رواية يمني والياس الفصل الخامس5والسادس6بقلم زهرة الربيع
وجيباه معاكي كمان قوم يا جربوع انت اخرج بره
الياس برق بزهول شديد من وقاحتو ووقف بغضب وقال بحده...انت تقصدني انا
معتز قال بغضب وزعيق ..ايوه انت ولو مخرجتش هخلي الخدم يرموك زي ما بيرمو الزباله
الياس اتحولت ملامحو لغضب رهيب مسكو من قميصه بشراسه وقال بزعيق... قول تاني كده قلت ايه...قول تاني
الكل جريو عليهم بيفلتوهم من بعض وحامد قال ...حقك عليا يا الياس يا بني وبص لمعتز وقال اعتزر حالا يا معتز
الياس سابو اول ما سمع كده وقال ...معتز...ااااه قولتلي..هو انت معتز خلاص انا مسامحك وكمل قاصد يغيظه.. اصل ابويا كان يقلي متضربش حد خدت منو حاجه كان نفسو فيها علشان كده يبقى افترى.. وانا مقدر وضعك فسماح المرادي
معتز اتنرفز وبقى مش شايف قدامو قال بعصبيه..بس انا ابويا مقليش حاجه وهجم على الياس هيديلو بوكس بس الياس بحركه سريعه لف دراعو ورا ضهره وبقى يضغط بقوه عليه لما كان هيتكسر
معتز بقى يتألم وقال بألم سيب دراعي يا حيوان
الياس ضربو على قفاه وقال...فيه ايه يلا
معتز لسه هيرد ادالو قفا تاني وقال ...ايه يلا مالك
ودالو كام قفا ورا بعض ولسه ماسك دراعو ومعتز مش عارف يفلتو بس حامد اتقدم على الياس وقال...علشان خاطري سيبو يابني حقك عليا والله
الياس اول ما قلو كده زق معتز بقوه لما وقع على الارض وقال علشان خاطرك سبتو بس انا محدش يتكلم معايا كده مين ما كان وبنتكم اهيه عندكم عايزه تيجي تعيش معايا تمام عايزه تفضل معاكم وانا اشوفها من وقت لتاني برضو تمام لاكن انا مش هقعد في مكان اتهزء فيه عن اذنكم وخرج بغضب وعند الباب كانت فيه بنت جميله كده واقفه بتبصلو باعجاب شديد لانها شافت كل الموقف
دي بقا شيرين بنت عم يمنى واخت معتز ومنير فضلت مركذه فيه شويه والياس استغرب نظراتها ومشي من غير ما يهتم
حامد وسميه جريو ورا الياس عايزين يراضوه
ويمنى بقى كانت واقفه بسعاده لاتوصف من الي الياس عملو وبتبص لمعتز بشماته ابتسمت بسخريه وقالت ...سلامتك يا زيزو ومشيت وسابتو ماسك ايده وبيتألم
منير كان ساكت كأنو مش موجود واول ما خرجو مد ايده يقوم معتز وهو متضايق منو جدا
معتز زق ايده بعصبيه وقال بغضب ...اوعى بعد ما سبتو يضرب اخوك قدامك جاي تعمل اخويا دلوقتي
منير ااتنهد وقال بضيق...الغلط غلطك يا معتز وانا لو مكانو كنت عملت زيو واكتر هو ينفع تغلط فيه كده
معتز كان هيتكلم بس شرين قاطعتو وقالت...هو مين ده الي ضرب معتز يا منير
معتز صرخ فيها وقال...متقوليش ضربو انتو ايه انتو محسوبين عليا اخوات ابعدي كده وزقها وطلع اوضتو بغضب رهيب
شرين كأنها مسمعتوش قالت... ها يا منير مين ده وانبي
منير قال بضيق...ده يا ستي الياس جوز يمنى انا هطلع اشوفهم عملو ايه.
منير مشي وشرين قالت لنفسها...جوز يمنى ..بقى يمنى المتعقده تتجوز القمر ده الي زي نجوم هوليود على العموم مفيش حاجه بتفضل على حالها
في الجنينه كان حامد بيتحايل على الياس انو ميمشيش قال ...يا ابني امسحها فيا انا وخليك والله هخليه يعتذر ويراضيك بالطريقه الي تحبها
الياس قال ...انا لاعايزو يراضيني ولا اراضيه با جدي انا عايز اعيش في مكان ارتاح فيه واديك شوفت من اول يوم حصل ايه
سميه قالت...طب ولو قلنالك علشان خاطرنا هتكسفنا برضو
الياس قال ..والله خاطركم على دماغي بس
قاطعو حامد وقال...مبسش ولاحاجه خلاص انا هخليه ميجيش ناحيتك تاني ولو دايقك بكلمه حسابو هيبقى معايا انا يلا بقى علشان خاطري
الياس مشي معاهم بعد ما يأس انهم يسيبوه ودخلوو كلهم القصر وقعدو شويه بعدها اجتمعو على العشا وكان معتز قاعد بيبص لالياس بكره شديد ويمنى ميلت على الياس وقالت...بتعرف تاكل بالشوكه والسكينه ولا هتفضحنا
الياس اتدايق منها ونفخ بغيظ ومردش عليها بقى ياكل بالشوكه والسكينه باحتراف وكان بيتكلم هو منير
منير قال..مقلتلناش انت خريج ايه
الياس قال ...طب بشري
الكل بصولو بزهول وحامد قال...يعني انت دكتور بقى
الياس ابتسم وقال..يعني تقدر تقول دكتور مع وقف التنفيذ
منير قال ...طب ازاي دكتور وتشتغل في شركه
الياس قال..نصيب بقى ...وبص ليمنى وقال..يمكن علشان اشوف بنت عمك
يمنى بصتلو بطرف عينها وكملت اكل ومعتز كان متغاظ جدا قال...وانت اتحدفت علينا من فين..قصدي بلدك يعني
الياس بصلو وقال بابتسامه...معتقدش تعرف الحته الي اتحدفت عليك منها
معتز قال ...اممم من حواري يعني..غريبه مع ان شكلك ميقولش انك من الحتت المعفنه دي
الياس اتدايق منو جدا بس ضحك ضجكه خفيفه ...وقال عادي يعني مش شرط اهو انت الي يشوفك ميقولش انك تربيه قصور
يمنى ابتسمت وشرين ضحكت ومنير حاول يكتم ضحكتو بالعافيه ومعتز اتنرفز جدا قام بضيق ومشي من غير ما يتكلم
بعد ما خلصو العشا كل واحد طلع على اوضتو ما عدا الياس كان قاعد بيتكلمو هو وحامد وبيهزرو وحامد كان مبسوط بيه جدا
بمنى طلعت وخدت دش وغيرت وطلعت بره الاوضه بتعمل مكالمه شافت حاجه غريبه شافت شرين بتطلع بره اوضتها كل شويه تبص على السلم وترجع تاني يمنى استغربت قوي بس دخلت اوضتها بلا مبالاه
بعد شويه الياس طلع ورايح الجناح بتاع يمنى زي ما وصفوه ليه بس اتفاجأ بايد شدتو عليها
الياس اتفاجأ جدا لما لقاها شرين بس الي فاجأو اكتر لبسها كانت بقمي.ص نوم شفاف بصلها بزهول وبعد شويه وقال ...احم..خير فيه حاجه يا انسه
شرين قربت عليه وقالت بدلال...ايوه ..مش انت دكتور كنت عيزاك تشوفلي رجلي اصلها بتوجعني قوي
الياس فهم قصدها قال...ااااه لا مهو انا مش دكتور عظام
ولسه هيمشي شرين وقفت قدامو وقالت بسرعه...امال دكتور ايه
الياس قال بضيق...باطنه وقلب ..عن اذنك
بس شرين مسكت ايده و قالت..اااه قلب..طب كويس خالص..اصل انا من ساعت ما جيت ومش عارفه قلبي مالو بيدق جامد
الياس لسه هيتكلم سمعو صوت يمنى من وراهم بتقول...مهو من لبسك يا شرين تلاقيكي خدتي برد يا حببتي
الياس شاف نفسو في موقف مش حلو خااالص مسح على وشو بحرج وفضل ساكت
شرين بلعت ريقها برعب لما شافت يمنى بتتقدم عليها بغضب وووووووو
الفصل السادس
6_شرين بلعت ريقها برعب لما شافت يمنى بتتقدم عليها بغضب وقالت.بتوتر شديد..يو..يمنى..انا كنت....اصل..انا
يمنى ابتسمت وقربت منها وقالت بصوت مهلك ...ابعدي....عنو...ابعدب.....عنو..... مش هقولها تاني...فهمنا...يارب نكون فهمنا
شرين هزت راسها بسرعه ورعب شديد والياس كان واقف مستغرب كل الخوف ده منها بس يمنى مسكت ايده ومشيت بيه ناحية اوضتهم
الياس كان حاسس بشعور حلو وهيه ماسكه ايده وكان بيبص لها بس هيه ماشيه عادى مش بتبصلو خالص واول مادخلو الجناح الياس حمحم بتوتروقال...بصي..هو الي حصل
يمنى قالت بمقاطعه انا عارفه الي حصل بنت عمي واعرفها اكتر من نفسي بس نسيت اقولك وانا بحكيلك عنها ..لو ليك في العك مش هتمانع
الياس بصلها بزهول وقال وانتو عارفين وسيبينها
يمنى قالت انا بس الي اعرف..المهم..اديك عرفت سكه قريبه
الياس قال بسرعه..لا طبعا اعوذ بالله
يمنى قالت ماانا عارفه انو اعوذ بالله علشان كده لحقتك ...المهم بكره معانا شغل هنصحى بدري هنروح الشركه بس طبعا مش هتطلع معايا في عربيتي هتاخد تاكس او اوبر
الياس قال...بس انا لازم اشوف اهلي انا مسألتش فيهم من امبارح
يمنى قالت بزهق...انت مش كلمتهم في التلفون
الياس ايوه بس عايز اشوف ابويا واطمن عليه ده مريض
يمنى..تمام..تمام روح ومتتأخرش تعالى على الشركه على طول ..يلا نام الكنبه الي عندك بتتفتح نام عليها بس الصبح اوعى تنسى تقفلها
الياس قال تمام ...وسكت شويه وقال...يمنى هو انتي ايه الي بينك وبين معتز ..هو انتي كنتي بتحبيه ولا حاجه
يمنى ضحكت بقوه وكانت اول مره يشوفها بتضحك كده فضل سارح شويه فيها ويمنى قالت...والله انت رهيب...ب..حبو على العموم لو عايزنا كويسين سوا متفتحش سيرة معتز خالص فهمت
يمنى كانت بتتكلم بغضب وكأنها اتحولت في ثانيه الياس قال تمام براحتك ونام على الكنبه ويمنى نامت على السرير
باليل الياس صحي على صوت يمنى وهيه بتصرخ فتح عيونه واتقدم عليها لقاها نايمه وبتصرخ وبتقول...ابعد عنى ...ابعد بقولك..هقتلك ابعد
الياس قعد جمبعا وبقى يصحيها براحه وبيقول...يمنى ..يمنى قومي ..يمنى قومي دا كبوس
يمنى صحيت بالعافيه وقعدت بتعب والعرق نازل على وشها وبتاخد نفسها بصعوبه بتبص جمبها لقت الياس اتفزعت زي ما تكون شافت عفريت بعدت لاخر السرير وبقت تشد الملايه عليها وبتقول برعب وهستريا...ابعد..ابعد عني اوعى تقرب ..ابعد..
الياس كان مصدوم من حالتها قال وهو بيحاول يقرب...انا الياس يا يمنى متخافيش..اهدي...دا كبوس
يمنى بقت تبص حواليها ورجعت بصتلو واتأكدة انو كابوس وفجأه بقت تبكي بشده لدرجة ان الياس عيونه اتملت دموع مش عارف ليه منظر البنت القويه الي عذبتو وهيه بتبكي اثر فيه كان نفسو يحضنها ويطمنها بس خاف من ردة فعلها جاب كبايه ميه وقعد جمبها وقال...اشربي يا يمنى
يمنى بصتلو بدموع واستغراب من اهتمامو خدت الكبايه وشربت
الياس بصلها لقاها بترتعش جامد ودموعها على خدها قال...انا جمبك يا يمنى انتي مش لوحدك ..انا معاكي
يمنى بصتلو باستغراب بس حبت الي قالو جدا ...قالت..احم..شكرا يا الياس ..اسفه اني صحيتك...ده كبوس بيجبلي على طول متشغلش بالك روح نام
الياس قال...متأكده انك كويسه افضل معاكي
يمنى ابتسمتلو لاول مره وقالت انا تمام شكرا
الياس قام واتوجه لكنبتو هينام بس قال باستغراب...هو ايه حكايه الكابوس ده طيب.ومين الي يبعد عنك وهتقتليه مين ده
بمنى كانت منزله راسها وأول ما قال كده اتحولت ملامحها لغضب رهيب بصتلو بصه ترعب وقالت بغضب...وانت مالك..انت هتصاحبني ..اوعي تفتكر انك علشان هنا معايا هيبقالك قيمه.. لا فوق لنفسك..انت اخرك تجبلي ميه اشرب..يعني خدام فاهم
الياس اتنرفز من كلامها جدا بس ابتسم وقرب عليها وقال يمنى
يمنى بصتلو جامد وقالت بعصبيه...نعم
هوب رنها حتت قلم محترم وقال بنفس الهدوء نامي تصبحي على خير راح نام على كنبتو وسابها حاطه ايدها على خدها بزهول شديد من الي عملو وخافت تتكلم يضربها تاني سكتت ونامت وهيه هتموت من الغيظ وبتتوعد له
في صباح يوم جديد
الياس قام من الصبح بدري طبعا هو متعود وبص ليمنى كده بحزن على حالها وعلى مزاجها الي بيتقلب من الهو اتنهد ونزل وهو بيفكر ياترى ايه الي وصلها للحاله دي
نزل سلم على الكل ومشي بسرعه عايز يشوف اهلو قبل ما يروح الشركه بس شاف منير طالع منير قال...يلا بينا هوصلك الشركه في طريقي واهو ندردش انا بحب اتكلم معاك
الياس قال...والله انا كمان حابب بس انا معايا لفه طويله هروح اسلم على بابا اصلو تعبان شويه وهوصل تسنيم الجامعه حتى هروح الشغل روح انت وخليها وقت تاني
بس منير قال..والله ابدا هوصلك يعني هوصلك عايزك في موضوع ضروري
الياس قال تمام بس وصلني البيت وروح شغلك
منير.. تمام بس اركب دلوقتي وتتسهل
ركب الياس مع منير وفي الطريق منير قال...ها بقى قولي وافقت ليه
الياس قال باستغراب ..وافقت على ايه
منير ..انا متأكد انك متجوزتش يمنى برضاك وكمان متأكد انها اتجوزتك علشان ضغط جدي عليها فقولي بقى وافقت ليه
الياس اتنهد وقال...وانت ايه الي مخليك متأكد كده
منير قال...بص يمنى بتكره الجواز والارتباط ومستحيل تفكر فيه على الاقل مش بالسهوله دي اصلك متعرفش الي حصل لها
الياس استغرب وقال...وهو ايه الي وصلها لكده انت تعرف يا منير
منير حاول يتهرب قال..متغيرش الموضوع قولي وافقت ليه
الياس اتنهد وقال...هقولك ايه بس انا رفضت والله بنت عمك دي مفتريه طلعت اهلي من الشقه واشترتها مكانش فيه حل تاني
منير لسه هيتكلم الياس قال بس هنا اوقف نزلو وكانت تسنيم مستنيه الباص فاكره ان الياس مش هيجي واول ما شافتو جريت عليه حضنتو وقالت...الياس انت كويس يا حبيبي
الياس ابتسم بحب وقال..كويس يا قلبي كنتي هتمشي من غير ما اشوفك
تسنيم...افتكرتك مش جاي
الياس قال...وانا اققدر اتأخر على القمر..وبص لمنير كده وقال..اه صحيح منير صاحبي..ودي تسنيم اختي
منير كان بيبصلها باعجاب شديد.. مد ايده وقال اهلا وسهلا
تسنيم قالت ...اهلا بيك
الياس قال انا خمس دقايق هطلع لبابا اتفضل نشرب حاجه فوق يا منير
منير قال..لا معلش خليها وقت تاني علشان متأخرين
الياس قال تمام..انا مش هتأخر شويه ونازل لكم وطلع يشوف بباه
منير فضل باصص لتسنيم وهيه خدت بالها من نظراتو واتكسفت جدا
منير قال...هو انتي سنه كام
تسنيم..دي اول سنه
منير..ياه دانتي صغيره قوي
تسنيم.. ابتسمت وقالت انت بتشتغل مع الياس
منير قال..لا انا ابن عم يمنى مراتو
تسنيم بصتلو بغضب وقالت بعصبيه...يعني انت قريب الحربايه الي اسمها يمنى
منير ضحك على عصبيتها ولسه هيرد الياس نزل وقال تمام يلا بينا
طلعو سوا في العربيه وتسنيم مضايقه من منير علشان قريب يمنى وهو كان كل شويه يبصلها من مراية العربيه ومعجب بكل حركاتها
وصلو تسنيم والياس طلع على الشركه وقبلها بشويه قال تمام اقف هنا
منيرقال.... ليه ياابني ما اوصلك للباب
الياس قال بتريقه..لا دي تعلمات الهانم مينفعش حد يعرف اننا متجوزين
منير ضحك وقال معلش طول بالك عليها والله يمنى طيبه جدا
الياس قال اممم انت هتقولي ونزل ودخل الشركه وطلع عند السكرتاريه والكل كانو بيهمسو عليه وانو ازاي اتنقل السكرتاريه بسهوله كده وعلى دخوله عند يمنى امبارح بس الياس كان سامعهم وعامل نفسو مش سامع قعد على مكتبو بلا مبالاه
بعد شويه يمنى دخلت الشركه وبصتلو وقالت...الياس تعالى ورايا
الياس اتنهد ودخل لها وقال اول مادخل الشركه كلها بتتكلم علينا فاكرين اني مرافقك
يمنى قعدت بلامبالاه وقالت خليهم يتكلمو
الياس قال بزهول..هو ايه البرود ده عادي يعني انهم يفتكرو اننا مقضينها
يمنى قالت...الناس الي بتفضل تراقب كلاك الناس مش بتوصل لحاجه ..خلينا في الشغل في اجتماع مهم انهارده هتحضرلي اوراق الصفقه الجديده و
بس قطع كلامها دخول شاب في اواخر العشرينات طويل ووسيم بس الغضب عاميه وعنيه بتطق شرار
الياس قال بعصبيه..ايه الغباء ده انت ازاي تدخل كده
الشاب بصلو من فوق لتحت بقرف ومردش عليه واتقدم على يمنى بغضب وووووووو