رواية زواج بالاحتيال
الفصل السادس6
بقلم جمانه السعيدي
نهله...هادي كان اكثرمن فرحان طاير بيه
وجهه يضحك عيونه تضحك حاير بيه عبالك مامصدك
اني زوجته دخلنا للغرفه باسني وطلع
لان الجو مكلوب برا
لازم يطلع يشوف ترتيب العشى
وبعد العشى من تفظ الناس يرجع
امي دخلت وخلت العمل بلمخده مالته واكو ماي خلت بي
مااعرف شنو وكالت لا تشربين منوهذا الماي
راحت جابتلي ماي غيره ببطل وخلته بصف الجربايه
كالت اشربي من هذا
بقت كاعده يمي اجت حياة وجابتلنا عشى
تعشينا اني وامي اخذت الاكل وطلعت
بعدين جابت زلابية وبقلاوه خلت على الميز وعصير
وببسي امي مدري شغلت على البقلاوة وكالت لا تاكلين منه
بعدين كالو العريس اجا راح يزفونه
دخل وهو مبتسم وخدوده حمر
امي...دير بالك عليه ترا ماعندي غيره
هادي...من هاي العين وهاي تدللين
طلعت امي من الغرفه وهو طبك الباب
هادي...هله هله بروحي هله بعمري تدرين مامصدك
انتي صرتي اليه امج صعدت المهر عباله الفلوس تعوضج
ماتدري اني اشتريت جوهوه
حبيبتي اله ادللج دلال كل النسوان تحجي بي
بدل ملابسه واجا ساعدني اغير ملابسي
هادي...تعشيتي لو بعد
نهله....اي الحمد لله
هادي...ليش ماانتضرتيني نتعشى اني وياج اريد اوكلج بايدي
نهله...اكلنا اني وامي
هادي...ناكل حلو اني وياج ولو من بعدج ماكو حلوو
نهله...اني ماأحب الحلا
اخذ قطعه اكله بعدين شرب ماي
كعد على الجربايه لزم ايدي باسه
هادي...اول مره بحياتي احب هيج واتعلق بانسانه
مااعرف شنو صار وياي
تحبيني اريد اعرف انتي تحبيني
نهله...دنكت
هادي...احجي ليش مستحيه اني بعد صرت زوجج احجي
نهله...اشرت براسي اي
هادي...لا احجي اريد اسمع صوتج تحبيني
نهله...اي احبك
راسا حضني وكام يبوس بيه ياحبيبتي انتي
بقه كاعد يسولف عليه للساعه ثنتين ونص حتى يطمني
لان هو جبير واني زغيره مارادني اخاف منه
بس ماكدر يقرب عليه اول مره ابتعد وراح شرب
مي مثل الي متفاجى من حالته
ورجع وماكدر يسوي اي شي
هادي...الضاهر اني تعبان خل انام وبعدين يصير خير
بس ماكدر ينام بقه يحوس
ولا اني كدرت انام خطيه حالته حاله
بين علي الخفوف والارتباك والقلق ماكدر ينام للصبح
جمانه السعيدي
كلما اغفة واكعد الكا كاعد
وجه الي جان بنفط دم الصبح وكله يضحك صار اسود
وعيونه ذبلانه
اني اعرف هو كاعد وقلق بس من شافني كعدت
سواونفسه نايم مايريد يواجهني يستحي
مايعرف هاي المصيبه سببه امي
هي الي خططت الكلشي ومثل ماخططت نفذت
نهله...كعدت دخلت سبحت وبدلت اتصلت عليه امي
نهله...هله صباح الخير
امي...صباح الخير هاااا بشري
نهله...كلشي تمام
امي....هاي هي اسبوع واخرب كلشي وارجعج للبيت
للساعه عشره اجت حياة جايبه الريوك
حياة...صباح الخير عروستنا
نهله...صباح الخير
حياة...وين العريس
نهله...نايم
حياة...حقه ايجوز البارحه بقه كاعد للصبح مامصدك نهله صارت زوجته
نهله...ابتسمت كلت بكلبي حقج ماتعرفين المصيبه
على صوت كلامنا طلع من الغرفه
سلم وهو مدنك ودخل للحمام
حياة بقت مستغربه كعدت وبقت تنتضره
وجهه مو وجهه عريس مبين ضايج
لمن طلع من الحمام ودخل للغرفه دخلت ورا
حياة..خير شكوو
هادي..ماكو شي
نهله قربت اسمعهم شيحجون
حياة...شلون ماكو شي هذا وضع عريس بيوم عرسه
هادي...افففف استغفر الله
حياة...احجي شكووو
هادي...مااعرف شبيه تعبان مااعرف
حياة...ماكدرت تقرب عليه
هادي ...اي
حياة...ميخالف عادي اتصير لان هاي الفتره انضغطت
وتعبت حيل كلشي عليك ومحد يساعدك
عادي زوجتك وتكدر باي وقت تقرب عليه لا اضوج
تتحسن حالتك وهي زوجتك وين رايحه
طلعت حياة واني جهزت الريوك
كعدنا ناكل وماحجه ولا كلمه راسا بس خلصنا بدل وطلع
صارت الساعه بلوحده الضهر وهو ماكو
الساعه بثنتين الضهر رجع
الضاهر مشتري علاج وضارب ابره وجاي
رجع حاول وماكدر
صار بارود كام ينفخ وضاج راح نام بلصاله عافني وحدي بلغرفه
رجع العصر طلع يمكن هم راجع ماخذ علاج
هذا العلاج معروف عنه يصعد الضغط ويزود دكات الكلب
اجا يشكي من راسه دخل نام كبل
امي اجت العصر بقت يمي راحت المغرب
اتاكدت كلشي يمشي صح ومثل ماهي خططت
اجن كم وحده من اقاربهم العصر باركلي وحياة اجت
حتى تستقبل النسوان لان اني مااعرفهن
كعد هادي المغرب يشكي من راسه لازم راسه ويفتر
ماقبل ياكل بس شرب جاي
لازم راسه ويصرخ يمكن ضغطه صعد
بليل نام من وكت بلكوه نام يصرخ من راسه
حياة تجي الصبح تساعدني نرتب البيت وتجي العصر تستقبل النسوان
ماتقبل اطبخ تطبخ بيته واجيب الاكل
تكول بيتكم تصير بي ريحة طبخ وتجيكم ناس
نهله جنت كلش ضايجه على هادي خطيه مايستاهل بس
شسوي ماتكدر الامي
رجع حاول هادي اكثر من مره بس مايكدر
كلش ضاج بحيث كام مايحجي وياي من كد ماضايج
يدخل ساكت ويطلع ساكت
حياة اكثر وحده جانت حاسه بي لان تشوفه كلش ضايج
وماله خلك حتى الاكل ياكل كلش قليل
حياة...شبيك ياعيون اختك
هادي...مااعرف شنو المشكله اني متأكد من نفسي كلشي تمام بس مااعرف شنو الي صار وياي
حياة...ميخالف نشوف دكتور زين وروح اتعالج
هادي...شكد اخذت علاج ضغطي جاي يصعد الممرض يكول موزين عليك احتمال تضربك جلطه
حياة...يمه اسم الله الله يستر جمانه السعيدي
نهله ...طلعت حياة كلش ضايجه على اخوها
بليل كال تعاي نامي بحضني
اخذني بحضنه وكام يسولف عليه
هادي... اريد احجي وياج بشغله مهمه
اتاكدي اني مابيه شي لا تتوقعين مريض لو عندي ضعف
واخذتج
اني متأكد من نفسي كلش زين مابيه شي
بس مااعرف شنو جاي يصير وياي العلاج الي اخذته
مايتحمله رجال
بس اني مصمم اتعالج اريدج اصبرين عليه
لازم اوكع على العله
اصبري عليه منا لمن اشوف الحل شنو
لا تكولين غشني وضحك عليه
انتي ماتعرفين اني شكد احبج ومستعد افديج بعمري
انتي احلى شي صار بحياتي كله
نهله...بقيت ساكته لان اعرف الغلط مني وهو هلمسكين ماله ذنب خفت أضعف واحجي كلشي
كوه لزمت نفسي بس ولله وضعه يقهر مسكين
فات اسبوع وكل تقدم بينا ماكوووو
بعدين امي كامت تلمحله من تجي علينا وتسمعه كلام موحلو وهو ساكت
بس تدخل راسا تحجي بصوت عالي
امي.. هااا مانحلت المشكله
نهله...لا
امي ...زواجيش هذا اسمك رجل يافلان عن الندامه على كولة اهلنا
امي...وتالي شلون
بس سمعه راسا طلع من البيت
كام مايجي طول النهار للبيت خاف يشوف امي ويسمع حجيه ويضوج
الحد ماكملنا عشر ايام وهي هدت علي للبيت
اجت بليل لكته كاعد يشرب جاي
وهي نزلت علي غضب
امي...شمنتضرين احنا ماتكلي اذا تعرف نفسك مو رجال ليش تورطنا وياك هاي الطفله شنو ذنبه
شنو عايشه وياك اخوان مثلا
هم تريدله طفل هذا الوضع اني مايصرفلي شوفلك جاره
هو كاعد ومدنك وماحجه اي كلمه
خطيه راح يطك من القهر
من اجيت انام بليل هو مدد ومنطيني ضهره
هادي...نهله امج اتهمتني اضحك عليكم بس اني ابد ماضحكت عليكم اعرف نفسي كلشي تمام
ورجال ونص بس مااعرف شنو حاي يصير وياي
سكت شويه سمعته يبجي مقهوره علي بس مااكدر اسوي اي شي اخاف من امي
ثاني يوم اجت امي بلنهار حجيتله كلشي
امي...ديري بالج اضعفين اقتلج خلاص فهمتي لو لا
انت تستاهلين واحد احسن منه شاب يحبج وتحبي
شنو هذا بكدج مرتين
حضري ملابسج والذهب انطنيا اخذ وياي
اني اجي باجر اتعارك وياا واخذج للبيت ونطالب بلطلاق
نهله...طلعت الذهب انطيته الامي
وحضرت ملابسي خليتهن بجنطه
بس ضميته مااريده يشوفه
ثاني يوم اتصلت امي كالت هادي موجود
نهله...اي موجود
امي...اني جايه
بس دخلت هو شافه وكلش ضاج
امي...اسمع ياا ابن الناس جمانه السعيدي مثل مدخلنا بمعروف نطلع بلمعروف هاي طفله وانت اكيد ماتتحمل خطيته
طلكه وخليه تروح بنصيبه
هادي....مااطلكه شلون اطلكه اني احبه ولله بعمري ماضحكت عليكم اني صحتي تمام بس مااعرف شنو جاي يصير وياي اكيد راح الكه حل بس اصبريلي
امي....هاي صار اسبوعين مززجين وأخذت علاج وكلشي ماكوو
اخذ بنتي وياي اللك يومين اطلكه لو اجي افضحك
بشغلك وكدام الناس كله
فهمت لو لا مو تكول يتيمه وماعدها احد.يدافع عنه
اني عدال عشر زلم
طلكه بسكوت بدون مشاكل احسن
احسن ماافضحك بين الناس اني ااحد هاي اللحظه
مااريد ااذيك
امي...يله نهله امشينا
نهله ...لبست عباتي وشلت جنطتي وطلعت
وهو عينه عليه جنه يكول لا تعوفيني دنكت وطلعت وياا امي
وهو بقه كاعد يكسر الخاطر