رواية احلامي البريئه الفصل الحادي والعشرون21بقلم ملك روحي
عبدالله اتخض وقعد عالارض يفوق عم محمد ومفيش فايده رن علي مراد وقاله ابو احلام أغمى عليه الحقني مش عارف اعمل ايه.
مراد؛ وديه المستشفى بسرعه مستني ايه.
عبدالله؛ ياعم محمد وقام جابله مايه وفضل يفوق فيه لما اخيرا فاق.
عم محمد؛ اااه احلام فين هاتلي احلام ياعبدالله يابني.
عبدالله؛ اطمن ياعم محمد احلام هتكون كويسه قوم معايا انت بس.
عم محمد؛ على فين يابني.
عبدالله؛ على القصر بتاع مراد عشان اكيد زي ماخطفوا احلام هيحاولوا يخطفوك عشان كده أأمن مكان عند مراد هناك حرس ومفيش حد يقدر يدخل القصر يلااا ياعم محمد.
عم محمد؛ مش معقول ارجع تاني يابني احلام هتزعل مني لو روحت القصر.
عبدالله؛ متقلقش نطمن عليها الأول وبعدين تفهم كل حاجه. ونزل عبدالله وعم محمد عالقصر ووصلوا واطمن عبدالله انه بخير ونزل بسرعه عشان يروح لمراد الشركه.
وصل عبدالله الشركه ودخل وكان مراد عمال يكسر في كل حاجه حواليه ومتعصب جدا.
عبدالله :في ايه يامراد اهدي كل حاجه هتبقى تمام.
مراد؛ مش قادر ياعبدالله الكلب كمال مسكني من ايدي اللي بتوجعني وبيهددني بأحلام. الشحنه اللي جايه دي لو اتمسكت الشركه هتنتهي ومش بعيد اخد فيها اعدام دي كميه كبيره جدا.
عبدالله؛ متقلقش هنتصرف بس انت خليك معاه وافهم منه عايز ايه عشان ميأذيش احلام وهنفذ كل اللي هوه عايزه.
مراد؛ الفاكس اتبعت وانا رديت عليه وقلتله هيتم الاستلام.
عبدالله؛ وامتا الاستلام.
مراد؛ بعد بكره يوم الخميس الساعه ٩الصبح.
عبدالله؛ يبقي لازم نتصرف صح ومش عايزين غلط.
مراد؛ بأبتسامه متقلقش المرادي مش هغلط نهايته على أيدي.
عبدالله؛ ربنا يستر.
عند احلام..
صحيت من النوم وحست بوجع في دماغها وبصت حواليها لقت نفسها في اوضه ضلمه وايديها ورجليها مربوطين اتخضت وفضلت تصرخ بعلوو صوتها الحقووني انا فين ياناااس ياللي هنا انا فين.
دخل كمال ونيره..
كمال؛ بزعيق.. مالك بتزعقي ليه.
احلام؛ بخوف ورعشه. انت مين انا فين وانتوا جايبني هنا ليه.
كمال؛ اهدي انتي هنا في امان لغايه ماحبيب القلب ينفذ المطلوب منه.
احلام؛ بصتله باستغراب حبيب القلب مين وهينفذ ايه. وانا مالي بكل ده.
نيره؛ مش عارفه مين حبيب القلب ياقلبي.
احلام؛ وهيا بدقق في ملامحها. انتي مين انا حاسه اني شوفتك قبل كده.
نيره؛ انا نيره حبيبه مراد القديمه.
احلام؛ ايوه ايوه انا شوفتك وانتي جايه القصر لمراد انتي عاوزه مني ايه.
نيره؛ اهدي كده ياحلوه انتي هنا عشان عندنا شغل مهم مع مراد ولازم ينفذه وان منفذهوش هنقتلك.
احلام؛ بخضه.. اايه وانا مالي وايه دخلي في الموضوع.
كمال؛ ماهو عشان انتي حبيبه القلب وهيخاف عليكي وهينفذ كل المطلوب وبعدها ابقى اقريله الفاتحه.
احلام؛ والدموع نازله علي خدها. وقلبها واجعها على حالها وخايفه على مراد... حرام عليكم سيبوني في حالي ومراد كمان في حاله من زمان عمره ماأذي حد سيبونا في حالنا.
كمال؛ مش عايز مناهده كتير اظن احنا جاوبناكي على كل اسئلتك عشان تطمني.
احلام؛ وهيا بتعيط وخايفه ارجوك خليني امشي من هنا انا والدي راجل تعبان ومش هستحمل بعدي عنه ارجوك.
كمال؛ قلتلك مش عايز وجع دماغ لما مهمتك تخلص هتمشي من هنا.
احلام؛ بخيبه أمل وبصت في الأرض ودموعها زي الشلال.
كمال ونيره طلعوا وسابوها.
وفات يومين وجه وقت استلام الشحنه ومراد مسابش مكان الا ودور فيه على كمال واحلام بدون فايده. تليفون مراد رن وكان المتصل كمال.
مراد؛ الوووو.
كمال؛ ايوه يامراد الشحنه هتوصل كمان ساعه انا مش عايز غلط والا انت عارف.
مراد؛ تمام اطمن. احلام فين ممكن اسمع صوتها واطمن عليها.
كمال؛ اطمن هيا كويسه ودلوقتي هدخل اخليك تكلمها.ودخل كمال لقى احلام نايمه وكانت تعبانه جدا ومبطلتش عياط.
كمال؛ انتي فوقي خدي كلمي حبيب القلب عايز يطمن عليكي بقلمي #ملك روحي
احلام؛ فاقت وفتحت عينيها ومسكت التليفون... الووو مراد الحقني يامراد الناس دول خاطفني.
مراد؛ بلهفه.. انتي كويسه يااحلام طمنيني حد عملك حاجه.
احلام؛ انا بخير مين الناس دول يامرادو بيعملوا ليه كده.
مراد؛ متقلقيش يااحلام انا هفهمك كل حاجه المهم خلي بالك من نفسك انتي وانا في أقرب وقت هجيلك اخدك من عندك هانت.
احلام؛ بابا عامل ايه يامراد طمني عليه.
مراد؛ اطمني هوه كويس متقلقيش خليكي في نفسك دلوقتي.
كمال اخد التليفون من احلام..
كمال؛ اظن كفايه كده واطمنت وزياده. نطمن بقاا على شغلنا.
مراد؛ قلتلك متقلقش الشحنه هتوصل وهنستلمها.وقفل معاه التليفون ونزل بسرعه عشان يستقبل الشحنه في المينا.
ووصلت الشحنه في الميعاد واستلمها مراد تحت مراقبه البوليس وكان مرتب كل حاجه مع مراد.
مراد.كان منتظر تليفون من كمال عشان يعرف هوه هيجي امتا ياخد منه البضاعه.
وفجأه رن تليفون مراد وكانت الشرطه مراقبه كل حاجه.
مراد؛ الوو.
كمال؛ هاه طمني كله تمام
مراد؛ كله تمام الشحنه وصلت موجوده عندي في الشركه.
كمال؛ حلوو اووي يبقى تجيبها وتيجي في العنوان اللي هديهولك ده وبسرعه عشان مسافر.
مراد؛ احلام فين الأول مش هتحرك من مكاني غير لما اعرف مكانها واطمن عليها.
كمال؛ المكان اللي هتيجي فيه احلام موجوده هناك هتسلم البضاعه وتستلم احلام.
مراد :اديني العنوان.
كمال؛ اداله العنوان. ونزل مراد بسرعه وكانت الشرطه وراه ومعاهم عبدالله.
مراد وصل المكان اللي قاله عليه كمال وكان بيت مهجور وقديم وصل بالعربيه ولقي رجاله كمال محاوطاه بالسلاح. ونزل من العربيه وواحد من رجاله كمال كتف ايده ودخل بيه جوه.
كمال؛ كان قاعد جوه على مكتب قديم في اوضه جنب اوضه احلام اللي موجوده فيها.
مراد دخل وبيدور بعينيه على احلام في كل مكان وفجأه لقى كمال.
كمال؛ وهوه بيشرب سجاره وحاطط رجل على رجل وبيبص لمراد بغرور وثقه.. اهلا بالوحش المغرور.
مراد؛ احلام فين انا نفذتلك كل طلباتك هيا فين.
كمال؛ متستعجلش هتقابلها دلوقتي.
وجه من وراه واحد من رجاله كمال وهوه شايل شنطه البضاعه وقال لكمال.. كله تمام ياكمال بيه البضاعه موجوده.
كمال؛ ابتسم بفرحه. حلوو اوي يبقى انت كده براءه يامراد وتقدر تشوف حبيبه القلب. خدوه عندها.
ومشي مراد ناحيه اوضه احلام هوه وواحد من رجاله كمال وفتح الباب وزق مراد دخل جوه. وكانت احلام قاعده عالارض وضامه رجليها بأيديها وبتعيط من الخوف وأول ماالباب اتفتح رفعت دماغها عشان تشوف مين وفجأه لقت مراد قدامها.
مراد بلهفه:احلام..
احلام؛ اول ماشافته ابتسمت ابتسامه عريضه وقامت جريت عليه واترمت في حضنه ومراد حضنها جامد وغمض عينيه..