رواية عروسة مريم
الفصل الرابع4
بقلم محمد امام
العروسه دي اكيد هي سبب كل اللي بيحصلنا ده انا لازم اتخلص منها بأي شكل انا هستني اما مريم تنام واخرج الصبح بدري ارميها واجي بسرعه واكيد مريم اما تصحي هتكون نسيت كل حاجه حتي لو افتكرت هتقعد تذن شويه وخلاص حضرت سندوتشات لمريم عشان مكالتش طول النهار ووصلت عند باب الاوضه بتاعة مريم سمعتها بتكلم حد وبتقول بس انا زعلانه من باباكي يا صوفيا انا قولتلو معلش وبردو هو ضرب بابا اتسمرت مكاني لما سمعت صوت العروسه بترد علي مريم وبتقولها متخفيش يامريم انا قولت لبابا انه ميضربهوش اوي بس هو قال ان بباكي غلط في حقي وحق بابا كتير وكان لازم ياخد جزاءه انتي عارفه يامريم لولا كلامي مع بابا كان موت ابوكي بس انا فضلت اتحايل عليه انه يسامحه وهو قال خلاص مش هيموتو لكن هياخد حقنا منه وبابا مرضيش يموتو عشان خاطرك انتي بعد اما سمعت الحوار اللي دار بين بنتي و العروسه انا اتصدمت واعدت اسأل نفسي معقوله ده عروسه بتتكلم! طب انا هتصرف ازاي دلوقتي استجمعت قوتي وبعد اما كنت هفتح الباب قولت لا انا هخبط الاول انا داخله اصلا وانا مرعوبه خبط الباب ردت مريم وقالت ادخلي ياماما دخلت قولتلها مريم انا جبتلك تاكلي قالت لا شكرا انا اكلت مع صوفيا عملت نفسي اني ماخدتش بالي وقولتها طب ياحبيبتي هتيجي تنامي معايا ولا انام معاك هنا قالت لا ياماما انتي نامي في اوضتك وانا نايمه في اوضتي هنا مع صوفيا قولتلها ماشي ياحبيبتي قفلت عليها الباب وانا ميته من الرعب وخايفه عليها جدا ودخلت اوضتي وطبعا انا مش هيجيلي نوم طول الليل لحد الصبح دخلت قعدت في اوضتي ومسكت الموبايل قولت اقلب فيه
شويه وبعد نص ساعه سمعت صوت رجل بتتحرك بره قدام باب الاوضه خوفت افتح الباب اشوف ايه اللي بيحصل وشويه سمعت صوت قطط كتير في الشقه وصوت خبط علي الباب عندي علي الاوضه قولت مين محدش رد قولت مين محدش رد ولسه الباب بيخبط قعدت اعيط من الرعب وقولت يارتني اخدت بنتي ونمت في الشارع بدل اللي انا فيه ده ولما الخبط زاد علي الباب استجمعت قوتي ومسحت دموعي ودورت علي حاجه امسكها في ايدي وانا بفتح افتكرت الخنجر اللي حسام كان اشتراه من اسوان وهو جاي فتحت الدولاب طلعت منه الخنجر مسكته في ايدي وقربت من الباب وفتحته براحه ببص لقيت مريم هي اللي بتخبط اخدتها في حضني وقفلت الباب لقيتها بتقولي ماما هو انا ينفع اخرج مع صوفيا مشوار ونيجي تاني قولتلها مشوار ايه يامريم اللي عاوزه تروحيه قالت صوفيا بتقول عاوزه تروح المقابر الليله دي ضروري وهي عاوزه تاخدني معاها قولتلها المقابر! لا يامريم مش هينفع انتي هتقعدي معايا هنا في الاوضه لحد الصبح والصبح هنروح انا وانتي لبابا فضلت مريم تعيط لما رفضت وسامعه انا صوت حد بيصرخ بره وعمال ينادي علي مريم وقطط كتير بتنونو وفضلت كده لحد الصبح وحد عمال يخبط علي الباب وفضلت في الرعب ده لحد اذان الفجر لقيت مريم نامت من كتر العياط والصوت بره سكت خالص اخدت مريم علي ايد ومسكت الخنجر في الايد التانيه وخرجت لحد اما وصلت لاوضة مريم فتحت الباب واخدت العروسه حتطها في شنطه ونزلت من الشقه رميتها في صندوق الزباله اللي علي ناصية الشارع واخدت مريم وشلت الخنجر في شنطتي ووقفت تاكسي لحد المستشفي وصلت للمستشفي وانا طول الطريق متردده احكي لحسام ولا محكيش وفي الاخر قررت محكيش انا كده كده اتخلصت من العروسه دي اللي هفضل طول عمري منسهاش ومفيش لزوم اني اخض حسام عليا انا والبنت وصلت لحسام وقعدت معاه اليوم كله وبالليل جه الدكتور وقال ان حسام لسه قدامه 20ايام عقبال ما يخرج من المستشفي قولت في نفسي ياه هو انا لسه هستني عشرين يوم وبردو كنت خايفه اني اروح بس الاكيد اني مش خايفه زي امبارح .. والساعه 10بالليل اتحركت من عند حسام ووصلت البيت وفتحت الباب