رواية زواج بالاحتيال
الفصل الخامس5
بقلم جمانه السعيدي
نهله...فعلا العصر اجت اخت هادي حتى تتعرف علينا
وتشوف طلباتنا شنوووو
امي...اهلا وسهلا
حياة اخت هادي...هله بيج عيوني
امي...اعذريني احنا وضعنا تعبان
حياة...لا عيوني خير من الله
امي...اني ماعندي غير نهله ابوها مات وعافه امانه بركبتي
احنا جنا ساكنيبن بيت بناحيه ..... بس مات ابو نهله بيت عمه اجو يردوها لابن عمه
ابن عمه هذا معوق من الولاده يعني بشرفج
هذا الجمال كله تاخذ واحد معوق
الله يقبل
حياة...لا عيوني شنو تاخذ واحد معوق
امي....شردت بيه وعفت البيت والمنطقه كله حتى محد يعرف مكانه لو اموت ماازوجه
اله واحد يستاهل
هي هم بعدها زغيره يله ١٦ سنه
حياة...مادام فتحتي الموضوع اني جايه اطلبه الاخوي
هادي ميت عليه بس يحجي بيه
رايحه تشتري منه وشايفه بس يحمد بأخلاقه
الله يستر عليه جمال واخلاق
امي...رحمله والديج اني تعبت عليه وربيته احسن تربيه
حياة...هو مستعد الكل طلباتكم
امي...اريد وقت نسئل عليكم تعرفين البنيه يتبمه وماله احد جمانه السعيدي مااريد ازوجه وبعدبن اتندم
اني مالي غيرها بلدنيا اريد اطمن عليه قبل لا اموت
حياة...حقج عيوني حقج بس ولله لو ادور الدنيا كله ماتلكه مثل هادي
اسئلي عنه المنطقه كله وشوفوي شلون سمعته
طبعا هو بيته وحده ومجهز كلشي
هسه اني قايمه بخدمته بس انشاء الله بس تجي نهله
تصير هي أم البيت
اني اجيهم خطاره واذا مايردوني مااجيهم
اني بس اريد اخوي يعيش سعيد
لو تعرفين صار شكد رافض فكرة الزواج
بس هسه عجبته نهله وهو دزني عليكم
امي...اي نسئل وبعدين نرجعلكم الخبر
حياة...اترخص اني جهالي بقو وحدهم بلبيت
امي...اهلا وسهلا كل الهله بيج
بس طلعت حياة
نهله...اني راح ازوج هادي
امي...اي بس مو زواج حقيقي
نهله ...شلون يعني مو حقيقي
امي...اني افهمج بوكته
نهله...زين مو انتي كلتي يجي بخطبج شو اجه وانتي اجلتي الموضوع
امي...انتي ليش غبيه خلي ينتظر حتى من يتقدم يقبل بكل شروطنا
نهله...اني مستحيل اتخيل عقل امي شلون يفكر
بعدني زغيره وموفاهمه اي شي
بس مااكدر اخالفله امر
ماعندي غيره
بقيت ٣ ايام ماتقبل امي اطلع ولا رجعتلهم خبر
ثالث يوم رجعت اجت حياة
سلمت علينا ودخلت
حياة...عيوني مارجعتولنا خبر موافقين لا لان هادي
اكل كلبي كل شويه وكال ليش مارجعولنا خبر
امي....اني سئلت عنكم انتم احسن ناس ولكل يحمد بااخلاقكم
حياة...زبن نكول مبروك
امي...بس عندي شرط
حياة...كولي واتشرطي براحتج
امي...البنيه بعدها زغيره يعني مايصير اله عقد بلمحكمه
يعني يبقى هذا الزواج معلك منا لمن تبلغ
حتى ماعدها ولي امر تعقد بكفالته
اني مااشك بيكم والنعم منكم
بس هاي دنيا جائز مايصير اتفاق بينهم ساعته بنتي ماله اي حقوق كلشي مراح تحصل
لان ماعدها عقد محكمه
واني اريد اضمن مستقبله لان ماعندي غيرها بهاي الدنيا
حياة...حقج الله يلوم الي يلومج كولي شنو طلباتج
امي...طلباتي اريد مهر النهله ٢٥ مليون واذا ماتسجلون غايب ماعندي مشكله لان الغايب بدون محكمه ماياكل
عدنا
اذا هادي وافق على هذا الطلب من باجر يجي يعقد عليه
وياخذها حتلو مايسون عرس ماعندي مشكله
بس يجبب الشيخ يعقد علبه وياخذها
اني ماعندي اي طلبات ثانيه
حياة...هواي هذا اامبلغ بس اني اكوله واشوفه
رده هسه اترخص
امي...الله وياج
طلعت حياة وامي كانت شبه متاكده هادي راح يوافق
على طلبه
هادي...هااا احجي وافقو شو جنج ضايجه بس لا رفضو
الخطبه
حياة...لا عدهم شرط
هادي...يعني وافقو
حياة..اي بس بشرط وحيد
هادي...موافق قبل لا أعرف هذا الشرط
حياة...اسمعني بلاول
تكول امه مااريد موخر
هادي.... زين
حياة....تكول يريد يسوي عرس يريد مايسوي بكيفه
يررد يشتري غراض يريد مايشتري مالي شغل
اهم شي ينطيه ٢٥ مليون
واذا وافقت باجر تاخذ الشيخ وتعقد عليه وتاخذه ماكو مشكله
البنيه قاصر ومايصيرله عقد بلمحكمه
تكول مادام ماكو عقد بلمحكمه والبنيه ماعدها لا اب ولا اخ
يطالب بحقه تريد ٢٥ مليون مهرها
حتى تضمن حقه
هادي...ميخالف
حياة...لا تستعجل فكر زين وبعدين قرر ترا هواي ٢٥ مليون
هادي...ولج عمرها ١٦ وتخبل عبالك تفاحه اني موافق
تستاهل نهله هيج مبلغ
قابل البنات الي مهرها ٢٥ احسن منه
حياة..اني اكول اثكل شويه عليه وهي راح تنزل المهر
هادي...ياا اثكل صار ٣ ايام ماشايفه احس روحي مريض
اني مايهمني الفلوس نهله عجبتني
ارجعي كلليلهم موافقين
باجر انطي خبر الاهلنا حتى نمشي عليهم
حياة..لا تلم الناس كله ببتهم زغير وماعدهم رجال يستقبلك
اخذ عمي وروح بس انت ويااا
هادي...زين شوفيه خاف تريد مشيه
حياة.. ميخالف اني راح اسئله وارجعلك خبر
نهله...شويه ورجعت علينا جمانه السعيدي حياة كالت موافق
ويكول اجيب مشيه
هواي يردون ناس لو قليله
امي...ماعدنا مكان ثنيين تلاته كافي
حياة...زين يكول عكب باجر المشيه
امي.... تمام
طلعت حياة وامي كالت تمام
نهله...فهميني شنو
امي...اني مراح اخلي يقرب عليج راح تبقين اسبوع واخلي يطلكج بدون مايلمسج
نهله...شلون مو راح يصير زوجي
امي...راح اسويله عمل يفقد رجولته ومراح يكدر يقرب عليج
بس انتي سوي الي اكلج علي
نهله...ميخالف
ثاني يوم اجت حياة وكالت حجزت بالصالون خل تجي نهله اخذها تحف وتعدل شعرها علمود المهر
رحنا اني وامي وحياة للصالون
بس شافتني ام الصالون كالت فدوه شنو هلجمال
شكد عمرج
نهله...١٦ سنه
ام الصالون بعدج زغيره بس تخبلين هنياله سعيد الحظ
بلشت تشتغل بيه اول مره بحياتي احف
صبغت شعري وميشته خلتني كريمات مرطب البشرتي
وسيروم الشعري
اني ماعرفت نفسي طلعت اخبل
اخذتلي صوره حياة ودزته الهادي
هادي...حياة الله عليج بوسيه بمكاني
لزمتني حياة وكامت تبوس بيه وهو يضحك
امي اشترتلي فستان طويل وردن بس يخبل عليه
ثاني يوم اجا هادي وحياة وخالتهم وأربع زلم
عقدولي وبعدين عقدو الهادي
بعدين دخل للغرفه وكام يهلهل كمنا نضحك
هادي.. اني ناذر اهلهل واركص اذا صارت نهله من نصيبي
راسا كومني وكام يركص وياي
والنسوان يصفكن ويهلهلن خله بايدي المهر وكال بعد اسبوع الزواج
نهله.امي كلشي مااشترت بلفلوس ضمتهن
امي...ذني الفلوس نضمهن عندج ملابس وذهب البسي
هو اسبوع واحد وترجعين عليه
كانت واثقه من كلامه كل الثقه
طبعا هو حضر للعرس واشترا غراض جديده للبيت
وغرفة نوم وحار شسوه
مامصدك راح يزوج
هذا الأسبوع يوميه يجيبلنا مسواك كامل للبيت
حتى لحم ودجاج ويكعد يسولف عليه اكثر من ساعه
بعدين يروح للبيت
قبل العرس بيوم اجا اخذني للبيت شفته
رحنا اني وامي
امي تحجي وياا حياة وهو انتهز الفرصه وباسني بخدي
يستحي من امي
اجا يوم العرس امي طلعت من الذهب الي عدنا ولبستي
وجهزت جنطه من ملابسي اخذها وياي
اجت حياة اخذتني للصالون وجابتلي بدله ايجار تخبل
طبعا حياة حايره بينا لان امي كالتله احنا كلشي مانعرف ولا نندل
وهي فرحانه بزواج اخوها الوحيد
مامصدكه راح يزوج ويستقر اخيرا
طلعنا من الصالون زفه تخبل اجا لابس قاط اسود وقميص
ابيض يخبل علي
اخذني من ايدي وصعدني بلسياره
وطلعنا الببتنا كبل تخبل الزفه كلش حلوه