رواية لعنة حمايا
الفصل الثاني2
بقلم عادل الصعيدي
لما طلعت من الاوضه بتاعتي
اتفاجات لما لقيت هدومي مرميه بره الاوضه
دخلت الحمام وفجأه النور اشتغل تاني
ولما دخلت الحمام لقيت السله اللي بحط فيها الهدوم فاضيه
بصراحه خوفت وقلبي اتقبض
وبقول لنفسي
معقول الشقه مسكونه
دي اول مره تحصل الحاجات
حاجه غريبه بصراحه
نزلت تحت لقيت حمايا وسلفي قاعدين
حكتلهم الحكايه
ومكنوش مصدقين
طلعوا معايا الشقه وشافوا الهدوم علي الارض
بعد شويه نزل حمايا وسلفي مع بعض وهما مش مصدقين
انا اخدت الهدوم ورجعتها مكانها بالسله في الحمام
ودخلت اوضتي عشان انام
تاني يوم الصبح نزلت عشان اساعد حماتي زي كل يوم في شغل البيت
لقيت حماتي بتقولي .
حماتي :: ايه اللي حصل معاكي بالشقه يا ياسمين
رديت وقلتلها:: حاجه غريبه اول مره تحصل يا حماتي
هدوم كنت حطها بالسله اللي بالحمام لقيتها مرميه قدام اوضة النوم بتاعتي
حماتي :: ازاي يا بنتي حصل دي !! معقوله ؟
رديت عليها
: والله زي ما بقولك يا حماتي كدا
حماتي :: بس غريبه يا ياسمين اول مره تحصل الحكايه دي
انا وقفت ساكته ومش عارفه اقولها ايه
مفيش شويه ولقيت سلفي دخل علينا
وبصلي وقال :: اي يا مرات اخويا حصلت حاجه تاني بالليل
رديت :: لا مفيش . الحمد لله
وعدي اليوم عادي وفي المسا طلعت شقتي وكان حمايا وحماتي
قاعدين تحت وسلفي دخل ينام
دخلت اوضتي ورايحه انام
وكبس عليا النوم ونعست وبعد نص الليل
بنتي قعدت تبكي قمت من النوم
عشان أطمن عليها وكانت عايزه تشرب
بولع النور لقيته مقطوع
طلعت اجيب ميه لبنتي عشان تشرب ومش شايفه حاجه
وانا داخله الاوضه التانيه عشان اجيب ميه
حسيت حاجه زي ايد لمست جسمي
بصراحه خوفت ودخلت اوضتي بسرعه وقفلت الباب عليا
ومفيش دقايق وسمعت صوت الباب بيفتح
بصراحه اعصابي سابت خالص
وبعدها النور اشتغل
بدأت افتح باب اوضتي براحه لحد ما طلعت بره
وببص عليا باب الشقه لقيته مقفول
بصراحه بدأت أشك. في نفسي انا سامعه صوت الباب بوداني
وكمان اللي حسيت زي ما يكون ايد بتلمس جسمي وانا بالاوضه التانيه
معقول كدا . انا اول مره يحصل معايا المواقف دي
ومحصلتش غير بعد وفاة زوجي