رواية لف بينا يادنيا الفصل الثاني2بقلم منه محمد
دنيا : سجن ايه حرام عليكو انا معملتش حاجه
كارع : اسكتي يا ست انت
وصلوا اخير إلي وجهتهم
كارع : سيدي نب حتب احنا لاقينا الست دي لابسه لبس غريب و انا شاكك انها دخيله علي ارضنا عشان توصل اسرارنا للعدو
دنيا : و هو انا لو دخيله زي ما بتقول هكشف نفسي بالسهوله دي
نب حتب : كلام مقنع
دنيا : اقوله يا استاذ نب حتب
تعجب " نب حتب " من طريقه كلامها الغربيه بالنسبه له : استاذ ايه الكلمه الغريبه دي !!
كارع : قولتلك يا سيدي
نب حتب : بس انت شكلك فعلا مريب و مينفعش اسيبك طليقة كده ف ارضنا
ادركت "دنيا" حجم المصيبه التي وقعت فيها ف قالت و هي تحاول ان تتدارك الامر : ما اناااا مهاجره يا سيدي و جيت بلادكوا احتمي فيها لاني سمعت انها ارض خير و نما
نب حتب : حتي لو انا ايه اللي يضمني انك مش بتضحكي علينا ما الهكسوس قبل دخلوا عندنا كا رعاه و بعدين احتلوا البلد
كارع : نسجنها يا سيدي
نب حتب : لا انا عندي فكره احسن احنا نبيعها فسوق الجواري
دنيا بصدمه : انت بتقول ايه لااااااااا
____________________________________________________________________________
في تلك الاثناء وصل "مصطفى" إلي المقبرة و معه فقره انقاذ و استطاعوا دخول المقبره لكنهم لم يجدوها
مصطفى : ايه ده هي اختفت فين دنياااااااا
فتشوا المقبرة كلها و لم يجدوها مما جعلهم يوقنوا انها قد ماتت تحت الانقاض
___________________________________________________________________________
تم بيع "دنيا" في سوق الجواري و اعطوها ملابس فقيره خشنه جعلتها تحك في جسمها : و بعدين ايه الخيشه اللي ملابسنهالي دي
كانت البنات الاخريات ينظرن لها بنظرات ازدراء و اقتربت منها احدي البنات : انت اسمك يا اختي
دنيا : د...... نفرو (يعني الجميله)
ميتا : و مالك يا ختي متنكه علينا كده ليه مش عاجبينك
دنيا : استغفر الله العظيم يارب
ميتا : بتقولي ايه !!
دنيا : اه نسيت انكوا ملاحده ااااصدقي فراعنه
ميتا : بقولك ايه انت شكلك مش مظبوطه انا هظبتك
و كانوا علي وشك الهجوم عليها لكن توقفوا علي صوت الحارس : بس يا بنت انت و هي، توفقن جميعاً و التفتن إليه : كب نخب رئيس العاملين بالقصر هياخدكوا كاجواري تشتغلوا هناك
ميتا : يا حلاوه يا بنات ده احنا هنقب على وش الدنيا
دنيا : هنقب اه
_______________________________________________________________________
وصلن إلي القصر و استقبلتهن "ايزيس" رئيسه الجواري وبدأت بتوزيع المهام عليهن
ايزيس : المجموعه الاخيره هتشتغلوا ف المطبخ
دنيا : مدام ايزيس
وقفت "ايزيس" متعجبه من كلامها : ايه !!
دنيا : انسه و لا ايه منا معرفش الحقيقه
ايزيس : ايه الكلام الغريب اللي انت بتقوليه ده !!
دنيا : اااخ انا نسيت احنا ف زمن غير الزمن، انا اسفه ياااا يا سيدتي بس معندكيش وظيفه تانيه ليا غير المطبخ اصل انا مش شاطره فيه اوي
ايزيس : انت هتتشرطي كمان يا جاريه نفذي المطلوب و انت ساكته
دنيا بضجر : طب مطبخ مطبخ امري لله
ذهبت للمطبخ و لكنها لاحظت شخص ف الخارج نظرت له بدقه و كأنه تعرفه : مصطفى !!