رواية هوس متيم هيامي
الفصل الثالث والثلاثون 33
بقلم فاطمة محمد
ألتفتت نحو والدتها التي أجبرتها على ولوج الغرفة مغلقة الباب خلفها بأحكام فأبنتها لا تكف عن الصراخ والأعتراض، فكلما تذكرت حديثهم وكيف سيجبرونها على الزواج من آخر أحتقنت الدماء بعروقها وتزداد ثورتها المشتعلة، رفعت (صباح) يديها علي فمها قائلة بخفوت غاضب
-هشش يا بت أنتِ مش هترتاحي غير لما يجرالي حاجه بسببك مش كدة، أخواتك عايزين مصلحتك و
علقت حنين بمرارة وقهر على حديثها وقالت بصياح هادر ويديها تلوح بالهواء
-بس متقوليش أخواتك، البية اللي عمال يتآمر ومش عجبة حد وعمال يدي في آوامر يروح يشوف مراته اللي عينها من غيره بدل ما يتشطر عليا يتشطر عليها
أتسعت عين (صباح) وأقتربت منها بسرعة الفهد واضعة يديها على فمها تمنعها من حديثها قائلة بأعين متوحشة مريبة
-بس أخرسي إياكي أسمعك بتكلمي في الموضوع ده قدام أخوكي أنتِ سامعة
نزعت (حنين) يديها قائلة بعند وقوة
-لا مش سامعة كل واحد يخليه في حاله انا مش عيلة صغيره عشان يقرروا عني... ومش هتجوز غير ثائر ومحدش هيلمسني غيره و وروني بقى هتجوزوني ازاي وديني لو غصبتوني لهرب وما هتشوفوا وشي تاني أنتِ سامعة
حركت صباح رأسها مشيحة وجهها للجانب الآخر تفكر بحل لتلك المعضلة وبتلك العنيدة الواقفة أمامها
**********
"في حجرة المكتب"
يجلس على المقعد يتكئ مرفقيه على ركبتيه، ويضع راحتي يديه على وجهه بحسرة على ما فعله.... فهو كان على يقين بأن المواجهه بينه وبين ابنه لن تكون بالأمر السهل ولكن المواجهه كانت أصعب مما ظن فهو لا يستطيع النظر بعيناه فكلما حاول وجد عيناه تتهربان منه
أما (آسر) فكان يحافظ على أبتسامته الساخرة وهو يطالع والده يراقبه ويراقب عدم قدرته بمواجهته وأخيرًا أستطاع استجماع جأشة ورفع رأسه وقال دون أن ينظر بعيناه
-عارف أني غلطت أنا ومديحة في اللي عملناه....غلطنا في حقك وفي حق صباح بس اللي حصل كان غصب عننا..كان نفسنا في طفل وكنت بحب مديحة مكنتش عايز اتجوز عليها بس مكنش قدامنا غير الطريقة دي كنت عايز وريث يبقى من لحمي و دمي
رفع عيناه ينظر له مقتربًا بمقعدة منه ممسكًا بيديه
-عارف أن الموضوع صعب تتقبله بذات انك
قاطعة آسر بمرارة ناهضًا عن مقعدة نازعًا يديه من قبضته على اتم الأستعداد للمغادرة
-بذات أني كنت مخدوع طول السنين دي أنا، أنا مش مسماحكم وعمري ما هسامحكم بس هفضل قدام عيونكم وكذلك أمي... كرهتوا وجودها زمان وخلصتوا منها بس انا رجعتها من تاني وهتفضل معايا ولو فكرتوا تأذوها أو تدسولها على طرف هتخسروني...ومظنش أنك عندك أستعداد تخسر وريثك يا كمال بيه ولا إيه
*********
هبط من البناية مهرولًا تجاه سيارته وهاتفه على أذنية يحادث صديق له يستفسر منه عن أفضل المصحات لعلاج الأدمان فأنهي حديثه معه بذات الوقت الذي كاد ان يصعد بالسيارة ويذهب لمقابلة ثائر ويقص عليه كل شئ، لكن أوقفه صوت إياد والذي يعرفه جيدًا
فتهجمت ملامحه منفرًا منه ومن أي شئ يذكره بـ ندى تلك ناكرة الجميل، فأجابه على مضض صاعدًا بسيارته جالسًا بالمقعد المخصص للسائق مديرًا محرك السيارة على أتم الأستعداد للتحرك
-بعدين يا إياد مش فاضي
أطرق إياد رأسه للأسفل وهو يقف بجوار نافذته فكانت هيئته كالطفل المعاقب من والديه مغمغم بخفوت نادم
-مينفعش الموضوع يخص هيام ولازم حضرتك تلحقها قبل فوات الآوان
نظر له خالد والدهشة تعتريه قاطبًا جبينه قائلًا بغموض
-إيه هو الموضوع أتكلم
أزدرد ريقه وقال وهو لا يزال على وضعه مطرقًا رأسه للأسفل
-قبل ما أحكي أي حاجة أنا عايز من حضرتك تسامحنى أنا غلطت بس كان غصب عني و دلوقتي بحاول أصلح غلطي ده وبتمني أنك ت
تطلع خالد أمامه بغضب قابضًا بشدة على المقود وأردف
-قول اللي عندك يا إياد ومن غير مقدمات ملهاش لازمة
زفر إياد زفيرًا مهمومًا وقال بأستحقار من ذاته
-خالتي بتحاول تنتقم منك عشان سبتها وفضلت هبه عليها ومكنش قدامها غير أنها تدمر هيام عشان تحرق قلبك وقلب والدتها عليها
ترجل خالد من السيارة فأبتعد إياد بعفوية عن السيارة ليترك له مساحة أما خالد فكان الشرار يطلق من عينيه كالسهام وأنتشل إياد من قميصه بقوة جعلت بعض أزرار قميصه تسقط أرضًا فصاح خالد مزمجرًا كالأسد
-ده أنتوا عصابة بقى يا ولاد الكلب بس وحياة بنتي عندي لهرجع حقها منكم ما هرحم حد فيكم
أنهى كلماته لاكمًا إياه بوجهه لكمات متتالية وكل منهم لا تقل قوة عن الآخرى مما جعل إياد يترنح بوقفته ويسقط أرضًا، بصق خالد عليه ناظرًا له بأستحقار وكاد أن يعود لسيارته مرة أخرى ولكن كلمات إياد جعلته يتوقف بمكانه
-معاك حق في اللي عملته ولو عايز تموتني أنا مش همنعك بس قبل ما تعملها عندي أستعداد أقف معاك وترجع حق هيام من خالتي، واللي هتطلبه مني هنفذه
********
ظل بالسيارة عدة دقائق يمسح بهم دموعه الذي خانته وهبطت دون أرادته متحررة من مقلتيه لتلفح بشرته الرجولية، حرك المرآة الأماميه قليلًا ونظر بها ورفع يديه يمسح عبراته فها هو خرج من حرب وعلى وشك ولوج آخرى..... آخرى إذا خسرها خسر قلبه...
ترجل من السيارة وتحرك صوب المنزل، قلبه يسوقه لا قدميه يتمنى أن تخضع له ولعشقه، يعلم علم اليقين بأنها عنيدة لكنه أيضا على يقين أنها سترضح له لكن رضوخها لن يحدث بسهولة
فتح باب المنزل وخطى بقدميه داخله فوجد الظلام الدامس يعم المنزل بأكمله، فأعتراه الذهول فما تخيله أنها ستثور عليه ما أن تراه ولكن ما ذاك السكون
أضاء الأنوار وبحث بعينه عنها فلم يجدها، تحرك صوب الغرفة والتي كان بابها مغلقًا والخوف كان ثالثه يخشى الا يجدها ويفقدها، وسرعان ما تبخر خوفه وأغمض عينيه متنهد براحه ما ان وجدها تجلس على الفراش كالقرفصاء دافنة وجهها بقدميها فلعن غبائه وخوفه الشديد من فقدانها فكيف ستهرب بعدما أغلق عليها بأحكام
أقترب منها بعينيه الحمراء أثر بكائه منذ قليل وجلس بجواره هاتفًا بأسمها
-رقية
لم تعره انتباهًا كأنه سراب، تنهد مرة آخرى ورفع أنامله رافعًا وجهها بأنامله وابتسامة بسيطة على وجهه
لكن ابتسامته لم تدم طويلًا فعينيها كانت حمراء كالدم وجفونها منتفخة، أنفها و وجنتيها أصتبغا بلون وردي مميز زادها جمالًا
تقطع قلبه أربًا وهو يرى دموعها وهيئتها فأقترب قليلًا منها وقال بخوف
-أنتِ بتعيطي ليه دلوقتي
تحاشت النظر له وأشاحت بوجهها للجانب الآخر بطريقة طفولية
تبسم وجهه على طفوليتها وقال متناسيًا حزنه فكلما كان جوارها ينسى كل شئ
-كل ده عشان حبستك!!!
أماءت برأسها ونظرت له بتذمر وقالت بنبرة فطرت قلبه
-وأنا فرخة بتحبسها أنا بني آدمة يا بني آدم وأي كان أنت مين مش من حقك تحبسني كدة يا آسر
أغمض عينيه لوهله يتلذذ من سماع أسمه الذي خرج من فوها كنغمة موسيقية
ثم فتح عيناه وأقترب منها مقبلًا وجنتيها بنهم متمتم بهمس
-أنا آسف
أرتجف جسدها من فعلته وأعتذاره، ابتعدت عنه كمن لسعها عقرب ونهضت عن الفراش وقالت بتلعثم
-أهو رجعنا لقلة الأدب اسمع بقى أنت متقربليش تاني وتمشيني من هنا أنا عايزة امشي
نهض هو الآخر وسار تجاها وعينيه تتفحصها بحب ولهفة فأقترب منها وكلما تقدم خطوة عادت هى خطوة للخلف تريد الهرب منه ومن سحره الذي يفرضه عليها فرفعت سبابتها بوجهه وهى لاتزال تعود للخلف وجسدها ينتفض من قربه
-متقربش يا آسر والله لو قربت مني له
صدمت بالحائط من خلفها فتوقفت عن أكمال جملتها فحاصرها بكلتا ذراعيه وعينيه تطالع عيناها فأزدادت وتيرة تنفسها وطالت نظراتهم وكأن الزمن توقف بتلك اللحظة....فهو لا يرغب بالأبتعاد بل اصبح يتوق للمزيد والمزيد
أما هي فترغب بأن يظلا هكذا تنظر لعيناه وملامحة الرجولية الطاغية و رائحة عطره الرجولي تجعلها تشعر أنها ستفقد وعيها بتلك اللحظة الذي طغى بها دفء مشاعرهم...
كان هو أول من قطع سحر تلك اللحظة وتلك النظرات مقتربًا منها هامسًا امام وجهها بنبرة أشبه بالترجي والتوسل
-أنا عايزك يا رقية بحبك ومش بحب غيرك، خلينا نبدء مع بعض من أول وجديد أدي جوازنا فرصة وصدقيني مش هتندمي هعيشك أيام ولا في الأحلام، هنسيكي زعلك مني، بس أرجوكي متبعديش أنا محتاجك أوي
دمعت عيناها ولمعت ببريق عبراتها بفضل كلماته الصادقة والتي لمست قلبها وشعرت بصدقها فصممت تفكر بحيرة فكيف تتقبله زوجًا وآخرى تشاركها به؟
أزدردت لعابها وقالت
-لو كنت بتحبني زي ما بتقول مكنتش أتجوزت عليا أنت أستسهلت وأخترت الطريق السهل وهو انك تجوز
ضرب الحائط من خلفها بقبضته فأغمضت عينيها خوفًا وانكمش جسدها فقال هو بأنفعال
-متنرفزنيش يا رقيه، أنتِ مينفعش تحاسبيني على جوازي أنتِ نفسك قولتيلي أول ليلة أنه جواز صوري واهلك جبروكي عليا وهددوكي بتعلميك، أنتِ اللي رفضتيني في أول ليلة لينا سوا مش أنا يا رقيه، وكان طبيعي أتجوز لو مكنتش اتجوزت مكنتش عارف ايه اللي ممكن يحصل مكنتش هعرف امسك نفسي عنك، انسي كل اللي فات هنبدء من جديد ادي نفسك فرصة تعرفيني وتحبيني أكتر
أقنعتها كلماته ولكن عليها الا تظهر ذلك غير منتبه تقبلها بعشقها له، أما هو فأبتسم فهى لم تعترض على كلماته الأخيرة....ولم تنفي حبها له.
رفعت رأسها وقالت بجمود
-وشهيرة!!!!
أنا مش هقبل ضرة عليا
أنفرجت أساريرة وشعر بسعادة طاغية فاقترب منها وقال
-هطلقها
قالها وهو ينحنى يرغب بتقبيلها بتوق فدفعته بيديها الصغيرة بصدره تمنعه من الاقتراب قائلة بتوتر وخجل
-مش دلوقتي لسة مش جاهزة
أبتسم على خجلها وكبح رغبته بها مقبلًا جبينها بحب متمتم بكذب
-خدي وقتك انا مش مستعجل
********
"في المساء"
بعدما أسدل الليل ستارة كان يجلس بمنزله يشعر بالوحدة وذكريات طفولتهم تعاد أمام عينيه يتذكر غيرته المفرطة عليها والذي لم يستطع ادراك مغزاها....
لمسة يديها الأولى وتلك الرجفة التي سارت بجسده، نظرة عيناها البريئة، صوتها الطفولي، هيئتها الأنثوية، ناره المتأججة كلما رآها بجوار رجل آخر، كل ذلك يدور أمامه وكأنه فيلم يعاد أمامه مرة أخرى........
نفث دخان سيجاره والذي أصبح لا يستغنى عنه يلازمه ويرافقه بوحدته يصب به كامل غضبه وناره المشتلعه بصدره
تحركت عيناه نحو الباب الذي يطرق متأففًا بضجر، أنزل كلتا قدميه عن الطاولة وتحرك نحو الباب
تهجمت ملامحة بشدة وفارت الدماء بعروقه ما أن رأي أمامه خالد و ذلك البغيض الذي تحداه وأراد سلبها منه..
قبض على ملابسه وقربه من وجهه وقال من بين أسنانه بغل وأعين مشتعلة كأنه وجد ضالته
-جيت لقضاك يا روح أمك تعالالي
انهي كلماته وصفعة قوية تهوى على وجهه إياد الذي ترنح بوقفته فكاد أن يعيد ثائر الكرة مرة أخرى فوقف أمامه خالد ومنعه من لكمه مرة أخرى
-أهدا كدة وأسمعني في حاجات حصلت مع هيام ولازم تسمعها والحيوان ده هو اللي هيحكيلك لانه له يد في اللي حصلها
كظم ثائر غيظه ما أن علم أن الموضوع يخص هيامه فأجبر نفسه ورضخ لحديث خالد...
أشار خالد برأسه لـ إياد وقال
-يلا ادخل
ولج الثلاثة للمنزل فجلس خالد على الأريكة وثائر بجواره وإياد على المقعد المجاور لـ خالد
طالع خالد ثائر فوجده ينظر لـ إياد بغيرة فلو تركه لكان نهض وأفترسه كالأسد الجائع الذي لا يترك فريسته إلا عندما ينتهي منها
ربت على ذراعيه وقال
-أسمع كويس اللي هيقوله وافهم حصل ازاي بس قبل ما إياد يحكي عايزك تعرف أن هيام بتحبك ومحبتش حد قدك واللي حصل كان غصب عنها بس طبعا انت اللي هتقرر بعد ما هتسمع
ظل ثائر ينظر له بذهول فعن أي حب يتحدث فمن يحب لا يؤذي معشوقه ويجرح قلبه بتلك الطريقة القاسية..
قطع أفكاره صوت إياد الكريهه بالنسبة له والذي قال دون مقدمات وهو ينظر لخالد الذي قص له نتيجه فعلتهم، وما فعلته هيام بـ ثائر وجرحها له
-أنا لسه عارف اللي هيام عملته معاك، وأنا متأكد أنك عارف أنها بتحبك بس اللي متعرفوش أنها دخلت مخطط قذر حطته خالتي أم رنا عشان تحرق قلب أمها وأبوها
ثوانِ مرت من الصمت لم تخلو من نظرات ثائر المستفسرة عما يحدث
فصاح بـ إياد الذي صمت والندم يتآكله
-ما تخلص يالا عملتوا إيه أحكي بدل ما خلي أيدي تسقف على وشك
أستجمع إياد جأشه وقال مرة واحدة
-سماح اللي بتشتغل في البيت عندكم كانت بتحطلها بودرة في الأكل والعصير وطبعا بقت مدمنة
أرتخت ملامحه بصدمة وسرعان ما أصبحت غاضبة سوداء ونهض من مجلسه ممسكًا إياد مبرحًا إياه ضربًا وهو ينعته ويسبه ببذائة، فحاول خالد منعه والسيطرة على غضبه لكنه فشل بذلك فشلًا ذريعًا فـ إياد لا يعلم أي وحش خلقه بتلك اللحظة ......
*********
فتحت ندى باب المنزل فظلت عيناها مثبته على ابنتها القاطنة أمامها بنظرة متفحصة من رأسها لأخمص قدميها وبسمة جانبية مرتسمة على وجهها....
أستدرات بظهرها تاركة الباب مفتوح على مصرعيه متجهه صوب الأريكة لتجلس عليها واضعة قدميها فوق الآخرى لتظهر ساقيها أثر ملابسها الفاضحة، مردفة بأستنكار وتهكم وهى تراها تقترب منها تاركة الباب مفتوحًا مثلما كان
-أخيرًا أفتكرتي أن عندك أم وجيتي تسألي عنها
تجاهلت رنا كلماتها اللاذعة وسخريتها المعتادة قائلة بهدوء لكنه يحمل بين طياته جدية مفرطة جعلت أفكارها تتخبط فأبنتها ليست بكل تلك الجدية ولا تتحدث بتلك الطريقة فكيف ومتى أصبحت كذلك
هل يجعلك العشق شخصًا آخر....يجعلك تتبدل وتتحول من شخص أناني لا يفكر سوى بنفسه لآخر لا يفكر سوى براحتك....
-أبعدي عن مالك يا ماما عشان أنا لو خسرته أنتِ كمان هتخسريني، معنديش أي أستعداد أخسره ومتفتكريش أنك بالطريقة دي هتبعدينا وانا وهو بقينا واحد ومفيش حاجة هتفرقنا غير الموت....
صمتت ثوانٍ تلتقط أنفاسها الهادرة وبعدها أكملت بنبرة حاسمة تحمل تهديد و وعيد
-الموت وبس يعني لو فكرتي تخلصي منه تاني وتزوقي عليه شوية بلطجية هتلاقي نفسك في الحبس، المرة دي هعديهالك، وهعمل أعتبار أنك الست اللي خلفتني... مش هقول أمي لأنك مع الأسف متستحقيش لقب أم
أبتسمت ندى بأستفزاز وقالت بقوة رغم شكوكها بأن آمرها قد كشف أمام ابنتها
-لا متربية يا رنا، والله وعرفتي تربي يا ندى
أبتسمت رنا ابتسامة مماثلة لابتسامتها ولم تقل أستفزازًا عنها قائلة
-هو أنا مقولتلكيش...مش أنتِ مربتيش أصلًا، ده أنتِ عمرك ما قولتيلي أعملي كذا ومتعمليش كذا، عمرك ما قولتيلي صلي يا رنا أتقربي من ربنا يا رنا، بلاش سهر يا رنا، بلاش شباب يا رنا، بلاش شرب يا رنا......
الحاجة الوحيدة اللي كنتِ عايزة تحكمي رأيك فيها هو مالك، عايزة تحرميني من الحاجة الوحيدة الصح في حياتي، مالك حب طفولتي ومراهقتي وشبابي ليه عايزة تحرميني منه هتبقى مبسوطة وأنتِ شيفاني بتعذب قدامك
أجابتها ندى بغل
-آه يا رنا هبقى مبسوطة، هبقى مبسوطة وأنا شايفة حسن ونبيلة بيتحسروا على ابنهم، هبقى مبسوطة وأنا شايفة البني آدم اللي رفضني زمان ودلوقتي بيتعذب هو و طليقته.....عايزة أشوف نبيلة مذلولة بتبكي بدل الدموع دم على ابنها
-أبنها يبقى جوزززززززي
صاحت رنا بتلك الكلمات بصوت رج أركان المنزل بعدما أشتعلت عيناها غير مصدقة لذلك الكره والحقد التي تراه بعين والدتها بوضوح
-أحمدي ربنا أن مالك محصلوش حاجة امبارح وأن مخططك باظ والرجالة اللي بعتيهم أعترفوا عليكي، لو كان جراله حاجة مكنتش هسيبك ولا كنت هسامحك عمري كله
أزدادت نيران ندى عندما أدركت فشل مخططها بأختطاف مالك فسبت ولعنت صبري بسرها متوعدة له فما أخذه منها من نقود ليس هينًا....نهضت بعنف من مجلسها وقبضت على ذراع أبنتها بإحكام
-أمشي أطلعي برة مش عايزة أشوفك، أنتِ بنت أبوكي أنتِ لو كنتي بنتي فعلًا كنتي طلعتي زي أمشي غوري من هنا خلي المحروس بتاعك ينفعك غورررري
دفعتها تجاه الباب فكادت رنا أن تسقط لولا ذلك الجسد وتلك اليد التي تلقتها
رفعت عيناها فلم تجد سواه معشوقها الأول..والأخير
فأعتدلت قائلة بقلق وعينيها تجول على جسده بلهفه
-مالك أنت إيه اللي قومك من السرير أنت لسه تعبان
نفى مالك ورفع عينيه رامقًا ندى التى تطالعة بكره بنظرة سريعه رافعًا يديه مربتًا على وجنتيها
-مينفعش تيجي هنا وخصوصًا لوحدك...
عضت ندى على شفتيها وقالت بسخرية وصوت عالي غاضبه من قوله
-ليه هآكلها ولا إيه، دي بنتي يا بن نبيلة
جذب مالك زوجته خلفه بعدما شبك أيديهم وقال بلهجة صارمة شرسة
-بنتك بآمارة إيه ها، ده أنتِ لسه كنتي بترميها برة الشقة
رفعت رنا يديها الآخرى وضغطت على عضلاته قائلة بخفوت مشجعة إياه على الرحيل
-خلينا نمشي من هنا يا مالك الكلام معاها مبيجبش نتيجة
وافق مالك على حديثها وألتفت ناظرًا لها مثبتًا عينه بعيناه وقال بنبرة حنونه دافئة مشيرًا إلى يديهم المتشابكة
-الايدين دي هتفضل تساندك وتقومك طول ما انا عايش أنا سندك وأمك وأبوكي، أنتِ مش محتجالها أنتِ عندك أنا بس هى اللى مصيرها هيجي عليها وقت وهتحتاجك وهتعرف قيمه اللي ضيعته
أبتسمت رنا من حديثه وأرادت بتلك اللحظة أن ترتمي بأحضانه فهو محق فهو ملجائها وأبيها وأمها لا تحتاج لشخص آخر وهو بجوارها
أبتسم له بعشق وأشار برأسه كي يغادروا المنزل وقبل أن يذهبوا ألتفت مالك لـ ندى وقال
-هنسى اللي حصل المرة دي عشان خاطر رنا، بس لو أتكررت تاني مش هسمي عليكي يا حماتي العزيزة
غادر برفقة رنا تاركًا إياها تشتعل من كلماته فأندفعت تجاه باب المنزل الذي تركوه مفتوحًا وقامت بأغلاقة بأنفعال وعصبية شديدة وبعدها بدأت بتحطيم كل شئ تراه عيناها وتجعله يتهشم ليصبح المنزل عبارة عن زجاج متناثر على الأرضية وصراخاتها الغاضبة تدوي بالمنزل بأكمله.....
وبعد دقائق أستطاعت بهم تهدئه روعها ألتقطت هاتفها وهاتفت صبري لكنها وجدت هاتفه مغلقًا ليعود غضبها مرة آخرى، طرق الباب بتلك اللحظة
فتحت الباب بهيئتها المزرية فوجدت أمامها رجل يبدو أنه في أواخر الثلاثينات ويليح على هيئته الأجرام فقالت بأستحقار وهى ترى كدمات وجهه
-أنت مين والبواب بتاع العمارة دي أزاي يسيب أشكال زي دي تدخل العماره هو انا ناقصة قرف
حك فتحى ذقنه وقال بأجرامية
-لا كدة أزعل وبعدين أنا جاي عشان مصالحتك يا هانم تقوم تمسحى بكرامتي الأرض لا مكنش العشم يا مودام
-مودام!!!!!
-اه مدام يعني المهم أنا تبع صبري اللي مش بيرد عليكي وأداكي بومبه وفلسع بعد ما نهب نص فلوس العمليه، ومحسوبك بقى كنت شريكه وكنت بساعده في العمليه وعشان أحنا اللي بوظنا العمليه عندي أستعداد اصلح اللي حصل من تاني قولتي إيه يا مودام
أرتخت ملامح ندى وتطاير غضبها بالهواء وابتسمت مشيرة له لدخول المنزل
أوقف السيارة بعدما وصلا امام المنزل فنظر لها والأبتسامة العابثة تغزو شفتاه فطريق عودتهم لم يخلو من نظراته المشتاقة و كلماته التى تحمل بين طياتها الكثير، جعلت وجهها بأكمله باللون الأحمر متصطنعة الغضب طوال الطريق كابحة ابتسامتها الخجولة، فاليوم رأت شخصيته العاشقة والتي لم يسنح لها وقت حتى تراها واليوم جائتها فرصتها كي تراها وتجعلها تقع بغرامة اكثر فأكثر.......
-وصلنا على فكرة
فاقت من أفكارها على صوته الرجولي فتنهدت وقالت بمرح متفادية النظر لعيناه الجريئة
-على أساس أني مش شايفة صح!؟
عقبت كلماتها بفتحها لباب السيارة ونزولها منها وسرعان ما قطبت جبينها وأنحنت قليلًا ناظرة له بدهشة وهى تراه لا يزال قابعًا مكانة لم يترجل هو الآخر
-أنت مش هتنزل ولا إيه؟!
أماء برأسه قائلًا
-لا ورايا مشوار هعمله وارجع علطول
ارتفع حاجبيها وبدأت الشكوك تتغلغل بداخلها وأنه يرغب بتركها والذهاب لزوجته الآخرى، فردت بوجوم وضيق
-مشوار إيه اللي هتعمله بليل كدة!
-مشوار يا رقية لما أرجع هتعرفي وهحكيلك
صكت على أسنانها بغيرة وقالت والنيران تضرم بين صدرها
-رايح لشهيرة مش كدة!! إيه وحشتك؟
أبتسم بعبث وقال بمرح
-أنتِ هبلة يا بت
أعتدلت بوقفتها وفتحت باب السيارة مرة أخرى وأستقلت بجواره دافعة مغلفة الباب بعنف، فاتسعت ابتسامته من حركتها العفوية والتي اوضحت غيرتها وضوح الشمس....
-لو رايح لشهيرة يبقى رجلي على رجلك انت سامع
أشاح وجهه للجانب الآخر يخفي ابتسامته وبرق بعقله فكرة عزم على تنفيذها الآن..
ألتفت لها مخفيًا ابتسامته وحل مكانها عبوس وقال بجدية زائفة
-مينفعش تيجي معايا لازم اتكلم مع شهيرة وأكيد مش هتطلعي معايا يعني
نظرت أمامها قائلة بلا مبالاة رغم تلك الغيرة التي تتآكلها
-اكيد مش هطلع معاك هستناك في العربية عقبال ما تنهي معاها
-مينفعش افرضي اتأخرت فوق هتفضلي قاعدة لوحدك كل ده!!!!
قالها راغبًا في اشعالها وأن تعترف بغيرتها عليه وعقب أنهاء حديثه أسودت عيناها وأستدرات تنظر له قائلة بغضب أهوج
-وأنت هطول فوق ليه إن شاء الله، ناوي تودعها قبل ما طلقها ولا إيه، بقولك إيه متعصبنيش هما عشر دقايق يا آسر، عشر دقايق بالتمام والكمال تنهى فيه الموضوع وتنزل، ولو عدى العشر دقايق وملقتكش قدامي هتلاقيني أنا اللي بطب عليكم
أصدرت عنه ضحكة رجولية عالية وهو يدير السيارة مغمغم بمرح جعل غضبها يتكاظم
-اموت أنا في القطط الشرسة
**********
-غبي.... غبي قولتله مينفذش غير والزفت ده لوحده، أزاي يخالف كلامي، أهو بوظ الخطة كلها
قالت ندى تلك الكلمات بعصبية مفرطة بعدما قص عليها فتحي ما حدث مبدلًا الأدوار متقنًا أداءه الكاذب مخبرها بأن صبري من أراد التنفيذ ورنا برفقة مالك وليس العكس، نهض من مجلسه مغمغم بكذب
-والله يا هانم قولتله بلاش ومراته معاه وأنك كدة هتبوظ الدنيا، بس برضو نفذ اللي في دماغه يلا بقى منه لله، ده حتى الفلوس اللي خدها منك قولتله نرجعها مرضيش يا هانم آه والله ما رضي
-مش مهم الفلوس أنا اهم حاجة عندي دلوقتي نفكر في حل ونشوف صرفة أنا عايزة الحيوان ده تحت رجلي
حك فتحي ذقنه وقال بأستفهام
-قصدك على صبري غالي والطلب رخي
كاد يكمل قاطعته بغل وكره
-صبري إيه دلوقتي أنا بكلم على الزفت مالك
مط شفتاه متمتم بتفكير
-تقصدي جوز بنتك
-أيوة جوز زفته، أنت معايا مش كدة
أماء لها مردفًا
-من أيدك دي لـ أيدك دي يا ست هانم واللي هتؤمري بيه هيحصل
ابتسمت بخبث وسعادة لم تدوم طويلًا نتيجة لتلك الطرقات العنيفة على باب المنزل فعقدت ما بين حاجبيها متمتمة بغضب
-ده مين الحيوان اللي بيخبط كده
كادت ان تفتح لولا صوته الغاضب الذي جاء من الخارج هاتفًا بأسمها بغضب يحثها على فتح الباب
-أفتحي يا ندى أفتحي وألا وديني هكسر الباب
عادت سريعًا تجاه فتحي والذي لا يفقهه شئ مما يحدث متمتمة بخفوت
-أدخل أستخبى بسرعة مش عايزة حد يشوفك يلا اتحرك وإياك إياك تخرج لو حصل إيه
استجاب لها مهرولًا تجاه أحدى الغرف مغلقًا على نفسه
اما هى فـ فتحت الباب راسمه الجمود والبرود على ملامحها غير مدركة بأن آمر هيام قد كُشف
وما لبثت أن تتحدث حتى تأوهت مما فعله
جذبها خالد من خصلاتها فصدر أنينًا خافتًا من شفتاها، ولج برفقتها المنزل مغلق الباب خلفه قائلًا بهدر
-كنت سايبك عشان بنتي اللي للأسف تبقى بنتك أنتِ كمان بس من بعد اللي عرفته مش هسيبك يا ندى وهدفعك التمن غالى يا بنت الكلب
أنهى حديثه دافعها أرضًا فأرادت أستفزازة اكثر فابتسمت وكأن ما فعله لم يحرك بها شئ
-هى لحقت اشتكتلك هى والمحروس بتاعها
قطب جبينه غير مدركًا مقصدها فأكملت ناهضة عن الأرضيه منفضة ثيابها
-مش ندى اللي تتعامل بالهمجيه دي، الطريقة دي تتعامل بيها مع السنيورة بتاعتك مش معايا انا وبالنسبة مالك فالحركة مقصود بيها حسن ونبيلة مش أنت يا
صمتت رامقة إياه من رأسه لأخمص قدميه بسخرية
-يا خالد
أدرك خالد أنها فعلت شئ بـ ابن أخيه أيضًا ففارت الدماء بعروقه فها هى لا تكف عن أذيه أحبائه
ظل يقترب منها ببطء مريب جعل الدماء تتجمد بعروقها متمتم بنبرة مخيفة حد الموت
-كمان مالك، مش مكفيكي هيام واللي عملتيه فيها أنتِ إيه شيطان ماشي على الأرض
هنا وقد فهمت سبب مجيئه فأبتسمت رغم خوفها راغبة بأستفزازة وأخراج أسوء ما فيه، فظلت تعود للخلف
-أنت عرفت....بس إيه رأيك في بنت حبيبة القلب وهى مدمنه، هبه عاملة إيه وهى شيفاها كدة قدامها... مدمرة مش كدة
رفع خالد كفيه ونزل به على وجهها بقوة، لم تستوعب ما فعله ولم تخرج من صدمتها بصفعها حتى وجدته يكرر صفعها ويهوى بكفيه على وجنتيها بصفعات متتالية جعلت الدماء تنزف من فمها وأنفها
توقف عن صفعها واقترب منها بانفاس هادرة قائلًا بتوعد
-أستعدي للي جاي لأنه مش هيعجبك نهائي
تركها ورحل....تركها بصدمتها من تحوله فالطالما عرفته بالشخص الهادئ المسالم، ألتلك الدرجة يحب أبنته.....هل يتحول الشخص وتتبدل طباعه من أجل ابنائه....لم تجد أجابه على اسألتها ولكن الأجابة كانت واضحة وهى نعم فالأنسان قد يتحول لوحش دفاعًا عن ابنائه وقد يضحى بعمره كى لا يصيبهم ضررًا أو مكروه.......
هبطت دموعها دون أن تشعر والالم يملؤها من قوة صفعاته
أما بالغرفة فولجت الغرفة التي يتخبأ بها فتحي ترغب برحيله وتركها بمفردها فوجدته يقف أمام التسريحة الخاصه بها والتوتر والقلق أعتراه عندما فتحت باب الغرفة، لكنها لم تستطع رؤية توتره وما حدث عند ولوجها الغرفة قائلة ببرود مميت
-تقدر تمشي دلوقتي وأنا هبقى اكلمك
ابتلع ريقه ورفع يديه يمسح حبيبات العرق على جبينه متمتم باستىذان
-أنا آسف أني مدخلتش بس حضرتك قولتيلي محدش لازم يشوفني
أشارت له حتى يتوقف عن الثرثرة قائلة
-قولتلك أمشي وهبقى أكلمك
-اللي تشوفيه يا هانم
وقبل أن يغادر الغرفة التفت رامقًا ذلك الصندوق الموضوع على التسريحة والذي كان ملئ يمجوهرات لا تعد ولا تحصى.....مجوهرات قد تجعله غنيًا دون شقاء
فأبتسم بخبث وبدأ يفكر بخطة جديدة سيكون هو الوحيد الرابح بعدها
*********
جذبه بعنف وقوة مبعدًا إياه عن إياد الذي بات لا يتحرك أسفله مستسلمًا له ولضرباته المبرحة
-كفااااااية يا ثائر
كشر عن أنيابه وقال بصوت غاضب حد الجحيم وعينيه مثبته على إياد، حمراء مثل الدم
-لا مش كفاية... مش كفاية ده أنا لو أطول هطلع روحه في ايدي أبن*****
أنهى سبابه البذئ وكاد أن يتحرك يقترب من إياد الذي بدأ يتحرك محاولًا النهوض وعينيه تطلق شرار
منعه خالد بصعوبة قائلًا بصوت حاسم
-وأنا قولت خلاص كفااااااية، ودلوقتي أنت عرفت اللي حصل مع هيام والقرار في أيدك سواء هتكمل معاها أو هتسيبها، بس حط في دماغك أن اللي هيام عملته ده عملته عشانك قبل ما يبقى عشانها، وكانت متوقعة أنك متصدقهاش
رفع يديه يمسح على وجهه بصعوبة وسار ذهابًا وإيابًا أمام أنظار خالد فكان بتلك اللحظة كالثور الهائج......يفكر بما فعلته...جرحه...أهانته...أهدار كرامته...
فكانت أفكاره بتلك اللحظه هى التي تزأر لا لسانه...فكيف تخبأ عليه هذا الأمر..لما تصرفت بتلك الطريقة؟
ألا تعلم أنه كان سيصدقها لا محال!!!!
أطل الغضب الأعمى من عيناه وتحرك صوب الباب مغادرًا المنزل لا يطيق ذرعًا حتى يراها.....غادر أمام مرآى خالد و إياد الذي كان يلتقط أنفاسة بصعوبة فتحرك خالد تجاهه متفحصًا ملامحه التي لم تعد واضحة وأنتفخت عيناه
-قوم خلينا نشوفلك أي حاجة حطها على وشك اللي باظ ده وبعدين تروح
نهض معه إياد متمتم بصوت متألم يشوبه بعض المرح
-هو باظ أوي يعني
تجاهله خالد وساعده مجبرًا مقررًا الذهاب لتلك الأفعى بعدما ينهى مساعدته
***********
فتحت باب المنزل بوجه قاتم مقتضب، ملامح شاحبة، عقدت ذراعيها أمام صدرها عندما وجدته يقف أمامها هاتفة بتهكم
-غريبة مفتحتش الباب ليه ولا المفتاح ضاع منك
أجابها بهدوء مريب
-لا مضاعش يا شهيرة بس خلاص…… كل شئ انتهى وده اللي أنتِ كنتي عايزاه
فكت عقدة ذراعيها وبدأت ترتخي ملامحها وكذلك قلبها الذي بدأ يدق بعنف....
-قصدك إيه يا آسر
زفر آسر زفيرًا طويلًا وقال
-يعني أنا عارف أنتِ أتجوزتيني ليه، زي ما أنتِ عارفة أنا أتجوزتك ليه جوازنا كان جواز مصلحة مكنش فيه مشاعر وجه الوقت اللي لازم الوضع ده يتصلح فيه والأمور تأخد مجراها الطبيعي
كانت مضيقة عيناها تتابعه بشكوك تتمني أن تصبح شكوكها بمحلها وينفصل عنها وكان لها ما أرادت
-أنتِ طالق يا شهيرة
ومتقلقيش حطتلك فلوس في حسابك اللي فتحهولك وكمان الشقة دي هكتبها بأسمك والعربية كمان
قال كلماته ورحل من أمامها سريعًا حتى يحظى ببعض الوقت مع معشوقته التى تنتظرة بالأسفل...
أما شهيرة فولجت المنزل وأغلقت الباب وكلماته تترد باذنيها
-أنتِ طالق يا شهيرة، أنتِ طالق...طالق.....طالق
أتسعت ابتسامتها وأرتفع صوت ضحكاتها الأنثوية لا تصدق أنه فعلها، أي إمرأة كانت لتحزن لأنفصال زوجها عنها خاصة إذا كان من أمثال آسر شاب وسيم ثرى تتلهف النساء لنظره من عيناه وأشارة من يديه لكن تلك كانت تطير من السعادة قلبها يقفز فرحًا تتخيل بأن زواجها هو العائق بينها وبين معشوقها يوسف......
-طلقني يا يوسف، آسر طلقني ومبقاش فيه حاجة تمنع أننا نبقى مع بعض
**********
أضاءت الأنوار الخافتة بجوارها، ونهضت من جواره على الفراش بعد أن تأكدت من نومه العميق فها هو وبعد ما حدث بمنزل والدتها وعادا سويًا حاول بكافة الطرق أن يرفهه عنها ويزيل حزنها، ورغم ضيقها وحنقها إلا أنها أظهرت عكس ذلك غير راغبة بأزعاجه، يكفي كلماته التي لامست قلبها، وجعلت عيناها تلمع بتأثر
خطت بقدميها تجاه المرآة وجلست أمامها تطالع صورتها المنعكسه وكثير من الأفكار تعصف بذهنها
لمعت عيناها وهى تنظر لخصلاتها المنسابة على ظهرها، أغمضت جفونها بألم، فكم ترغب بأن ترتدي حجابًا يخفي خصلاتها وعنقها عن أعين الرجال، كارهه نظرات الرجال لها، فـ كثيرًا ما أرادت أتخاذ تلك الخطوة ولكن كيف تتخذها فالتفكير بها أمرًا سهلًا لكن التنفيذ ليس سهلًا بل صعبًا وللغاية
ترغب بالتقرب من ربها، تستغفره عما فعلته...سواء كان سهر... ملابس فاضحة... وتركها للصلاة وهى بذلك السن الواعي المدرك
ارتجف بدنها وحدقت بصورتها للحظات.... ثوانِ.... دقائق
ثم نهضت من أمام المرآة وبداخلها تنوي أتخاذ تلك الخطوة وفعلها حقًا، ستصبح فتاة أخرى...فتاة على دراية تامة بدينها وتطيع خالقها
*********
ولج المنزل مغلقًا الباب بهدوء يعكس الشرار الذي يكمن بين صدره، تحرك بالمنزل يرغب برؤيتها فكم يشتاقها ويتوق لها....
وجد هبه تجلس بالصالون تتوسط الأريكة وعينيها تطالعه بدموع وسرعان ما تحول الحزن البادي على قسمات وجهها لأبتسامة بسيطة ناهضة من مجلسها مقتربه رافعه ذراعيها مربته على عضلاته برفق قائلة بصدق
-كنت متأكدة أنك هتيجي ومش هتسيبها، عارفة أنها غلطت لما خبت عليك بس عارفة برضو أنك عاشق ومستحيل تسيب هيام في كل اللي هى فيه، فكرة أنك تتخلى عنها من سابع المستحيلات
أبتسم بألم مطرقًا رأسه للأسفل بحسرة متمتم بعد ثوانٍ من الصمت
-هى فين؟!
زفرت زفيرًا طويلًا مشيرة تجاه باب غرفتهم غير مدركة ما فعلته هيام عقب خروجها ودخولها للمرحاض وبحثها عن ذلك الكيس الذي يحوي المادة المخدرة والتى القته عقب أستنشاقه قبل رحيلها لحفل زوجها، تتمنى أن تجد قليلًا وتستنشقهم لتتغلغلها الراحة وكان لها ما ارادت....
-نايمة أعصابها تعبانة ومنهارة
أماء لها بأيجاب مغادرًا مكانه متحرك صوب الغرفة محاولًا السيطرة على مشاعره وأحاسيسه المشتته بتلك اللحظه فهو يشعر تارة أنه يريد صفعها ونهرها عما فعلته وتارة آخرى يشعر أنه يريد ضمها وطمأنتها بأنه معها.... لن يتركها ولن يفارقها إلا إذا فارقته روحه....
أما هبه فظلت تتابعه بعيناها وبعدها غادرت المنزل بهدوء تاركة أبنتها برفقته
ولج ثائر الغرفة والتي كان يسودها ظلام حالك، تقدم خطوات دون اصدار أي صوت حريصًا على عدم إيقاظها، أستمع لصوت أغلاق الباب فعلم بمغادرة هبه، ترك الباب مفتوحًا على مصرعيه ليتمكن من رؤيتها قليلًا من خلال ذلك الشعاع الضوئي المتسلل للغرفة...
أخذ نفسًا عميقًا عله يهدء نيران قلبه المتصاعدة وبعدها بدأ يتقدم منها، مسلطًا عينه عليها لا يزيحها ولا يرمش بجفونه....
جلس بجوارها على الفراش وبدأ قلبه يتلوى وهو يرى أثر بكائها على وجنتيها...كظم غضبه وأنخفض لمستواها مقبلًا جبهتها بقبلة ناعمة دافئة أغمض خلالها جفونها حتى يتلذذ بها..فكم أشتاقها واشتاق لقربها
رفع جسده الصلب وبدأت دموعة تتجمع بمقلتيه وبعد لحظات كانت قد تحررت وهبطت على وجنتيه، رفع يديه وأزال أثرهم بعنفوان، وظل يؤما برأسه يتوعد على عدم تركها فهى روحه وإذا غادرته مات قلبه وأصبح جسدًا بلا روح.....
تململت بنومها وخرج أسمه من فمها الصغير وحبات العرق تملئ جبينها، والدموع تهبط على وجنتيها أثماء نومها، رفع أناملة وأزالهم برفق، فـ عادت مناداته مرة أخرى لكن تلك المرة كانت كأنها تستغيث به، أتقن أنها ترى كابوس يؤرق نومها ويزعجها
أنحنى وهمس ببعض الكلمات بجوار أذنيها يبثها الآمان والطمأنينة
-أنا جمبك متخافيش
أنهى كلماته الهامسة مقبلًا إياها قبلات متفرقة على وجهها وعبراته لا تزال تذرف من عيناه، لا يستطع كبت أشتياقه الضارم بصدره
أيقظتها قبلاته ففتحت جفونها فرأته أمامها فظنت أنها بحلم وتراه بداخله فرفعت يديها محاوطة عنقه....فلم يفكر أو يتردد للحظة رافعًا يديه ضاممًا إياها بقوة كاسحة
فها هو يشعر بالنعيم بعدما ظن أنه حُرم منه.....
بتلك اللحظة تيقنت أن وجوده حقيقة، فأتسعت عيناها وأزدردت ريقها وحاولت الخروج من حصاره فلم يسمح لها و أزداد من ضمه لها ويديه تتغلل بخصلاتها لا يصدق بين يديه و لن يتفارقا....
-مش هسحملك تبعدي عني، مش هسمحلك يا هيام
أراد رؤية عيناها فأبعدها محاوطًا وجهها بتملك ناظرًا بعيناها الباكية متمتم بأنفاس عالية
-هتتعالجي وهترجعي زي الأول، ضحكتك الجميلة هترجع تنور وشك من تاني أنتِ سامعة
أغمضت عينيها وأنكمش وجهها بكاءًا تخجل من النظر بعيناه، وبدأ صوت بكائها يعلو تدريجيًا، والرجفة تجتاح جسدها الصغير
فشعر ثائر كأن أحدهم يعتصر قلبه فلم يدرك بذات إلا وهو يقترب منها ينحني تجاه شفتيها يلثمها برفق يبثها الآمان والدفء، يطمأن قلبها وجسدها معًا
هو معها ولن يتركها، ازدادت نيرانه وتغلغلت يديه بخصلاتها أكثر يمنعها من الأبتعاد
أما هى فسكنت بين يديه ترغب بدوام تلك اللحظة، تتمني أن يظل قربه المحب لقلبه
بعد لحظات ابتعد عنها يسنح لها بألتقاط أنفاسها الضائعة، اما هو فكان يلهث بعنفوان، أسند جبينه فوق جبينها قائلًا بخفوت
-عارفة نفسي في إيه دلوقتي؟
أغمضت عينيها تستمتع بسماعها لصوته ورائحة عطره الرجولية ويديها الصغيرة تتشبت بملابسه تتلهف لقربه
-إيه
حاوطها بذراعيه بتملك وقال بشراسة لا تليق سوى به وانفاس لا تزال عالية أثر مشاعره الجامحة
-نفسى الطشك كام قلم على وشك عشان اللي عملتيه معايا وعشان خبيتي عليا اللي أنتِ فيه، ومتفتكريش أن الموضوع هيعدي بسهوله لا...هتتعاقبي يا هيام وبالجامد كمان
**********
ولجا من باب المنزل معًا بعدما ظلا يسيران بالسيارة لبعض الوقت عقب نزوله من منزل شهيرة، وسرعان ما أرتفع جانب فم آسر متمتم بخبث وهو يميل قليلًا تجاه معشوقته هامسًا بجوار أذنيها لامسًا إياها عن عمد
-شكلهم نايمين، حتى الشغالين شكلهم ناموا... إيه رأيك تحضريلي أي حاجة أكلها عشان أنا جعان أوي..أوي..أوي
ابتعد عنها عائدًا بظهره للخلف يراقب ملامح وجهها والذي كان على يقين من تحول لونه للون الأحمر أثر كلماته الغير البريئة الملاقاه على مسامعها والتي فهمت مغزاها جيدًا
ابتلعت ريقها وأندفعت من أمامه هربًا قائلة بتلعثم
-ثواني وأكون محضرالك حاجة تأكلها
أماء لها بأيجاب وراقب رحيلها واتجاهها صوب المطبخ لتحضير الطعام له
ابتسم بمكر واضعًا يديه بجيب بنطاله وذهب خلفها يتبعها
دخلت المطبخ وأغمضت عينيها تهدء أنفاسها، رافعة يديها نازعة حجابها، فتحت جفونها وبدأت بتحضير الطعام له لعل ذلك يلهيها عما تشعر به...
أخرجت بعض الخضار وبدأت بغسلهم واضعة إياهم بأحدى الصحون غير منتبهه لذلك المتسلل خلفها يراقبها بأعين ثاقبة كعيون الصقر
ألتفتت والصحن بيديها فصُدمت به و سقط الصحن من يديها تلازمًا مع خروج شهقه من ثغرها الصغير
لاح الغضب على قسمات وجهها وأنحنت ململمة الخضار مرة اخرى متمتمة ببعض الكلمات الغاضبة
-حد يدخل المطبخ كدة طب اعمل صوت قول اي حاجة
كان يراقب غضبها بتسلية وفضل ألتزام الصمت، لم تجد أجابة فرفعت وجهها تطالعه بعصبية، فأعتدلت بوقفتها و الصحن بيديها و قامت بوضعه على الرخامة من خلفها وعادت تنظر له بغضب بادلها إياها بتسلية ومكر
وضعت كلتا يديها على خصرها قائلة بتذمر كالأطفال
-لا والله هو انا مش بكلمك و
كادت تكمل لكن سرعان ما جحظت عيناها وعادت للوراء وهى تراه يتقدم منها وعيناه لا تفارق حركة شفتيها...
أرادت الهرب من امامه فلم تجد مفر و وصلت للنهاية فالحائط اصبح خلفها و هو امامها فهتفت بتقطع
-آسر أنت وعدتني متقربش مني، انت كدة بتخوفني منك آسر
لم يستمع لها كانه أصبح أصم.....نطق مقتربًا منها مسحورًا ومفتونًا بها
-متخافيش انا مستحيل أذيكي أنا بحبك يا رقية
قال تلك الكلمات مقتربًا يرغب بتلثيمها لعل نيرانه تهدء...وما كاد أن يفعلها حتى وجدها دفعته وهرولت من أمامه مغادرة المطبخ
أعتراه غضب طفيف وخرج يلحق بها
ولجت الغرفة مبتعدة عن الباب بصدر يعلو ويهبط بعنف و
بعد أن اغلقت الباب من خلفها حتى تمنع ولوجه خلفها وابتسامة ترتسم على وجهها والسعادة تغمرها من تلك اللهفة والتوق التي تراه بعيناه تجاهها..فهذا يرضي غرورها وكبريائها كأنثى
وصل أمام الغرفة وحاول فتح الباب فلم يفتح معه فأغمض عينيه وزاد من قبضته على مقبض الباب متمتم بغضب
-أفتحي يا رقيه
أقتربت من الباب وتمتمت بهدوء يشوبة غضب رغم سعادتها
-لا مش فاتحة
-أفتحي يا رقية متعصبنيش
-قولت لا يا آسر عشان تبقى تحترم نفسك بعد كدة وتبطل قلة أدب
-قلة أدب إيه بس وبعدين هو انا شقطك ده أنا جوزك يا بنت الهبلة.. وبعدين مكنتش هعمل حاجة افتحي بقى لو حد شافني وانا واقف على الباب منظري هيبقى زفت
قالها آسر بصوت خافت متلفتًا حوله يتأكد من خلو الطرقة
فأجابته بعند وأصرار
-وانا قولت لا لا لا لا
جز على اسنانه وكاد يجيبها لكن منعه فتح الباب الخاص بغرفة صباح
فتحرك سريعًا على أطراف قدمه حتى لا تراه صباح وهو يترجاها لفتح الباب، وصل أمام الدرج الرخامي، ثم رآته صباح فنادت عليه
-آسر
ألتفت لها مبتسم ابتسامة لم تصل لعيناه
-ايوة
-كويس اني شوفتك ينفع نتكلم شوية
رفع يديه وجعلها تغوص بخصلاته متمتم بغضب مكتوم
-أكيد انا كدة كدة كنت نازل اوضة المكتب تعالي نكلم هناك
-ماشي
هبطت صباح برفقته فأدار رأسه قليلًا ينظر تجاه الغرفة متوعدًا لها متمتم بسره
-ماشي يا رقية ماشي
***********
"في حجرة المكتب"
-هنعمل إيه مع حنين؟هنجوزها
قالت صباح تلك الكلمات وهى تجلس بجوارة على الأريكة المتواجدة بآخر الغرفة
أراح ظهره للخلف قائلًا دون أي تعابير على وجهه
-أكيد هنجوزها، هو كان كلام عيال ولا إيه
وضعت صباح يديها على يديه وقالت بأبتسامة محبه
-لا مش كلام عيال كلام رجالة، ربنا يخليك ليا أنت ويوسف، على فكرة لو عرفت يوسف واتقربت منه هتحبه أوي يوسف طيب جدااا وقلبة أبيض
أراد أزاحة يديه من أسفل يديها لكنه لم يفعلها راغبًا بالتقرب منها وتعويض ما فاتهم
حمحت صباح وقالت بتوتر
-هو انا ممكن أسالك سؤال
-أتفضلي
قالها بهدوء فتابعت حديثها بتوتر
-مراتك عارفة انك متجوز غيرها
تبدلت ملامحها وطالعها ببرود، بعدها أجابها على مضض
-لو قصدك على شهيرة فـ أيوة عارفة أني متجوز رقية، ولو قصدك على رقية فهى لسه عارفة جديد، وكدة كدة طلقت شهيرة أنا بحب رقيه
تهللت أساريرها لحديثها معها والأكثر لطلاقة لتلك الفتاة التى لم ترتاح لها بسبب نظراتها الغير بريئة تجاه يوسف فعيناها كانت تفضحاها.....
ابتسمت بسعادة مغمغمة بحب
-مراتك شكلها بنت حلال وبتحبك غير التانية بصراحة مرتحتلهاش من اول ما شوفتها، ربنا يسعدك يارب أنت وأخواتك و يرزقكم الذرية الصالحة يارب
أبتسم لها وأبتسمت عيناه حبًا بتلك الدعوة المحببة لقلبه فتمتم وراءها
-آمين يارب