سراج وقف مكانو بصدمه وبصلو بزهول وقال...هو..هو انت الي قت*لتو انت الي قطعت الفرامل ليلتها
فؤاد قال..ايوه انا ولو اتهورت وحبيت تضيع نفسك هعترف بكل حاجه وعندي شهود الرجاله الي نفذو يقدرو يرمو نفسهم في النار لو امرتهم فلو عايز تسجن ابوك روح قول انك قت*لتو والله وقتها لاعترف ومايهمني حاجه يا سراج
سراج كان مصدوم جدا قال..انا من ليلتها وانا هموت واعرف مين الي عملها تطلع انت يا بابا ..بس ليه مقولتليش ما احنا كنا سوا في كل حاجه
فؤاد قال..لقيتك قولتلهم انك انت الي قت*لتو مرضتش ابوظ عليك خطتك لاني عارف انك كنت هتموت وتنتقم لامك وبعدين ما انت مقولتليش انك اتفقت مع ناس علشان تخطف تقى من عريسها ليلتها كنت ناوي تخطفها من غير ما تقولي
سراج بصلو باستغراب وقال ...وانت عرفت ازاي اني كنت هخطفها ليلتها
فؤاد قال..سمعتك وانت بتتفق مع رجالتك ان اول ما طارق يطلع بعربيتو يفضلو مراقبينو ويخطفوها قبل ما تدخل بيتها وانا سبتك ومدخلتش علشان عارف انك بتحبها
سراح قال بغضب..عارف اني بحبها ومع ذلك كنت هتموتها مش كده انا لولا ان الرجاله الي مراقبينها بلغوني بالحادث ولحقتها بالعافيه كان زمانها ماتت
فؤاد قال وطي صوتك انت ناسي اننا في القسم انا بوظت عربيه نادر مكنتش هموت تقى اصلا مالي بيها
سراج اتنهد وقال..تمام انا مش هقول اني انا الي قت*لت طارق علشان سيرتك متجيش في الموضوع بس مش هكدب تقى في اي حاجه تقولها وزي ما تيجي تيجي مبقتش تفرق وخرج وسابو واقف بحزن شديد
عند فتون كانت مش فاهمه حاجه من الي نادر قالها قالت باستغراب..انت بتقول ايه مش فاهمه اخويا اخوك ازاي ههه فزوره دي
نادر كان متقل في الشرب ومش قادر يقف وبيقول كلام مش مفهوم قال ...اخوكي قت*ل اخويا..وكمان هو اخويا..يعني اخو مراتي ...الي قت*ل..قت*ل اخويا ..هو اخويا ونام مكانو على السرير بتعب شديد
فتون مفهمتش حاجه منو استغربت كلامو شويه بس افتكرتو بيهلوس من الشرب قلعتو الجزمه والجاكيت ونامت جمبو بتعب اليوم كان صعب قوي عليها
في اليوم التاني سراج اترحل على النيابه وقال نفس كلامو في القسم واعترف بكل الي تقى قالتو وطلع وهو متكلبش وشكلو متبهدل والحزن باين على ملامحو زي ما يكون له سنين بيتعذب
اول ما طلع من عند رأيس المباحث شاف تقى قاعده هيه وأهلها بره وقف بفرحه شديده ما صدق انو شافها ابتسم لها بحب واضح في عنيه
تقى ابتسمت لااراديا على الحب الي في عنيه وقربت منو وقالت بدموع ...اذيك
سراج ابتسم وقال بدموع..حاليا بخير
تقى قالت بحزن...انا...انا اسفه ..مسبتليش طريقه تانيه
سراج ابتسم بوجع شديد وقال...مكانش عندي طريقه تانيه اسبهالك...لو قدرتي تسامحيني..سامحيني ومشي بسرعه مع الضابط
بقلمي زهرة الربيع
تقى بقت تبكي قوي على منظرو وعلى حزنو اهلها بقو يسكتوها بس مش قادره تسكت
فؤاد كان واقف وشاف الي حصل اتقدم عليها وقال...انتي تقدري تصلحي الغلط الي انا متأكد انك ندمانه عليه وانا اوعدك انك لو سحبتي الشكوى هخليه يبعد عن طريقك ومش هتشوفيه ابدا بس ربنا بيسامح انتي شايفه حالتو
تقى لسه هترد ابوها قال بغضب ...وانت مش شايف حالتها انا بنتي حامل في اربع شهور يعني الطفل حتى مش هنقدر ننزله تخيل لما الناس تعرف انها مماتتش وحامل هيقولو عليها ايه دي مش هتقدر تواجهه حد
فؤاد بصلو بفرحه وقال...حامل..انتي حامل
تقى هزت راسها وسط دموعها وفؤاد اتنهد وقال..الحمد لله اسمعني يا ..اسم الكريم ايه
والد تقى قال..منصور
فؤاد قال..عاشت الاسامي ..اسمع يا منصور انا معنديش غير سراج وانا شايف انكم اكرم وانضف من اني اعرض عليكم فلوس انا هعرض عليكم السماح الي امر بيه ربنا وانا تحت امركم في اي حاجه لو عايزين متشفهوش في البلد كلها انا تحت امركم
وبص لتقى وقال..انا كنت اقدر اقوم محامين يخلصو القضيه دي قبل ما يتعرض على النيابه بس هو معترف بكل الي هملو معاكي لانو بيحبك ومستعد يخسر مستقبلو وميقفش ضدك في المحاكم ..حكمي ضميرك يا بنتي ولو ممكن نحلها ودي واخليه يطلقك ويبعد عن سكتك خالص فكري وردي عليا وطلع كارت من جيبه ومدو عليها وقال...ميرضكيش ان ابنك يجي على الدنيا يلاقي ابوه محبوس والناس تعرف اتحبس في ايه حتي حرام طفل ملوش ذمب يتحمل المعايره والعذاب في حاجه ملوش دخل فيها لو ممكن نتفاهم ارقامي في الكارت ده
تقى اخدت الكارت بتردد وفؤاد ابتسم ومشي وسابها واقفه محتاره ومش عارفه تعمل ايه
نادر قام من النوم حاسس بصداع شديد ولقا فتون قاعده مستنياه يصحي اول ما شافتو قام قالت..كويس انك صحيت...عايزه اروح ازور سراج واطمن عليه عارفه انك هترفض بس انا مستعده اعمل اي حاجه بس توديني ارجوك توافق
نادر بصلها وهو مش مركذ اصلا ودخل الحمام من غير ما يرد عليها
فتون قعدت بحزن ويأس وهيه متأكده انو مش هيوافق اتنهدت بحزن وفضلت مستنياه يخرج علشان تكلمو تاني
نادر بعد شويه خرج ومكانش بيبصلها وفتون قربت منو وقالت..نادر..نادر هتوديني ..يا نادر ده اخويا ارجوك بقى
نادر ضحك بقوه واتنهد بحزن وقال ..اخوكي...اااه..صح هو اخوكي طيب انا كمان عايز ازور اخوكي ليا كلام معاه يلا اجهزي
وخرج وسابها وهيه مش مصدقه انو وافق وفرحانه جدا جهزت وطلعت لقتو بيفطر قالت انا جاهزه يلا بينا
سالم رفع عينه وقال...على فين
نادر قال بطريقه غريبه...فتون عايزه تزور اخوها هوديها تشوفه
سالم اترعب وقال بخوف ...ليه..هو زمانه هيخرج اكيد قومو محامي وزمانه هيطلع مفيش داعي
نادر قال ...بس هيه عايزه تشوفو..اعذرها ده اخوها برضو
سالم شاف انو مش هيعرف يكلمو قال..نادر خلينا نتكلم جوه عايزك
نادر وقف وشد فتون من ايدها وقال..مفيش داعي انا فاهم مش محتاج توصيني ..متقلقش مش هتخانق معاه اكيد يعني حوراتنا الطويله دي مش هتنفع في السجن عن اذنك وخرج بسرعه من غير ما يستني ردو
وسالم كان خايف جدا وفضل يقول..استر يا رب استر يارب
خالد بصلو باستغراب وقال..فيه حاجه يا عمي حاسس ان فيه حاجه غريبه بتحصل
سالم قال..لا مفيش..مفيش ومشي وهو تايه وسط افكارو وخايف نادر يقول حاجه لسراج
عند سراج كان في الحبس وفؤاد واقف مع المحامي بيتكلمو فؤاد قال...يعني ايه الكلام ده ١٥ سنه ايه وهباب ايه انا عايزه يخرج انهارده او بكره بالكتير اتصرف يا متر فين حوراتك
المحامي قال ..موجوده يا فندم بس ابنك معترف وانا عملت زي ما حضرتك امرت وقولت انو اعصابو تعبانه بسبب بلاغ مراتو عنو وان كل الي قالتو كدب وانها مراتو وفي شهود بس للاسف ابن حضرتك كدبني وقال ان مراتو معاها حق ومكدبتش وهو فعلا خطفها وهددها وكان يعتدي هليها كمان هعمل ايه اكتر من كده
فؤاد اتنهد وقال..طب والعمل
المحامي..مفيش غير انها تتنازل عن المحضر هو حاليا اخد ١٥ يوم على زمة التحقيق كده قدامنا وقت نحاول نضغط عليها سواءنرشيها او نهددها حتى
فؤاد بيبص اتفاجأ بنادر وفتون جايين عليه قال ..طيب روح انت.. انا هتصرف
المحامي مشي وفؤاد فضل واقف بيبص بعيد عنهم بحزن
فتون قربت منو وقالت بدموع...اذيك يا بابا
فؤاد قال..من غير ما يبصلها...جايه ليه جايه تشمتينا انتي وجوزك
فتون نزلو دموعها بألم شديد وقالت..اشمتكم ..اشمت مين ابويا واخويا
فؤاد قال بزعيق..سراج مش اخوكي ولا انا ابوكي انا اتبريت منك ومش عايز اشوفك تاني ولسه هيمشي نادر وقف قدامو وقال...استني يا فؤاد بيه..فتون بنتك مينفعش تزعل منها لدرجادي في النهايه عمرو ما هيرضيك زعلها
فؤاد بصلو باستغراب وقال...من امتى الذوق ده طول عمركم زي ابوكم لاعندكم ذوق ولا دم
نادر اتضايق بس حاول يكون هادي وقال...طبعا بعد كل الي حصل بنا مليش حق في اني اطلب منك الطلب ده بس انا بقولك اهوه لو تحب نبدأصفحه جديده انا مستعد ومن دلوقتي كمان
فؤاد كان مستغرب جدا وقال...انا مش فاهم دي لعبه جديده ولا انت جاي تهزر بس اي ان كان انا مش فاضيلك معايا الاهم من اني اسمع كلامك يا ابن النوري ولسه هيمشي نادر قال بصوت عالي...انا ممكن اساعدك واخلي تقى تتنازل
فؤاد وقف بصلو وقال باستغراب...انت ..انت بتتكلم بجد ولا دي حركه من حركاتك
نادر ابتسم وقربلو وقال..هو انت بتحب سراج
فؤاد قال..طبعا بحبو ..سراج...احم..سراج ابني واكيد بحبو
نادر ابتسم بحزن عليه وقال..اكيد ..انا متأكد انك بتحبو حتى لو بينت العكس وعلشان كده هساعدك وعلشان كمان اثبت حسن نيتي واثبتلكم اني فعلا عايز انهي الحرب الي بنا الي مش بتعمل حاجه غير انها بتدمرنا بالبطيئ
وشد فتون وقال..يلا علشان تشوفي اخوكي ومشي بيها تحت انظار فؤاد الي كان مصدوم من كلامو وفي قمة الاستغراب
عند سراج جابوه علشان نادر وفتون عايزين يشوفوه واول ما دخل وشافهم قال بدموع..فتون
فتون نزلت دموعها ولسه هتحضنو نادر ادخل وقال بسرعه..لا..لا.. من غير احضان ..احم سلام من بعيد كفايه
سراج بصلو بضيق وقال بغضب..انا اخوها لو مش واخد بالك
بقلمي..زهرة الربيع
نادر مكانش عايزو يقرب لها باي شكل قال بضيق..وهو انت لازم تحضنها يعني وكمل بهزار وقال..احضني انا وانا هبقى احضنها
نادر قرب منو وسراج بعد وقال باستغراب..خليك بعيد احسنلك ..ايه ده انا ناقص مجانين جيباه معاكي ليه ده
نادر ضحك وقال...جيباني معاها هيه الي جيباني على العموم حلوه منك دي
سراج اتنرفز منو وقال..انا همشي يا فتون اصلا دماغي وجعاني ومش فاضي لاستهبال بتاعو ده
فتون مسكت ايده بسرعه وقالت ..لا.استني هو اصلا نادر هيخرج ..عايز اتكلم معاك شويه وبصت لنادر برجاء عيزاه يطلع
بس نادر مكانش عايز يسبها معاه لوحدهم بعد ما عرف ان سراج مش اخوها بقى مش عايزه يسلم عليها حتى قال..انا هفضل هنا عايز اطمن عليه
فتون اتنهدت بضيق وافتكرت انو قاصد يضايقهم قالت لسراج..ايه الي انت عملتو ده انت ازاي تعترف كده انت عارف انك كده ممكن يتحكم عليك
سراح ابتسم وقال... عارف مش هتفرق هستني محاكمتي وهقضي المده وخلاص اصلا هنا زي بره مش فارفه
فتون استغربت كلامو ولسه هترد نادر قال باندفاع..تتسجن ده ايه لا طبعا ومين هييسيبك تتسجن انا هقلب الدنيا مش هتبات هنا ليله تانيه متقلقش
سراج بصلو بزهول وقرب منو شم هدومه وقال باستغراب..الصنف ايه... وبص لفتون وقال..هو جوزك ضارب ايه على وش الصبح كده
فتون بصتلو وقالت..علمي علمك هو من الصبح كده مش متظبط ابدا
نادر بصلهم بغيظ وقال...كل ده علشان بقول هساعدك غريبه دي يعني
سراح قال ..اه..غريبه.. وغريبه قوي كمان من امتى وانت بتساعد يعني وتساعد مين انا ..دانا افتكرت انك هتيجي تتوسطلي علشان مدتي تذيد
نادر اتنهد وقال...فيه حجات كتير هتتغير يا سراج معاملتنا لبعض والعداوه الي ملناش ذمب فيها حجات كتير طبقناها على هوا اهلنا من غير ما نفهم كل ده لازم يتغير وانا هبتدي بنفسي اوعدك اني هخرجك من السجن يا سراح ..ده وعد مني... وخرج هو وفتون
سراج فضل باصص لطيفهم باستغراب شديد ورجع على الحبس وهو بيفكر ليه قال كده معقوله عرف انو مش هو الي قت*ل اخوه ..كان ده التفسير الوحيد بالنسبالو لتصرفات نادر وكلامو
نادر وفتون وصلو القصر وفتون دخلت الاوضه وهيه متعصبه وهتموت من نادر وحركاتو
نادر دخل وراها وبيقلع هدومه ومش مهتم بعصبيتها ابدا فتون قالت بغضب..انت ازاي تضحك عليا كده تقولي هوديكي وتروح هناك تفضل تضايقني وتضاايقو حرام عليك هو ناقص
نادر بصلها وقال..وانا عملت ايه لكل ده
فتون قالت ..عملت ايه ..لا ابدا بس واقفلي عمال متقربيش متحضنيش واقولك اطلع مش راضي افرض عايز يقولي حاجه مش هينفع يقولها قدامك
نادر قال بعصبيه..وطي صوتك متزعقيش لو كنتي محترمه نفسك مكنتش قولت كده لاكن عماله تحضنيهولي زي ما يكون عشيقك
فتون بصتلو بزهول شديد وقالت بعصبيه اشد..لا انت اتجننت رسمي ده اخويا اخويا احضنو اكلمو انام جمبو حتي عادي ده ..اخويا
نادر فقد اعصابو وقال بغضب..لا مش اخوكي..مش اخوكي ومينفعش يقربلك ووووو
الفصل العشرون
20_نادر فقد اعصابو وقال بغضب..لا مش اخوكي..مش اخوكي ومينفعش يقربلك ولا يلمسك فاهمه
فتون بصتلو بدهشه وقالت بزهول..لا..لامش فاهمه ابدا هو مين الي مش اخويا انت ..انت بتقول ايه
نادر خد بالو لكلامو ولعن غبائو وحاول يصلح الوضع وقال..قصدي اخوكي من الاب بس امكم مش واحده ده الي قصدتو
فتون فضلت واقفه بتبصلو بزهول وبعدها ضحكت جامد وقالت...لا والله علشان اخويا من الاب بس مينفعش يلمسني..يا بني ادم ده لو اخويا في الرضاعه يبقى من محارمي انا بكلم مين اصلا ربنا يعدي الفتره الي هفضل معاك فيها دي على خير
نادر قال بضيق..فترة ايه بقى الي هتقضيها معايا
فتون قالت..فترة حملي مش احنا هنطلق بعد الولاده وده اتفاقنا
نادر قال بتوتر ...ومين الي قال كده بقى
فتون قالت ..انا ..خلاص مبقتش طايقه افضل معاك يوم واحد ربنا يسهل الولاده ويقرب ايامها واخد ابني واخلص منك
نادر ضحك قوي وقال..وتاخدي ابنك كمان ..انتي لو خرجتي لوحدك وسليمه كده تحمدي ربك يا فتون
فتون قالت بقوه..ابني هاخدو يا نادر ومتفتكرش اني هخاف منك انا لما اترجيتك وبكيت عند رجلك فده لاني كنت بحبك ومش قادره اتخيل انك تسبني ببساطه كده اما دلوقتي مش محتجالك
نادر بلع ريقه وقلبو بقى يضرب بعنف وقرب منها وقال...كنتي ..كنتي بتحبيني .يعني ايه يعني دلوقتي مش بتحبيني
فتون قربت منو اكتر وقالت بتحدي...تؤ .تؤ .تؤ انا دلوقتي مش بس مبقتش احبك..لا انا كمان بقيت بكرهك تمام يا نادر انا خلاص مبقتش طيقاك ولا محتجالك وعلى فكره مش محتاجه لاهلي كمان وابني هاخدو بالذوق بالعافيه بالقانون هاخدو وجرب تتحداني
فتون لسه هتمشي نادر شدها من دراعها بقوه وقال وهو بيبص في عنيها ..من ورا قلبك كل الكلام ده من ورا قلبك يا فتون انتي بتحبيني ومتقدريش على بعدي
فتون زقت ايده وقالت..ده بس خيالك واسع او بتتمنى انا اول مره اعرف انا عايزه ايه واول مره اختار صح انا عايزه اعيش حياتي وانت مش هتمنعني هاخد ابني وهسافر هكمل جامعتي وهشتغل واربي ابني لوحدي يمكن وقتها اققدر الاقي علاج لقلبي الي انت دوست عليه ويمكن احب واتجوز حد يستاهل حبي
نادر اتحولت ملامحو لغضب مرعب وقال...ت ايه..انتي قولتي ايه تتجوزي غيري ده في احلامك انسي ده لما اموت بس يا فتون
فتون ابتسمت بسخريه وقالت...ده على الاساس اني هخاف كده انا خلاص يا نادر مبقتش اخاف منك ولا حتى اخاف على زعلك انت بقيت هوا بانسبالي يعني حاجه مش شيفاها اصلا
نادر مسكها من درعاتها بقوه وقال بزعيق وغضب..طب هتشوفي الهوا ده هيعمل فيكي ايه وسواء انتي او ابني ملكي ومش هتكونو لحد غيري انتي ليا ليه لوحدي وشدها عليه بقوه وبا*سها بعن*ف شديد
فتون بقت تحاول تزقو بس مقدرتش واستجمعت قوتها وزقتو بأقصى قوتها لدرجه انو كان هيقع وفضل باصص لها بزهول من قوتها وجرأتها معاه وفتون كانت بتنهج بقوه وقالت بغضب ..اياك ..اياك تقربلي او تلمسني يا نادر مش من حقك ..مش من حقك ابدا واخدت هدوم ودخلت الحمام
نادر فضل باصص عليها وسكت وهو مصدوم من الي عملتو وبيفكر معقوله ممكن تكون كرهتني معقوله ممكن تسبني زي ما قالت اتنهد وقال...وانا زعلان ليه انا محبتهاش اصلا كل ده كان لعبه...ايوه كان لعبه
فتون دخلت الحمام وبصت على اثار اديه الي معلمه على دراعها وبقت تبكي قوي قالت لنفسها..مش قادره انساك يا نادر مش قادره اكرهك بس لازم ابعد انا وابني مش هخليه يجي على الدنيا ويشوف امه بتتهان قدامو مستحيل
فتون خرجت من الحمام لقت نادرخرج جابت التليفون بسرعه وطلبت رقم وقالت..ايوه يا عدي..انا موافقه موافقه على عرضك الي عرضتو عليا لو لسه عند وعدك انا موافقه وعايزه اهرب انهارده قبل بكره بس خد بالك نادر مش سهل ابدا ولو كشفني هيقت*لني ويقت*
لك
عدي..متقلقيش انا مجهز كل حاجه استني مني تليفون
فتون قفلت معاه وهيه مرعوبه وخايفه قوي قالت ..ربنا يستر
عند تقى كانت ماسكه الكارت بتاع والد سراج ومحتاره تكلمو او لا ودخل ابوها وقال..صاحيه يا تقى
تقى مسحت دموعها وقالت..ايوه يا بابا اتفضل
منصور دخل وبص للكرت الي في ادها وقال...عايزه تكلميه
تقى قالت..مش عارفه محتاره قوي يا بابا نفسي ارنلو واتنازل واخليه يطلع بس خايفه ميرضاش يطلق وابقى مستفدتش حاجه وقلبي مش جايبني اسيبو كده
منصور ابتسم وقال..بتحبيه يا تقى
تقى قالت بسرعه وتوتر. انا..لا طبعا يا بابا انا بس بحس انو مريض وو مش طبيعي مهو كمان مفيش حب بالشكل ده ابدا انا حاسه انو اتعلق بيا علشان محدش قرب منو او حن عليه قبل كده خايفه اكون بظلمو
منصور قال..شوفي يا بنتي الشاب ده لا مجنون ولا مريض ولا اي حاجه كل الحكايه انك بجد تتحبي يا تقى وهو من زمان بيحبك والحب زي النبات بيكبر مع الايام وانا شايف انك مدام زعلانه عليه كده يبقى مش هترتاحي لو اتسجن علشان كده لو عايزه نكلم ابوه ونتفق معنديش مانع والقرار ليكي
تقي انبسطت جدا وقالت..يعني رايك كده يا بابا
منصور ضحك وقال..ورأيك انتي كمان
تقى ابتسمت بكسوف ولسه هترد دخلت امها وقالت بخوف..الحقني يا منصور مريم المفروض ترجع البيت من ساعتين قلقت عليها اتصلت على المدرسه اشوفها اتأخرت ليه قالولي مجاتش انهارده اصلا
بقلمي...زهرة الربيع
تقى وقفت بخضه وخوف ومنصور قال..اهدو بس هتكون عند حد من صحابها او بتجيب حاجه
امها قالت..دي عمرها ما عملتها دي مرحتش المدرسه اصلا ومن صباحيه ربنا خرجت هتكون فين بس
تقى بصت لابوها الي كان بيبصلها بشك وخوف وقالت..لا ..لا يا بابا ميعملهاش ..اكيد مش هو
منصور قال..ان شاء الله مش هو ..وطلعو كلهم يدورو عليها
في قصر النوري كان خالد قاعد هو وعلا بيتفرجو على فيلم كوميدي في الصالون وبيضحكو من قلبهم وعلا قاعده تقريبا في حضنو وبيبصو لبعض بنظرات جميله جدا... وجيه نادر وقال..يا سلام على الجمال طب مش تسمعو في اوضتكم رواق اكتر يعني احسن ما حد غتت زيي يضايقكم
علا انكسفت وبعدت عن خالد شويه لانها كانت في حضنو وخالد ضحك وقال...برافو عليك عارف انك غتت يعني
نادر نط وسطيهم قعد في النص وقال..ها بقى هنسمع ايه
علا ضحكت وخالد بصلو بضيق وقال...تاخد فشار
نادر قال بضحك..اكيد هيه الفرجه تنفع من غير فشار و.
بس قطع كلامو صوت ابوه بيقول..نادر تعالي عايزك
نادرقام بضيق وقال..نعم يا بابا
سالم قال بهمس عملت ايه قولتلو حاجه
نادر ضحك وقال..هقوله ايه ..هقوله انت فاهم غلط ابويا مقتلش امك هو بس اغت*صبها وبوظ حياتها ويمكن محدش يكون قت*لها واتكون هيه انتحرت بسببو
سالم شخط فيه وقول.... نااااادر
الكل بصو عليهم وسالم حاول يهدى ورجع همسلو علشان محدش يسمع وقال...اتكلم كويس انا مش ناقص قولي هو عامل ايه
نادر ابتسم بسخريه وقال...مش كويس ابدا عندو نفس جنانك مجنون بتقى ومش عارف ينساها لو شوفت حالتو الي وصلها واستسلامو الرهيب متقولش ان ده سراج ده بقى بيتمنى اقصى عقوبه حابب يموت بس ربنا مش بيسيب حد معاه ابوه بيعمل المستحيل علشانو راجل يستاهل كلمة اب صحيح هو عمره ما حن عليه او عاملو كويس بس كفايه..انو اداه اسمو واتقبل وجودو في حياتو اتقبل وجود ابن مراتو من واحد تاني وهيه على زمتو واحتفظ بالسر في قلبو صدقني مش اي حد يستحمل كده ...ابدا يا بابا
نادر طلع من القصر كلو وهو متعصب جدا وسالم فضل قاعد بيفتكر كل الي اتأذو بسببو ودموعو على خده في الحظه دي كانت في عيون شايفه واذان سمعت كل الي اتقال
وللاسف كانت نهى قالت بشر...مش معقول..سراج ابن سالم النوري هههه يا سلام على حظي جاتلي لحد عندي لما اشوف يا انكل سالم هتسبني اقول السر ده لسراج ولا اتجوزني نادر للاسف مفيش حل تالت
عند تقي كانو دورو في كل حته لحد ما تليفون تقى رن وردت بسرعه وقالت..ايوه مين
جالها صوت اختها بتصرخ جامد... تقى اترعبت وقالت ..مريم..مريم ردي عليا فيه ايه
رد شخص وقال..فيه واحد انتي بسلامتك حبساه انهارده يطلع ..سراج بيه يبات في بيته انهارده اختك ترجع صاغ سليم هتعملي اي حركه هخلي الرجاله يحفلو عليها قبل ما نترحم عليها سوا وقفل بسرعه
تقى بقت تصرخ برعب وتقول الو..الو ..مريم..ردو يا كلاب..وضمت التليفون في ايدها بغضب مرعب
ابوها بصلها بخوف وقال ..فيه ايه يا بنتي اختك فين
تقى قالت بغضب اعمي..هترجع يا بابا...متخافش .. ومشيت وهيه بتقول بغضب...ديل الك*لب عمره ما ينعدل
تقى طلعت على طول علشان تتنازل عن القضيه وتخرج سراج وفضلت مستنياه بره المبني وهتموت وتشوفه علشان تعرف خبى اختها فين
سراج اول ما نزل وشاف تقى قال بفرحه..تقي انا كنت متأكد اني مش ههون عليكي انا فرحت قوي لما قالولي جوه انك انتي الي خرجتيني و
تقى كانت بتبصلو بغضب رهيب وقطعت كلامو بقلم قوي جدا وقالت بعصبيه...اختي فين..مريم فين يا سراج
سراج اتسعت عنيه بشده من المفاجأه وبصلها بزهول وقال بغضب... انتي تجننتي ازاي تمدي ايدك عليا اتهبلتي وانا ايه عرفني اختك فين
تقى قالت بزعيق وعصبيه..متستعبطش يا سراج قول مريم فين البنت لسه صغيره مش حمل بهدله كفايه الي حصلي انا حرام عليك..حرام..اتقى ربنا يا اخي
تقى نزلت دموعها وكانت بتتكلم بالم شديد وسراج مستغرب جدا بس قال..اهدي يا تقى والله ما اعرف مكانها يمكن عند حد او حد تاني خطفها انا
تقى قالت بعصبيه..حد تاني خطفها..اااه ...والحد التاني هيقول اخرجك من السجن حتى هيسبها مش كده
سراج اول ما قالت كده فهم على طول انو ابوه غمض عينيه بغضب وقال...خلاص يا تقى انا فهمت روحي هتلاقيها رجعت اصلا الي اخدها مبيأذيش حد متقلقيش
تقى بصتلو بقرف وقالت بخيبة امل...كنت فكراك اتغيرت لو صبر القاتل على المقتول كان مات لوحده كنت كده كده هخرجك مكنتش قادره اشوفك مسجون لاكن اقول ايه الواطي بيفضل واطي ...ولسه هتمشي
سراج مسك ايدها وقال بخوف..يا تقى استني والله ما ليا دخل واتنهد وقال طب استني عربيتي هتوصل كمان شويه خليني اوصلك الدنيا ليل.. ارجوكي
تقى زقت ايده بعصبيه وقالت...انا مفيش حاجه بتأذيني غيرك حل عني بقى يا اخي ارحمني وسبني فحالي والله يا سراج لو مريم مرجعتش انهارده لتشوف مني وش تاني خالص
سراج ابتسم على عصبيتها الي وحشتو وقال...برضو هيعجبني واي حاجه فيكي بتعجبني متقلقيش دلوقتي اختك هتروح انتي اهدي تمام
تقى لسه هتتكلم ابوها رنلها وقال ان اختها رجعت قفلت معاه وبصت لسراج وقالت اديك خرجت ياريت تطلقني ومشوفش وشك تاني ومشيت وهيه بتقول بصوت عالي حسبي الله فيك وفي اهلك ربنا يا خدك وارتاح
سراج ابتسم عليها كل كلامها بيعجبو قوي بس اتحولت ملامحو لغضب وقال...ليه يا بابا ..ليه واول ما وصلت ااعربيه طلع على قصرهم بسرعه
عند فتون بعد ما خلصو العشا عملت لهم عصير للكل وطبعا حطت فيه منوم علشان ينامو وتعرف تخرج من القصر واخدت من العصير للحرس كلهم واتأكدت انهم شربو وفضلت مستنيه بتوتر شديد خايفه نادر يرجع من الشغل قبل ما تهرب
بقلمي..زهرة الربيع
بعد شويه الكل نامو وتقى بصت عليهم بحزن شديد وباست علا وقالت هتوحشوني والله كلكم وطلعت من القصر ودموعها على خدها
الحرس كانو كلهم في سابع نومه اتصلت بعدي وقالت..ايوه يا عدي انا خارجه خلاص خليك جاهز
عدي قال..تمام انا جاهز ومستنيكي في العربيه يلا اطلعي
فتون جريت على واحد من الحراس معاه سلسله المفاتيح الي فيها مفتاح البوابه واخدتو وبقت تجرب المفاتيح لحد ما اخيرا واحد فتح
لسه هتطلع شخص قال بغضب مهلك..على فين يا عمري وحط سلاحو في دماغها ووووووو