21_لسه هتطلع شخص قال بغضب مهلك..على فين يا عمري وحط سلاحو في دماغها
فتون بصتلو و اترعبت واتصدمت جدا ده نادر ازاي جيه من وراها وهو كان بره القصر اصلا قالت بصدمه..نادر..نادر ..انت..انت ازاي هنا وحاولت تجري وهيه بتصرخ... الحقونييييي
بس نادر شدها من شعرها وقال بفحيح مرعب ....اششششش صوتك مش عايز اسمعو..كنتي عايزه تهربي ...مش كده
فتون لسه هتتكلم حست برجلها مش شيلاها من الخوف ووقعت من طولها
نادر سندها وشالها بسرعه وطلع بيها اوضتهم
بعد شويه جالو تليفون وقال..ها انتو فين وصلتو ..طب ادخلو حالا عايزكم
نادر بصلها بحزن وغضب ونزل بسرعه وكان جايب اربع جردات وقال..انتو هتحرسو القصر انهارده لان زمايلكم في سابع نومه
نادر بص حاوليه وكانو كل اهلو نايمين على الكراسي اتنهد وقال..واحد منكم يطلع بابا اوضتو وواحد يطلع خالد
الجردات ابتدو يشتغلو وواحد منهم لسه هيشيل علا نادر قال بغضب..سبها... اختي انا هدخلها
الشاب رجع لورا بخوف وقال..والهانم
الي هناك حضرتك كمان هتدخلها
نادر بص وكان يقصد نهى نادر ابتسم باستهزاء وشال علا وطلع بيها وهو بيقول..لا دي بتتشال عادي
بعد ما وصلوهم لأوضهم ونادر طلع على اوضتو بغضب شديد وكان مستني فتون تفوق وهو هيموت من الغضب ازاي عايزه تهرب منو
بعد شويه فتون فتحت عنيها ببطأ بتبص حواليها شافت نادر قاعد في وشها والغضب باين في عنيه
فتون اترعبت وبعدت لاخر السرير وقالت بتهته..انا..انا هفهمك ...ابوس ايدك تهدى و
نادر قاطعها بغضب وزعيق وقال...اهدى ..بقى عايزه تهربي مع عشيقك وبتقوليلي اهدى يا فاجره
فتون اتسعت عنيها بصدمه وبلعت ريقها برعب وقالت...انت..انت فهمت ايه..انت فاهم غلط هو بس كان هيساعدني مش عشيقي ابدا
نادر مسكها من شعرها وقال بعصبيه..ده على اساس اني هصدق الكلام ده .. نهى اول ما شافتك قالتلك البيه بيدور عليكي ومشالش عينه من عليكي لما جيه هنا انتي بتقرطسيني فكراني نايم على وداني وزقها على السرير بغضب
فتون بقت تبكي وقالت..والله والله انت فاهم غلط..والله ما فيه بنا حاجه انا ملقتش غيره يساعدني
نادر قعد قصادها وقال ..اسمعي عندك اخر فرصه تحكيلي كل الي بنكم وازاي اتواصلتي بيه وانتي هنا وكلمتيه كام مره كل حاجه ..عايز اعرف كل حاجه يا فتوون ومن غيركدب ..فاهمه
فتون قالت برعب حاضر..حاضر..انا والله ما فيه بيني وبينه اي حاجه هو صاحب اخويا سراج ومره سراج قلي ان عدي معجب بيا بس انا مهتمتش لما ..لما جيه هنا اتفاجأ بجوازنا ومعرفش ازاي عرف انك متجوزني علشان تنتقم من سراج اول امبارح رنلي وقلي انا عرفت ظروف جوازك ومستعد اهربك من سجنك ده انا..انا الاول خوفت وقفلت معاه بس..بس بعدها اتشجعت ورنتلو وقولتلو ازاي ممكن يهربني قلي هيكتبلي نوع منوم ابعت حد يجيبو على انو علاج ليا واحطو في العصير واول ما ينامو هيكون مستنيني بالعربيه والباقي عليه
نادر بصلها بنظرات مرعبه وقال...هو عرف ازاي ظروف جوازنا من سراج مش كده
فتون قالت مش عارفه..والله ما اعرف انا مقولتلوش حاجه انت مش هتأذيه صح
نادر ضحك وقال بنظرة شر...كلمة ااذيه كلمه بسيطه على الي هعمله فيه
فتون مسكت ايده وقالت بدموع..لا ..يا نادر .كفايه بقى ..كفايه اذيه ..هو ..بس صعبت عليه وحب يساعدني حرام عليك بقى
نادر بصلها وابتسم بسخريه وقال...وفري المحايله دي لنفسك لان دورك جاي يا فتون هانم
نادر لسه هيخرج فتون مسكت ايده وقالت برعب..طب.طب اهدى..اهدى وانبي ..هو ..هو انت ازاي عرفت وبعدين ازاي جيت من ورايا انت مش كنت في الشركه امتى رجعت
نادر ابتسم وقال بنظره مرعبه..تؤ ..تؤ...انا مخرجتش اصلا انهارده
فتون بصتلو بصدمه وقالت ايه مخرجتش ازاي
عند سراج وصل القصر وهو في قمة غضبو وكان فؤاد قاعد بيقرى كتاب واول ماشافو دخل وقف وبصلو بسعاده وقال بدهشه..سراج ..انت..انت خرجت ازاي..وامتى حمد الله على السلامه يا بني وحضنو بقوه وشوق ابوي لاول مره
سراج اتفاجأ وحضنو وقال...الله يسلمك يا بابا
فؤاد بعد عنو وقال بسعاده..تعالى..تعالي احكيلي ازاي خرجت انا..انا كنت متأكد ان ربنا مش هيسبنا و
سراج استغرب جدا وقال..استنى بس يا بابا اهدى ..هو ..هو مش انت الي خبيت مريم علشان تقى تخرجني
فؤاد استغرب جدا وقال..مريم مين ..انت بتقول ايه مش فاهم حاجه
سراج فضل واقف بيفكر باستغراب وحيره وبيقول امال مين الي عمل كده و
بس قطع كلامو بصدمه شديده واتسعت عنيه بشده وقال...معقوله...لا ..لا اكيد لا
فؤاد بصلو باستغراب وقال..هو فيه ايه
سراج قال وهو بيطلع بره القصر بغضب...مفيش يا بابا ساعة زمن وراجع
سراج خرج بسرعه وغضب وفؤاد قعد باستغراب شديد واتنهد وقال...الحمد لله
عند تقى وصلت البيت لقت اختها نامت واهلها حواليها قالت..وهيه بتحضنها بخوف..مين الي رجعها
ابوها قال بحزن..رجعت لوحدها ومقالتش حاجه فضلت تعيط لحد ما نامت
تقى بصت لها بدموع وقالت..انا السبب انا السبب
ابوها اتنهد وقال..وانتي ذمبك ايه بس يا بنتي ما انتي حالك من حالها
امها قالت بخوف وعصبيه .لا ليها ذمب..ليها انا قولتلكم الناس دول احنا مش قدهم اصريتو تسجنوه اهو خرج واحنا الي اتأذينا والبنت منعرفش حتى عملو فيها ايه
تقى قالت بسرعه...محدش قرب لها يا ماما متخافيش ..وانتي معاكي حق انا السبب وطول ما نا حواليكم هتفضلو تتأذو انا هحاول معاه بكره انو يطلقني ولو مقبلش هرجعلو على الاقلل اضيع لوحدي
امها وقفت وحضنتها وبقت تبكي وقالت..حقك عليا يا بنتي والله ما اقصد من خوفي عليكم ..حقك علياوانبي
تقى بقت تبكي وابوها قال بقلة حيله ..حسبي الله ونعم الوكيل
عند نادر كان بيتكلم مع فتون وقال .زي ما سمعتي انا كنت عارف انك هتهربي انهارده وعلشان كده عملت اني خرجت وفضلت طول اليوم في اوضة الجنينه
فتون قالت باستغراب شديد..عرفت ازاي انت سمعتني وانا بكلمو
نادر ابتسم بسخريه وقال..لا نهى قالتلي
فتون قالت بدهشه..نهى ..نهى عرفت منين
نادر قال...هيه تعرف الدكتور بتاعك وهو قلها انو هيهربك وهيه كتر خيرها نبهتني
فتون بقت مبرقه بدهشه ومش مصدقه وبعدها ضحكت جامد وقالت..وبتسألني مين الي قال لعدي على ظروف جوازنا..طب ماهي واضحه وضوح الشمس ..نهى هانم بتاعتك هيه الي قالتلو انك متجوزني علشان تنتقم من سراج واكيد طبعا هيه الي اقترحت عليه يهربني علشان تيجي تقولك وتطلع البنت الي بتحبك وخايفه عليك
نادر فكر لقا ان فعلا نهى تعمل كده واكتر بس قال..وهيه نهى ايه عرفها اصلا احنا اتجوزنا ليه
فتون ضحكت وقالت..والله انت طيب...نهى عارفه من قبل ما تيجي القصر اصلا قالتلي ده مش بيحبك بيحبني انا وانتي بينتقم من اخوكي مش اكتر ..وايه الي مخليك مستغرب اصلا تلاقي سراج قلها كل حاجه و
نادر بصلها بدهشه وقال...سراج وايه دخل سراج بنهى
فتون عضت على شفتها بخوف بعد ما خدت بالها من كلتمها وقالت...ها...لا..لا متعرفوش ..هتعرفو منين
نادر قرب منها جامد بعد ما اتأكد انها بتكدب وقال وهو بيبص في عنيها...تعرفو منين يا فتون
فتون اتنهدت وقالت بخوف..يعرفها من زمان هما كانو صحاب اوي وكانو .كانو يعني
نادر قال بشك...كانو ايه اتكلمي يا فتون
فتون قالت ..كانو ...يووووه انت فهمت بقى هقولك ايه يعني
نادر بصلها بصدمه وقال...هو سراج كان مرافقها قربلها يعني..نام معاها..انطقي
فتون بصتلو بكسوف شديد وقالت...ايوه انا مره شوفتهم كان بابا مسافر وهيه جاتلو وكانو سوا في اوضتو بس معرفش اذا كانو يعني بيعملو كده على طول
نادر شد شعره بتوتر وقال بزهول ..يا بنت الكااااللب هه دانا..دانا كنت هتجوزها...لولا ..لولا ان طارق مات واضطريت العب عليكي كنت هتجوزها
فتون قعدت على الكرسي وقالت بغيره وسخريه ..كل تأخيره وفيها خيره
نادر بصلها وشاف انها غيرانه ابتسم وقرب منها وقال ....وانتي مضايفه منها ليه انتي مش كرهتيني وبتخططي وتهربي عادي كده
فتون رجعت لورا بخوف وقالت...انت السبب في كده انا مبقتش قادره استحمل
نادر قال وهو بيقرب اكتر...تقومي تهربي يا فتون هنت عليكي لدرجادي
فتون بقت ترجع لورا لحد ما لزقت في الحيط وقالت...انا..انا..ابعد يا نادر...ارجوك
نادر قرب منها اكتر ومسك وشها بحنيه وفضل يبص لعنيها وقال...لو كنتي مشيتي ومقدرتش الاقيكي...عارفه ايه الي كان هيجرالي ...
فتون تاهت في عيونه وقالت وهيه سرحانه فيه..ايه
نادر قال بحب شديد ...كنت هموت..اوعي تسبيني ...اوعي وقرب منها وفتون غمضت عنيها باستسلام وقرب من شفايفها
بس بعدو عن بعض بخضه لما سمعو صوت سراج بيزعق ويقول...نااااااااااااادر...انزل يا حيوان
فتون قالت بتوتر شديد وفرحه...ده ده صوت سراج ازاي خرج امتى
نادر اتنهد بغضب وقال بغيظ...ليه ساعه مستنيه ملاقاش يجي غير دلوقتي طول عمره مستقصدني انسان مستفز بجد
فتون مكانتش فاهمه حاجه ولسه هتجري عايزه تنزلو نادر مسك ايدها وقال..استني انتي انا هشوفه عايز ايه الاول وبعدين تشوفيه
نادر نزل وسراج عمال ينادي والحرس رافضين يدخلوه لحد ما خرج نادر وقال سيبوه اتفضل يا سراج
سراج اول ما سابوه مسكو من قميصه بشراسه وقال بغضب....عملت كده ليه ووووووو
الفصل الثاني والعشرون22
22_سراج اول ما سابووه مسك نادر من قميصه بشراسه وقال بغضب....عملت كده ليه ..ها ليه استفدت ايه
نادر نزل اديه ببرود ودخل القصر وهو بيقول ...طبعا استفدت مش انا وعدتك اني هطلعك واديني وفيت بوعدي
سراج دخل وراه وبصلو باستغراب شديد وقال...انا طول عمري بفهم خطوتكم قبل ما تخطوها...بس المرادي مش فاهمك ابدا انت مالك ومال طلوعي هتستفيد ايه
نادر قال...ومن هنا ورايح عمرك ما هتفهمني يا سراج لانك مش هتلاقي مني غير كل خير وده طبعا شئ مش متعود عليه
سراج بصلو بغضب وقال..ويا تري ايه سبب التغيير المفاجأ ده
نادر قال ..اعتبرو عربون محبه
سراج قرب منو بغضب وقال بزعيق..انت فاكر نفسك عملت حاجه كويس تقى فاكره اني انا الي خطفت اختها
نادر قال بهدوء..تقى مقدور عليها المهم اننا نحاول نصفي قلوبنا لبعض مش يمكن
بس سراج قاطعو بغضب رهيب وقال ..ميمكنش..انسى انا وانتو مفيش بنا محبه ولا هنتصافا ابدا انت ابن سالم النوري الراجل الي دمرني انت ابن الراجل الي قتل امي
نادر بصلو وشاف الكره والغل في عيونه اتنهد بحزن وقال...مش يمكن تكون فاهم غلط انا متأكد ان ابوبا ميقتلش و
سراج قل بحزن ودموع متجمعه في عنيه..لا انا مش فاهم غلط انا متأكد انو قتلها مكانش فيه غيرنا اول ما طلع من عندها دخلت وراه علشان افضل معاها لقتها مقتوله غرقانه في دمها وبتبصلي وانا مش قادر اعمل حاجه كنت يا دوب ٦ سنين فاكر اليوم ده لحد دلوقتي
سراج بعد عن نادر ودموعو خانتو ومقدرش يسكت وقال...قربت منها وانا مخضوض ومش فاهم حتى مالها سألتها كتير مالها مقدرتش تتكلم بس كانت عايزه تقولي حاجه فضلت تقول ..سالم...سالم وتشاور عليا وانا مش فاهم منها حاجه بقيت اصرخ وانادي اي حد يلحقها بس كنا في مزرعه ابوك ومكنش فيه حد هناك انا وقتها مكنتش عارف احنا هناك ليه بس بعدين فهمت انو كان بيحبها واتجوزت بابا وعلشان كده قتلها
نادر كان بيسمعو والدموع في عنيه ومش قادر يقولو انو فاهم غلط وان امه كانت عايزه تقولو ان سالم ابوه ولا قادر يقولو على الي بين ابوه وامه سكت وهو حاسس بوجع شديد من ناحيته لاول مره
سراج نزلت دموعو بالم وحسره وقال..انا فضلت جمبها وهيه مقتوله اليوم كلو... تخيل.. شوفتها وهيه بتموت قدامي ومقدرتش اعمل لها حاجه فضلت انيم فيها واغنيلها فاكر..فاكر انها هتنام وتقوم كويسه فضلت كتير شايفها بتتوجع ومش عارف اعمل حاجه لحد ما بطلت تتحرك قولت خلاص نامت وشويه وتقوم فردت دراعها ونمت عليه واتخبيت في حضنها ونمت.. نمت وانا فاكر اني هصحى الاقيها وفعلا صحيت على صوت بابا وهو بيدور علينا معرفش ازاي عرف مكانا المهم انو لقانا كنت عايزه يقومها كنت عايز اشوفها بتتكلم تاني....وبقى يبكي بحرقه شديده
بقلمي..زهرة الربيع
سراج مكانش مهتم انو بيشكي لالد اعداءو كل الي حاسس بيه وجع شديد في صدره وعايز يطلعه بس مسح دموعه فجأه وبصلو بغضب وقال..عرفت ليه عمرنا ما هيكون بينا محبه لان ببساطه ابوك قتل امي قتل الانسانه الوحيده في الدنيا دي الي حبتني من قلبها وقتل معاها براأتي وخلاني كرهت كل الناس ومبقتش اتعامل غير بالكره حتى الانسانه الوحيده الي حبيتها مقدرتش اعاملها بمحبه عملتها بالعنف والقسوه الي طول عمرها في قلبي
نادر كانت دموعو بتنزل بحزن شديد مش متخيل الي عاشو اخوه وهما كانو في الجنه ونعيمها لقا نفسو فجأه بيحضنو بقوه وهو بيبكي وقال..انا اسف..اسف بجد
سراج اتصدم وبرق بشده وزقو جامد وقال..انت ايه حكايتك يا جدع انت بالظبط..خليك بعيد انا انهارده مش فاهمك ابدا واتنهد وقال...بقولك ايه متتدخلش في حياتي تاني يا نادر احسنلك وملكش دعوه بيا لاني على اخري منكم والله اخلص عليك واخد فيك اعدام وما يهمني
سراج لسه هيمشي نادر قال ..طب ما انت قتلت طارق مش كده نبقى خالصين
سراج اتنهد وقال في نفسو يا ريتني كنت قتلتو يا رتنا خالصين كنت ارتحت وبص لنادر وقال...لا مش خالصين ..هنبقى خالصين لما اققتلك انت يا نادر
نادر بصلو وقال بحزن..لدرجادي بتكرهني
سراج قال بغل ...تؤ .. لا بس عارف انت ابه بالنسبه لسالم انا عارف انك رجليه الي مسنود عليها لحد دلوقتي انا عارف بيحبك قد ايه وهيزعل عليك قد ايه متأكد انو هيموت بحسرتو لو قتلتك ..فخاف على نفسك يا نادر ومتدخلش في حياتي تاني
سراج مشي بغضب رهيييب ونادر قعد على الكرسي بحزن وألم قال...مستحيل مستحيل تتقبلنا او تحبنا بعد الي حصلك ده انا بضحك على نفسي مفيش فايده ابدا
نادر هدي شويه وطلع عند فتون مبيحسش ان الدنيا سهله غير وهو معاها اول ما دخل فتون قامت بسرعه وقالت ها انزل ..انزل اشوفو
نادر اتنهد وقال مشي
فتون بصتلو وقالت بعصييه..ايه مشي مش قولتلي هتتكلم معاه وتخليني اشوفو
نادر بقى يقلع هدومو بلامبالاه وقال بحزن...مرضيش يستنى هوديكي بكره تشوفيه نامي وسبيني دلوقتي
فتون استغربت نبرة الحزن الي في صوتو قربت منو وقالت مالك يا نادر ..هو سراج دايقك في حاجه
اول ما قالت كده نادر بصلها بدموع وحضنها جامد وقال..انا تعبان يا فتون تعبان قوي خليكي جمبي ارجوكي
فتون غمضت عنيها بحزن وقالت..انا جمبك يا نادر انا ديما جمبك وقعدو على السرير وهو لسه في حضنها فضلت تهديه وتطبطب عليه لحد ما نام
في صباح يوم جديد الكل كانو بيفطرو سوا وكلهم حاسين بصداع علشان المنوم الي أخدوه
سالم قال..هو انا ليه مش فاكر نمنا ازاي امبارح ولا ازاي دخلت اوضتى ولا حاجه كل الي فاكره اننا كنا بنتعشى وشربنا عصير وبس
علا قالت...وانا وخالد نفس الحكايه
اما نهى تقريبا فهمت ان فتون علشان تهرب مع عدي حطت لهم منوم بس كانت متغاظه ان نادر مش متعصب عليها ولا طلقها ولا فيه اي حاجه جديده
فتون كانت مرتبكه من كلامهم ونادر حب يداري على الموضوع وقال..سيبك من النوم دلوقتي عارف ان الخبر بتاع الشركه الألمانيه طلع حقيقي
سالم قال..ايه يا خبر دي مصيبه
خالد قال...ليه يعني احنا في شغلنا وهما في شغلهم مالنا ومالهم
نادر بصلو وقال..مالنا ازاي بس يا خالد دول داخلين بتقل رهيب وناويين يا خدو كل صفقات العربيات لسنه دي يعني تقريبا نص السوق متعاقد معاهم علشان كده انا قررت ندخل المنقصات ونحاول نضم اكبر الشريكات لينا وبالفعل ضميت اتنين وفاضله شركه واحده لانها هتغلبنا شويه
سالم قال بفخر..برافو عليك هو ده الشغل لازم نكون قوه زيهم كمل.. بس شركه مين الي هتغلبنامفيش شركه دلوقتي ترفض تتعاقد معانا احنا اعلى نسبه في السوق
نادر ابتسم وقال..معاك حق بس الشركه دي بقى اهم من اي شركه وتعتبر زي شركتنا واكتر
سالم قال...شركة مين دي وانا اكلمهم
نادر ضحك وقال..لا بلاش انت علشان عمرهم ما هيوافقو
سالم بلع ريقه وابتدى الشك يدخل قلبو وقال بغضب...تقصد مين
نادر ابتسم وقال وهو بياكل بلا مبالاه..الي جيه في بالك بالظبط... شركة الطحاوي
بقلمي...زهرة الربيع
الكل برقو بزهول شديد وفتون شرقت وبقت تكح ونادر اداها ميه وهو بيقول..ببرود..سلامتك يا قلبي
نهى قالت ..انا عارفه اني ميحقليش ادخل بس ده قرار مش في محلو ابدا يا نادر
نادر بصلها وابتسم وقال...لا ادخلي براحتك ما انتي يا ما ادخلتي ..بس عارفه كويس انك هنا المناقصه هتم في مارينا والجو هناك جنان هاخدك معايا تاخدي خبره علشان شغلك وبالمره اعرفك على سراج الطحاوي شركنا الجديد وقال بنبره غريبه..هيعجبك قوي
نهى اتوترت جدا وخافت يكون كشف الي بنها وبين سراج بس هدت نفسها لانها فاكره ان محدش يعرف حاجه عن علاقتها بسراج ولا حتى فتون متعرفش انها شافتهم قبل كده
سالم قال بغضب..انت مش هتعمل الي في دماغك ده الا شركة فؤاد احنا مش هنشارك فؤاد لو انطبقت السما على الأرض
نادر بصلو وقال بغضب مكتوم..احنا مش هنتمم حاجه مع فؤاد احنا شغلنا هيبقى مع سراج.... سراج يا بابا اظن كفايه بقى كفايه..وادعي ان هو يوافق...ورما الفوطه من ايده وخرج بسرعه وهو في قمة غضبو
عند سراج طلع من النجمه وفضل مستنى تقى تحت بيتهم لحد ما اخيرا نزلت اول ما شافتو اتقدمت عليه بغضب وقالت...عيزاك كويس انك جيت
سراج ابتسم وقال بوقاحه..انا عايزك اكتر وحشتيني
تقى قالت بغضب اكبر...بقولك انت مبهزرش عايزه نتكلم ونفض الي بنا اتفضل لو سمحت
سراج اتنهد وفتح باب عربيتو وقال..طب اطلعي ونقعد في اي مكان
بس تقى قالت بعصبيه...مش راكبه معاك.. هنا فيه كافيه قريب هنقعد عليه
سراج بص للمكان كده وقال...احم...هنقعد في المكان ده يعني
تقى اتنهدت بضيق وقالت بغضب مكتوم...معلش المكان مش قد المقام تعال على نفسك يا سراج بيه هما كلمتين ورد غطاهم
سراج بصلها وقال بمعاكسه..انا مستعد اقعد معاكي ولو في جهنم
تقى قالت بغيظ..امممم ..جهنم دي هتتشوي فيها لوحدك ان شاء الله يلا قدامي
سراج ضحك ومشي معاها وقعدو على كافيه وسراج لسه هيتكلم تقى قالت بحزم...ايه الي ممكن اعملو واتطلقني وتبعد عني وعن اهلي انا مستعده لاي حاجه
سراج اتنهد وقال بحزن..والله ما انا يا تقى مش انا الي خطفتها ولا حتى ابويا والله ده نادر ..نادر خطفها و
تقى ضحكت جامد وقالت...يالهوي على الخيالك الواسع.. بقى نادر خطف اختي علشان يخرجك من السجن.. نادر ده الي قتلت اخوه...الي من يومين بس كنا واقفين طابور نترجاه علشان ميخلصش عليك
سراج اتنهد وقال..انا عارف انك مش هتصدقيني بس ده الي حصل انا بقالي يومين مش فاهمو و
تقى قالت..يا اخي كفايه كدب حل عني انت مبتحسش مش طيقاك اعمل ايه يعني هو بالعافيه حس يا اخي
سراج حس بنار جواه من كلامها وقال بعصبيه..انا الي احس ده انا مسبتش حاجه معملتهاش معاكي اعمل ايه اكتر من كده.. ليله ما هديتي احلامي فوق دماغي كنت انا بخطط لحياتي معاكي وشكلها الي طول عمري احلم بيه وانتي كنتي بتخططي ترميني في السجن وتقوليلي احساس الي ذيك ميعرفش الكلمه دي اصلا يا تقي
تقى بصتلو بغضب اكبر وقالت..تمام اول مره احس اني عملت حاجه صح انا هدتلك احلامك وحياتك الي كنت بترسم لها مش كده ولما انت قتلت جوزي ليله فرحي ودمرت حياتي الي رسمتها وانا طايره من السعاده ووقعتني لسابع ارض وشفت الموت بعيوني وراح انسان كل ذمبو انو حبني ده كان ايه يا ابو احساس
سراج اتنهد بحزن وقال بدموع...با تقى في حجات كتيره متعرفيهاش انا الناس دول مقدرش اتعامل معاهم غير كده مش بايدي حظك انك اتجوزتي الزفت ده بذات حظك كمان انك ركبتي عربيه نادر انا ..انا عمري ما أذيكي ولا افكر ده انا افديكي بروحي
تقى قالت بغضب رهيب وصوت عالي..تمام وانا اعتبرت ان كل كلامك صح وعلشان كده هكون صريحه معاك انا عمري ما حبيتك وعمري ما هحبك متضيعش عمرك اونطه ولو لسه فيك سنة رجوله طلقني وابعد عني
سراج اتنرفز ولسه هيرد فيه شباب قاعدين وراهم واحد منهم قال...الرجوله كلها هنا بس انت جرب يا قمر
الباقي بقو يضحكو وتقى بلعت ريقها بخوف لما شافت نظرات سراج الي كانت متطمنش ابدا واتقدم عليهم بغضب مرعب
تقى جريت وراه وهيه بتقول..سراج استني يا سراج بس مكانش شايف ولا سامع وقف قدام الشاب الي اتكلم وبصلو بغضب رهيب وقال...يا حياتي عليك قوم وريني نفسك كده
الشاب وقف وبصلو بغضب وقال...عايز ايه يا جدع انت على الصبح يلا خد المزه الي معاك ومشي مش فايقلك
سراج ابتسم بطريقه تخوف ووووو