رواية مواجهة القدر كاملة الجزء الثاني2 ترويض ملوك العشق جميع الفصول مكتملة حتي الاخير الخاتمه بقلم لادو غنيم

 

رواية سمرة

الفصل السادس 6

بقلم وسام الفراجي

باوع عليه كلي روحي اصعدي رحت صعدت ومغثوثة حيل من سوالف امي جان تلحكني امي وتكلي اني مو ثولة اذا حضرتج فاقدة ورايحة لغير مستشفى الفستان الي لابستي وين ؟ 

ليش لابسة غير ملابس وهاي ملابس منو ؟ وين نازعة الفستان بس فهميني ليش تخليني احجي سوالف مو منا العالم يالمفضحة من عمت عينج احجيلي وين نزعتي الفستان ..

ماجنت متوقعة هيج سؤال تسألني ع الفستان وما مرتبة نفسي للجواب شو تخربطت خفت انطق شي سالفة وتبين كذبة وجنت ناسية هيج شغلة اصلا وتلعثمت .. خالد اخذ نظرة عليه شافني مرتبكة .. #وسام_الفراجي 

جان يكول خالد عمة كل عقلج بنتج بهيج موقف وتسألين ع الفستان ماجنت اعرفج هيج هسة اجيبلج فستانها اذا واكفة عالفستان بس جنت اظن تقدرين ابوية الي راح لمستشفى ثانية واخذها واسعفها وبالتالي حياك الله ماكلتي مع كل الاسف .. 

امي : حياه الله وحده اما الي اجت وياه تنكلع من وجهي واذا لزمتها اندمها ع اليوم الي انولدت بي 

عمو رباح : ام رشا ترى جثير سولفتي اني من اخذتها اني بمثابة ابوها اسعفتها لان مغمي عليها ومضروبة براسها من وكعت وهسة جبتها الج ليش مكبرة الموضوع

امي : ابو خالد مو مبكرته ولا شي شنو وجهي من العالم الي مسوية عرس وزفة وناس وفلوس صرف 

                                                    #وسام_الفراجي 

خالد : ماكلة هم الفلوس زين وبنتج ؟ 

امي : خالد جاي اسولف ويا ابوك لتدخل انتَ

خالد : فوتي بالسيارة سهومة اكعدي بيها ارجعج لبيتنا

امي : روحة بلا ردة

خالد : ابوي واكف والا لساني من يطلع زفر جثير بس الله رحمج ابوي واكف يلا يابه اصعد خلي نروح 

صعد خالد يسوق وعمو بعده برا يسولف ويا امي ..

بهاي الاثناء وصلن رشا ومنى وايناس .. 

اجت ايناس تركض هاي العوبة هنا واحنه ندورلج بهاللحظة قفل من عنده ابواب السيارة خالد وصارت تفتح بالباب بقوة نزل هو وكلها ثول ثول وخري ايدج عن السيارة 

جانت تكله شعليك انتَ نزلها خلي ابرد دمي ..

كللها خالد والله الي يضرب سهام بوردة اضربه بطلقة امشي منا هاي بنت عمي انتِ شعليج يلا جري منا مو صوجج صوج رجلج الي مخليج راكبة البيت ركوب عباس وينه بس اريد افتهم .. 

                                             خاص بـ #وسام_الفراجي 

منى : بشغلة الخميس الجاي يجي ..

رشا : نزلها شكو تحميها احنه اهلها مو انتو 

عمو رباح : انجبي لج طولان لسانج امشي فوتي جوة يلا

فاتن البنات وظلت عمتي كاللها عمو رباح حسابنا عند ابو رشا عود بالليل .. 

ركبنا سيارة وخالد صار السايق ..

وعمو رباح صعد وياي من ورة .. وكال لخالد اخذنا للبيت .. 

كلي عمو رباح .. لا تقهرين روحج ظلي ببيتنا معززة مكرمة كأنما يم اهلج وهم عمتج مريضة حتى تضوكينه طبخج 

كتله عمو رباح لو امي عدها ثلث من حنيتك هاي جان ماصار الي صار ..

ـ عمو رباح : ميخالف ياعيون عمج احسبينه اهلج ولا تخلين ببالج اي شي واسمعني خالد 

خالد : ها يابه ..

غرفتك الجوة فرغها لسهام وانت اصعد فوك بالغرفة الفوك ..

باوعلي خالد بالمراية الي كدامه .. 

خالد : ليش متكدر تصعد هي طولها شبرين ووزنها جيس الطحين اثكل منها 

كتله

ـ جاي تتنمر عليه يعني ؟ 

- لا حقيقة

عمو رباح : لتتناكرون من هسة .. خالد فرغ غرفتك وخلي سهام تكعد بيها .. علمود هم تسويلنا طبخ بيت امك مريضة

خالد : ليش شتعرف تطبخ يابه 

ـ اعرف كلشي شيف بوراك مو مثلي ..

خالد : تفضل شتحطلها وتطيب انوب شيف بوراك 

صراحة عشت اجواء طول عمري ماعشتها ويا اهلي نسيت حتى جاي ابجي ..

شقة ومزح وضحك وناس تاخد وتنطي وياك معتبرتني انسانة مثلهم ..

بهاي اللحظات خالد جان ميعرف منهزمة اني ومصدك عمو رباح اخذني لمستشفى ثانية .. 

فتت للبيت وهو بيت عمو ماعدهم بس خالد وعمتي شوي مريضة وعمو رباح ..

اجه ورا شوي خالد كلي هاي غرفتي اكعدي بيها بس اخذ غراضي ملابسي منها للغرفة الفوك و انتِ ظلي هنا .. 

كتله قابل بكيفك عمو كالك لو ظالة عليك ماتنطينياها

ـ بيها شغلات واوراق خاصة بية وكتابات ..

كتله لا ابد عادي ظل بيعا اني يجوز لليل ماطول ويرجعوني لحالك تعب نفسك ..      

                                              #وسام_الفراجي 

كالي سهام 

كتله هاا خالد

كال لتخافين اني يمج ولف راسه وراح .. 

يتعمد يذكر اسمي سهام مدري هو هيج ما ادري ليش يصيح سهام ميصيح سمرة .. 

كعدت بزاوية الاستقبال وافكر لو اني حلوة مثل خواتي الباقيات امي تسوي بية هيج ! 

ليش كل وحدة مو حلوة لازم امها هيج تسوي يعني !  

صار الليل .. 

سمعت صياح خالد يكول لعمو رباح والله ما انطيها بيدهم لو اعرف اخسر المقدم والمؤخر مالتها لان بنات الناس مو لعبة بيدهم ومن كالوا يزوجونها كلت هم اهلها واحرار بيها بس من توصل لهيج شي واجبار واذلال للبنت لا والله ما اقبلها ..

طلعت ع حجيهم شكو شصاير ليش هيج صياحك خالد احجيلي ..

خالد : اجوا اهل جنتكم ايناس لو انتِ لو يخسرون شكو فلس دافعينه بالعرس لان خربت الشغلة ...

ـ وليش ضايج خالد ماريد اسويلكم مشاكل هاهي خلوهم ياخذوني وفضت السالفة اعرف حظي اني مالي نصيب بهالدنيا .. 

خالد : سهام ! 

 كل عقلج تسولفين والله لو اعرف ادفع فلوس عرسين مو عرس واحد فلا اخليج تدوسين بيتهم وبيت هاي ايناس الي لسانها اطول منها بس الصوج صوج عباس الي ميكدر يربيها ومخليها تتحكم بالبيت ..

ـ متكدر تتحكم بالبيت لوما امي يحلالها هالشي كلشي بيد امي وتعرف ابوية رجال ع باب الله فقير هالوكت من تمرض اما قبل جان منو يفك حلكه كدامه بس من يروح للشغل يحجون عليه وتكلي اويلي لوما طبقة البيض جان هسة خلصان منج ومن شرج وهسة كبرت وماعرفت شبيها طبقة البيض .. 

خالد : طبقة بيض دجاجة طلي بنتها وتتحملج غصب عنها واذا ماتتحملج عندج بيتنا تعيشين بي معززة مكرمة .. 

كلامه ودفاعه عني عيشني شعور ابوي من جان زين ويدافع عني من يكون موجود ويصيحني سهام واتذكر بس ابوية وعمو رباح يصيحني سهام وعمو رباح احن بعد من ابوية عليه ويلاعبني ويشتريلي العاب وحلويات ويعاملني كأنما بنته .. 

بس صرت اخاف من كلبي لا يتعلق بكلامه وحنيته عليه وخوفه جنت اخاف لا يجي يوم احبه واني وين وهو وين 

هو شخصية واحلى مني عشر مرات واني ميحبوني حتى اهلي فجنت اخاف من فكرة احبه او اتعلق بي لان ادري النتيجة هو مو الي لان فارق هواي بيناتنه وهو ميوافق ع وحدة مثلي .. 

فردت احفظ ماي وجهي قدر الامكان وابعد هالتفكير من راسي .. 

عمو رباح راح لبيتنا وكاعد وياهم وراح خالد وياه حتى يتفاهمون ويا بيت حودي الخلاصة وامي جانت ويا بيت حودي ضد عمو رباح ..

رشا جانت بس تريد تخلص مني تكلي دائما اي شخص يجيج اعور اعرج ارضي بي لان انتِ مو مثلنا حلوات وقطارج يفوت وتعنسين فلازم تتقبلين فكرة انتِ مو حلوة لا تخلين احلامج جبيرة 

احنه الحلوات الي علينا هوسة خطابة ويريدونه الف زلمة وزلمة .. جانت تحجي هالشي مباشرة ماتاكل هم احساسي ولا مشاعري وجانت منى دائما تحاول تسكتها بس رشا تتعمد تسمعني هالكلام الجارح ..

اجه خالد ومعصب ع عمو رباح ويكله لو مخليني اني اعاندهم احصل الي اريده هيج استغلونه استغلال ..

عمو رباح يكله ميخالف ابني هم مو قليلة ناس رتبت وانطت فلوس وعرس وتخربطت عروستهم بليلة العرس هاي مو قليلة يعني زين راضين بالمبلغ الي طرحناه .. 

خالد يكله بس هذا استغلال مو مبلغ الخسروه الحقيقي ..

يرد عمو .. بس سهام تستاهل مو

كله خالد اي والله تستاهل ضعف بعد 

كله عمو لعد يا ابني ندفعهن واحنه ممنونين .. 

طلعت الكعدة بالبداية يريدوني بعدين عمو رباح طمعهم بمبلغ زين تعويض عن العرس كله وزيادة هواي و ارتخوا بالقصة لان شافوا المبلغ مرتب 

بعدين رضوا يستلمون المبلغ ويطلكون لان يعتبر زوجي عقد وكذا وكلشي واني زوجته بالحلال يعني الا طلاك .. 

ايناس مو راضية ع هالشي ..

ورشا هم مو راضية 

وامي مو راضية بس ساكتة علمود المبلغ طمعانة تحصل الها شي منه.. 

عاد امي موصله حجي ويا عمو رباح كايلة اله خليها يمك مانريدها .. 

كالي عمو رباح وسمع سوالف امي خالد جان يكول خالد..

والله امج يرادلها صوندة زينة تموع هالشحم الزايد البيها لان جاي يأثر ع عقلها ..

ضحكني بصراحة لان هو جدي اكثر من اللازم وما ينكت ولا يحشش .. 

                                               #وسام_الفراجي 

بعدين اخذله صفنة وكلي

ـ #سهومة! خوما زعلتي !

اني صفنت بدلع اسمي نسيت حتى السالفة 

ـ ها ليش شكلت انتَ .. ها والله مدري الا اكلك تيهت السالفة ازعل ع شنو قصدك ؟

ابتسم ونزل راسه بالكاع .. رفع ايده ع حواجبه يمسح عليهن وهو منزل راسه لف راسه عليه وكلي ..

 

ـ سلامتج بيش كيلو الطماطة ؟ 

ـ خااالد لتفر السالفة ع شنو ازعل 

ابتسم وهاي اقوى ضحكة عنده وكلي

ـ بشنو تفكرين ؟ حجيت ع امج وكتلج خوما زعلتي !

ـ ها تذكرت لا عادي اذا تحب هم حوّل ع خوالي كلهم 

ـ سهومة اريد اكلج سالفة ومدري شلون تفكرين اذا كلتها لذلك متردد اكول او لا

بصراحة صار عندي فضول مليار شنو هالشي الي يخلي خالد بهالشخصية القوية يتردد يكلي سالفة رغم اني ولا شي كدامه ..

ما اجذب عليكم تفكيراتي صارت بعيدة واحلامي كبرت كلت ممكن يعني ممكن ليش لا يفكر بية او يريدني ممكن شنو ينقصني حتلو مو حلوة عادي الحب كلشي يسوي ..

بعدين صحيت نفسي وكلت شهالتفكير هذا اكعدي من نومج واحلامج .. 

اي فكلت اله ..

ـ لا ليش متردد كول الي بخاطرك انتَ الوحيد الي ما ازعل منك 

ـ لا غلسي عود غير وكت يكون مناسب اكثر

يبو عاد وفضولي شينومني ..

كتله خااالد احجي .. 

دنك راسه وراد يحجي وطب عمو رباح ..

عمو رباح : شنو جاي تخططون خاف تريدون تنهزمون من بيتنا هم 

ـ هههههه لا عمو اكو واحد يشوف هالوجه الحلو مثلك وينهزم

خالد : شصار يابه عالموضوع اني مستعجل عليه اريد اخلصه واطلكها بأي ثمن بأسرع وقت

عمو رباح : تعبان هسة وليدي خليني انام شوي واكل لكمة لكمتين ونحجي 

خالد : الله وياك نوم الهنا 

خليت عمو يروح جان كبل اكله اي كمل احجيلي شتريد تسولف .. 

جان يلزم عودة بيده ويخطط بالكاع اخذ نفس وباوعلي حتى يحجي .. 

                   الفصل السابع من هنا

لقراءة باقي الفصول من هنا

تعديل المقال