رواية مجنونتي الفصل التاسع عشر19والعشرون20بقلم نورهان محمد
بعد مرور عده ساعات وصلت عليا الى منزل أدهم وهى مندهشه من اهتمامه بها
عليا: دوممممممى انا جيت
وجدت أدهم ينزل وهو يرتدى بنطال فقط
ابتسمت بخبث واقتربت منه ووضعت يدها على صدره وهمست فى أذنه
عليا: وحشتنى
أدهم بخبث: وانتى كمان يا روحي بقولك اى تعالى معايا
ابتسمت عليا وذهبت معه فوجدته يتجهه الى المطبخ أدهم: ده عصير لسه عصره فريش علشانك انتى وبس
اخذت عليا العصير ببسمه وهى تشرب منه
عليا: لا ده احنا ندوق بقا
أدهم: لا اشربيه كله وقوليلى رأيك
عليا: تحفه يادومى تسلم ايدك
أدهم بخبث: تسلميلى ياقلب دومى
اخذها أدهم وذهب الى غرفتها
أدهم وهو يقترب منها: الا ياعليا قوليلى عملتى كده ليه
عليا: عملت اى
ادهم: عملتى كده ليه فى نور
عليا بعدم تركيز وهى تشعر بدوخه: انا معملتش حاجه
مسكها ادهم من فكيها: اهو ال عملتيه فيها بقا هيحصل فيكى بس مش انا ال هلمسك علشان انتى زبالة انا هجيب زبالة من الشارع علشان ده مقامك
عليا وهى تسقط على السرير بفقدان الوعى: ا. د. ه. م. لا
بعد مرور الوقت
استيقظت عليا وجدت نفسها فى السرير وبجانبها رجل وامامها أدهم يجلس على الكرسى وهو يضع قدم فوق الاخرى وبيده كأس يشرب منه
عليا بخوف: أدهم انت عملت اى
ادهم بضحكه خبيثه: لا مش انا ال عملت وبعدين ال حصل ده ميغفرش برضو ال حصل فى حبيبتى وكلامى ليها وزعلها وكمان الرصاصه ال اخدتها كتير اوى انتى تعرفى بس ال يحاول يقرب من نور بعمل فيه اى امممممم اقولك انا
واخرج أدهم مسدسه واطلق الرصاص على الرجل الذى بجانب عليا
صرخت عليا من صوت الرصاص
أدهم: ايوه فعلا هو ده ال بيحصل فيه مابالك بقا حد غيرى يكون معاها لا ويصورها ويحصل فيها كل ده تتوقعى ممكن يحصل فيه اى
بس انا كنت على فكره شاكك فيكى بس برجع اقول لا دى برضو بنت خالتى مستحيل تعمل كده
بس دلوقتي اتاكدت انه انتى ومن اول ما اتاكدت قررت قرار
قررت ابعتك ل خالتى وجوز خالتى ال ماتوا بحادثه من سنين وبنتهم ماشيه على حل شعرها هنا
عليا ببكاء: أدهم لا والنبى متعملش كده انا اسفه والله هبعد عنكم بس سيبنى والنبى
أدهم: توتو هو دخول الحمام زى خروجه لا طبعا انا عاوز اقولك انك هتعيشى كل ال نور عاشته بس بزياده بقا
ثم اخرج أدهم المسدس وصوبه نحوها واطلق صراح رصاصه اصابت ذراع عليا ورصاصه اخرى اصابت ذراعها الاخر
كانت عليا تصرخ من شده الالم
أدهم: لا لا لا يالولى مش كده احنا لسه معملناش حاجه انا هسيبك هنا وهمشى عرفتى تطلعى كملى حياتك بعيد عننا بس لو شوفتك تانى اعرفى انك انتى ال اختارتى معرفتيش يبقى هتروحى لاهلك عند ال خلقهم
مع ان بصراحه كنت عاوز اقتلك ب ايدى بس معلش بقا حجزت طياره على مصر علشان اصالح حبيبتى ونتجوز يلا تشاو يا قطه
خرج أدهم بكل غضب واغلق باب غرفه عليا واخذ حقيبته وتوجهه على المطار
أدهم: غبى غبى ازاى مسمعتش منها حتى ااااااه ياترى يانور هتعملى معايا اى وحشتيني اوى
بعد مرور الوقت
ذهب أدهم الى منزله وجلس واجرى مكالمه
أدهم: ها عملت اى
مجهول: انا مراقبها علطول بتروح الشركه وبتخرج تروح الجيم بس فى حاجه لاحظتها يعني او بمعنى اصح سمعتها
أدهم: فى اى انطق
مجهول:سمعت ان مدير الشركه بيحاول يقرب من نور وان هو بيحبها
أدهم بداخله: هى البت دى كل ما تبعد عنى تلم عرسان ماشي يانور الكلب
أدهم: عاوزك تراقبها كويس وخلى حد يعرف اكتر عن مدير الشركه
مجهول: حاضر يا أدهم بيه
جلس أدهم يفكر بطريقه لكى يسترد بها حبيبته
بعد مرور وقت قرر أدهم ان يذهب لها ويعتذر منها
تجهز أدهم واخذ عربته وذهب الى مكان عمل نور
عند نور
نور: بقولك اى يا عم سيد احيات امك عاوزه نسكافيه علشان خلاص صدعت ودماغى بقا فيها صراصير من كتر الصداع
عم سيد بضحك: حاضر يا ست البنات
نور: الله يسترك والله الواحد مش عارف من غيرك كان هيعمل النسكافيه ازاى
وبعد مرور الوقت
انهت نور الاوراق الخاصه بالصفقه الجديده للشركه
نور: هوديها بقا للواد ابو اربعه واربعين ده وامشى ولا من شاف ولا من جرى
نور وهى تخبط على الباب وتدخل رأسها
نور: ممكن ادخل
حسام: نور انتى عبيطه انتى دخلتى دماغك ودخلتى يابابا
نور وهى تقترب من المكتب : حيث كده بقا أوراق الصفقه الجديده اهى وسلامو عليكو
كانت نور على وشك الخروج ف امسك يدها حسام
حسام: ياوليه اتهدى واقعدى عاوزك فى حوار
نور بضحك: ياعم ايدك دى وبعدين لو فى مصلحه انا تمام
حسام: ماديه حقيره يانور
نور ببسمه واسعه: بالظبط كده
حسام: على العموم ياستى انا بحبك وعاوز اتجوزك
نور بداخلها: هو فى اى هو انا كل ما اطلق من الواد أدهم يتقدملى كل ال اعرفهم الواد أدهم ده طلع فقر اوى يلا داهيه تاخده هو وست واطيه دى
نور: اى ده طب سيبنى يومين افكر كده
حسام ببسمه: حاضر ياستى
نور وهى تخرج بسرعه: طب سلاموووو عليكووو بقا
خرجت نور من غرقه حسام
نور: يالهوي اى ده انا هموت من الجوع بجد محدش مهتم بيا ليه
ركبت نور الاسانسير ووصلت للدور الاول للشركه وعندما خرجت تفاجأت بمنظر الشارع ف كانت الورود فى كل مكان فى الشارع
نور: اى المحن ده بجد ما كان اخدها فى مطعم اكلها واعترف ليها لازم يعنى ام الورد ال فى كل حته ده مممممحن
تحركت نور وتقدمت خطوتين وقابلها ولد لا يتعدى عمره ال 12عام
الولد: خدى يا طنط الورد ده
نور: طنط مين
الولد: حضرتك
نور: طنط حضرتى لا والله يا عسل انا انسه مش طنط
الولد: طب خدى الورده دى
نور: ماشي يا سيدى بكام بقا
الولد بضحك: لا دى مش منى
ثم ركض وابتعد عنها
نور بغباء: هو النهارده عيد المطلقين ولا اى
تقدمت خطوتين ووجدت طفل اخر يتجهه نحوها
الطفل: طنط طنط خدى دى
نور وهى تمسكه من ملابسه مسكه الحراميه: اى حكايه طنط طنط دى متعصبونيش
نظر لها الطفل ببراءه: اسف والله
نور: ماشي ياروحي خلاص صعبت عليا اى ده بقا
الطفل: خدى الورقه دى افتحيها
امسكت نور الورقه ف ركض الطفل هو الاخر
نور: الله هو ال يشوفنى النهارده يجرى ليه هو انا بعض
فتحت الورقه وجدت
(بصى لفوق)
نظرت للاعلى وجدت طائره وكلمه بحبك
وفجأه تجمع حولها الناس ثم ظهر ادهم
أدهم وهو يحمل الورد: نور انا آسف ياروحي والله انا مستعد اعمل اى حاجه علشان اراضيكى
نور كانت فى صدمه فكانت لا تعطى اى رده فعل
وفجأه شعرت بأحد يمسك يدها ويسحبها له نظرت وجدته حسام
حسام: انت مين وعاوز اى من خطيبتى
أدهم بغضب: ابعد ايدك عنها احسنلك
حسام: مش هبعد ايدها ها قولى هتعمل اى بقا
اخرج ادهم سلاحه وصوبه نحوه
ادهم: يبقى نقرى الفاتحه بقا على روحك
اطلق ادهم رصاصه ولاكن وقفت نور امام حسام
أدهم: نووووور
البارت 20
مجنونتى
نور بتعب : اااااه منك يا ادهم الكلب هموت على ايدك منك لله
أدهم: نور حبيبتى قومى والنبى
نور بتعب وعدم تركيز : الله يخربيتك انت والبت واطيه بتاعتك دي الله ياخدها
كان حسام يقف وينظر الى أدهم ونور
حسام: قومى يا نور يا حبيبتى الرصاصه مجتش فيكى اصلا
نور: اى ده بجد
أدهم بغيظ: اى ده امال اى ال منك لله منك لله يعني كنتى بتستهبلى
نور وهى تبتعد عنه: يا عم امال لو مكنتش انت ال منشن
أدهم: انا مكنتش هجيب الرصاصه عليه اصلا بس لما وقفتى قدامه خوفت تتحركى تيجى فيكى ومخدتش بالى ان مفيش دم
ثم امسك بها مسكه الحراميه: ثم انتى بتقفى قدامه ليه اصلا يا نور الكلب انتى
نور: الله وانت مالك يالمبى
أدهم: نور متستهبليش
نور وهى تبتعد عنه وتعدل ملابسها: مش انت طلبت انى اسامحك وانا رافضه يلا بقا اعمل ال انت عاوزه بس انا الرخيصه ال كل يوم مع واحد انا ال زيها زى اى واحده من الشارع لا وازبل كمان انا ال الراجل مات قبل ما يحاسبنى
تركته وغادرت من دون اى مقدمات قالت كلماتها وتركت الذكريات خلف ظهرها
غادرت وهى لا تعرف عن الحنين شئ فكيف يريد ان تسامحه وهو اهانها ولم يثق بها
مرت الايام ونور تذهب الى عملها وتحاول ان تتجاهل حسام وادهم
وادهم يحاول ان يجعل نور تسامحه فهو حاول بشتى الطرق كان ينتظرها ومعه الورد والكثير من الهدايا وكانت النااس تنبهر بما يفعله لها وهى كانت ترفض وبلا رحمه
كان أدهم يحاول جاهدا حل هذه المشكله
مرت الايام وانتهى شهر اخر وقررت نور وعائلتها ان يسافرون ليقضوا اسبوع فى احدى المصايف المعروفه
نور: يلا يا ماما بقا اتأخرنا
الام بقلق: بقولك اى يانور فى موضوع حصل كده من يومين وكنت عاوزه افاتحك فيه
نور: استر يالى بتستر مصيبه البصه دى وراها مصيبه انزلى بالمصيبه علطول يكونش الحاج ناوى يتجوز وعاوزانى اساعدك فى فكره علشان نخلص عليه
الام: بس يا بت الهبله وحيث كده بقا ادهم قابل ابوكى وحكاله على كل حاجه وقال ال انتى كنتى مخبياه عننا يانور ليه يانور ليه يابنتى محكتيش ليا ولا قولتى
نور: مكنتش هستحمل اقول حاجه وافتكر حاجه تاني كلامه واجعنى لحد دلوقتي
الام: معلش يابنتى هو عموما قابل باباكى وبرضو هقولك حاجه أدهم بيحبك من وانتى عندك 12سنه حبك واستناكى عمر كله بيغير عليكى من الهوا الطاير ف لو حطيتى نفسك فى مكانه كده ولقتيه مع واحده تانيه هتعملى اى
نور: كنت ولعت فى المرتبه و ولعت فيهم وعملتهم فراخ مشويه كده ويلا خلى الكلاب تاكل
الام: اديكى قولتى المنظر مكنش سهل عليه وبرضو كلامه ده وال عمله اكبر غلط انا عاوزه افهمك بس ان هو اه غلط بس برضو المنظر مكنش سهل عليه انا عوزاكى تصلى استخاره وتشوفى هتعملى اى
نور بتنهيده: حاضر يا ماما يلا بقل هنتاخر
الام: يلا يا بنتى انا خلصت اهو
وصلت نور واسرتها الى الشاطئ واستأجروا منزل وذهبوا له
نور: الله الله الله الله اى ده اى العظمه دى ده احنا مكناش عايشين يا جدع ده احنا كنا مدفونين بالحيا
الاب: كله علشانك يا جميل
نور: الله يجبر بخاطرك ياحجوج والله
الام: طب يلا بقا ملكيش دعوه ب جوزى وادخلى شوفي اوضتك
نور وهى تتجه لغرفه ومعها شنطتها: ماشي ياستى مش هناكله والله وبعدين بتغيرى منى على الحجوج ده ابويا يا وليه
الام وهى ترمى عليها الشبشب: امشى يابت الجزمه
نور وهى تنظر بها: ومجتش عليا مجتش عليا
بعد مرور وقت
نور: انا هطلع اتمشى شويه
الاب: ماشي خدى بالك من نفسك
الام وهى تأكل فيشار وتشاهد التلفاز: ده الناس ال ياخدوا بالهم من نفسهم من بنتك مش نور ال تاخد بالها من نفسها
نور وهى تخرج: باى يا حجوج باى يا نبع الحنان يالى عمرى ما شفت منك حنان ولا احسان نيهيهيهيهاااااا
الام: امشى يابت الهبله
خرجت نور وكانت تتمشى على الشاطئ وفجأه وجدت شخص يبيع فريسكا
نور بطفوليه : ممكن واحده
الرجل: حاضر يابنتى
نور: تسلم يا عم النااس بس انا نسيت اجيب فلوسى معايا
الرجل: مفيش مشكله انتى زى بنتى برضو
نور: الله ربنا يديك ما يحرمك ويسقيك مايعطشك ويكسيك ما يقلعك
الرجل بضحك: اتفضلى يابنتى
اخذتها نور بفرحه وتركته واكملت طريقها
بعد مرور القليل من الوقت جلست نور امام الشاطئ بحزن ف جائت امرأه وجلست بجانبها
المرأه: مهمومه كده ليه يابنتى
نظرت لها نور بحزن ثم نظرت للبحر مره اخرى: مفيش
المرأه: لا احكيلى طيب يمكن ترتاحى شويه
نور بحزن: ليه الناس ال بنحبها وبنكون معاها فرحانين وبنكون فى أمان معاها بتسيبنا وتمشى
المرأه بصريخ: ماتوا
نور بخضه: ماتوا اى دول عايشين وربنا يولع فيهم يعني مبسوطين كمان من غيرنا
المرأه: مين قالك بس انهم مبسوطين وبعدين انا حاسه ان انا شوفتك قبل كده
نور بتنهيده: لا معتقدش دى اول مره اجى فيها هنا اصلا
المرأه بتذكر: مش انتى نور وحبيبك أدهم تقريبا
انتبهت لها نور ونظرت بنصف عين: هو حضرتك عرفتى ازاى ان انا حبيبى اسمه أدهم وبعدين مش بحبه اصلا
ابتسمت المرأة: يابنتى ده بنتى كانت جيبالى فيديو ليكى انتى وهو وهو تقريبا بيحاول يصالحك شكله بيحبك اوى على فكره وبعدين انتى لو مش عوزاه يعني انا بنتى هتموت عليه بتقولى هموت على واحد زى أدهم ده يا ماما
نور بغيره: لا والله مكنش اتعذر ولا باع جزر بس هو متجوز
المرأه بضحك: ماشى يا بتاعت الجزر همشى انا بقا بس افتكرى كلامى متخليش حاجه وحشه تنسيكى كل حاجه حلوه عملهالك
ف تذكرت نور عندما كان يساعدها فى المذاكره فى الثانويه العامه وتشجيعه لها وكيف كان يهتم بها
نور: ااااه منك يا أدهم تعبتنى معاك
رجعت نور الى منزلها وجلست تشاهد التلفاز مع والدتها
نور: الا انتى يا حجه مش ناويه تطلعى شويه تفرفشى على البحر ولا هى الشاشه ال هناوالمسلسلات غير ال عندنا فى البيت
الام وهى تشاهد التلفاز: والله ما قادره يانور بكره نطلع كلنا بقولك اى قومى هاتى البيبسى من جوه
نور: لا والله يا حجه العضمه كبرت والواحد مبقاش قادر يتحرك
الام: قومى يا بت اخلصى
نور وهى تدبدب بقدميها على الارض: يووووه بقا هو مفيش غيرى
بعد قليل وجدت رقم يتصل عليها
نور: الو
أدهم: نور متقفليش نور انزلى انا تحت مستنيكى
نور: انا مش فى البيت اصلا
أدهم: ما انا عارف انزلى بقا بدل ما اطلعلك انا
نور: طيب استنى نازله
نزلت نور ل أدهم
نور: افندم قول ال عندك
أدهم: نور متحلميش انك ممكن تكونى لحد غيرى وبعدين يا ستى انا اسف
نور بغرور: وانا مش مسامحه
أدهم: ماشي يا ستى انتى حره فرحنا بقا الخميس ال جاى يلا يابيبى سلام علشان مش فاضي وعاوز اقولك عاملك مفاجأة هتعجبك اوى الفستان والطرحه والجزمه متصممين وجايين مخصوص من مدريد يلا يا ستي ولا تزعلى
نور: حيلك حيلك حيلك فرح مين وخميس اى انا اصلا مش موافقه
أدهم وهو يقترب منها: وحشتيني على فكره كلها يومين وتكونى فى بيتى وبعدين خلاص بقا خلى قلبك طيب
جاء رجل كبير فى السن
الرجل: فى حاجه يا بنتى الشاب ده مزعلك فى حاجه
نور: معرفهوش والله يا حج ومطلع عينى معاكسه والله ما اعرف اى ده شباب اخر زمن
أدهم: الكلام ده ليا انا
الرجل: يا ابنى اتقى الله مش كده
أدهم: ما تقولها يا حج هى تتقى الله فى اهلى بقا علشان تعبت
الرجل: ما تتقى الله يابنتى فى اهله عشان الواد تعب
نور: والله ما اخليها بنفسى ما ابغاه والله ما ابغاه
أدهم: طب بزمتك انتى عارفه ده اى اصلا
نور بغرور: خليجى
امسكها ادهم مسكه الحراميه ف هذه المسكه هى المسكه المعتاده ل أدهم
أدهم: على البيت
نور: يووووه ده هم اى ال احنا فيه ده سيب هدومى طيب
أدهم وهو لا يزال يمسكها: امشى قدامى