رواية لأنها توسل
الفصل التاسع عشر 19
بقلم سوسو تويكس
في لحظه انهيار ضعف ارتباك وتوتر اعترفتا بي كلام ما كان لازم اقولو قعد بس بعاين لي بي صدمه وقال بي هدوء :اطلعي ارجعك البيت،، مسحتا دموعي وانا بقول:بس دوامي ما انتهى،، عاين لي نظرة خلتني اتبعو بدون كلام طول الطريق هادي نزلني وطلع طوالي خشيت وانا زهجانه وزعلانه منو، لقيت في الصاله في اسيل بت عمو الكان جات المكتب هي قدر غيث26 سنه مهووسه بيهو من هم صغار وقالو رفضت عرسان على عدد شعر راسها عشان غيث ومعاها كم بت كده كلهم بعاينو لي نظره كره جات غزل قالت لي ديل بنات اهلنا،، توسل:شكلهم حابني حووب،، غزل:😂كلهم كانو مكرشات على غيث،، مشيت سلمتا وقعدتا بدو يتغامزو شكلهم متفقين علي، اسيل اتكلمت: حسي غيث ده ما لقى غير الشافعه دي يعرسها،، غزل عايزة تتكلم سبقتها وانا بقول:اخير انا شافعه لكن انتي وين الزمن شاتك و القطر فاتك،، شمتني شم وقالت بسخريه:عليك الله حسي انا وانتي بالغلط ساي بنتقارن،، كلهم بقو يضحكو حتى ام غيث ما عدا غزل، توسل: نتقارن كيف عاد ما فسختي واتوسختي وما خليتي كريم ما جلختي،، كلهم سكنو مصدومين مني إلا غزل الكاتم ضحكتها،، اتكلمت واحده تانيه وواضح كلها بضاعه صينيه:هيي يالجبهة سبورة والنخرة ماسوره والاضان هبابه والفلجه بوابه هههههاي،، كلهم انبسط منها وشغالين يضحكو ضربتني في الصميم لكن البسكوت ليها منو: على الاقل انا طبيعي ما زيك اليدين مفاربك والكرعين كواريك والراس عاد فتر من البواريك،،، (رداحات كيف تمام🙂🫱🏾🫲🏾) سكتو سااي ماف واحده اتكلمت وغزل دي كملت مصارين بطنها من الضحك اما اسيل عايز يطق ليها عرق من الغيظ، قامو ماشين بي زعل، ام غيث اتكلمت بي غضب:جو عشان يباركو ليك تقولي ليهم كده، صبرا بس لمن غيث يجي اصلو... الخ، كلام كتير ما اشتغلتا بيها كتير وطلعنا الجناح دخلتا الرمز(باركو لي وروني الرمز😂💃🏽) كنت تعبانه من الطاقه الصرفتها في الردح استحميت ورقدتا نمتا،، صحيت بي لمسات رقيقه على وشي فتحتا عيوني لقيتو ده غيث وشكل مختلف توتلي عن قبيل قالي بي ابتسامه دافئه: صحى النوم يا كسلانه قومي حارسنا مشوار،، قمتا بي كسل:وين،،، غيث:مفاجئه بس انتي البسي،، ما نقشتو عشان ما يرجع ينفصم في زي قبيل، صليت العصر ولبستا، ماشين بالعربيه الطريق ما غريب علي ده طريق بيتنا، انا لسه ما جاهزة ابوي اكيد ح يطردنا...