رواية عشق احفاد الجوهري الفصل السابع عشر17والثامن عشر18 بقلم ايه المهدي
الجد: انت عملت ايه يا حاتم
حاتم : اخدت اغلي حاجة عندك
فلاش باك:
حاتم : ملك يا حبيبتي أنا متأكد من الخطوة دي احنا لازم نتجوز عمي رافض وأخواتك كمان رافضين
ملك : انا عارفة يا حاتم بس انا زعلانة اني هاعمل كده من وراه بابا مكنتش متخيلة اني اتجوز من وراه
حاتم : عارف يا حبيبتي بس لما يشوفك مبسوطة معايا اكيد هيغير نظرته ليا ويوافق
ملك : طيب هنعمل ايه هنروح للمأذون دلوقتي
حاتم : اه طبعا يا حبيبتي وأخذ حاتم ملك وذهب للمأذون وتم زواجهم
حاتم : مبروك يا حبيبتي كان نفسي اعملك احلي فرح بس الظروف جت كده
ملك بحزن : لاء متقولش كده كفاية انك معايا انا بس مضايقة وكان نفسي بابا واخواتي يكون معايا وموافقين
حاتم : معلشي يا حبيبتي بكرة يغيروا رأيهم يلا بينا احنا بقا لازم نتغدي ونحتفل بجوازنا مبحبش حبيبة قلبي تكون مضايقة
ملك بحب : ربنا يخليك ليا يا حبيبي
حاتم بهزار : احنا هنقضيها حب كده ولا ايه انا جوعت انتي مش جعانة
ملك : اه جوعت والله يلا بينا وذهبوا لتناول الطعام وهما فرحين
بعد مرور شهر علي زواجهم
حاتم : ملك يا حبيبتي احنا لازم نقول لعمي كل حاجة
ملك بخوف : لاء يا حاتم بابا لو عرف معرفش ردة فعله ايه
حاتم بعصبية : يعني ايه هنفضل نتقابل كده كأننا حرامية انتي مراتي ومن حقي تكوني معايا
ملك بدموع : يا حاتم اعمل ايه انا خايفة عصبية بابا تعمل حاجة هنندم عليها كلنا
حاتم : طيب هنفضل كده لأمته يا ملك
ملك : انت مش كان وراك قضية شغال عليها وهتبقي مشغول فيها طول الوقت
حاتم : اه دي قضية كبيرة ومعرفش هتاخد وقت قد ايه بالظبط
ملك : طيب خلاص خلص قضيتك واوعدك بعدها هنقول لبابا كل حاجة
حاتم : انتي متأكدة من كلامك حبيبتي انا عايزك متخافيش من اي حد أنا متأكد انه عمي بيحبنا لا يمكن يأذينا
ملك : عارفة أنه بابا بيحبنا بس معرفش ليه رافضك
حاتم بحيرة : ولا انا عارف ليه
ملك : طيب انا لازم امشي دلوقتي اتاخرت
حاتم : طيب هانزل اوصلك مع اني مشبعتش منك
ملك بهزار: جري ايه يا حاتم انا تقريبا بجيلك كل يوم
حاتم بضحك : يا حبيبتي انتي القلب كله والواحد ميقدرش يعيش من غير قلبه انا لو طايل احبسك هاحبسك ومخليش حد يشوفك ابدا
ملك مصطنعة الخوف : لاء كده اخاف منك يا حاتم
حاتم بحب : ملوكة حبيبتي انتي تخافي من الكل وانا لاء
ملك : ربنا يخليك ليا يا رب
ملك بتذكر : حاتم أنت هيكون معاك مين في المهمة دي
حاتم برفع حاجب: بتسالي ليه
ملك بغيرة : أيوة يبقي البت الملزقة دي هتكون معاك صح
حاتم بتسلية: قصدك مين مريم اه والله معرفش بس يا ريت تكون معانا ده حتي دمها خفيف
ملك بغضب وغيرة : نعم يا حبيبي بتقول ايه هي مين دي اللي دمها خفيف اروح اخطوبهالك احسن لم الدور يا حاتم وخلي اليوم يعدي
حاتم : مالك بس يا حبيبتي أنا قلت حاجة أنا بس بعرفك أنها دمها خفيف مش اكتر وبعدين أنا قلبي بيحب واحدة بس واسمها ملك
ملك بخجل: خلاص بقا يا حاتم انا لازم امشي اتاخرت
حاتم : أيوة الفراولة طلعت اهي
ملك : حاتم انا ماشية
حاتم : طيب استني يا بت اوصلك مجنونة مجنونة بس بحبها
ذهبت ملك للقصر وكان والدها في انتظارها
الاب : ملك اتاخرتي كده ليه يا بنتي قلقتيني
ملك بتوتر : ابدا يا بابا كنت مع صحابي والوقت خدنا
الاب : طيب يا حبيبتي اطلعي ارتاحي
مر وقت طويل وجاء يوم مهمة حاتم
يحيي : بقولك ايه يا صاحبي انا قلقان من المهمة دي
حاتم : قلقان بذمتك ده شكل رائد رايح يقبض علي تجار مخدرات انت نسيت احنا مين ولا ايه
يحيي : لاء يا صاحبي منستش بس القلق شئ طبيعي
حاتم : متقلقش احنا قدها يا صاحبي
دخل المقدم محمد للمكتب
المقدم : ايه يا سيادة الرائد مستعدين احنا حاطين أملنا كلنا فيكوا انتوا احسن فريق عندي وانا واثق فيكوا
الرائد حاتم ويحيي: تمام يا فندم احنا هنكون عند حسن ظن حضرتك
المقدم : تمام يا سيادة الرائد بالتوفيق
علي الناحية الأخري عند ملك
استقيظت ملك بأعياء شديد وكادت تستفرع وذهبت للحمام سريعا ومضي وقت وخرجت ملك من الحمام
ملك بتعب : انا مالي انهاردة كده
دخلت زوجة باسل لغرفة ملك ورأت علامات التعب علي وجهها
زوجة باسل: مالك يا ملك يا حبيبتي وشك اصفر كده
ملك بتعب : معرفش والله بس معدتي وجعاني واستفرغت
زوجة باسل : طيب يا حبيبتي هاعملك حاجة سخنة تهديكي وبعدها هنروح للدكتورة نكشف عليكي
ملك بتعب شديد : حاضر
وبعد مرور بعض الوقت ذهبت ملك وزوجة باسل للطبيبة
الطبيبة : بقالك قد ايه حاسة بالوجع ده
ملك : انهاردة بس
الطبيبة لملك : انتي متجوزة
ملك : ها لاء
الطبيبة : حضرتك حامل في الشهر الاول
ملك بصدمة : ايه حامل ارجوكي يا دكتورة متقوليش حاجة لمرات اخويا برة قوليلها شوية تعب عاديين
الطبيبة : طيب اهدي التوتر غلط عليكي قوليلي ايه الحكاية يمكن اقدر اساعدك
ملك : حاضر قالت ملك كل شئ الطبيبة
الطبيبة : يعني انتي متجوزة وابن عمك كمان طيب كل اللي اقدر اقولهولك لازم اهلك يعرفوا لانه الحمل كمان كام شهر هيظهر عليكي وكمان أنا ضد مبادئ اني اكدب بس هاساعدك
ملك بفرح : شكرا ليكي وانا هاقول كل حاجة لبابا بس لما حاتم يرجع
ذهبت ملك هي وزوجة أخيها للقصر
ومر ثلاث شهور علي ملك وهي تحاول ان تداري حملها عن الجميع وحاتم مشغول بقضيته
حاتم : بقولك ايه يا صاحبي انا مشوفتش ملك من فترة عايز اشوفها
يحيي بغمزة : ايه يا بني الحب بيعمل اكتر من كده
حاتم ؛ اخرس يالا دي مراتي
يحيي : طيب خلاص روح احنا كده خلصنا باقي اسبوع واحد ونقبض عليهم كلهم احنا اتعبنا قوي في ال٣ شهور دول
مر وقت وذهب حاتم للقاء زوجته
ملك كانت تغني في غرفتها ولم تشعر بدخول حاتم لغرفتها جاء حاتم واحتضن ملك من الخلف كانت ستصرخ ولكن حاتم هداها
ملك : حرام عليك يا حاتم خضتني
حاتم بضحك : معلشي يا حبيبتي حبييت اعملك مفاجأة
ملك بحب : وحشتني قوي يا حاتم كل ده وقت ومتكلمنيش
حاتم بحب لزوجته الجميلة: معلشي يا حبيبتي القضية كانت اخده كل وقتي انما ايه الجمال ده كله
ملك بخجل: دي عيونك هي اللي جميلة حاتم عايزة اقولك خبر هيفرحك
حاتم : قولي يا حبيبتي
ملك : كمان ٥ شهور هيكون عندنا بيبي
حاتم بصدمة وعدم استيعاب: بيبي
حاتم : انتي حامل بجد أنا هابقي اب
ملك : اه يا حبيبي هتبقي احلي بابا في الدنيا
حاتم بفرح : انا مبسوط مبسوط قوي
حاتم بجدية : ملك احنا لازم نقول لعمي كل حاجة
ملك بتوتر : أيوة يا حاتم لازم انت مش عارف انا بقيت خايفة ازاي يعرفوا اني حامل
حاتم بحنية: خلاص يا حبيبتي كله هيبقي بخير
علي الناحية الأخري عند العصابة
مجهول١: هنعمل ايه يا باشا الحكومة بتدور ورانا
مجهول ٢: هنعمل اللي لازم يتعمل هنخلص من حاتم الجوهرى وصاحبه
مجهول ٣: مين حاتم الجوهرى ده الغول محدش يقدر عليه
مجهول ٢بضحكة شريرة : ومين قالك هنقتله احنا هنخلص علي صاحبه وبعدها نخلص علي اعز حاجة عنده
مجهول ٣: انت قصدك ايه يا باشا
مجهول ٢: انتوا فاكريني ساكت ما هو أنا عملت من زمان انا اللي قلت للجوهري بيه عن ابن اخوه أنه بيتاجر في المخدرات وخليته يرفض عرض جوازه من بنته الوحيدة حاتم مش استسلم وراح اتجوز ملك الجوهرى من ورا الكل ومحدش يعرف حاجة ايه رايك لو ناخد روحه منه
مجهول ١: انت قصدك مراته
مجهول ٢: امال دي اكتر حاجة هتدمره حرفيا وكمان مراته دخلت مزاجي اصلها حلوة قوي
ظلوا يضحكون بهسترية ويخططوا لدمار حاتم الجوهري وصديقه
البارت الثامن عشر
داخل مكتب الجوهري كان حاتم يستعيد ذكرياته المؤلمة والجميع بالخارج ينتظرون
باسل : تفتكر بابا عايزه في ايه وانا مش هاسمح أنه واحد زي ده يفضل معانا هنا
زوجة باسل : اهدي بس يا باسل اكيد عمي عارف هو عايز ايه وهيقولنا في النهاية
زوجة قصي : صح كده نستني عمي لما يخرج
وأثناء محادثتهم دخل سليم وسراج للقصر
سليم : مساء الخير مالكوا حصل ايه وفين جدي
باسل : لاء ابدا يا ابني مافيش
سراج : مافيش ازاي ده انتوا وشكوا قلب مرة واحده لما دخلنا وأثناء كلام سراج مع الجميع نادت حور بسرعة علي سراج
حور : سراج سراج سراج
سراج : مالك يا حبيبتي أنا اهو
حور بهمس : تعالي عايزاك بسرعة
سراج : طيب لما اخلص كلام معاهم
حوربعند: لاء دلوقتي حالا
سليم بعصبية : انتي مسمعتيش قالك ايه
حور بهمس لم يسمعه الا سراج : ايه الواد العبيط ده مالو هو واحدة بتكلم اخوها
سراج بضحك: سمعتك علي فكرة وهو لو سمعك مش هتسلمي منه
حور بصوت عالي : ما يسمع ولا يتفلق هاخاف منه أنا يعني مثلا وبعدين هو مالو اصلا
الجميع بصدمة : ها
باسل بهمس لقصي: هي بنتك اتجننت ولا ايه هي بتقول كده لسليم دي كانت بتخاف منه
قصي : والله ما عارف شكل موضوع الذاكرة ده ماثر ولا ايه
سراج بصدمة : انتي بتكلمي سليم ولا حد تاني
حور بعصبية : لاء بكلم البني آدم ده وايه يعني سليم يعني كان ايه مثلا مش فاهمة بتخافوا منه ليه
سليم بعصبية: انتي اتجننتي ازاي تكلميني كده
حور بغضب مماثل: ليه كنت مين يعني فاكر نفسك اعلي من الكل ولا فارد نفسك بشوية العضلات دول
سليم بصدمة : فادر نفسي بشوية عضلات
سراج بهمس : نهار اسود روحنا في داهية
سراج بهمس لحور: اسكتي يا مليكة ابوس ايديك هو انتي فقدتي الذاكرة ولا اتحولتي
حور بعند: واسكت ليه هو الغلطان
جاءت أسيل وأخذت حور من يديها وذهبت للاعلي
أسيل : انتي اتجننتي ازاي تكلمي سليم كده
حور : وايه يعني سليم ده هو كان مين يعني متعصبنيش يا أسيل عليكي مش كفاية شكله ده وكمان مخوف الكل منه كأنه وحش
أسيل : انتي مجنونة محدش اتجرأ وكلم سليم كده حتي نادين مراته الله يرحمها عمرها ما اتكلمت معاه كده وكان بيحبها حب
حور : ايه ده بجد طيب وليه ده كله
أسيل : ده الحفيد الأكبر لعائلة الجوهري وكمان واخد طبع جدو فطبيعي يكون كده
حور: وبعدين تعالي هنا انتي محكتيش ليا أنه الوحش ده عاش قصة حب يلا احكيلي حبوا بعض ازاي وكده
أسيل بغضب من هذه المجنونة كما لقبتها : انتي هبلة يا بنتي أنا بكلمك في ايه وانتي بتقولي ايه
حور بترجي: احكيلي علشان خاطري
أسيل : طيب خلاص هاحكيلك وروت لها أسيل كيف قابل سليم زوجته نادين وأحبها بشدة ثم تزوجها ولكن بعد مرور عامين علي زواجهم أصيبت بحادث وتوفيت وخلال تلك المدة لم يفكر سليم بغيرها ورفض الزواج بعدها
حور بانبهار: بجد بقا ابن عمك ده طلع رومانسي قوي لاء وكمان عايش علي ذكريات مراته اوعدنا يا رب كده زيهم
أسيل : اتنيلي وانتي حد هيتجوزك بلسانك ده
حور : ومالو يا حبيبتي لساني زي العسل
أسيل بهمس : اه واضح جدا
حور: اه قلبي الصغير لا يتحمل بتشتميني في سرك انا عارفة وانا اللي فكرت أننا صحاب مكانش العشم يا أسيل انا قلبي انجرح
ضحكت أسيل بشدة علي هذه المجنونة
أسيل : انتي مجنونة مجنونة
حور : عارفة يا قلب المجنونة
في الاسفل في مكتب الجوهري
حاتم : انا قلت وقتها لملك أننا هنقول كل حاجة بس لما العملية تتم ونقبض علي العصابة وبعدها اتحدد معاد العملية وجهزنا انا ويحيي للعملية
فلاش باك
يحيي : جاهز يا صاحبي
حاتم : جاهز انا متاكد أننا هننجح
ذهب حاتم ويحيي ومعهم الفريق
المجهول ٢: هههههههه اعمل اللي اتفقنا عليه
المجهول ١: امرك يا باشا الجوهري باشا هيعرف كل حاجة وحاتم الجوهري وصاحبي بالسلامة
وصل حاتم وفريقه لمكان العصابة وبدأوا بالهجوم عليهم وقبضوا علي الجميع ولكن لم يكن بينهم الزعيم
حاتم بغضب : هرب ازاي ده
يحيي : اهدي يا حاتم هنجيبه
حاتم بغضب اكبر : اكيد هنجيبه
عند المجهول
المجهول ٢بضحكة شريرة : هههه كانت خطة ممتازة ودلوقتي الجوهري باشا زمانه عرف بجوازة بنته وكمان موت يحيي خلاص وحاتم باشا مش هيعرف يعمل حاجة
عند عائلة الجوهري :
الجوهري : انت بتقول ايه يا حيوان انت
المجهول : انا فاعل خير واكيد معنديش مصلحة اني اكذب انا بس بقولك اللي بنتك عملته من وراك هي وابن اخوك المصون والدليل قدامك اهو
الجوهري بصدمة : انا مش مصدق ملك تعمل كده
المجهول بابتسامةخبث: حاتم السبب هو اللي أقنعها
الجوهري بغضب : هتدفع تمن اللي عملته غالي قوي يا حاتم
ذهب المجهول من حيث آتي
الجوهري : ملك ملك
جاءت ملك سريعا علي صراخ والداها
ملك : نعم يا بابا
ضرب الوالد ابنته
ملك بصدمة : بابا انت بتضربني جاء جميع أشقائها علي الصوت العالي
باسل : بابا في ايه مالك وضربت ملك ليه
والداهم بحزن : أسالوها هي عملت ايه اسالوها
قصي : ملك في ايه
ملك بتوتر : معرفش
الاب بصوت عالي : متعرفيش ايه متعرفيش انك اتجوزتي ابن عمك من ورايا وحامل منه كمان
الجميع بصدمة: ايه متجوزة
قصي بغضب : الكلام ده صح يا ملك
الاب : طبعا هترد تقول ايه
ملك بدموع : يا بابا أنا
الاب : بس متقوليش بابا دي انا لو كنت ابوكي مكنتيش عملتي كده من ورايا واتجوزتي
ملك : ما هو حضرتك مكنتش موافق علي حاتم ومقولتش سبب برضو
الاب : انا حر انا عارف ايه لمصلحتك
ملك : ما هو لازم سبب مقنع لرفضك لحاتم وكمان ده ابن اخوك
الاب بغضب : ما هو علشان ابن اخويا مقولتش ليه رفضته وقصي عارف كده كويس
قصي : بابا كان خايف عليكي يا ملك
ملك : من ايه خايف عليا انتوا عارفين أنه أنا بحب حاتم جدا
الاب : حتي لو قولتلك أنه تاجر مخدرات
ملك بصدمة : ايه لاء طبعا حاتم مستحيل يعمل كده
الاب : اتاكدت بنفسي
ملك بدموع : لاء مش ممكن وذهبت ملك لغرفتها وظلت تبكي طويلا
علي الناحية الأخري
يحيي: حاتم قدرنا نحدد مكانه يا صاحبي
حاتم : بجد طب يلا بينا
ذهب حاتم وفريقه لمكان المجهول
وقام نزاع بينهم وقام الزعيم بضرب حاتم ولكن حاتم لم يتأثر لبنيه جسده الضخمة وظل حاتم يضربه حتي نزف ولكن قام الزعيم بأخذ مسدسه وأطلق رصاصة ولكن كانت من نصيب يحيي الذي وقع أرضا بلا حراك
حاتم بصراخ : يحيي قوم يحيي
المجهول بضحكة : هههههه الدور عليك
غضب حاتم كثير من كلماته وقام بالضرب المميت عليه
حاتم بصراخ : انا هاقتلك يا حيوان هاقتلك وظل حاتم يضربه حتي كاد يلفظ أنفاسه الأخيرة وجاء أحد الفريق وامسكه وتم القبض علي الجميع وأخذوا جثمان يحيي