فؤاد قال بتفكير ...مش عارف...احنا التنين متأكدين ان لا انا ولا انت قتلنا علا كمان ولا انا ولا سراج قتلنا طارق يبقى فيه شخص تالت
حاله من الصمت والصدمه على كل الموجودين قطعها سراج لما اتقدم على ابوه وقال...بس ثواني ..انت قولت ايه..يعني ايه سالم مقتلش امي امال مين الي قتلها
فؤاد بصلو واتنهد وقال..لما كنت انت ووالدتك الله يرحمها في المزرعه يومها انا وسالم رحنا هناك ..احم واتخانقنا على موضوع كده انا مشيت وهو جيه ورايا يومها كان عايز يتكلم معايا وانا رفضت فضل اليوم كلة مستنيني تحت وانا كنت طول اليوم فوق .. لا انا نزلت ولا هو مشي هو متأكد اني مقتلتهاش زي ما انا متأكد انو مش هو الي قتلها
سراج فضل ساكت وقعد مكانو من شدة الصدمه قال بزهول ...يعني ايه ..انا مش فاهم حاجه
هنا نادر قال لفؤاد..حضرتك قولت ان لا انت ولا سراج قتلتو طارق ده ازاي ..سراج بنفسو قلي انو قتلو
فؤاد قال... ليلتها سراج اتفق مع رجاله يخطفو تقى وهما الي شافو الحادث وبلغو سراج وراح وانقذ تقى لانها وقعت من العربيه اما اخوك كانت العربيه انفجرت بيه وقتها ومحدش عرف مين الي عملها فسراج شاف انها فرصه ينتقم من سالم ويفهمو انو قتل ابنو علشان يرجع حق امه..ولما تقى حبستو سراج حب يعترف بجريمه معملهاش فأنا قولتلو ان انا الي قتلت طارق مع اني لا قتلتو ولا اعرف الي قتلو حتى كل الحكايه اني حبيت انقذ سراج علشان ميتكلمش
سالم قال بدموع..انت كداب..انت عايز تطلع نفسك برئ انت الي قتلت ابني مين غيرك ممكن يقتلو
فؤاد بصلو بسخريه وقال...لو كنت عايز اقتل ابنك كان عندي فرص كتيير ومن زمان وبص بطرف عينه على سراج
سالم فهم انو يقصد لو كان عايز يقتل ابنو كان قتل سراج لانو عايش معاه سكت وبقى يفكر لو كلامو صح مين ممكن يعملها
نادر فرح جدا ان مش سراج الي قتل اخوه وبص لفتون بابتسامه وفتون ابتسمتلو بحب وقالت...الحمد لله
سراج وقف وقال بتوتر وخوف ..امال مين الي اخدها انا هتجنن انا حتى مش عارف ادور عليها فين
نادر حط ايده على كتفو وقال..انت بس اهدى الرجاله بتوعي بعتهم كل الشوارع القريبه يا خدو تسجيلات الكاميرات وان شاء الله نلاقى العربيه الي اخدتها
سراج قال بدموع..معتقدش تلقطها الكاميرات كنا ابعدنا من الاماكن السكنيه
نادر قال..هنلاقي حل وبعدين اكيد الي خطفها هيتصل و
بس سراج قاطعو وقال بزعيق..انا لسه هستني لحد ما يتصل انا رايح ادور عليها بنفسي وانت ابعد عني اصلا لسه شاكك فيك ويا ويلك لو طلع لك دخل
سراج طلع ونادر فضل واقف بحزن شديد بس اتفاجأ بفؤاد بيقول..الحق اخوك يا نادر روح معاه متسبوش لوحدو
بقلمي...زهرة الربيع
الكل بصولو بصدمه ونادر لسه هيسأله فؤاد قال..متستغربش ..من اول ما طلعتو من السجن واصريت على مشاركتو اتاكدت ان ابوك حكالك روح الحقو والله سراج ضحية غلطاتنا بس هو انسان مفيش منو
نادر ابتسم وبصلو بشكر وطلع ورا سراج وخالد طلع وراه
علا وفتون مش فاهمين حاجه ابدا وفؤاد كان هيمشي بس سالم قال بدموع..استنى يا فؤاد انا انا اسف..انا كنت فاكر انك قتلت ابني
فؤاد بصلو وقال بسخريه..ابنك كان تحت ايدي كل يوم وكل ساعه يا سالم لو كنت عايز انتقم منك في اولادك كنت عملتها من زمان انا دلوقتي وضحت الي اعرفو واظن كده محدش له حاجه عند حد طبعا غير فتون
سالم قال فتون..مالها فتون
فؤاد قال..فتون لازم ترجعلي بنتي لازم تطلق من ابنك هو اتجوزها علشان ينتقم لاخوه بما انوعرف الحقيقه يبقى لازم يطلقها وكده يبقى كل واحد خد حقو
لسه هيمشي سالم قال...بس نادر وفتون متفقين و
فؤاد قال...عارف ابنك نادر خساره فيك هو راجل وبيواجهه مش زي ابوه وانا اتمني يكون جوز بنتي راجل زي نادر بس مستحيل اخليها مع ابنك لانو مهما كان كويس فهو في الاخر ابنك لو عايز تنهي العداوه الي بنا تخليه يطلق بنتي ويا دار مادخلك شر وبالنسبه لسراج اهو عندك لو قدرت تواجهو بالي انت عملتو وهو حب يفضل معاك انا معنديش مانع وابقى ردتلك امانتك واذا حب يفضل معايا فأنا وكل الي بملكو ملك سراج وحقو .ومشي وسابو قاعد بحزن شديد
علا قربت منو وقالت بصدمه.. هو ايه الي قاله ده سراج.ازاي اخونا يابابا..ازاي
سالم نزلت دموعه وبقى يبكي بندم وحزن شديد فتون جابتلو كبايه ميه وقعدت عند رجلو وقالت بحزن...سبيه دلوقتي يا علا اهدى يا عمي ..اشرب..كل شيئ هيتحل
سالم مسك منها الميه وشرب وهو بيبصلها بحزن وقال...انا اسف ليكي كمان يا ينتي
فتون ابتسمت وقالت..العفو يا عمي انت زي بابا متقولش كده
سالم قال بحزن....لا ..لا انا مش زي ابوكي ابوكي انسان مفيش منو وانا من زمان وانا بغلط معاه واتهمتو كمان انو حرض سراج يقتل اخوه مع اني عارف اني
مهما اسأت ليه هيفضل قلبو ابيض ومستحيل يأذي
عند سراج كان واقف هو ورجالتو وبيتكلم مع واحد من معارفو في الشرطه وكان قالب الدنيا وبيحاول يلاقي اي حاجه توصلو لتقى
نادر قرب منو وقال ...سراج...انا عارف اني اخر واحد ممكن تقبل منو نصيحه ..بس في الحاله دي مفيش حل غير انك تستنى اتصالهم ارجوك فكر بعقلك شويه
سراج قعد على كرسي وحط اديه على دماغو وقال بدموع..مش قادر مش قادر افكر مش عارف اعمل حاجه حاسس دماغي مشلوله اول مره احس اني عاجز ..اخدوها قدام عيني.اخدوها ومقدرتش اعمل حاجه ..لو حصلها حاجه انا .انا هعمل ايه..انا هموت..مش هقدر اكمل ..ودموعه نزلت وحالتو كانت صعبه بجد
نادر قعد جمبو وحط ايده عل كتفو وقال..هترجع ..والله هترجع..فكر فيها الي اخدها ضروري هيتصل ..لو مكانش عايز حاجه خطفها ليه
سراج بصلو ولسه هيتكلم ادهم جيه وقال..ايه الي سمعتو ده يا سراج صحيح مراتك اتخطفت مين الي عمل كده
سراج لسه هيرد نادر قال...انت ليك عين تقف قدامي بعد الي عملتو امشي من قدامي السعادي
ادهم قال بعند... والله انا بكلم ابن خالي وواقف معاه في محنتو لو مش عاجبك وجودي تتفضل تغور محدش هيمسك فيك
نادر اتقدم عليه بغضب بس سراج قال بزعيق..بس انت وهو..اظن ان مش ده الوقت المناسب لخناقاتكم المهمه انا مش ناقص .. ياتقعدو عاقلين يا تغورو انتو لتنين وتسبوني في همي
نادر وادهم سكتو وخالد قرب عليه وقال..طب حاول تفتكر ارقام العربيه او اشكالهم حاول تفتكر اي حاجه
سراج قال بتعب..مش قادر افتكر حاجه الموضوع ماخدش ثواني وكانو...كانو اخدوها
فضلو طول اليوم على الحاله دي سراج زي الاعصار ومش راضي يهدى ومخلاش طريقه محاولش بيها وفؤاد وسالم فضلو في الاوتيل لحد ما تظهر تقى
عند نهى اتصلت بالشخص المجهول الي بتكلمو اول ما رد قال ...ها ايه الاخبار
نهى قالت بتوتر...زفت..كل حاجه كانت ماشيه زي ما انت عايز وسراج شك في نادر وكانو بيتخانقو لحد ما فؤاد جيه واقنعهم بوجود شخص تالت وكمان قلهم انو لا هو ولا سراج قتلو طارق يعني كل الحكايه اتكشفت قدامهم والاسوء انهم صدقوه
المجهول..قال بغضب..وايه الي جاب فؤاد عندك.
نهى..هو فؤاد بس ..ده سالم كمان جيه وبقت هيصه ومش ناوين يمشو الا لو ظهرت تقى
المجهول قعد وابتسم وقال..يبقى خلاص مفيش حل تاني كده خلصت روحي انتي خلاص انا هتصرف
في فيله جميله على البحر كانت تقى مربوطه ومتغميه عيونها وبتبكي ومش عارفه هيه فين وفجأه حد شال الرباط من على عنيها
بصت قدامها لقت اربع شباب وبيبوصولها بخبث وطريقه مخيفه واحد منهم فكها وشدها عليه وقال لصاحبه...يلا افتح الكاميرا
تقى خافت جدا وبقت ترتعش وقالت...فيه ايه ..انتو مين ..عايزين مني ايه
الشاب مشى ايده على جس*مها وقال...ولا حاجه يا حلوه هنبعت فديو حلو لجوزك
تقى بقت تحاول تفك نفسها منو لاكن ايديها مربوطين بقت تحاول تقاوم بس كانو كتير عليها
عند سراج قاعد وعمال يفكر بيحاول يفتكر ارقام العربيه او اي حاجه... جاتلو رساله على التليفون فتح واتصدم ووقف بزهول ..شاف تقى والشباب بيدايقوها وهيه بتص*رخ وتزعق وواحد منهم قطع فستانها من فوق وخيه صرخت والفيديو خلص
بقلمي..زهرة الربيع
سراج فضل باصص للتليفون ودموعو نزلت بالم و زعق بصوت عالي وقال...يا ولاد الكلللللللللب
نادر جري عليه وهو بقى يشد شعرو ورايح جاي ومش عارف يعمل ايه
نادر مسك التليفون وشاف الفيديو وابتسم وقال ممتاز
سراج مسكو من قميصه بغضب اعمى وقال..هو ايه الي ممتاز ...ها ..ايه الي ممتاز
نادر قال بهدوء..اهدي يا سراج معنى انهم بعتو الفيديو ده يعني بيضغطو عليك كده عايزين طلب ومتأكدين انو صعب وبيضغطو عليك علشان اول ما يطلبو توافق..على فكره ده كويس جدا لانهم كده خلاص هيتصلو ويقولو طلبهم
سراج سابو وقال بتوتر ودموع..يطلبو الي عايزينة ..بس يرجعوها ..انا موافق على اي حاجه ..انا مش قادر استحمل بتخنق ..والله بتخنق
سراج نزلت دموعه وكل الي جاي قدامه منظرها وهيه خايفه وهما بيضايقوها نادر بصلو بحزن وقال...صدقني هيتصلو وهنرجعها انت بس اهدى تمام
بعد شويه كانو كلهم مجتمعين جمب التليفون ومستنين اتصالهم وفعلا اتصل رقم غريب..
سراج رد بسرعه ولهفه ونادر قال بهمس..افتح لسبيكر
سراج فتحو وقال...الو
.........وصلك الفيديو ان شاء الله يكون عجبك
سراج قال...انت مين وعايز ايه
...........انا عبد المأمور..الباشا هو الي عايز
سراج قال ...طب اديني الباشا بتاعك اكلمو
..........مينفعش..هو بيبلغك..لو حابب مراتك ترجعلك صاغ سليم تنفذ طلبو من غير نقاش..اما بقى لو مش عايز فالرجاله هنا هيموتو عليها وهيه كرباج بصراحه
سراج اتعصب ولسه هيتكلم نادر شاورلو يهدى وقلو اعرف عايز ايه
سراج اخد نفس وحاول يهدى وقال ..والباشا عايز ايه اامر
..........هو طلب واحد الباشا عايز..نادر النوري
سراج ونادر بصو لبعض باستغراب والكل كانو مستغربين ومش فاهمين حاجه
سراج قال...نعم ..مفهمتش ..ايه دخل نادر بالموضوع
............مترغيش كتير..لو عايز مراتك ترجع تنفذ بالذوق او بالعافيه تجيب نادر النوري لوحدو ومن غير رجاله ولا سلاح ولا شرطه ده لو حالب تشوف القموره تاني
سراج قال...بس اسمعني..انا ونادر مفيش بنا كلام اصلا هبعتو ازاي يعني هخطفو مثلا
...........دي مش مشكلتي ...خليه يجيلنا لوحدو ومحدش يخرج من الاوتيل ابدا واول ما يوصل مراتك هتكون عندك سلام
سراج قال...استنى بس فهمني بس الخط قطع حاول يرن تاني طلع خارج الخدمه
سراج قعد على الكرسي باستغراب وزهول مش مصدق الي سمعو ومستغرب مين ده وعايز ايه وليه نادر بالذات
نادر بصلو وقال...انا رايح
سراج بصلو بدهشه وقال.
رايح فين..هتروح لوحدك لناس متعرفش هما عايزين منك ايه وووووووو
الفصل الثلاثون30
سراج بصلو بدهشه وقال.رايح فين..هتروح لوحدك لناس متعرفش هما عايزين منك ايه
نادر قال...المهم ارجعلك مراتك...متقلقش انا هكون بخير
سراج بصلو باستغراب شديد وقال بحزن..انت مش مضطر ...انا هحاول معاهم تاني
نادر قال...اسمع يا سراج الموضوع واضح الشخص ده عايزني انا بالذات ومش هيقبل تفاوض... الاول فهمك اني انا الي خطفت تقى ودلوقتي عايزني ارحلو لوحدي يعني مش هيقبل اي محاوله متضيعش وقت
سراج بصلو بدموع وقال..وايه الي يخليك تساعدني وتخاطر بحياتك ليه اصلا
نادر ابتسم وقال...علشان اعتذرلك عن اي يوم غلطت معاك فيه وعن اتهامي ليك كل المده الي فاتت بانك قتلت طارق
سراج قال..ايوه بس انا الي قلتلك اني قتلتو انت ملكش ذمب
فتون قربت منو بدموع وقالت..حاولو تاني مينفعش يروح لوحدو افرض كان عايز يأذيه...لا لا مستحيل اكيد هنلاقي حل تاني اكيد
نادر بصلها بابتسامه وقال...متقلقيش عليا ..انا هرجع هنربي ابننا سوا متقلقيش
سالم قال...مهو يا بني بالعقل كده مدام عايزك لوحدك يبقى اكيد هيأذيك ارجوك فكر شويه
علا قالت بابا معاه حق مستحيل نخليك تروح
نادر قال... يا جماعه متقلقوش ان شاء الله هرجع خلي املكم في ربنا كبير
بعد ساعه اتصل الشخص نفسه وقال...ها فكرتو ...سراج بص لنادر بدموع ونادر شاورلو بمعني يوافق
سراج قال....هو مينفعش اجي انا بدالو يعني مشكلتكم معايا هو دخلو ايه
...............انا قولتلك ايه..يجي نادر النوري ترجع مراتك الموضوع منتهي..وعلى فكره انا مراقبكم كويس يعني لو خرج معاه شخص واحد هعرف ولو حد خرج وراه برضو هعرف يجي لوحدو... ها ابعت العنوان
سراج قال بيأس..ابعت
وصلو مسج فيه عنوان محطه قريبه وقالو لما توصل هناك هبعتلك العنوان ونادر جهز وقال تمام انا هطلع دلوقتي...و سلم على ابوه وباس ايده وسالم كانت دموعو على خده وقال...انا مش حمل واحد تاني يا نادر فكر يا ابني
نادر ابتسم وقال ...انت بس ادعيلي
وسلم على فؤاد وقال...انت كمان ادعيلي
فؤاد قال بدموع...ربنا معاك انا متاكد انو هيحرسك
وسلم على خالد و علا الي كانت بتبكي جامد وخالد بيهديها ...وفتون كانت في الاوضه بتبكي وقافله على نفسها ومش راضيه تفتح
نادر خبط عليها وقال ..افتحي يا فتون ..عايز اشوفك قبل ما امشي
فتون قالت ببكا...لا ...لا مش عايزه ..مش عايزه
نادر ابتسم على حركاتها الطفوليه وفتح الباب بالمفتاح وقال ..يعني انتي كده بعيده يا فتون
فتون جريت عليه وحضنتو جامد وقالت بانهيار..وانبي ما تمشي..وانبي ما اتسبني انا بحبك قوي انا بعشقك..هموت من غيرك..يا نادر وانبي
نادر حس بفرحه شديده وشدها ليه اكتر وقال...انا كمان بحبك بعشقك...انتي حياتي كلها
فتون بصتلو وقالت بفرحه مقدرتش تخبيها...بتحبني..الكلام ده بجد ولا زي المرة الي فاتت
نادر ابتسم بحزن وقال..انا اسف..اسف بجد يا فتون ..جرحتك كتير وكدبت كتير وحياتك عندي....كل حاجه عشتها معاكي حقيقه ...كل كلمه ولمسه كانت من قلبي عمري ما كدبت غير لما قولتلك اني مش بحبك...انا ضحكت على قلبي كتير بس برضو وقعني... بحبك اوي يا فتون..اوي
فتون بصتلو بدموع وقالت...كان نفسي اسمع الكلام ده من زمان كنت مستنيه اليوم الي هتعترف فيه بكل الي في قلبك
نادر قال.. يعني كنتي عارفه اني بكدب
فتون قالت بدموع..طبعا عارفه...العيون مبتكدبش
نادر قرب منها وفتون وقربت منو وبا*ستو برقه وكانت هتبعد نادر شدها عليه وبا*سها بقوه وشغف بو*سه طويله مجنونه فيها كل مشاعر الكون
بعد عنها بعد فتره وهو مغمض ومستسلم لقربها وقال..هرجعلك...اوعدك..فيه حجات كتير نفسي اعيشها معاكي
فتون بصتلو بحب وقالت ...وانا هستناك
عند نهى اتصلت بالشخص الي بتكلمو وقالت...اانت ايه الي هببتو ده انا مش قولتلك ملكش دعوه بنادر
المجهول ضحك وقال...لا يا حلوه انا مش عايز غيره ولعلمك هقتلو كمان ولو عايزه رأي اطلعي من اللعبه دي لانها كبرت قوي عليكي
بقلمي ...زهرة الربيع
نهى قالت بانفعال..احنا متفقناش على كده انا هقوله على كل حاجه وقفلت معاه وفتحت باب اوضتها لقت عامل النضافه بيقولها المعطر ده للاوضه يا فندم شوفي كده وقبل ما ترد رشها بيه وقعت على الارض نيمها على السرير وقفل عليها الاوضه
نادر وهو خارج سراج سلم عليه وقال..انا مش هنسالك الي عملتو ده ابدا
نادر بصلو وشاف الخوف في عيونه قال..هرجعهالك والله متقلقش
سراج قال بسرعه..انا قلقان عليك انت كمان
نادر ابتسم وحضنو وسراج كمان حضنو وقال...ترجع بالسلامه
نادر لسه هيمشي سراج قلع ساعه كان لابسها وقال ...البس دي ومتقلعهاش ابدا
نادر فهم انهو هيعرف مكانو بيها ابتسم ولبسها ومشي واول ما وصل المحطه بعتولو عنوان الفيله وراح هناك
سراج بقى اول ما نادر مشي جمع الكل في اوضه واحده وجاب الاب بتاعو وفتحو وبقى يتابع نادر لان الساعه فيها جهاز تعقب وكاميرا يعني متابع تحركاتو صوره وصوت
نادر اول ما وصل العنوان المظبوط دخل لقا تقى مربوطه قال..تقى
تقى ابتسمت بفرحه وقالت..نادر...الحمد لله
نادر قرب عليها ولسه هيفكها جيه شخص وقال...اهلا بابن النوري ليك وحشه يا ابن الغالي
نادر بصلو باستغراب وقال انت مين..وعايز ايه مننا
هنا سراج برقت عنيه بزهول شديد لما شاف الشخص الي خاطفهم وسالم وفؤاد بصو لبعض وقالو بصدمه...حسن
علا بصت لفتون وقالت باستغراب...مين حسن ده
فتون قالت بزهول..ده..ده ابن عم بابا و يبقى خال سراج
بقلمي..وهرة الرببع
عند نادر كان مستني يعرف مين ده لانو عمره ما شاف حسن قبل كده
حسن بقى قعد وحط رجل على رجل وقال باستهزاء...ايه متعرفنيش يا ابن النوري ..على العموم نتعرف..انا حسن الطحاوي ...ايه مر عليك الاسم قبل كده
نادر برق بزهول وقال..هو انت..انت ابو ادهم مش كده
حسن ضحك بقوه وقال...هو ده الي فكرك بيا ..يعني ابوك مقلكش انا ابقى مين غير اني ابو ادهم
نادر قال بضيق..لا عارفك وعارفك كويس..خال سراج اخو امو
هنا حسن وقف بعصببيه وقال..عليك نور..ويا تري قلك ايه على اختى انا عندي كتير اقولهولك لو تحب
نادر حب يغير الموضوع علشان عارف ان سراج شايفو وسامعو و خايف يفهم الحكايه كلها قال...انجز ولخص وقول طلباتك انت قولت عايز تشوفني وانا اهو قدامك
حسن ضحك وقال ...اشوفك...والله ضحكتني..ومين بقى الي ضحك عليك وقلك اني عايز اشوفك ..الي بيعوز يشوف حد مبيجبهوش بالطريقه دي..انما انا عايز اخد روحك يا ابن سالم
نادر اتنهد وقال..تمام..وانا قدامك اهوه..سيب تقى هيه ملهاش ذمب في اي حاجه
حسن قال بسخربه..اسبها علشان تروح تبلغهم ان انا الي عملت كده...لا معلش مش هينفع
نادر قال بعصبيه..هو ايه الي مش هينفع ..انت كنت عايزني وانا جيت سيبها بقى وخلينا نتفاعم راجل لراجل
حسن قال ...تؤ تؤ احنا مفيش كلام بنا ..انا دلوقتي هخلص عليك وعلى تقى زي ما خلصت على اخوك وعلى علا اختي
نادر برق بزهول وقال..انت الي قتلت اختك
حسن قال بغضب...ايوه انا..انا الي قتلتها وابوك السبب انتو الي اجبرتوني على كده انتو السبب حرمتوني منها بس هحرمو منك زي ما انا انحرمت شوفتها زي ما قتلت اخوك هقتلك اصلا انا حلفت اني مخلهوش يتهنى ابدا
نادر حاول يهديه وقال...تمام ..بس تقى ذمبها ايه ..سراج ابن اختك وهيزعل عليها دي حامل في ابنو سبها ونتفاهم كل الي انت عايزه هيحصل
في الاوتيل سراج اتحولت ملامحو لغضب مرعب واتملت عيونه دموع مش مصدق ان خالو هو الي قتل امه وخطف مراتو قال...لا مش هينفع استنى اكتر من كده ده اتجنن رسمي انا رايحلو
فؤاد مسكو وقال...رايحلو فين بس يا ابني استنى انت لو خرجت من الاوتيل رجالتو هيبلغوه وهيقتلهم قبل ما انت توصل استهدى بالله يمكن نادر يقنعو
سراج اتنهد وحاول يسيطر على اعصابو بس لمعت عيونه دموع لما تقى قالت ....ابوس ايدك انا حامل ...وتعبت والله ارجوك سبنا نمشي..الي في بطني ده مهما كان ابنكم
حسن قال بعصبيه..لا مش ابننا ..مش ابننا وبص لنادر بغصب وقال..ده ابنهم ..شايل نفس دمهم الوس*خ
سراج اتسعت عنيه بدهشه وقال...بيقول ايه ده هو اتجنن ولا ايه
سالم بلع ريقه بخوف وفؤاد وقف قدام الشاشه وقال بارتباك شديد..ااا انا.. انا رايي نقفل وكفايه كده ده ..ده مش عارف بيقول ايه وبعدين خلينا نفكر و
بس سراج فهم انو فيه حاجه مش عايزو يعرفها بعدو براحه بايده وفضل يسمع بانتباه
نادر حب يداري كلامو قال بتوتر...احم هيه معاها حق ده ابن سراج ومهما اختلفت مع اختك برضو في الاخر سراج ابنها و
بس قاطعو حسن بعصبيه وقال...لا مش ابنها ..مش ابنها...ده ابن سالم ...سالم الي اغتص*بها وخلف منها في الحرام انا مش هنسى الي عملو فيها بسببو قتلتها وزي ما قتلتها هقتل كل حد بيحبو وهحرق قلبو عليك زي ما حرقتو على اخوك
سراج اتجمد مكانو من شدة الصدمه وبقى حرفيا مش حاسس بالدنيا ولا مستوعب ابدا بلع ريقه بزهول ونزلت دموعو زي المطر وبص لسالم بصدمه شديده وحاول يتكلم مقدرش وحس برجليه مش شيلاه وداخ جدا فؤاد وفتون حاولو يسندوه بس رجع لورا وشاورلهم بايده بمعنى ميقربوش
حسره والم فظيع كانو في عيونه بص لفؤاد وقال بدموع...الي قالو مظبوط..مش ابويا...صح...هه اكيد صح...وابتسم بوجع وقال..كانت واضحه..واضحه اوي...
فؤاد نزلت دموعو وقال....انا...انا ..ومقدرش يتكلم
فتوت بصتلو بدموع وهو بصلها وضحك وسط دموعو وقال...نادر كان عارف...ههه..كان عارف علشان كده مكانش يخليني اقربلك ابدا..وكمل بحزن..انتي كمان عارفه مش كده
فتون بكت وقالت...ميهمنيش اصلا يا سراج..ميهمنيش انت اخويا ..و
بس سراج قاطعها بزعيق وقال..لا. لا مش اخوكي مش اخوكي وبص لفؤاد وقال..ولا انت ابويا ...انا..انا ابن الراجل الي طول عمري بكرهو ...انا اعيش ازاي بعد كده ليه عملتو فيا كده ليه
سالم قرب منو وقال..اهدى يا بني احنا كنا هنقولك والله
سراج بصلو بغضب وقال..انت خليك بعيد ..ابعدعني..اياك تفكر اني هسامحك ابدا او ممكن اعتبرك ابويا.. انسى..انسى خالص .. انا خلاص مليش اهل كلكم معرفكمش ومش عايز اعرفكم ابدا
سراج كان بيزعق بانهيار شديد وفؤاد كمان كان بيبكي قال..يا ابني ارجوك ادينا فرصه مش كده انا
سراج بصلو بدموع ولسه هيتكلم وقف مكانو لما سمع حسن بيقول لنادر..اتمنى امنيتك الاخيره ها تحب ابتدي بيك ولا بيها وحط سلاحو على دماغ تقى
سراج بص لتقى وشافها بتبكي وبترتعش بخوف.. شد سلاحو وطلع من الاوضه بغضب مرعب
فؤاد بقى ينادي عليه بس مكانش راضي يرد علي حد واتوجه ناحيه اوضة ادهم وخالد جري وراه خايفو يعمل مصيبه
اول ما ادهم فتح الباب قال..سراج ......خير
سراج حط سلاحو في دماغ ادهم وقال بغضب مهلك...اتصل بأبوك حالاوووووو