رواية لعنة حمايا
الفصل الاول1
بقلم عادل الصعيدي
بعد ما جوزي عمل حادث بعربيته واتوفي قررت اروح اقعد في بيت اهلي انا وبنتي
ولما كلمت حمايا وقلتله
لقيت رد شديد منه
ورفض وقالي بالحرف
انتي لو سبتي البيت انا هاخد بنت ابني منك ..
وقتها مكنتش عارفه اعمل اي
فقررت اقعد
واسلم أمري لله
وبصراحه قعدت غصب عني لان بعد وفاة جوزي مفيش حاجه بقي ليها طعم ولاشكل بالبيت
مرت سنه كامله علي وفاة زوجي وبدأت اللاحظ حاجات غريبه من حمايا
وكأنه اتغير مليون درجه علي كان عليه قبل سنه
وبدأ اهتمامه بيا انا وبنتي غير طبيعي
وفي الوقت دي انا بقيت اراقب تصرفاته معايا
وعايز اعرف هو ليه بدأ يعمل كدا معانا
وفي يوم كانت حماتي بايته بره البيت عند اختها بالمستشفي
لان أختها كانت عامله عمليه
وفي اليوم دي بالتحديد
النور قطع بالليل
وقبل ما اكمل
انا ياسمين عندي 35 عايشه في بيت عيله مع حمايا ومراته
ومعايا بنتي . عايشين في الارياف
وبصراحه كان قطع النور في اليوم دي غريب شويه
لأنها اول مره تحصل والنور يقطع كل شويه .
ولما قلت لحمايا لقيته بيقولي
اكيد بتوع الكهرباء اللي بيعملوا كدا
انا صدقت كلامه
ولما طلعت شقتي انا وبنتي عشان ننام في اليوم دي
حصلت حاجه غريبه
كنت قاعده علي السرير وخلاص قربنا ننعس انا وبنتي
وسمعت صوت في الشقه
قمت عشان اشغل النور
افتكرت الكهرباء قاطعه
فتحت الدولاب وولعت شمعه كانت عندي
ولما طلعت بره الاوضه بتاعتي
لقيت ....