رواية لأنها توسل
الفصل السابع عشر 17
بقلم سوسو تويكس
قعدتا في السفرة جمب غيث وفي المواجه لينا اخوه غسان وملك والمتراس السفرة امو يلا هم الي قالو بياكلو بالشوك ولي زول في طبقو وانا عشان ما متعوده عليها بقيت العب بالاكل الفي طبقي بالشوك امو قالت لي بي سخريه:ما بتعرفي تاكلي بالشوك ولا شنو،، غيث:امممي الله يرضا عليك،، امو:مالك يا غيث كنت عايزة اسالها يمكن عايزه تاكل بي يدها خجلانه هه،، ما قدرت اتحمل اكتر من كده قمتا والدموع في عيوني، قالت لي:نحنا لسه ما خلصنا اكل ما صاح تقومي ده شنو أدب الشوارع ده،،، توسل :قلتي بي نفسك أدب الشوارع وانا الشارع بحد زاتو،، طلعتا وخليتها تتناقش مع غيث وصلتا الجناح اتذكرت انو ما ح يفتح لي الا بالرمز غضبتا اكتر، لقيت غيث جا وراي ادخل الرمز وفتح الباب بقا يعتذر مني نيابة عن امو وانا اصلا جوعانه ومقفله معاي ما رديت ليهو دخلتا الغرفه لحقني وهو شايل اكياس الهدايا الكان جابهم قالي:ما عايزه تشوفيهم،، توسل:ما بقدر اقبلهم منك،، غيث:ده الطقم حقك البعتي،، توسل:لقيتو من وين، قصدي عرفت من وين،، غيث:ده سر المهنه، حسي امسكي مني الحاجات دي،،، توسل:وريتك ما بقدر اقبلهم دي بتعادل قروش العمليه وا...،قاطعني وهو بقول:قروش العمليه انسيها انتي شلتي القروش من عمي ما مني انا وبعدين يا غبيه اكيد ما ح ارضى اشوف مرتي باعت هديتها لاي سبب كان حتى لو كان زواج علي الورق انتي مرتي وانامسؤل منك،،، توسل:برضو ما بقدر اقبل.. انت بتقرب لي،، غيث:بطلي هبل وهاك امسكي حاجاتك ديل،عامله لي عيونك السمحات ديل،،، قلبي الصغير لا يتحمل وافقت وانا بتخارج بسرعه من قدامو قالي:ناس ما بتجي الا بالعين الحمرة😒،،مع علبة الطقم كان في علبه خاتم ومعاها اكياس فيها شوكلت كتيرة، شال الخاتم ومسك يدي ولبسني وهو بقول:ده عشان اي زول يشوفو يعرف انك ملك لي زول،، توسل لا تسمع لا ترى فاقده حنان يخ اعذروني 😂 شافني ساكته رفع لي اكياس الشوكلت قالي:ما عارف نوعك المفضل ياتو عشان كده خميت القدامي😂،، قلتا في نفسي هو انا لاقيه اصلا🙂،،، شوفتو شال مفتاح العربيه وهوبقول:البسي طالعين،، انا ما عايزة انسي ولازم احافظ على المسافات البينا عشان كده قلتا :ما ماشه معاك،، قالي بي زعل :ما تخافي ما برانا معانا غسان وملك منتظرين تحت،، توسل:لو كده اوكي،، زعل زياده وسكت...
مشيت غيرتا لي فستان بصلي وفيه حزام عريض بالبني جريت اللاينه وعملتا القلوس، جيت طالعه ما علق لي عرفتو لسه زعلان، طول الطريق قضيتو ونسه مع غسان لانو بتاع درامات وجنو هظار انا غيث طول الطريق ساكت وسايق بي هدوء، وصلنا مطعم كده يقول يا ليل ✨ اتقول حاسي بي مهوية 😂ملك وغيث طلبو عصير اما انا وغسان بسم الله علينا شاورما الحجم الكبير يخ والله غسان ده عثل عديل موتني من الضحك،، رجعنا الجناح وانا مزاجي عال العال عكس غيث الطول الطلعه كان ساكت،، جينا للنوم لقاني ختيت المخده حاجز في نص السرير قالي بي زعل واضح :انا لو عايز اعمل حاجه المخدات دي ما بتمنعني،، توسل:وانت المزعلك شنو حسي،،، غيث:بتختي دايما حواجز بينا في حين مع باقي الناس بتتعاملي عادي وما تخافي ما ح اضايقك في السرير،، شال مخده ولحاف ورقد في الاريكه الفي الغرفه رقدتا وانا بعاين الخاتم اللبسو لي حسيت بي نغزة في قلبي اتجاهلتا ورقدتا نمتا.....