رواية احلامي البريئه الفصل الثالث عشر13بقلم ملك روحي
خرج عبدالله وركب تاكسي وفتح تليفونه عشان يحدد مكان مراد من آخر مكالمه. كان دايما بياخد احتيطاته من شغله مع مراد. واتجه التاكسي ناحيه مكان مراد لقى في لمه كتيره وعربيه مراد مصدومه في شجره ومراد مغمى عليه والناس بيحاولوا يسعفوه نزل عبدالله من العربيه وجري على مراد وكانت حالته صعبه عبدالله شاله بين ايديه بخوف وجري بيه عالعربيه وطلع عالمستشفى ونزل من العربيه ونادى بعلوو صوته على الممرضين اللي في المستشفى حد يلحقنا وجريواعليه الممرضين بسرعه بسبب صوت عبدالله العالي ودخل مراد غرفه العمليات.
عند احلام. الدكتور خالد قالها تجهز نفسها عشان في عمليه دلوقتي وهتدخل معاه تحت إشرافه وخرجت احلام عشان تغير هدومها والدكتور خالد اتجهه ناحيه غرفه العمليات ولكن الممرضه قابلته وقالتله ان في حاله وصلت المستشفى ودخلت العمليات بين الحياه والموت ولازم يكون موجود عشان الدكتور محمد نزل ومش موجود.
د خالد؛ طيب استعجلي دكتوره احلام حالا وخليها تحصلني. وبالفعل اتجه الدكتور خالد لغرفه العمليات وكان عبدالله موجود بره ومنتظر اي اخبار تطمنه.
الممرضه استعجلت احلام وقالتلها الدكتور خالد في انتظارها احلام قالتلها انها خلاص جاهزه وراحت احلام للعمليات واتفاجأت ب عبدالله واقف والخوف والقلق مسيطر عليه.
احلام؛ قربت منه. وقالت عبدالله انت بتعمل ايه هنا في ايه بابا كويس اتكلم.
عبدالله؛ اتفاجأ بأحلام وبصلها بخوف وقالها. انتي بتعملي ايه هنا يااحلام.
احلام؛ انا هنا في المستشفى اللي قلتلك عليها بشتغل تحت إشراف الدكتور خالد.انت هنا بتعمل ايه قلقتني.
عبدالله؛ بص في الأرض ومبقاش قادر يقول لأحلام ان مراد هوه اللي في العمليات.. وبصلها بخوف وقال.. مراد عمل حادثه يااحلام كان في ناس بيطاردوه وضربوا عليه نار وهوه بين الحياه والموت.
احلام؛ انصدمت من كلام عبدالله وفقدت النطق. وبصتله بخوف وقالت. انت بتقول مراد جوه بين الحياه والموت. انت بتقول ايه ومسكت ايده وصرخت فيه.. انطق رد عليا مراد ماله.
عبدالله؛ مراد محتاجلك يااحلام ارجوكي ادخلي انقذيه ارجوكي مهما كان اللي حصل بينكم انا عارف انك بتحبيه.
احلام؛ دموعها زي الشلال ورجليها مش قادره تقف عليها. وبتسند على عبدالله. ومش مستوعبه كلام عبدالله حاسه انها في كابوس.
الممرضه خرجت من غرفه العمليات وقربت ناحيه احلام.. الدكتور خالد بيستعجلك يادكتوره احلام المريض حالته حرجه ارجوكي اتفضلي بسرعه.
عبدالله؛ ادخلي يااحلام ارجوكي بسرعه
احلام. دخلت وقلبها هيقف من الخوف وخايفه تقرب من مراد وحاسه انها مشلوله. في الوقت اللي قلبها مجروح منه القدر يجيبه بين ايديها عشان تنقذه للمره الثانيه وفي صراع جواها مابين انها بطمن نفسها انه هيكون كويس او ممكن تفقده للأبد.. بقلمي #ملك روحي
د. خالد؛ شاف احلام واقفه مكانها والدموع على خدها والخوف مسيطر عليها.. احلام. قربي لو سمحتي.
احلام؛ بصتله بخوف وتوتر وقربت من مراد.
وكانت حالته صعبه والكدمات ماليه وشه. احلام قالت للدكتور خالد.
حالته ايه يادكتور.
د خالد؛ واخد رصاصه في كتفه وفي كدمات كتيره والظاهر في كسر في رجله.
احلام؛ اخدت نفسها واطمنت انه هيبقي بخير..يعني مفيش خطر على حياته يادكتور.
د خالد؛ بصلها باستغزاب.. هوه انتي تعرفيه ولا ايه.
احلام؛ وكأن شريط حياتها بينعاد قدام عينيها وذكريات طفولتها وقلبها اللي اتكسر بسببه. وهيا عينيها على مراد وكلها دموع. وقالت. اعرفه عز المعرفه. معرفه قديمه.
د خالد؛ اطمني يااحلام هيبقي بخير... وخلصت العمليه وخرج مراد علي اوضه تانيه.وخرجت احلام ل. عبدالله عشان تطمنه.
احلام؛ قربت من عبد الله.. اطمن هوه بقى كويس بس انا ليا طلب عندك ياعبدالله.
عبدالله :اتفضلي يااحلام.
احلام؛ مش عايزه مراد يعرف اني موجوده هنا في المستشفى ولا كنت معاه في العمليات.
عبدالله؛ بصلها وفهم قصدها.. ليه يااحلام مش عايزاه يعرف.
احلام؛ عشان مش عايزه اشوفه تاني وهحاول اطمن عليه من الدكتور خالد. من غير مايعرف اني موجوده ارجوك اوعدني ياعبدالله.
عبدالله؛ هز رأسه بالموافقه وقالها حاضر واستأذن منها عشان يروح لمراد يطمن عليه.
ومشيت احلام ناحيه غرفه مراد ووقفت من بعيد تراقب مراد وهوه نايم وكان قلبها واجعها عليه.. والتفت عبدالله لقى احلام واقفه شارده وباصه على مراد والدموع في عينيها.. وفجأه مراد فاق وكان اول اسم ينادي عليه.. احلاااام.
احلام دخلت الاوضه وقربت من مراد وكل ده وهيا مش حاسه باللي هيا بتعمله عقلها مغيب تماما قلبها بس هوه اللي مخليها تقرب من غير وعي.. قربت من مراد ومسكت ايديه ودموعها نازله بقهر ووجع.
احلام :انا جنبك يامراد انا موجوده عشان خاطري قوم وارجع أقف على رجليك من تاني أرجوك. انا مش متحمله اشوفك وانت في الحاله دي.
مراد؛ وهوه بينادي على احلام. وماسك ايديها بقوه واحلام منهاره جنبه.
عبدالله؛ قرب منها وقال.. احلام لازم تبقى أقوى من كده انا عارف انك بتحبيه بس صدقيني اللي انا شايفه دلوقتي ان مراد هوه كمان بيحبك مراد وهوه تحت تأثير البنج مش بينادي غير عليكي.
احلام؛ بصتله وبصت لمراد..صدقني ياعبدالله انا جوايا ليه حب كبير ومهما حاول يشوه صورته قدامي مش هيمحي الحب ده مهما حصل. ده حب طفولتي واجمل ايام عمري..
عبدالله؛ ياريته يعرف قيمتك يااحلام وأنه بيمتلك قلب جوهره مليان حب ياريت كل الناس زيك.
احلام؛ قربت من مراد وباست جبينه وقامت عشان تمشي بس كان مراد ماسك ايديها وحاولت احلام تفك ايديها بس كان مراد أقوى منها حتى وهوه في عالم تاني مش عايزها تبعد عنه...واتصدم عبدالله من اللي شافه وحاول يقرب عشان يفك ايدين مراد تحت محاولات كثيره. لكنها فشلت..