رواية نصابين ولكن ظرفاء الفصل الثاني2 بقلم منه محمد
كان "محمود " قاعد بيقلب ف التلفزيون ف بيلاقى برنامج مستضيف فنانه مشهوره اسمها "ليلى عجرم" (متركزوش ف الاسم 😂)
المذيعه : اهلا بيكم مشاهدينا الاعزاء انهارده عندنا ضيفه قلبت الراى العام الفتره الاخيره غير انها نجمه محبوبه جدا و فتاه احلام الملايين ضيفتنا انهارده الفنانه ليلى عجرم اهلا بحضرتك
ليلى : اهلا بيكي
المذيعه : سمعنا من قريب انك اشتركتي ف مزاد عالمي على اغلى جوهره ف العالم و كسبتي المزاد هو ده صحيح ؟
ليلى : صحيح انا فعلا بحب المجوهرات جدا و بحب اقتنئها
محمود بسخريه : دول عالم فاضيه معهم فلوس و مش هامهم حاجه
قبل ما يغير القناه
عنايات : استنى سيبها
بيستغرب محمود و بيسيب القناه
المذيعه : قولنا يا فنانه كتير من الجمهور بسأل هترجعي ع الساحه امتى لان بقالك فتره مختفيه
ليلى : قريب ان شاء الله نازله بحاجه جديده
المذيعه : هل ناويه انك تغيرى ف لونك و تعملي حاجه غير اللى الجمهور اتعود عليها
ليلى : ممكن اعمل حاجه جديده فعلا
المذيعه : كلنا متعودين عليكى ف الادوار الرومانسيه هل ممكن تغيرى (ما هو هو نفس السؤال ايه المذيعه الرخمه دي )
ليلى : مش عارفه انا بحس ان الادوار دي هي اللي بتليق عليا غير ان انا بحس ان ده الاقرب ليا
المذيعه بترخم و بتسألها عن حياتها الشخصيه
المذيعه : هل ليلى عجرم فتاه احلام الملايين هتفضل سجنل على طول ؟ (وانت مااااااالك ؟!!!)
ليلى بضحكه صفره : لا اكيد مش هافضل سجنل للابد
ليلى : بس مستنيه الشخص المناسب لان اغلب اللي عرفتهم كانوا عايزين مصلحتهم بس و مكانوش عايزني عشاني
المذيعه : طب فى اي خبر حصري عايزه تقوليه
ليلى : عايزه اطمن جمهوري و اقولهم اني نازله مصر قريب
بيخلص البرنامج
محمود باستغراب : وانت من امتى بتتفرجى ع البرامج دى يا عنايات
عنايات بخبث : استنى و هاتعرف كله ف وقته
________________________________________________________________________________
فى مكان اخر و اثناء مابيكون "عماد" بيتفرج ع البرنامج اللى كانت طالعه فيه "ليلى" عشان هو بيحبها اوى
بيسأله الظابط اللى بيساعده ف المهمه
فتحي : تفتكر يا عماد بيه ان الفنانه ليلى هى اللي ممكن تكون خطه النصابين دول
عماد : مستحييييل يا بني ده فنانه مشهور هايضكوا عليها ازاي !!؟
فتحي : بس يا فندم متنساش انها معا اغلى جوهره ف العالم اكيد هايكنوا حاطين عينهم عليا
عماد : معتقدتش دي عندها حراسه كتير
فتحي بيأس : طيب
________________________________________________________________________________
بتنزل "ليلى" من الهليكوبتر
و بيستقبلها فوج كبير من الصاحفيين و بتكون "عنايات" متنكره على انها صحفيه و "محمود" اخوها على انه المصور
عنايات : فنانه ليلى حمد الله على سلامتك حضرتك
ليلى : الله يسلمك يا حبيبتي
عنايات : طمنينا يا فنانه هترجعي امتى للساحه
ليلى قريب ان شاء الله
بتسلم "عنايات " على " ليلى " و هى لابسه جونتي ف ايديها
عنايات : ممكن تبصي للكاميرا و تقوليلنا كلمه
ليلى : بحبكوا اوي
عنايات : لا قولي اسمك الاول
ليلى : انا ليلى عجرم و بقولكوا ان انا بحبكوا اوي
عنيات : متشكرين اوي يا فنانه
___________________________________________________
بترجع عنايات م البيت بعد ما نفذت اول خطوه من خطتها و بتجمع اخواتها عشان تقولهم ع الخطه
عنايات : بصوا بقى يا ولاد العمليه الجديده دي هتأكلنا الشهد لانها مختلفه عن كل اللي احنا عملنا قبل كده
محمود : ازاي !؟
عنايات : هاقولك ازاي ، احنا هانعمل الخطه دى ف ليلى عجرم
محمد : مش دي اللي بتمثل
عنايات : هي
محمد : بس ازاي هانعمل عمليه زى دى اكيد متحاوطه بالحراسه جامده غير ان احنا لو فلشنا
عنايات بمقاطعه : مش هانفشل
محمد : و انت ايه اللي مخليكي متأكده كده
عنايات : لاني عملت خطه متخرش المياه
محمود : الله عليكي يا جامده يا بتاعت الافكار
بتقول عنايات الخطه : بصوا بقى انا درست البيت بتاعها كله و عرفت مداخله و مخارجه و عرفت ان الخزنه بتاعتها عاملها بصمه وش و ايد و صوت
محمود : و هاتجيبهم ازاي ؟
عنايات : فاكر اللقاء اللي احنا عملنا معاها اهو انا جيبت كل البصمات ساعتها
و بتطلع الجونتى اللي فيه بصمه الايد بتاعتها و الكاميرا اللى جابت منها بصمه الصوت و الوش
محمود : يابنت الذينه
عنايات : الخطه بقي كالاتي احنا هنستى لما ليلى تنزل و محمود يعمل انه بيضايقها ف انت ، و بتشاور على " محمد" تبقى الشهم اللى هنيقظها ف تنبهرب بيك
محمود : و بعدين ؟
عنايات ها ابقى اقولكوا على باقي الخطه بعدين
محمد : و انت هتعرفي مكانها ازاي ؟
عنايات : ببساطه لاني حطيتلها GPS صغير ف الموبايل بتاعها من غير متاخد بالها
محمود : يابت الايه ده انت مسبتيش اي تفصيله ، بس ليه مختارتنيش انا اللي اعمل دور الشهم
عنايات : عشان شكلك بلطجي و مش بتليق ف الادوار دي اما اخوك وسيم امور و شكله طيب
محمد : بس انا مش مرتاح للخطه دي
عنايات : متقلقش انا مظبطه كل حاجه