الظابط قال .. انت متهم بقضيه خطف واغت*صاب مدام تقى اتفضل معانا
سراج بص لتقى بصدمه واتملت عيونه دموع لما اتأكد انها كانت بتضحك عليه ابتسم بوجع شديد وفضل باصص لها ودموعو بتنزل غصب عنو
تقى بلعت ريقها بالم من منظرو وبقت تبعد عيونها عنو وحاسه بذنب رهيب من ناحيتو وحزن شديد عليه
الظابط بصلو وقال..مدام تقى بتقول انك خاطفها ومخليها عندك بالاكراه ومتجوزها تحت التهديد وانك كمان بتعتدي عليها وحضرتك طبعا تقدر تكدب الكلام ده بس الاول لازم تيجي معانا لو سمحت
سراج بصلها بدموع وقال بوجع ...بس كل الي قالتو صح...تقى عمرها ما كدبت...هيه مبتعرفش تكدب او تخدع حد وبصلها بخيبة امل شديده وقال يلا انا جاي معاكم
وخرج مع الشرطه تحت انظار تقى الي كانت بتموت حرفيا وبتفضل الموت على النظره الي شافتها في عيونه
ابوهاقال..الحمد لله ادينا خلصنا منو ولسه ان شاء الله ربنا هينصرنا ونحبسو كمان وناخد حقك وحق جوزك الله يرحمو
تقى بصتلو بدموع وقالت..نحبسو..بس..بس احنا مش عايزين نحبسو احنا عايزين نساومو على الطلاق مش اكتر
ابوها قال..لا يا حببتي بعد الي عملو معاكي لازم يا خد جزائو ده واحد قاتل وبعدين هو مش هيسكت ميغركيش هدوءو لازم هيقوم محامي وطبعا هيقول ان كل الي بيعملو معاكي حقو لانك مراتو وهينكر انو اتجوزك غصب اصلا وهتبقى قصه طويله مش بالساهل كده
تقى قالت بدموع..الي عايزه ربنا هيكون يا بابا وقامت ودخلت اوضتها وهيه حاسه بعذاب من نظراتو ودموعو مكنتش متخيله انو هيكون بالاستسلام ده ولا هيتأثر كده
سراج اخدوه على القسم واتعمل المحضر ومكانش بيرد غير بان تقى معاها حق وكل الي قالتو صح وكان مستسلم بطريقه غريبه ومش مهتم بوضعو ابدا ولا خايف يتسجن.. بعد ما اتخيل ان خلاص بقت ليه وممكن تحبو بعدت عنو بطريقه خلتو مش مهتم بحياتو كلها
في قصر النوري نادر كان قاعد بيتعشى مع عيلتو ولاول مره يقعد فتون معاه على الاكل طبعا لانو مضايق من ابوه وقاصد يضايقو
سالم قال بضيق...خير اول مره تقعد معانا اغراب على الاكل
نادر قال من غير ما يبصلو ...مفيش اغراب هنا فتون مراتي وهتقعد كل يوم
سالم قال بضيق...انت فاكر انك بتضايقتي يعني انا ميهمنيش تقعد او متقعدش مش هتفرق اصلا خلاص ما دمت انت بعت القضيه ومش هامك موت اخوك
نادر بصلو وقال بغضب..انا الي بعت القضيه انا الي بضيع حق اخويا..لا يا بابا محدش ضيع حقو غيرك من اول يوم قلتلك نقتل سراج زي ما قتلو فضلت تقلي كلام عمره ما دخل دماغي ابدا ومع ذلك طاوعتك فيه وظلمت زيك وسبت الي اذونا وفضلت اعذب في فتون واسمع كلامك في كل حاجه من غير ما اكون مقتنع لحد لمبارح يا بابا ..جيه لحد هنا دخل مصيدتنا برجليه الاول لما كنت هقتلو شفت الدموع في عنيك وعذاب عمرى ما شوفتو وبعدين قلك سبنا نخرج قولت في وشي سيبو يخرج لو عايز تفضل ابني علشانو كنت هتتبرى مني علشانو يعني حطتني بين نارين يا أما أغدر بالبنت الي بهدلها واستنجدت بيا واعتبرتنا اهلها الي هيحموها ياأما اخسرك ببساطه كده
واتنهد بقوه وقال...بس عارف هيه طلعت اقوي مننا وحبستو بطريقتها و
فتون وقفت بخضه وقالت..ايه حبست مين
نادر بصلها بابتسامه مستفزه وقال...حبست اخوكي بلغت عنو لسه من شويه الشباب الي بيراقبوه قالولي ..طلعت مش محتجانا وقدرت تحبسو
سالم اتصدم واتنهد بحزن وقال...طب..طب هو في القسم دلوقتي
نادر بصلو بزهول من حزنه وقال..اه يا حبيبي في القسم عايز تروحلو وتاخدلو عيش وحلاوه بس متتعبش نفسك انا كده كده رايح اوصي عليه بس وصايه خاصه شويه ورحمت اخويا الي راح غدر ميبقاش اسمي نادر النوري لو ما جبتلو اعدام
نادر لسه هيمشي سالم مسك ايده بخوف وقال .انت بتقول ايه اعدام ايه الي هتجبهولو دي مراتو ودلوقتي يقول انها مراتو وده حقو ويخرج منها احنا ملناش دعوه
نادر قال بطريقه ترعب..لا يا بابا انا هشهد انو خاطفها اكتر من سنه واننا فاكرين انها ماتت وهشهد انا وهيه انو قتل طارق مدام مش هناخد حقنا بدراعنا يبقى ناخدو بالقانون هعمل كل الي هقدر عليه من فلوس لمحاميين كل الي يطلع بايدي علشان اققل حاجه اخليه يعفن في السجن
سالم خاف جدا عارف ابنه لو صمم على حاجه بيعملها مسك ايده بقوه وقال برجاء وخوف شديد...لا لا انت ..انت مش هتعمل كده ابوس ايدك يا نادر سيبو ملكش دعوه بيه
نادر برق بشده من دموع ابوه ورجائو ليه وقال...تبوس ايدي علشان مين..علشان سراج الي قتل ابنك ليه يا بابا ليه
سالم اتنهد وقال..هحكيلك ..هحكيلك كل الي عايز تعرفو تعالى معايا المكتب
نادر بقى يبص لخالد وهو مستغرب ومشي وراه
فتون بقت تبكي بشده وعلا بقت تسكتها وخالد جاب كباية ميه ولسه هيشربها علا خطفت الكبايه منة وقالت بسرعه. شكرا يا حبيبي انا هشربها وبقت تشرب فتون
خالد ابتسم وكتم ضحكتو على حركتها دي الي فهم منها انها غيرانه وبعد عنهم
عند تقى كانت نايمه على السرير وبتبكي ودموعها مغرقه مخدتها وحست رغم كل الي عملو معاها انها غدرت بيه دخلت اختها مريم وقالت...تقى انتي نمتي
تقى قعدت ومسحت دموعها وقالت..لا يا حببتي ادخلي
مريم قعدت وقالت..انا مش مصدقه اني رجعت شوفتك يا تقى انتي متعرفيش انا زعلت وبكيت قد ايه
تقى حضنتها وقالت...يا حببتي الحمد لله انو ربنا جمعنا سوا من تاني
مريم قالت..الحمد لله ..بس عارفه سراج ده الي يشوفه ويشوف تصرفاتو وشجاعتو ميقولش انو يطلع منو كل الي حكتيه
تقى نزات دموعها وقالت..معاكي حق شجاع اوي و في عيونه براءه زي الي في عيون بيبي لسه مولود وحنين جدا بس..بس انتي تعرفي تصرفاتو وشجاعتو منين اصلا
مربم قالت...مهو هو ده الي انقذني يوم الحادثه فكراها
تقى قالت باستغراب ..حادثه حادثة ايه الي لما كنتي جايه من المدرسه
مريم قالت..ايوه هو يومها انقذني من العربيه انا فاكره شكلو كويس اوي
تقى استغربت جدا وقالت..انتي بتقولي طارق هو الي انقذك يومها انا سألتو انت الي جبتها المستشفي قال ايوه
مريم قالت...ايوه هو ابيه طارق الي ودانا انا وسراج المستشفى اصل هو الي كان هيخبطني مكانش واخد بالة ولسه هيخبطني اتفاجأت بالشاب ده زقني بقوه على الارض وقعنا احنا الاتنين انا اتخبطت في دماغي وهو في دراعو وفضل يزعق مع ابيه طارق ويقلو مش تفتح كنت هتموت البنت ويزعق معاه جامد ورفض يركب عربيتو بس ابيه طارق قالو مش وقت خلافنا خلينا نلحق البنت ونشوف دراعك وبعدين نتخانق واخدنا في عربيتو وودانا المستشفي حتى سراج كان في المستشفى بيكشف على دراعو بس تلاقيكي مشوفتهوش
تقى افتكرت لما لقتو يومها في المستشفى وشافت دراعو مكسور نزلت دموعها وقالت بحزن...لا شوفتو شوفتو بس..بس انا غبيه
مريم قالت بحزن..متزعليش يا حببتي بكره تطلقي منو وتعيشي حياتك
تقى غمضت عنها بالم وقالت في نفسها...يا ريتني اديتك فرصه يا سراج من اول ما طلبتني يا ريت ما وصلنا لهنا
في قصر النوري كان نادر مع ابوه في المكتب ومستنيه يتكلم وهيموت ويعرف الحقيقه
سالم اتنهد وقال...انا لما..لما كنت بدرس في الجامعه كنت انا وفؤاد صحاب الروح بالروح كان اكتر من اخويا ومكناش نخبي عن بعض اي حاجه ابدا لحد ما في يوم كنت عندو وشفت بنت عمو وكانت بنت جميله جدا وحبيتها قوي قوي كانت زي الهوا بالنسبالي حبيتها لدرجه الجنون
نادر بصلو وقال..علا..والدة سراج مش كده
سالم قال بحزن ودموع..ايوه هيه ..هيه كمان كانت بتحبني اوي وكنا متفقين اخلص دراسه واطلبها للجواز من اخوها لان مكانش لها حد تاني غيره بس اخوها وفؤاد كانو صحاب قوي علشان اولاد عم وكده وفؤاد طلبها للجواز واخوها وافق من غير ما يشوف رأيها حتي
في يوم جاتني وبقت تبكي وقالتلي ان اتقدم لها عريس ووافقو عليه اهلها انا ساعتها الدنيا لفت بيا وفضلت ازعق وقلتلها مش هتتجوزي غيري وسألتها مين العريس ويا ريتني ما سألت اول ما قالتلي انو فؤاد انا بقيت بين نارين فؤاد صاحب عمري بس قولت اني هتكلم معاه لو كان خاطبها كده والسلام هقولو اني بحبها وهو كان صاحبي اوي وهيفهم
وفعلا تاني يوم قعدت معاه وكان مبسوط جدا وقبل ما افاتحو حضني وقلي انو بيحب بنت عمو من زمان واخيرا هيتجوزها وكان فرحان جدا ..مقدرتش انطق مقدرتش اقولو اني بحبها وهيه كمان بتحبني مقدرتش اكسر فرحتو سكت وباركتلو ومشيت
بس هيه كانت اشجع مني وكلمت اخوها وقالتلو انها بتحب حد تاني اخوها اتنرفز واتعصب عليها وضربها وحدد جوازها في نفس الاسبوع
جاتني وقالتلي انها هتتجوز وطلبت مني نهرب بس مقدرتش اخون فؤاد قولتلها لو كان حد تاني كنت خطفتك مش بس هربت معاكي بس فؤاد ده اخويا مش صاحبي مشيت وهيه هتموت من الحزن وفعلا كتبو كتابها وهيه رافضه وكان اخوها حابسها ومن غير ما حتى يشاورها كتابها بتوكيل عملاهولو
كنت ناوي انساها واسافر وجهزت شنطة سفري علشان مشوفهاش ابدا مكنتش قادر استحمل وكنت ناوي اسافر تاني يوم الصبح فضلت ليلتها اشرب بطريقه مش طبيعيه فتحت دولاب الويسكي وفضلت اشرب وكنت لوحدي في بيت المزرعه الي قاعد فيه وكنا بنتقابل انا وهيه هناك كنت كل ما اتخيل انها هتبات معاه اشرب بطريقه غريبه لحد ما بقتش شايف قدامي وفجأه لقتها قدامي بفستان الفرح
نادر بصلو بزهول وقال...بيتهيألك من كتر الشرب يعني
سالم ابتسم بالم وقال..كنت فاكر زيك كده لحد ما قالتلي انها هربت مش هتقدر تفضل معاه وقالتلي بحبك اوي متسبنيش
سالم نزلت دموعو بغزاره وبقى يتكلم بصوت مخنوق وقال.... ويا ريتها ما جاتني يا ريتها ما هربت الي عملتو معاها كان فظيع انا..انا دمرتها ...بس..بس اقسم بالله ما كنت حاسس ولا واعي بعمل ايه والله ما كنت شايف قدامي حتي لو كنت حاسس مستحيل كنت اعمل فيها كده
نادر بلع ريقه بخوف وقال ..انت..انت عملت ايه يعني..اكيد مش الي في بالي صح..
سالم نزل راسو بخزي وحزن والم وقال...كان غصب عنها كمان يا ريت برضاها.. اول ما لقتني مش فايق حبت تهرب وبقت تص*رخ وتزقني وحاولت ..حاولت كتير بس انا مكنتش في وعي ابدا ...ابدا
سالم بقى يبكي بشده ووجع شديد ونادر بقى مصدوم حرفيا بس منظر ابوه وهو بيبكي بالطريقه دي أثر فيه جدا قال..اهدى يا بابا اهدى
سالم حاول يهدى وقال...خلتني نمت ورجعت لاهلها بنفس منظرها بعد ما عملت فيها كده مبقتش مهتمه لحياتها ابدا فؤاد كان بيدور عليها وفاكر ان حد خطفها لحد ما جات وشافها بالمنظر ده تخيل انت احساسو منظر مفيش راجل يستحملو اخوها كمان اتصدم وبقو يسألوها كتير مين الي عمل كده بس مرضيتش تتكلم عذبو*ها وضر*بوها بس متكلمتش
نادر قال بزهول..وانت ..انت سبتها كده سبتها ليهم
سالم قال.لا مسكتش وكنت هقولو اني انا الي عملت كده وانو غصب عنها لاكن فؤاد فاجأنا كلنا لما اختفى هو وهيه ومعرفناش اخدها على فين حتى تليفوناتهم كانت خارج الخدمه ده حتى أخوها مكانش عارف طريقهم فضلت سنين ادور عليهم من غير فايده
وابويا اصر عليا اتجوز ومكنتش قادر اقولو على الي حصل وفعلا اتجوزت امك وخلفت طارق وانت وامك كانت حامل بعلا ورجعو بس مش لوحدهم
بعد سبع سنين رجع فؤاد ومعاه علا ومتجوز واحده تانيه كمان والدة فتون .. وعلا كان معاها سراج كان عمره ٦ سنين و٣ شهور يعني حملت بيه من نفس يوم فرحها
نادر وقف واتسعت عنيه بشده وشد شعره بصدمه رهيبه وقال...ابوس ايدك لا..لا مستحيل وووووو
الفصل الثامن عشر
18_نادر وقف واتسعت عنيه بشده وشد شعره بصدمه رهيبه وقال...لا ابو*س ايدك لا..لا مستحيل ..مستحيل يكون ابنك ..قول...قول اني غلطان مش.. مش ابنك صح..اتكلم يا بابا قول حاجه ارجوك
سالم نزلت دموعو بندم وحزن وقال...لا ...ابني..سراج ابني يا نادر ..انا ..انا اذيته هو وامه وظلمتو وعيشتكم احسن عيشه وسبتو هو لفؤاد الي عمره ما حن عليه ويحن عليه ازاي وهو عارف انو مش ابنو
نادر قعد قصاده وهو متوتر وهيموت من الصدمه قال...كمل..كمل يا بابا عايز اعرف كل حاجه...ايه الي حصل بعد ما رجعو
سالم اتنهد بوجع وقال...كل المصايب حصلت بعد ما رجعو ..لما رجع انا اتوترت جدا بس كان نفسي اوي اشوفها واعرف منها ايه الي حصل معاها وفعلا بعتلها مع الخدامه الي كانت دايما بتبلغها لما اعوز اقابلها
تاني يوم كنت مستنيها في نفس بيت المزرعه الي بنتقابل فيه وفعلا جات هيه وسراج كان طفل جميل نسخه من امه نفس ملامحها بالظبط قالتلو العب في المزرعه ... واحنا دخلنا البيت اول ما دخلت قالتلي عايز ايه تاني
قولتلها عايز اعرف الي حصل معاكي انا دورت عليكي في كل حته ايه الي حصل معاكي وفاجأتني بالي قالتو..قالت اخويا كان عايز يعرف مين الي عمل فيا كده وانا رفضت اقول عليك بهدلني وحلف لو ما قلت الصبح هيقتلني وكنت خلاص استسلمت لفكرة الموت لحدد ما جاني فؤاد في الفجر وهربني
رحنا بيت بتاعو في دمنهور محدش يعرف عنو حاجه وفضلنا هناك وكان ناوي ينزل يكلم اخويا ويققولو يسامحني بس للاسف طلعت حامل خفت اكتر وفضلت هناك لحد ما اخويا ينسي الموضوع ويهدى
انا لحد هنا كنت مش مستوعب قلتلها انتي قولتي لفؤاد ان انا الي عملت كده قالت ..لا اصلا فؤاد اعتبرني بنت عمو الي بيحميها مش اكتر من كده واتجوز ومراتو حامل ربنا يكرمو
قلتلهاوانا مش مصدق ..يعني ايه يعني ملمسكيش يعني الطفل الي بره ده ابني ..بكت وقالت ليه عايز تعرف هتقولو ايه هتقولو انا اغت*صبت امك وانت ابن حرام..لا يا سالم ابني خط احمر ملوش اب غير فؤاد جوزي اب شرعي كتبو علي اسمو هيعيش حياتو مرفوع الراس ابعد عنو وعن حياتي انا خلاص مبقتش عايزه غير اني اربيه وبس
انا مكدبش عليك فرحت جدا كلكم عندي في كفه وابني من علا في كفه تانيه انت متعرفش حبتها قد ايه قولتلها ..سراج ابني وانا هكتبو علي اسمي و
نزلت دموعها وقالت..ابو*س ايدك يا سالم انت اذتني بما فيه الكفايه وكل ذمبي كان اني وثقت فيك انا دلوقتي قولتلك كل حاجه ووثقت فيك تاني ارجوك متخلنيش اندم سيب الولد يعيش من غير ما حد يعايره سيبو يعيش حياه كويسه انت عندك اولادك ربنا يخليهملك ارجوك سيبو لو فعلا حبتني لو يوم واحد سيبو
انا مقدرتش استحمل كلامها وعلى طول وعدتها اني هسيبو مش هقولو حاجه بس اتفاجأنا احنا التنين بدخول فؤاد
بقلمي..... زهرة الربيع
نادر بصلو بزهول وقال...فؤاد... مين الي قلو
سالم قال..الخدامه هيه الي قالتلو كان موصيها لانو عايز يعرف مين الي عمل كده ومش قادر ينسى وفعلا بلغتو وجيه ورانا واول مادخل بصلي والدموع في عنيه وقال..انت ..انت با صاحب عمري...معقوله انت ياسالم ده انا شكيت في كل الناس الا انت
علا كانت واقفه وهتقع من طولها بصلها وقال..ملقتيش غيرو ..كنتو مبسوطين وانتو بتخدعوني ..بس متفتكروش هتعدي كده ..انت استني ردي على عملتك دي..وانتي هو عندك اشبعي بيه ..انتي طالق يا علا
ومشي بسرعه وانا جريت وراه بس ركب عربيتو ومشي انا لسه همشي وراه شوفت سراج بيلعب وهو شافني جري عليا وقال ببرائة الاطفال.عمو تعالى العب معايا
انا اول ما شوفتو دموعي خانتني
وحضنتو لاني كنت متأكد اني مش هحضنة تاني ومشيت من غير ما ارد عليه ورحت على طول على قصر فؤاد وفضلت طول اليوم مستنيه يخرج علشان اكلمو وهو رفض يطلعلي
بس المصيبه تاني يوم لقو علا مقت*وله في المزرعه وسراج مشفش غيري هناك وهومن يومها فاكر اني قت*لتها مع ان لا انا ولا فؤاد قت*لناها
نادر مسك دماغو من كتر الصداع وقال ...ازاي ده امال مين الي قتلها
سالم قال..معرفش ا لقضيه اتحفظت وفؤاد بعد كام يوم بعتلي رجاله ضربو*ني بعصي حديد وعجزو رجليا الاتنين بقيت عاجز وانا لسه شاب في اول عمري وجاني زارني وقلي ده ردي على الي عملتو يا صاحب عمري لولا الي كان بنا وانا مش زيك كنت قت*لتك بس كده كفايه كل ما تعوز تجيب حاجه ومتقدرش هتفتكر الي عملتو معايا
يومها اتضايقت وزعلت على رجليا بس مزعلتش منو معاه حق ومرضتش اعملو حاجه و صداقتنا انتهت كده وكل واحد شاف حياتو سالم كان بيحكي والدموع في عنيه...واتحولت ملامحو للغضب وقال..لحد ما فضل يلعب في دماغ سراج وخلاه كان هيقتلك ومات طارق وقتها الحقد ملا قلبي عليه هو عارف انكم اخوات ومع ذالك حرضو يقت*لك وفضل مفهمو اني قت*لت امو مع انو عارف اني مقت*لتهاش واني مشيت وراه على طول وفضلت عندو اليوم كلو ومع ذالك ساب اخ يقت*ل اخوه ببساطه
نادر كان قاعد بيسمعو ودماغو بتلف بيه مش مصدق معقوله كل ده كان بينهم قال بتعب...عارف يا بابا انا اكتشفت ان فتون ..فتون معاها حق انتو دمرتونا والي حصل فينا حرام يعني هو زعل منك وانت زعلت منو قمتو كرهتونا في بعض من سنه اخ قت*ل اخوه من غير ما يعرف حاجه وانهارده انا كنت هقت*لو كنت هموتو ونزلت دموعو وقال...تخيل انا لو كنت قت*لتو وعرفت الحقيقه دي ...طب عارف انا حتى بعد كل الي قلتو وبعد ما اتأكدت ان هو المظلوم الوحبد فينا وانو اتحمل حمل جبل ما يتحملوش ..وبرضو مش عارف احبو شكرا على الي عملتوه فينا شكرا بجد ...وخرج وسابو قاعد بيبكي بحرقه
نادر طلع من القصر وهو مش شايف قدامو وكلام ابوه بيتكرر قدامو سراج الي طول عمره بيكرهو طلع اخوه نزل عند نايت كللب وفضل يشرب اول مره يشرب بالطريقه دي نفسو ينسى كل الي اتقال وينسى كل الي حصل
عند سراج كان قاعد في الحجز ودموعه على خدوده مش قادر ينسى الي عملتو تقى رغم كل الي عملو معاها كان عندو امل انها صادقه معاه وانها ممكن تحبو قعد جمبو واحد شكلو متبهدل شويه وقال..ازيك يا زميل شايفك ساكت يعني من ساعت ما دخلت شكلك ابن ناس و اول مره تشرف هنا مش كده
سراج بصلو بسخريه وهز راسو بأيوه
الشاب بصلو وقال ...ياااه انت باين عليك موجوع اوي هيه قصه عاطفيه ولا ايه لو كده احكيلي انا اسمي محمود ومحسوبك حبيب قديم
سراج ابتسم وسط دموعو وحس انو مخنوق جدا قال بألم...اقولك ايه ..عارف..عارف لما تكون لك مده طويله في قلب الصحرا وهتموت على شوية ميه...و..وتكون خلاص قطعت الامل واستسلمت لموت مفيش مفر منو وفجأه تلاقي بحركبييير وتحس..تحس انك خلاص هترتوي وهتعيش وتجري عليه بكل قوتك كأن روحك رجعتلك ولما توصلو ..تلاقي صحرا برضو وتكتشف انك كنت موهوم وبتضحك على نفسك ..عارف بتحس بايه..بتحس الموت اهون وبتتمنى لو كنت مت ومشفتش الامل واتاخد منك
محمود بصلو وحس بيه جدا رغم انو ميعرفوش بس كلامو كان طالع بوجع شديد ودموع غريبه قال...استهدى بالله مفيش حد يستاهل كل الي حكيته ده مفيشش حد يستاهل ابدا
سراج ابتسم بحزن شديد وقال...الي واجعني انها تستاهل واكتر كمان لاني..لاني انا...انا الي روحت الصحرا دي برجلي انا الي رميت نفسي فيها
عند فتون كانت مستنيه نادر يرجع علشان تسالو لو يعرف حاجه عن سراج بس جالها تليفون من رقم غريب قالت..الو مين
قال.ايوه يا فتون انا دكتور عدي صاحب سراج فكراني
فتون قالت ..ايوه..اهلا طبعا فكراك ازي حضرتك يا دكتور
عدي قال ..انا بخير يا فتون بقالي فتره بفكر فيكي واترددت اكلمك ..فتون انا عرفت بظروف جوازك من نادر وعارف انك مجبره على القعده معاه وجاهز اساعدك
فتون استغربت كلامو وقالت..تساعدني.. تساعدني ازاي
عدي قال..اهربك..لو وافقتي ههربك من القصر واسفرك كمان قولتي ايه
فتون اتصدمت من كلامو وقفت وقالت بغضب ..انت. ازاي تتجرأ تقول كده ..اسمع يادكتور انا مفيش مشاكل بيني وبين جوزي وحتى لو فيه انا بعرف احلها مش محتاجه منك مساعده ويا ريت متكلمنيش تاني لو سمحت..وقفلت في وشو وهيه متوتره وبتفكر عرف ازاي
قطع افكارها دخول نادر وهو بيطوح ومش شايف قدامو من كتر السكر وقفل الباب بع*نف
فتون اتخضت وبصتلو واستغربت منظرو قربت منو وقالت...فيه ايه انت تعبان يا نادر مالك
نادر بصلها وضحك بقوه وقال بسكر شديد..تعبان ..انا..لا ..لا انا تمام جدا لا تعبان ولا زهقان ولا فيه اي حاجه..اااااخر رواق
فتون بصتلو بزهول وقالت...انت سكران يا نادر انت من امتى بتشرب كده وجاي هنا سكران كمان انت مش عارف ان ابوك بيكره الشرب
نادر ضحك وقال ...ايوه عارف وعرفت كمان بيكرهو ليه
فتون قالت لا انت حالتك صعبه انا هنادي لخالد يساعدني و
بس نادر زقها علي الحيط وقال وهو محاوطها باديه...هو انا..مش فولتلك ..خالد ملكيش دعوه بيه..اوعي تكوني فاكره انك ممكن تكوني لحد تاني يا فتون انا اقتلك قبل ما اتفكري حتى
فتون خافت منو وفكرت تاخدو على قد عقلو قالت ...ههه انا..انا ...بس هخليه يساعدك يعني ...وو..وبعدين خالد مين ده الي احبو ..انا مش بحب غيرك
نادر ابتسم وقرب منها وقال...بجد بتحبيني
فتون ابتسمت بخوف وقالت..ط..طبعا ..طبعا بحبك
نادر قرب منهاعايز يبو*سها وفتون غمضت عينها بخوف وتوتر من قربو وهو قرب منها جامد بس فجأه بعد وقال...لا .. لا.مش ..مش هينفع...لازم ..اازم نسأل الاول..مش يمكن يكون حرام
فتون برقت بزهول وكانت عايزه تضحك على كلامو وقالت..نسأل في ايه هو ايه الي حرام..حرام تبو*س مراتك
نادر قال بسكر...مانتي متعرفيش حاجه بس افهمك ازاي..ايوه هقولك.. بصي يا ستي اخوكي طلع أخويا تمام فهمتي
بقلمي...زهرة الربيع
سراج كان قاعد وسرحان وسط افكارو جيه ضابط وقال..سراج الطحاوي عايزينك في مكتب المدير
سراج طلع معاه وهو مش مهتم مين الي جاي يزوره واول مادخل شاف فؤاد مستنيه وخرجو الظباط وسابوهم سوا بناء على رغبة فؤاد
اول ما خرجو سراج اتقدم على فؤاد وحضنو بقوه وبقى يبكي بحرقه ووجع شديد
فؤاد غمض عينه بحزن وحضنو وطبطب عليه لاول مره في حياتو وقال..اهدي يا سراج..اهدى يا بني انا معاك ايه الي حصل لكل ده
سراج بعد عنو وقعد على الكرسي وفضل ساكت
فؤاد قعد قصاده وقال..ايه الي سمعتو ده يا سراج صحيح مرات طارق عايشه و
سراج قال بغضب..تقى مراتي ..مراتي انا
فؤاد اتنهد وقال..يعني الي اتقال كلو حقيقي انت كنت خاطف البنت الفتره دي كلها ومتجوزها غصب صح انت لازم تحكيلي كل حاجه علشان نعرف نكدب الي قالتو ونخرجك
سراج قال بيأس شديد...انا مش عايز اخرج وهيه مكدبتش في حاجه كل الي قالتو مظبوط انا كنت خاطفها واتجوزتها غصب وكل حاجه قالتها صح
فؤاد قال بغضب مكتوم..يا غبي افهم..افهم الموضوع مش سهل ولو عيله النوري سمعو بيه واكيد سمعو واتدخلو يمكن يبقى اكبر انت لازم تخرج من هنا قبل ما تبقى قضية رأي عام وحقوق انسان والدنيا تولع
سراج قال ببكا وانهيار... ميهمنيش يا بابا مبقتش مهتم ابدا خلي الي يتدخل يدخل خليها تولع انا خلاص مبقاش يعنيلي حاجه تقى كانت اخر امل ليا اني احب اادنيا دي واحب اعيش فيها وخلاص مبقاش عندي طاقه اني احاول تاني انا تعبت انت عمرك ما هتفهمني لو كنت حبيت زيي كنت فهمت
فؤاد قال بحزن.. ومين قلك اني محبتش انا حبيت وعمرك ما هتكون حبيت قدي ولا قدمت الي انا قدمتو انا استحملت حجات مفيش راجل يستحملها علشانها وحبيتها حب ميتخيلوش انسان وكان من طرف واحد زي حلاتك كده
سراج قال باستغراب ..تقصد مين
فؤاد قال ...اققصد والدتك ..كانت روحي فيها وهيه عمرها ما حبتني ولا قبلت بيا ابدا
سراج بصلو باستغراب شديد وقال..بس..بس انا كنت فاكر انك بتكرها كل ما تبصلي كنت تقلي بكرهك انت شبهه امك انا كنت فاكر انك بتكرها
فؤاد اتنهد بألم وقال...بالعكس انا كنت بقولك كده علشان كنت بحبها ده موضوع طويل انت بس كنت بتفكرني بيها لانك نسخه منها بس انا عمري ما كرهتك انت ..احم..انت ابني الي ربيتو وهتفضل ابني يا سراج
سراج نزلت دموعو وقال بالم..طول عمري باتمنى تقوالي انت ابني وبحبك بس عمرك ما قولتها كان الفرق بيني وببن فتون واضح لكل الناس انا استنيتك كتير تبينلي اني اهمك في حاجه بس دلوقتي كلامك ده متأخر قوي انا خلاص مش عايزك تحبني ولا تقولي حاجه انا مبقتش عايز اعيش اصلا
فؤاد قال بخوف...انت تقصد ايه بكلامك ده
سراج قال بحزن اقصد اني هعترف بكل حاجه واول حاجه هعترف بيها اني قت*لت طارق ..علشان تبقى قضية قت*ل واخد اعد*ام وارتاح من حياتي كلها
سراج وقف ولسه هيمشي فؤاد مسك ايده وقال بخوف...انت مش هتعمل كده يا سراج انا مش هسيبك تعمل كده مستحيل
سراج ساب ايده براحه وقال...للاسف خلصت كده يا بابا اشوف وشك بخير
سراج مشي ولسه هيطلع من الباب فؤاد قال بسرعه..هتعترف بحاجه معملتهاش ...انا متأكد انك مقت*لتش طارق لان انا الي قطعت الفرامل يومها
سراج وقف مكانو بصدمه وبصلو بزهول وقال...هو..هو انت الي قت*لتو وووووووو