رواية زواج بالاحتيال
الفصل التاسع9
بقلم جمانه السعيدي
نهله...بدينا نجهز للعرس اني كلشي مااشتربت لان عدنا ذهب وعندي ملابس
خطيبت محمد اخو علي سوت حنه
اني ماسويت عليمن الحنه ومنو راح اعزم بيه
وامي تريد تلملم الشغله شلون مجان
ماتريد تخسر هواي مخاسير
بس علي اجاني يوم الحنه كال بدلي نطلع نتونس ونفتر
اني وياج لان سئلني على الحنه وكتله مااسوي حنه
ماعندي احد اعزمه للحنه
طلعنا واخذني للفندق الي حاجز بي للعرس
وحاجز الاربيل اسبوع
شفت الفندق كلش حلووو بس ماقبلت اصعد للغرفه
هاي تعليمات امي
خطيبت محمد اخو من سمعت اني وعلي حاجزين باربيل
ماقبلت تروح الاربيل
على اساس اني مو مستواها
ماتقبل شهر العسل اني وياها نكون بنفس المكان
حجزت التركيا
اجا يوم العرس واخذونا للصالون جابولنا بدلات يخبلن
وحجزولنا باارقى صالون
والحفله باارقى قاعه وجايبين فرقه تخبل
عرس حقيقي فد شي عمري ماشايفته
بقيت فاكه حلكي هلكد مانبهرت
بعد الحفله طلعنا للفندق وامي ويانه
دخلت للغرفه بعدين كالت العلي من رخصتك اريد اوصي
نهله كم شغله
علي...اي راح انزل اطلب عشى
بس نزل علي ام راسا خلت للمخده العمل ومسحت الكلاص
علمود يخلي بي مي ويشرب
ومااعرف شنو خلت على الحلويات
رجع علي للغرفه
امي..بعد مااوصيك دير بالك عليه
علي...اخليه بعيوني
اكيد اغلبكم يكول مادام شبعان خليه تعيش ويااا
بس امي عدها رائي ثاني بلموضوع جمانه السعيدي
اذا بقيت على ذمة علي هي مراح تستفاد شي
صحيح اني راح اعيش مستوى زين بس هي مراح تستفاد
شي بس اذا اطلكت راح تلكه صيده ثانيه
هسه هي بس زواجات ثنيين خلال ست اشهر حصلت
٦٥ مليون
امي طماعه واني مااكدر اخالفله امر
بعدين تفكر خاف علي يلكه المشكله وين ويتعااج منه
ويتخلص من كل السحر
ويكرهني لان هو اصلا ماحبني ابد
امي جابته بلسحر
المهم تعشينا وعلي اكل المسكين بدون مايعرف شنو بلاكل
ولمن حاول يقرب عليه ماكدر اي شي يسوي
استغرب من نفسه حيل كام ودخل الحمام وتحرك
وشرب عصير
ورجع حاول بس بدون فايده
كلش ضاج ونقهر واستحي مني
علي...اني مااعرف شنو جاي يصير وياي يمكن تعبان
او مضغوط مااعرف
خلاص نامي ويصير خير انشاء الله
ثاني يوم كعدنا بلعشره الصبح نريد نطلع الاربيل
رجع حاول بدون فايده
شكد ضاج ونغث حتى كلام مايكدر يحجي وياي
طلعنا الاربيل وصلنا ورتاحينا
رجع حاول بدون فايده
امي ربطته بعد مايفكه اله واحد خبير بهاي السوالف
خلصنا الأسبوع كله بلفندق ماطلعنا بس مره وحدا
حتى اكل نطلب بلغرفه
هلكد ماضايج حتى حجي مايحجي وياي
امي كل يوم تتصل تطمن عليه وتشوف الأمور ماشيه تمام
لو لا
رجعنا وهو كلش ضايج
وماله خلك حتى يحجي واي اي احد
وصلنا والضاهر هو حاجي الابو
اخذو الأكثر من طبيب بدون فايده
هنا امي بدت بخطته بعد مرور اسبوعين على زواجنا
وبدت اطالبه بلطلاك
كان مستغرب من امي ليش هيج تحجي شنو طلاك
ليش بهلسرعه طلاك
علي...ترا اني ماماذي بنتج بلعكس عايشه احلى حياة
وهذا عارض واكيد راح نلكه حل
امي...هو مبين من الاول ماكو اي حل بعد شنو الحل
اذا تعرف نفسك مو كد الزواج ليش ازوجت
علي.. شنو مو كد الزواج اني شاب وبعدني بحيلي
بس مااعرف شنو صار وياي
حتلو اطلع للخارج واتعالج ليش تحجين بلطلاك اصبري
شويه عليه
امي..ماكو اي صبر اخذ بتي والك يومين اذا ماطلكت
اجي للمعرض وافضحكم فضيحه
تضحكون علينا شفتونا ناس على كد حالنا وبس نسوان وكمتو ترضحكون علينا
نهله...جمعت ملابسي وطلعنا اني وامي من بيت علي
يومين وامي راحت للمعرض هددتهم
اذا مايطلكون تفضحهم
ابو علي....بويه طلكه هاي مراح تستمر وياك شوف من اول ازمه باعتك باجر اذا تمرضت مرض قوي
تفضحك كدام الناس كله طلكه وخل توالي همزين كشفته من وكت الله يعوضك بلفلوس الي صرفتهن
هاي مو امينه على بيتك وحلالك
ام علي كانت اكثر وحده شمتانه بي لان نهله ماكانت عاجبته من البدايه
نهله يومين ورا ماراحت امي للمعرض وصلتني ورقة طلاكي
طلعت امي ادور على بيت جديد حتى ننتقل
هنا اول مره تلكه صيده بهلسرعه
راحت على مكتب عقار جمانه السعيدي تسئل على بيت ايجار
صاحب المكتب كان ماموجود امي ماسكتت بقت تسئل
لان اكو قطعه مكتوب عليه حداد على المكتب
وعرفت من الاسم زوجت صاحب المكتب متوفيه
الحد ماعرفت صاحب المكتب أموره كلش تمام
وعندا كومه املاك
رجال عمره ٣٨ سنه
زوجته متوفيه قبل شهر واحد وعندا بنيه ماخذته عمته تربيه وياا بناته لان هو مشغول كل الوقت
بقت امي تنتضره مثل مالذيب ينتضر الوقت حتى ينقض على النعجه
اجا الرجال لابس دشداشه اسود ولحيته شطوله
امي... عيوني نريد بيت ايجار بس زغير احنا مو عائله جبيره بس اني وبنتي
ياسر...اي موجود اكو مشتمل بس بعيد شويه
امي...لا اريده قريب على بيتك احنا ماعدنا رجال
ونخاف نسكن بعيد
ياسر...قريب اي اكو مشتمل راس الشهر يفرغ بعد عشر ايام
وتعالو شوفو
امي...مايشبلون بوقت اقل
ياسر ...انطيني رقم تليفونج واني اتصل عليج
امي انطته رقم التليفون بس خلته بعقلها هذا خوش فريسه
اكيد اذا شاف نهله حلوه وزغيره راح ينعجب بيه
والباقي امي تكمله
امي بقت تتصل علي كل يومين تاكد علي
اسبوع واتصل علينا كال تعالو المشتمل فرغ
امي اتصلت بابوحمزه السايق حتى يجي يحمل غراضنا
اجا هو وابنه لمينا الغراض وانتقلنا
للمشتمل كلش قريب على ببت ياسر مسافة
بيتين عنه
هو بيت جبير ومطلع منه مشتمل مبني بناء حديث
دخلنا ورتبنا غراضنا ومن كد التعب نمنا على وجوهنا ثنيينه
ثاني يوم امي حضرت ذاك الغدا الطيب جمانه السعيدي وخلت علي من لمساته السحريه
كالت بدلي وخلي عطر ومكياج هادء
وبقت تراقبه من بابنا لمن اجا الببته
امي...يله تعاي نهله اخذي الاكل
رحت دكيت الباب طلعلي بقه صافن بوجهي
نهله..السلام عليكم
ياسر.. عليكم السلام
نهله...اخذ مني ثكيل
ياسر..هااا العفو
نهله...امي تسلم عليك ودزتلك هذا الاكل
ياسر...ابتسمت امج منو
نهله..احنا الي سكنا بلمشتمل جيرانكم الجدد
ياسر...ياااااااهلا وسهلا شكرا ليش تعبتو نفسكم
نهله..ماكو اي تعب
ياسر.. بس هذا واجبنا احنا الي لازم اندزلكم اكل
نهله..ماكو فرق احنا اهل انشاء الله
ياسر...شكرا جزيلا انطيج المواعين
نهله...لا شكرا عوفهن باجر اجي اخذهن
ياسر...انتي تجين تاخذيهن اني اجيبهن لا تعبين نفسج
نهله...بلعافيه اترخص
رجعت للبيت ساعه تقريبا وندكت الباب
امي كالت كومي افتحيله الباب لان مبينه دشداشته من جوا الباب وصوته من صحت منو عرفنا هو
طلعت علي
ياسر...هاي المواعين عاشت اديكم على هلاكل الطيب
نهله...باوعت بعيونه وكتله الف عافيه
حسيته تيه الكلام كله
بعدين انتبه كال من رخصتكم
نهله...الله وياك
ثاني يوم بدلت وكشخت ورحنا اني وامي مرينا على المكتب مالته
امي.. صباح الخير
ياسر...ياهلا بهلصباح
نهله...صباح الخير
ياسر...احلى صباح
امي...عود نريد نشتري كم حاجه للبيت وين اكو مكان يبيع منزليات رخيصه
ياسر...نهاية الشارع اكو منزليات ابو عمار كلشي عدهم ورخيص
امي...شكرا
رحنا اني وامي وهو عينه عليه مااعرف ليش يذكرني
بهادي حسيته نفس طبعه وطيبته
الله يعلم بحال هادي هسه
افترينا واشترينا كم حاجه
امي...اطلعي قبلي واكعدي يم ياسر كولي تيهت امي
واني شويه واجي وراج
نهله طلعت قبله وصلت لكيته يخابر بس شافني نزل التليفون وبتسم
نهله...اسفه ضوتجك بس تهت من امي وخاف ارجع
للبيت وتبقى ادور عليه والمفتاح عدها
ياسر...ياهلا وسهلا اتصل عليه
نهله...ياريت خاف تبقى ادور عليه
طلع تليفونه وتصل باامي وطمنه
امي...خليه يمك هسه اجي صار ساعه ادور عليه خفت لا ضاعت وهي كلشي ماتعرف ولا تندل هنا
ياسر.. اطمني يمي
نهله..التفت عليه كال اكعدي طلع بطل مي ونطاني
نهله...شكرا
ياسر...انتي ماعندج اخ اخت ابوج وين
نهله..ابوي مات الله يرحمه وتعرف العمام والخوال بهذا الوكت محد يحمل احد جمانه السعيدي
طردونا وحتى حصه من البيت ماانطونا
مهددينا بس نشتكي عليهم يقتلوني خلاص
امي خافت عليه اني وحيده لا اخت ولا اخ اجينا ندور سكن
ياسر...وشلون عايشين
نهله...راتب بابا ومدبرين نفسنا
ياسر...الله يساعدكم العيشه صعبه
راسا اجا اتصال يحجي ومانزل عينه عني
الحد مااجت امي خلص المكالمه
امي...شكرا بارك الله بيك احنا زعجناك
ياسر...ماكو اي ازعاج تدللون
رجعنا للبيت حضرنا غده تبسي وتمن ودجاج شوي
وبقينا ننتضره لمن رجع للبيت
اخذت الاكل ورحت علي
دكيت الباب راسا طلع عليه
ياسر...اختي دزتلي اكل شنو هلزحمه
نهله...ابتسمت اكلنا اطيب
راسا ضحك وكال فعلا اكلكم طيب
نهله...بلعافيه
ياسر.... الله يعافيج
رجعت للبيت شويه واجا وراي جايب المواعين
وجايب كيلوين موز وكيلوين برتقال وكيلوين تفاح
امي...ليش هيج راح نزعل منك
ياسر...اني الي محرج منكم شنو هلنفس الطيبه بلاكل
بس بعد لا ادزون لان اني اكل برا
واختي هم ادزلي اكل
امي..حتى يصير زاد وملح