رواية احلامي البريئه الفصل الثاني والعشرون22بقلم ملك روحي
احلام حضنت مراد بكل قوتها وكأنها لقت طوق نجاه روحها ردت فيها لما شافت مراد وفضلت تعيط في حضنه ومراد غمض عيونه وضمها بين ضلوعه بكل قوته وكان حاسس انه عايز يخبيها جوه قلبه ويسكنها بين ضلوعه من كتر خوفه عليها ولهفته وكل ماالوقت يمر يشتد كل منهما في أحتضان الأخر.
وبعد مرور بعض الوقت خرجت احلام من غفلتها بين أحضان مراد وبصتله بخوف وهيا بترتعش ومراد قلبه واجعه عليها وهوه بيبصلها بكل حب وحنان لانه السبب في كل اللي حصلها.
احلام؛ مراد انا هنا ليه ومين الناس دي وعايزين منك ايه.
مراد؛ مسك ايديها الاتنين وهوه باصص في عيونها. متخافيش يااحلام هما كانوا عايزين مني شغل وانا خلاص عملته وهنمشي من هنا دلوقتي.
احلام؛ بس الراجل اللي بره ده مش ناوي على خير وكان بيقول انه هيأذيك يامراد انا خايفه عليك.
مراد؛ وهوه متفاجأ برده فعلها وانها خايفه عليه مبقاش قادر يبعد عنها خلاص شدها لحضنه بقوه وقالها. متخافيش ياقلب مراد متقلقيش البوليس في كل حته.
احلام؛ وهيا تايهه في حضنه ومش عايزه الوقت يمر وتسيبه ابدا. قالت.. انا خايفه اوي يلاا نمشي من هنا يامراد ارجوك.
مراد؛ حاضر هنمشي والتفت ناحيه الباب وخبط عليه بكل قوته..
كمال ورجالته بره ونيره.
كمال؛ وهوه بيكلم واحد من رجالته.. هاه عملت اللي قلتلك عليه.
=كله تمام ياكمال بيه حطيناله المخدرات في عربيته.
كمال؛ حلوو اوي انا همشي من هنا انا ونيره وانتوا خرجوه هوه والبنت اللي معاه وخليه يمشي وبعد مايمشي بلغ البوليس عن العربيه.
=تمام ياكمال بيه
وكان عبدالله والبوليس بره منتظرين اشاره من مراد وبيراقبوا المكان.. بقلمي #ملك روحي.
خرج كمال ونيره وركبوا العربيه تحت نظرات البوليس.
عبدالله؛ ياحضره الظابط كمال خرج ومراد لسه جوه وكمان مش عارفين احلام فين.
الظابط؛ متقلقش نطمن الأول على مراد واحلام وبعدها العساكر هيجيبوه وأمر العساكر انها تطلع وراه ولما يديهم اشاره يقبضوا عليه.
وأمر باقي القوه انهم يهجموا على البيت..
احلام ومراد كانوا قلقانين مفيش حد بيرد عليهم. وفجآه الباب انفتح وكان واحد من رجاله كمال. بص لمراد وقاله خد البنت اللي معاك وامشي يلاا بسرعه.
مراد؛ باستغراب فين كمال.
=متسألش يلاا امشي والا هتصرف معاك تصرف مش، هيعجبك..
احلام بصت لمراد وقالتله يلاا يامراد نمشي بسرعه وهيا خايفه.
وفي نفس الوقت وصلت الشرطه وكسرت الباب ورجاله كمال رفعوا المسدسات وضرب النار اشتغل في كل مكان ومراد التفت لأحلام بسرعه ودخل بيها الاوضه عشان يحميها تحت صراخها وخوفها وهيا ماسكه مراد بكل قوتها.
مراد؛ رفع وشها ليه وبص في عينيها.. اهدي يااحلام انا جنبك متخافيش ان شاء الله هتعدي على خير.
احلام؛ وهيا بترتعش ودموعها مغرقه وشها.. انا خايفه يامراد انت مش سامع صوت ضرب النار انا خايفه اووي.
مراد؛ حضنها جامد وهوه بيحاول يطمنها.. وبعد شويه وقف ضرب النار والبوليس قبض على رجاله كمال. ودخل عبدالله بسرعه على مراد. وهوه بينادي عليه ولقي احلام جنبه وهيا خايفه وبتعيط.
عبدالله؛ مراد انت كويس انتي كويسه يااحلام جرالك حاجه.
احلام؛ اول ماشافت عبدالله اطمنت شويه.. وقالت عبدالله الحمد لله انك جيت احنا كويسين هوه البوليس قبض عليهم.
مراد؛ احنا بخير ايه اللي حصل بره.
عبدالله؛ متقلقيش البوليس قبض عليهم وكمان في قوه خرجت وره كمال عشان تجيبه قبل مايهرب.
وخرجوا كلهم تحت حمايه البوليس.
الظابط؛ وهوه بيكلم مراد.. كمال حطلك في العربيه هيروين كان عايز يحبسك مؤبد او يتحكم عليك بالأعدام.
مراد؛ وهوه مش مستغرب من نداله كمال. المهم مسكتوه ولا لسه..
الظابط؛ وهوه لسه هيرد جاتله اشاره في الاسلكي انهم قبضوا عليه هوه ونيره...خلاص اتقبض عليه متقلقش بس لازم تيجي معانا نقفل المحضر.
وخرجوا كلهم على قسم الشرطه واتقفلت القضيه بعد مااتحبس كمال ونيره.... بقلمي #ملك روحي
ومراد خرج هوه واحلام وعبدالله. من قسم الشرطه.
احلام؛ انا عايزه اروح عند بابا زمانه هيموت من الخوف عليا.
مراد؛ متقلقيش يااحلام عم محمد عندي في البيت.
احلام وعبدالله استغربوا من كلامه لانه اول مره يقول عم محمد.
احلام؛ عندك في البيت ازاي.
مراد؛ انا خوفت عليه عشان كده طلبت من عبد الله يجيبه البيت عندي انا مضمنش كمال كان ممكن يأذيه.
احلام؛ متشكره اوي يامراد انا مش عارفه اقولك ايه انت أنقذت حياتي.
مراد؛ وهوه بيبصلها بحب بتشكريني على ايه انتي اتأذيتي بسببي يااحلام انا مكنتش هسامح نفسي لو جرالك حاجه انا كنت اموت نفسي.
احلام؛ حطت ايدها على بوق مراد بخوف.. متقولش كده يامراد بعيد الشر عنك الحمد لله انك بخير انا كنت خايفه يجرالك حاجه كنت هموت من الخوف عليك.
مراد قرب منها ومسك ايديها وهوه تايه في عيونها واحلام كمان نسيت الدنيا والتعب اللي شافته وتاهت في عيون مراد.
عبدالله كان واقف يتفرج عليهم وهوه مبتسم وانهم خلاص اتصالحوا.
عبدالله؛ احممم احنا هنقضيها نحنحه ولا ايه يلاا بينا عالبيت عشان زمان عم محمد قلقان على احلام جدا.
احلام بصت لعبدالله واتكسفت وبصت في الأرض ومراد نغز عبدالله وهوه بيكز على سنانه وبيقوله انت دايما كده تيجي في الوقت الغلط.
عبدالله؛ ضحك وقال. معلش ياسيدي عديها المرادي بس لازم نمشي عشان احلام زمانها تعبانه ومحتاجه ترتاح. انت مش شايف هيا متبهدله ازاي.
احلام بصت على نفسها وفعلا لقت هدومها متبهدله ومراد مسك ايديها وقالها يلاا يااحلام نمشي.
ووصلوا القصر بتاع مراد ودخلت احلام وكان والدها قاعد على سجاده الصلاه ورافع ايده وبيدعي ان بنته ترجعله بالسلامه.. احلام اول ماشافته ابتسمت وقالت حرما يابابا.
عم محمد؛ مش مصدق انه سامع صوت احلام وحاسس انه بيحلم التفت بسرعه لقى احلام واقفه وراه ولسه هيقوم جريت احلام عليه واترمت في حضنه وهيا بتعيط.
عم محمد؛ وهوه بيبوسها في كل حته في وشها وهوه مش مصدق انها رجعتله بالسلامه.. انتي كويسه يااحلام يابنتي حمدالله على السلامه.
احلام؛ وهيا دموعها مغرقه وشها وبتبوس ايد باباها.. الحمد الله يابابا بفضل دعواتك انا بخير بس المهم طمني عليك انت وعلى صحتك.
عم محمد؛ انا بخير يابنتي وكتر خيره عبدالله ومراد بيه جابوني هنا عشان كانوا خايفين عليا وقالولي انهم هيرجعوكي ليا بالسلامه.
مراد؛ بلاش مراد بيه دي ياراجل ياطيب ووطي عليه وقعد جنبه وقاله من انهارده اعتبرني ابنك.
احلام استغربت من كلامه وبصتله وسكتت.
عم محمد؛ ربنا يعلم معزتك يابني في قلبي.احنا هنستأذن يابني تقلنا عليك هاخد احلام ونمشي والحمد لله بنتي جنبي وبخير..
مراد؛ احلام مش هتمشي من هنا احلام هتبقى مراتي..