البنت اول ما شافتو اتصدمت وارتعبت وكانت هتجري بس سراج مسكها بقوه ولسه هتص*رخ رشها بمخدر قوي في ثواني غابت عن الوعي
سراج سندها وحطها في العربيه وساق بيها على نفس المكان وحطها على سريرها وقعد جمبها بحزن شديد وقال...انا اسف.. سامحيني والله ما هعرف اعيش من غيرك لو كنت اقدر مكنتش عملت كل ده...وبعد عنها وربطها بالسلسله الحديد ولقا تليفونه على الارض فتحو لقا مكالمات من رقم مجهول رن وقال ...ايوه مين
بس اتعصب جدا لما سمع صوت يعرفو كويس بيقول..قلبي عندك يا سراج يا خويا سمعت ان الوالد بعافيه
سراج كان هينفجر من الغضب بس قال..عايز ايه يا نادر
نادر قال باستفزاز وشماته ..لا ابدا انا سمعت ان والدك تعب قولت اشوف مالو خفت يكون الفديو الي بعتو معجبهوش ولا حاجه
سراج قال بغضب..لا عجبو..عجبو اوي واستنا رد مني عليه قريب..قريب قوي وقفل في وشو ...وقال بغضب... يلعن ابو سخافتك استنى لما افوقلك وقفل على البنت ورجع المستشفى
في قصر النوري ..نادر قفل مع سراج ودخل لفتون اوضتها لقاها نايمه على السرير مش قادره تقف من وجع رجلها وبتبكي على الحاله الي وصلتلها
فتون اول ما شافتو اترعبت وبقت ترتعش من الخوف
نادر قعد جمبها وقال ببرود...ايه ..رجلك لسه بتوجعك معلش هما اول يومين كده وبعدين هتتعودي على الوجع مش بس وجع رجلك كل الوجع بعد كده هيبقى عادي
فتون بصتلو بدموع وقالت....هو...هوانت محبتنيش ابدا ..كل..كل الي كان بنا كدب..كل كلامك.... واهتماكك وغيرتك.... وخوفك عليا كلو تمثيل ..انا مش بعيط من وجع رجلي..انا قلبي..قلبي وجعني اوي انا ...انا حبيتك...حبيتك اكتر من اي حد ليه عملت كده معايا معقوله ملقتش طريقه تانيه معقوله مفرقتش معاك خالص
فتون كانت بتبصلو بحسره ودموعها بتنزل بألم شكلها كان يقطع القلب
نادر حاول يتكلم ويظهر قسوتو مقدرش من منظرها حاول يتمالك نفسو وقال...نامي..دلوقتي الوقت اتأخر نتكلم الصبح وقام ولسه هيمشي فتون مسكت ايده بسرعه وقالت...انا عايزه امشي يا نادر عايزه امشي من هنا.. انت وثقت العقد وقانونا اتجوزما يعني هنقدر نطلع شهادة ميلاد لابننا ومش هيبقى ابن حرام خلاص خلينا نطلق وانا همشي ومش هتشوفني تاني هسافر وابعد عنك وعن اهلي سبني اربي ابني بهدوء ابوس ايدك
نادر بصلها وسحب ايده بغضب ومسكها من شعرها بقوه وقال بفحيح...ده في احلامك يا بنت الطحاوي انتي هتفضلي هنا وابني انسي تربيه انتي عمرك ما هتكوني امو اعتبري نفسك رحم صناعي مش اكتر ابني انا الي هربيه هيفضل معايا وانتي هخلص منك اول ما يتولد ده لو فضلتي عايشه لحد ما يتولد وزقها بع*نف
فتون بقت تبكي وقالت..يا نادر حرام عليك.. حرام عليك بقى انا تعبت... تعبت
نادر ابتسم بسخريه وقال..تعبتي انتي لسه شوفتي تعب مفيش غير طريقتين يخلصوكي مني يا اما تموتي يا اما انا الي اموت ادعي ربك بقى يمكن يسمعلك
فتون ردت بسرعه من غير تفكير وقالت....بعيد الشر عنك متقولش كده يارب انا الي اموت وارتاح وبقت تبكي بشده
نادر اتفاجأ من ردها وانها مدعتش عليه واستغرب من الحب ده غمض عنيه بالم ومشي بسرعه خايف يضعف قدامها طلع الجنينه يشم هوا وهو مخنوق ومضايق جدا قال..ليه يا فتون..ليه مش عارفه تكرهيني انتي بتصعبيها عليا ..بتصعبيها اوي
في المستشفى عند سراج كان قاعد جمب ابوه ومش عارف امتى هيفوق وجالو الدكتور عدي وقال...انت لسه هنا انا قولتلك مش هيقوم انهارده الوقت اتأخر روح نام وانا لو فاق هرنلك
سراج بص لابوه بحزن وقال...اا انا هفضل هنا جمبو عايز اطمن عليه
عدي اتنهد وقال...تمام براحتك لو احتجتني انا موجود هنا انهارده تصبح على خير
عدي طلع وسراج فضل يبص لابوه بالم وقال..اوعى تسبني انت صحيح عمرك ما حبتني بس انا بحبك اوي..اوي يا بابا ومقدرش اكمل من غيرك
في صباح يوم جديد في قصر النوري كان سالم ونادر بيفطرو الصبح بدري زي العاده
سالم قال...عايزك في موضوع مهم ضروري اعرف رايك فيه
نادر بصلو باهتمام وقال..موضوع ايه
سالم قال..عايز اجوز علا لخالد ابن عمك
نادر شرق وهو بيشرب وقال بدهشه..ايه تجوز مين لمين
سالم قال....اجوز علا اختك لخالد ابن عمك ايه غريبه دي
نادر قال ...جدا واغرب من اي حاجه سمعتها كمان انت عارف ان خالد بيحب... وخد نفس بضيق وقال..عارف انو بيحب فتون ازاي عايز تظلم علا مع واحد مبيحبهاش
سالم قال..هيحبها هيه علا وحشه
نادر قال... مش وحشه ابدا بس القلب وما يريد
سالم قال..اسمعني يا نادر انا وانت عارفين فتون ايه اخرها معانا وخالد متعلق بيها ذياده انا عايزه ينساها وميفكرش فيها ابدا وطالما حاطط في بالو ان فتون هتطلق منك في يوم من الايام هيفضل على امل انا عايزه يتجوز ويستقر ويخلف وينساها ومين عارف مش يمكن يحب علا ويستقرو سوا
نادر قال..كلامك صح بس ليه علا نجوزو اي واحده تانيه اهو على الاقل لو ما ارتحوش سوا ميبقاش فيه مشاكل بنا
سالم قال...انا عايز اجوزو علا بالتحديد
لاني خايف عليها انا مش عايز اشغلك بس سراج مش هيسكت واحتمال وارد يعمل نفس الي انت عملتو ويحاول يوقع علا علشان يضغط علينا ويكسرنا
نادر وقف بعصبيه وقال...ده انا كنت اشرب من دمو والله اطلع بروحه قبل ما يقرب منها
سالم قال .اقعد يا نادر واهدى انت مش هتقدر تعمل حاجه اديك شوفت هما معرفوش بعلاقتك مع فتون الا بعد ما بقت حامل يعني ليك اكتر من سنه وانت بتلعب عليها... حسو بحاجه ابدا ولا احنا كمان هنحس الا بعد فوات الاوان
نادر قعد وابتدى كلام ابوه يحركو وقال..طب ايه العمل ابعت رجاله يراقبوها..
سالم قال..الحل الوحيد هو الي قلتهولك الموضوع بسيط علا محتاجه حد يحميها ويهتم بيها وتحط في دماغها انها على عصمتو فتقفل الباب في وش اي حد وخالد كمان محتاج واحده تنسيه فتون فهما لتنين هيعوضو بعض وانا متأكد انهم هيبنو حياه مستقره سوا
نادر اتنهد وقال..خلاص الي تشوفه بس احنا قدامنا مشكلة اقناعهم يعني لو فيه امل نقنع علا خالد مستحيل نقدر نقنعو
سالم ضحك وقال ....انا شايف العكس بقى ومع ذالك لما انت مستسهل اقناع علا انت كلمها وسبلي خالد ده ابني انا مربيه و هعرف ازاي اخليه يوافق
نادر قال تمام هكلم علا وانت كلم خالد... ونادي على واحده من الخدم وقال..دخلي فطار لفتون هانم
سالم بصلو بضيق وقال ...فتون هانم ...وتدخل لها فطار كمان الظاهر ان فيه حد جديد هيقع في شباك بنت الطحاوي
نادر قال ..احم ..انا مش علشانها ابني في بطنها ولازم تتغذي الفتره دي وهيه من امبارح مأكلتش
سالم بصلو بشك وقال..تمام خد بالك و.....بس قطع كلامهم نزول خالد
خالد قعد على السفره بضيق شديد وقال بحزن واضح...صباح الخير يا عمي
سالم ابتسم وقال..صباح الفل يا حبيب عمك انت
نادر قال..وبالنسبه لابن عمك ايه مفيش صباح ليه
خالد اتنهد ومردش عليه ونادي لواحده من الخدم وقال..فتون هانم فطرت
الخدامه قالت..هندخل لها الفطار حالا يا خالد بيه
خالد قال ..تمام
الخدامه مشيت وخالد كمل فطوره عادي اما نادر فكان ضامم اديه بغضب ومتدايق جدا من اهتمام خالد بفتون قال..الحمد لله شبعت عن اذنك يا بابا هروح اشوف علا ليه منزلتش
نادر طلع وخالد قام ولسه هيمشي سالم قال...استني يا خالد عايزك
خالد قال..خير يا عمي فيه حاجه
سالم قال..هو فيه حجات بس انا بصرف نظر عنها لانك ابني زي ما نادر ابني ولا انت مش بتعتبرني ابوك
خالد قال..لا ازاي يا عمي انت ابويا وفوق راسي من فوق انا زعلتك في حاجه
سالم قال..انا عارف ياخالد ان فتون بنت كويسه وجميله جدا طبعا واي شاب يتمناها بس وضعها الحالي مهما كان غريب وصعب مينكرش الحقيقه الوحيده في الموضوع والي هيه انها مرات نادر ابن عمك وحامل منو كمان ومين عارف يمكن بعد ماناخد حقنا من اهلها يفضلو سوا هيه ونادر
خالد بلع ريقه بالم وقال.انا عارف يا عمي ومش بتعدى حدودي معاها انا حتى كان نفسي ادخل اطمن على رجلها مرضتش اروح علشانو و
سالم قال...مجرد تفكيرك فيها غلط وخوفك عليها غلط يا خالد انا بس بوضحلك الي غايب عنك يا ابني
خالد قال بوجع ..تمام يا عمي انا هحاول انساها انت مفيش داعي تقلق مني انا عمري ما هتخطى حدودي
سالم ابتسم وقال..عيب الي بتقوله ده يا خالد انا اضمنك برقبتي في اي مكان وعلشان كده انا ليه طلب عندك واعتبرو رجاء من اب لابنو
خالد قال..انت تأمر أمر يا عمي
سالم قال ...تسلم يا ابني انا عايزك تاخد راحتك في التفكير وتعرف اني مش عايز غير الاحسن ليك
خالد قال..هو فيه ايه قلقتني
سالم قال ...عايزك تتجوز علا في اسرع وقت ممكن
بقلمي..... زهرة الربيع
...................
عند سراج بباه فاق اخيرا وكان قاعد معاه قال..الف حمد الله على سلامتك يا بابا
فؤاد بصلو واتنهد وقال..الله يسلمك انا بقالي كتير هنا
سراج قال...لا ابدا من امبارح ...بس متعرفش الوقت ده عدى عليا ازاي
فؤاد ابتسم وقال بحزن..هو انت بتزعل عليا يا سراج
سراج قال..طبعا يا حبيبي انت ابويا ربنا يخليك ليا
فؤاد نزلت دموعو وقال...فتون يا سراج اختك كانت ..كانت...
سراج قال بحزن ....هو انت شوفت الفيديو
فؤاد قال بدموع..ايوه شوفتو ..ومعرفتش مالها حتى بس كانت بتص*رخ مقدرتش افهم بيعملو فيها ايه الكفره
سراج قال ..اششش اهدى اهدي علشان صحتك وحياتك عندي يا بابا لو قولتلي اروح حالا اجيبها لاجبها من قلب بيتهم وميهمني اي حد
فؤاد مسح دموعه وحاول يهدى وقال..لا متجبهاش بس مش هنسكت لازم يعرفو ان اي حاجه هيعملوها معاها هتخسرهم كتير.. كتير اوي.. اسمعني كويس وتنفذ بالحرف
سراج قال باهتمام... هو انت ناوي على ايه
فؤاد قال بغضب..ناوي اعرفهم هما مدو ايدهم على مين
بعد فتره كان سراج مع عدي بيكتبلو تعليمات عن صحة فؤاد والاكل الي ياكلو والادويه
تليفون سراج رن واول ما رد سمع الجارد بتاعو بيقول...ايوه يا باشا الهانم عماله تصرخ من ساعة ما فاقت وفي صوت تكسير شديد ادخل لها
سراج ضم اديه بغضب وقال..لا سبها انا جاي حالا وخرج من المستشفى وطلع على بيت المزرعه باقصى سرعه
بقلمي ...زهرق الربيع
اول ما وصل قال للجارد روح انت المستشفي لاحسن بابا يعوز حاجه وانا شويه وهاجي قبل معاد خروجو وكمل بطريقه ترعب وقال..طبعا مفيش داعي افكرك لا ابويا ولا اي مخلوق يعرف بوجودها هنا
الجارد قال بخوف..الي تأمر بيه يا باشا
سراج دخل واتفاجأ بيها قاعده على الارض والمكان كلو متكسر
سراج قال بغضب..ايه الي انتي عملاه ده انا مش قولتلك تقعدي عاقله ولا لازم اسلسلك في السرير واخليكي متعرفيش تتحركي خالص
البنت وقفت قدامو وقالت بدموع وبكا شديد..عايزه اخرج من هنا خرجني بقى كفايه حرام عليك حرام انا..انا بموت ..طب موتني.... موتني وخلصني وانبي
سراج بصلها بحزن والدموع لمعت في عنيه اتنهد وحط ايده على وشها بحنان وقال... اهدي يا تقى انا ...
بس تقى زقت ايده وقالت بزعيق.. متلمسنيش شيل ايدك الوسخه دي يا قاتل يا مقرف انا بقرف منك وووو
الفصل الثامن
بس تقى زقت ايده وقالت بزعيق.. متلمسنيش شيل ايدك الوس*خه دي يا قاتل يا مقرف انا بقرف منك بكرهك بككككرهك
سراج اتنرفز واتعصب وبقى على اخره مسكها من شعرها وقال بغضب ...طب اكرهيني يا تقى اكرهيني براحتك بس مش هتطلعي من هنا ويا تفضلي عاقله يا اما وربي اندمك يا تقى فاهمه
تقى قالت بعصبيه..طيب ندمني.. ندمني يلا اققتلني وخلصني يلا موتني لو راجل اقتلني زي ما قتلت جوزي يا واط*ي يا حيو*ان
سراج بصلها بغضب مرعب وقال وهو بيضغط على اسنانه ...انا مش هقتلك ..بس كويس انك فاكره اني قتلت قبل كده وكمل بهمس مهلك وقال... واقدر اققتل تاني وزي ما قتلت حبيب القلب اققدر اققتل ابوكي اوامك او اختك حتى ها هنهدى كده ونعقل ولا اتصرف انا
تقى نزلت دموعها وقعدت على السرير بيأس وبقت تبكي بقهر شديد
سراج بصلها بالم وقرب منها وقال...هو انا ممكن اعمل ايه علشان تحبيني او تتقبليني حتى اوتديني فرصه مره واحده يا تقى صدقيني محدش هيحبك قدي انا ..حتى هو ..هو محبكيش قدي..انا....
تقى رفعت عينها ليه وقالت بدموع...انت ايه...انت مريض يا سراج مريض ازاي متخيل اني ممكن اققبل بيك بعد كل الي عملتو معايا انا كل ما بشوفك بتمنى لو ماشوفش ابدا كل ما بتلمسني ببقى قرفانه من كل حته فيا ارحمني يا سراج لو انت بتحبني زي ما بتقول رجعني لاهلي بقى
سراج نزلت دموعو من كلامها وقال...هو انا لو اققدر اعمل كده كنت استحملت كلامك ده يا تقى... وقام ومشي من البيت كلو وهو مخنوق ونفسو يصرخ من التعب
في قصر النوري كان خالد مصدوم جدا من طلب عمه وقال بصدمه..انت بتقول ايه يا عمي اتجوز مين ..علا ..علا دي زي اختي احنا اتربينا سوا و
سالم اتنهد وقال...علا مش اختك يا خالد مش اختك وصدقني ده الاحسن ليك وليها
خالد قال بغضب..احسن في ايه هو انا مش لازم افهم سبب طلبك الغريب ده لو على تعلقي بفتون فانا قولتلك اني هبعد عنها مفيش داعي تدخل علا في مشاكل هيا ملهاش ذمب فيها
سالم قال..اسمع يا خالد انا هكلمك بصراحه انا خايف على علا من سراج سراج هيعمل مع علا الي نادر عملو مع فتون هو اكيد هيفكر يردلنا الضربه ارجوك يا ابني لو ليا خاطر عندك تطمني عليها
خالد قعد على الكرسي بحزن وقال...يا عمي انا مقدرش لا هيه بتحبني ولا انا
سالم قال بسرعه..هتحبها والله يا بني علا طيبه واكيد هتتفاهو بس انت ادي نفسك فرصه ارجوك انا بترجاك يا خالد
خالد قال بحزن..العفو يا عمي بس والله الموضوع صعب ..صعب
سالم لسه هيرد لاكن نزلت علا من على السلم زى الاعصار ونادر وراها بيقول ..طب اسمعي الاول
بس هيه بتزعق وتقول ..وانا قولت لا يعني لا هو انتو كل حاجه هتدخلو فيها
بقلمي...زهرة الربيع
سالم قال فيه ..ايه يا علا
علا قالت بغضب..انا الي المفروص اسألك فيه ايه انا مش بحب خالد وهو بيحب فتون واضحه للكل واديني بقولها قدامو اهوه انا مش موافقه
سالم قال بغضب..علا اتكلمي كويس انا ابوكي
علا خدت نفس وقالت بطريقه اهدي..اسفه يا بابا بس خالد اخويا مش اكتر من كده ومستحيل مستحيل افكر فيه انا مش عارفه جات في دماغكم ازاي
خالد كان ساكت ومضايق من كلامها ورفضها الغريب وبيسأل نفسه هيه ليه رفضاه قوي كده
وسالم حاول يلم الوضع لما لقاها منفعله وشاور لنادر بمعني يكلمها ونادر قال..يا علا احنا عايزين مصلحتك و
بس علا قالت. بغضب..مصلحتي ..مصلحتي مع خالد مع ده انتو يا اما بتهزرو يا اما عايزين تجننوني
خالد اتسعت عنيه بشده وقال..مع ده ...وقرب عليها وقال بغضب ومالو ده.. لاكون مش عاجبك يا ست علا
علا بصتلو كده وقالت ..لا طبعا مش عاجبني ولا هتعجبني ابدا
خالد اتنرفز وقال...يعني انا الي هموت عليكي انا كمان رافض ومش عايز الجوازه دي
علا قالت بغضب..يبقى تمام لا انا عيزاك ولا انت عايزني نفض السيره دي بقى وانت كراجل كده تقول لا ...لاني مش هتجوزك لو اخر راجل في الدنيا كلها فاهم
خالد اتحولت ملامحو لغضب مهلك وقال..انا بقى كراجل وافقت خلاص وبص لعمه وقال...شوف امتى عايزنا نكتب الكتاب وانا موافق يا عمي وبصلها بتحدي وغضب وقال... عن اذنكم وطلع على السلم
وعلا بقت تزعق قاصده تسمعو وبتقول..في احلامك يا خالد مستحيل اتجوزك شوفو ازاي هتجبروني عليه مش موافقه مش موافقه ابدا... وطلعت هيه كمان على اوضتها
خالد دخل اوضتو وهو مش عارف ليه مقالش نفس كلامها واصر زيها ورفض الجوازه بس كلامها استفزه جدا رفضها الجامد بالطريقه دي خلاه عايز يعاندها وخلاص اتنهد بضيق وافتكر فتون كان المفروض يطمن على رجلها بس مقدرش اتنهد بشده وقال...انساها يا خالد هتنساها
نادر كان واقف بزهول من غضب اختو ورفضها حتى مسابتلهمش فرصه واحده لاقناعها قال..انا مش عارف ليه الموقف ده كلو سألتها اذا في حد في حياتها بس قالت مفيش طب ليه بترفض كده حتى مش بهدوء
سالم ضحك وقال...دلوقتي مستغرب ومعرفتش تكلمها كلمتين وامبارح تقولي علا مقدور عليها وانا هكلمها اهي حتى مسمعتش كلمه منك بنتي وانا عارفها
نادر قعد جمبو وقال..طب بما انك عارفها تقدر تقولي ايه العمل اكيد مش هنغصبها يعني
سالم اتنهد وقال..مش عارف بس الي اعرفو انها لازم تتجوز خالد بس في شخص واحد ممكن يقنعها
نادر قال..ومين ده بقى
سالم قال..بنت الطحاوي
نادر قال باستغراب... فتون ..هه فتون هتقنعها ازاي اذا كنا احنا اهلها مقدرناش
سالم قال..احنا مقدرناش لانها مستحيل تتكلم معانا براحتها لو امك الله يرحمها عايشه كانت اتكلمت معاها وعرفت سبب رفضها ..وفتون وعلا صحاب قوي وبيدرسو سوا وكل يوم مع بعض ورغم كل مشاكلنا مع اهل فتون بس كانت علا بتحبها ومكرهتهاش ابدا
نادر قال ..معاك حق الصراحه بس فتون تقنعها دي ممكن تقنعها عكس الي احنا عايزينو علشان تدايقنا ده كفايه الي عملناه معاها من ساعت ما دخلت البيت مستحيل توافق تساعدنا
سالم ضحك وقال..انت لسه متعرفش فتون ..فتون قلبها طيب وغلبانه زي ابوها ولو قلتلها مش هتمانع
نادر بصلو بزهول وقال..طيبه...وغلبانه..وزي ابوها كمان انت هتجنني يا بابا مش ابوها ده الراجل الي دمر حياتنا ولسه امبارح بتقولي ان هو السبب في كل حاجه
سالم اتنهد وقال...طبعا هو السبب..بس اصلك متعرفش ابوها ده زمان كان عامل ازاي كان طيب جدا جدا بس الزمن غيره
نادر قال بلهفه..اييييييوه بقي ايه الي حصل وغيره
سالم قال بزهق....يووووه يا نادر كل يوم السؤال ده قلتلك هتعرف كل حاجه في وقتها يلا كلم فتون خليها تتكلم مع علا يمكن نخلص او على الاققل تعرف لنا سبب رفضها
نادر اتنهد وقال بيأس...تمام ...وقام دخل عند فتون
سراج بقى كان عند ابوه في المستشفى وكتبلو الدكتور على خروج وسراج طلع معاه على قصرهم
بعد شويه وصلو قصر الطحاوي وسراج وصل ابوه اوضتو ونيمو على السرير و قال..نورت بيتك يا بابا حمد الله على السلامه
فؤاد قال بضيق...سيبك من سلامتي عملت ايه في الموضوع الي كلفتك بيه
سراج قال ..كلو تمام باليل هنفذ
فؤاد قال تمام وبص قدامو بغضب وقال....الشاطر الي يضحك في الاخر يا سالم
في قصر النوري نادر دخل لفتون وقال....احم..رجلك خفت
فتون كانت بتاكل ومش مهتمه بسؤاله بصتلو بنظره غضب وكملت اكلها من غير ما ترد
نادر ابتسم علي طفولتها دي و قال..جيت اطلب منك طلب للاسف مفيش غيرك هيعملو
فتون فضلت باصه في الاكل وقالت بلامبالاه...خير زهقان وعايز رجلي التانيه تخرم فيها شويه
نادر كان عايز يضحك من طريقتها وكلامها بس اختفت ضحكتو والحزن بان على ملامحو لما شاف الدموع في عنيها وقالت..معلش كمان كام يوم لحد ما اقدر ادوس على دي علشان اعرف ادخل الحمام حتى
نادر اتنهد وقال..احم انا مش عايز ائذيكي متقلقيش انا بجد هطلب منك طلب ..بابا عايز يجوز خالد لعلا وكنت عايزك تكلميها لانها رافضه
فتون بصتلو بدهشه وبعدها ضحكت اوي وقالت بسخريه..لا بجد ...امممممم وعايزني اقنعها ..طب اديني سبب واحد يخليني اساعدك في حاجه يا نادر
نادر اتنهد وقال...يعني مش موافقه ...تمام انا هكلمها انا غلطان اصلا اني جتلك.. ولسه هيخرج فتون قالت...لا هكلمها يا نادر عارف ليه ..علشان هيه تستاهل تكون مع شاب جميل زي خالد بجد تستاهل تتحب وتعيش مع بني ادم نضيف يحافظ عليها
نادر ضم اديه بغصب شديد وبصلها بطريقه ترعب وقال..عاجبك قوي خالد ..ندمانه انك موافقتيش عليه مش كده
فتون بصتلو بقوه وقالت...من ناحيه انو عاجبني فهو يعجب اي حد انما ندمت لا مندمتش لاني عمري ما قدرت ولا هقدر احبو زي ما يستاهل لان قلبي عشق الوجع عشق التعب الاسف... عشقت عذابي...
نادر بلع ريقه بتوتر من كلامها ونظراتها حس باحساس لاول مره يحسه نفسو يحضنها جامد نفسو يغرق في عنيها اكتر بس فاق لنفسه بسرعه وطلع من الوضه بتعب من افكارو وطلع على الشركه من غير ما يكلم حد كل الي كان عايزه انو يبعد يبعد من عيونها من كلامها يبعد عن اي حاجه تجمعو بيها
نادر فضل اليوم كلو يشغل نفسو في الشغل ورجع البيت بالليل هلكان وتعبان واول ما دخل شاف ابوه قاعد هو وخالد وقال..مساء الخير
سالم قال..مساء الخير يا بني اتأخرت قوي ومشيت من غير ما تقول لحد قلقتني عليك
نادر قعد وقال بتعب معلش يا بابا كان فيه شغل متأخر وكان لازم اخلصو
سالم ابتسم وقال ..المهم انك بخير
خالد قال بضيق ..على فكره اختك من الصبح مطلعتش من اوضتها ورفضت تاكل اديني بقولكم اهوه لو رافضه للدرجادي بلاش منو الحوار كلو
نادر اتنهد وقال..با ابني انت مش قولت وافقت
خالد قال..ايوه وافقت بس شايف لعب العيال بتاعها دي حتى بباها مردتش عليه لما طلع لها الغدى
نادر ضحك وقال..خلاص..سبهالي انا هكلمها و....بس قطع كلامو صوت تليفونو واتفاجأ ان المتصل كان سراج وقف بسرعه و قال... الو
سراج قال بمكر...٣٠مليون دولار بتهيألي التمن كفايه مش كده
بقلمي...زهرة الربيع
نادر استغرب قوي وقال باستغراب... مش فاهم تمن ايه
سراج ضحك وقال بغضب..تمن ايدك الوس*خه الي اتمدت على اختي وكل ما تكررها هتخسر يا ابن النوري هممم يلا يعوض عليك ربنا.... وقفل في وشو من غير ما يستناه يرد
نادر اتنرفز ومكانش فاهم ابدا بقى يقول... الو...الو بس كان قفل
سالم بيقول فيه ايه يا نادر ايه الي بيحصل
نادر قال مش خير مش خير ابدا ولسه هيحكيلو تليفونو رن واول ما رد جالو صوت حد من الي شغالين معاه وقال...الحقنا يا باشا المخزن الي فيه البضاعه الجديده كلو اتحرق ومش عارفين نسيطر على الحريق
نادر برق بشده و قال بغضب شديد....انا جاي حالا وووووو