أخر الاخبار

رواية ضحايا ورث الديب الفصل الثاني عشر12بقلم حور طه

رواية ضحايا ورث الديب

 الفصل الثاني عشر12

بقلم حور طه




في قاعه المحكمه الكل يجلس 


 والخوف والتوتر كان هم سيدان


 المكان كانت النظرات تتنقل بياناتهم


 بلوم وعتاب كان يوجد صمت بداخله 


بركان كاد ان ينتفض الى حين انتهى


 كل شخص منهم بمرافعته وفي انتظار 


حكم القاضي القاضي بعد استشار 


المستشاري تاتي اللحظه الذي ينطق


 بها الحكم وكان الحكم هو الاعدام


مروان بخوف يضرب بايده على القفص::


 والله العظيم ما قتلتها والله العظيم


 ما اعرفها ما قتلتهاش ارجوكم


 صدقوني انا ما قتلتهاش


 ايشان يجلس ويضع يده على


 راسه بخيبه امل فهو لا يستطيع


 تبريق اخيه من تلك التهمه 


اريام كانت تنظر الى مروان بانتصار


 وتقترب من القفص وتقول له ::


انا قلت لك ان هدفعك ثمن اللي عملته


 فيهاانت مجرم وده عقابك 


 مروان   بصراخ والعساكر يشدوه ::


حرام عليك انا ما قتلتهاش قلت لك


 ما اعرفهاش عشان اقتلها ازاي هقتل


 واحده ما اعرفهاش ارجوك صدقيني


 والله العظيم ما قتلتها انا بريء 


اريام ترفض سماع اي كلام بيقولوا


 وتخرج من قاعه المحكمه وتتفاجئ 


ان ايشان ماسك ايدها


 اريام تسحب ايدها منه بانفعال ::


اوعى تفكر انك تقرب مني ثاني انت


 فاهم اخوك دلوقتي هيتعاقب على 


جريمته وحق اختي رجع


ايشان ::لو كنت فاكره انك كده


 جبتي حق اختك بانك تجيبي 


اعدام لمروان فانت موازينك اختلت


 لدرجه ان انت مش قادره تشوفي الحقيقه 


اريام:: الادله كلها ضده وانت مهما


 تعمل مش هتعرف تخرج اخوك لانه


 مجرم  ويستحق الاعدام 


ايشان ::لازم تصدقي انه بريء عشان


 تقدري تعرفي المجرم الحقيقي مروان


 مستحيل يقتل انا اللي مربيه  واعرفه


 اكثر من اي حد هو اه طايش ومستهتر


 وياذي نفسه لكن مستحيل يفكر ان هو يؤذي حد 


 اريام:: انا صدقتك لما كنت داير


 تدور معايا على اختي وانت عارف


 ان ريحه دمها في ايدين اخوك وسكت 


ايشان :: ادي نفسك فرصه ترجعي


 الطريق ثاني من اوله بس لازم تركزي


 في الاحداث اللي حصلت بجد مش


 اللي تهيات لك عشان تصدقيها

 

اريام تسيب وتمشي من غير ما ترد


 عليه ولكن عقلها بدا يتشوش


 ولا تعرف ان تاخذ قرار


ايشان يقف قدامها:: طب تعالي 


اركبي معايا العربيه هنروح مشوار 


وبعدها قرار انت هتعملي ايه


 اريام تبعده عن طريقها ::


طريقنا مابقاش واحد....؟


ايشان بصوت مرتفع ::لو فضلتي رافضه


 انك تفتحي عنيكي علي الحقيقه


 هتكوني سبب ف اعدام انسان بريء


________🖤🥀🖤🥀في شقة ديب الخاصه___🖤🥀


نوح:: خلاص يا ريس القضيه


 اتحكم فيها وخلصت


ديب:: حكم الاعدام هيتنفذ امتى


نوح:: لا لسه بدري  شويه لان 


ايشان اكيد هيقدم طعم للمحكمه


 والاجراءات دي بتاخذ شويه وقت 


 ديب والطعن ده المحكمه ممكن تقبله 


 نوح :: لو قدم دليل قوي الطعن


 بيتقبل غير كده بيترفض والحكم بيتنفذ 


 ديب  ::وايشان ممكن يلاقي


 الدليل اللي يشيل حبل المشنقه


 من على رقبه مروان 


نوح:: يا ريس انا سبق وقلت لك


 شغلي ما فيهوش مجال للخطا


 لو انت عايز يتشنق لا ايشان


 ولا غيره يقدر يخرجه


ديب ::يعني وقت زياره مروان جاء


 نوح:: اوامرك يا ريس انا مرتب كل حاجه 


 ديب:: انا مش عايز مروان يشوف


 حد ثاني بعد زيارتي ليه 


نوح ::انا هنا عشان انفذ اوامر 


معاليك من قبل ما تقولها


 ديب:: بعد الموضوع ده ما ينتهي


 مكافئتك هتكون كبيره قوي 


 نوح:: يا ريس انا خدامك ولحم كتافي من خيرك


  ديب ::جهز انت لزياره مروان


 وانا هروح اشوف الراجل اللي 


خرف ده هينفذ اللي قلت له


 عليه ولا هيركب دماغه ثاني 


___________🖤🥀🖤🥀في بيت رفعت_____🖤🥀


 اريام ::حق ريم رجع يا بابا


 المجرم اللي عمل فيها كده النهارده


 اخذ الحكم اللي يستحقه


رفعت:: ريم كانت ضحيه للعب


 قذره المجرم الحقيقي لسه بره


 اريام  ::مروان اتحكم عليه النهارده


 يا بابا ازاي المجرم لسه بره


رفعت:: القاتل مش مروان يا بنتي انا متاكد


اريام::لكن كل الادله ضده كل حاجه


 بتودي ليه هو المشتبه الوحيد في القضيه


رفعت:: ايه هو اول درس علمته لك لما تخرجتي؟؟ !


 اريام:: لما الادله تكون مكتمله 


 ضد شخص وما فيش اي مخرج


 لنجاته  هنا لازم اعرف ان الشخص 


ده بريء  وارجع ادقق في كل التفاصيل من ثاني 


  رفعت:: حزنك ووجعك على 


اختك نساك انك تستخدمي عقلك 


بشكل صحيح& انا صحيح كبرت


 وطلعت على المعاش بس المهنه


 دي بتجري في دمي&  صرخه مروان 


في المحكمه وهو خلاص عارف انه 


رايح على حبل المشنقه مش  تمثيل 


 ولا كذب ما فيش انسان مهما كانت 


قدراته على التمثيل يكذب


 هو بينه وبين الموت  خطوه 


اريام ::انا خلاص حاسه ان عقلي


 وقف مش قادره افكر ولا اعرف


 مين المجرم ومين البريء ولا قادره 


استوعب ان ريم الطفل الصغيره خلاص


 ما بقتش موجوده ريم مش بس كانت 


اختي الصغيره يا بابا كانت بنتي اللي


 راعيتها من وقت ما كان عمرها سبع 


سنين بعد وفاه ماما انا مش قادره


 اكون في صلابتك وقدرتك على


 التحمل والله العظيم تعبت


رفعت ياخذها في حضنه:: حق ريم هيرجع


 والمجرم الحقيقه ياخذ عقابه بالقانون 


اسمعي لايشان وهو هيساعدك توصلي


 للحقيقه قومي نامي دلوقتي ولما


 تصحي هنتكلم في كل التفاصيل اللي تخص القضيه


اريام باستجابه تقوم تدخل 


اوضتها ولكن تسمع صوت ياتي 


من المطبخ تدخل وتشوف عيشه


 وهي تجلس وتبكي فاقتربت منها


 بهدوء ::مالك يا عيشه بتعيطي ليه


 عيشه تمسح دموعها وتمسك خاتم وتديه لاريام


اريام تاخذ منها الخاتم وتنزل


 دمعه تحرق قلبها:: ده خاتم ريم 


 اللي جبته لها في عيد ميلادها


عيشه  ::ازاي هانت عليه يعمل فيها 


كده الناس ماتت الرحمه من قلوبهم 


اريام تظهر قوتها :: كل واحد كان ليه


 يد في اللي حصل لريم هياخذ عقابه 


حق ريم مش هيضيع&  لقيت الخاتم ده فين ؟؟


 عيشه:: كان واقع منها وانا لقيته


 اريام::في اوضتها مش كده


عيشه:: لا؟ على السلم


 اريام باستغراب ::على السلم


عيشه ::ايوه على السلم اللي في ظهر


 العماره شفته انا نازله


 اريان بتفكير :: عيشه قولي لي انت


 لقيتي الخاتم ده فين بالضبط؟؟ !!


عيشه تاخذها وينزلوا السلم وتوريها 


لقيته فين قدام باب الشقه المقابله لهم؟؟


 اريام ::عيشه انا عايزاك تحكي لي كل حاجه 


كنت بتشوفيها وتسمعيها عن الشقه دي


عيشه::انا قلت لك ان الراجل اللي


 في الشقه دي كانت بتخرج اصوات


 غريبه من شقته بس  انت مش كنت بتصدقيني


اريام:: الاصوات اللي كنت بتسمعيها


 دي كانت تشبه لايه يعني؟؟


عيشه:: كانت صرخات مكتومه وكان


 حد بيحاول يكتم وجع؟؟ كانت اصوات متقاطعه


 اريام ::طيب انت كنت بتشوفي


 حد داخل الشقه دي او خارج منها


 عيشه :: لا كان عامل زي الشبح 


مش بيظهر  ما شفتوش ولا مره  ؟


غير مره واحده بس 


 اريام ::عيشه  تعرفي توصفي لي الراجل ده


 عيشه:: ايوه بس هو كان لابس


 نظارات وكمان ما شفتش وشه كويس 


__________🖤🥀🖤🥀بقلمي حور طه🖋____🖤🥀


=اتفاقي معاك انك تستخدمها 


لصاحب مروان يعفي الفخ اللي 


انت نصبته ليه مش انك تقتلها


 نوح::::هي الفلوس اللي انت 


اخذتها خلصت ولا مش مكفياك


  قول لي ما تتكسفش هديك ثاني 


 =امسكه من يا قميصه بانفعال 


 انت ايه مش بني ادم شيطان 


هي ذنبها ايه تتقتل  بالطريقه البشعه دي انا هقتلك


 نوح يضربه بوكس ويوقعوا على الارض:::::


  بلاش تعيش دور الملاك انت


 كمان مجرم يمكن اكثر مني كمان 


انت بعت حبيبتك عشان حبه فلوس 


وكنت بتخضرها وتجيبها اديها الجلسات


 الكهرباء  بلاش وش البراءه ده معايا


 لانك عارف انك اوسخ مني بكثير 


=هحكي لاريام عن كل حاجه وانك


 انت اللي قتلت ريم


 نوح:::::انت هتسكت خالص ومش 


هتفتح بقك بكلمه  انا لسه عامل


 حساب انك اخويا وصبر عليك فما


 تخليش صبري ينفذ واعمل حاجه 


مش هتعجبك فاهمني تروح تصرف


 الفلوس دي وتبعد عن الموضوع ده لحد ما ينتهي 

            الفصل الثالث عشر من هنا

تعليقات



حجم الخط
+
16
-
تباعد السطور
+
2
-
close