23_سراج ابتسم بطريقه تخوف وفي ثانيه كان ضا*ربو وموقعو على الأرض ونازل فيه ضر*ب بشراسه لدرجه ان كل الي معاه خافو من كتر ما كان عنيف وبيضر*بو بغل
الناس اتجمعت وبعدوه عنو بصعوبه وهو بينهج وعنيه بتطق شرار ومسك تقى وخرج بيها من المكان كلو
سراج كان شاددها وراه وبيمشي بسرعه وهو كتله من الغضب وتقى كانت بتحاول تهديه وبتقول..سراج..سراج اقف شويه لوسمحت..سراج اهدى بكلمك
بس سراج زي ما يكون مش سامعها وماشي بسرعه بس وقف فجأه لما قالت بزعيق ..سراج اقف بقى تعبت انا حامل حرام عليك
سراج بصلها بخوف وقال..انا..انا اسف.. نسيت..حاسه بايه فيه حاجه بتوجعك
تقى قالت بغضب...وانت من امتى بتهتم بوجعي ..على العموم انا قولتلك من شويه كل الي عندي انا ماشيه لاني مش قادره اتكلم اكتر وانت فكر في الي قلتهولك وياريت تحترم قراري وتطلقني من غير مشاكل يا سراج وابنك امتى ما تحب تشوفو هتشوفو وده اخر كلام عندي
تقى مشيت بسرعه وسراج فضل باصص لطيفها بحزن شديد وجالو تليفون من نهى قال..عايزه ايه علي الصبح
نهى قالت بعصبيه..كلمني كويس يا سراج متنساش اننا في مركب واحده
سراج ضحك بسخريه وقال... انا مركبش معاكي اي مركب يا نهى انتي عارفه اخرك معايا اية فمتديش نفسك اكبر من حجمك
نهى قالت بضيق..اووووف طيب.. طيب من غير تقطيم مش طالبه خالص على الصبح انا كنت طالبه اسألك سؤال..فتون اختك تعرف حاجه عن الي بنا يعني عن سهراتنا وكده
سراج استغرب وقال..معتقدش تعرف حاجه ليه بتسألي
نهى قالت بقلق..اصل نادر الصبح اتكلم معايا عليك بطريقه مريحتنيش اصلو ناوي يعمل بزنس معاك وقبل ما اسألو حاحه كان مشي تقريبا رايحلك القصر
نادر برق بزهول واتحولت ملامحو لغضب رهيب وقال..بزنس مع مين...معايا انا ده اتجننن رسمي ..لو كان رحلي للبيت فعلا ميلومش الا نفسو
نهى قالت بخوف ... هتعمل ايه اوعي يا سراج او.....
بس سراج قفل الخط في وشها وهيه رمت التليفون بعصبيه وخوف شديد
نادر وصل قصر الطحاوي وطبعا اتمنع من الدخول وطلب منهم ييلغو فؤاد انو عايز يقابلو
بس فؤاد سمحلو يدخل على طول واول مادخل استقبلو فؤاد.وهو بيقول بخوف...فتون كويسه حصللها حاجه
نادر ابتسم وقال..اهدى فتون بخير وبتسلم عليك هجبها في يوم تقعد معاك وتبوس ايدك يا فؤاد بيه
فؤاد خد بالو من لهفتو وطريقتو بص بعيد وقال..انا مش عايز اشوفها ولا اشوفك انت كمان جاي ليه
نادر قال ...طب مش نقعد نتكلم تطلبلي حاجه اشربها
فؤاد بصلو باستغراب وقال..اتكلم مع مين..معاك انت..قوم امشي احسنلك قبل ما سراج يجي مش ناقص مشاكل
نادر ضحك وقال...امشي ازاي انا مستنيه اصلا
فؤاد لسه هيتكلم دخل سراج وهو بيقول..واديني متأخرتش عليك..يا نعم
بقلمي... زهرة الربيع
نادر ابتسم وقال...اهلا بيك ..انا كنت عايزك في شغل
سراج قال باندفاع ..ده الكلام بجد بقى
نادر ابتسم بخبث لانو اتأكد ان نهى كلمتو قال..كلام مين العصفوره قالتلك
سراج مهتمش وقال..ملكش دعوه بالي قلي ..ووريني عرض كتافك مش عايز ابهدلك ولو ان من الطبيعي اردلك حسن الضيافه الي استقبلتني بيه يوم ما جيت عندكم بس انا احسن منك ومش هعمل كده
نادر اتنهد وقال...شوف يا سراج انا لما راجعت حساباتي لقبت انكم احسن مننا في حجات كتير وانكم من زمان قوي احسن مننا والغلط كلو غلطنا من الأول بس كانت غلطتك الي متتغفرش موت اخويا وده شيئ ميتنسيش بسهوله يا سراج علشان كده اي حاجه نعملها معاك انت بزات معزورين فيها
سراج قال بغضب..دم اخوك ميكفيش نقطه في دم امي واليومين دول جاي على بالي اوي اوديك تونسو فالحق نفسك وبلاش كل شويه الاقيك قدامي
اما فؤاد كان في عالم تاني تغير نادر المفاجأ وكلامو بان هما الغلطانين من البدايه خلاه يشك انو عرف حاجه عن الماضي فضل سرحان وساكت لحد ما نادر قال..طب احضرنا انت يا فؤاد بيه..ده بزنس المفروض فوق كل شيى وننسى خلافاتنا علشان مصلحة الشغل ولا ايه
فؤاد قال باستغراب..مصلحه ايه وشغل ايه احنا من امتى واحنا بنشتغل سوا
نادر شرحلو الوضع الجديد وخطتو علشان يدخلو المناقصه
سراج قال..احنا سامعين بالموضوع ده ودارسين السوق كويس ومش هندخل المناقصه لانها خسرانه خلي السوق يهدى وهنرجع بتقلنا احنا مرتبين نفسنا ومش محتاجين نشاركم ابدا
نادر قال..ونرجع احنا ليه احنا لو اتفقنا هنبقى اقوي منهم انا عندي اكبر شركتين في السوق مش ناقص الا وجودكم دخولكم معانا الصفقه مش معناه اننا اتصافينا مع اني اتمني لاكن ده مجرد بزنس هننقذ تعب عمرنا ونخلي مشاكلنا على جمب فتره مش اكتر
سراج قال بسرعه..يفتح الله مش عايزين و... بس فؤاد قال ...هيه المناقصه هتاخد كام يوم
نادر قال بسرعه..اسبوع بالكتير ها وافقت
سراج قال بغضب..وافق على ايه
فؤاد قال ..اسمع يا سراج الامبراطوريه دي كلها ليك يا ابني انا خلاص مبقتش قادر اشتغل بس من خبرتي ودراستي للسوق كل الي قالو نادر صح وده الحل الوحيد والا هيجي وقت مش هتلاقى مكان في السوق وهنصفي
سراج قال بعصبيه..انت مش بتقول كلو ليه انا عايز اخسر كل حاجه ومشتغلش مع ده ابدا فاهمين
هنا نادر ابتسم لما اتأكد ان فؤاد كده وافق... وقال عايزك لوحدنا ياسراج كلمتين وهمشي تعالي معايا الجنينه
نادر طلع بثقه وسراج مشي وراه وهو هيطق من الغيظ
نادر وقف عند البوابه وقال..اسمعني كويس انا مليش علاقه بكل الي عملو ابويا انا غلطتي الوحيده الي عملتو مع اختك وانت بالمقابل حرمتني من اخويا ما علينا من كل ده انا عندي ليك اقتراح
سراج قال بملل..اقتراح ايه ده اتحفني
نادر قال..اسمع يا سيدي تقى كلمت محامي تسألو على اجرأت الطلاق لو حبت ترفع قضيه عليك
سراج بلع ريقه بوجع شديد وقال..انت عرفت ازاي
نادر قال..عرفت ازاي دي متقولهاش ليا انا ابدا ..المهم انا رأيي تطلع معايا السفريه لمده اسبوع وتطلب منها انها تطلع معاك الاسبوع ده كلو يمكن الاسبوع يبقى عشر ايام مش يمكن تحنلك وترجعو متصالحين
سراج قال..وايه الي هيخليها توافق مستحيل ترضى
نادر قال ..صحيح الحب بيلغي العقل ده انت سراج الطحاوي مش عارف ازاي هتخليها تيجي
سراج فهم قصدو وقال..تمام ..بس هطلع الشغل ده علشان تقى مش اكتر اما انا وانت مفيش كلام بنا
نادر كان هيطير من الفرحه وقال....ماشي يا عم ولا كلمه ..سلام
نادر خرج وسراج فضل محتار فيه حاسس ان فيه حاجه غير الشغل
نادر ركب عربيته وقال..ان شاء الله هتتصالح مع تقى ومعايا يا سراج وطلع على القصر
سراج رن لتقى وقال...الو كويسه دلوقتي
تقى قالت بضيق..عايز ايه يا سراج ياريت مترنليش تاني متخلنيش اقفل التليفون خالص
ولسه هتقفل سراج قال...لسه عند كلامك
تقى قالت باستغراب كلام ايه..
سراج قال...انا موافق اطلقك بس انتي قولتي اطلب اي طلب مش كده
تقى بلعت ريقها بخوف وقالت..ايوه..قلت..وانا عند كلامي ااامر
سراج قال..طالع سفريه عشر ايام عايزك تطلعيها معايا لان كل الشركا هيجيبو زوجاتهم وعايزك تفضلي على زمتي ومعايا العشر ايام دول واول ما ننزل القاهره هطلقك من غير اي كلام
تقى قالت بغضب .سفر ايه ونيله ايه وانا ايه الي يضمنلي انك هتطلقني بعد ما نرجع
سراج قال...وحيات حبي ليكي لو حبيتي تطلقي اول ما نرجع ..هطلقك
تقى ضحكت ضحكه تجنن وقالت...لو حبيت انت عندك امل رهيب يا سراج بجد مبتيأسش..على العموم بما انك حلفت بمرضك انا هصدقك وهطلع معاك بس اول ما ننزل تطلقني على طول
سراج قال .... اتفقنا..
عند نادر رجع القصر وكانت فتون مستنياه وبتغلي من الغضب.. اول ما دخل قربت عليه وقالت بعصبيه..انت صحيح هتاخد الي اسمها نهى دي معاك
نادر ضحك وقال..اييه ده يا بنتي طب استني اخد نفسي الاول
فتون قالت..رد عليا يانادر هتسافر انت وهيه لوحدكم
نادر قال بابتسامه..لا..هنسافر انا...وهيه...وسراج وتقى وخالد ويمكن علا ..وقمري الي مقدرش استغنى عنو
فتون بصتلو بكسوف وقالت بابتسامه...يعني انا رايحه معاك
نادر قال..ومين قلك اني عليكي انا اققصد مختار ده الجارد بتاعي ومقدرش استغنى عنو
فتون ضربتو في كتفو وقالت..بطل غلاستك دي وقولي هو سراج وافق يعني وتقى وافقت تروح معاه وبابا قال ايه احكي ايه الي حصل و
نادر حط ايده على بقها وقال..اكيد لو سكتي هحكيلك ايه ده بلعتي راديو اهدي شويه
فتون هزت راسها بمعني حاضر ونادر فضل مركذ في عيونها وقال...لسه بتحبيني يا فتون
فتون اتسعت عنيها اكتر بلونهم الرمادي الجميل وتاهت في عيونه و وهزت راسها بمعنى لا
نادر ابتسم قرب اكتر وقال...متأكده
فتون هزت راسها بلا برضو
نادر ابتسم وحضنها وقال...جمب ودنها نفسي اعمل حجات كتير بس خايف على ابننا
فتون برقت بدهشه وزقتو وقالت..خليك بعيد يا نادر كام مره هقولك خليك بعيد ايه ده
ومشيت وهيه فرحانه جدا ونادر فضل باصص عليها بابتسامه جميله ونزل تحت ولسه هيخرج نهى قالت استنى يا نادر
نادر وقف وبصلها بضيق وقال... نعم..
نهى قالت..من ساعت ما جيت وانت بتتهرب من الكلام معايا هو انت خلاص مبقتش تحبني يا نادر
نادر ابتسم باستهزاء وقال...هو انا ..امتى قولتلك اني بحبك..بصي يا نهى انا كنت ناوي اتجوزك اه..بس عمري ما حبيتك
نهى قالت ..وبتقولها في وشي يا نادر
نادر قال ببرود..احسن ما اقولها من وراكي يا روحي عن اذنك ورايا شغل وانتي كمان اجهزي هنسافر بكره
نادر مشي ونهى دخلت اوضتها وطلبت شخص وقالت بعصبيه...اسمعني كويس...نادر هيدخل صفقه مع سراج يعني تقريبا هيتصافو لو يهمك الموضوع
الشخص ده وقف يعصبيه شديده..وقال ايه...يتصافو
..يتصافو يعني ايه..ده على جثتي بعد كل الي عملتو مستحيل
بقلمي...زهرة الربيع
نهى قالت..وانا اعمل ايه انا الي بأيدي بعملو وقولت اقولك وانت تتصرف هما هيسافرو بكره مرينا وانا هكون معاهم
المجهول...طيب طيب..خليكي معاهم وانا هخليهم يرجعو من هناك يقطعو في بعض اكتر من الأول وهتشوفي وقفل وهو متغاظ بشده
في اليوم التاني الكل جهزو نفسهم تقى ودعت اهلها وراحت لسراج وطلعو على المطار
وكمان عيله النوري نادر وخالد وفتون وعلا اجتمعو كلهم وطبعا كان فيه تجاهل شديد من ناحية سراج بس نادر كان بيتحمله على قد ما يقدر
بعد فتره وصلو الفندق وكانو كلهم مجتمعين على البحر البنات على طاوله بيتكلمو ويهزرو و الشباب على طاوله وكانو بيدرسو الاوراق والملفات وبيتكلمو في الشغل
فتون كانت قاعده مع تقى وعلا ونهى بس اغلبيه كلامها مع تقى لان علا طول الوقت شبه بتراقب خالد وبتتصرف بطريقه عجيبه ونهى طبعا كانت قاعده بملل ومش بتتكلم خالص وفجأه جيه شاب طويل ووسيم وملامحو رجوليه وجميله اتقدم عليهم وفتون اول ما شافتو وقفت بفرحه وقالت..ادهم ايه المفاجأه دي
فتون مدت ايدها تسلم عليه بس هو شدها عليه وحضنها فجأه وهو ببيقول..وحشتيني يا قلبي
فتون برقت بزهول ونادر شاف كده وبقى كتله جمر حارق واتقدم عليهم بغضب مرعب وخالد وحتى سراج مشيو وراه بسرعه يهدوه
فتون بعدت عنو وهيه مرعوبه من نادر وأدهم بصلها باستغراب وقال مالك وشك مخطوف كده ليه
وهنا نادر شدها بقوه ووقف قدامها بطريقه ترعب وقال بعصبيه وزعيق وهو بيضغط على كل حرف بيقوله ..انت مين ...وازاي ..تحضنها... كده
ادهم بصلو بغضب رهيب وقال....وانت مالك انا خطيب فتون انت الي مين
نادر بصلهم بصدمه شديده وقال بغضب مهلك..خطيب فتون ..اااه...طب مش تقول ..انا جوزها تشرفناوووو
الفصل الرابع والعشرون
نادر بصلهم بصدمه شديده وقال بغضب مهلك..خطيب فتون ..اااه...طب مش تقول ..انا جوزها تشرفنا يا باشا
أدهم بصلو بزهول ورجع بص لفتون بصدمه وقال..انتي..انتي اتجوزتي يا فتون ..اتجوزتي غيري
فتون بصتلو بحرج شديد ولسه هترد نادر مسكو من قميصه بشراسه وقال..اه اتجوزت مش مالي عينك ولا ايه
سراج هنا مسك نادر وبقى يبعدو عنو وقال بغضب..بس بقى فرجتو علينا الناس سيبو يا نادر سيبو
نادر زقو بع*نف وادهم بقى يزعق ويقول...اتجوزتها ازاي وامتى انا مش فاهم ..فتون ليا انا مش هتكون لغيري دا انا احرق الدنيا
نادر كان بيبصلو بغضب وعايز يضر*بو وخالد بيمنعو
ادهم هو كمان متعصب وعايز يهجم على نادر وسراج ماسكو وبيقول..كفايه يا ادهم علشان خاطري تعالى معايا
ادهم زقو بقوه وقال بغضب...انت متكلمنيش اصلا انت زيك زي الكل انتو ضحكتو عليا وجوزتوها من غير ما حد منكم يعرفني حتى انت مفولتليش ..وانا راجع وفاكر اني خلاص هتجوزها ونبقى لبعض وانتو ببساطه تقولولي اتجوزت
نادر لما لقاه متعصب قوي ابتسم بخبث وقال..وحامل كمان.. يلا بارك لها
سراج بص لنادر بغيظ شديد وادهم برق بزهول ودموعو نزلت وبص لنادر بغضب مرعب وقال...الايام بنا بكرة تشوف انو كان اسؤ قرار في حياتك لما اتعديت على املاكي.. ولسه هيمشي
نادر قال باستفزاز...كانت املاكك بس دلوقتي فتون ملكي انا وحامل بابني
ادهم اتنرفز جدا ومسكو من قميصه ولسه هيضر*بو فتون قالت بزعيق..بس..بس بقى..كفايه خناق فضحتونا ووقفت قدام ادهم وقالت...انا عمري ما وعدتك بحاجه يا ادهم ولا بينتلك حتى اني معجبه بيك كل الي بنا صلة قرابه مش اكتر من كده علشان تقول انك خطيبي وتتخانق بالطريقه دي
ادهم قال ..بس انتي عارفه اني بحبك و
بس فتون قاطعتو وقالت..بس انا مش بحبك وقولتلك الكلام ده قبل كده انت بالنسبالي زي سراج مش اكتر فلو سمحت كفايه كده
ادهم قال..تمام يا فتون براحتك وبص لنادر بغضب رهيب ومشي وهو مش شايف قدامو من كتر العصبيه
نادر بص لفتون بنظرة غضب واضحه وشدها من ايدها وهو بيقول..عن اذنكم هنطلع نريح
نادر ولسه هيمشي بيها وهو في قمة غضبو سراج مسك ايده بسرعه وقال بتحذير..هيه ملهاش دعوه بالي حصل ابدا
نادر زق ايده من كتر الغضب وقال..فتون مراتي مش هتخاف عليها اكتر مني وياريت تحط حدود بينك وبينها ومتخدش عليها انت كمان ومشي بسرعه
سراج كان باصص لطيفه بصدمه وقال بزهول..احط حدود..مع فتون..هو الجدع ده عبيط ولا ايه
تقى كانت جمبو ضحكت وقالت..ليه يعني في ناس غيرتها صعبه
سراج ابتسم لانها كلمتو وقال..بس انا اخوها يعني دي مش غيره ده هبل ...سيبك منو اصلا هو ليه فتره دماغو مش في مكانها يلا معايا هطلعك تريحي واروح اشوف ادهم وارجعلك
تقى بصتلو بخوف وقالت..احنا..احنا هنطلع في اوضه واحده
سراح فهم انها خايفه من وجودهم سوا ضحك وقال..اه هنطلع اوضه واحده بس متقلقيش هحط حدود بيني وبيك..مادام هحط حدود مع فتون..جات عليكي يعني يلا بينا
تقى ضحكت على كلامو وطلعو سوا طلعها اوضتها وراح لادهم
كل الي حصل ده تحت انظار علا الي مكانتش مهتمه ابدا وبتشرب العصير ولا كأن فيه حاجه وقالت لخالد..هو انت فهمت حاجه ..هو ازاي خطيبها يعني
خالد بصلها بطرف عينه وقال ..ده على اساس انك مهتمه قوي وانتي عماله تشربي وتاكلي وهما بيتخانقو
علا قالت بضيق..ده مش اكل دي تسالي
خالد قال بسخريه والله..انا اسف غلطت في التسالي مكانش قصدي
علا قالت بغضب..انت بتتكلم كده ليه هو انا عملت ايه
خالد قال بغضب..فيه انك بتتعاملي معايا على اني جيت السفاريه دي علشان فتون مع انك عارفه ان انا ونادر بنشتغل سوا في اي مشروع طريقتك وكلامك كلو بيقول كده مع اني جبتك معايا زي ما نكون في رحله وانتي ولا على بالك
علا قالت بغضب...ياسلام ..على فكره بقى انت متأكده مش حاسه انك جاي علشان فتون وكمان متأكده انك بتتخانق معايا دلوقتي علشان غيران عليها من الي اسمو ادهم ده صح ولا غلط
خالد بصلها بزهول وقال...مفيش فايده المفروض منحاولش عمرنا ما هننجح سوا عمرك ما هتشليها من وسطنا واتنهد بحزن وقال..اتفضلي اوريكي اوضتك
علا حست انها مكانش ينفع تقول كده قالت بكسوف..خالد انا
خالد قال بغضب مكتوم...ولا كلمه يا علا... يلا معايا
علا مشيت معاه وهيه زعلانه جدا من نفسها ومش عارفه تراضيه ازاي
عند نادر طلع هو وفتون ودخلها اوضتهم وفضل رايح جاي في الاوضه بغضب رهيب وكل الي شايفه قدامو منظر ادهم وهو بيحضنها وبيقول انو خطيبها ..بص لفتون بطريقه ترعب وبقى يقرب عليها بغضب ويقول ...مين ده ....تعرفيه من فين وازي يقول انو خطيبك
فتون بقت ترجع لورا لحد ما لزقت في الحيط ونادر زعق فيها جامد وقال...ازاي تسمحيلو يحضنك كده ردي علياااااااا وخبط بايده على الحيطه الي وراها بشده
فتون انتفضت من الخوف وغمضت عنيها وهيه مرعوبه ومش بتتكلم
نادر بعد عنها ومسح على وشو بغضب شديد وحاول يهدى وقال..اتكلمي يا فتون متطلعيش جناني عليكي
فتون بلعت ريقها بخوف وقالت...اد...ادهم..ابن خال سراج قريبنا ومتربيين سوا
نادر قال بغضب..وواخد عليكي كده ليه فيه ايه بنكم
فتون قالت بزعيق....هيكون فيه ايه يعني بقولك ابن خال سراج وابوه ابن عم بابا يعني صلة قرابه مش اكتر
نادر بصلها بنظره مرعبه وقال..وهيه صلة القرابه تخليه يحضنك ويقول انو خطيبك
فتون قالت بخوف...لا طبعا..بس...بس هو بيحبني من زمان وطلبني من بابا وانا كنت رفضاه وهو اضطر يسافر شغل وبابا وعدو انو هيقنعني ولما ينزل نتخطب
نادر قال ..وهو معقوله محدش قلو انك اتجوزتي ازاي ميعرفش
فتون قالت..اكيد محدش قلو واضح ان اتفاجأ بجوازنا اصل بباه بيخاف عليه جدا ويمكن فضل يخبي عليه لحد ما يرجع
نادر قرب منها اكتر وفضل مركذ فيها جامد وقال....وانتي
فتون اتوترت من قربو ونظراتو وقالت..انا...انا ايه
نادر قال ...بتحبيه ..لو انا مكنتش موجود كنتي هتتجوزيه
فتون قالت بتوتر..معرفش.مفكرتش ..وو
نادر قال بغضب اعمى...بس انا اعرف لو مكنتش انا موجود كان زمانك بتونسيه في اوضتو دلوقتي انتي واحده اتجوزتي الد اعداء اهلك في السر يعني سهل عليكي تعملي اي حاجه
فتون كانت بتبصلو بصدمه ومش مصدقه الي قالو نزلت دموعها بالم ووجع وقالت...انت صح كان زماني في اوضتو وفي حضنو كمان اي حاجه معاه احسن بكتير من عيشتي معاك
وهنا نادر ضربها قلم قوي ومسكها من شعرها وقال...اخرسي .اخرسي متجبيش سرتو ...انتي ليا انا..ليا وحدي محدش له حق يفكر فيكي اقت*لك فاهمه اقتلكككك
فتون زقتو وبقت تبكي جامد وقالت بانهيار شديد..يا اخي ارحمني..ارحمني بقى..حرام عليك كفايه..انا اتجوزتك لاني حبيتك عشقتك مش شايفه اي راجل غيرك مش متخيله حد يقربلي او يكلمني غيرك حتى عذابي معاك مش عايزاه من غيرك مش شايفه ادهم ولا عدي ولا خالد انا محبتش غيرك ولا هحب مفيش غير واحد بس الي تخاف منو يا نادر علاقتي بيك ملهاش غير عدو واحد الي هو انت ..انت وطريقتك دي الي بتجرحني وبتعذبني بيها كل يوم بتخليني العن نفسي اني حبيتك والعن الساعه الي شوفتك فيها يارب اموت وارتاح بقى وقعدت على الارض من كتر التعب والبكا
نادر كان بيبصلها بدموع وكلامها وجعو قوي خلاه حس بكل كلمه قالها وجرحها بيها نزلت دموعو بوجع شديد ونزل لمستواها وقال حقك عليا...انا...انا اسف انا معرفش قولت كده ازاي..حسيت بنار جوايه لما حضنك كده كنت عايز اولع فيه عايش مكنتش اقصد ازعلك كده
فتون بصتلو بدموع وقامت من مكانها بيأس وتعب ومشيت ناحيه السرير وقالت...جوازنا اسوء قرار اخدتو في حياتي يا نادر ..انا بجد ندمانه عليه لو فعلا حابب تعتزر واتصلح الي عملتو ...طلقني..طلقني وخليني احافظ على الي باقي مني
نادر قرب منها وشدها ليه وبا*سها برقه شديده وقال بهمس...انا اسف...بس مش هقدر اطلقك ..مقدرش اعيش من غيرك وطلع من الاوضه بسرعه وسابها واقفه مكانها باستغراب شديد وقالت بدموع ...ولا انا اقدر اعيش من غيرك يا نادر
عند سراج سأل على اوضة ادهم وراح له وخبط على الباب وقال..افتح يا ادهم انا سراج
ادهم فتح بعصبيه.وقال بغضب..عايز ايه ..جاي تكدب تاني
سراج اتنهد ودخل قعد وقال..انا مكدبتش عليك في حاجه يا ادهم انا..
بس ادهم قاطعو وقال بغضب ..مكدبتش... مكدبتش لما قولتلي انا طالع مرينا انا فتون ليه مقولتلش انها اتجوزت وجوزها معاها... ليه
سراج اتنهد وقال..انا ايه هيعرفني انك جاي والله افتكرتك بتسال زي ما بتسأل عادي مجاش في دماغي ابدا انك هتيجي
ادهم قعد على السرير بحزن وقال..انا قولت دي فرصه كويسه اصارحها بحبي واحاول معاها يمكن توافق علي جوازنا اجي الاقيها متجوزه مش مسامحك على الموقف ده يا سراج سواء انت او عمي او بابا كلكم غلطتو معايا لما خبيتو عليا
سراج اتنهد وقال..يا ادهم ده كان طلب من ابوك هو اتخانق مع بابا بعد جواز فتون وقلي منجبلكش سيره لحد ما انت ترجع وهو يبسطلك الموضوع والله لو اعرف انك هتنزل انهارده مستحيل كنت احطك في الموقف ده انت عارف انا بعزك قدايه
ادهم قال بحزن..بتحبه...بتحبه يا سراج قول..قولي مش هزعل
سراج بص بعيد وقال..مش هتفرق يا ادهم اهم اتجوزو وخلاص
ادهم قال بزعيق..هتفرق معايا انا..هتفرق معايا يا سراج ارجوك قولي انا قولتلك مش هزعل
سراج اتنهد وقال..احم..ايوه..ايوه بتحبه يا ادهم واتجوزتو غصب عننا كلنا..نادر يبقى..يبقى ابن سالم النوري
ادهم برق بشده وقال بصدمه مين.... سالم النوري ده الي قتل عمتي ..وانتو وافقتو
سراج قال بحزن..لاسف مسبتلناش مجال نوافق اولا اتجوزاو وعرفنا بعد ما بقت حامل منو بابا فضل انها تعيش معاه افضل من الفضايح ..بس هو ضحك عليها يعني هو ولا حبها ولا نيله
ادهم قال بغضب..يبقى تطلق منو
سراج ابتسم بحزن وقال..وحد الله يا ادهم انساها وعيش حياتك ..نادر مستحيل يطلقها فتون دراعنا الموجوع الي فاكر انو بيضغط علينا بيه
ادهم التفتلو وقال بخبث وغضب ...انا هخليه يطلقها وهخليها تنساه بكره اتشوف انا هعمل ايه
سراج اتنهد بحزن وقال...براحتك يا صاحبي انا لو اقدر امنعك كنت منعت نفسي عن اذنك وخرج وسابو هيموت من الغضب
سراج طلع على اوضتو..واول ما فتح الباب اتصدم بشده لما شاف تقى مرميه على الأرض ووووو