رواية مأمني وأماني
الفصل العاشر 10
بقلم توسل محمد طه
*أحببتك بقلب طفل لأمه تضربه عندما يفتعل أخطاء فيعود ليبكي في أحضانها وهي سبب لبكائه*😔♥️
سألت دمعه على خدها من الذكره دي مسحتها وشالت تلفونها فتحت صورتو
ج: صباح الخير حبيبي🥺
قامت من سريرها اتسوكت وجهزت عشان تمشي على مدرستها وتلاقي صحباتها ملجأ الراحه ليهاا.
طلعت من بيتهم وعيونها أمل ولهفه انها تشوفو ااي تشوفو لانو كان ود جيرانهم الباب فاتح في الباب(عارفه نفسكم تعرفو جوري وفياض ديل منو طيب يلا اعرفكم)
جوري بنت طيبه شديد وقلبها ابيض ولونها قمحي عيونها عسليه وكباار يعني عيون الغزال جدجد عمرها ١٨ سنه (ايواا مراهقه) كانت ممتحنه شهاده ثانويه في سنتها ديك وبتحب فياض شديد أمكن زي م قلنا لأنو اول حب حقيقي ليها صحباتها اتنين تسنيم وتقوى كانو معاها في نفس الفصل وطبعا م أصحاب الطفوله هم اصحابها من المدرسه بس اتعرفت عليهم السنه دي لكن صداقتهم لبعض اثبتت انو *الصداقه الحقيقه م بطول المده بل بالمواقف* عندها اخت وحده وهي جمانه وزي م ذكرنا فوق حامل وقاعده معاهم لأنو متشاكله مع راجلها بسبب الوحم والعشاء😹 وعندها اخوان اتنين اكبر منها جمال وجواد والاتنين مغتربين واحد بقرا طب في بريطانيا ودا جواد اما جمال مغترب في السعودية م قرأ شغال في التشاليح ( والتشاليح لغير الناطقين بها دي زي كونك تكون مكنيكي بس في السعودية تفكفك العربات وتصلحها وكدا
وهناك بقولو عليها تشاليح وفيها قروش ترااب لكن فيها تعب اكتر) جلال الدين ابوهم برضو شغال مع جمال في التشاليح في السعودية بمشي بغترب سته شهور وبجي بقعد سته شهور وامهم بهيسه ربة منزل بس انسانه فاهمه شديد
اما فياض فهو كان الأكبر في اخوانو وعندو تلاته اصغر منو رفعت وروان وأصغر زول في البيت ربا
كان بقرا هندسه معماريه وكان مفتري او مغرور وشايف نفسو شديد كان بقرا في الوطنيه وجوري بت جيرانهم وبطريقه أغرب من الخيال ارتبطوو ح تعرفوها لقداام🤍 فياض كان من الشباب الطايش د مربي شعرو كتيير وكان طويل لونو اسمر عندو شنب حته كدا لكن م ملتحي وضعيف يعني طويل وضعيف وعندو عربيه أمكن عشان كدا شايف نفسو المهم ديل فياض وجوري خلونا نرجع للقصه
ماشه في الشارع على اساس انها تشوفو بس م شافتو وعربيتو م واقفه برا معناها طلع الجامعه ومشت على المواصلات اثناء م واقفه كدا تقيف ليها عربيه قزازها مظلل
_____________
علاء
عيون علاء انتي😍🥺
نفسي في بطيخ
علاء قعد يضحك اشتقت ليك ي توسل ولي نفسياتك دي واسي البطيخ يجيك يقلبي
كنت بتقرا في شنو
سوره يوسف
اقراها لي تاني طيب😔
من عيوني
وبدا يقرا فيها بصوتو الجميل داك وتوسل غمضت عيونها عشان تتلذذ بالصوت لأنو بالجدددد كان جميييييييل شديد😔 لحد م وصل الآيه " *قَالُوۤا۟ أَءِنَّكَ لَأَنتَ یُوسُفُۖ قَالَ أَنَا۠ یُوسُفُ وَهَـٰذَاۤ أَخِیۖ قَدۡ مَنَّ ٱللَّهُ عَلَیۡنَاۤۖ إِنَّهُۥ مَن یَتَّقِ وَیَصۡبِرۡ فَإِنَّ ٱللَّهَ لَا یُضِیعُ أَجۡرَ ٱلۡمُحۡسِنِینَ* "
[Surah Yusuf 90]
علاء صوتو اتغير اثناء م بقرا ودموعو نزلت لم وصل الآيه" *قَالُوا۟ تَٱللَّهِ لَقَدۡ ءَاثَرَكَ ٱللَّهُ عَلَیۡنَا وَإِن كُنَّا لَخَـٰطِـِٔینَ قَالَ لَا تَثۡرِیبَ عَلَیۡكُمُ ٱلۡیَوۡمَۖ یَغۡفِرُ ٱللَّهُ لَكُمۡۖ وَهُوَ أَرۡحَمُ ٱلرَّ ٰحِمِینَ* "
[Surah Yusuf 91 - 92]
علاء بقا يقرا ويبكي وتوسل بتبكي معاهو من جمال الصوت وجمال الأيات لحد م كمل السوره كلها وعاين لتوسل وابتسم وبي يدو زحا الدموع من عيونها
وطلع منها جاب ليها البطيخ😹 والدكتور قال تبقا تحت المراقبه لكن هو أصر انو يراقبها براهو😹 وبعد يومين خرجوها بالسلامه الحمدلله 🤍
امها قالت الا تسوقها تقعد معاها وعلاء د بكا ليها عديل عشان م تسوقها😹 وقال ليها تعالي انتي اقعدي معانا خلاص
بس رفضت لانها متحفظه شويه من النوع البقولو م بقعدو في بيوت النسابه😹 المهم بعد اصرار وجداال وتحانيس من علاء وحاج محمد ابو توسل حاجه اسماء اقتنعت انو توسل ترجع بيتها مع راجلها وهو وعدهم انو ح يشيلها في عيونو الاتنين🤍
اثناء م طالعين من المستشفى توسل قالت الا تقعد في النجيله بتاعت المستشفى واصرت شديد انها تقعد خلوها تقعد وقعدت معاها شيماء ويامن واولادها اما امها وابوها رجعو البيت
قالت م راجعه الا تاكل هنا في النجيله ايسكريم عرديب😹 يامن وعلاء مشو يجيبو ليها وشيماء قاعده معاها
ش: دلع لكن😹اخدي راحتك عشان بتتوحمي وادلعي كويس عشان بعدين نوم زي الناس م بتنومي😹
وأثناء م بتونسو توسل شافت ليها واحد حاالق صلعه نضيفه تلمع وشكلو ممسحها بزيت شده م منوره وتلمع😹
المهم قالت بس الا تضربو فيها وشيماء دي تموت بالضحك ي بت دا وحم شنو كمان الفي الناس توسل قالت ليها م بعرف بس عايزه اضربو وبدت تبكي🤣
شيماء م عرفت تتصرف كيف فقامت مشت على الولد
ش: سلام عليكم
-عليكم السلام
ش: معليش ي اخوي بس عايزاك في موضوع ممكن
-عايزاني انا؟؟؟ اتفضلي طيب
شيماء م عرفت تقول شنوو قالت ليه شايف البت الهناك ديك وعاين ليه توسل لقاها تبكي وعملت ليه بي يدها باي باي😹(الحركه بتاعت مع السلامه ديك عرفتوها)
- ااي مالها ان شاءالله خير
شيماء بقت تضحك وم قادره تتكلم قالت ليه والله بصراحه هي حامل وقاعده تتوحم وعجبتها صلعتك وقالت الا تضربك فيها وعشان قلت ليها م ممكن قعدت تبكي
الولد بقا واقف متجمد م عارف يقول شنوو لا عارف يضحك لا عارف يحزن ويندم على الساعه الحلق فيها😹
اها ي ااخ قلت شنوو
-والله م عارف اقول ليك شنوو لكن مدام قلتي وحم وكدا وحسب معرفتي الوحم صعب شديد م مشكله خليها تضربني بس م قدام الناس ارح انا بمشي معاكم😹
ومشا معاهم وتوسل قعدت تضحك من شافتو وسكتت من البكا قال ليها السلام عليكم ولا ردت طوالي ضربتو في راسو وقالت ليه نعيما ياااخ😹
وقعدت تضحك الولد خجل وفات وبضحك اثناء م ماشي😹
توسل وشيماء ديل لمن قعدو في الأرض من الضحك
جو علاء ويامن لقوهم يضحكو بطريقه غريبه لمن دموعهم سايله سالهم في شنوو شيماء حكت ليهم قعدو يضحكو😹 وعلاء مشا اعتذر من الراجل😹🤍
مشوو البيت توسل استفرغت شديد وعلاء دا خاف عليها وبقا بس حارسها كدا ومرت كم يوم بالطريقه دي توسل ااي حاجه تأكلها تستفرغها وعلاء بقا خايف عليها شديددد
والحمل بهدلها شديد لانو وحمها طلع كعب وعلاء اتعذب شديد معاها ااي شي تقولو بعملو ليها
ويوم قالت لي علاء عايزه مطره
ودي انا اجيبها كيف ي توسل
م عارفه ي علاء بس عايزه مطره😭وبدت تبكي
علاء م عرف يتصرف اتصل على يامن يجيهو هو وشيماء ويامن جاهو ومشا معاهو للجيران استأذن منهم انو يجيب توسل تحت الشجره وحكا ليهم انو توسل قالت عايزه مطره وجيرانهم ضحكو وقالو ليه طوالي والله وطلعو ليه سرير تحت الشجره ويامن اتصل على شيماء تجي هي وتوسل وجو وتوسل قعدت تحت الشجره في السرير ويامن وعلاء شايلين خراطيش مويه بقو يرشو فيها من فوق ويقولو المطره صبت والجيران ديل ومعاهم شيماء ماتو من الضحك وتوسل مبسوطه شديد ولا عليها بيهم علاء قال ليها اها المطره كيف قالت ليه عجيبه شديد
قال ليها اها م دايره برق🙂
قالت ليه لا وقعدت تضحك شربو مع الجيران القهوه في جو المطره داك وطلعو😹 والجيران عندهم شافع قعد يضحك في توسل بعد الناس سكتو وقال ليها شافعه غشوها بي الخرطوش وقالو ليها دي مطره وقعد يضحك توسل بقت تعاين ليه وتشوفو عشره عشره😹
و ود جيرانهم دا دائما بكون في الشارع وم عندو معاهم ااي علاقه توسل بقت تكرهو شديد وحمها قام فيهو😹 بقت اول م تشوفو تحس بطنها قلبت وتقعد تكورك وتقول م عايزه تشوفو وقالت لي علاء الا نرحل😹 بس علاء بقا لما يجو طالعين يطلع قدامها
لو لقا الشافع برا بديهو قروش يجر الدكان عشان توسل م تشوفو😹
ومرت اربعه شهور بالطريقه دي توسل ضعفت فيها شديد واتبهدلت مع الوحم والليله المقابله حقتها عند الدكتور وتمت الشهر الخامس وماشين يشوفو الطفل🤍
مشو الدكتور والموجات طلعت وتوسل حامل بي تؤام🤍
فرحت شديددد وعلاء فرح اكتر منها
ومن طريقهم داك ومشو على السوق م خلو شي م جابو وجهزو حاجات البيبي كلها في يوم وليله🤍
وتوسل وحمها تعبها شديد وخلال الشهرين الأوائل توسل كل يوم بتمش تقعد في المستشفى تقعد في النجيله وعلاء م زهج منها كل يوم بوديها😹 وينتظرها لحد م تزهج وترجع البيت
*مرت تلاته شهور*
وتوسل دخلت في الشهر التامن
ويوم من الأيام قاعده جاها وجع وبقت تصرخ علاء جاها جاري في شنوو
علاء انا ح اولد😭 ونزلت منها مويه وبقت تصرخ
علاء جا رفعها قال ليها
ييععع بُلتي🙂
علاااااااء صرخت وعلاء استوعب هو بعمل في شنو
وشالها وجرا على المستشفى
واتصل على امها وشيماء وجو المستشفى امها خايفه عليها شديددد وعلى الشفع عشان هي في الشهر التامن ولسه الأطفال م تمو الشهر التاسع
الدكتور عمل فحوصات كامله لي توسل وعرف انو في واحد من الشفع ميت ليهو اسبوعين جوا بطنها واذا م عملو عمليه الجسم والجنين الحي ح يتسممو وح يموتو التلاته عشان كدا لازم يعملو العمليه بتاعت الولاده والطفل العايش ح يدخلو الحضانه شهر لحد م يكمل الشهر التاسع
علاء بقا مصدوم من السمعو وتوسل تبكي بس وامها وشيماء يبكو معاها
علاء قرر انو يعملو العمليه عشان يحافظ على توسل والطفل التاني وجهزو غرفه العمليات وجهزو توسل وجابو حقنه كبيره شديد ادوها ليها في ضهرها بين السلسه الفقريه توسل كانت قاعده وراكعه زي الركوع بتاع الصلاه والدكتور قال ليها اذا اتحركتي اقل حركه ح تتسببي لنفسك بعاهه مستديمه شلل كامل أو شلل نصفي وقفت واخدت الحقنه وكانت حاره شديد
دخلوها غرفه العمليات وهي صاحيه لأنو البنج كان نصفي م كامل
وعلاء برا منتظر على أحر من الجمر وشيماء وخالتها يبكو ويامن يصبر فيهم اما علاء م كانت في كلمات بتوصف حالتو وفجاءه نور غرفه العمليات ولع والعمليه بدت