رواية زواج بالاحتيال
الفصل الثالث3
بقلم جمانه السعيدي
نهله....حالتنا صارت احسن حال وصارت النا سمعه بين الناس
خلال ٣ سنوات وضعنا تعدل
وسمعتنا صارت تحجي بيه الناس كله
من منطقتنا وغير مناطق
امي صارت محترفه اكثر بهذا العمل كامت تعرف كلشي
حتى دروب السحر
اي وحده تربد تسويله سحر بس طبعا المبلغ يكون اكثر
اذا سحر
شكد تجينا ناس ماتتخيلون
الحد مااجت المصيبه الي خربت علينا حياتنا
طمع امي هو الي خرب كلشي علينا
بيوم طبكت سياره حديثه تسوقه مره تقريبا ٣٨ سنه
المره جايه من الولايه
لبسه كشخه والذهب الي لابسته مضهرها
يكوول شبعانه ومثقفه
سيارته حديثه مبينه طاكه فد مره
طريقته بلكلام مو مثل طريقتنا
مو مثل حجينا واسلوبنا بس شجابها علينا مااعرف
المهم جايه تسئل بلمنطقه علينا
لمن وصلت للبيت
احنا نعوف الباب مفتوح خالين بردا
هلكد ماتجينا ناس جمانه السعيدي
النسوان كبل تدخل امي كاعده بلصاله اول ماتدخل النسوان تصير بوجهن كبل
النسوان تدخل وتكعد
بس الزلم لا يدكون الباب لمن نطلع ونكللهم تفضلو
يله يدخلون
المهم اندكت الباب اني توقعت رجال
لان بس الزلم ادك الباب
طلعت لكيته وحده اخر كشخه وترتيب والملابس والجنطه
والعطر ولا بسه شكد ذهب
نهله....تفضلي
....عيوني هذا بيت ام نهله
نهله...اي وصلتي
...ممكن اشوفه
...نهله تفضلي
دخلت كان اكو كم وحده قبله كاعدات
امي..تفضلي
...لا اريد وحدنا حتى احجي براحتي
طبعا احنا ماعدنا وحده لان النسوان داخله طالعه من الصبح لليل
امي من شافته وشافت لبسه والذهب الي لابسته
كيفت حست راح تضرب ضربته
طلعت من الصاله وكالت تعاي وراي
دخلن بلغرفه الجوه وامي اشرتلي جيبي ماي
الماي الي كتلكم علي بي محبه
...لا عيوني مو عطشانه
امي...لازم تشربين من ماينا حتى يرتاح كلبج
نهله..اني رحت جبت الماي والمره شربت منه
هيج كلب امي اطمن يعني هاي الحبابه صارت بجيبه
امي. تفضلي احجي اني اسمعج
...اني مزوجه صار عشر سنوات وعندي اطفال ثنيين
قبل زوجي جان مدير بإحدى الدوائر
بس هسه على الانتخابات صعد صار عنده منصب اعلى
المهم اني حاسه عنده شي
مشغول طول الوقت ومرات مايجي يبات بلبيت
اسئله يكول ماكو شي شغل هواي ومجاي اللحك
والتليفون ماينزل من ايده حتى مايباوع بوجهي
اني خايفه لا يطلع مزوج
لان هو هسه صار عندا منصب اعلى مو مثل قبل
حتلو هو مايريد هم النسوان تركض ورا
فدوه اني سمعت انتي تاخذين خيره وتعرفين بهيج تفاصيل فدوه ساعديني
واي مبلغ تطلبي اني مستعده
امي بهاي اللحظه لمعن عيونه جمانه السعيدي هاي خوش صيده
لازم استغل الموقف كد مااكدر
واسحب منه فلوس مبين حالتهم الماديه زينه
وما طول مستعده تدفع اني استغل ضرفه واخذ الي اربده
بدت امي تاخذه خيره امي تاخذ خيره بطريقة الطشه
المهم امي باوعت عليه ونزلت عيونه علىاساس ضايجه من الشي الي عرفته من االخيره
...هااا طمنيني شكووو شنو شفتي
.امي...خاف احجي وتصبر مشاكل
...ليش باستار
.امي...باعي جاي يطلع زوجج عندي مزوج صار فتره
يمكن سنه الوقل من السنه
.... ولله كلبي كان حاسس جاي يلعب عليه فعلا هو صار سنه يتحجج من يوم استلم هذا المنصب وعلى طول غايب عن البيت
عرفته عنده شي
اذا ماا ادمر حياته
امي...لا اوكفي دقيقه مو هيج الحجي
.....ياا اعرف مزوج عليه واسكت
امي...لا مااسكتين تاخذين حقج منه اني راح اخلي يرجع عليج راكع ويعيش جوه رجليج
يطلك بت الحرام الي ضحكت علي ويرجع البيته
...صحيح تكدرين ترجعينه اليه ويطلكه
.امي.....اكيد اكدر بس هيج شغله تحتاج فلوس
...اي عادي اطلبي ماعندي مشكله اي مبلغ بس يرجعلي ويطلك بت الحرام هاي
المهم امي طلبت منه مبلغ محترم ونطته اشياء تخليه
جوه المخده وبلماي يشربه
حتى الرجال بطلك زوجته الثانيه
امي ماانطته اشياء اصليه حتى ترجع علينا وتقطه مره ثانيه
هاي المحترمه دفعت مبلغ خيالي وهي الممنونه
وأخذت التعليمات من امي وطلعت
امي طارت من الفرحه المبلغ ابد مو شويه يعادل شغل اسبوع كامل
رجعت للببت هاي المحترمه وبدت تشتغل حسب تعليمات امي وبقت تنتضر اول يوم ماكو شي
ثاني بوم ماكو شي
فات اسبوع وماكو شي
بعدها رجعت على امي
رجعت على امي كالت كلشي ماتغير
امي...طبعا محصن نفسه حتى لحد بندك بي
تعاي اسويلج شغله اقوى اخلي مايشوف بلدنيا وحده غيرج
رجعت دفعت مبلغ محترم وأخذت العمل وراحت اجربه على هذا المسكين
فات اسبوع والرجال ماتغير ابد بلعكس زادت مسولياته اكثر واكثر
الحد مازوجته طك كلبه منه
بس دخل للبيت انفجرت بوجهه
...اهلا وسهلا وبن جنت يم ست الحسن بله بيش احسن مني
اريد اعرف انت ليش ماغزرت ببك العشره
ماتستحي بعد هذا العمر كله رايح تزوج عليه
الرجال استغرب...اي زواج
....اي سوي نفسك مسكين وماتعرف ترا اني كشفتك
وكشفت كل الاعيبك
صار اسبوعين من عرفت ببك مزوج وجنت منتضره تصحى على نفسك وترجعلي
بس الضاهر ماعندك اي احساس
...انتي منيبن جبتي هذا الحجي منو كالج
...هااا عبالك تنضم السالفه هسه اطلكه لا قسما بلله اسود عيشتك اني تزوج عليه
...اربد اعرف منو كالج اني مزوج
...ام نهله هاي وحده تاخذ خيره وخيرته بلايد كالت انت مزوج صار سنه
....وين ببته
...انت شلك علاقه بيته
...هسه تكولين وين ببته هاي خرابة البيوت اني ماكل خره
وافتر كل النهار بين الاجتماعات
وبين الدوائر الشغل الحد راسي تحصرني بولتي ماالحك اروح للحمام
انام جاي على وجهي من االتعب
ابن الكلب المدير الي كان قبلي ماكان يمشي المعاملات
ولكيته كله متراكمه عليه
بلاضافه لازم اتفقد كل الدائر التابعه الدائرتنا وادقق ورا الموضفين
كرهت روحي من كد الشغل اريد وقت ارتاح ماكووو
وانتي هسه حضرتج رايحه ادورين وراي
لا وتسئلين وحده متخلفه
تضحك على عقول النسوان وتسحب منهن فلوس
هسه اربد عنوانه
هاي جاي تهجم بيوت الناس
واني لازم اوكفه عد حده
تنطيني العنوان لا اني اروح اطلعه بمعرفتي
اذا ما دليني على ببته
هسه اطلكج واشمرج على اهلج وحتى جهالج ماتشوفيهم
وازوج من صدك ليش بعد بس الحجي عليه
زوجته خافت من كلامه وحست من نبرة صوته هو صادق ومجاي يكذب عليه
مشغول بلعمل ومامزوج وحده غيره
راسا انطته عنوان ببتنا وهي تعتذر منه
...حبيبي سامحني هاي الشيطان ضحكت عليه
عافه وطلع بلغ على امي
نهله.....مانحس اله الأمن مطوق ببتنا
كسرو الباب دخلو واخذو امي سحل من ببتنا
كدام الجواربن
كوه لحكناها بلعبايه
امي تبجي وتتوسل بيهم يعوفوها بس مايقبلون
اخذوها المركز الشرطه
بقيت اني واكفه وافر بعيوني
مانعرف شنو السبب ليش قبضو عليه
شنو جريمه
الاستاذ المحترم زوج هاي الحبابه مقدم عليه دعوه نصب واحتيال
بقت امي ٣ ايام بلسجن
ادخلو وجهاء المنطقه وطلعوها من السجن بس بعد ماكتبت تعهد تبطل هاي الشغله وتنتقل مكان ثاني
مكان كون بعيد
رجعت امي باانكس حال تعبانه ومن كد البجي والخوف
صايره شحاله
شكد محققين وياهااا وحتى ضاربينه
اما اني كانت وحده من الجيران تبات يمي طول فترة غياب امي عن البيت
الضاهر مخوفيه بلتحقيق لان امي فعلا كامت ماتستقبل النسوان وكتبت على ببتنا الدار للبيع
خلال شهر كدرناونببع البيت وننتقل للولايه
بعنا ببتنا وبعنا كل غراصنا لان مانعرف
وين راح نروح لو نسكن باي مكان
اخذنا بس الفلوس والذهب وطلعنا للولايه
بقينا اندور مكان نسكن بي
امي كانت تتمسكن للناس وتكول فقيره وماعندي
وهاي بنتي يتيمه ومالنا احد
عمامه يردونه يردون يزوجها الابنهم وواحد معوق
يردونه خدامه اله شوفو هذا الجمال تاخذ واحد معقوق
تحير بي
اخذته ونهزمت من منطقتنا حتى نشتغل ونعيش
مانربد احد يمن علينا
الله موجود
نهله...كنت اباوع على امي وهي تحجي وتبجي واكول امي منيبن اجيب هاي القوه
شلون اخترعت هاي الكذبه
شلون تكدر تمثل هيج واحنا عدنا فلوس ببتنا والفلوس
والذهب الي امي جامعته
نكدر نشتري ببوت ثنيبن مو واحد
ليش اذل نفسه ليش تتمسكن
الناس دلونا على مشتمل زغير وابجاره قليل
بس حيل تعبان
امي فرحت بلمكان حيل رغم اني مكان عاجبني
زغير وتعبان
نهله...يمه زغير وتعبان
امي...اسكتي احسن حتى محد يعرف عدنا فلوس وذهب
واي احد يسئلني كولي احنة فقره ماعدنا اي شي
يومين والجواربن يجيبولنا اكل حتى ملابس جابولنا
لان احنا فقره حسب ماتكول امي
بعد لازم نشتغل حتى نعيش