام : بس حاسس انو صاير عندن شي عطيني احكي مع اختها
فتحتلو على اسمها واخد الموبايل من ايدها واتصل
هشام : الو ... كيفك اسماء
~~~~~~~~~~~~~•
اسماء دخلت على الحمام وفتحت المي وردت على ام عمر ليطلع صوت هشام
اسماء : اهلا .. الحمد لله
هشام : شو القصة ليش غيرت رأيها
اسماء : والله مابعرف شو قلك
هشام : خلصيني احكي
اسماء : الفستان يلي جابتو انتزع .. ومالقينا مولدة نضوي عليها وبالسهرة ... والضيافة مارح تكفي لقرايبينا ومابدنا ننفضح قدام ربعنا ... فقالت انو بلاها بالمرة محدا عتبان علينا
تنهد وقالت : هي هية
اسماء : اي
هشام : فكرت شي كبير صاير
اسماء : ليش مانو كبير
هشام : طيب سلام هلق .. بس لاتلغوا شي والخطبة رح تصير عندكن متل ما اتفقنا
اسماء : بس
هشام : بس شوو خلص انا بحلها الله معك
طلعت لقت امها عم تكبس بجوالها
اسماء : امي شو عم تعملي
امها : بدي اتصل بعمامك وخوالك مايجو
اسماء :لا تتصلي بحدا
امها : شو صار
اسماء : ماصار شي .. بنعمل يلي علينا هاد وضعنا يلي عاجبو اهلا وسهلا ويلي ماعجبو الله معو .. ويلي بدو يحكي يروح يعمل احسن وبعدها يحكي
امها : واختك
اسماء : رح فوت لاقي شي تصريفة للفستان واعملو كم قطبة مخفية ماببين نقضي فيه هالليلة وبكرا باخدو ع الخياطة بخيطو وبرجعو لصحابو
مرت حمزة : صح مرت عمي حكي اسماء فيه وجهة نظر
تركت امها ومرت اخوها وراحت لعند الاء فتحت الباب لقتها قاعدة عطرف التخت وعم تبكي .. واول ماحست ع اختها صارت تمسح دموعها
اسماء : لاتبكي ياعمري .. ان شاء الله كلو خير الاء : ان شاء الله
اتطلعت ع الساعة كانت وحدة ونص
الاء : انابقول معد نلحق نروح اليوم على المحكمة .. بنروح بكرا
انا رح نام شوي ع اذان العصر فيقيني صلي تمددت على التخت عأساس تنام بس مارح تقدر تنام ... عم تحكي حالها اذا على الخطبة وع الديق مو قادرين نعمل .. شو رح اعمل يوم العرس ... لا تتشائمي لعله خير سمعت باب البيت عم يندق رفعت راسها شوي لتسمع مين في على الباب .. ( مرحبا .. هون بيت ابو حمزة ... وين نحط الغراض )
قامت وفتحت الباب شوي وشافت عمال توصيل عم يدخلو علب حلويات مع عدة الضيافة ومنهن الاقفاص يلي حكت عنهن اسماء .... وطرودة عصير طبيعي ... راحو ووراهن فورا كان في عمال صيانة ومعهن عدة كهربائية : هون بيت ابو حمزة مو هيك
حمزة بصدمة : اي تفضل
: لو سمحت بدنا نطلع على السطح ونشوف كيف بدنا نركب الالواح
حمزة : الواح شو
العمال : طاقة الشمسية .. وكمان خدولنا طريق نركب البطاريات والانفيرتر
حمزة: متأكد
العامل : اي .. متأكد
حمزة : بس نحنا مابدنا نركب طاقة اصلا مامعنا نركب
العامل : كلو مدفوع ... السيد هشام دفع كلشي .. وياريت بسرعة لأنو خبرنا انكن مستعجلين ونحنا ان شاء الله ساعة زمن وبنكون مخلصين
حمزة : تعا لؤي اطلع معن ع السطح
العامل ؛خدلنا طريق ليفوت الباقي يركب العدة
حمزة : يلا يلا ...تفضلو تفضلو
الاء بصدمة : هشام ؟؟ مين خبروو .. وليش ليعمل كل هاد ..
الباب بعدو مفتوح ودخل عامل توصيل تاني وقال : يا اهل البيت
طلع حمزة وقال : تفضل اهلا وسهلا
العامل : هون بيت الانسة الاء
حمزة : اي تفضل
العامل : في طرد بأسمها
حمزة : انا اخوها
العامل: ممكن توقعلي هون
هز راسو ووقع واخد الطرد ومامعو وقت يعرف شو فيه .. كمل فيه ع غرفة اختو دق الباب وعطاها اياه ورجع يكمل مع العمال
دخلو لعندها امها واسماء ومرت حمزة
اسماء : شو فيه
الاء : مابعرف
اسماء : فتحيه
فتحتو وكان فستان كتير تقيل وحلو خاص للمحجبات بلون الفضي ومعو سكربينة وحجاب متناسق
اسماء : مفاجأت هشام ماعم تخلص
الاء بصدمة : مين خبروو
امها : والله مو انا
اسماء : اناا
الاء : كيف حكيتي معو
اسماء بلبكة مو متوقعة هيك سؤال وحكت : هو اتصل على جوال امي وانا رديت ... واصر يعرف شو القصة
الاء : وانتي قلتيلو
اسماء : اي قلتلو شو اعمل
الاء : يعني بنبين بنظرو شحادين
اسماء : ماقلتلو يبعت .. بس قلي شوفي وانا خبرتو
الاء : اااخ منك بس
اسماء : شوفيها مانو خطيبك
الاء : بس مايعمل كل هاد .. الله اعلم شقد دفع
اسماء : لو مامعو مابيدفع .. وبعدين مبين عليه كريم
الاء : ياربي منك ... انت ميين طلب منك تحكي
مرت حمزة : مافيها شي ولووو.. وكمان حب يجبر خاطرك لازم تفرحي مو تزعلي
الاء : اقسم بالله خجلانة منو
اسماء : مابدها شي خجل ... قومي مرت اخي نظبط الضيافة
راحت اسماء هية ومرت اخوها وضلت الاء هية وامها
الاء : عاجبك هيك
امها : مو زيادة ... بس كبر بعيني هالهشام ... الله يوفقو وين مارح ووين ما اجى ... يلا قومي امي البسي وظبطي حالك ساعة وقرايبينا بيجو
الاء : بس شو عشان المحابس
امها ؛ قرايبين هشان اخدو خاتم عقياس ايدك قال هنن بيتصرفو
الاء : وبركي نسو
امها : يلي بيعمل هالشي مارح ينسى المحبس
طلعت امها وضلت الاء صافنة بالفستان .. حاسة حالها عايشة بحلم .. معقول هالامور عم تمشي هيك بشكل خيالي .. بس حاسة فرحتها مارح تكمل ... يلي عم يصير معها مابصير مع بطلات قصص الخيال ... عريس ومصاري .. وشو ماتطلب بينوجد... حاسة في غصة رح تكون لأنو مافي شي حلو بيكمل
~~~~~~~~~~~~~•
المسا
مجتمعة حلا ونور بغرفة من غرف الفيلا .. نور قاعدة ومادة رجليها على الكنبة وعم تاكل فوشار وتتفرج ع فيلم ... وحلا حايصة رايحة جاي .. انتبهت لنور اللا مبالية وحكت : انت كيف فيكي تكوني بهل البرود ... يلي عم يخطب اليوم هو جوزنا
نور : جربت هالشعور من قبل وصار وقت انت تجربيه
حلا : شمتانة فيني
نور : هيك شي
حلا: كل هالقد بتكرهيني وحاملة بقلبك علي
نور : لا .. بالعكس انا بحبك وبعتبرك متل اختي .. بس خلص ليش مكبريتها تعايشي مع الوضع وخلصنا
حلا : كل الحق عليكي لو انك واقفة معي كنا منعناه
نور : حلي عني يااه
حلا: اي حالة عنك بس بفرجيكي شو رح اعمل
نور : اي عملي وبعدي هيك خليني كمل الفيلم ع رواق
حلا : غبية
تركتها وطلعت حكتها نور بصوت عالي لتسمعها : رح اسكتلك بس تجرئي وكبري حكي معي
وبعدها حكت بصوت عادي : اي بتستاهلي ومتل ماشربت من هالكاس اشربي منو ... ولا مفكرة تاخديلو عقلو ومايتزوج عليكي .. ... ايه الله يهنيك يا ابن عميي هههههههه
~~~~~~~~~~~~~•
النسوان قاعدين بغرفة والرجال قاعدين بغرفة ... تقريبا اغلبهن من قرايبين العروس اما هشام مامعو حدا الا رجالين ونسوان تنتين واكيد جايبهن بالاجار ...
النسوان قاعدين وعن يحكوا ويضحكوا و الاء قاعدة ومتوترة معهن ومو معهن .. عقد قرانها عم ينكتب ومن هاللحظة صارت بتنتمي لشخص غير اهلها ... مشاعر متلخبطة عم تجتاحها ... ومع هيك اول مرة رح تقابلو على الواقع ...
كان في صبية واقفة على الباب وقالت خلصو خلصو .. وبهل اللحظة النسوان طرقو زلغوطة سمعتها كل البناية ... بلشو يضيفو الحلو والعصائر .. والكل اثنى على هالضيافة المعتبرة ومارح ننسى البيت يلي كلو عم يضوي
دخل حمزة واستأذن لدخول هشام ..
قامو كلن زبطو اماكنن وخلو مجال جنب الاء ليقعد جنبها هشام ..
شوي ودخل هشام وكمان زلغطوا مرة تانية
ماكان مبين عليه خجلان بس الابتسامة على وجهو ... دخل سلم على حماتو .. وسلم على الاء باليد .. هية كانت كتير خجلانة ومنزلة راسها وعم ترتعش وزاد ارتعاشها لمستو لايدها
جابت المرى يلي جاي من طرفو علبة حمرا كبيرة وفتحتها لتبين الصيغة يلي جايبها وهية طقم دهب كامل من اجمل الموديلات... وبالاضافة لعلبة صغيرة فيها المحابس
اخد المحبس وسحب ايدها لبسها اياه كان دهبي وعليه الماسة
وهية اخدت المحبس تبعو ولبستو اياه باديها يلي ماوقفو عن رجفتهن
وباركولن الكل وقعدو وهية لهل اللحظة عم تتجنب تطلع فيه من خجلها منو وعم تلعب بايدها
هشام (بهمس )؛ ارحميهن ... واتطلعي فيني شوي
حاولت تاخد نفس وتخفف من توتر ورفعت نظرها عليه .. هو ضل صافن فيها ومبتسم .. وهية بادلتو الإبتسامة وغيرت نظرها لتلتلهي بالموجودين
بس هو ضل ملاحقها بعيونو
~~~~~~~~~~~~~•
عند الضراير
دخلت حلا لعند نور يلي كانت عم تقلب بموبايلها
نور : شو شايفتك رجعتي
حلا ؛ ليش عمل هيك طيب
نور : طيب ماحطك بالصورة من قبل .. وانت وقلتي ماعندي مانع وحقك يا ابن عمي
حلا : حاولت كتتير انو ارضيه ومشان ماتطلع عينو لبرا
نور : يلي فيه عادة ماببطلها .. وهشام مارح يهدا ليتزوج الرابعة ساعتها خلص بتضمنيه انو معد يعملها
حلا ؛ قولتك حلوة
نور ؛ مابعرف .. انا يوم يلي قلي بدي اتزوج كنت قول مارح تجي وحدة احلى مني .. بس انت ماشاءالله عنك حلوة كتير
حلا : يعني انا أحلى منك
نور : اكيد لا .. بس انو نحنا التنيتين حلوين
حلا: اكيد حلوة الضرسان بيعرف ينقي
نور : حاج تحرقي اعصابك واطلعي نامي
حلا : ماقدرت
قعدت وفتحت موبايلها على الواتساب
حلا : هي ام عمر اونلاين .. رح احكيها
نور : كبري عقلك
حلا : مابدي
اتصلت فيها فيديو وهديك فورا ردت
حلا : مساء الخير
ام عمر : يا هلا مساء النور
حلا : شفتك اونلاين قلت بحكيكي بطمن عنك
ام عمر : والله انا الحمد لله بخير
حلا : دووم يارب .. شو شايفتك بالبيت كنو رجعتو من الخطبة
ام عمر : لا انا مارحت
حلا : ليش
ام عمر ؛ لأنو العروس بتعرفني
حلا ؛: مافهمت
ام عمر : البنت اذا شافتني رح تعرف انو هشام اخي يلي متزوج تنيتن هو عريسها
حلا (بصدمة ): ليش مابتعرف انو متزوج وتنتين
ام عمر : لاا هشام كذب عليها على اساس اعزب
نور اهتمت للحديث وقربت لجنب حلا
حلا ؛ وليش ليعمل هيك
ام عمر : لانو شاورت عليها بالاول ولما عرفت انو متزوج رفضت .. بس هية مابتعرفو شخصيا فراح طلبها بطريقة تانية
حلا : وهية البنت حلوة لهل الدرجة لحتى عاجبتو
ام عمر : انا ملاقيتها عادية وانت ونور احلى منها بكتير
حلا ؛ امممم ... طيب مابدي عطلك بحكيكي بعدين
ام عمر : ماشي الله معك
سكرت واتطلعت بنور بصدمة : عادية ومصر عليها ... ياترى شو عندها شي مميز
نور : والله حاسة هشام هالفترة صاير شي لعقلو .. اسمعتي شو عامل مكذب على البنت واهلها ..
حلا بمكر: امممم ... هيك لكن ..
~~~~~~~~~~~~•
ماضل حدا تقريبا بالبيت الا هشام يلي بدو يسهر مع عروستو
تركوهن بالغرفة لحالن طبعا الباب مفتوح وهو اخد راحتو وحكي
هشام : انو حاج شادة على اعصابك وعم تهزي
الاء ؛ مو بايدي متوترة
هشام : من شو .. خلص هي صرنا لبعض
ومد ايدو يمسك ايدها .. وهية تلبك وسحبت ايدها فورا
هشام : مابدها كل هالخجل انا صرت جوزك
الاء : هالكلمة لحالها عم تشعل جواتي براكين
هشام: هههههه خجلك كتير حلو
الاء : شكرا
حط ايدو تحت دقنها ورفعلها وجهها لقدام وجهو
هشام : طيب انا جاي شوف هالعيون الحلوين ليش عم تحرميني منهن
الاء : عنجد عيوني حلوين
هشام : بجننو
الاء : يعني انا عجبتك على الواقع
هشام ؛ شو هالحكي .. مو واثقة بحالك
الاء : بلاقي حالي عادية
هشام : حلو التواضع بس مو لهل الدرجة
الاء : عم تجاملني
هشام : لا والله ... بتصدقي اذا قلتلك عندك جاذبية كبيرة .. والواحد مجرد مايتطلع بهل العيون الحلوين رح ينجذبلن .. في شغلات موجودة فيها اكبر من الجمال .. وانت منن عندك شي غريب .. اول ماشفتك لهفلك قلبي ... يمكن لانك خلقانة من ضلعي وانك انت نصيبي
الاء : بتصدق انو انا كمان حاسة حالي شايفتك من قبل
هشام اتذكر يوم عرس ملك وخاف تتذكرو وحكي : مابظن انا من ١٥ سنة برات سوريا
الاء : يمكن مستشبها عليك
هشام : بجوز ... اي احكيلي شو شعورك بهل اللحظة غير الخجل
الاء : والله مابعرف
هشام : طيب كيف شفتيني على الواقع
الاء : شفت فيك رجال بكل معنى الكلمة ... شفت فيك الرجال يلي بتحلم فيه كل بنت
هشام : انا قصدي بالشكل
الاء : انت حلو كتير بس انا ماعم احكي عن جمالك
هشام : وهاد الشي بالضبط يلي شفتو فيكي .. انا شايفك من جوا .. حاسس انك بتشبهيني
الاء : شو بتحب تشرب
هشام : قبل ما اشرب محضرلك هدية
الاء : كماان
هشام : اي .. اسماااء
اجت اسماء دقت الباب ودخلت : اي صهري
هشام ؛ انا لما جيت جبت بوكس وعطيتك اياه ممكن تجيبه
اسماء : يلا ثواني
راحت اسماء وجابت البوكس كان احمر وحجمو متوسط
الاء مبهورة : والله هيك كتير
هشام : مافي شي بيغلى عليكي يلا افتحيه
نزلت على الارض ورفع الغطا ليوقعو جدرانو للبوكس يلي مليان شوكلاه واكلات طيبة وبالنص في ايفون مو مصدقة شو عم تشوف
اخدت الايفون وقالت هاد ايفون
هشام : اي احدث نوع واللون نادر
كان لونو زهر مائج وفيه لمعة
الاء : عنجد ماعارفة كيف اتشكرك ... ميرسيي كتتير
هشام : عجبك
الاء : بجنن .. بس والله هيك كتتير
هشام : مافي شي بيغلى عليكي وبعدين الواحد الحياة بدو يعيشها كم مرة
قامت قعدت حدو وقالت : بس عنجد هيك كتير ..
هشام : لاتفكري انت
اسماء ؛ ممكن انا اخد الشوكلا
هشام : عفكرة هي شوكلا كتير طيبة وسويسرية يعني هدول ل الاء وهية بتقرر
الاء : بناكلها انا واياكي
هشام : شو هالبخل عفكرة انا جايبن طعموني ولو قطعة على القليلة
الاء : هههه تكرم عيونك
هشام : اسماء كان في كيس مع البوكس ماهيك
اسماء : اي صح رايحة جيبو
هشام : لا هداك الك
اسماء : عنجد الي
هشام : اي .. اختها الوحيد لخطيبتي مابدي دللها
راحت اسماء فورا تشوف شو جايبلها
الاء : شو جايبلها
هشام : موبايل
الاء : كمان ايفون
هشام : اي بس مو احلا من موبايلك
الاء : هشام انت متأكد انت بتشتغل بس موظف
هشام : ههه ... خلص لا تهتمي
اجت اسماء وبايدها الموبايل وضاممتو على صدرها بفرح وقالت : شكررررا كتتتير صهري
هشام : اهلا وسهلا
الاء : ايمت مسافر
هشام : بعد بكرا
الاء : ليه مستعجل
هشام : مافيني اتاخر اكتر من هيك
الاء : بكرا اكيد رح شوفك لكن
هشام : ان شاء الله
الاء : اصبح انا رح امشي بعقد الزواج
هشام : لا في واحد صاحبي معقب معاملات بدو يعملو ويبعتلي اياه بفاكس كرمال ظبطلك وراقك وتطلعي لعندي
الاء : يعني بتطول الشغلة
هشام : لا .. شغلة شهر زمان .. بس انت عليكي بهل الوقت تقدمي على باسبورد مستعجل
الاء : مستعجل بكلف كتير
هشام : لا تاكلي هم المصاري .. انا بدي حد اقصى شهر وتكوني عندي
الاء خجلت وماردت
هشام : عفكرة الشوكلا مع القهوة طيبة
الاء : ثواني
~~~~~~~~~~~~•
قاعد هشام على كرسي هزاز بالبلكون عند اختو وعم يهز وشارد .. لتجي اختو جايبة معها قهوة وقعدت على كنبة مقبالو .. قام من على الكرسي وقعد جنبها
ام عمر : لمحتك شارد
هشام : ههه
اخد فنجان القهوة ورشف منو
ام عمر : اخي احكيلي انت مقتنع بلي عم تعملو
هشام: لو مامقتنع مابعملو
ام عمر : اخي انت بتحبها لألاء
هشام : اكيد بحبها
ام عمر : قصدي الحب الحقيقي
تنهد وشرد وقال : الحب الحقيقي مابكنو لحدا
ام عمر : انت بتعرف شو يعني حب
هشام : اي عشتو وحسيت فيه
ام عمر : ومين كانت
هشام : وحدة كانت معي بالمدرسة الثانوية
ام عمر : هالحكي من زمان
هشام : اي والله
ام عمر : بس وقتها كنت مراهق
هشام: بس مو حب مراهقة .. حبيتها من كل قلبي الشعور يلي حسيتو معها ماحسيتو اتجاه اي بنت
ام عمر : وين صارت
هشام : ماتت صابها مرض وماتت
ام عمر : سنة يلي رسبت فيها
هشام : بالضبط .. هديك السنة حزني عليها سود عيشتي وماكنت قادر ادرس ولا اعمل اي شي .. اصلا اسودت الدنيا بوجهي .. بس الحمد لله شوي شوي صرت اتخطى الوجع .. بس ما نسيتها
ام عمر : وانت هلق راضي
هشام : الحمد لله
ام عمر : طيب شو المغزى من تعدد زوجاتك .. كنت خليك ع نور
هشام : والله انا ماكنت مفكر بالموضوع .. بس مرة عم نتساير انا واياها وقلتلا بدي اتزوج .. عصبت مني بالاول وغارت .. بس قلتلا مابتزوج بشرط .. باخد منك السيارة وتخففي مصاريف وبدي كل سنتين ولد .. ماعجبها الحكي وقالتلي اي روح اتزوج ... فضلت رفاهيتها علي
ام عمر : بس انتو قلتو انو بتتعب بالحمل
هشام : كلشي الو علاج .. بس هية مابدها بنظرها ولد وبنت بكفو والولاد الزايدة رح تعطلها عن مشاوريها عن موبايلها .. عن رفقاتها .. فانا حطيت الفكرة ببالي .. واتزوجت حلا وشرطت عليهن يقعدو مع بعض .. لشوف بيتحملو ... واتحملو كلو كرمال المصاري .. بس انا كمان مابنكر انو عجبتني الشغلة .. ولما قلتلن بدي اتزوج التالتة ما اعترضوا .. بصراحة هنن طمعوني ... وكمان حلا من فترة قالتلي لا تتزوج شرطت عليها متل ماشرطت على نور وقالت : لا روح اتزوج
ام عمر : طيب الاء شو عجبك فيها
ابتسم وقال : يوم عرس ملك .. كانت داخلة ورايي وانا واقع مني مصاري وما انتبهت وهية لحقتني فيهن انا اتطلعت على حالتها ومبين وضعها مو زيادة .. قلتلا خليها الك .. بس هية بدون ولا حرف ولا حتى ناقشتني فتحت ايدي وحطتلي اياها بأيدي وكملت لجوا .... لحقتها وصرت راقبها ... بنت عادية بسيطة جاي بتياب ابدا مو خرج حفلات وماخجلانة من حالها ... شفتا وعجبتني ... هلق هية صح مو احلى من نور وحلا .. بس قلت خليني جرب بنت عادية .. الحلو عطول بزهق لازم الواحد ينوع بين الحلو والمالح والحامض
ام عمر : لكن ليش لما اتصلت فيك قلتلي قلبي لهفلا وخلقت من ضلعي
هشام : لانو اختها كانت جنبك
ام عمر : وشو عرفك
هشام : لك شو نسيتي لما بعتيلي انا هلق وصلت ع المكان يلي رح قابل اختها فيه .. ولما دقيتي ظنيت انو اختها جنبك
ام عمر:اااخ منك .. المهم انت هلق بتحبها لالاء
هشام : اختي انا بحب كل نسواني .. وبعدين في احلى من النسوان .. والله كلن بينحبو الصغار والكبار
ام عمر : ههههههه طيب اخر سؤال
هشام : تفضلي
ام عمر : اذا الاء رفضت هالجازة
هشام : ساعتها رح اتمسك فيها اكتر
ام عمر : واذا قبلت
هشام ؛ كمان قلبي وبيتي مفتوحين ... هلق انا صح حكيت عن نسواني انن بحبو المصاري .. بس كمان مابتخلى عنن ... مزالن ماشيين متل مابدي بدهن رضايي وبالمقابل انا عم قدملن كلشي بيطلبوه المهم يكونو مبسوطين ... وانا مبسوط
ام عمر : والاء بركي طلعت غير
هشام : ساعتها مابتزوج عليها
ام عمر : لا يكتر خيرك هههههه
هشام : هههههههه
انفتح الباب ودخل عمر وكمل لعندن
عمر : مساء الخير
ردو : مساء النور
عمر : مبروك خال
هشام : الله يبارك فيك
عمر : خال بدي احكي معك
هشام : احكي
سحب كرسي وقعد وقال : خال انت ايمت مسافر
هشام : بعد بكرا ليه
عمر : بدك ترجع شي بهل القرب
هشام ؛ اي بدي اخد مرتي .. بس ليش عاوز شي
عمر : لا لا .. بس خالي بس اذا طلعت حاول لاترجع عالبلد بهل الفترة
هشام : في شي
عمر : جياتك المتكررة والمتقاربة على البلد عم تفتح العين عليك وخصوصا انك جاي من قطر .. وانك رجل اعمال كبير ... وعم تفوت مصاري على البلد وعم تبعت حوالات .. كل هاد بدك تخففو
هشام : ليش شو الن عندي
عمر : انت بتقول هيك .. بس الوضع هلق كتير متخلف عن قبل ... بكرا بتلاقيهن اخدوك من المطار وبيحجزوك شهرين تلاتة
هشام : بس انا مافي علي شي
عمر : وحتى لو عليك شي المهم يشفطوا منك .. واذا ماتعاونت الله اعلم شو ممكن يصير كرمال هيك .. اذا طلعت هلق لاترجع ولعد تحوللنا مصاري
هشام : حكي فاضي ولو
عمر : والله مو فاضي .. انا رفيقي بيشتغل بالامن .. وهو كان عم يسألني عنك ..قال اسمك نازل بدائرة البحث .. واسمي عن طريق الحوالات، ورفيقي لما شاف اسمي قرر ينبهني
ام عمر :يعني هشام بخطر هلق
عمر : لا لا .. بس حاليا اذا طلعت لاترجع ع البلد بالوقت الحالي ع الاقل بتكون بعدت شوي عن الوجه
هشام : والاء كيف بدي اخدها
عمر : بتطلع لحالها وبتستقبلها انت بالمطار ... اكتر بنات هالبلد عم يتزوجوا هيك هالايام .. عرس بدون عريس وبعدها بتطلع لعندو
هشام : طيب لشوف
ام عمر : اخي الله يوفقك دير بالك على حالك ..
هشام : لا تاكلي هم اختي ... خلص رح انتبه واعمل متل ماقال عمر
~~~~~~~~~~~~~~•
مر قريب الشهرين
بهل الفترة كانت الاء عم تحكي مع هشام باوقات محددة ساعة باليوم .. وهالشي مو عاجبها نوعا ما بس كانت تبرر انو مشغول .. وهشام بالفعل كاان مشغول بشغلو وباوراق الاء ومع نسوانو ... ويفضي حالو ساعة بالليل ليحكي مع الاء ... اما بالنسبة لحلا كانت عم تخطط لشي كرمال تخربها على هشام ومايتهنى بجوازتو
هشام بررلا لالاء انو مارح يقدر ينزل على العرس لانو عندو شغل .. ولما وصلتها تذكرة الطيارة استغربت انو ع قطر .. وهية مفكرة انو بيشتغل بدبي .. كمان بررلا انو هالفترة شغلو بقطر بتنزل لعندو بقضو وقت بقطر وبعدها بيرجع على بيتو
واليوم عرس الاء ..وعملتو بالبيت ع الديق وماحبت تعجقها لانو ماعندن معارف كتير وكمان لان العريس مو موجود ومابدها تكاليف كتير .. لانو حست انو هشام عم يبعزق كتير وهية مابتحب الاسراف
~~~~~~~~~~•
قاعدة مصمودة بصدر الصالون يلي ببيتها كان فستان مكشوف .. لانو النسوان بغرفة والزلم بغرفة .. كانت طالعة ناعمة وحلوة وبسيطة .... والصبايا كلن لابسين فستاتين وعم يرقصو .. وشافت انو هشام عم يدقلها فيديو .. وفتحت وهية متلبكة هو كان بالمكتب يلي ببيتو .. اول ما شافها ابتسم وحط ايدو تحت خدو وما حكي .. اصلا لو حكى مارح تسمعو .. لوحتلو بايدها وسكرت ودخلت تحكيه كتابة
الاء : طالعة حلوة ؟
هشام : قمرر... اول مرة بشوفك بلا حجاب
الاء : انت ماكنت تطلب
هشام سكت ومارد .. وبعدها رد : انا كنت مخليها لليلة العرس حابب تكون مفاجأة
الاء : وتفاجئت
هشام : وكتتتيرر.. ماتخيلت تكوني حلوة لهل الدرجة بدون حجاب
الاء : كلن بقولولي انو انا بلا حجاب احلى
هشام: احسن
الاء : شو يعني
هشام : انو مابدي هالجمال يشوفو غيري
الاء : بس في احلى مني مو هيك
هشام : وانا مو شايف احلى منك
الاء : تسلملي يارب
هشام : فرجيني الحفلة
الاء : لاا مابصير كلن شالحين
هشام : عنجد .. صار عندي فضول
الاء : يااااخ ... انت بلشت تبين على حقيقتك
هشام : عم امزح معك .. يلا انبسطي يا حلوة وانا بكرا دوري
الاء : دورك بشو
هشام : بكرا بخبرك 😉
خجلت وطلعت فورا من الشات
~~~~~~~~~~~~~•
كان عم يضحك وقام طلع من المكتب نزل لعند نور وحلا يلي كانو قاعدين عم يتفرجو على tv
حلا مراقبتو وهو نازل .. وقامت لعندو ومسكتو من ايدو : ابن عمي شو رأيك نطلع نتعشى انا واياك ونور بما انو بكرا رح تتزوج .. مثلا حلوان
هشام : انتو حابين تطلعو
حلا : كتتتير
هشام ؛ وانت نور
نور ؛ اي ليش لأ .. بس بدنا شي محرز حلون زواجتك التالتة مو يكون حيالله
هشام : لكن قومو نلبس
نور : تمام وانا رح نبه على الدادا تنتبه للولاد
~~~~~~~~~~~~~•
عند الاء
الاجواء كتير حلوة والكل مبسوط وكمان كلو عم ياكل .. اطيب الحلويات مفروشة على طاولة كبيرة والمحلايات والعصائر دخلت صبية من عمرها مع اسماء .. وقفت وصفنت بالاء ... لحتى انتبهتلا الاء وفرحت كتير وقامت لتستقبلها بس هديك البنت اجت فورا لعندها وضمتا
الاء :لك اهلييين اشتقتللك كتيير .. طولتي الغيبة
ميساء : والله لو ماعرسك ماكنت نزلت هلق .. بس خفت انو معد شوفك مرة تانية
الاء : وانا كمان ماكنت حابة سافر قبل ماشوفك
قعدو حد بعض
ميساء: الف الف مبرووك ... وكمان طالعة بتجنني
الاء : ياعمري انت
ميساء : كيف صار هيك
الاء : والله كلشي صار فجأة
ميساء : كلكن بتحكو هيك مشان ماتنحسدو
الاء : لا والله مو هيك .. بعدين بتعرفيني بخبي عنك
ميساء : وينو العريس
الاء : مو هون مسافر
ميساء : يعني مارح يجي يزفك
الاء : لا .. بكرا انا طالعة لعندو
ميساء : وين هو
الاء : بيشتغل بدبي .. بس حاليا هو بقطر بدي اطلع لعندو على قطر
ميساء : ووضعو منيح
الاء : اي بقول منيح
ميساء : شو ماكان اطلعي احسن من هالعيشة يلي بهل البلد
الاء : اي والله معك حق .. بركي هنيك بكمل تعليمي وبصير اشتغل وساعد اهلي
ميساء : ان شاء الله .. وشقد عمرو
الاء : ٣٧
ميساء : اوووف .. كتير كبير
الاء : لا ولو مو لهل الدرجة
ميساء : ١٧ سنة هدول
الاء : هيك النصيب
ميساء : يلا المهم يكون ابن حلال وبيخاف الله فيكي
الاء : ان شاء الله
ميساء : وكمان احسن خليه كبير مشان يتفهمك .. احسن من جيل العشرينات بناطيل ساحلة وحنك رخو
الاء : هلق مابكذب عليكي انو الفارق كبير ... بس عندو كتير ميزات بتخليني اتغاضى عن عمرو
ميساء : الله يهنيكي ياعمري
الاء : والقايلة يارب
ميساء : بتحبيه
الاء : هلق شي طبيعي حدا فات عحياتي الخالية من المشاعر وعطاني اهتمام وحب اكيد رح حبو
ميساء : بتحبيه لشخصو
الاء : اي طبعا .. بس مابعرف اذا هو نفسو الحب والعشق
ميساء : لا ان شاء الله بصير عشق بس يمكن لانو كلشي صار بسرعة وماقعدتو منيح مع بعض
الاء : بجوز
~~~~~~~~~~~~~~•
قاعدين هشام ونسوانو بأحدث مطاعم البلد
حلا عم تتفتل حواليها : كتيير حلو هالمكان .. ليش مابنعرفو
هشام ؛ ههههه لسه في كتير اماكن ماباخدكن عليها
نور : وليش بقا
هشام : مشان ما اتصادف معكن هههه
حلا : عم تهرب مننا
هشام : مو هيك بس مشان ماتكون شي جمعة نسوان واتقبع انا بالفاتورة
نور ؛ هههههه
نزل العشا وبلشو يتعشو بهدوء .. وعيون حلا ع شخص دخل من باب المطعم وقعد ع طاولة قريبة منن وعيونو كانت وقحة وعم يتقصد يجقر فيهن .. نزلت حلا عيونها وتجاهلتو .. بس هو بعدو عم يتطلع بطريقة مزعجة وكل مارفعت عيونها تلاقيها عم يتطلع
حلا : ابن عمي .. ليك هالبني ادم شو نظراتو وقحة
التفت عليه هشام وهداك ضل عم يجقر فيه
هشام : في شي حبيبي
رد : لا سلامتك
هشام : انتبه قدامك ولا تتخطى حدودك
رد : انتو قدامي ومنتبه منيح
هشام : بلله شوو
رد : اي والله .... اما شو يلي قدامي شي بيفلج
ماتحمل هشام وقام وقال : ماسمعت رجاع عيد
وهداك وقف مواجهو وقال : اكيد وحدة منن مو الك عطيني اياها
هشام ماحس على حالو الا هاجم عليه وباطحو على الارض ونزل فيه ضرب
هداك حاول يقاوم بس هشام كان معصب ومو شايف قدامو .. كسرو تكسير وبعدها قام عنو ونفض تيابو وقال : وسخ حقيير
الناس متجمعة وعم تتفرج
وهداك عم يتلوى بالارض والدم طالع من تمو وانفو .. رفع ايدو وقال والله لاخرب بيتك
هشام : اعلى ما بخيلك اركبو .... ع البييت ... نور وحلا كانو مرعوبين ومشو بسرعة قدام هشام ... وهشام طلع مصاري رماهن على طاولتو وهو ماشي رفسو على بطنو وضل مكمل
~~~~~~~~~~~~~•
تاني يوم الصبح
دخلت حلا على نور النايمة وصارت تصحيها
حلا : لك قوومي .. كيف جاييكي نووم وجوزك اليوم رح يجبلنا التالتة
نور : حلي عني .. وبعدين ما زالو مانو منقص عليكي شي ليش زعلانة
حلا : وحدة جاي تشاركنا جوزنا وانت نايمة ولا عبالك
نور : بالاول تلاقيها صعبة بعدين بتتعودي متل ماتعودنا عبعض
تجلست وقالت ؛ خطي خليه يجيب شي وحدة معترة تعيش الها معنا يومين حلوين
حلا : ماهو هاد يلي بدي اوصلو .. بدك حدا غيرنا يتشارك المصاري كلها
نور : مابتفرق معي ..
انتبهت نور لشي بايد حلا
نور : شو معك
حلا : وصيت على شوية لانجري بطيررو العقل وكتير تقال
نور : للعروس
حلا : لا طبعا الي .. والله لخلي هشام يجن علي .. خليكي انت متل الجدبة
نور : حبيبتي انا الاصل ومستحيل يبعد عني وبعدين ماني عم قصر لا من ناحية لانجري ولا غيرو
حلا : بس هدول غييرر .. بجننو على اللبس ... والله لخليه يشوف الفرق ويقول انا وين كنت عن هالجمال لجيب هيك وحدة
نور : ليه انت شفتيها
حلا : لا بس ماسمعتي ام عمر قالت انها عادية ... المهم انا بدي فرجيه الفرق وعرفو انو ندم .. وانت كمان شدي همتك بدنا نطيرلو عقلو ... هو نحنا صرلنا فترة صايرين مملين لازم نعمل شغلات جديد
نور : متل شو
حلا : مابعرف .. بس غيري كلشي روتيني خلينا تنعلم شغلات جديدة
نور : ساكتة
حلا: شو قلتي
نور : اي بنجرب .. فرجيني شو معك
حلا : نو نو .. هلق ببعتلك الموقع واتصفحي على كيفك وبكبسة زر بكونو عندك
نور : ماشي ... صحي شو صار بعد ماجينا مبارح
حلا : ماصار شي نام لحالو بغرفتو ... بتعرفي انت وقت بكون مو رايق بنام لحالو ومابحب حدا يزعجو
نور : بس كأنو ماجهزلا غرفة او قسم للعروس
حلا : ماسمعتي اختو قال مابتعرف انو متزوج اكيد مارح يجيبها لهون هلق .. بس مع الايام اكيد ... انا تشااو
نور : ع وين
حلا : بدي احكي مع اهلي صرلي زمان ماحكيت معن
نور : رح البس وننزل نشرب قهوة تحت شو قلتي
حلا : بشوف .. ارجعي انت نامي فيقتك بكير
نور : ليش بتخلي حدا نايم
تركتها وطلعت
~~~~~~~~~~~~~•
الشناتي جنب الباب والاء عم تودع اهلا والكل عم يبكي
امها : الله معك وينورلك طريقك يارب ويبعتلك ايام حلوة
ابوها : الله يرضى عليكي يا بنتي وييسر امرك ... بنتي مابدي وصيكي طاعة الله من طاعة زوجك .. مبين انو ابن حلال حافظي عليه يابنتي
كانت عم تبكي وتهز براسها انتقلت لعند لؤي ضمتو وصارت تبكي وماحكي ع ومرت حمزة : الله معك يا غالية
اسماء : الله معك يا روحي ... الاء انا اسفة
الاء : على شو
اسماء : على كلشي .. واذا شي يوم زعلتك
الاء : لا تحكي هيك .. بس انتبهي على الماما وساعديها ما اطنشي متل العادة
هزت برسها وماحكت ..
حمزة : يلا الاء التاكسي ناطرتنا تحت
هزت براسها ومشو وهية عم تودعهن بعيونها والكل عم يبكي ... نزل لؤي وحمزة الشناتي كانت تنتين وحدة وسط والتانية كبير ونزلت ركبت بالتاكسي وحمزة معها ليوصلها على المطار .... طلعت امها ومعها ابريق مي ورشقتو وراهن بعد ما انطلقوا
~~~~~~~~~~~~~~•
وصلت عل المطار وركبت الطيارة وبعتت رسالة لهشام : انا صرت بالطيارة
واجاها الرد : وانا رح كون بأنتظارك
ونزلت الشاشة حطتو وضع طيران .. وربطت الحزام وجاهزة للأنطلاق
~~~~~~~~~~~~~•
طالع من باب الشركة وجنبو رياض
هشام : متل ماخبرتك هااا ... انا يمكن غبلي كم يوم
رياض : لا تاكل هم ..
وصل لعند سيارتو وفتلحو الشوفير الباب الخلفي .. شاف سيارة شرطة ووقفت جنبو .. ونزل منها عناصر واجو اتجاهن
الشرطي : حضرتك هشام القاضي
هشام : اي
الشرطي: تفضل معنا
هشام :خير شوفي
الشرطي : بالمركز بتعرف
هشام : انا مافيني اجي معكن هلق .. بدي اطلع ع المطار جيب زوجتي
الشرطي : بنعتذر منك بس لازم تمشي معنا فورا
رياض : شو القصة .. فهمونا
الشرطي : لو سمعت امشي معنا بدون شوشورة
هشام : رياض روح ع المطار وجيب الاء وخليها بغرفة بشي فندق وبعدها تعا لعندي
رياض : لا تااكل هم بس انا مابعرفها
هشام : لك حيلا ورقة اكتب عليها اسمها واستناها
رياض : ماشي ماشي
سحبوه الشرطة ورياض ركب سيارتو وانطلق ع المطار
~~~~~~~~~~~~~•
كاانت نور قاعدة وعم تشرب قهوة وشاردة لنتبهت على حلا نازلة بسرعة على الدرج بكامل لباسها
نور : ع وين
حلا : خبروني انو هشام اخدو البوليس
نور : لييش
حلا : مابعرف
نور : وانت ع وين رايحة
حلا : رايحة جيب مرتو من المطار شو نسيتي انها جاي ومافي حدا يستقبلا
راحت بسرعة ونور مو فاهمة شي
~~~~~~~~~~~~~•
في المركز
هشام قاعد مقبال الضابط بتوتر وقال: ممكن افهم شوو عامل
الضابط : اهدى زين .. ولا تعصب التعصيب مش رح يفيدك
هشام : انا هادي بس فهموني شو القصة
الضابط : انت تعرفو لهذا الرجال انتفح الباب ودخل الشخص يلي ضربو ليلة مبارح
هشام : هاد انت
الشب : اي انا
الضابط : انتم الاثنين لهجاتكم تشبه بعضها
هشام : شكلنا من نفس البلد
الضابط : الشب هاذ اشتكى عليك .. حظرتك معتدي عليه بالظرب
هشام ؛ اي صح
الشب : يعني بتعترف
هشام : وبفتخر انو ضربت واحد متلك
الضابط : شنو هية المشكلة
هشام : اتعدى على خصوصيات غيرو .. وصار يتغزل بنسواني
الشب : نسوانك؟
هشام : اي عندك اعتراض
الشب : انا اسف فكرت وحدة منهن اختك وكنت حابب اخطبها
هشام : حتى لو عندي اخت مابجوزها لواحد متك
الشب : سيدي انا بدي اسحب الشكوى
تفاجئ هشام منو بس ماعلق
الضابط : سيد هشام تتعاهد انك ماتأذيه مرةً ثانية
هشام : بتعاهد بس هو لايطلع بوجهي مرة تانية
الضابط : الحين نظبط الاوارق وتطلعون من هنا
هشام : ياريت بسرعة
~~~~~~~~~~~~~•
وصلت سيارة حلا قدام الفيلا ونزلت والباب التاني انفتح بهدوء ونزلت منو الاء كانت متلبكة نوعا ما
الاء : هشام وينو
حلا : ما زالك مصرة رح خبرك .. كان رايح يجيبك من المطار واجت الشرطة اخدتو .. بس بظن سوء تفاهم
الاء : وانت مين
حلا : والله قرايبتو ... من اول ماالتقيت فيكي وانت مبلشة اسألة
الاء : لأنو ماني مطمنة
حلا : لا تخافي والله انا متل اختك ... وكمان هلق بنعرف وضع هشام تعي نفوت
هزت راسها بالنفي .. خايفة تفوت على هالشي المجهول وخصوصا قدامها قصر من قصور الخيال .... وصلت مالقت هشام ... وصارت تدور عليه مالقتو .. لحتى لقت حلا واقفة ومعها ورقة ومكتوب عليها اسمها قربت لعندها وعرفتها عن حالها وسألتها عن هشام وخبرتها انها من طرفو واجت معها لهون
حلا :والله مافي بخوف .. بعدين ضرتي جوا وفي خدم وولادنا جوا من شو خايفة
الاء اطمنت نوعا ما وقاالت وينن
حلا :جوا تعي
مشت بخطوت بطيئة .. وفتحت بمفتاحها .. ودخلت الاء متوترة .. خايفة تكون شي عصابة خاطفتها
دخلت وانذهلت من الجمال يلي شافتو وهو جمال القصر من الداخل ... كانت حلا بدا تسكر الباب الاء منعتها وقالتلا : خليه مفتوح
حلا : اوك .. ماشي .. دخلت شوي ماكان في حدا
اتصلت حلا ع حدا وقالت انزلي وجيبي معك الولاد يتعرفو على مرت ابوهن
التفتت عيلها بصدمة