نادر برق بشده وقال بغضب شديد...انا جاي حالا وقفل معاه وقال بتوتر..قوم معايا يا خالد بسرعه
خالد استغرب منظره ولسه هيخرج معاه من غير ما يسأل سالم قال بقلق..استني يا نادر ..هو ايه الي بيحصل مش تفهمني
نادر قال وهو بيجري بره القصر...بعدين با بابا ..بعدين
سالم اتوتر جدا وخاف عليه وقال...سترك يا رب
عند سراج كان قاعد بفرحه شديده وقال...شوفت يبقى يقابلني لو لحق حاجه
فؤاد قال بغضب...مش كفايه ...مش كفايه ابدا
سراج بصلو واتنهد وقال..هما اه غلطو معانا كتير بس احنا علمنا عليهم اكتر اول مره بشلل سالم وبعدها موت ابنو ودلوقتي خسارتهم دي مش هينه ابدا
فؤاد قام بغضب شديد ولسه هيرد دخل راجل في سن الأربعين يشبه سراج وفيه ملامح منو ده بقى حسن الطحاوي ابن عم فؤاد وخال سراج وقال بغضب اعمي...صحيح الي سمعتو ده يا فؤاد
بقلمي...زهرة الربيع
فؤاد اتنهد بضيق وقال...اققعد يا حسن هفهمك الي حصل
حسن قال بغضب ..مش قاعد ومش عايز افهم حاجه انا بسألك سؤال محدد... الي سمعتو صحيح يا فؤاد.انت فعلا جوزت بنتك لابن النوري
فؤاد اتنهد بضيق وسراج شاف التعب على ملامحو قال بهدوؤ..اهدي بس يا خالي انا هفهمك الي حصل
حسن بصلهم بكره وقال..لا خلاص انا فهمت ..فهمت اني مليش ابن عم بعد كده ..ومشي بسرعه وغضب
سراج جري وراه ومسك ايده وقال..استنى بس يا خالي .والله فيه سؤ تفاهم احنا مكناش موافقين و
حسن قال بهدوء..اسمع يا سراج انت متعرفش سالم النوري عمل معانا ايه انا لو اطول احرقو عايش مش هتأخر وابوك اكتر واحد اتأذى منو و الي عملو ده ملوش غير تفسير واحد انو نسي كل حاجه وهيعيش لنفسه وبس.. ومشي وسابو واقف بحزن شديد
عند نادر كان طلع هو وخالد على المخزن بتاعهم بس للاسف كانت النار اكلت كل البضاعه والمطافي بتحاول تسيطر على الحريق خالد اتفزع من منظر النار الهايله وقال...يا انهار اسود ده المخزن كلو راح
نادر بص للنار وقال بغضب...ايوه المخزن راح وابن الطحاوي هيحصلو
خالد قال بقلق..ليه ..هو..هو سراج الي عملها ..معقوله
نادر قال بغضب...ومين غيره .. ميبقاش اسمي نادر النوري ان ما ربيتو الكل*ب ابن الكل*ب انا ماشي كمل انت مع الشرطه وقول اننا مش شاكين في حد
خالد قال..مش شاكين ازاي مش بتقول سراج الي عملها احنا لازم....
بس قاطعو نادر وقال وهو بيركب عربيتو..اسمع الكلام يا خالد وطلع بالعربيه
خالد جري بقى ينادي عليه ويحاول يوقفو بس من غير فايده طلع زي الاعصار
عند سراج دخل لابوه وقال بحزن...مشي مرضيش حتى يسمع
فؤاد قال بتعب...معلش بكره يهدي ..الموضوع مش سهل عليه
سراج قال بحزن..عارف..ولا سهل عليك ولا عليا لو استني كنا فهمناه
فؤاد اتنهد بضيق وقال... انا هطلع انام تعبت قوي
سراج قال ..اه طبعا انت لازمك راحه ..وطلعو اوضتو ونيمو على السرير
فؤاد بصلو وبص لملامحو وقال...هو انت بتحبني يا سراج
سراج استغرب اوي اول مره يسألو السؤال ده قال بابتسامه...طبعا بحبك انت ابويا مهما عملت هتفضل في قلبي وفوق راسي وباس ايده
فؤاد نزلت دموعو وقال...شكرا يا ابني ..انا...
بس قاطعو صوت نادر بيزعق مع الحراس وبيقول..ابعد انت وهو ..يا سراج ..سراج .انزل يا جبان
سراج ابتسم وقال..وصل اهو
فؤاد قال بضيق..بص انا هنام بس زي ما قولتلك من غير مشاكل وصلو رساله مش اكتر
سراج قال..اطمن ريح انت
ونزل لنادر وقال للحرس... سبوه
نادر دخل واتقدم على سراج بغضب ومسكو من قميصه بشراسه وقال..المخزن الي حرقتو ده بتمنك وتمن عيلتك يا واط*ي
سراج نفض ايده بعنف وقال...تمن مين يا ابو تمن صحصح وشوف بتتكلم مع مين يا ابن النوري
نادر قال بغضب اكبر..انت فاكر انك كده هتخوفني ومش هقرب من اختك تاني مش كده.. بس احب اقولك ان الي انت حرقتو ده ميجيش نقطه في بحر الي عندي وانا دراعي مبيتلويش وبعد الي انت عملتو برضو مش هسيبها في حالها بالعكس هحسرك عليها واندمك على الساعه الي لعبت فيها معايا
سراج ضحك باستهزاء وبصلو بغل وقال...ابقى اعمل كده وشوف ضربتي الجايه شكلها ازاي يانادر وخد بالك الدراع الي ميتلويش يتكسر يا شاطر انا بكلمك لمصلحتك خايف نهايتك تبقى زي نهاية اخوك
بقلمي..زهرة الربيع
نادر اتحولت ملاحو لغضب مهلك وضر*بو بوكس قوي وقعو على الارض وقال بغضب...اخويا هجيب حقو من عنيك يا سراج كل دقيقه وكل ثانيه هجيب حقو وحق مراتو ..وكمل باستفزاز شديد وقال..مرااتو ..تقى فاكرها الي رفضتك ومرضيتش تبصلك وحبت طارق واتجوزتو وكانت بتموت فيه يااااا ه على الحب الي كان بنهم
سراج اتعصب وكان نفسو يضر*بو بس غمض عنيه وحاول يهدى وقال...تقى فعلا اتجوزت اخوك بس متقدره ليه انا..بدليل انها قبل ما اخوك يلمسها اتكل هو وهيه يعني..الرساله واضحه ..تقى يا اما ليه يا اما للموت
نادر بصلو بسخريه وقال...المهم ان قلبها وروحها معاه بتحبو بتعشقو وماتو في حضن بعض خليك انت موت بقهرك.. اخويا خد حببتك وانا اخدت اختك ..سلامات يا ابن الطحاوي
نادر خرج وسابو في قمة غضبو بقى هيتجنن كل الي بيجي في دماغو جملة... قلبها معاه بتحبو بتعشقو...الجمله بقت تتكر في دماغو حس بدمو بيغلي حرفيا خد عربيتو وطلع على بيت المزرعه
نادر رجع القصر وهو متنرفز وهيموت من الغضب لقا خالد وابوه مستنينو بتوتر شديد ..سالم قال بغضب..كنت فين موتنا من الخوف عليك
نادر اتنهد بضيق وقال انا اسف يا بابا كان عندي مشوار و
سالم قال بغضب..مشوار..انت بتخبي عني ما انا فهمت انك روحت لسراج اوعى تكون عملتلو حاجه انا مش ناقص
نادر قال بغضب..ومعملوش ليه انا اصلا ساكت على مصايبو بسببك كان المفروض اصفي دمو من زمان ومستحملش كل الاعيبو دي
سالم اتنهد وقال..تاتي يا نادر تاني وقال بهدوء..يا ابني اهدى على نفسك علشان تقدر تواجه شايف هما بيلعبو براحه وبهدوء ازاي مكانش فيه داعي تروحلو و
نادر قال بغضب..مفيش داعي اروحلو البضاعه كلها راحت انا خسرت٣٠ مليون دولار هو انا خسرت عشره جنيه بص يا بابا انا مش قادر استحمل استفزاز اكتر من كده بقى انا تعبت ..الباشا بيهددني طب مبقاش انا لو ما طلعت عليه القديم والجديد
سالم قال..خلاص اهدى انا هتصرف روح ريح انت والمعوض حي وبعدين دي يا دوب جوله الي كسبوها الشاطر الي يكسب الحرب كامله
نادر اتنهد وقال ..انا حاسس اني مصدع ودايخ هروح انام ..بس بص لخالد وخد بالة انه متوتر وعايز يقول حاجه وخايف قال..ايه
خالد قال ..هو ايه الي ايه
نادر قال...ايه الي واقف في زورك قول الي معاك باين انك عايز تتكلم فخلصني وقول
خالد قال بخوف..الصراحه اه....فتون...فتون ملهاش دعوه يا نادر بلاش تأذيها تاني ارجوك
نادر اتنرفز وحس بغضب غريب لما قال كده وقف وقال بعصبيه..يوووووه...فتون...فتون..فتون..ايه مفيش في بالك غير فتون ميت مره قولتلك دي مراتي ..مراتي اعمل الي انا عايزه فيها شيلها من دماغك بقى
نادر قال كده وطلع زي الاعصار وبعد ما هيطلع اوضتو دخل اوضة فتون
خالد اتنهد بضيق وفضل ساكت بحزن سالم بصلو وقال.. يا ابني هترحم نفسك امتى كام مره قولتلك البنت دي مش هتجبلك غير الهم يا ابني اديك شايف اهلها بيعملو فينا ايه انساها بقى
خالد قال بحزن ودموع ..مش قادر يا عمي ...مش قادر
سالم اتنهد بحزن وقال ..هتقدر..لو تسمع مني هتقدر خلينا نعجل جوازك من علا هنخلي كتب الكتاب الخميس الي جاي ايه رايك
خالد اتنهد بحزن شديد وقال..بس..بس علا مش موافقه اصلا وانا كمان حاسس اني بغلط و
بس قاطعو سالم وقال انا عمري قولتلك على حاجه اونصحتك بحاجه وطلعت غلط
خالد قال...لا يا عمي..ابدا
سالم قال..يبقى تسمع مني وبالنسبه لعلا ملكش دعوه انا هكلمها يلا اطلع ارتاح انت
عند سراج وصل عند تقى وهو في قمة غضبو اول ما وصل بقى يقرب منها وهو مش شايف قدامو من الغضب
تقى بلعت ريقها برعب وقالت..عايز..عايز ايه
سراج بصلها بغضب شديد وقرب منها جامد وقال...بتحبيه
تقى قالت بتوتر...مين..تق..تقصد مين
سراج مسكها من دراعها بقوه وقال...هما كام واحد يا روح امك اقصد حبيب القلب سي زفت بتاعك
تقى كانت بتتألم من مسكتو بس قالت بحده..اتكلم كويس ده بني اادم ميت وايوه يا سراج بحبو وبعشقو كمان ومتحلمش تاخد مكانو
سراج وصل لقمه غضبو وشدد على مسكتو وضربها قلم قوي وزقها على السرير وقال بفحيح...حبيه يا تقى حبيه براحتك اديني قتلتو وهقتل اي حد يطمع فيكي انتي بتاعتي بتاعتي انا وبس وهجم عليها بعن*ف شديد ووووو
نادر بقى دخل لفتون وهو هيموت من الغضب وقال بعصبيه شديده..قومي ..قومي يا هانم وليكي نفس تنامي كمان
فتون قامت مخضوضه وقالت برعب فيه ايه ...انا عملت ايه
نادر قال بعصبيه..انتي معملتيش بس اخوكي الحيوان عمل بس هيدفع التمن غالي ..غالي قوي.
فتون قالت باستغراب... فيه ايه الي حصل لكل ده
نادر قال باستهزاء..لا مفيش كام مليون كده خسرتهم بسببو بس هو لسه جديد في العبه دي وانا مجهزلو حاجه كده من العيار التقيل وهتعجبو
فتون قالت بخوف...ليه هتعمل فيه ايه ..اسمع يا نادر اياك تقربلو انت فاهم
نادر ضحك بسخريه وقال..ولو قربتلو هتعملي ايه ..بس متقلقيش انا مش هقتلو انا هأذيه في شغلو ذي ما اذاني في شغلي وبما ان الشغل بيفرق معاه قوي وهو السبب في عداوتو معانا من الاول يبقى العقاب فيه هيوجعو
فتون قالت باستغراب ..شغل ايه الي السبب في عداوتنا انت بتخرف بتقول ايه
نادر قال بغضب...هو ابوكي مقلكيش ان هو وبابا كانو شركا ...بس اااه تلاقيه مقدرش يقولك انو لمجرد انو اختلف مع ابويا في شوية شغل قام مأجرلو ناس و خلاهم عجزوه وخلوه على كرسي بعجل واخوكي مشي على نفس خطاه وقتل اخويا بدم بارد كلو بسبب الطمع بتاعهم
فتون بصتلو باستغراب شديد وقالت ... طمع...وشغل .هو انت..انت حقيقي فاكر ان ده سبب مشكلة اهلي مع اهلك وضحكت اوي وقالت ابويا وسراج بيكرهو ابوك علشان الشغل هههههه والله انت موتني ضحك وبقت تضحك اوي
نادر بصلها باستفهام واستغرب طريقتها جدا وقال..طبعا ده السبب ابويا قالي كده
فتون بطلت ضحك وبصتلو بغضب وقالت..وهو اي حاجه ابوك يقلها تبقى صح ..وكملت بسخريه وقالت...بقى كوووول العداوه دي علشان شغل ..الشغل وبس يا ذكي
نادر بصلها باستغراب شديد ومسكها من دراعها بقوه وقال... انتي بتقولي ايه..انا مش فاهم حاجه اتكلمي من غير الغاز ..انا ابويا وابوكي مكانش فيه بينهم غير الشغل اصلا فبلاش تحوري عليا
فتون قالت بسخريه..لا كان فيه ..كان فيه بينهم واحده ست ...
نادر قال بدهشه..ست ..
فتون قالت ...ايوه ست والدة سراج الي ابوك قتلها وحرم ابنها منهاووووووو
الفصل العاشر
10_فتون قالت ...ايوه ست... والدة سراج الي ابوك قتلها وحرم ابنها منها اكيد طبعا متعرفش وهو معقوله يقولك انو قتال قتله
نادر برق بشده وقال بصدمه حقيقيه.انتي..انتي بتلعبي بدماغي صح..الكلام ده مستحيل يكون حقيقه..انا..انا ابويا عمره ما يقتل ..مستحيل..لا...مستحيل انتي كدابه
فتون بصتلو وقالت..لا يا نادر انا مش كدابه ابوك نفسو ميقدرش ينكر الحقيقه دي..وسراج صحيح اخويا من ابويا بس لاكن انا اعرفو اكتر من نفسي سراج موجوع اوي بسببكم مامتو ماتت على ايد ابوك ومحدش بلغ ولا خد حقها حتى وسراج عارف كل ده وعايش بحسره وبابا كمان زعلان على مراتو الي ابوك قتلها لانها مكانتش بس مراتو لا كانت بنت عمو كمان
نادر حس باحساس غريب بقت دماغو تدور بيه معقوله كلامها صح ممكن يكون ده الموضوع الي ابوه بيتجنب يحكي فيه..بس هو عارف ومتأكد ان ابوه مستحيل يقتل بقى مش عارف يرد مش عارف يفكر اصلا اتنهد وقال..عندك دليل على الي بتقوليه ده ولا ده مجرد كلام من ابوكي بيحرضكم بيه علينا
فتون قالت بسخريه...هه يحرضنا عليكم طب فكر بعقلك يا نادر معقوله كل الكره والغل ده سببو مشاكل شغل..ده بباك وبابا كانو اعز اصحاب واسأل ابوك على الكلام ده ..ازاي يعني بتفكر ان لمجرد مشاكل في الشغل بابا يكرهكم للدرجادي و سراج يقتل عادي كده
نادر قال بعصبيه...سراج عمل كده علشان طمعان في تقى ولا انسيتي انها رفضتو و
بس فتون قاطعتو وقالت لا منستش يا نادر منستش بس انت الي نسيت ان العربيه المقصوده كانت عربيتك وان اخوك وتقى ركبو بالصدفه اصلا سراج بيعشق تقى مستحيل يقتلها هو كان عايز يقتلك انت علشان ينتقم لامه من ابوك مش اكتر
نادر قعد على الكرسي وحاسس بالف احساس لو كان كلامها صح يعني ابوه كدب عليه وفعلا هما الي غلطو معاهم من الاول بصلها وقال...طب لو افترضنا ان كلامك صح.... بابا قتلها ليه ايه السبب الي خلاه يقتلها
فتون قعدت على السرير بحزن وقالت..انا معرفش غير كده حسن اخوها بيقول انو طمع فيها وكان عايز يتجوزها ولما رفضت واتجوزت بابا قتلها بس بابا لما نحاول نعرف منو بيتنرفز جدا ومش بيتكلم في الموضوع ابدا
نادر اول ما سمع كده قام بسرعه وغضب وطلع علشان يتكلم مع ابوه بس لقاه نام اتنهد بضيق شديد وطلع هو كمان ينام بس قضي اليل كلو يفكر بكلام فتون ويتمنى يكون كدب
عند سراج قام من جمب تقى زي العاده ودخل يستحمى وسابها شبه جثه هامده جسد بدون روح
تقى قامت بالعافيه من وجع جسمها واترمت على السرير ودموعها بتنزل بصمت
سراج اول ما طلع وبصلها عيونه لمعت بالدموع وقرب منها وقال...تقى ...تقى انا اسف ..انا
بقلمي...زهرة الربيع
تقى بصتلو وعيونها حمره جدا من كتر البكا وقالت بدموع...انت ايه..انت ايه يا اخي.. .انت حيوان مبتحسش... مبتفهمش ..وانا..انا مش قادره استحمل مش قادره مش طايقاك مش طايقه تلمسني انا..انا مبقتش قادره اعيش مش قادره بقى مش قادره وبقت تبكي بانهيار شديد
سراج نزلت دموعه بالم شديد قرب منها وقال..اهدي ..يا تقي انا اسف مكنتش اقصد..خلاص متزعليش انا ..انا اوعدك مش هقربلك تاني الا لو انتي حبيتي و
تقي بصتلو بدهشه وقالت وسط دموعها..لو ايه..لو حبيت ههه هههه حبيت اه...انت بجد تعبان يا سراج انت خلاص اتجننت ....والله اتجننت .وكملت بغضب وزعيق وقالت ..انا لو حبيت الموت مش هحب انك تلمسني ده ممكن يحصل في احلامك بس ..فاهم
سراج بلع ريقه بوجع وقال...طب انتي اديني فرصه يا تقى و
بس تقى حطت اديها على ودانها وقالت بانهيار...مش عايزه اسمعك..مش عايزه اسمع صوتك ..بكرهك انا بكرهك ..امشي..امشي بقى مش قادره اشوفك
سراج نزلت دموعو وحس بنار جواه ومشي بسرعه وهو مش قادر يستحمل وجع قلبو ولا قادر يستحمل الكره الي في عنيها
تقى اول ما مشي بقت تبكي بقوه تبكي بالم ووجع وجيه في بالها اول لحظه دق فيها القلب وفتح بابو للعشق
فلاش باك
تقى دخلت المستشفي بخوف وقلق شديد وهيه بتجري شافت راجل عجوز وقفت قصادو وقالت..ايه الي حصل يا عم عبده..مالها مريم
عبده بصلها وابتسم وقال..اهدي يا بنتي محصلش حاجه..هيه وبتعدي الشارع في عربيه كانت هتخبطها بس ربنا بعت لها واحد ابن حلال انقذها وكان هيموت هو.. الدنيا لسه بخير
تقى قالت... طب هيه كويسه جرالها حاجه عايزه اشوفها
عبده قال..هيه زي القرد فوق في الدور التاني هيه والشاب الي انقذها ربنا يباركلو مرضيش يمشي واتكلف بكل التكاليف هتلاقيه فوق هو كمان
تقى طلعت جري وسألت على اوضة مريم ولقت شاب في وسيم جدا قاعد قدام الاوضه ده طارق النوري اخو نادر
تقى قالت.. حضرتك الي جبت مريم... انا اختها
طارق وقف وبقى يبصلها باعجاب واضح واتسحر من نظرة عنيها وفضل يبصلها فتره
تقى كمان كأن فيه حاجه غريبه بتشدها ليه فضلت مركذه فيه شويه بس حمحمت بخجل وقالت..حضرتك سامعني
طارق فاق من سرحانو فيها وقال..احم اه..انا..انا الي جبتها هو الي حصل ان
بس تقى قالت...عم عبده قلي على الي حصل وانا بشكرك بجد يا ..هو حضرتك اسمك ايه
طارق ابتسم ومد ايده وقال..طارق..طارق النوري
تقى بصتلو وابتسمت وسلمت عليه وقالت.انا تقى تشرفنا يا استاذ طارق عن اذنك هطمن على اختي وشكرا مره تانيه
طارق قال بسرعه..استني..انا..احم يعني ازاي ممكن اققابلك تاني
تقى ابتسمت بكسوف وقالت..وتقابلني ليه بقى
طارق قال بارتباك..امم..ااه..علشان..علشان اطمن على الانسه مريم يعني
تقى ضحكت ضحكه جميله جدا وقالت...سبها لظروفها يا استاذ طارق لو فيه نصيب هنتقابل تاني ودخلت عند اختها وهيه مبتسمه ومبسوطه جدا من لحظت ما شافتو وهيه قلبها بيدق بفرحه شديده
تقى اطمنت على اختها وطلعت وهيه وماشيه في الطرقه خبطت في شخص رفعت عينها بغضب وقالت..مش تفتح يا...
بس قطعت كلامها باستغراب وقالت بغضب..انت ..انت ايه الي جابك هنا يا سراج
سراج ابتسم بسعاده وقال..من حظي العسل يا عسل
تقى بصتلو بقرف وكانت هتمشي سراج وقف قدامها وقال استني طب مش شايفه دراعي مفيش سلامتك حتى
تقى بصت عليه لقتو مجبس دراعو قالت بضيق..مين الي تسلم ايده الي عمل فيك كده
سراج ضحك بقوه وقال..حظي الحلو الي عمل فيا كده علشان اقابل القمر
تقى بصتلو بضيق وقال ..اووووف بقى ابعد عن سكتي مش فضيالك
ولسه هتمشي سراج قال..طب طب استني انتي هنا بتعملي ايه حد تعبان ولا حاجه
تقى قالت بعصبيه..وانت مال اهلك انت اما حشري صحيح
سراج قال... براحه عليا ليه كده دانا طالب حلال يا تقى وافقي وانا هخليكي ملكه انتي عارفه انا عندي قد ايه كلو هيبقى ليكي و
تقى ضحكت وقالت..اسمع يا سراج ..مش انا الي تغريني فلوسك للمره المليون...بقولك مش موافقه خلي عندك دم ومش كل شويه اشوفك في وشي وسع كده ومشيت وسابتو
تقى فاقت من شرودها على تنهيده عاليه بتحاول تطلع فيها وجع قلبها قالت بدموع..وحشتني يا طارق..وحشتني قوي يا ريتك خدتني معاك
في صباح يوم جديد في قصر النوري كان نادر قاعد مع ابوه وبيبصلو بنظرات شك وكلام فتون بيدور في دماغو ومش عارف يسألو او لا
سالم بصلو باستغراب وقال...فيه حاجه يا نادر مالك زي ما تكون عايز تتكلم
نادر قال ..ايوه يا بابا انا فعلا عايز اسألك عن ...
بس قطع كلامو لما نزلت علا وقعدت معاهم على السفره وقالت بغصب وزعيق للخدم ...فين الفطار بتاعي انا مش بقول انزل الاقيه جاهز انتو مبتفهموش
في الوقت ده نزل خالد وقال بسخريه... مش عارف ليه يا عمي اولادك اي حاجه تدايقهم يزعقو للخدم حاجه غريبه ووقف جمب سالم وباس ايده وقال...صباح الخير
سالم ابتسم وقال... صباحك جميل زيك يا ابني
علا كانت متغاظه ومردتش فضلت تفطر من غير ما تكلم حد
سالم قال .ايه يا علا مشوفتنيش انا واخوكي ولا ايه حتى صباح الخير مقولتيهاش
علا بصتلو وقالت بضيق..علشان زعلانه منكم يا بابا
نادر ضحك وسالم قال بابتسامه..ليه يا قلب بابا حد يزعل من حبيبو برضو ده كلو الا زعلك هو انا امتى زعلتك قبل كده
علا قالت ...امبارح..امبارح زعلتني ..بس خلاص معنى كلامكو انك شلت الفكره البايخه الي قلتها امبارح من دماغك مش كده
سالم اتنهد وقال..هو مش بالظبط يعني ..بس..
علا قاطعتو وقالت بانفعال ..بس ايه تاني يعني اسبلكم البيت علشان ترتاحو
نادر قال بزعيق ...علا انتي اتهبلتي كلمي بباكي كويس
علا قالت بعصبيه شديده..انا الي عندي قلتو مستحيل اتجوز خالد اما مش مجنونه علشان اتجوز انسان تافهه زي ده
خالد وقف واتقدم عليها بغضب مرعب وضربها قلم قوي جدا وقال بعصبيه ..التافهه ده مش طايقك اصلا ولا داخله دماغو بس هتجوزك يا علا علشان اوريكي النجوم في عز الضهر واربيكي الربايه الي انتي ماسمعتيش عنها يا بنت عمي
بقلمي...زهرة الربيع
علا بقت تبكي جامد وقالت بتحدي وزعيق...لو اخر واحد في الدنيا يا خالد انسى
خالد اتنرفز ومسكها من شعرها بغضب وقال ..بكره نشوف هيحصل ولا..لا
سالم حاول يوقفو وقال ..مش كده يا خالد يا بني اهدى و...بس نادر حط ايده على كتفو بمعنى ميدخلش وقال..بهمس...سيبو
سالم اتنهد بحزن وسكت ..بس خالد بصلو بغضب وقال..عمي هنكتب الكتاب يوم الخميس زي ما حضرتك عايز بس مش هيكون كتب كتاب بس وبصلها بنظره ترعب وقال... هيكون كتب كتاب ودخله وقال بسخريه..اجهزي يا عروسه
وليه هيمشي شاف فتون طالعه من اوضتها بصلها شويه وعيونه اتملت دموع وطلع بره القصر كلو بغضب شديد
علا كانت بتبكي وقالت بزعيق..انتو سايبين الحيوان ده يضربني عادي كده و
هنا نادر قال بزعيق...علا..اتكلمي كويس على ابن عمك وبلاش جنان
علا لسه هتتكلم فتون جريت عليها بالعافيه لانها بتعرج ورجلها لسه مفتوحه
فتون وقفت قدام علا وقالت بزعيق....كفايه بقى محدش له دعوه بيها وبصت لعلا وقالت بحزن... تعالي معايا يا علا واخدتها ودخلت بيها اوضتها
نادر اتنهد بغضب شديد وحس دماغو هتنفجر وسالم اتنهد بحزن ومسك كباية ميه يشرب
نادر بص لابوه بشك وقال باستفهام..بابا انت تعرف مرات فؤاد الاولى والدة سراج
سالم وقعت الكبايه من ايده واتسعت عنيه من شدة الصدمه وقال بتهته..م..مين..قولت مين