رواية يمني والياس الفصل الثالث3والرابع4بقلم زهرة الربيع
مش هينفع اتجوز علشان انا اصلا متجوزه
الكل وقف في حالة صدمه وحامد قال بتهتهة...مت... مت ايه..متجوزه امتى ..ومتجوزه مين..
يمنى قالت...متجوزه واحد اتوظف جديد في الشركه حبني وحبيتو بس خبيت لان ظروفه الماديه وحشه ويمكن تشفوه مش مناسب بس انا بحبو
سميه وحامد انزهلو من كلامها بس ردة فعلهم كانت غريبه جدا ...حضنو يمنى بسعاده وبقو يباركولها
سميه قالت بسعاده كبيره...الف مبروك يا عمري... مبروك يا حببتي
حامد قال بفرحه واضحه على ملامحو...مكانش ليكي حق تخبي علينا انا امنية حياتي يرجع قلبك يدق من تاني وتفتحي قلبك للدنيا انا كنت فاكر اني هموت قبل ما اشوفك مبسوطه مع انسان تختاريه
وهنا معتز اتجنن وقال بعصبيه...انت بتبارك لها يا جدي بدال ما توقف المهزله دي الحيوان الي اتجوزتو مين ما كان يطلقها مش على اخر الزمن هناسب حتت موظف لاراح ولا جيه ويمنى مش هتتجوز غيري انتو فاهمين
يمنى كانت بتبصلو بسخريه ومبسوطه جدا انها دايقتو وحامد قال بهدوء...يا معتز يا حبيبي الجواز قسمه ونصيب وخلاص بنت عمك اتجوزت يبقى تعتبرها زي شرين اختك وتبارك لها ماشي يا حبيبي
معتز بصلهم بصدمه وبقى يبص ليمني بغضب وقال بعصبيه ..اوعي تفتكري ان كده خلصتي مني وحياتك لاوريكي واوريه النجوم في عز الضهر وانتي عارفه معتز الصياد لما بيوعد بيوفي... ومشي من قدامهم بغضب شديد
اما حامد قال بلهفه...سيبك منو قوليلي...جوزك اسمو ايه
يمنى بصتلو وقالت بارتباك...احم...الياس..اسمو الياس
سميه قالت...وهتجبيه نتعرف عليه امتى
حامد رد بسرعه..ايه نتعرف عليه دي ..يمنى انتي وجوزك هتفضلو معانا هنا وانا يعلم ربنا هعامله زي معتز ومنير بالظبط انا مقدرش استغنى عنك او تبعدي عن عيني
يمنى ابتسمت وقالت ان شاء الله يا جدو..هو بس اصلو..اصلو مسافر وهيرجع انهارده او بكره بالكتير واول ما يرجع هجيبو على هنا على طول... يلا عن اذنكم هروح ارتاح اصلي تعبانه قوي
واول ما راحت اوضتها رنت بسرعه على علي وقالت ...اسمع يا عم علي وركذ معايا كويس هتجبلي خط سير الشاب الي جبتهولي الصبح..وتعرفلي كل كبيره وصغيره عنو عايزه كل المعلومات تبقى عندي الصبح وقفلت معاه من غير ما تستنى حتى ردو
في بيت الياس كان قاعد مع اسرتو الصغيره وحكالهم على الي حصل معاه وانو هيسيب الشغل
محمد وده يبقى ابو الياس قال...خير ما عملت هيه اناس دي ايه حتى البشر بيعه وشروه
الياس اتنهد وقال...مع انك لو شوفتها يا بابا استحاله تقول يطلع منها كل ده..جميله جدا وصغيره وواضح انها مثقفه ده غير انها غنيه جدا بس مش عارف ليه عملت معايا كده وايه حكاية الجواز الي هبت في دماغها فجأه دي... يلا اهو تقدر تقول الرزق انقطع لحد هنا
جات بنوته جميله جدا بملامح بريئه جذابه عمرها ١٩سنه دي تبقى تسنيم اخت الياس قالت ..ولاتزعل نفسك بكره تلاقي شغل احسن ميت مره
الياس ابتسم وقال ان شاء الله...يلا انا هروح انام وبكره ان شاء الله من الصبح هدور على مكان تاني
في صباح يوم جديد يمنى كانت مستنيه علي في المكتب وعماله تمشي رايح جاي بتوتر شديد لحد ما دخل علي وقال....انا اسف يا هانم اتأخرت عليكي
يمنى قالت بغضب...المهم عملت ايه اخلص قول
على قال عرفتلك عنو كل حاجه...هو ولد من عيله بسيطه جدا دارس طب ونفسو يفتح عيادتو بس معندوش امكانيات كان بيشتغل اثناء دراستو ويجيب مصاريفو وبعد ما اتخرج بقى يشتغل في مستشفى بمرتب بسيط ووالدو كان بيكمل معاه مصاريف البيت لحد من فتره والدو تعب واضطر هو يدور على شغل يكون فيه دخل اكبر وعلشان كده اشتغل هنا
يمنى كانت بتبصلو بغيظ وقالت بغضب...انا قولتلك تجبلي قصة كفاحو انت بتستعبط...وحاولت تهدى وقالت...عم علي انت فاهم انا عايزه ايه اخلص علشان انت عارف ان الي بتقولو ده مش هيخليني اشفق عليه فاتكلم وخلصني
علي قال بحزن...ايوه..عارف...عندهم شقه صغيره كان عليها خلاف مع صاحبها والد الياس اشتراها من سنين والراجل اداه المفتاح من غير ما يديه عقد او اي حاجه تثبت حقو وبعد كده حب يخرجهم منها وطلب ميت الف ذياده الياس ووالدو باعو كل الي حلتهم وكملولو تمنها والمفروض اليو مين دول يمضي معاهم العقود ويملكها ليهم هما معندهمش مكان يروحوه غير الشقه دي
يمنى ابتسمت بانتصار وقالت..اسمع هتروح للراجل ده دلوقتي حالا وتخلص معاه تديه المبلغ الي يطلبو مهما كان كبير وتشتري الشقه وتاخد رجاله وتخرج اهلو من الشقه هما وحاجتهم كلها عيزاهم في الشارع وتخلي الراجل يقلهم اني اشتريت منو الشقه وانو يتصرف معايا..يلا بسرعه عايزه ساعه ولا اتنين يجيلي يعتزر فهمت
علي حس بحزن كبير على الياس وقال...طب ما اشوف لحضرتك حد غيره و
يمنى وقفت وخبطت على المكتب بقوه وقالت بعصبيه...انت تسمع الكلام وبس يلا خلصني
علي قال حاضر ومشي بخوف وحزن وراح وعمل الي قالت عليه يمنى للاسف
الياس كان من اول الصبح بيدور على شغل كويس وكان لقا شغل في اوتيل بمرتب صغير شويه بس وافق عليه لحد ما يلاقي مكان احسن وكان راجع البيت وبيكلم صاحبه محمود في التليفون
الياس ...اهو يا سيدي مبدأيا يعني هو المرتب صغير شويه بس على الاقل اغطي مصاريف علاج بابا وجامعة تسنيم ان شاء الله يكفي
محمود....طب انت كنت دورت اكتر يمكن كنت لقيت مكان احسن
الياس بتعب...يابني هو انا سبت حته مدورتش فيها دا انا رجليا دابت حتى لقيت مكان كده غريب كنت فاكرو نايت كلب قلت ادخل اشوفو ويا ريتني ما دخلت طلع مكان غريب جدا زي شقق الدعاره بالظبط انا اول ما شوفتو كنت هخلع بس صاحبة المكان مسكت فيا وقالتلي عندي شغل ليك هتحبو ..وايه يا ياض يا محمود المرتب خيالي قولتلها طب هشتغل ايه جرسون يعني بصتلي كده وقالتلي.. وكمل بمياعه بيقلدها... ..لا انت متنفعش جرسون انا هشغلك خبير مساج وانت وشطارتك
محمود قال بضحك...الللعب...وعملت ايه
الياس قال بضحك ...وهعمل ايه يعني يا صايع انت...قولت يا فكيك على طول
محمود قال بضحك...يخربيت هبلك بقي بذمتك حد يرفض شغله زي دي
الياس...... بس يلا...
محمود ...طب مش هتقولي سبت الشغل معانا ليه
الياس اتنهد وقال....لا مش هقولك....ويلا اقفل تسنيم بتتصل هشوفها عايزه ايه الزنانه دي
وقفل معاه ورد على تسنيم وقال بمرح...حبيب قلبي لسه هرنلك و
بس قاطعتو تسنيم ببكا ورعب وقالت...الحقنا يا الياس تعالى على البيت بسرعه
الياس اول ما قالت كده قفل معاها و جري بسرعه وخد تاكسي افتكر ابوه تعب وكان مرعوب حرفيا مستنهاش حتى تكملو
بس اول ما وصل اتفاجأ بشده لما شاف ابوه حاضن اختو الي كانت بتبكي بشده وواقفين في الشارع ورجاله كتير بتنزل كل حاجتهم وبترميها في الشارع
الياس اتفاجأ شويه وبعد كده قرب على ابوه وقال بخوف..فيه ايه...ايه الي بيحصل يا با با
محمد قال بحزن....صاحب الشقه الواطي ضحك علينا وباع الشقه لناس تانيين من غير حتى ما يدينا خبر وجم طردونا ورمو الحاجه زي ما انت شايف
الياس لسه هيتكلم شاف صاحب الشقه واقف بكسوف على زاويه اتقدم عليه بغضب رهييب وقال....تقدر تقولي ايه الي بيحصل هنا انت مش طلبت فلوس ذياده وانا امنتها وتفقنا ..بتبيع شقتنا من ورانا يا راجل يا ناقص
منصور خاف منو قوي قال بخوف..والله مش ذمبي جم جماعه اغنيه قوي وقالو ان فيه شركه عايزه تشتري الشقه
الياس مسكو من قميصو وقال بغضب ...شركه ..والشركه هتشتري شقتنا الكحيانه دي ليه انت بتستهبل بتضحك عليا
منصور قال والله ابدا يا ابني ..دول عايزين شقتكم انتو بذات وحتى قالولي شقة الياس
الياس سا بو باستغراب شديد وقال...انت بتقول ايه مين دول يعني...وانت تبيع لهم ليه اصلا
منصور خد نفسو وقال...انا اتجبرت والله انا صحيح كنت عايز منك فلوس ذياده وده لاني شوفت ان كل الشقق غليت بس مش لدرجة اني ارميكم في الشارع الي حصل جم جماعه وقالو عايزين شقتك انت بذات وضغطو عليا جامد ودفعو فلوس كتير قد حق الشقه تلت اربع مرات وقالولي لو انت سألت اققولك كلامك معاهم
الياس قال باستغراب شديد ...مين دول متعرفش شركة مين
منصور...ايوه اسمها في العقد... الشركه اسمها الصياد للتصدير..وصاحبتها يمنى الصياد
الياس اول ما سمع كده اتصدم حرفيا مش مصدق انها عملت كده فضل واقف شويه بصدمه رهيبه وبعدها اتبدلت ملامحو لغضب مهلك ضم ايده بعصبيه واتقدم على ابوه وقال بابا خد تسنيم وادخلو عند حد من الجيران وانا هوصل مشوار وجاي
ابوه شاف ملامحو متبشرش بالخير قال بقلق...ليه هتروح فين يا الياس...يا ابني انا مش باقيلي غيركم ابوس ايدك ما تضيع نفسك وبلاش تمشي دلوقتي ارجوك
الياس كان في قمة غضبو بس حاول يهدى لما شاف دموع اختو وخوف ابوه وقال...متخافش يا حج...شويه وراجع لكم ومتقلقش انهارده هتبات في شقتك وسابو ومشي وهو بيضرب الارض بغضب شديد
بعد اققل من نص ساعه وصل شركة يمنى ودخل بعصبيه لحد باب مكتبها تحت استغراب جميع الموظفين واول ما وصل المكتب كان هيدخل بس الحرس وقف قدامو بيمنعوه
الياس قال بغضب وزعيق...اوعى انت وهو هدخل يعني هدخل ابعدو عن طريقي
الحرس ولا كأنهم سامعينو كانو واقفين زي الحيط بس بقى يزعق بصوتو كلو بغضب وبقول...ابعدو احسن لكم والله ما هعديها على خير الحرس اتقدمو عليه ومسكوه بقوه عايزين يخرجوه من الشركه وهو بيقاومهم لحد ما علي قال بزعيق...سيبوه..ابعدو عنه انت وهو
واحد من الحرس قال...يا استاذ علي ده بيتهجم على مكتب الهانم
علي قال بهدوء...سبوه يدخل الهانم مستنياه اصلا...اتفضل يا الياس
الياس مستناش ثانيه وفتح الباب بقوه ودخل زي الاعصار وقال بغضب واندفاع ....ايه الي هببتيه ده
الفصل الرابع
4_الياس قال بغضب واندفاع...ايه الي هببتيه ده
يمنى وقفت وابتسمت ببرود وقالت...اقفل الباب الموظفين بيبصو علينا
الياس بص وراه لقا كل الموظفين بيهمسو وبيتكلمو .اتنرفز اكتر قفل الباب بعنف وقال بغضب..ردي عليا ايه الي انتي عملتي ده..هو الجواز بالعافيه
يمنى ضحكت وقالت..على فكره الجمله دي بالعاده من حق الست اول مره اسمعها من راجل في حياتي
الياس قال بغضب...يا سلام هيه الكلمه دي بس الي غريبه بالنسبالك وكل الي بتعمليه ده عادي ..طبيعي يعني... وخد نفس وحاول يهدى وقال...بصي متتعبيش نفسك الي بتفكري فيه مش هيحصل فحلي عن سمايا وسبيني في حالي
يمنى قالت ببرود...لا هيحصل..اصلا مفيش صفقه مشيت فيها ومتمتش وحتى صفقتنا دي هتم فأنا برأيي تتم برضاك احسن ما تجيب لنفسك مشاكل انت مش قدها
الياس بصلها بزهول وقال...صفقه..
يمنى قالت ببرود ...طبعا صفقه...وعلى فكره انت الي هتطلع منها كسبان ودلوقتي قدامك تختار يا توافق واهلك يرجعو شقتهم معززين مكرمين يا اما ترفض وتفضلو في الشارع وبرضو هنتجوز بس بعد ما اجبلك مصيبه تانيه ها قولت ايه
الياس خد نفس وحاول يهدى وقال...يا هانم...ياهانم انتي متعرفيش ظروفي ارجوكي الرجاله على قفا مين يشيل مجاتش عندي ووقفت .. سيبيني في حالي سيبيني اعيش انا اصلا حياتي بايظه من كل ناحيه ومش ناقصه
يمنى قالت...انا عارفه كل ظروفك يا الياس وعلى فكره كلو بتمنو والفتره الي هتفضلها معايا هتحللك كل مشاكلك
الياس قال بغضب..وانا مش عايز فلوسك عايزك تسبيني في حالي و
بس قاطعتو يمنى بغضب شديد وقالت...مفيش فايده من الي بتعملو جوازتنا هتم يعني هتم وبعدين لو مش خايف على نفسك خاف على اختك دي حتى زي القمر والف من يطمع فيها وهيه متشرده في الشوارع كده
الياس قعد على الكرسي بصدمه من كلامها حس بعجز وانو مش قادر يعمل حاجه فضل قاعد وساكت بيأس
يمنى ابتسمت بانتصار لما شافت حالتو وقالت...تمام كده نكمل الي ابتدناه ورنت لعلي وقالت...ايوه يا عم علي يلا مشيهم وهات المأذون
الياس كان سامعها وغضب الكون في قلبو بس كل الي بيفكر فيه اهلو الي ترمو في الشارع ابوه الي تعبان ومش قادر يقف واختو الي دموعها قطعت قلبو مش راضي بالوضع الي اتحط فيه وحاسس انو مخنوق بس مفيش حل تاني
يمنى قطعت افكارو لما قالت...بص بقى هتعتبر جوازنا ده زي ما قولتلك صفقه وطبعا اي صفقه لها شروط وانا عندي ٣ شروط وممنوع فيهم النقاش..اولا جوازنا ده قدام الناس وبس يعني اول ما نطلع الجناح كل واحد في حالو وممنوع اي تجاوز
الياس بصلها بضيق وقال بسخريه..تجاوز ...معاكي انتي ..لامتقلقيش اصلا متدخليش مزاجي...
يمني ضحكت وقالت...تمام ادينا اتفقنا على حاجه ثانيا بقى هتشتغل هنا في الشركه انا هرقيك وهتشتغل في السكرتاريه بس ..
قال الياس بمقاطعه...بس محدش يعرف اننا متجوزبن واضحه
بمنى قالت...ابرافو عليك ..اهو ذكائك ده من ضمن مميزاتك
الياس قال بضيق شديد...بس انا مش عايز اشتغل معاكي ولا دي كمان من ضمن الصفقه
يمنى قالت بغضب...ايوه من ضمن الصفقه واسمع الكلام يا الياس صدقني انا مش عايزه أئذيك
الياس قال بضيق وكره...انتي مريضه والله بجد..
يمنى ابتسمت باستهزاء وقالت....مجبتش حاجه جديده على فكره خلينا في صفقتنا ...ثالثا بقى والاهم هتيجي تقعد معايا في القصر الفتره الي هنفضل فيها مع بعض لاني مستحيل اعيش معاك في شقتكم الكحيانه دي
الياس بصلها بغيظ وقال بغضب...كنتي خليلكي في قصرك وكنتي اكيد هتلاقي واحد عندو قصر زيك على الاقل كنتي سبتيني في حالي
يمنى قالت...توؤ انا عيزاك انت يا الياس لعدة اسباب الاول علشان شكلك الهانسم ده...والي هيقنع اي حد من صحابي واهلي اني فعلا اخترتك وحبيتك وثانيا علشان ذكائك ذي ما قولتلك من شويه وده الي هيخليك تعرف انا عايزه منك ايه بالظبط من غير ما اشرح كتير واهم حاحه بقى علشان ملكش ضهر ولا حيلتك حاجه وده هيخليلك نقط ضعف كتيره واقدر استغلها امتى ما تدايقني زي ما عملت انهارده
الياس اتعصب جدا ووقف بخنقه منها ومن كلامها وقف قدام الشباك وشد شعره لورا وخد نفس عميق وقال...يا رب صبرني..على الاستفزاز ده يا رب
يمنى سمعتو ابتسمت لانها بتحب تدايق اي راجل يكلمها وقالت ببرود...ها يا الياس انت بقى عندك طلبات
الياس بصلها بغيظ وقال بدموع محبوسه في عنيه...ربنا ياخدك...ده طلبي الوحيد
يمني حست بحزن من الطريقه الي قال بيها كده بس حاولت تصتنع القوه وقالت...احم تمام...على فكره انت كده بتدعيلي
الياس حس انو مكانش ينفع يقول كده لسه هيكلمها بس قاطعهم دخول علي ومعاه المأذون
فضلو ساكتين وكتبو الكتاب واول ما خلص المأذون الياس شد ايده بضيق ووقف يشم هوا واول ما المأذون مشي قال بضيق...ايه المطلوب
يمنى وقفت جمبو وقالت...المطلوب تيتا وجدو عايزاهم يصدقو اني بقيت كويسه وحبيت واتجوزت وبس دي اهم.حاجه بالنسبالي
الياس قال باستغراب...بقيتي كويسه..ازاي يعني هو انتي تعبانه او حاجه
يمنى قالت... مش مهم ابدا المواضيع.دي ..انا اهلى متوفيين ومعنديش اغلى من جدو وتيتا هما حياتي كلها وهما مصرين اني اتجوز وعايزين يجوزوني ابن عمي بالعافيه
الياس اتفاجأ بكلامها قال...انتي مش بتقولي بيحبوكي ازاي بقى عايزين بغصبوكي على الجواز
يمنى اتنهدت وقالت..هو مش غصب قد ما ضغط نفسي كلام من الي هو احنا عايزين نطمن عليكي ...هموت قبل ما اشوفك عروسه..احنا يهمنا مصلحتك ومن الكلام ده
الياس قال...اااااه فهمت وانتي بقى بتضحكي عليهم لاواضح انك بتحبيهم
يمنى قالت بضيق وغضب ...انا فعلا بحبهم ومش بحب في حياتي قدهم بس الي بيطلبوه مستحيل...من سابع المستحيلات
الياس حس انها اضايقت قوي محبش يسألها اكتر فضل ساكت شويه ويمنى اتنهدت وقالت يلا علشان هما مستنين عايزين يتعرفو عليك
الياس اتفاجا قال...وهما امتى عرفو بجوازنا اصلا...انتي قلتلهم قبل ما نتجوز اساسا ..
يمنى قالت ببرود..وفيها ايه انا قلتلهم اني متجوزاك من فتره قريبه وانك مسافر وراجع انهارده يلا علشان منتاخرش اكتر وفي العربيه افهمك كل حاجه
الياس قال...لا طبعا انا رايح لاهلي انا سايبهم عند الجيران و
يمنى قالت...عم علي هيروح يرجعهم الشقه وابقى كلمهم بالتليفون انت لازم تيجي معايا جدي مستنيك... و بالنسبه للشقه اهلك هيفضلو فيها بس مش هتتكتب على اسمكم غير لما تخلص المده الي هنقضيها سوا
الياس قال بغيظ...وهيه مدة السجن قد ايه ان شاء الله
يمنى قالت وهيه بتطلع من المكتب لما اشوف بس متقلقش مش كتيرانا مستنيه الافراج اكتر منك وخرجت والياس خرج وراها وهو مضايق جدا ركبو العربيه ويمنى بقت تشرحلو عن عيلتها قالت اامهم عندي زي ما قولتلك جدو وتيتا دول متعملش معاهم اي مشاكل الباقي دول عيلة عمي
عمي وعمتى دول تقريبا مش هتشوفهم ديما مشغولين وبنتهم شرين دي بنت تافهه يعني معتقدش تدايقك..منير ابن عمي الصغير ده شاب طيب جدا وحتحبو لانو زيك كده
الياس بصلها بطرف عينه وقال...ايه ذيك دي.
يمنى قالت...قصدي في حالو يعني...
الياس قال بغيظ...ما علينا المهم..في حد تاني
يمنى اتنهدت واتحولت ملامحها لغضب وقالت..فيه معتز.. ابن عمي الكبير وده لا تحترمو ولا حتى اتكلمو كويس ولو دايقك افتقو عادي ولو موتو يبقى احسن
الياس انزهل من طربقة كلامها عليه قال...واضح انك بتعذيه قوي...هو ده الي عايز يتجوزك مش كده
يمنى بصت قدامها واتنهدت وقالت...ايوه هو... كده مفيش حد تاني يلا علشان قربنا نوصل هننزل في المحل ده هشتريلك حاجه ماركه كده بدال الي انت لابسو
الياس مقدرش يستحملها اكتر قال بزعيق...بت انتي متخلنيش اتججن على الي خلفوكي واتكلمي عدل ..وانا رايح زي ما انا كده لو كان عاجبك مش عاجبك اعتقيني لوجه الله
يمنى بصتلو وقالت باشمئزاز هتروح بقميصك ده الي ميكملش متين جنيه
الياس قال بتريقه بيقلدها...اه هروح بيه..وكلمه تاني هقلعو وروح ملط خالص ايه رأيك
يمنى نفخت بغيظ وسكتت وكملت على القصر بسكات
اول ما وصلو القصر وسلمو على جدة يمنى وجدها الي رحبو بالياس بحفاوه وقعدو يتكلمو معاه بحب كبير وده الي خلى الياس يستغرب جدا لانو فاكر انهم هيكرهوه علشان اتجوزتو من وراهم بس الي حصل عكس كده قعدو يرحبو بيه بطريقه جميله كأنو ابنهم وفضلو قاعدين سوا بيتكلمو لحد ما قاطعهم دخول شاب جميل وهادي جدا ده منير ابن عم يمنى
منير شاب طيب جدا ووسيم عمره ٢٧ سنه اصغر من اخوه معتز بسنتين بس يختلف عن اخوه كتير.... اول ما شافهم اتقدم عليهم وهما وقفو يسلمو عليه
منير قال بفرحه...مبروك يا يمنى انهارده اعرفت والله وكان هيحضنها بس الياس حط رجل كده قدامو بقى تقريبا واقف قدام يمنى وقال بابتسامه بسيطه...اهلا بيك ... ومد ايده وقال...الياس
منير رجع خطوه لورا وابتسم على حركتو دي وسلم عليه وقال ...اهلا انا منير ابن عم يمنى او تقدر تقول اخوها...
الياس قال..اهلاا وسهلا
منير قعد هلى كرسي قصادهم ويمنى كانت جمب الياس همستلو وقالت بغيظ...ايه الي هببتو ده مكانش فيه داعي تكسفو كده
الياس همسلها بضيق وقال...لا اسيبو يحضنك وانا واقف
يمنى رجعت همستلو وقالت...احنا مش اتفقنا
الياس همس بغيظ..مفتكرش اني اتفقت ان مراتي تتحضن قدامي كده
يمنى لقتهم بيبصو عليهم قالت بغضب...نتكلم فوق
الياس مردش وبقى يشرب قهوتو وسميه جدت يمنى قالت...ايه يا ولاد بتتودودو في ايه
الياس قال..لا ابدا دا انا كنت بقول ان حضرتك قمر يعني وميبانش انك جدة يمنى خالص
سميه ضحكت وقالت...يا ود يا بكاش..على العموم هو لو فيه قمر هنا ببقى انت سبحان مين سواك بجد تبارك الله
الياس ابتسم ومنير قال بسرعه...معاها حق والله هو انت اهلك مصريبن يا الياس
الياس ضحك وقال والله مصريين..على فكره ديما بتسال السؤال ده
وكانو بيهزرو وبيضحكو لحد ما هبت رياح موسميه خطيره اسمها معتز الصياد
معتز بصلهم بغضب وقال..وجيباه معاكي كمان... قوم يا جربوع انت اخرج بره بدال ما ارميك زي الزباله ووو