رواية احببت معقدة
الفصل الثاني 2
بقلم فاطمة سلطان
لتنظر في عَيْنْيْهَا بِنَظْرَة قَلِقَة لِتُجيبَها بِالشَّيْءِ اَلَّذي تَوقعته
- سمعتي ايه يا هدير بس ده ....
قاطعتها هدير بِوَجَعٍ كَاَلْطَيْرِ اَلْمَجْروحِ، وكأن والدها انجبها ليُتْعِسها
- من يوم ما امي ماتت عارفة ان بابا اتجوز بس عمري ما اتوقعت اني طيش شباب في حياته واختيار غلط مش محتاجه انك تكدبي عليا انا املي في كل حاجه في الدنيا اندفن مع امي، انا يتيمه الاب والام من لما مجاش يشوفني ولو كان بعت الفلوس اللي اصرف فيها متخلصش العمر كله انا برضو عمري ما كنت هعتبر انه ابويا
هَاجَرَ بِحُزْنٍ شديد اَنْ تَكُونُ السّبب فِي حُزْنِها فَهِيَ اخر شخص قد يُفَكر في حُزْنِهَا فهي اعتبرتها ابنتها حَقًّا
- هدير افهمي بس ..
حسني حاول ان يَهْدَأُ الوضع
- يا بنتي عمتك عملت كل ده علشانك
هدير متجاهله الحديث في هذا الموضوع حتي تَتَغَلَّبُ علي تلك الدَّمعَة التي تُهدد بالسقوط و لكنها اَبَتْ ان تبكي علي من لم يهتم بها يَوْمًا
- انا جبت 85 في المية يا عمتو عن اذنكم
قالت هدير كلمتها وتوجهت الي غرفتها لَعَلَّهَا تنفرد بِهُمُومِهَا وَوَحْدَتِهَا وَتبكي علي والدها الذي يتعمد أن يكسرها
_________________________________________
في غرفة هدير، غَرِقْتْ فِي نوَبِهِ مِنْ الْبُكَاءِ فهي تَدَّعي القوة ولكنها لا تمتلك منها شيئا امام نفسها، ولكن لتُحفظ هذا التاريخ أيضا فهذا هو اليوم الثاني التي علمت انها ليست من ضمن اختياراته بل هي اختيارات قديمة قد نَّساها ونَدَمَ عليها، قاطع شرودها وحُزْنُهَا حينما وجدت من يَقْذِفُ الطُّوبَ على باب شرفة غرفتها ليقطع خَلْوَتُها مَعَ نَفْسِهَا؛ فقامت ومسحت دموعها
فتحت الشرفة لتجد قاسم يمسك بيده طُوبَة أخرى ويكاد يقذفها في وجهها فهو لم يَأْخُذُ بَالَهِ بِخُروجها، وينظر في الناحية الآخرى فهو رأها ويه تدخل البيت
فحينما صعد إلى بيتها وجد حسني سلم عليهم وتحجج بأي شيء وهبط، فهو لا يشعر مع حسني بالارتياح الكافِي ورُبما هو شُعُورٌ مُتبادل بينهم
((قاسم في الرابعة والعشرين من عُمره يعمل في الصباح في شركة أدوية، خريج من كلية العلوم منذ عام تقريبا وفي المساء يقف في إحدى الصيدليات مع صديقه ثلاث أيام في الأسبوع فقط وباقي الأسبوع يساعد والده أحيانا أو يذهب في الحملات التي تقام لتوعيه الناس فهو شَغُوفٌ جِدًّا بالنشاطات وتكوين العلاقات الاجتماعية
فهو عكس هدير تَمَأمًا فهي افشل شخص من المُمكن ان يتعرف على الناس او تكوين صداقات وعلاقات مع كِلا الْجنسين، لا تشعر بالارتياح نهائيا في الاماكن التي بها اعداد وتجمعات هذا شعور داخلي رُبَّمَا تحاول الا تظهره، فالأيام التي ذهبت فيها إلى مدرستها بعد وفاة والدتها قليله جدا فدائما كانت تجعله هاجر تقدم لها شهادات مرضية وتَاخُذُ الدُّرُوسِ في أقل المجموعات عَدَدًا))
علي لسان هدير :
قاسم هو اللي بقالي سنين بصحي من النوم و اشوفه في وشي ده جارنا ابن عم خليل الفكهاني وعنده سوبر ماركت، وحيد زيي كان عنده اخت وماتت تقريبا في وقت موت والدتي، واحب ابلغكم اننا بناكل الفاكهة ببلاش دايما
ده الشخص الوحيد اللي بحس انه كل شيء بالنسبة ليا وكان معايا في كل خطوه في حياتي علاقتنا مكنش ليها مسمي بس لما الدنيا بتيجي عليا ببقي عارفه ان قاسم موجود ودي لوحدها كانت كفاية بالنسبالي
هدير بانزعاج وعيون متورمة من كثرة البكاء حينما وجدت الطُوبَة بيده
- احدفها في وشي احسن انا عايزة اعرف جايب الطوب ده منين والله
قاسم بِغَضَبٍ بسبب تأخيرها وكَأَنَّ الرُّوحَ عَادْتْ في جسده حينما استطاع رؤية صغيرته
- ناسية تليفونك ولا علي بالك وصاحبتك مين اللي كنتي عندها دي لغايت دلوقتي
هدير بلا مبالاة فيكفيها ما تشعر به ولكنها لا تستطيع ان تُنكر ان بمُجَرَّدَ رُؤيته تَبُثُّ في نَفْسِهَا الرَّاحَةَ وَتَعَلَّمَ انها ليست وحيدة
- عند ميار والتليفون نسيته هنا في البيت وبعدين وطي صوتك الناس كلها هتشاركنا من البلكونات
- اه واللي عايز يطمن عليكي يتحرق
هدير بانزعاج وتأفف
- ما انتَ اكيد جبت النتيجة يعني ما انتَ معاك رقم الجلوس وحافظه اكتر مني
ركز قاسم في تلك الْعُيُون التي يعلمها جيدا مُتجاهلا اسلوبها الْفَظُّ الذي يعلم انه يحمل ورائه الكثير من الْهُمُومِ فلا يَصْعُبُ عليه مُعَرَّفُهُ رَفيقَةُ دَرْبِهِ
- مالك يا هدير انتِ كنتي بتعيطي وله ايه
هديرهَزّْت رأسها نافية وكأنها نَسْتَ علي من تَكْذِبُ فهو يعرفها اكثر مما تعرف نفسها
- انا بس عيطت ساعه النتيجة، انا عايزة انام شويه ويعتبر كنت هنام وقمت بسبب دوشتك الشيش خلاص هيتكسر في يوم بسببك وهتصلحه علي حسابك ده من ايام جدي
ثُمَّ حاولت مُحَاوَلَةٌ فَاشلة اَنْ تُخفي كَسَرَتها عَلي رَفِيق دَرْبَها
- ياريت تطفي الاغاني اللي مش بفهم منها كلمه دي شكلك مش بتتكيف الا لما ام محمد تردح لينا زي كل يوم وتعملنا حريقه في الشارع
قاسم بِعَدَمِ اقْتِنَاع فهو يعلم جيدا ان هناك شيء بها
- سألتك سؤال .. في ايه ؟
هديرمازالت تحاول ان تَكْذِبُ عليه
- ايوه عيطت بسبب النتيجة مفيش حاجه تانية صدقني
قاسم باقتراح حتي يُخْرِجُهَا مما هي فيه و يستطيع ان يعلم ما بها
- تحبي ننزل نتمشي زي كل يوم
هدير بعدم معرفة وَتَلَعْثَمٍ فهي تريد إنهاء الحوار لعلها تستطيع الانفراد بِنَفْسِهَا
- مش عارفه الوقت اتأخر
- خلاص نتقابل الصبح ونروح نسحب الملف بتاعك من المدرسة
- تمام يا قاسم امين افندي و بعدين الصبح انتَ هتكون موجود ازاي انتَ مش وراك شغل وله طردوك ؟
- قاسم خليل يا ام لسان طويل، قاسم امين ده اللي خلانا نسمع صوت لاشكالك اما بالنسبة للشغل انا أجازه بكرا
ثم أكمل قاسم بغرور مزيف
- ميقدروش يستغنوا عني وانا برضو مقدرش استغني عنهم ورايا جمعيات و لو قعدت من الشغل ام محمد لو مدتهاش فلوس الجمعية كل شهر هتعلقني علي باب بيتكم
ضحكت هدير وكأنه استطاع ان يرسم البسمة على وجهها، فخرجت أم محمد تلك الجارة التي تقيم في الدور الذي يلي شقه هدير، وخرجت من شرفتها بانزعاج من حديثهما وصوتهما
فهي في العقد الخامس من عمرها لديها ولدين احدهما يقضي خدمته في الجيش المصري هذا العام وهي تمتاز بصفه يمتلكها اغلبية الناس في الحارات الشعبية وهي التدخل في شؤون الاخرين، وكأن الانسان الْجَيِّدَ يأتي عِند ذِكره
- جرا ايه يا عصافير الكناريا، هو انتَ يا ابن خليل واحنا نايمين واحنا صاحين سامعين صوتك يا ابني ارحمنا بقا تعالي اقعد عندنا انتَ وهي احسن
أردف قاسم بمرح و هو يرفع بصره اليها
- ما تقولي مساء الخير يا ام محمد الاول وبعدين مش الاوضة اللي فيها البلكونة نايم فيها محمد و هو دلوقتي في الجيش يعني ملكيش دعوه باللي بيتقال وبالصوت و اقعدي في النصف التاني احسن ابو محمد هيطفش وربنا
لم تستطع هدير سوي ان تُطْلِقُ ضحكاتها، فتقريبا هذا هو السيناريو الْمُعتاد كُل يَوْمٍ ولكن الْخَطَأَ كُلَّهُ يَقَعُ عَلَيْهِمَا فُهِمُ مِنْ يُزْعِجوا الناس باحاديثهم
ام محمد بغيظ ومكَرٍ
- ابقي قابلني لو قبضت الجمعية وحيات الصداع بتاع اغاني بليل و كلامكم طول النهار
قاسم وهو يُخَفِّفُ من نبرته و يهدأ تماما و يتحدث بمرحٍ
- اسف يا ام محمد، وام محمد ايه ده انتِ ام قاسم والله اكتر من امي انا داخل اهو يا ستي
ثم أكمل بخبث ليغير الحوار
- و بعدين باركي لهدير علشان نجحت خلاص
(زغرطت) م محمد زغروطة رنت في الشارع بأكمله ليتسأل الناس كحال الشعب المصري هل تدل علي خطبه ام قراءه فاتحة، نجاح ام زواج
ام محمد بابتسامة واسعة
- الف مبروك يا هدير يا بنتي والله فرحتلك، فين الحاجة الساقعة بتاعت ام محمد اللي بشرتك بحلمها
هدير وهي تتوعد لقاسم بسبب هذه الضوضاء التي استطاع ان يُحدثها لها فهي منزعجه مما سمعته، فأجابت بنبره حاولت جعلها مهذبة قدر الامكان
- الله يبارك فيكي يا طنط من عنيا
قاسم بابتسامة خبيثة ليتركها بين يَدَيْ ام محمد ويَنْجو منها هو
- الحق اصلي العشاء انا بقا عن اذنكم
ثم دخل الي غرفته وبعد ربع ساعه او اكثر من الحديث، دخلت هدير غرفتها و تخلصت من ثرثرة ام محمد بعد ان وعدتها انها غدا ستوزع علي الشارع بأكمله و الجيران زجاجات من المياة الغازية لنجاحها كعاده لدي المصريين للاحتفال بالنجاح او بالمناسبات
بعد وقت دقت هاجر الغرفة حينما ذهب حسني الي منزلة وجدتها جالسة علي الفراش فجلست بجانبها
- هدير اوعي تزعلي يا بنتي
- انا زعلانه علي نفسي عمري ما كنت أتصور انه بايعني للدرجاتي
- ده حال الدنيا محدش واخد كل حاجة، الدنيا كلها اختبارات واي حد اتخلي عننا حتي لو اقرب ما لينا لازم نكمل و نقف علي رجلينا
اخذتها هاجر في احضانها وحاولت بث التفاؤل في قلبها والا تجعلها تنزعج بسبب والدها حتى ذهبوا إلى النوم سَوِيًّا في احضان بعضهما، فلا نَدْرِي مِنْ هُوَ عَوَضُ اللَّهِ إِلَى الاَخْرِ
_________________________________________
في الصباح الباكر تَحْدِيدًا في شقة الحاج خليل والد قاسم
كان يجلس قاسم علي السفرة و يتناول الفطار مع أبيه وأمه، وجد هاتفه يعلن عن اتصال من هدير وعلى ما يبدو انها تنتظره في الأسفل فنهض قَائِلًا بِاسْتِئْذانِ
- الحق اطير انا بقا
أردفت امينة باستغراب
- رايح فين يا ابني مش اجازة
أجاب قاسم عليها بهدوء
- ايوه اجازه بس رايح مع هدير عشان هتسحب الملف بتاعها من المدرسة
امينه بانزعاج : هدير تاني استغفر الله العظيم
قاسم باستغراب من انزعاج والدته فهو لم يفهم التلمحيات من وراء حديثها
- مش فاهم مالها هدير ؟
أردفت امينه بغضبٍ وَانزِعاجٍ من ابنها الذي يبالغ فِي اهتمامه بهدير
- اللي المفروض تفهمه هدير مبقتش صغيرة دي ما شاء الله بقت عروسة وكبيرة ومرواحك معاها في الرايحة والجاية غلط، بعد كده كلام الناس هيكون سم عليك وعليها هي قبلك
قاسم بانزعاج واستغراب من لهجه والدته الجديدة فهي تشعره انه مُتهم في جريمة لا يَعْرِفُهَا ولم يَرْتَكبها
- ايه اللي بتقوليه ده يا ماما ؟!! هدير اختي وعوض ربنا بعد موت اختي الله يرحمها و بقف جنبها كأني اخ ليها انا ميهمنيش كلام الناس، انا عارف انا بعمل ايه وبعدين من امته حضرتك بتفكري كده
كان خليل يتركهما فِي الْمَعْرَكَةِ وَيُتَابِع فقط، فَأَدَرِفِتْ اَمِينَةً بضيقٍ مِن ابنها العنيد
- تقدر تقولي انتَ لو قمت خطبت واحده هتشوف علاقتك بيها وخروجك معاها في كل حته ازاي ؟ ودلوقتي لو جالها عريس ووافقت في راجل هيقبل بيك وعلاقتك بيها كاخ ؟؟ اصل انتم مش راضعين علي بعض لسمح الله ده انتم الفرق بينكم ست سنين
انزعج قاسم بشده من حديث والدته القاسي والحاد وكأنها طعنته ووجهت له كلمات لأول مره يسمعها و كأنه مُذنب و قالت له اشياء لم يفكر فيها من قِبَلُ، لم يستطيع ان يُحَدِّدُ هل هو غاضب بسبب حديث والدته وطريقتها ام بسبب صِحَّةِ حَدِيثِهَا ؟
قاطع نقاشهم الحاد حينما تحدث خليل أخيرا
- انتِ وابنك مش عاملين حساب اني قاعد وانتَ يا قاسم اتكل علي الله وروح مشوار
خرج قاسم بعدما أردف والده هذه الكلمات وكأنه أعطاه طَوْقَ النَّجَاةِ ليهرب بعدما انقطعت انفاسه، فهو لا يجد من الكلمات ما قد يُسعِفهُ، فَلِوَهَلِهِ شِعْرَ انه مُذَنَّبٌ وذَنْبَهُ هو عَطْفَهُ عليها
خليل بعتاب بعدما تأكد من نزول ابنه
- بقا في حد يقول كده مره واحده
امينة وهي تري ان معها كل الحق فيما قالته، فهي لن تنتظر ان يتحدث الناس في سُمْعَةِ ولدها أو سُمْعَةِ هدير ايضا فيجب أن توقظه مما هو فيه
- اللي انا قولته ده هو الصح، يسمعها من امه احسن ما يسمعها من الغريب انا مش بكره هدير بالعكس انا بحبها وبعتبرها بنتي وهاجر عشرة عمري
خليل بُحَيْرَةٍ شديدة فمن الصعب قول ان حديثها ليس بالصحيح ولكن الطريقة كانت خاطئة فهي تتحدث مع شاب تخطي الثالثة والعشرون من عمره، فهو ليس مراهق أو طفل كان من الممكن الحديث بهدوء
- كل اللي قولتيه كان هو الأصول والصح بس طريقتك كانت غلط طلعتي في الواد مره واحده، مينفعش واحد بقاله سنين واخذ علي وضع تيجي مره واحده تقوليله الوضع ده غلط و لانه مش صغير
- انا عارفه ابني اكتر من اي حد وعارفه انه متربي بس لازم ابنك يعرف ان هدير يا هتبقي جاره ليه ويقولها السلام عليكم لو شافها في اي مكان او قابلها في حته و يمشي مش اكتر من كده زيها زي غيرها او يحط مسمي لعلاقتهم
أردف خليل بحيرة
- والله كل اللي بتقوليه صح
رُبما كانت امينة تريده ان يعلم حقيقه مشاعره تجاها، فهي قالت ما يجب تطبيقه طِبْقًا للدين والْأُصُولِ، فيجب ان يَكُفُّ عن المساعدة التي ستجلب لهما نتيجة عكسية تَمَامًا
فهي تحب هاجر وعائلتها وَيُحَبَّبُ لقلبها ان تكون هدير زوجه لابنها رغم فشلها في الأعمال المنزلية ولكنها تعلم تربيتها جيدا فيعتبر نشأت امام اعينهم
______________________
علي لسان قاسم
انَا لَسُتُ فَيْلَسوفًا ولَسُت شَيْخًا أَيضًا وَلَمْ اكْنْ يومًا عَالِمًا، وَلَكِنِّي اؤْمِنْ انَّني كنت انسان فقط