سراج حط سلاحو في دماغ ادهم وقال بغضب مهلك...اتصل بأبوك حالا
ادهم بصلو بخوف واستغراب وقال..ابويا ..عايز منو ايه
سراج غمض عنيه وفتحهم وقال بطريقه ترعب ..انجز..واطلب ....ابوك..حالا
ادهم قال برعب...طيب..طيب ..حاضر اهدي ..هيجيب التليفون
ادهم جاب التليفون ورن لابوه واول ما رد قال بخوف..ايوه يا بابا..انت عملت ايه و
بس سراج شد منو التليفون وقال بطريقه تخوف...لو قربت من تقى او نادر هخلصلك عليه ..اظن وضحت
حسن بص لنادر بصدمه مش مصدق الي بيسمعه ..ازاي سراج عرف انو هو الي خاطفها قال بتوتر..انا ..انا مش فاهمك تقصد ايه
سراج قال بغضب....اغبى رد سمعتو في حياتي..بما اني بكلمك وبهددك يبقى اكيد كشفتك على حقيقتك فمفيش داعي نستعبط على بعض..
حسن اتنهد وقال ..تمام...هتكلم دغري مراتك هسبها..وده علشان خاطرك...اما نادر ..لا..انا هخلص عليه واخد حق اختي الي انت معرفتش ترجعو
سراج قال بغضب مرعب...اولا لو كان ليه خاطر عندك مكنتش عملت الي انت عملتو ده..ثانيا نادر هتسيبو ومش هتقربلو ولا هو ولا تقى ده لو عايز ابنك يفضل عايش ومتقلقش عليا حق امي انا الي هجيبو وعارف هجيبو من مين بالظبط
حسن بلع ريقه بخوف...كان فاكر ان نهى فاقت وقالتلو ان هو الي خطفهم بس كلامو بيقول انو عرف انو قتل امو كمان استغرب وخاف جدا وقال بتوتر...قصدك ايه
سراج قال بغضب...انا جايلك حالا وهقولك قصدي ايه..رجالتك الي بره مشيهم ومتعملش اي حركة غدر علشان انت الي هتخسر... ابنك تحت ايدي ولو حصل حاجه لمراتي اوابني واتنهد وكمل..او حتى اخويا ابنك هيروح معاهم
هنا حسن اتأكد انو عرف كل حاجه قال بهدوء...تمام انا مستنيك ..اكيد عارف العنوان
سراح قال..عارف ..شفت العنوان صوت وصور... ياخالي
هنا حسن بص لنادر وقفل مع سراج وقال..انت معاك ايه..ها معاك ايه فتشو كويس
وابتدو رجالتو يفتشو نادر ونادر كان مبسوط لانو كده اتأكد ان سراج الي كلمو
الرجاله قالو..مش معاه حاجه ابدا يا باشا
حسن قال بغضب..فتشو هدومو يمكن حطط حاجه فيهم و
بس قطع كلتمو وركذ بعيونه على الساعه الي في ايد نادر وقال..دي ساعة سراج مش كده
نادر ابتسم وقال..ايوه هيه...وكمل بسخريه..اخويا بقى وبنلبس مع بعض
حسن اتنرفز لانو عارف الساعه كويس وان فيها جهاز مراقبه مسكها منو وكسرها وفضل رايح جاي بعصبيه
سراج بعد ما قفل معاه قال لادهم اطلع قدامي من غير شوشره اي حركه هخلص عليك
ادهم قال بخوف..اجي فين هو فيه ايه ...وانت ازاي ترفع سلاحك عليا و
بس سراج زقو وقال بعصبيه..قولت يلا انت هترغي
ادهم قال بخوف..حاضر حاضر ومشي و سراج وراه وحاطط السلاح في جمبو علشان محدش ياخد بالو
خالد مشي وراه وقال بفرحه وحماس...صايع يلا ..والله دماغ متكلفه
سراج بصلو بحده وخالد سكت وقال.احم..مش هتكلم خلاص
سراج طلع هو وادهم ...وخالد اصر يروح معاه وطلعو هما التلاته على المكان الي نادر فيه
في الاوتيل كانت فتون في قمة الحزن من الي سراج قالو ومن الي عرفو كانت مش مستوعبه ابدا الي اتقال
وعلا كانت بتبكي ووقفت قدام ابوها وقالت بانهيار شديد..يعني ايه الي اسمعتو ..ها انا كنت فاكره انهم بيكدبو ..طب انت ليه مبتقولش انو كدب..سراج اخونا..اخونا الي كل الوقت ده بنتمنى موتو..اخونا الي جيه فرحي وطعن في شرفي قدام الناس ..طب مقولتش ليه...و..و امه..امه انت..انت غتص...يابابا ده انا حتى مش قادره انطقها..ليه يا بابا تعمل كده ليه
سالم كان بيبكي وبس وخايف على اولادو لتنين وبص لعلا بدموع وقال..سامحوني...انا اسف
علا قالت بدموع..اسف..اسف على ايه...وبصت لفؤاد ورجعت بصت لابوها وقالت..انتو ازاي جالكم قلب تشفونا بنجرح بعض ونأذي بعض وانتو ساكتين ازاي قدرتو ..حد يرد عليا
فتون مسكت علا وقالت..تعالي ارتاحي يا علا كفايه يا حببتي خلينا نطمن عليهم الاول
علا بقت تبكي جامد وفتون قعدتها وادتلها ميه وفضلو مستنين اي خبر عن نادر وسراج
سالم كانت دموعو على خدو وفؤاد مكانش حاسس غير بخوف شديد وبيدعي وخايف على سراج من قلبو ..بص لسالم بحقد وقال...منك لله بسببك معيشتوش يوم واحد حلو عمرو ما حس يعني ايه ابوه عاش حياتو يتعذب وهيموت وهو بيتعذب
سالم قال ببكا..حرام عليك انا مش ناقص متقولش كده كفايه كلكم تلموني كفايه مفيش حاجه حصلت بمذاجي حرام بقى
فتون قالت بدموع..كفايه يابابا ياجماعه كفايه الوقت ده هما اولي بدعاكم بلاش نجيب سيرة الماضي وخلينا نطمن عليهم الاول
عند سراج اول ما دخل الفيله خالو ..كان مستنه قال..اهلا بابن اختي الغالي ...حد برضو يرفع سلاح على ابن خالو كده
سراج بص لتقى ولمعت عيونه بالدموع كانت مربوطه والتعب باين عليها بصتلو وقالت بابتسامه ودموعها على خدها...سراج
خالد طلع سلاحو وحطو على دماغ ادهم وسراج راح لتقى وفكها وحط اديه على خدودها وقال...انتي..انتي كويس...انا اسف ..اسف..كلو بسببي..انا اسف
بقلمي... زهرة الربيع
تقى حضنتو بقوه وبقت تبكي وهو كمان بادلها الحضن بشده ودموعو نزلت بالم
نادر بصلهم وقال..احم..احم...انا مربوط كمان
سراج ساب تقى وراحلو وفضل مركذ فيه شويه وقال بسخريه...مفيناش اي شبهه من بعض..ولا حاجه واحده حتي
نادر ابتسم بحزن وقال..انا حاولت اني اوقف الساعه علشان متسمعش ومعرفتش
سراج فكو وابتسم بوجع وقال...كان المفروض اعرف..ومن زمان
سراج وقف قدام حسن وقال بسخريه...خالي الغالي..الي قت*ل امي وكان هيقت*ل مراتي وابني كمان اقدر اعرف..قت*لت اختك ليه
حسن ابتسم وقال ببرود...علشان حبت ابوك
سراج بصلو بغضب وقال...سالم ..مش ابويا..تمام...اياك اسمع الكلمه دي تاني
حسن قال باستفزاز ..دي الحقيقه..سواء اتقبلتها اورفضتها..سالم ابوك..وكمان اغتص*ب امك...وخلفك في الحرام..ولولا فؤاد كان زمان سمعتنا في الارض ويمكن كان زمانك اتربيت في ملجأ وسط ولاد الحرام الي زيك
نادر قال بغضب...اخرس..انت اتجننت..ابويا اصلا عرف بيه يوم ما انت قتلتها...ولولا انها وصتو يسيبو مع فؤاد علشان محدش يدايقو بكلمه..كان زمانو اتربي معانا في مكانو الصح وسط ولاد سالم النوري مش ولاد الحرام
حسن قال بغضب..لا ابن حرام ..ابوك اغتص*ب اختي وهيه على زمت راجل تاني ومش اي راجل ..صاحب عمره انت متخيل الحقا*ره ..ده فؤاد لو كان له اخ مكانش هيحبو قد ابوك الي خانو وخانا كلنا ودمر اختي وخلاني اتعهدت اقت*لها لولا ان فؤاد سفرها وخباها عني كنت قت*لتها قبل ما تعرف بحملها اصلا واول ما رجعو فضلت اراقبها لحد ما قابلت ابوك وسمعت كل كلامهم وعرفت انو هو الي عمل العمله السوده دي كنت هدخل اقت*لهم التنين بس فؤاد طب عليهم استنيتو يقت*لهم هو لاكن مقدرش واول ما ابوك طلع وراه دخلت قت*لتها ومشيت من وقتها وانا اخدت عهد على نفسي اخليه يتمنى الموت الف مره وابتديت بموت طارق ودلوقتي هقت*لك ومحدش هيمنعني
سراج رفع سلاحو وقال بس انا همنعك يا خالي...سالم اكيد غلط واكيد كل الي عملو مع امي والي انت كمان عملتو مش هنساه ابدا لاكن فيه حقيقه مره مش هقدر انساها مهما حاولت ان الي انت هتقت*لو ده اخويا ومش انا الي اسيب اخويا يموت قدامي
نادر ابتسم وحسن قال ...بس هنا الاختيار صعب قوي يا سراج وشد تقى عليه وحط السلاح في دماغها وقال...خلى ابن عمك يسيب ابني
سراج ارتبك على طول وخاف جدا وتقى كانت بترتعش وبتبصلو بدموع بصلها وقال..متخافيش هخرجك من هنا متخافيش
حسن قال بغضب..تقدر تخرجها من هنا ..خد مراتك وسيب ابني وامشي اما ابن سالم هيموت يعني هيموت وقال بصوت عالي..محروووووس
وفجأه المكان اتملا رجاله مسلحين وواحد منهم حط سلاحو في دماغ خالد وقال...سيبو..
خالد مرضيش ينزل سلاحو وقال...اي حركه هخلص عليه
حسن شد اجزاء السلاح بغضب وحطو تاني في دماغ تقى وقال..وانا كمان هخلص عليها
سراج اترعب وقال...نزل سلاحك يا خالد
بقلمي .....زهرة الربيع
خالد قال..بس
لاكن سراج زعق وقال..بقولك نزل سلاحك
خالد نزل سلاحو وادهم راح ناحية ابوه بخوف ورجالة حسن كانو مصوبين مسدساتهم على خالد وسراج ونادر
هنا نادر قال...طيب تمام...هو هيسمع كلامك..انا هفضل معاك وكمان لو هتقتلني تمام بس خليهم يخرجو سيب تقى وسراج وخالد وانا هفضل معاك موافق
سراج بصلو وقال..انت بتقول ايه مش همشي من غيرك
نادر لسه هيتكلم حسن ضحك وقال...لا يحلو ولا انت هتطلع ولا هو انا ابني بقى معايا يعني العرض خلص كووولكم هتموتو هنا وتبقى اصعب ضربه لسالم خليني اعد الضحايا اول ضحيه نادر باشا ابنه وسندو الي بيموت فيه...تاني ضحيه سراج بيه ابنو الي هيموت ويقربو ليه في يوم ..تالت ضحيه تقى الحلوه مرات ابنه والي حامل بحفيده واخيرا خلود ابن اخوه الي مربيه في ايه اكتر من كده يوجع انا متأكد اني هقرى النعي بتاعو بكره
نادر قال بغضب..يعني ايه انت قولت انك هتسيبهم و بس حسن شاور للرجالتو مسكوهم كلهم جامد ما عدا تقى
حسن صوب سلاحو عليها وقال..غلطت قوي لما رفعت سلاحك على ايني يا سراج ..كنت هتترحم من انك تشوف مراتك وابنك بيمو*تو قدامك
سراج حس بخط*ر شديد وبقى هيموت من الخوف نزلت دموعو وبقى يقول بهستريا ...ابوس ايدك يا خالي ارجوك..هعمل الي انت عايزه سبها..ابوس ايدك سبها...متعملش فيا كده ارجوك
حسن بصلو بمكر وقال..يعني هتعمل الي اقول عليه
سراج قال برعب..الي اتقول عليه اي حاجه..اي حاجه بس تسبها لو هتقت*لني انا
حسن شاور لرجالتو وقال سيبوه ....سراج ابتسم وهو خايف جدا وقال بلهفه ..اأمر الي اتقول عليه هنفذو
حسن قال بمكر ...اقت*ل اخوك..اقت*ل نادر قدامي حالا...ادولو سلاح يا رجاله وووووو
الفصل الثاني والثلاثون
حسن قال بمكر ...اقت*ل اخوك..اقت*ل نادر قدامي حالا...ادولو سلاح يا رجاله
سراج ونادر وحتى خالد بصولو بزهول وصدمه وسراج قال بتهته..انت..انت بتقول ايه..انت اكيد مش هتعمل معايا كده
حسن قال ببرود...والله لو عايز مراتك تفضل عايشه اقت*لو ...شوف انا هعد من واحد لعشره لو انت مضغطتش على الذناد وقت*لتو ..انا هضغض وهتخسر مراتك وابنك
سراج مسك المسدس وبص لنادر بدموع ورجع بص لخالو وقال...مش هقدر يا خالي..اطلب حاجه تانيه ارجوك..ده...ده اخويا
حسن قال بغضب...ده مش اخوك..مش اخوك..ده ابن الراجل الي اتسبب في موت والدتك الراجل الي سابك ورماك انت وامك ومسألش فيكم..اقت*لو لازم يموت ..دي هتكون اكبر اذيه لسالم لما ابنو يقت*ل اخوه مفيش اصعب من كده يلا موتو ..وهسيبك تخرج مع مراتك
نادر بصلو بدموع وقال...اسمع كلامو
سراج بصلو بزهول وقال..انت بتقول ايه.
نادر قال بحزن..فكر بالعقل يا سراج ..انت لازم تخرج ..لو انت مخرجتش من هنا ..مين هياخد بالو من اهلنا..وكمان فتون..وابني ..كلهم في امانتك ..انا كده كده ميت معاك او من غيرك هيقت*لني
سراج قلبو كان بيتنفض ولاول مره ايده ترتعش وهو ماسك السلاح فضل باصص لنادر بدموع وحسن ابتسم بسخريه وابتدى العد وقال...١...٢..
سراج بص لنادر ونزلت دموعه ونادر بلع ريقه وقال بابتسامه ودموع...اضرب
خالد قال بعصبيه وزعيق..اوعى تعمل كده انا هقت*لك بايدي لو حصلو حاجه هقت*لك يا سراج
تقى قالت ..متسمعش كلامو يا سراج نادر اخوك اوعى تأذيه..ملكش دعوه بيا اياك تاذي اخوك
بس نادر قال ...لا ..يا سراج اسمع كلامو..مراتك وابنك اولي اضرب ملكش دعوه بالي بيقولوه اضرب..يا سراج اضرب
سراج نزلت دموعو ورفع السلاح وغمض عنيه
وحسن كان بيعد ووصل ل٩ وشد اجذاء سلاحو ولسه هيقول عشره..سراج ضرب طلقه وخالد غمض عنيه وقال ...لااااااااااااا
بقلمي زهرة الربيع
وتقى صرخت برعب بس فتحو عنيهم على صوت صرخه عاليه من حسن الي سراج التفتلو بسرعه البرق وضربو طلقه في ايده الي ماسكه السلاح
حسن وقع على الارض من الالم وتقى جريت على سراج وهو حضنها ورجالة حسن رفعو سلاحهم عليهم ولسه هيضربو سمعو صوت طلقات نار كتيره واتفاجأو بالشرطه داهمت المكان كلو
واتفاجأو كلهم بدخول فتون وعلا مع الظباط
فتون جريت على نادر وحضنتو جامد وهو حضنها بحب شديد وعلا كمان جريت على خالد حضنتو بقوه وبقت تبكي وباستو في خدودو بلهفه وخوف شديد وبقت تحضن فيه قدامهم وقالت ببكا..حرام عليك ليه عملت كده موتني رعب ليه يا خالد ..انا..انا افتكرتك هتروح تهدي سراج مش تمشي معاه..لو كان حصلك حاجه انا كنت اعمل ايه.ليه كده..
الكل كان باصص لها بزهول وخالد كان مبسوط اوي بخوفها وحضنها كمان بس لقا الكل بيبصولهم بقى يبصلهم بحرج شديد وبعدين قال..احم ..علا ..اهدي نتكلم في البيت
علا اخيرا خدت بالها وبصت لهم بكسوف شديد وبعدت عنو وقالت بارتباك..نادر انت كويس
نادر قال..لا نادر ايه بقى ما خلاص راحت علينا
تقى وفتون ضحكو وعلا كانت هتموت من الكسوف خالد بصلها بابتسامه وقال تعالي معايا وطلع بيها بره الفيله
البوليس اخد حسن وكان بيتوعد وبيقول..مش هسيبك يا نادر مش هتفلت مني وانت كمان يا سراج هتشوفو هتشوفو كلكم
سراج كان مش في الدنيا اصلا وكل الي بيفكر فيه حياتو الي كلها كدبه ابوه مش ابوه والا فتون اختو بص للكل بدموع وكان مصدوم جدا نادر قرب منو وقال...انت ..انت كويس ..سراج رد عليا
سراج بصلو بدموع وهز راسو ..بلا..ومشي بهدوء وتقى طلعت وراه وقالت...سراج استنى
سراج بصلها بدموع ومشي من غير ما يرد بس اتفاجأ بفؤاد واقف جمب العربيه وسالم قاعد جواها كانو واقفين مع الشرطه وبيوصوهم على حسن خايفينو يهرب
سراج بص وراه شاف نادر طالع مع فتون قال...نادر خد تقى معاك على الاوتيل...وبص لفؤاد وسالم وقال...عايز اتكلم مع فؤاد بيه وسالم بيه لوحدنا
نادر هز راسو وقال..حاضر ..يلا بينا و مشيو بس قبل ما يركبو العربيه سراج قال استني
وقفو كلهم وسراج اتقدم عليهم ووقف قصاد علا وبصلها جامد ونزلت دموعو وقال...انا اسف...اسف على الي عملتو في فرحك...انا اكيد مكنتش اقصدك باي تصرف وحش سامحيني
علا نزلت دموعها وفضلت ساكته
سراج ابتسم وقال...اسمك علا مش كده
علا هزت راسها بأيوه
سراج قال بدموع....انا ...انا امي اسمها علا...وباس راسها وقال...متزعلش مني حاولي تسامحيني
علا قالت على طول بدموع...مسمحاك انت كويس مش كده
سراح ابتسم وهز راسو بايوه وقال...مع السلامه
علا مشيت مع نادر وركبو العربيه وطلعو على الاوتيل وسابوه مع فؤاد وسالم
سراج دخل الفيله وفؤاد دخل وراه وسالم كمان المساعد بتاعو دخلو وراهم
سراج قعد وحط اديه على دماغو بتعب شديد
فؤاد وقف قدامو وقال بحزن..انت كويس يا ابني
سراج بصلو وابتسم بسخريه وقال..ابنك...اقعد..اقعد يا فؤاد بيه
فؤاد اتنهد بحزن وقعد وسالم كان قاعد على الكرسي بتاعو بحزن وفضل ساكت
سراج بصلو وقال بدموع...سالم النوري...الراجل الي طول عمري بكره اسمو وبحقد عليه الراجل الي بتمنى اشوفه بيموت قدامي..طلع...طلع ابويا ...وبص لفؤاد وقال...وانت ..عمرك ما فكرت تقولي...عمرك ما فكرت ان من حقي اعرف ...ليه عملت معايا كده ...ليه ..وبص لسالم وقال بغضب..وانت ..انت كمان عمرك ما فكرت تقولي...لدرجادي كارهني ومش حابب وجودي في حياتك يا سالم بيه
سالم نزلت دموعو وقال...دي..دي كانت وصيه امك الله يرحمها ..ده كان طلبها ووصيتها
سراج ضحك بدموع وقال...امممم ..امي..امي الي كنت فاكر انك قتل*تها ....بس عارف..با ريتك كنت قتل*تها...الي عملتو معاها اسوء من القت*ل اسوء من اي حاجه
واتنهد وقال..انتو التنين هتقعدو كده وتحكولي كل الي حصل من غير كدب عايز اعرف كل حاجه فاهمين
فؤاد اتنهد وقال تمام وابتدي يحكي الي حصل كلو من اول ما تقدم لعلا
سالم وفؤاد حكو كل الي حصل بالحرف وقاعد بيسمعهم بزهول ومنهار من جواه ودموعو على خدو
سالم اتنهد وقال..ده كل الي حصل ..انا اقسم بالله ما كنت حابب اذيها ولا ااذي فؤاد حتى اقسم بالله كان غصب عني مكنتش في وعيي ابدا انا حبتها من قلبي و
سراج قال بهدوء مرعب...لو كنت حبتها زي ما بتقول مكنتش عملت فيها كده..لو كنت بتحبها مكنتش سبتها لما قالتلك نهرب..او لما جات وقلتلك انها هتتجوز ..انت سبتها لوحدها لانك..جبان ..خنتها وخنت صاحب عمرك وخنتني انا واتخليت عني
سالم نزلت دموعو بالم وسراج بص لفؤاد وقال....انا طول عمري عشت اتمنى الاقي اجابه لسؤالي..ليه ابويا بيكرههني..عارف يعني ايه طفل يسأل نفسو السؤال ده عارف ..يعني ايه اغير من فتون لمجرد انك بتقعدها على رجلك او بتحضنها وانت راجع من شغلك...ونزلت دموعو بالم ووجع وبقى مش قادر يتكلم وقال بزعيق..عارف احساسي ايه دلوقتي وانا عارف انك كنت معيشني عندك شفقه..وانت مجبور على وجودي انا كاره نفسي انتو التنين دمرتوني ...وامي..امي ذمبها ايه انها حبتو وغدر بيها سبتوها ليه لوحدها في المزرعه لو كنتو وصلتوها و اتخانقتو بعديم مكانتش ماتت ولاواحد فيكم قدر يحميها
سالم قال بدموع اهدي يا سراج يا ابني اهدى
سراج قال بعصبيه..متقولش ابني .انا مش ابنك .انا عمري ما كان عندي اب..ولا الي خلفني كان ابويا ولا الي رباني انا من ما اتولدت يتيم
بقلمي....زهرة الربيع
فؤاد قال بهدوء ودموعو على خدو..تمام..انا عرفت احساسك..اعرف انت احساسي..عارف يعني ايه مراتك الي بتموت فيها ومستني اللحظه الي هتبقى في حضنك تختفي..وتفضل تدور عليها زي المجنون..عارف يعني ايه ترجعلك...ترجعلك هدومها متقطعه ومتبهدله...وقال بزعيق ودموع..عارف يعني ايه تعرف ان حد غير لمسها وكان معاها قبل ما تبقى ليك حتي لا والامر من كده انها راحتلو برجليها...وطبعا عارف يعني ايه بتحبو وبتتمناه ومجبوره عليك..وابتسم بسخريه وقال..لا وتعرف انها حامل منو وتخلف ابنو قدام عنيك وعلشان بتحبها متقدرش تسبها وتبقى مضطر تتأقلم مع الوضع ده...بس عارف الاحساس الاسؤ من كل ده..وبص لسالم بدموع وقال..الاسؤا لما تعرف ان صاحب عمرك..لا صاحب ايه ده كان اخ ..هو الي دمرك وعذابك كلو بسببو...عارف يا سراج انا طول عمري بعاملك اسوء معامله..بس كنت دايما بتمني واقول يا ريتك كنت ابني انا ..اتمنيتك من قلبي..كنت احب تصرفاتك وجنونك وعصبيتك وحتى شكلك الي دايما بانتقدو ..انت شبه علا في كل حاجه وانا اتمنيت لو عندي ابن منها..هي..صحيح محبتنيش..بس انا حبتها من قلبي..مش بايدي يا ابني
سراج نزلت دموعو بألم وحزن عليه وباس ايده وقال مكنتش مضطر..مكنتش مضطر ابدا تستحملني اصلا محدش يستحمل كده ..كنت سبتني بمجرد ما ماتت لا انا كنت اتعذبت ولا انت
وقام وقرب من سالم وقال....كلو بسببك...شكرا على الي عملتو فينا يا رب تكون مبسوط
ومشي ولسه هيطلع من الفيله سالم قال ...انا عملت ايه يا سراج...الي عملتومع علا نفس الي انت عملتو مع تقى
سراج بصلو بغضب وقال..قصدك ايه
سالم قال ...قصدي انت فاهمو كويس.. يوم ما تقى كانت عندنا جبتلها دكتور وقال انها متعرضه لاعتداء يعني الي انا عملتو انت كمان عملتو
سراج قال بغضب...تقى مراتي...مراتي مش على زمة راجل تاني
سالم ابتسم بسخريه وقال..وهو ينفع علشان هيه مراتك تعتدي عليها ..ينفع تهددها اثلا وتخليها مراتك بالاجبار متضحكش على نفسك انت اتصرفت غلط كتير بس كنت ماشي ورا مشاعرك وانا كمان مشيت ورا مشاعري ...الاول اتخليت عن علا علشان مخسرش فؤاد لاني كنت بعتبرو اخويا مقدرتش اهرب معاها واخونو ..والي حصل ليلتها كان غصب عني لاني سكران ومش حاسس ..شوف يا ابني انا مش هدافع عن نفسي مش هقولك انا اتجرحت قد ايه ولا تعبت قد ايه ...لاكن ...وبكي بدموعو وقال..لاكن هقولك انا خسرت قد ايه ..واول خسايري كانت والدتك ..كانت كل حياتي راحت مني ودورت عليها سنين مكنتش انام وبعدين خسرت صاحب عمري فؤاد كان اخويا مش صاحبي و خسرت رجليا عارف عمري كان قد ايه ونزلت دموعو بحسره وقال..كنت ٣٢ سنه لسه شاب وبقيت عاجز لا حول ولا قوه...وبعدها اتقسم ضهري بموت ابني الكبير ..وكلو كان وجع وفراقك وانت قدام عنيا وجع تاني خالص كان حسره في قلبي ..انا اكتر واحد تعبت واتأذيت وخسرت وكلو بسبب ليله كنت فاقد وعيي فيها محدش رحمني ولو التمسلي عذر ولا افتكرلي حاجه حلوه ابدا
سراج كان بيسمعو ودموعو على خده مش قادر يسامحو بس وجعو قلبو عليه حتي فؤاد نزلت دموعو بحزن سراج مقدرش بنطق ولا بقى عارف يلوم مين ولا يغلط مين كل الي عملو انو مشي بسرعه من غير ما يكلم حد
سالم بقى يبكي من قلبو بحزن شديد وفؤاد حط ايده على كتفو بتردد وقال...احم..مسيرو هيرجعلك...مهما كان ده ابنك ولسه هيمشي
سالم مسك ايده وقال بدموع...مش هتسامحني يا فؤاد..ربنا بيسامح يا صاحبي
فؤاد نزلت دموعو وقال..نفسي ..بس مش قادر يا سالم ..سبها للزمن ومشي هو كمان
سراج بقى طلع من عندهم وهو مش شايف قدامو ركب عربيتو وطلع بيها وهو في قمه الغضب والعصبيه مش عارف يزعل من مين ويسامح مين بتدور كل الاحداث قدامو من اول لحظه ما شاف امه مقتوله لشريط احداث كلو الم وحزن وحرمان بقى يفكر ودموعو زي المطر
وفي لحظه يأس حس انو مش حابب يعيش ساق باقصى سرعه ناحية المنحدر الي طارق مات فيه وفضل سايق بجنون وووووووو