رواية احلامي البريئه الفصل الخامس5بقلم ملك روحي
مراد ركب العربيه واحلام ركبت جنبه وكانت طايره من الفرحه وقلبها بيدق وبصتله بهيام ومراد بصلها وابتسم واحلام اتكسفت ونزلت وشها في
الأرض. ومشي مراد بالعربيه وطول الطريق مراد بيبص لأحلام وبيراقب توترها وقال.
مراد؛ هتبقى تخصص ايه بقا يااحلام.
احلام :انا كان نفسي ابقي أطفال.. انا بحب الأطفال اووي بس بقاا مفيش نصيب بقيت تخصص ناس كبيره وضحكت.
مراد؛ يعني دكتوره شامله في كله.
احلام؛ ربنا يقدرني بس واقدر اساعد الناس.
مراد؛ طيب ناويه على ايه بعد التخرج.
احلام؛ لسه مش عارفه بس ان شاء الله ناويه افتح عياده عشان اريح بابا بقاا وبردوو هتبقى بسعر رمزي عشان الناس الفقرا.
مراد؛ انتي طيبه اوي يااحلام اذاي ماخدتش بالي منك الفتره اللي فاتت دي بس انتي دايما كنتي مشغوله بدراستك عشان كده متقابلناش خالص.
احلام؛ فعلا انا دايما مشغوله بدراستي وده هدفي في الحياه ونفسي احققه.
مراد؛ أن شاء الله وانا موجود اي وقت لو محتاجه مساعده وبص في عينيها وابتسم.
احلام :فركت ايديها. اكيد يامراد بيه لو احتجت حاجه هقولك.
ووصلوا الكليه. ومراد وقف العربيه. واحلام همت بالنزول بعد ماشكرته.
مراد؛ مسك ايديها قبل ماتنزل.وبص في عينيها وقال.. استنى يااحلام.
احلام :بصت لأيده واتوترت وقلبها بيدق بسرعه. احم. خير في حاجه.
مراد؛ اولا احنا قلنا اكتر من مره بلاش مراد بيه دي. مراد بس.
احلام؛ احم بسسس.
مراد؛ مفيش بس انا عايز اسمع اسمي منك دلوقتي.
احلام؛ بخجل. حاضر يامراد.
مراد :ياااه مكنتش عارف ان اسمي جميل كده غير لما قولتيه.
احلام؛ خدودها احمروا وخلاص قلبها هيقف. وابتسمت.
مراد؛ انا لو مفيش تقل مني ممكن تليفونك يعني عشان ابقى اطمن عليكي لو احتاجتي حاجه وكمان حابب اسمع صوتك كل يوم قبل مانام.
احلام؛ بصتله واتصدمت من التغيير ده وازاي مراد بقاا كده وكمان عايز يكلمها في التليفون ويسمع صوتها كل يوم.. فاقت من شرودها على صوت مراد.. احلااام هاه انتي سكتي يعني مش عايزه تديني رقمك ولا ايه.
احلام؛ هه لأ طبعا ازاي اكتبه عندك. واخد مراد منها الرقم وسجله على تليفونه..... بقلمي #ملك روحي
مراد؛ بأبتسامه. ليا طلب كمان عندك.
احلام؛ تحت امرك بس انا اتأخرت عالمحاضره الأولى.
مراد؛ اخر حاجه خلاص. ممكن اعزمك عالغدا بعد ماتخلصي محاضراتك.
احلام؛ في نفسها لا ده كتير اووي كده كمان عايز يعزمني عالغدا انا مكنتش احلم بكده انا بس كنت اتمنى منه نظره دلوقتي يكلمني في التليفون َوكمان ميعاد عالغدا.
مراد :اكيد مش هتكسفيني.
احلام؛ هه لأ طبعا بس بلاش انهارده عشان مش عامله حسابي في وكده.
مراد؛ عامله حسابك على ايه بالنسبالي انتي ست البنات وقمر كمان.
احلام؛ خلاص جابت آخرها كمان بيتغزل فيها.. قالت خلاص ماشي لما اخلص محاضرات عالساعه ٣.
مراد؛ وانا هكون في انتظارك هنا قدام الكليه.
احلام؛ هزت راسها بالموافقه ونزلت بفرحه وجريت على غاده عشان تبلغها اخر التطورات مع مراد وهيا في غايه السعاده.
مراد؛ فضل مراقبها لحد مادخلت ومشي بالعربيه..
احلام لقت غاده قاعده في المحاضره ولسه الدكتور ماجاش.
غاده؛ اهلا ياست احلام نموسيتك كحلي.
احلام؛ بفرحه وابتسامه عريضه حبيبتي ياغاده انا بحبك اووي انا بعشقك اوووي وحشتيني اووي.
غاده؛ برقت بعينها وبصت لأحلام وحطت ايديها على جبينها وقالت انتي سخنه يااحلام ياحبيبتي فيكي ايه.
احلام؛ ضربت ايدها وقالت سخنه ايه يابت انا قلبي طاير من الفرحه.
غاده؛ يبقى في جديد. احكيلي وكانت متحمسه تسمع اللي حصل من أحلام.
واحلام حكيتلها كل حاجه حصلت مع مراد.
غاده؛ ايوه بقااا ده طب ولا حد سمي عليه وقع خلاص.
احلام؛ اتنهدت بحب.. تفتكري ياغاده.
غاده؛ ده اكيد كل اللي حصل ده بيأكد اعجابه بيكي بس انتي بلاش تدلقي عليه وخليكي تقيله.
احلام؛ نغزتها في كتفها وقالت.. اتقل ايه انا مصدقت انه حس بيا عايزاني اطيره من ايدي.
غاده؛ ااه جاك ضربه. انا مقولتش تطيريه من ايدك هوه حمامه. ماهو لازق اهووه انا بس بقول انك مش كل طلب توافقي عليه كده تبقى معاه بردوو بس بتقل لازم يحس بقيمتك ويعرف انك مش سهله.
احلام؛ تصدقي ياغاده انا كان نفسي اترمي في حضنه واقوله اني بعشقه بجنون من زمان اووي وهوه مش حاسس بيا.
غاده؛ يادي النيلة انا عارفه هتبوظي الدنيا بغباءك ده لازم هوه اللي يقولك الأول.انه بيحبك.
احلام؛ يااه ياغاده امتا اليوم ده يجي واسمعها منه بقاا.
غاده؛ طب بس ياختي الدكتور دخل بطلي سهوكه بقاا عشان هننطرد بره.
احلام؛ انتي علطول كده بتفصليني جاتك نيله.
. عند مراد..
وصل القصر ونزل من عربيته ولقي عبدالله في انتظاره.
عبدالله؛ حمدالله على السلامه يامراد بيه.شايفك مبسوط.
مراد؛ مبسوط اووي وابتسم ابتسامه خفيفه. انا دايما صح وتوقعاتي صحيحه.
عبدالله؛ ازاي يعني.
مراد؛ اللي قولتهولك عن احلام طلع صح مستحملتش نص ساعه بس ودابت بين ايديا. مش اسبوع.
عبدالله؛ بصدمه ليه حصل ايه.
مراد؛ اخدت رقمها واتواعدنا نتكلم كل يوم بليل وكمان عزمتها عالغدا انهارده ووافقت.
عبدالله؛ صدقني هيا وافقت عشان طيبه ولسه خام.انا واثق في اخلاقها
مراد؛ نفسي اعرف انت جايب الثقه فيها دي منين.
عبدالله؛ انا عندي نظره في الناس.
مراد؛ طب لو قلتلك اني هخليها تيجي اوضتي خلال كام يوم وتكون بين ايديا وبرضاها كمان. هتفضل بردوو واثق فيها.
عبدالله؛ ايه انت بتقول ايه انت ازاي هتعمل كده دي بنت طيبه بلاش تكسرها.
مراد :صدقني كله بمزاجها وهتشوف ولما تيجي اوضتي هبلغك عشان تشوف كل حاجه عالطبيعه. وضحك بصوت عالي ودخل القصر.
عبدالله؛ لاحول ولا قوة الا بالله ربنا يستر انت مش هتجيبها لبر يامراد بيه..بقلمي #ملك روحي
وجات الساعه ٣ وكان مراد في انتظار احلام وخرجت احلام من الكليه وركبت مع مراد تحت أنظار غاده اللي كانت مبسوطه اوي لصحبتها.
ومشي مراد بالعربيه ووقف قدام مطعم فخم وشيك اووي وبص لأحلام وقالها انزلي.
احلام انصدمت من شكل المطعم من بره اومال من جوه شكله ايه
احلام؛ احم مش كنت تقولي عشان اعمل حسابي والبس لبس يليق بالمكان ده وبصت لهدومها واتكسفت.
مراد؛ ضم حواجبه وبصلها بستغرب. انتي بتقولي ايه يااحلام قلتلك انتي في عيوني أجمل البنات سيبك من الناس خالص وركزي معايا انا وغمز لها وابتسم... احلام اتكسفت وابتسمت ابتسامه خفيفه.. ومراد فتح باب العربيه ومد ايده عشان تخرج احلام من العربيه ومسك ايديها ودخلوا المطعم وسط زهول الموجودين لان مراد معروف في المطعم ده ودايما بيجي يتغدى فيه.
وشكل احلام مكانش من مستوى مراد بنت فقيره وهدومها بسيطه.
واحلام كانت مكسوفه من نظرات الناس كانوا كلهم من طبقات راقيه جدا.. مراد شد على ايديها وقالها قلتلك انسي الناس وخليكي معايا.
هديت احلام شويه من توترها وقعدت وكان مراد نظراته كلها عليها وطلبوا الغدا وكانت احلام فرحانه اووي بالتغيير ده.
عند عبدالله. كان قلقان ومتوتر وقال لازم انبه احلام واقولها تاخد بالها ومش لازم تثق في مراد نهائي بس انا خايف لو عرف مراد بيه ممكن يعاقبني.. اعمل ايه ياربي.
مش عارف بس انا مش هسمحله يأذيها.... وبعد كام ساعه وصلت عربيه مراد وكانت احلام راكبه معاه.وشافهم عبدالله ونزلت احلام وهيا بتشكر مراد عالعزومه ومراد قالها انه هيكلمها بليل زي مااتفقوا.
ومشيت احلام على اوضتها.
ومراد راح ناحيه عبدالله ووقف بكل ثقه. وقال. ايه رأيك بقاا انهارده هعترفلها بحبي وقد ايه كنت غبي أووي اني مش شايف الملاك ده وهوه جنبي في القصر وهعبرلها عن مدى سعادتي بوجودها في حياتي. واوعدك انها كمان هتعترفلي بحبها في نفس الوقت.
عبدالله؛ اتكلم بحزن. بلاش الأذي يامراد بيه انت متعرفش كسره القلب دي بتعمل ايه في صاحبها بلاش تكسرلها قلبها واضح انها بتحبك ومتأمله فيك. لو انت مش بتحبها سيبها لحالها.
مراد؛ مش قبل مااكسرلها عينها القويه دي وفاكره نفسها حاجه كبيره وانها بقت زيها زينا.. عارف انا قصدت انهارده اوديها مطعم فخم لهدومها دي عشان تعرف انها ولا حاجه قصاد الطبقات الراقيه عشان متتغرش في نفسها أووي.
عبدالله :صدقني هتندم.
مراد؛ ايه ده انت حبيتها ولا ايه.
عبدالله؛ مش حكايه حب ولا كره. سميها إنسانيه.
مراد؛ سبتلك الإنسانيه دي انا كنت عملت بيها ايه لما خسرت اخويا وحبيبه عمري اللي خانتني بعد ماكسرت قلبي. صدقني انت كلهم زي بعض بنفس السهوله وكل غرضهم واحد غني وبس ولو لقت راجل اغني مني هتجري وراه لما توقعه. وانا اهوه اثبتلك انها سهله ورخيصه وبكره هتيجي بين ايديا بس ساعتها هندمها عاليوم اللي شافت نفسها عليا وعملت نفسها شريفه.. بالأذن بقاا عشان مستنياني اكلمها عالتليفون. وغمز له وطلع اوضته.
عبدالله؛ قعد وحط ايده على خده وقال انا لازم اقولها كل حاجه.بس ازاي وبدأ يفكر هيعمل ايه من غير مراد مايعرف..