رواية مزاولة حب الفصل الاول1والثاني2بقلم دودو محمد
المقدمه والفصل الاول
اتدرى يا من احببت ما حدث بى فى فترة غيابك عنى لقد اوجعنى الحنين وهزمنى الاشتياق اتدرى ما كنت انتظره فى لقاءنا الاول كنت انتظر عناق ما له مثيل ابعث فيه كام اشتقت إليك ابث لك كم كان الفراق يؤلمنى ولكن عذرآ لقد مر الزمان وتبدلت الأشخاص وتبلدت المشاعر فأصبحت انسان آخر ک أننى لم أراه من قبل
رجاءآ يا من احببت عود معى كما كنا من قبل عود لى الفارس المنتظر فى احلامى
🦋مزاولة حب🦋
📌تعريف الأشخاص 📌
عائلة يوسف
حسام الشرنوبي
الاب يبلغ من العمر سبعه وخمسون عامآ يعمل فى إحدى شركات الاستثمار وجاءت ليه فرصة سفر سافر هو عائلته وفتح شركه بالخارج اب حنون جدآ على أولاده
سميحه سلطان
الام تبلغ من العمر اثنان وخمسون عامآ ربة منزل طيبه جدآ جدآ وتعشق الطبخ
يوسف حسام الشرنوبي
الاخ الأكبر يبلغ من العمر الثامنه وعشرون عامآ تخرج من كلية الهندسه بإيطاليا معه ماجستير فى البناء والهندسه المعمارية يشبه ابوه فى الشكل ولكن يختلف فى لون العيون دمه خفيف وعصبى بعض الشئ
رحمه حسام الشرنوبي
الاخت الاصغر تبلغ من العمر الخامسه وعشرون عامآ ملامحها رقيقه جدآ بشره بيضاء عيون بنيه جسم متناسق دمها خفيف تعشق المرح والهزار تخرجت من كلية التجاره جامعة إيطاليا قسم إدارة أعمال
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عائلة عماد السيوفى
عماد السيوفي
الاب يبلغ من العمر ستون عامآ كان يعمل فى أحدي شركات البترول كمهندس بترول شديد بعض الشئ على أولاده
سميه فرغلى
الام تبلغ من العمر خمسه واربعون عامآ دمها خفيف جميله جدآ ورقيقه رغم سنها شقيه
تمارا عماد السيوفى
الاخت الأكبر تبلغ من العمر خمسه وعشرون عامآ تشبه امها فى الشكل والطباع شقيه مجنونه رومانسيه طيبه كل من يراها يعشق خفة دمها
كريم عماد السيوفى
الاخ الاصغر يبلغ من العمر السابعة عشر عامآ يشبه أمه واخته يحب الهزار مجنون ومتهور وسيم جدآ فى اخر سنه فى ثانوي
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
أشخاص فرعيه
ندي نادر
صديقة تمارا فى الشغل تبلغ من العمر خمسه وعشرون عامآ شعنونه ومجنونه عصبيه ملامحها رقيقه عكس طبعها نهائى
انس نادر
اخو ندي الكبير يبلغ من العمر تسعه وعشرون عامآ ظابط فى الجيش المصري وسيم جدآ وجد جدآ جدآ
يارا عاشور
صديقة تمارا فى الشغل تبلغ من العمر اربعه وعشرون عاما رقيقه جدآ وخجوله جدآ جدآ ملامحها جميله وهاديه تمتلك بشره بيضاء وعيون ملونه من يراها يعتقد أنها اجنبيه من ملامح وجهه الغربيه
بدر عاشور
اخو يارا الأكبر يبلغ من العمر ثلاثون عامآ طيب ودمه خفيف يعمل موظف فى أحدي الشركات الخاصه طويل جدآ وجسم رياضى يمتاز باللحيه والبشره السمراء
ارين رامى
خطيبة يوسف تبلغ من العمر الثامنه وعشرون عامآ من اب مصرى وام ايطاليا ملامحها جميله وغربيه
مالك رحيم
صديق يوسف فى إيطاليا يبلغ من العمر الثامنه وعشرون عامآ
باقى الشخصيات سوف نتعرف عليها خلال الأحداث
🦋مزاولة حب🦋1_2
📌الفصل الاول📌
فى الجنينه تقعد بنوته صغيره عمرها سبع سنوات وهى بتعيط بحزن شديد تدخل امها عليها وتطبطب علي كتفها وتقولها
سميه :- مالك يا حبيبتى
تمارا :- يوسف ورحمه هيمشوا خلاص ويسيبونى يا مامى
سميه :- غصب عنهم يا حبيبتى باباهم جاله عقد عمل بره ولازم ياخد طنط سميحه ويوسف ورحمه ويسافروا معاه
تمارا :- بس انا مليش أصحاب غيرهم يا مامى اعمل ايه انا بقى
سميه :- انتى مش عندك اصحاب فى المدرسه
تمارا :- ايوه بس مش زى يوسف ورحمه
سميه :- معلش يا حبيبتى دى حاجه مش بأيدينا وانا كمان صعب عليا فراق طنطك سميحه بس نعمل ايه ربنا يرجعهم لينا بالسلامه ومسحت دموعها وقالت يلا بينا علشان نروح نقعد معاهم شويه
تمارا :- اوك وقامت وقفت وراحت مع مامتها فى فيلا عند سميحه
سميحه :- تعالى يا سميه لسه كنت هبعت ليكم يوسف
سميه :- كنت بحايل الست تمارا عماله تعيط علشان انتوا ماشين خلاص
سميحه :- شدت تمارا عندها ومسكت وشها بين ايديها وقالت متعيطيش يا حبيبتى احنا هننزل كل سنه اجازه شهر وان شاءالله مامى وبابى يبقوا يجوا لينا هناك كل فتره كده تقضوا الاجازه معانا هناك
تمارا :- بس انا هبقى لوحدى لما تسافروا ومش هلاقى حد يروح المدرسه معايا زى كل يوم ومش هلاقى حد يلعب معايا
سميه :- خلاص بقى يا حبيبتى ما انا فهمتك أن هما غصب عنهم وبعدين قالت تعال يا يوسف
يوسف :- نعم يا طنط
سميه :- خد تمارا وهديها انت الوحيد اللي بتعرف تهديها
يوسف :- حاضر ومسك ايد تمارا وقال تعالى معايا يا تيمو
تمارا :- بدموع حاضر ومشيت معاه على الجنينه
يوسف :- اقعدى
تمارا :- قعدت على الكرسى وقالت بدموع خليك معانا يا يوسف متسافرش معاهم
يوسف :- ياريت كان ينفع انا قولت لبابا كده بس مرضاش
تمارا :- بدموع لاء متمشيش
يوسف :- مسك ايديها وقال خلاص بقى يا تيمو وبعدين انا هكلمك علطول وهننزل اجازات كتير وهنقضيها مع بعض
تمارا :- بدموع لاء انا مش عايزاك تمشى
يوسف :- طيب خدى
تمارا :- اخد ايه
يوسف :- قلع السلسله اللى فى رقابته وقال خدى السلسله دى البسيها ومتقلعهاش من رقابتك مهما حصل
تمارا :- مش السلسله دى اللى باباك جابها ليك هديه فى اول عيد ميلاد ليك
يوسف :- ايوه وغاليه عليا اوى بس متغلاش عليكى فرحانه كده
تمارا :- حضنته وقالت فرحانه اوى
يوسف :- بعدها عنه وقال مش قولنا عيب كده تحضنينى
تمارا :- انت قولت ليا محضنش اى ولد غريب ولا ابوسه لكن انت مش غريب يا يوسف
يوسف :- ضحك وقال لاء برضه عيب احنا مينفعش نحضن بعض لاننا مش اخوات
تمارا :- ماشى لبسنى السلسله بقى ولفت ليه وادته ضهرها ورفعت شعرها
يوسف :- لبسها السلسله وقال اوعى يا تيمو تضيعها ولا تقلعيها من رقابتك
تمارا :- لفت تانى ليه وضحكت ومسكتها بأيديها بفرحه وقالت لاء مش هقعلها مهما حصل
وفى الوقت ده جت رحمه وقالت انتو بتعملوا ايه من غيرى
يوسف :- تمارا كانت بتعيط علشان مسافرين وماشين وسيبنها
رحمه :- وانا والله زعلانه اوى يا تيمو بس برضه فرحانه أن هروح مكان تانى مامى بتقول المكان ده كبير اوى وحلو وفيه اماكن حلوه كتير وقطعت كلامها وقالت ايه ده يا يوسف انت اديت تيمو السلسله بتاعتك
يوسف :- ايوه
رحمه :- طيب ما انا قولتلك عايزها مرضتش تدهانى
يوسف :- علشان انتى هتبقى فى وشى علطول إنما هى هنمشى ونسبوها وهنبعد عنها
رحمه :- ماشى يا لهوى انا نسيت مامى بتقولكم يلا علشان الاكل اتحط
يوسف :- ماشى ومسك ايد تمارا وقال يلا يا تيمو وراحوا قعدوا معاهم على السفره وقعدوا ياكلوا وبعد وقت انتهوا وراح كل واحد على اوضه وناموا
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
اشرقت شمس صباح يوم جديد بنورها الساطع فى سماء القاهره لتبدء تمارا بفتح عيونها على صوت عربيات قامت تجرى وبصت من الشباك لاقت عربية أهل يوسف ورحمه دموعها نزلت منها وطلعت تجرى من اوضتها عند يوسف ورحمه وقالت بدموع
تمارا :- لالالا بلاش تمشوا بليز يا عمو خلى يوسف ورحمه بليز يا طنط خليكم
سميحه :- يا حبيبتى أهدى احنا هنرجع تانى
تمارا :- علشان خاطرى يا طنط طيب خلى يوسف ورحمه قاعدين معانا هنا وروحوا انتو
سميحه :- ضحكت وقالت مينفعش يا حبيبتى
تمارا :- رحمه خليكم قاعدين قولى ليهم يخلوكى انتى ويوسف
رحمه :- بدموع بليز يا بابى خلينا قاعدين انا مش عايزه اسيب هنا بليز يا بابى
حسام :- يا حبيبت بابى مينفعش علشان شغلى
تمارا :- يوسف علشان خاطرى متمشيش
يوسف :- مسك ايديها وقال أهدى يا تيمو عياطك مش هينفع دلوقتى احنا كده كده ماشين خلاص بس هكلمك علطول واسمعى كلام باباكى ومامتك واوعى تصاحبى اولاد فاهمه
تمارا :- بدموع هزت راسها بالموافقه وقالت حاضر بس انت اوعى تصاحب حد تانى غيرى
يوسف :- ضحك وقال متخافيش عمرى ما هيكون ليا أصحاب غيرك خلاص بقى بلاش دموع
تمارا :- مسحت دموعها بضهر ايديها وقالت حاضر
يوسف :- يلا روحى سلمى على ماما وبابا
تمارا :- سلمت عليهم كلهم ودخلت تجرى على اوضتها وبصت عليهم من الشباك
يوسف :- بص لفوق وابتسم ليها وشاور بأيده ليها
تمارا :- شاورت ليه ودموعها نزلت منها
يوسف :- بأبتسامه شاور على عيونه وقال دموع لاء
تمارا :- هزت راسها بمعنى حاضر ومسحت دموعها من على خدها
يوسف :- غمض عينه بوجع وركب العربيه من وراه ودموعه نزلت منه وبص من العربيه وهى بتمشى على تمارا وهى واقفه فى الشباك لحد ما خرجوا من الفيلا واختفت تمارا من قصاده وقعد يعيط علشانها
سميحه :- يوسف انت بتعيط
يوسف :- بدموع مكنتش عايز اسافر يا ماما واسيب تمارا
حسام :- غصب عنى يا حبيبى هما عشرت عمرنا وعشنا معاهم اسعد ايامنا وفراقهم صعب علينا بس غصب عننا يا حبيبى
يوسف :- اوعدنى يا بابا أننا هننزل مصر وقت ما حضرتك تكون فاضى
حسام :- اكيد يا حبيبى
ووصلوا المطار وركبوا الطياره وسافروا وسابوا مصر وراحوا على ايطاليا
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
بعد مرور اكثر من ثمانية عشر عامآ
تجرى تمارا وهى كلها حيويه ونشاط وتاخد ساندوتش من على السفره
سميه :- يا بنتى ما تقعدى تاكلى زى الناس
تمارا :- وهى الاكل فى بؤقها مش هينفع انا مستعجله يا مامتى
سميه :- يا بنتى انتى علطول مستعجله كده
تمارا:- امممم المفروض اكون من بدرى فى الشركه بس انتى عارفه بنتك لازم تروح اخر الناس وكفايه كلام بقى وباست خدها وقالت باى بقى يا مزتى وخرجت ركبت عربيتها وطلعت تجرى بيها
عماد :- ربنا يهديها مجنونه ورايحه منها
سميه :- ضحكت وقالت احلى حاجه فيها جنانها ده
كريم :- نزل من فوق وقال طيب وانا ايه
سميه :- انت رواح قلب مامى من جوه
كريم :- ماما يا حبيبتى فكك من الجو ده انا بقى عندى سبعتاشر سنه يعنى كبرت وبقيت راجل وانتى لسه مصممه تدلعينى على أساس ان انا طفل عنده خمس سنين
سميه :- الحق عليا أن انا بدلعك وبعدين ايه يعنى عندك سبعتاشر سنه انت لو عندك خمسين سنه هفضل اشوفك العيل الصغير ابو شخه اللى كنت بغيروا هدومه من البيبى
كريم :- شكرآ على واصلة الذكريات السوده ام ريحه معفنه اللى قولتيها دى ابوس ايدك اتبرى منى وبلاش ام الذكريات دى تانى
سميه :- بضحك اقعد يا ابن الهبله
كريم :- عيب بابا قاعد يزعل على مراته
عماد :- وقف وقال لله الامر من قبل ومن بعد عيله كلها لسعه من اول الأم لحد اخر العنقود
كريم :- اه والله يا أبا ربنا يقويك عليهم
عماد :- هز راسه يمين وشمال وقال انا ماشى قبل ما اتشل
سميه :- بضحك سلام لباشا وهو ماشى
كريم :- الراجل ده لو اتشل يبقى انتوا السبب
سميه :- بعد الشر
كريم :- يا واد يا رومانسى انت ايوه بقى خايفه عليه حب وكده وغمز ليها
سميه :- قوم يالا
كريم :- وحدى الله يا اما مالك قلبتى فاجئه كده
سميه :- ايه أما دى اتكلم عدل قولى سميه عادى يعنى
كريم :- ايوه بقى إنبى عسل يا سمسمه الام الفرفوشه نعمه يا ناس
سميه :- ضحكت وقالت يلا على مدرستك علشان متتأخرش
كريم :- وقف وباس ايديها وقال احبك يا ابيض سلام
سميه :- ابتسمت بحب وقامت تشوف اللى وراها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند تمارا
كانت راكبه العربيه وبتجرى بيها ووقفت علشان الدنيا زحمه وفضلت تضرب كلاكسات علشان العربيات تمشي وبعد وقت طويل بدأت العربيات تتحرك وحاولت تمارا تجرى بعربيتها بس ظهرت عربيه فاجئه قصادها وملحقتش تدوس فرامل وخبطتها نزلت تجرى وبصت على عربيتها من قدام واتعصبت وراحت عند العربيه وخبطت على ازاز العربيه وشاورت ليه يفتح الازاز الباب اتفتح ونزل شاب طويل وعريض وفى قمة الوسامه بصت ليه بأعجاب وبلعت ريقها وقالت
تمارا :- انت حقيقى
الشاب :- نعم
تمارا :- فاقت لنفسها وقالت بعصبيه ا.ا.ايه اللى انت عملته ده انت اعمى مش تفتح
الشاب :- ده على اساس ان انا اللى خبط عربيتك
تمارا :- ايوه خبط عربيتى انت ازاى تظهر فاجئه كده مش المفروض تضرب كلاكسات علشان متفاجئش بيك واخبط عربيتى
الشاب :- اولا انا دوست كلاكسات بس الواضح أن حضرتك طرشه مش بتسمعى وثانيآ عربيتى انا اللى اتأذت مش عربية حضرتك وثالثآ وده الاهم بكلامك الكتير ده معطلانى عن شغلى
تمارا :- بصت على عربيتها وقالت عاااا العربيه اتخربشت اعمل انا ايه دلوقتى
الشاب :- اعملى اللى تعمليه ممكن بقى لو سمحتى تبعدى عربيتك دى علشان امشى
تمارا :- تمشى لاء طبعآ مش هتتحرك من هنا غير لما ترجعلى عربيتى زى الاول مليش دعوه انا عايزه الخربشه دى تتصلح
الشاب :- بعصبيه انتى حوله يا بنتى انتى مش شايفه عملتى ايه فى عربيتى وكمان ليكى عين تتكلمى اوعى كده ولسه هيركب
تمارا :- مسكته من هدومه وقعدت تضرب فى كتفه وقالت على جثتى اسيبك تتحرك من هنا وكان فيه عربية شرطه معديه قصادها صرخت وقالت الحقونى يا حضرت الظابط الحقنى
الظابط :- خير يا انسه
تمارا :- البنى ادم ده كان بيعاكسنى بعربيته وانا راكبه عربيتى وخبط ليا العربيه
الشاب :- بصدمه انا
تمارا :- بصت ليه بتحدى وقالت ايوه انت لو سمحت يا باشا عايزه حقى
الشاب :- داس على أسنانه وقال يعنى عايزه ايه
تمارا :- تصلح ليا عربيتى وترجعها زى الاول
الشاب :- بغيظ ماشى
تمارا :- بشماته ما كان من الاول ناس تخاف وبصت لظابط وقالت خلاص يا باشا حصل خير
الظابط :- تمام لو عملك حاجه تانى يا انسه ابقى هاتيه على القسم
تمارا :- تمام يا باشا
الظابط :- مشى وسابهم
الشاب :- مسكها من هدومها وقال بقى انا كنت بعكسك
تمارا :- ايه ده انت هتمد ايدك عليا وقالت بصوت عالى يا حضرت الظابط الحقنى
الشاب :- ششششش خلاص خلاص امشى معايا
تمارا :- امشى فين انت هتستعبط يا لا
الشاب :- اللهم طولك يا روح هوصلك مكان ما انتى رايحه وهتصل بالمكانيكى يجى ياخد عربيتك يصلحها ليكى
تمارا :- لاء اتصل بالمكانيكى يجى ياخد العربيه دلوقتى وبعد كده هركب تاكسى يوصلنى مش هركب مع واحد زيك
الشاب :- يا بنتى ما نختصر الوقت ونعمل كل ده فى السكه بسببك اتأخرت على شغلى
تمارا :- بنتك طيب انجز واتصل بالمكانيكى يا بابا علشان مش فاضيه ليك وبسببك هترفد من شغلى
الشاب :- يارب تترفدى من شغلك علشان ربنا ينتقم ليا منك
تمارا :- اخلص بقولك
الشاب :- بص ليها بقرف ومسك تليفونه واتصل بالمكانيكى وقعدوا ينتظروا وصوله
تمارا :- بصت فى الساعه بتاعتها وقالت منك لله اخرتنى على الشغل والمدير راجل مفترى
الشاب :- ده انا اللى اخرتك صح
تمارا :- ايوه انت امال انا
الشاب :- لا يسمح الله انتى ده انتى ملاك نازل من السما ومن حظ امى الهباب وقعتى فى سكتى
تمارا :- هوف دمك تقيل اوى على فكره وبصت الاتجاه التانى وقالت بصوت واطى استغفرالله العظيم على الكدب ده الواد عسل مكرر
الشاب :- بتقولى حاجه
تمارا :- ها بدعى ربنا يخلصنى منك
الشاب :- ربنا يستجيب منك يا اختى والاتنين بصوا لبعض بقرف وقعدوا يستنوا وصول المكانيكى وبعد وقت وصل المكانيكى واخد العربيه ومشى بيها
تمارا :- بقرف بعد كده تبقى تفتح عينك وانت ماشى
الشاب :- بقرف بعد ما شوفت وشك هبطل اركب عربيات خالص وركب عربيته ومشى
تمارا :- كتك القرف فى حلاوتك وانت مز فى نفسك كده ووقفت تاكسى وركبته وراحت على الشركه اللى شغاله فيها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
وصلت تمارا الشركه وطلعت تجري على مكتب المدير السكرتير قال ليها تروح بسرعه علشان فيه اجتماع للموظفين طلعت تجرى على غرفة الاجتماعات وخبطت على الباب ودخلت بسرعه وهى نفسها سريع وقالت
تمارا :- اسفه يا فندم غصب عنى اتأخرت
المدير :- هو انتى كل يوم تأخير كده
تمارا :- طيب تصدق هتصدق أن شاءالله انا خرجت بدرى من البيت بس ربنا وعدنى بواحد رذل خبط عربيتى واخرنى اسفه جدآ
المدير :- اول واخر مره مفهوم
تمارا :- مفهوم وقالت بصوت واطى كتك نيله وانت عامل شبه سلطان فى غبى منه فيه
المدير :- هتفضلى واقفه كده كتير ما تتفضلى اقعدى يا انسه
تمارا :- ح.ح.حاضر يا فندم وقعدت على الكرسى وفضلت تبص على الساعه اللى فى ايديها وتمد ايديها تبص على الساعه من بعيد وترجعها تانى
المدير :- فيه حاجه
تمارا :- ها ل ل لا يا فندم
المدير :- طيب ممكن تركزى بقى علشان نبدء الاجتماع
تمارا :- اه طبعآ اتفضل حضرتك
المدير :- النهارده هيستلم وظيفه المدير التنفيذى لشركه الاستاذ يوسف اتفضل عرفهم بنفسك يا استاذ يوسف
يوسف :- كان بيبص لتمارا بغيظ
المدير :- بص على تمارا لاقها مركزه فى الفون بتاعها ومش مركزه معاهم خالص قال انسه ت
يوسف :- شاور للمدير أنه ميتكلمش وقام وقف وراح عندها ووقف جنبها وقال هو المكان ده لتسليه يا انسه
تمارا :- شبهت على الصوت ورفعت راسها ببطئ وقالت انت
يوسف :- يعنى كدابه وكمان مستهتره فى شغلك
تمارا :- وقفت وقالت بغيظ انت بتعمل ايه هنا وكمان جاي ورايا شغلى أما انت واحد بجح صحيح
يوسف :- انا بجح
تمارا :- اه بجح ومعندكش دم ورذل كمان وبصت للمدير وقالت البنى ادم ده بيعمل ايه هنا يا فندم
يوسف :-ما انتى لو مركزه كنتى عرفتى انا بعمل ايه هنا وبعدين مش ده المدير اللى كنتى بتقولى عليه مفترى
تمارا :- اتصدمت وبصت للمدير لاقته بيبص ليها بغيظ داست على أسنانها بغيظ وقالت منك لله يا بعيد
المدير :- بعصبيه مخصوم منك اسبوع من مرتبك يا انسه علشان استهتارك بالشغل
تمارا :- غمضت عينيها وقالت اشوف فيك يوم وبصت ليه لاقته بيبص ليها بشماته قالت عجبك كده انت بتعمل ايه هنا بس
يوسف :- انا حظك الاسود انا المدير التنفيذى لشركه
تمارا :- بصدمه ها المدير التنفيذى ووقفت وقالت بغيظ نورت الشركه يا خويا
يوسف :- ربع أيده على صدره وقال معتقدش انك بتقوليها من قلبك
المدير :- اتفضل اقعد وانتى اتفضلى اخرجى من الاجتماع
تمارا :- بزعل ح.ح.حاضر عن اذنكم وخرجت وهى بتبرطم وبتدعى على يوسف ووقفلت الباب وقالت منك لله يا هو صحيح اسمه ايه يلا يغور اكيد اسمه غلس زيه
يوسف :- قعد وقال انا عايز الانسه تساعدنى فى الشغل
المدير :- بس دى مستهتره جدآ وكل يوم بتتأخر على الشغل ودماغها رايحه منها
يوسف :- انا هظبطها متشغلش بالك هعلمها النظام والالتزام
المدير :- اللى يريحك يا ابنى ابوك غالى عليا جدآ هو عامل ايه
يوسف :- الحمدالله تمام كبر بقى ومبقاش زى الاول قلبه تعب والدكتور أمر أنه يقعد يستريح فى البيت
المدير :- الف سلامه عليه يعنى خلاص هتستقروا هنا فى مصر
يوسف :- اه إن شاءالله انا جيت علشان استلم الوظيفه وهما راجعين مصر بكره
المدير :- يجوا بالسلامه
يوسف :- الله يسلمك نبدء باقى الاجتماع
المدير :- نبدء
وبعد وقت انتهى الاجتماع وخرج يوسف من الاجتماع وراح يشوف تمارا فين لاقها واقفه وبتتكلم مع اصحابها وبتضحك وبتقول
تمارا :- بس قفشته من قفاه وجبت ليه الشرطه وهو خاف وصلح ليا العربيه على حسابه طلع جبان اوى
يارا :- لسه هتتكلم
يوسف :- شاور ليها تسكت
تمارا :- هو صحيح حلو وشكله مز اوى بس غلس وغتت ونفسى اديله قلمين على بوز اللى خلفوه ده بسببه اتخصم ليا اسبوع من مرتبى
ندي :- ومتعرفيش اسمه ايه
تمارا :- هيكون اسمه ايه اكيد بارد شبه
يارا :- احم انا بقول كفايه كده
تمارا :- كفايه ايه انا نفسى امسكه من قفاه وافضل الطش فيه لحد من ارتاح متغاظه منه اوى انا عارفه اصتبحت بوش مين بس على الصبح علشان يحصل ليا كل ده
يارا:- شاورت بعينيها لتمارا على الباب
تمارا :- بصت مكان ما شاورت ليها يارا ووقفت بغيظ وقالت انت انت بتعمل ايه هنا
يوسف :- جه عندها وقرب منها وقال انا عندك اهو علقينى من قفايه زى ما قولتى
تمارا :- ا.ا انت هنا من امته
يوسف :- من ساعة ما كنت خايف من الشرطه وصلحت ليكى العربيه على حسابى بس علشان تبقى عارفه بس انا عملت كده مش خوف انا عملت كده علشان كنت مستعجل علشان متأخر على الشركه
تمارا :- والله
يوسف :- اه والله
تمارا :- انت جاى هنا ليه
يوسف :- علشان ابلغك انك هتبقى المساعده بتاعتى
تمارا :- نعممممم ده على جثتى
يوسف :- قعد على الكرسى وحط رجل على رجل وقال مش عجبك روحى قولى للمدير بس اعملى حسابك مش هيسمع كلامك لانه مش طيقك بعد ما عرف انك بتقولى عليه مفترى واحتمال يطردك المرادى خالص
تمارا :- عااااا ا.ا.اانت طلعت ليا منين بس ده انت بنى أدم رذل يا اخى
يوسف :- انتى اللى بدأتى يا حلوه استحملى بقى وقام وقف وقال انا رايح مكتبى ومتنسيش تروحى لمدير علشان يطردك وضحك ومشى وسابها
تمارا :- ده ايه اليوم ده ياربى
يارا :- وهى كاتمه ضحكتها قالت ده انتى شكلك داخله على ايام فحلوقى يا تيمو
تمارا :- هى فحلوقى بعقل
ندي :- بس الصراحه مز اخر حاجه
تمارا :- بغيظ مز اووووى بس غلس اوى اوى
يارا :- بضحك لالالا مش قادره ده انتى مشكله اقسم بالله
تمارا :- اضحكى اضحكى ربنا ما يوريكم اللى انا فيه وفى الوقت ده جه السكرتير وقال
السكرتير :- انسه تمارا
تمارا :- امممم
السكرتير :- المدير التنفيذى الجديد عايزك
تمارا :- اممم بدأنا الصبر من عندك يارب روح وانا جايه وراك وبصت للبنات وقالت تصدقوا هتصدقوا أن شاءالله البدايه مش مبشره خالص الوداع يا رفاق العمر وخرجت وسابتهم وهما بيضحكوا على كلامها وراحت عند مكتب يوسف وخبطت على الباب ودخلت
يوسف :- استنى عندك
تمارا :- خير
يوسف :- انا أذنت ليكى تدخلى
تمارا :- لاء
يوسف :- يبقى تطلعى وتخبطى تانى على الباب وتستنى لحد ما ارد عليكى واقولك تدخلى
تمارا :- والله
يوسف :- اه والله
تمارا :- هو وش ام السعد اشوفك والعه فى نار جهنم بعين امك دى وقالت بصوت تخين وهى ماشيه ايه الجمال ده بس كبرتى وبقيتى عروسه اللهى عرسه تاكل ودنك يا بعيده وخرجت وقفلت الباب وراها وخبطت على الباب
يوسف :- كان ميت على نفسه من الضحك على كلام تمارا وحركتها
تمارا :- انت يا عم ما ترد
يوسف :- كتم ضحكته وحاول يرسم على وشه الجديه وقال مين
تمارا :- الملامين
يوسف :- بصوت عالى مين
تمارا :- لا ده استعباط بقى وقالت انا
يوسف :- ادخلى
تمارا :- فتحت الباب وقالت ده على اساس كلمة أنا دى عرفتك مين وقالت بصوت واطى ربنا ما يحرمك من الهبل
يوسف :- بتقولى حاجه يا انسه
تمارا :- مش بتزفت ممكن بقى تقولى حضرتك عايز ايه
يوسف :- امممم مش فاكر خلاص روحى ولما افتكر ابقى ابعتلك
تمارا :- بص يا اخ انت انا خلقى ضيق ومعنديش اى مانع أن ارتكب جريمه فياريت نكون حلوين مع بعضينا وبلاش شغل الاستفزاز ده
يوسف :- اطلعى بره
تمارا :- نعم
يوسف :- اطلعى بره
تمارا :- والله شكلك ما طبيعى وخارج من مستشفى المجانين على هنا عمومآ شكلها كده هتكون ايام عسليه وسابته وخرجت
يوسف :- قعد يضحك على كلامها وبدأ يشوف شغله
الفصل الثاني
انتهى وقت العمل عند تمارا وخرجت من الشركه هى ويارا وندي وقالت
تمارا :- هروح بتاكسى بقى منك لله ياللى فى بالى
يوسف :-الله يسامحك
تمارا :- انت بتطلعلى منين بس
يوسف :- للاسف انتى اللى بتظهرى قصادى انا لو عليا مش عايز اشوف وشك ده خالص
تمارا :- لاء انا اللى هموت وابص فى وشك
يوسف :- بصوت تمارا قال منك لله يا ام السعد تصبحى انتى بوشها والبس انا وشك
تمارا :- نعم وانت تعرف منين ام السعد
يوسف :- وانا هعرفها منين انتى اللى قولتى اسمها فى مكتبى
تمارا :- امشى بقى من وشى علشان كل ما بشوفك بيركبنى مية عفريت
يوسف :- وكمان ملبوسه
تمارا :- عااااا غلس
يوسف :- ضحك ليها بأستفزاز وقال كان نفسى اقولك تعالى اوصلك بس مش بركب الأشكال دى عربيتى وشاور ليها بأيديه ولبس نضارة الشمس بتاعته وركب عربيته ومشى
تمارا :- هتشل يا بنات نفسى افتح ليه دماغه
يارا وندي :- عاملين يضحكوا عليهم
تمارا :- بغيظ انتو بتضحكوا على ايه
يارا :- بجد يا تيمو انتو فزاع والمتوقع فى الأيام الجايه حد فيكم هيقتل التانى
ندي :- بس حرام القمر ده يتقتل
تمارا :- ميرسى يا ندوش
ندي :- مش عليكى انتى طبعآ انا بقول عليه هو
تمارا :- تصدقوا انا هرتكب جريمه بس فيكم انتو الاتنين
يارا :- بضحك طيب أهدى أهدى
تمارا :- بطلوا ضحك
ندي :- خلاص اهو ناويه تعملى ايه
تمارا :- مبقاش انا تمارا لو مكنتش اخليه يندم على كل اللى بيعملوا ده ويا انا يا هو فى الشركه دى
ندي :- بصوت واطى قالت يارب يكون هو اللى فى الشركه يارب هى مش مهم
تمارا :- بتقولى ايه يا ندي
ندي :- ها بدعيلك يا حبيبتى ربنا يقويكى على المعركه دى
تمارا :- ما انتو هتبقوا معايا يا حلوين
ندي :- ها أنا قصاد المز ده مستحيل
تمارا :- قد ايه انتى طلعتى واطيه ومتربتيش ثانيه واحده ولا تعرفى معنى التربيه
ندي :- ثانكس يا روحى
تمارا :- وانتى يا يارا هتعملى زيها
يارا :- انا هقف فى أرض محايده وهشجع الفائز فيكم
تمارا :- يخربيت معرفتكم انتوا الاتنين وسابتهم ووقفت تاكسى ومشيت على الفيلا بتاعتهم وبعد وقت دخلت وهى متعصبه وقالت السلام عليكم
سميه :- وعليكم السلام مالك متعصبه كده ليه
تمارا :- واحد بارد ومعندهوش ريحة الدم فور دمى من الصبح
سميه :- هو فيه حد فى الدنيا يقدر يزعل تمارا
تمارا :- اه شوفتى على اخر الزمن ظهر الشاب المعجزه اللى يفور دمى
سميه :- أهدى يا حبيبتى وقوليلى هو حلو
تمارا :- والله هو ده كل اللى همك
سميه :- يا بنتى نفسى يجى العريس اللى هيشيلك ويريحنى منك
تمارا :-بغيظ انتوا ليه متفقين تعصبونى النهارده
سميه :- احم خلاص اهدى كده واطلعى غيرى هدومك على ما احضر الاكل
تمارا :- اوك وطلعت اوضتها غيرت هدومها ووقفت عند الشباك ومدت ايديها عند رقابتها وخرجت السلسله من جوه الهدوم ومسكتها وقعدت تبص على الفيلا بتاعة يوسف وابتسمت بحب وقالت واحشتنى اوى يا يوسف هو ده وعدك ليا انك هتنزل اجازه كل سنه اكتر من سبعتاشر سنه ومعرفش عنك حاجه ومفيش ولا وسيلة اتصال بيك انا وفيت بوعدى ليك ومقلعتش السلسله بتاعتك ولا ثانيه من رقابتى من يوم ما مشيت وانت منفذتش ولا وعد ليا وعدنى بيه يا ترى شكلك بقى ايه دلوقتى اكيد بقيت احلى من الاول بكتير نفسى اشوفك اوى يا يوسف وفى الوقت ده النور ولع فى الفيلا وشافت خيال رايح جاى من وراه الستاره اتصدمت وقالت شكله حرامى نزلت تجرى وقالت ماما يا ماما
سميه :- فيه ايه يا حبيبتى
تمارا :- الفيلا بتاعة يوسف فيها حرامى انا شوفته بعيونى من وراه الستاره بتاعتهم
سميه :- بصدمه ايه والعمل دلوقتى وابوكى لسه مجاش من الشغل ولاحتى اخوكى جه من المدرسه
تمارا :- يعنى ايه بقى نسيب الحرامى يسرق الفيلا انا هروح ليه
سميه :- مسكتها من دراعها وقالت تروحى فين يا مجنونه استنى هنا
تمارا :- استنا ايه بس ومسكت العصايه بتاعة المكنسه
سميه :- ايه دى هتعملى بيها ايه انتى عبيطه يا بت
تمارا :- هضربه بيها على دماغه يا ماما سبينى بقى ومشيت براحه وراحت دخلت الفيلا ببطئ شديد وهى ماسكه العصايه فى ايديها وفتحت الباب براحه ودخلت وفضلت تبص حاوليها وسمعت صوت رجل فوق بصت على السلم وراحت عنده ومشيت براحه وطلعت فوق شافت خيال فى اوضت يوسف اتوترت اكتر وغمضت عينيها بخوف ومدت ايديها فتحت الباب ودخلت وقالت اياك تتحرك من مكانك بتعمل ايه هنا
يوسف :- اتصدم لما سمع صوت تمارا كان واقف وضهره ليها ولسه هيتحرك
تمارا :- بخوف اياك تتحرك بتعمل ايه هنا يا حرامى وازاى بتسرق وانت عريان كده
يوسف :- لف ليها ببطئ وبصلها بأستغراب
تمارا :- بصدمه والله
يوسف :- انتى بتعملى ايه هنا
تمارا :- انت اللى بتعمل ايه هنا يعنى الصبح شغال فى شركه وبليل شغال حرامى بيوت
يوسف :- حرامى! دى الفيلا بتاعتنا
تمارا :- تصدق انك كداب اوى علشان الفيلا دى بتاعة عمو حسام
يوسف :- والله وجبتى ايه من عندك ما انا عارف انها بتاعة حسام الشرنوبى اللى هو أبويه انتى مين بقى
تمارا:- بصدمه اللى هو ايه؟ ابوك !
يوسف :- ايوه أبويه انتى بتعملى ايه هنا فى الفيلا بتاعتنا
تمارا :-بصدمه يوسف وقالت بعصبيه بس يوسف مكانش دمه تقيل كده
يوسف :- وانتى تعرفينى منين أن شاءالله
تمارا :- للاسف انا تمارا
يوسف :- بصدمه تمارا بنت عم عماد
تمارا :- ايوه
يوسف :- بس تمارا مكانتش رخمه اوى كده
تمارا :- رخمه فى عينك انا مصدومه بجد بقى انت يوسف اللى فضلت احلم برجوعه لمصر
يوسف :- وانا لو اعرف انك هتبقى رخمه اوى كده مكنتش نزلت مصر خالص
تمارا :- احترم نفسك ولم لسانك
يوسف :- بعصبيه انا محترم غصب عنك ولمى لسانك بدل ما اقطعهولك وفى الوقت ده جت سميه وعماد وقالوا
سميه :- ايه ده فيه ايه ومين ده
تمارا :- بقرف ده يوسف
سميه :- بفرحه يوسف يا حبيبى عامل ايه
يوسف :- سلم عليها وقال ازيك يا طنط عامله ايه واحشتينى
سميه :- الحمدالله يا حبيبى رجعت مصر امته
يوسف :- النهارده الصبح
عماد :- سلم عليه وقال وفين الباقى مجاش ليه ده ابوك واحشنى اوى
يوسف :- جاين بكره الصبح ان شاءالله
سميه :- بفرحه يعنى مش هتسافروا تانى
يوسف :- لاء خلاص قررنا نقعد هنا كفايه سفر وغربه لحد كده
عماد :- يوسف يا ابنى احنا فى مصر مش فى إيطاليا البس حاجه
يوسف :- بأحراج اسف يا عمى ما اخدش بالى ولبس التيشيرت
سميه :- وكنتوا بتتخانقوا مع بعض ليه
تمارا :- بقرف ما هو ده البنى ادم الغلس اللى قولتلك عليه يا ماما
سميه :- عيب يا تمارا وبعدين ايه اللى حصل ليكم اللى يشوفكم وانتو صغيرين ما يشوفكم وانتو كبار
تمارا :- انا لو اعرف ان هو هيكون كده مكنتش زعلت عليه وهو ماشى خالص
يوسف :- اتلمى قولتلك
عماد :- فيه ايه يا ولاد
يوسف :- الهانم خبطت عربيتى الصبح وفوق كل ده نزلت فيا بهدله وكانت عايزه تسلمنى لشرطه
تمارا :- ياريت والله كنت سلمتك على الأقل كنت هرتاح منك فى الشغل ومكنتش هشوف وشك
سميه :- لااااا انتو وضعكم صعب
يوسف :- انا ساكت علشان خاطركم مع انها من الصبح مبطلتش استفزاز فيا
تمارا :- ملااااك برئ ده على اساس ان انا متخصمش اسبوع من مرتبى بسببك
عماد :- انتوا اشتغلتوا مع بعض فى الشركه
تمارا :- ايوه البيه بقى المدير التنفيذى لشركه ومن حظى الاسود هشتغل معاه
يوسف :- لاء يا بت هموت عليكى علشان تشتغلى معايا ده انتى حتى فاشله
تمارا :- وانت عرفت منين بقى ان شاءالله أن انا فاشله شميت على ضهر ايدك
يوسف :- لاء يا اختى المدير بتاعك اللى قال عليكى كده
تمارا :- هو قال كده طيب لعلمك بقى انا احسن منك ومن عشره زيك وطظ فيك انت والمدير بتاعك ده واللى عندكم اعملوا وسابته ومشيت
يوسف :- عجبك كده يا عمى
عماد :- معلش يا ابنى هى عصبيه شويه بس قلبها ابيض وطيبه والله
يوسف :- دى طيبه انا من ساعة ما قبلتها وانا مش شايف غير لسان طويل قد كده
سميه :- بضحك انت بس متفاجئ علشان اخر مره شوفتها كانت صغيره وغير كده خالص
يوسف :- ياريتها فضلت صغيره ولا كبرت وبقت كده
عماد :- ضحك وقال مفيش حاجه بتفضل على حالها يا ابنى تعال يلا اتعشه معانا
يوسف :- معلش يا عمى انا تعبان رجعت من السفر على الشغل علطول عايز انام مش قادر
سميه :- كل ونام امشى يلا مش عايزه اسمع منك اى اعتراض
يوسف :- ابتسم وقال حاضر ونزل معاهم وراح على الفيلا بتاعتهم
تمارا :- اول ما شافتهم قالت هو جاى عندنا يعمل ايه
عماد :- تمارا عيب كده يا حبيبتى
تمارا :- هوف بقى
سميه :- اقعد يا حبيبى قومى يا تمارا خدى منى الاكل
تمارا :- حاضر وقامت تجيب الاكل مع امها وحطته على السفره وقعدت بغيظ على الكرسى اللى قصاد يوسف
يوسف :- بصلها بغيظ وقعد ياكل
تمارا :- ايه ما براحه على الاكل فيه بنى ادمين بياكلوا معاك
سميه :- تمارا عييييب يا بنتى
يوسف :- سبيها اصل الاسبوع اللى اتخصم منها حارقها اوى
تمارا :-بقرف مستفز
يوسف :- بأستفزاز شكرآ وكمل اكل
تمارا :- وقفت وقالت نفسى اتسدت عن اذنكم وسابتهم وطلعت على اوضتها وقعدت على السرير ومدت ايديها فى رقابتها ومسكت السلسله بغيظ وخرجتها بره الهدوم وجبتها من عند القفل ولسه هتقلعها غمضت عينيها بزعل ودخلتها تانى جوه الهدوم ونامت على السرير وبصت لسقف وجت صورة يوسف قصاد عينيها ابتسمت بحب وغمضت عينيها ونامت
يوسف:- قام وقف وقال الحمدالله هروح انام بقى احسن مش قادر
سميه :- ماشى يا حبيبى ومتزعلش من تمارا هى زى اختك برضه
يوسف :- حصل خير يا طنط تصبحوا على خير
عماد :- وانت من اهل الخير يا حبيبى
يوسف :- خرج من الفيلا وراح على الفيلا بتاعتهم
كريم :- دخل وقال مين اللى لسه خارج من عندنا ده
سميه :- ده يوسف ابن عمك حسام اللى فى الفيلا اللى قصادنا
كريم :- معرفهوش
عماد :- وانت هتعرفوا منين وهما مسافرين وانت لسه فى بطن أمك ومكناش نعرف انها حامل اصلا
كريم :- ماشى يعنى من الاخر هما هيرجعوا يعيشوا فى الفيلا اللى قصادنا دى
سميه:- ايوه
كريم :- عندهم حد فى سني
سميه :- معرفش بس هما لما مشوا من هنا كان عندهم يوسف ورحمه معرفش جابوا عيال تانى ولا لاء
كريم :- طيب انا هطلع انام تصبحوا على خير
عماد :- استنا هنا
كريم :- خير
عماد :- كنت فين لحد دلوقتى بره
كريم :- كنت بذاكر عند واحد صاحبى
عماد :- بتذاكروا لحد دلوقتى
كريم :- ايوه لحد دلوقتى ايه المشكله ولا المذاكره مش بتسهر بليل ولا ايه
عماد :- ولد اتكلم عدل
كريم :- اسف يا بابا بس حضرتك عارف ان انا ببقى عندى صحابى ومش بعمل حاجه غلط
عماد :- عارف يا حبيبى بس بقلق عليك ابقى حاول ترجع بدرى شويه
كريم :- حاضر عن اذنك
عماد :- تصبح على خير
كريم :- وحضرتك من أهله وطلع على اوضه
سميه :-خف شويه على الولا يا عماد
عماد :- لازم أشد عليه شويه يا قلبى السن بتاعه ده اخطر سن
سميه :- متقلقش كريم متربى كويس ومستحيل يعمل حاجه غلط
عماد :- بتمنى يا قلبى وبعدين سكت وقال هما ناموا كده
سميه :- ايوه ليه
عماد :- قرب منها وحط أيده على كتفها وقال واحشتينى
سميه :- يا راجل بس حد من العيال ينزل فاجئه
عماد :- مش قولتى ناموا تعالى بقى وقرب منها ولسه هيبوسها
كريم :- نزل وقال زى ما انتو انا هشرب واطلع اوضى علطول
سميه :- احم ما المايه عندك فوق
كريم :- على حظكم بقى خلصت يا أتى جوزين عصافير يا اخواتى وضحك ودخل المطبخ شرب وطلع على اوضه
سميه :-عجبك كده اهو الولا شافنا
عماد :- ما يشوف وقام وقف وشدها من ايديها علشان تقف وقال تعالى فى اوضتنا
سميه :- بضحك انت مالك النهارده مش طبيعى
عماد:- يا بت بقولك واحشتينى تعالى بقى وطلعوا على اوضتهم وقفلوا وراهم الباب و(سكتت شهرزاد عن الكلام الغير مباح)
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
اشرقت شمس صباح يوم جديد بنورها الساطع فى سماء القاهره لتبدء تمارا بفتح عيونها على صوت دوشه تحت قامت بأستغراب من على سريرها وراحت بصت من الشباك لاقت سميحه وحسام تحت وبيتكلموا مع ابوها وامها فرحت وقالت
تمارا :- طنط سميحه وعمو حسااااام ونزلت تجرى من على السلم وراحت عندهم و قالت طنط سميحه
سميحه :- تمارا صح وحضنتها
تمارا :- ايوه يا طنط واحشتينى اوى اوى
سميحه :- ماشاءالله عليكى كبرتى واحلويتى اوى يا حبيبتى
تمارا :- بكسوف ميرسى يا طنط وسلمت على حسام وقالت ازيك يا عمو
حسام :- الحمدالله يا حبيبتى العمر جرى اوى و العيال كبروا وكبرونا يا عماد
عماد :- بضحك اه والله يا حسام فاجئه بقوا اطول مننا
سميحه :- بضحك ربنا يخليهم لينا اهم حاجه
تمارا :- امال فين رحمه
سميحه :- زمانها جايه وبصت هناك وقالت اهى جايه اهى
تمارا :- بصت اتجاه الباب وقالت مين دول ومين فيهم رحمه
سميحه :- بضحك رحمه اللى هى لابسه تيشرت وبنطلون إنما التانيه دى اللى لابسه فستان قصير دى ارين نص مصرى ونص ايطالى
تمارا :- طلعت تجرى على رحمه وقالت رحومتى واحشتينى
رحمه :- تيمو واحشتينى احلويتى اوى كده ليه يا بت
تمارا :- ده اللى هو انا ده انتى اللى بقيتى طلقه يا بنت الايه
رحمه :- بضحك بس بقى بتكثف
تمارا :-ضحكت وقالت لاء واضح الكسوف اهو
رحمه :- يا بت اصبرى بقى لما اعرفك على ارين
تمارا :- طنط سميحه قالت ليا اسمها بس مين يعنى
رحمه :- دى ارين خطيبة يوسف
تمارا :- بصدمه نعم خطيبة يوسف
رحمه :- ايوه دول قصة حب ملتهبه عاشت اكتر من اربع سنين
تمارا :- وهى ماسكه دموعها قالت بجد
رحمه :- ايوه يا تيمو وانتى بقى قوليلى مفيش حاجه كده ولا كده
تمارا :- بزعل ل.ل.لاء مكنتش فاضيه
رحمه :- احسن خليكى زى يعنى المرتبطين اخدوا ايه غير وجع القلب
تمارا :- بوجع عندك حق وبصت على ارين من فوق لتحت وقالت على كده بتفهم عربى
رحمه :- ايوه طبعآ ارين بنت بلد زينا باباها مصرى بس امها هى اللى ايطاليا وبصت ليها وقالت ما تتكلمى يا بنتى
ارين :- هقول ايه يعنى
رحمه :- يا سلام ده انتى مش عليكى غير لسان قد كده
ارين :- بس لسه معرفش حد هنا وبعدين مش دى تمارا اللى كنتى بتحكى ليا عليها
رحمه :- ايوه وبصت لتمارا وقالت ده انا مصدعها بكلامى عليكى وعلى ايامنا مع بعض احنا التلاته صح فين السلسله اللى يوسف كان مدهالك واحنا صغيرين
تمارا :- م.م.معرفش وقعت منى معرفش راحت فين وبصت لارين وقالت منوره
ارين :- ميرسى وبصت لرحمه وقالت هروح اشوف يوسف نايم ولا صاحى
رحمه :- لاء صاحى وجاى اهو
ارين :- طلعت تجرى عليه وحضنته وقالت يوسف واحشتنى
يوسف :- ضمها وقال انتى اكتر يا قلبى ايه المفاجئه الحلوه دى
ارين :- ابتسمت بحب وقالت البركه فى عمو حسام اقنع ماما أنها تسبنى اجى معاهم
يوسف :- ده انا هروح ابوس بابا على اللى عملوا ده
ارين :- بصت ليه وقالت طيب هات البوسه أوصلها ليه
يوسف :- غمز ليها وقال بس كده عينيا
تمارا :- بغيظ ينفع كده ده الواحد هيشوف فقع مراره فى الأيام الجايه دى
رحمه :- ضحكت وقالت امال انا اعمل ايه فى المرار والحزن ده بقالى اربع سنين
تمارا :- اممم على رأيك ده مرار طافح بعيد عنك
يوسف :- بص لتمارا بقرف وقال هاى يا بتاعه انتى
تمارا :- احسن منك يا بتاع انت
رحمه :- انتوا اتعرفتوا على بعض يا بتوع انتوا وضحكت
تمارا :- معرفه سوده
يوسف :- دى اسود من السواد
رحمه :- بأستغراب ايه ده هو فيه ايه مستحيل تكونوا انتوا تمارا ويوسف اللى انا اعرفهم
تمارا :- انا تمارا زى ما انا يا رورو إنما الدور والباقى على اخوكى بقى شخصيه رخمه اوى ودمها تقيل
يوسف :- دى مين دى اللى زى ما هى يا اختى ده انتى بقى عليكى لسان أطول منك يا اوزعه وبقيتى بنى ادمه غلسه ودمها تقيل
تمارا :- لم لسانك
يوسف :- ربع أيده على صدره وقال ولو ملمتش ايه اللى هيحصل يعنى
تمارا :- هقطعهولك مش محتاجه كلام يعنى
يوسف :- قرب منها وقال والله طيب انا اهو ورينى هتقطعى لسانى ازاى
تمارا :- رجعت لوراه وقالت ا.ا.انا ميشرفنيش المس واحد زيك
يوسف :- والله
رحمه :- لا إله ألا الله هو ايه اللى حصل يا ناس انا مش قادره اصدق نفسى انتوا اتغيرتوا خالص
تمارا :- بصت ليه بقرف ومشيت
يوسف :- بصوت عالى اعملى حسابك لو اتأخرتى على الشغل هخصم ليكى اسبوع تانى من مرتبك وورينى بقى هتقبضى ايه اخر الشهر
تمارا :- بصت ليه بغيظ وقالت عااااااا باااااارد ودخلت تجرى على اوضتها
يوسف :- قعد يضحك على شكلها
رحمه :- بضحك هو ايه الموضوع
يوسف :- بضحك انا ناوى بس اعرفها مين يوسف الشرنوبى
ارين :- جت ومسكت دراعه وقالت سيبك منها
يوسف :- باس راسها وقال على رأيك وحط دراعه على رقابتها وقال تعال بقى ارحب بيكى فى مصر وغمز ليها ومشوا الأتنين
رحمه :- هيييييح حب ابن كلب زباله وقالت لما اروح اسخن تمارا على يوسف شويه بدل الملل ده ودخلت الاوضه عند تمارا وقالت فيه ايه بس مالك يا تيمو
تمارا :- مسحت دموعها وقالت م.م.مالى ما انا كويسه اهو
رحمه :- انا لو منك مسكتش ليه ده استفزك بطريقه وحشه
تمارا :- ضحكت وقالت هو انتى لسه فيكى موضوع التوقيع ده
رحمه :- بضحك الصراحه ايوه فاكره لما كنت بوقع بينك وبين يوسف واخليكم تبقوا هتولعوا فى بعض وبعد كده تتصالحوا تانى
تمارا :- بضحك اه طول عمرك إشعال ذاتى يا حبيبتى ده انا فاكره كل حاجه كانت بتحصل معانا واحنا صغيرين وعايشه فيها كأنها حصلت امبارح مش من سنين
رحمه :- فاكره لما كان يوسف بيغير عليكى من الولاد ويضرب اى ولد يجى يكلمك
تمارا :- بضحك ايوه فاكره
رحمه :- هو ايه حصل ما بينكم علشان تتحدوا بعض كده
تمارا :- امبارح خبط العربيه بتاعتى وانا صممت أنه هو يصلحها ليا وبعدين روحت الشركه لاقيته هو المدير التنفيذى الجديد وبسببه اتخصم منى اسبوع والمدير مش طايق يشوفنى انا بكرهه ده بنى أدم بارد
رحمه :- اممم هو انا ليه حاسه ان فيه سبب تانى لغيظك ده
تمارا :- ها ل.ل.لاء طبعآ انا متغاظه منه ومش مصدقه أن ده يوسف اللى كنت بلعب معاه واحنا صغيرين انا كنت بحبه اوى وهو صغير وبقيت بكرهوا اوى وهو كبير
رحمه :- انا لو قولتلك حالة يوسف كانت عامله ازاى اول ما سافرنا مش هتصدقى كان علطول بيعيط وبيقول عايز ارجع عند تمارا وقطع الاكل ومكانش راضى يخرج من اوضه وبالعافيه بابا خلاه راح المدرسه هناك ومع الوقت نسى كل حاجه ورجع طبيعى وشاف حياته عادى
تمارا :- بوجع نفس حالتى بس الفرق بينى وبينه أنه هو نسى وعاش حياته وانا وقفت فى مكانى ومنستهوش ولا لحظه وبقيت كل سنه استناكم تنزلوا اجازه زى ما وعدونى بس كنت بستنا على الفاضى
رحمه :- للاسف بابا انشغل اوى هناك وكنا كل ما نطلب منه ننزل مصر اجازه كان يقول لينا مش هينفع ياخد اجازه ويسيب الشغل لحد ما فتح شركه هناك مخصوص ليه وحياتنا اتأقلمت على هناك وبطلنا نطلب ننزل مصر بس بابا تعب اوى فى الفتره الاخيره دى وقرر أننا نرجع مصر تانى ويوسف كان رافض يرجع ويبعد عن ارين بس بابا اقنعه برجوعه لمصر
تمارا :- وهو اتعرف على ارين ازاى
رحمه :- كانت معاه فى الجامعه وجارتنا زيك هناك
تمارا :- بوجع ماشى هقوم البس بقى احسن اخوكى ما هيصدق يأذينى فى شغلى
رحمه :- متخافيش يوسف مش بيعرف يأذى حد هو ممكن يهددك بس مش هينفذ التهديد ده
تمارا :- امممم واضح انك متعرفيش اخوكى كويس اوى
رحمه :- تؤتؤ انتى اللى متعرفيش يوسف خالص يوسف دلوقتى غير يوسف بتاع زمان خالص
تمارا :- ما انا عارفه أنه مش بتاع زمان خالص
رحمه :- يوسف احسن مليون مره من يوسف بتاع زمان قلبه طيب اوى واللى يعرفه يحبه بجد بس هو مش بيحب حد يتحدى ولا يعاند معاه غير كده تخدى عينه من جوه
تمارا :- انا لا عايزه عينه ولا عايزه مناخيره وقامت وقفت وقالت هدخل اغير هدومى
رحمه :- اوك وهستناكى تيجى تسهرى معانا بقى زى زمان وتتعرفى على البت ارين
تمارا :- اممم أن شاءالله
رحمه :- خرجت من الاوضه وراحت على الفيلا بتاعتهم
تمارا :- دخلت الحمام وقلعت هدومها وبصت فى المرايا على رقابتها ومسكت السلسله ودموعها نزلت منها وقالت كنت مفكره انك هتعيش فاكرنى وهترجع ليا انا بس روحت دورت على غيرى وعيشت حياتك عادى وغمضت عينيها وقالت انسيه يا تمارا متفكريش فيه تانى بقى لواحده غيرك خلاص واتنهدت واخدت شاور واتوضت وخرجت لبست هدومها وأدت فرضها ونزلت من اوضتها وقالت انا ماشيه
سميه :- طيب متتأخريش يا حبيبتى
تمارا :- اشمعنا يعنى
سميه :- علشان طنطك سميحه عزمانه النهارده على العشا
تمارا :- ربنا يسهل
كريم :- تيمو اختى حبيبتى واحشتينى عاش من شافك يا وحش مالك كبرتى كده واحلويتى
تمارا :- وحياة امك
كريم :- عييييب امى قاعده
تمارا :- زقته وقالت اوعى كده مش فايقه ليك
كريم :- مالك بس يا تيمو
تمارا :- يووووه مليش اوعى بقى خلينى امشى وخرجت
كريم :- مالها دى
سميه :- ولا اعرف
كريم :- بيت ما يعلم بيه الا ربنا
تمارا :- خرجت من الفيلا لاقت يوسف حضن ارين وبيسلم عليها بصت ليهم بغيظ وراحت عنده وقالت ممكن توصلنى
يوسف :- بعد عن ارين وبس لتمارا وقال نعم يا اختى
تمارا :- ايه بقولك وصلنى معاك كده كده طريقنا واحد
يوسف :- وانا مالى بيكى ما تروحى اركبى اى تاكسى
تمارا :- ازاى انت مالك مش انت اللى بوظت ليا عربيتى خلاص وصلنى النهارده وبكره عربيتى هتيجى
يوسف :- اولا انا مجتش جنب عربيتك مليون مره اقولك انتى اللى خبطى عربيتى وثانيآ بقى مش انتى امبارح قولتى مش بتركبى عربيات مع الاشكال دى خليكى بقى عند كلمتك وباس ارين فى خدها وقال عايزه حاجه يا قلبى
ارين :- امممم عايزه وضحكت ليه بكسوف
يوسف :- غمز ليها وقال فهمت وقرب من شفايفها وباسها
تمارا :- كانت واقفه بتبص عليهم
يوسف :- بعد عنها وقال ادخلى بقى يا قلبى جوه
ارين :- بأبتسامه حاضر وبعتت ليه بوسه فى الهوا ودخلت جوه
يوسف :- بص على تمارا لاقها واقفه بتبص عليهم قال فيه حاجه يا انسه
تمارا :- هو فيه كده يا جدع ده ايه السهوكه دى يا ابنى
يوسف :- وانتى مالك محروقه اوى كده ليه
تمارا :- وانا هتحرق ليه يا اخويا دى حتى قلة ادب وانحلال ايه اللى كل شويه بوس بوس بوس انتو ايه فتحنها مبوسه
يوسف :- اصل حبيبت قلبى دلوعه وتحب الدلع وانا بحب انفذ ليها كل اللى بتحلم بيه
تمارا :- امممم يا محنى
يوسف :- موتى بغيظك انتى يا بيره
تمارا :- بغيظ انا مش بيره انا لو عايزه بأشاره واحده من صوبعى يوقفوا طوابير
يوسف :- بتريقه والله
تمارا :- اه والله واوعى كده خلينى اروح الشغل اصل فيه مدير جديد اشتغلت معاه رذل وعايز الدبح
يوسف :- ثانكس
تمارا :- العفو وانا هركب تاكسى احسن من وشك العكر ده ومشيت وسابته وراحت وقفت تاكسى وراحت على الشركه
يوسف :- داس على أسنانه بغيظ وقال ماشى يا تمارا انا هعرفك ازاى تطولى لسانك عليا وركب عربيته وراح على الشغل
يتبع