رواية عشق احفاد الجوهري الفصل الخامس عشر15والسادس عشر16 بقلم ايه المهدي
في صباح يوماً جديد في قصر عائلة الجوهري
استيقظت حور من نومها وظلت تفكر في طريقة لإنقاذ زواج سراج ونظرت بجانبها رأت ملك نائمة بطريقة طفوليه محببة لقلب كل من رائها استيقظت ملك وابتسمت لحور
حور : صباح الخير والفل والياسمين علي قلب عمتو
ملك هزت راسها بفرح لحور
حور : بقولك ايه يا ملك يا حبيبتي اللي حصل امبارح انسيه خالص مش انتي حابة ماما تحبك وتهتم بيكي وكمان مش تتخانق هي وبابا هزت ملك رأسها بالايجاب
حور : طيب ايه رايك نخلي ماما تتغير وتحب الكل وتحب ملوكة أولهم كلهم هزت الصغيرة رأسها بفرح
حور : طيب يلا نغير هدومنا وننزل علشان نفطر ونشوف هنعمل ايه مع ماما اتفقنا ذهبت حور لتغير ملابسها وملابس ملك
في الاسفل علي طاولة الافطار
الجد: في شخص جاي انهاردة والشخص ده ضيفي ومش عايز اي اعتراض مفهوم
باسل : مين ده يا بابا اللي جاي
وليد وشهاب : أيوة مين ده يا بابا
الجد: ده ضيفي وكلكوا هتعرفوه لما يوصل بس مش عايز اي كلام مفهوم
الجميع باستغراب : حاضر
نزلت حور للاسفل مع ملك
حور : صباح الفل عليكوا
الجميع : صباح النور
الجد: صباح الخير يا قلب جدك شايف انك مبسوطة انتي وملك قوي انهاردة
حور : لاء يا جدو ده سر بيني وبين ملك صح يا لوكة
هزت ملك رأسها بالايجاب
الجد : وكمان أسرار عن جدو
ذهبت ملك لولدها وقبلته بطفولة ابتسم الجميع علي هذه الصغيرة
عز : مليكة ايه رايك نخرج انهاردة انا وانتي وحسام وملك ورؤي طبعا
حور : اشطا يا زميلي ومالك كمان هيجي معانا
سيف بصدمة : اشطا وزميلي
سراج : انا دلوقتي اطمنت علي مليكة
سيف بغضب : اخرس احسن أنا علي أخرى
حور بمزاج: ولا ايه يا مالك رايك نقعد ولا نخرج
مالك : لاء نخرج صدم الجميع من حديث مالك
الجد: مالك حبيبي انت اتكلمت
أسيل وسفيان بفرحة لشقيقهم الأصغر: مالك انت اتكلمت احنا هنحتفل انهاردة ونخرج كمان كلنا
حور: اي خدمة يا جدعان انا اللي يقعد معايا يحبني انا مافيش مني اتنين كانت حور تتحدث غير واعية لنظرات سليم الغامضة فالتفت حور لتلقي بعين سليم التي لم تفهمها بعد
حور بهمس: نهار اسوح هو مالو ده الجدع ده كأني قاتلة قتيل ليه يكونشي اكتشف اني حور ومش مليكة
حور بغباء : شكله اكتشف وهينتقم مني يا ماما ويعذبني بقا زي الروايات
حور بثقة : لاء انتي هبلة يا حور هيتكشف ازاي ده احنا كأننا تؤام خليكي واثقة في نفسك كده ومتخافيش وكل هذا كانت تهمس بيه حور غير مدركة مدي ذكاء سليم ودهاءه
الجد: مليكة حبيبتي انتي بتكلمي نفسك
حور: ابدا يا جدو انا مبسوطة أنه مالك اتكلم
الجد: اه اكيد هنعمل حفلة صغيرة لينا كده بس ولو حابين تخرجوا يا ولاد اخرجوا جدكوا خلاص عجز مبقاش حمل خروج
حور برفع حاجب : مين قال كده ده انا كنت بفكر اجوزك يا جدو ده انت شباب عني يا راجل
الجد بضحك : يا بكاشة بقيتي بكاشة زي رؤي
حور بغمزة: ابدا يا برنس ده انت قمر اكيد تيتا كانت بتغير عليك من اي حد
الجد: عندك حق جدتك كانت كل شوية تتصل بيا كلمت مين انهاردة اكيد كان في بنات حلوة وكلهم بيبصولك وانا اقولها يا بنت الناس أنا مبحبش غيرك ولو ملكة جمال قدامي انتي اللي في القلب كانت بتغير جدا
عز وحور بتصفير: أيوة يا جدو يا جامد ظل الجميع يضحكون ويستمعوا لجدهم بفرح إلي أن ذهب الجميع لعمله وظلت حور وعز ومالك وملك ورؤي وزهرة
حور: بقولكوا ايه انا عايزة اعمل حاجة كده علشان نصلح علاقة سراج وسها
عز : ازاي انتي متعرفيش سها اتغيرت قد ايه
حور : بس هي بتحب سراج صح
رؤي : طبعا يا بنتي دول قصة حب كده زيك انتي وسيف
حور في سرها : ربنا ياخدك يا رؤي سيف مين بس
حور : احمم انا عندي فكرة حلوة هتخلي سها تتغير
عز ومالك: اي هيا
حور : ايه رايكوا لو بنت تانية دخلت حياة سراج
رؤي : ازاي يعني نجوزه
حور : لاء نجوزه ايه احنا نخليها تفكر أنه سراج بيحب بنت تانية وملك بتحب البنت دي وعايزاها تكون مامتها هي مش هتتحمل أنه سراج يحب غيرها وكمان مشاعر الأمومة عندها هتصحي
عز : طيب ومين البنت دي
حور بتفكير : لقيتها اميرة صاحبتي
عز ورؤي : اميرة مين انتي ليكي صديقة اسمها اميرة
حور بتوتر: اه دي اتعرفت عليها هناك وانا في المعرض بنت لطيفة جدا وهتساعدني
عز : طيب تمام كلميها وقولي ليها الحوار
حور : اتفقنا
في مكان آخر
المجهول : خلاص يومين وهاكون في قصر عائلة الجوهري
الشخص: مش عارف يا صاحبي اقولك ايه بس لازم تصلح غلطتك انت عملت كده من حبك لملك فكرتهم ممكن يكونوا سبب في موتها مع انك عارف هي كانت ايه عندهم كلهم
المجهول: انا عارف وغلط بس مش عارف هيسامحوني ولا لاء بس لازم اعترف باللي عملته
الشخص : ربنا معاك يا صاحبي
في شركة الجوهري
سليم : اخبار العقد الجديد ايه يا حازم
حازم صديق سليم المقرب يبلغ من العمر٣٢ عاما
حازم : كله تمام يا سليم هنقابلهم بعد ساعتين بس حدد انت المكان اللي عايزانا تقابلهم فيه
سليم : طيب تمام
دخل سيف لمكتب شقيقة
سيف: سليم ممكن أمشي بقا علشان اخد مليكة والبنات يشتروا ليهم لبس ولازم حد معاهم سراج مشغول وانت عارف عز مجنون وممكن يعمل مشاكل
حازم بتوتر: اخبار الآنسة مليكة ايه كويسة
سيف : اه الحمد لله احسن
سليم : طيب يا سيف امشي انت وانا هاكمل الاجتماع وأحاول اجي بدري ذهب سيف انطلق بسيارته نحو القصر
سليم : حازم انا رايح لسراج مكتبه لانه مش عاجبني انهاردة
حازم : طيب تمام ذهب سليم لمكتب سراج
حازم بحقد شديد : مليكة مش هتكون لحد غير ليا وانا هاندمك يا سليم انت وسيف هانهي علاقتكوا هادمركوا وهانهي صداقتك مع سراج ما هو مش معقول سليم هيكون السبب في دمار مليكة وأخوها المصون زوجها العزيز يسكتوا لاء أنا هادمرلك يا ابن الجوهري ومليكة هتكون ليا أنا
البارت السادس عشر
صباح يوما جديد في قصر عائلة الجوهري جاء يوم الشخص المجهول بالنسبة للعائلة
الجد: مش عايز افكركوا قلت ايه الضيف ده ضيفي
باسل باستغراب: ما تقولنا يا بابا هو مين
الجد بصرامة : هيجي والكل هيعرفه
علي الجهة الأخري في غرفة حور:
حور : بقولك ايه يا عز انا فهمت اميرة كل حاجة وهتساعدني بس عايزة وقت سها تكون خارجة فيه ونخليها تسمع مكالمتي مع اميرة
عز: تحت امرك يا كبيرة
حور بضحك : بقيت كبيرة دلوقتي
عز : طبعا ده احنا يا بنتي بنعمل خير بس هما مش مقدرين الناس دول
حور بدرامية: اه والله وفي الاخر نتهزق يا بني نعمل ايه خليها علينا احنا احسن منهم برضو
عز : طيب تمام خلينا في الخطة
حور : طيب تمام ماشي روح اعمل اي حجة وخرج سها وخليها تيجي جمب اوضتي وانا هاكمل الباقي
عز : تمام ذهب عز لغرفة أخيه وطرق الباب وبعد ثواني فتحت سها باب الغرفة
سها : اهلا يا عز خير عايز حاجة
عز : ها اه اصل مليكة كانت عايزاكي تروحي ليها حالا
سها : عايزاني انا ليه
عز : معرفش بس روحي ليها دلوقتي
سها : طيب تمام
ذهب عز وأرسل رسالة لحور
حور: تمام قوي كده اتصلت حور بصديقتها اميرة ورأت سها قادمة باتجاه الغرفة
حور : انتي بتقولي ايه يا اميرة بتحبي سراج ازاي انتي اتجننتي
كادت سها أن تدخل غرفة حور ولكن استمعت لمكالمة حور
حور : يا بنتي انتي هبلة سراج متجوز وعنده بنت
حور : تصدقي صح سراج من حقه ياخد واحدة بتحبه وبتحب بنته وكمان أنا لاحظت أنه ملك بتحبك جدا يعني هتكون ام مناسبة وزوجة مناسبة قوي لسراج
حور : لاء لاء أنا هاشوف سراج رأيه ايه واقولك أغلقت حور الهاتف مع اميرة وابتسمت لنجاح خطتها
سها بصدمة : ايه سراج يتجوز غيري لاء لاء سراج بيحبني مستحيل يتجوز غيري وكمان أنا أم بنته
ذهبت سها لغرفتها تكاد تجن من التفكير ولكن رأت ابنتها وهي تقف وتتحدت مع لعبتها
اللي مش فاهم ازاي ملك اتكلمت
فلاش باك
بعد موافقة الجميع على خطة حور لتحسين علاقة سراج وزوجته ذهبت حور غرفتها لتبدل ملابسها ولم ترى انه الصغيرة بالغرفة وهي تنزع حجابها ولم تنتبه للزجاجة اللي خلفها ولكن ملك لاحظت انه حور ممكن تدوس عليها وخافت جدا على عمتها فنطقت الصغيرة بخوف عمتو عمتو
حور بصدمة : ملك انتي اتكلمتي يا قلبي احتضنتها حور بفرحة ودموع وهي تردد الحمد لله
وانتهى الفلاش باك....
ملك : انتي عارفة أنا بحب طنط اميرة قوي وعايزة تكون مامتي احسن من ماما سها علشان هي مش بتحبني وتفضل تزعق معايا وكمان مش بتحب بابا
تأثرت سها بكلام ابنتها لم تكن تتخيل أنه ابنتها لا تحبها وذهبت لغرفتها وهي تبكي بحرقة لكلام ابنتها
وكانت حور تراقب كل هذا وهي حزينة وتتمني أن تعود سها قبل فوات الاوان ذهبت حور لملك واخذتها باحضانها وهي تتمني للصغيرة عيش حياة سعيدة بين والديها
علي الناحية الأخري في الاسفل
كان الجميع في انتظار الشخص المجهول بالنسبة لهم ودق جرس القصر وذهبت الخادمة لتري من القادم
المجهول: ممكن تبلغي الجوهري بيه اني موجود
ذهبت الخادمة لتبلغ الجد بوجود شخص يريده
الجد: خليه يتفضل
الجميع بصدمة : حاتم
باسل بغضب : ازاي ده يدخل هنا وكمان ليك عين تيجي لحد هنا بعد اللي عملته يا واطي
حاتم : مش هقولك حاجة لاني عذارك يا ابن عمي بس زي ما انت خسرت اختك انا خسرت حب حياتي كله
وليد بغضب: متجيش سيرتها علي لسانك يا حيوان انت فاهم
الجد بغضب : كله يسكت حاتم تعال علي مكتبي حالا
نزلت حور وأسيل وزهرة للاسفل لرؤية ما يحدث في الاسفل
كاد حاتم أن يذهب ولكن رأي حور وانصدم للشبه بينها وبين حبيبته ملك ذهب حاتم لحور وتلمس وجهها وظل يبكي
باسل بغضب : ابعد ايديك عنها
قصي : باسل اهدي
قصي بجمود؛ حاتم روح لبابا المكتب
حاتم : أنت اسمك ايه يا بنتي
حور : اسمي ح اسمي مليكة
حاتم : دي بنتك صح يا قصي
حور ببراءة : انت مين يا عمو وبتعيط ليه وليه عمو باسل بيزعقلك كده
حاتم بحزن : لاء يا بنتي مافيش حاجة وانا عمك حاتم ابن عم والدك
حور : بجد امال مش شوفتك قبل كده ليه
باسل بغضب : مليكة اطلعي فوق انتي وأسيل وزهرة
حور : بس
قصي : مليكة اسمعي كلام عمك واطلعي فوق انتي وأخواتك ذهبت حورللاعلي هي وأسيل وزهرة
باسل : عارف يا حاتم لو شوفتك قريب من مليكة تاني مش هيحصلك كويس هي أو اي حد من الولاد هما ميعرفوش انك السبب في موت عمتهم واختنا الوحيدة ملك
حاتم بحزن : انت مش عارف حاجة أنا عمري ما آذي ملك دي كانت روحي مافيش حد بيآذي روحه
وليد بغضب : حاتم ابعد عن مليكة نهائي وانسي أنها شبه ملك ولا تقرب من اي حد مننا بسببك خسرنا اختنا الوحيدة انا لو اطول اقتلك دلوقتي هاقتلك يا حاتم أنت خدت اغلي حاجة عندنا
قصي : خلاص يا باسل انت ووليد حاتم بابا مستنيك في المكتب
ذهب حاتم وهو حزين لكره اولاد عمه ولفقدانه زوجته ملك حبيبة عمره دق حاتم علي باب المكتب وسمح له عمه بالدخول
الجد : تعال يا حاتم اقعد
الجد : انت جاي ليه يا حاتم بعد السنين دي كلها مش كفاية اللي حصل زمان وخلاني اخسر بنتي الوحيدة
حاتم : يا عمي انت مصدق اني ممكن آذي ملك آذي الإنسانة الوحيدة اللي حبيتها
الجد بصرامة : امال جاي ليه ايه اللي فكرك بينا انت ناسي انك اتجوزت بنتي من ورايا خليتها تخبئ عليا وتتجوزك
حاتم : يا عمي انا متجوزتش ملك الا لما حضرتك رفضت وحتي باسل رفض
الجد : انت عارف انا رفضت ليه عايزاني اجوزك بنتي وانا اكتشفت أنه ابن اخويا الوحيد بيتاجر في المخدرات
حاتم بحزن : يا عمي انت تصدق اني ممكن اعمل كده انا كنت من أكفأ الظباط وكنت ماشي صح هما اللي لفقوا ليا التهمة دي كانوا عايزين يخلصوا مني ومن صاحب عمري وقتلوه قدام عيني معرفتش اعمل حاجة وانا لفقوا ليا حاجة أنا عمري ما اعملها صدقني يا عمي انا تربيتك قبل ما اكون ابن اخوك انت اللي ربتني وعلمتني بتشك أنه ابنك ممكن يعمل كده
الجد بحزن : انا عمري ما شكيت فيك بس شوفت بعيني وانت بتتفق علي شحنه مخدرات وموت ملك بنتي خلاني بقيت عاجز بقيت عايز انهيك من علي وش الدنيا بس في حاجة منعتني ورغم كده جيت قولتلي أنه أنا السبب في موت بنتي حملتني الذنب انا واخواتها مع انك عارف بنتي كانت ايه عندي
حاتم بصدمة : ايه شوفتني انا وانا بتفق علي شحنة مخدرات كدب كدب ده كله دي كانت خدعة علشان تصدق كانوا عايزينك تصدق واخدوا مني ملك هما اللي قتلوها وخلوني اصدق انك انت اللي قتلتها قتلت بنتك علشان اتجوزت من وراك علشان كده حبيت انتقم منكوا فخدت حد عزيز عليك منك
الجد: مين انت عملت ايه يا حاتم