رواية احلامي البريئه الفصل الثالث والعشرون23بقلم ملك روحي
عم محمد قال لأحلام يلااا بينا يابنتي نرجع البيت. ومراد اتكلم بسرعه وقال. احلام مش هتمشي من هنا احلام هتبقى مراتي.
احلام اتصدمت من كلام مراد وعم محمد بصله بأستغراب وعبدالله ابتسم بحب على صاحب عمره وأنه خلاص هيبقي مع البنت اللي بيحبها.
احلام؛ وقفت وبصت لمراد... انت بتقول ايه يامراد؟!!
عم محمد؛ احنا يابني مش عايزين تريقه ولا حمل بهدله تاني خلينا نمشي الله يخليك.
مراد؛ ليك حق ياعم محمد تقول اكتر من كده انا مستحقش ثقتكم دي بس انا بتكلم جد وعمري مكنت عايز حاجه قد مانا عايز احلام تبقى مراتي وتشيل اسمي وتبقى ام أولادي. وبص لأحلام بحب. انا ضيعتك قبل كده بغبائي يااحلام ومش هسمح لنفسي اني اعيده تاني احلام انا بحبك.
احلام؛ والدموع في عينيها.. انت بتقول ايه انت نسيت اننا مش قد المقام هتواجه الناس ازاي ببنت الجنايني..
مراد قرب منها وحط ايده على بوقها وقال.. ولا كلمه ذياده الراجل ده أعظم راجل في الدنيا وكفايه انه رباكي احسن تربيه ودلوقتي بقيتي دكتوره قد الدنيا وانتي عندي اهم من اي حد واي حاجه تانيه انا مش عايز غيرك يااحلام انا مش عايز اخسرك انا قبل كده خسرت سليم اخويا بغبائي مات وهوه زعلان مني وفاكر اني خنته مع البنت اللي بيحبها
ولحد دلوقتي شايل ذنبه لما مات وهوه زعلان مني كنت اتمنى يسمعني ويصدقني بس انا اللي استاهل انا اللي خبيت عليه انها خاينه عشان انا شوفتها مع صاحبه وسكت بس انا كنت خايف عليه قلبه يتكسر. عشان كده كرهت كل البنات اللي في الدنيا وكرهت الحب وكنت فاهم انهم كلهم زي بعض خاينين ميستحقوش ان راجل يحبهم ويخلص في حبه زي سليم.
انا اذيتك يااحلام بكلامي وتصرفاتي بس ده كان بسبب الصدمه اللي كنت فيها بسبب اخويا سليم بس انا دلوقتي فوقت وفهمت كل حاجه وعرفت انك غير اي حد انا عرفته وفعلا مش كل الناس زي بعض دلوقتي عرفت ان كلام عبدالله طلع صح انتي غير اي بنت عرفتها في حياتي انا بحبك يااحلام.. بقلمي #ملك روحي
وقرب مراد منها ومسك ايديها ونزل على ركبته قدام باباها وعبدالله.
وكانت احلام حاسه انها في حلم بقاا ده مراد اللي فضلت طول عمرها تحبه من بعيد وتراقبه من شباك اوضتها ده مراد اللي كانت بتقول دايما بينهم مسافه كبيره بين السما والأرض دلوقتي راكع قدامها وبيطلب منها العفو وانها تسامحه وتقبل تتجوزه هوه ده حلم ولا حقيقه.
مراد؛ بصلها بحب انا هفضل راكع كده كتير يااحلام.
احلام؛ بصت لباباها ودموعها نزلت..
عم محمد؛ انا عارف انك بتحبيه من زمان يااحلام لو موافقه يابنتي انا كمان موافق.. احلام حضنته جامد وبصت لمراد وقالت بحب موافقه..
مراد قام وقف وحضنها بكل حب وهمس جنب ودنها. بحبك.
عبدالله؛ احنا بقاا عزول ياعم محمد هما اتصالحوا وانا وانت مبقاش لينا لازمه.
مراد؛ بص ل عبدالله وقرب منه وخده في حضنه.. اذاي تقول كده ياعبدالله انت اخويا وصاحب عمري انت الوحيد اللي وقفت جنبي وكنت خايف عليا انا متشكر اووي يااجدع صاحب.
عبدالله؛ وهوه بيحضنه جامد.. انت اخويا يامراد ودايما هكون جنبك وفي ضهرك.
مراد؛ قرب من عم محمد.. انا طالب ايد احلام منك ياعم محمد.
عم محمد؛ وهوه متصنع الجديه.. وانا مش موافق..
مراد؛ برق بعينيه مش موافق ازاي انا مصدقت احلام وافقت اركع على رجليا قدامك ياعم محمد عشان ترضى عني.
عم محمد؛ مسكه من ودنه وشدها جامد وكان مراد موجوع منه وبيتألم.. وقال انا مش َمعني اني فضلت ساكت على كل اللي حصل دلوقتي وأنك طلبت من بنتي الجواز اني موافق..
مراد؛ وهوه بيتألم من شده عم محمد لودنه وبيحاول يستحمل وقال... اااه ودني طب سيب ودني ياعم محمد وانا مش عايز اتجوزها خلاص حرمت والله.
احلام ضحكت هيا وعبدالله على مشاكسه مراد مع باباها.
عم محمد؛ يعني دلوقتي مش عايز تتجوز احلام انا بس بشدلك ودنك المرادي عشان اللي عملته في أحلام قبل كده بس بردوو مش ناسي انك انقذتها ورجعتها بالسلامه لحضني..
وانا مش هوافق على الجواز الا لما توعدني قدام ربنا وصاحبك عبدالله.. انك هتحافظ على احلام ومش هتزعلها تاني ابدا.
مراد؛ وهوه بيتألم ومتصنع الجديه.. طيب. طيب ياعم محمد بس سيب ودني الأول ودني اتهرت.
عم محمد؛ مش هسيبك غير لما توعدني الأول.
مراد؛ ماهو انا مبعرفش اتكلم وودني في ايدك سيبها ارجوك دي اختفت خلاص.
عم محمد؛ ساب ودنه وقال اهوو سبتك.
مراد؛ حط ايده على ودنه وبعد عن عم محمد وراح استخبي ورا احلام وقالها ابوكي ده مكنتش اعرف انه شرس كده اومال عامل فيها طيب ليه.
احلام؛ بصتله وضحكت.. احسن تستاهل.
مراد؛ بصلها وعقد حواجبه على بعض.. حتى انتي كمان شمتانه فيا مااشي مسيري هاخد حقي منك بس اصبري. وغمز لها بحب.
عم محمد؛ بزعيق. هااه مقولتش يعني طيب يلاا يااحلام بينا نمشي.
مراد؛ جري على عم محمد ومسك ايده.. لا والنبي انا مش حمل زعلك. وقرب على احلام ومسك ايديها وهوه باصص في عيونها.
اوعدك قدام ربنا وقدام الناس كلها اني اصونك. واحميكي لأخر يوم في عمري وتكوني ليا زوجه وام اولادي وعمري في يوم مااجرحك ولا ازعلك ابدا..
احلام؛ بصت في الأرض واتكسفت.
عم محمد؛ قرب من مراد وشده من ودنه تأني.. ابقى افتكر كلامك ده وانا موافق.
مراد؛ اي اي.. ودني ياناس اتهرت.
عبدالله؛ ضحك بصوت عالي وقرب من مراد وحضنه معلش استحمل لسه الجواز هيخلص منك القديم والجديد.
مراد؛ بصله بأستغراب.. ربنا يستر وهمس جنب ودنه وقال بقولك ايه ماتيجي نهرب من هنا.
احلام؛ قربت منهم.. بتقولوا ايه وبصت لمراد وقالت سمعتك علفكره.
مراد؛ ضحك وقال بقول انا خلاص اتجننت بيكي والله.
عبدالله؛ طيب دلوقتي في مشكله د. خالد هيزعل كده احلام اديتله الصابونه. وضحك ضحكه خبيثه وبص لأحلام.احلام فهمت.
احلام؛ وهيا متصنعه الجديه وبصت ل عبدالله.. اه والله هيزعل ياعبدالله ده كان طلب أيدي وأنا مرديتش عليه لحد دلوقتي ابقى أقابله بقاا بكره في المستشفى واقوله.
مراد؛ بصلهم الاتنين والغيره اتمكنت منه والشر طلع من عينيه.. وقال خالد مين ده اياكي اشوفك بتكلميه ولا واقفه معاه والمستشفى دي مش هتروحيها تاني من هنا ورايح في كليه ومذاكره.
احلام؛ وهيا حابه تغيظه بزياده.. اذاي يامراد ده حتي عيب كده لازم اعتزرله مينفعش.
مراد؛ والعصبيه اتمكنت منه وقال بزعيق.. احلااااام.