رواية زواج بالاحتيال
الفصل الرابع4
بقلم جمانه السعيدي
نهله...طلعت امي اشترتلنا اثاث بسيط
فراش ودواشك سفنج ومخاد وطباخ وثلاجه ومبرده
ومواعين كلش قليلات
امي تحسب اذا ماعجبه الوضع تنتقل الغير مكان
ماتريد اثاث هواي
وهم المكان زغير مو مال اثاث اشترت ذني الحاجات البسيطات نمشي حالنا بيهن
امي ماصارت عدها عبره من الشي الي صار بيه
من ورا شغله
و المصيبه الي طلعت منه المفروض ابد ماترجع الهيج
شغله يعني بعجوبه طلعت من السجن
هسه لو حاكمينه اني شنو مصيري بعدني توني عمري ١٦ سنه المفروض تقفل هذا الموضوع
ودور شغله ثانيه تسترزق منه
بس لا شلون الفلوس عمت عينه
واني زغيره بعدني ماتاخذ كلامي
ومااكدر اناقشه بااي موضوع
هاي الشغله خلته تغتني ويصير عدها فلوس وذهب
قررت ترجع الشغله جمانه السعيدي
بس هنا محد يعرفه ومستحيل اجمع زبائن بين يوم وليله
هناك صار اتلث سنوات نشتغل يله جمعنا هلكد زبائن
بدت تلبس عبايته وتفتر على الجواربن
اني اخذ خيره تعالو وشوفو خيرتي
اخذلكم مجاني
اي وحده عدها مشكله اني ممكن اساعدها
اني معروفه بولا يتي خيرتي مضبوطه وماكو منه
بس تعالو تفضلو وجربو خيرتي
بس بدون فايده
محد اجانا ولا احد قرب علينا
فات يوم يومين اسبوع شهر وماكوووو
محد يجي ياخذ خيره
امي....قررت نرجع للمناطق الريفيه احسن هاي الناس هنا
محد يصدك بلخيره واذا نبقى هنا راح تخلص فلوسنا
لازم نشوف منطقه ريفيه كون ناسه فقره
وعلى فطرتهم ونرجع حتى نشتغل مثل قبل
نهله...اي اني ماحبيت البيت واحس نفسي هنا غريبه
بدت امي تسئل تريد مكان ننتقل اله
تطلع كل يوم تسئل ودور بلمناطق القريبه
بما ان امي مشغوله اني كنت اطلع اجيب مسواك
هي تنطيني فلوس وتكول روحي جيبي مسواك واطبخي علما ارجع
الي يشوفني ينطيني اكثر من عمري
جسمي جسم انثى كامله وشكلي كلش
لبست عباتي وطلعت اسئل وين اكو مخضر جديد
بلمنطقه
الناس دلوني على مجمع جبير كلشي بي مخضر وفواكه
يبعد عن بيتنا شارعين
رحت اول مادخلت واحد اجت عينه عليه
راسا عاف الشغل الي بايده واجاني
.
الولد عمره ٣٠ سنه اسمر سمين شعره
خفيف صاحب كرش
اول مره رحت علي كان علي ازدحام
بس التفت وشافني عاف الكل واجا عليه
هادي....تفضلي
نهله..اريد كيلو بتيته وكيلو طماطه وكيلو تفاح وكيلو بيذنجان
هادي ...مو تدللين
عاف كل الناس وبد يوزن المخضر هو عندا صناع ثنيين
بس صمم هو الي يمشيني
انطاني العلاليك
هادي...تردين بعد شي
نهله...لا شكرا انطيته الفلوس
هادي...لا خليهن عليه
نهله ...مايصير
هادي....شنو الي مايصير خليهن روحي اصلا مايسون
نهله...لا لازم تاخذ
هادي....انتم جدد بلمنطقه لان ماشايفج
نهله...اي صار شهر من نزلنا هنا
هادي...وين ببتكم
نهله...المشتمل بيت حجي راضي
هادي ...اي عرفته
نهله...تفضل
هادي...لا هلمره عوفيهن انتم جيرانه واجب علينا اكرامكم
نهله انحرجت اخذت الفلوس ورجعت للبيت
من رجعت امي وسولفتله الموقف كالت عادي اذا ينطيج جيبي بدون فلوس جمانه السعيدي
امي كل يوم اصمم اروح اجيب منه مسواك وطبعا الطلبات كثرت
وهو بس يشوفني يعوف كل الزباين ويجي هو يوزنلي
بايده ويبقى يسمعني كلام حلوووو
ويرفض ياخذ الفلوس ومرتين المسواك هواي
صمم هو يوصلني للبيت بنفسه يمشي كدامي شايل العلاليك واني امشي ورا وكل شويه يلتفت عليه ويبتسم
كلما اروح يبقى يسولف عليه
هادي..انتم وين كنتم ساكنيبن
نهله...بلناحية الفلانيه
هادي...وليش انتقلو هنا
نهله...بيت عمي يردون يزوجوني الابنهم معوق بعد ما ابوي مات وامي باعت ببتنا ونهزمنا من بيت عمي
طبعا هذا كلام امي الي وصتني احجي الاي احد يسئلني
هادي...حقه امج هيج تسوي هذا الجمال كله ياخذه واحد معوق
نهله...امي هم تكول هيج
هادي...انتي شمخلصه مدرسه
نهله ...ابتدائيه
هادي...مثلي اني هم مخلص ابتدائيه على فكره اني عايش وحدي امي وابوي متوفين
عندي اخت اكبر مني مزوجه وبيته بصف بيتي
هي قايمه بكل واجباتي
نهله...ليش مامزوج
هادي....مالكيت بت الحلال بس انشاء الله قريبا راح ازوج
نهله...الله يوفقك
هادي...شكد عمرج
نهله...١٦ سنه وشهربن
هادي...بعدج زغيره تبينيين اكبر اني بكدج مرتين
نهله...مامبين عليك
هادي...وين مامبين عليه شوفي الكرش والشعر الي واكع
نهله...اتاخرت لا زم ارجع للبيت خاف امي ترجع وماتلكاني
صمم يوصلني للبيت هو عندا سياره كيه حمل يجيب بيه المسواك
جابني للبيت هلمره بيه يمكن يريد يشوفني هو عندا سياره
بس كان يعاملني بمنتهى الاحترام ولا حاول يتحرش بيه ابد
كنت بس اوصل احجي كلشي الامي
مااعرف امي شنو الخطه الي اباله والشنو كانت تخطط
امي راحت سئلت عليهم
وعرفت هادي عندا فلوس خير من الله
وهنا قررت تستفاد منه
بعد ماكنت اروح اشتري منه كل يوم ونبقى نحجي
كالت اليوم ماترحين
نهله...ليش ترا مسواك بلاش
امي..ماترحين
بقيت بهذا اليوم مارحت
ثاني يوم مارحت للضهر اندكت الباب
امي فتحته الضاهر خطة امي مشت صح
هادي...السلام عليكم شلونج خاله
امي...هله خاله هله بيك ومرحبا
هادي...هذا المسواك اليوم البنيه مااجت واني اجيت جبت اامسواك خير انشاء الله
امي...لا ماكو شي بس نهله شويه تعبانه واني مااكدر اعوفه واطلع
هادي...سلامته الف سلامه اخذه للدكتور
امي...لا اني اخذته بس العلاج غالي وماكدرت اشتري
هادي...انطيني الورقه واني اشتري
امي....لا خاله اني اروح باجر واشتري البديل مالته لان الأصلي غالي
هادي...شنو القصه خاله انس اشتريله
امي...لا زحمه
هادي...هاج هذا المبلغ واشتربله العلاج وانشاء الله بس العافيه عدها
امي أخذت المسواك وأخذت الفلوس
ولله امي داهيه تخوووف
اليوم الي بعدا هم اجا وحاير شجايب من مسواك
يمكن ٥٠ الف بس اامسواك
دك الباب
امي طلعت
امي...ياا خاله ليش مكلف نفسك
هادي...ماكو اي تكلفه احنا انشاء الله اهل وماكو اي فرق بينا
امي...الله يحفظك
هادي...شلون صارت نهله طمنيني عليه
امي...اليوم احسن انشاء الله جمانه السعيدي
هادي...سلملي عليه وكليله الحمد لله على السلامه
امي...الله يسلمك
امي بطلت تفكر بسالفة الانتقال الغير مكان كان اكو اباله خطه وتريد تنفذه
ثالث يوم امي لبستني ثوب يخبل وخليت شويه مكياج
وحجاب جديد وعبايه والشحاطه عاليه والعطر بهف
وكالت روحي علي
واذا عرض عليج الزواج كولي تعال احجي وياا امي
واذا ما فتح موضوع الزواج
اكو خطه ثانيه
بس دخلت للمجمع عاف كلشي بايده واجا عليه ركض
هادي...همزين اجيتي شكد مشتاقلج
نهله...شكر لان تسئل عني
هادي...ياا اسئل عنج عقلي طار مني ذني اليومين أصعب يومين مرن عليه
نهله...الحمد لله
هادي...شكد مشتاقلج امج كانت توصل سلامي اللج
نهله...اي تكول عنك خوش ولد حباب ومودب وصاحب نخوه
هادي...لا اني مايصرفلي هذا الوضع اذا تغيبين عني بعد
مره اموت
نهله...اسم الله عليك ليش تكول هيج
هادي.. تخافين عليه
نهله..شلون مااخاف عليك بعدك شاب الله يسعدك
هادي. وياج انشاء الله يسعدني وياج
نهله...مافهمت
هادي....اريد اتقدملج شنو رائيج
نهله..دنكت ماحجيت
هادي...لا تسكتين اليوم ادز اختي العصر تحجي وياا امج
نهله...بكيفك
هادي.. يعني موافقه
نهله...بكيف امي
هادي...انتي هم ساعديني
نهله..انشاء الله