رواية احتواء القاسي
الفصل الخامس والاربعون 45
بقلم سوسو تويكس
بلسان ساره:يمكن كتير منكم ما بيعرفني، انا ساره بت خالتها لي لينه، ما بكذب كنت ما موافقه على زواج معتصم ولينه لاني شايفه انهم ما بليقو ببعض، لينه عنيد و معتصم صعب، وكلو ما يجتمعو بعملو مشكله، وكنت مؤيده قرار زواجها من بكري لاني شايفه انهم متفاهمين واستغربت لمن لينه اختارت معتصم، الخلاني اتأكد من قراري ده وقت اتصلت عليهو وكلمتو يجي يسوقها صدمني بردو طبعاََ، خلاص كنت بايته معاهم اليوم داك عشان لينه، وخلاص زي الساعه ٩ ونص قاعدين في الصاله ولينه كانت نايمه في الغرفه كانت مصدعه وتعبانه فبلعت مسكن وخلاها تنوم، المهم في نص ونستنا انا وخالي احمد وبكري وخالتي مريم سمعنا الباب دقا بكري مشا فتحو وكلها ثواني ونشوف معتصم خاشي الصاله وهو بقول:جلسه في الحرم _خالتو مريم دي اتشرقت بالشاي البتشرب فيهو لأنها خايفه من معتصم عشان هي الكلمت لينه، طبعا نططت عيونها، وكلنا مصدومين الجابو شنو باقي اليل ده_احمد:اهلا وسهلا، اتفضل_معتصم:لأ انا مستعجل جيت اسوق لينه _بكري:لينه ما بتمشي معاك، هي جاتنا بنفسها وهي البتقرر ووقت قالت ما راجعه معناها خلاص _احمد:كفايه بت اختي اديتها ليك مره وبهدلتها لمن هربت منك_طبعا الجو بقا مشحون شديد والله لا يوريكم وش معتصم في الوقت داك، هو اصلا زول عندو كاريزما ورجوله كده من شكلو، وبعده هدؤ مستفز _اتكلم ليهم بهدؤ عكس ملامح وشو:انا احتراما ليك ما برد عليك يا خال_ووجه كلامو لبكري:احتراما لأبوك انا ما عملتا ليك شي، وللمره التانيه ابعد عن طريقي انا ومرتي فاهم_بقا ينادي فيها-بكري ده خلاص ماشي يضرب معتصم وهو بقول :مرتك الخليتها تهرب منك، ولا الاتزوجت فيها ودسيت عنها وقت عامل فيها راجل كده بتدس زي النسوان لشنو _لحظه صمت مرت وما استوعبنا الا بمعتصم واقع ضرب في بكري وهو بقول بغصب:انت بالزات ما تجيب سيرة الرجوله، لمن تبطل تتواصل مع بنات وعارفهم متزوجات دي بتسما شنو هاا؟ _خالتي مريم دي بقت تبكي بدوموعها العشره وهي شايفه ولدها بضربو فيهو وخالو احمد ده بحاول يحجز فيهم _ شفتا لينه بتاشر لي اجي اساندها عشان تجي للصاله لأنها كانت مدروخه من أثر الدوا وشكلها صحت أصواتهم ما وقف ضرب الا على صوت لينه وهي بتقول:الجابك شنو، حتى هنا ما عايز تخليني ارتاح_ اتغير ٣٦٠ درجه جا علينا وهو بتكلم بهدؤ..
اتغير ٣٦٠ درجه جا علينا وهو بتكلم بهدؤ حتى طريقة نظرت اتغيرت :لينه خلي نرجع البيت اول وبعداك قولي العايزه _ لينه:ما راجعه معاك مكان ويا ريت انت تتفضل وتطلع من هنا بدون جوطه وازعاج و... _ما كملت كلامها فقدت توازن وبقت شبه واعيه،كانت ح تقع، قام رفعها،وجاي يطلع بكري عارض ليهو في الطريق وقال:ما بتسوقها_وجه كلامو لي خالتي مريم : انا ما نسيت كلامك القلتي لي لينه والفراغ السمعتي ليها ده غير انك وريتيها بطريقه خلتها تنفعل وكانت ح تخسر الجنين، فإذا ما عايزه أفضى غضبي في ولدك وبكره يكون فراشو قول ليهو يبعد عن طريقي انا ومرتي_طبعا بكري وخالو احمد انصدمو ما كانو قايلين انو هي الكلمتها اليوم داك، احمد:يعني انتي كان ليك يد في حالتها دي يا مريم _طبعا خافت خوف بس عجبني ليها لانو القالتو لي لينه ما هيين وبقت تبكي وترجف من الخوف هي عارفه انو خالو ما بيرضا في لينه نهائي وكان قام صعب شديد بقت تقول وهي بتبكي:والله لحظه شيطان الشيطان عشاني سامحني يا ابو بكري _احمد:لالا انتي حسابك بعدين (وجه كلامو لي معتصم) شيل مرتك لكن اتأكد لو مره تانيه جاتنا ما بتطلع من البيت ده الا وهي مطلقه منك_بكري الملام ما عجبو عايز يعترض خالتي مريم وقفتو:والله ما راضيه عليك ولا عافيه ليك لا دنيا ولا آخره كان ما خليت البت دي في حالها _خافت لأنها عارفه معتصم كان جادي في كلامو، جا يطلع قالي:ما جايه ولا شنو _انا كنت فاتحه خشمي مترين للان ما مصدقه انو التهور والجنون والتصرفات الهمجيه دي طلعت من معتصم، ياخ ده كان بضربو بيهو المثل في العقلانيه، بس اليله كان واحد تاني، ده كلو عشان لينه، يادوب اتاكدتا انو لينه ما بتفع غير مع معتصم_طلعتا معاهو العربيه وقعدنا في المقعد الخلفي ولينه دي كانت ما واعيه من الدوا نايمه لمن بتشخر 😂، في سري قلتا ليها:نايمه وما عارفه القيامه القامت بسببك_والطريق كلو يسالني بغيره واضحه اذا بكري كان قاعد مع لينه او اتكلمو سوا، والله اتمنيت بعدين يكون زي معتصم غيرتو نظرتو ليها والتصرفات المتهوره وقت الموضوع يتعلق بيها بالرغم من انو وجعها شديد في الفتره الاخيره بس من الشفتو اليله معتصم مستحيل يتخلا عن لينه مهماََ كان...