رواية لعنة حمايا الفصل السادس6بقلم عادل الصعيدي
وانا واقفه قدام رمزي اخويه كنت متوقعه يرحب بيا ويقولي اتفضلي ادخلي دي بيتك
لكن اول ما بص عليا وسكت عرفت من نظراته ان في حاجه جواه عايز يقولي
بصيت عليه وقولتله
.. اي يا رمزي هفضل واقفه بره كدا
بص بصه غريبه وقلي
.. وبعد اللي عملتيه عايزاني اقولك اتفضلي مش كفايه فضيحتك علي كل لسان
انا مش عايز أشوف وشك
بصتله بضيق
.. فضيحة اي يا رمزي فضيحة ايه .
.قلي . وبسالي كمان فضيحتك انتي وحماكي
والا عايزاني افرجك علي الفيديوا انتي اختي ولا اعرفك
وأمشي من هنا
وقفل الباب في وشي
اللحظه دي حسيت بدوخه ودوران وجسمي تقل ومش عارفه ايه بيحصلي
ووقعت علي الارض واغمي عليا ..
صحيت بعد وقت لقيت نفسي قاعده علي سرير ومفيش حد معايا .
طلعت بره الاوضه لقيت نفسي في بيت قديم ومفيش غير واحده ست كبيره بالسن قاعده معايا
ولما سالتها انا مين جابني هنا
ردت وقالت
.. انا يا بنتي معرفش حاجه ومش عايزه اعرف اي حاجه
انا عايزه أعيش اليومين اللي فاضلين ليا بالدنيا بدون مشاكل وفضايح..
وسكتت شويه وكان قدامها اكل بصت عليا وقالت
.. تعالي كولي لقمه معايا تلاقيكي علي لحم بطنك
قلتلها ..
لا متشكره اكلت
طلعت بره لقيت البيت وسط زرع كتير ومفيش بيوت جمبه غير كلها اراضي زراعيه
وكأنه مكان مقطوع ..
كل اللي عايزه اعرفه انا مين جابني هنا وكمان بنتي كانت معايا راحت فين !!!
دخلت اوضتي ومش عارفه اعمل ايه ولا عارفه افكر من المصايب الا نازاله علي راسي دي
وانا بكلم نفسي سمعت صوت راجل بره
طلعت اجري لبره لقيت واحد لابس جلابيه وحاطط شال علي كتفه وشكله فلاح
بس اول مره اعرفه واشوف
بصيت عليه وقلت
ممكن تقولي انا مين جابني هنا لوسمحت
بصلي وضحك بارده
.. وأنا اعرف منين انا جاي هنا لست الكبيره دي بساعدها واجيبلها واكل ومعرفش حاجه عنها
انا الأرض بتاعتي وراكم ولما شفتها قاعده لوحدها بقيت من فتره لثانيه اساعدها واشوف طلباتها..
فرحت انا وقلت أكيد هيساعدني واقدر امشي معاه
طيب..
ممكن تساعدني وتخرجني من هنا ..
بص وقلي.
مقدرش اعمل حاجه زي دي وخصوصا لو حد شافني من اهل البلد معاكي هتفضح
قلتله .. حرام عليك انا غريبه مش من هنا وعايزه اعرف الطريق فين وهمشي
وقبل ما اخلص كلامي لقيت حمايا
داخل عليا وبيقول ...