رواية زواج بالاحتيال
الفصل العاشر10
بقلم جمانه السعيدي
احب ااكدلكم القصه حقيقه شدتني لان غريبه
وحبيت اوصل فكره للقارئ الشر مايدوم ابد
نهله..بقيت اسبوع كل يوم ادزله اكل
وابقه احجي ويااا وهو بدا يلاطفني ويحب يحجي وياي
امي قررت تسوي حيله حتى يحس نفسه مسول عنا
واحنا مالنا احد غيره
بليل قررت تضرب راسه حيل الحد مايطلع الدم واني اتصل علي واكله الحكليي امي وكعت
امي علمود الفلوس مستعده كلشي تسووي
حتلو تضرب نفسه طلقه ميخالف
حست نفسه مسيطره وتكدر تلعب بذكاء على الكل
وهسه لازم توكع هذا المسكين
راح اتصل علي
اذا اجاني يعني احنا بحمايته لان ماعدنا والي
وهنا راح يحس بلمسوليه اتجاهنا
حتى يتقدملي يخطبني
فعلا اتصلت بي يمكن كان نايم الساعه ١٢ ونص بليل
نهله..الووو ياسر الحكلي
ياسر.. منوو شكوو
نهله...اني نهله امي كعدت تريد تروح للحمام ووكعت
ومااعرف شلون شسوي
اني وحدي وخايفه
ياسر...اي اجيت حاولي تخلين شي على الجرح علما اجي
امي تمددت واني فتحت الباب وخليت الشال على راسي شلون مجان
راسا هو دك الباب
نهله..تعال ادخل
ياسر...زحمه ادخل بليل خاف احد يشوفني مااريد احد يحجي عليكم
نهله...هسه شسوي
ياسر.. اني جبت السياره طلعيها ناخذها للمستشفى
طبعا مو جرح جبير بس دم نزل على وجه
خليت وصله على وجه لبسته العبايه طلعنا صعدنا وياا
واخذنا للمستشفى
بس وصلنا شافو الجرح
الدكتور...شلون انجرحت خوما مشاجره اذا مشاجره
لازم تشتكون بلمركز
نهله...لا وكعت
بدا الدكتور يضمد الجرح وياسر واكف
كمل الدكتور وانطانا شربط حب مسكن وكالو لا تخافون مابيه شي
صعدنا بلسياره ورجعنا ياسر
امي...رحمله والديك احنا بليناك بلوه
ياسر...بلخدمه تدللون
نهله... ماعدنا احد يساعدنا ومانعرف احد غيرك واتصلت عليك اني اسفه
ياسر...شنو القصه احنا اهل اي شي تحتاجو اني حاضر
دخلنا للبيت وتمددنا ثنينا جمانه السعيدي
نهله... امي ايجوز مامفكر بلزواج حاليا
امي..احنا نخلي يفكر هاي الفلوس كله المن يريدها
قابل هسه احنا شراح ناخذ منه
نمونه فد ٤٠ مليون قابل عايز يلعب بلخير لعب
نهله...غير كون نكدر نقنعه
امي...جبنا الاقوى منه قابل مانكدر علي
نمنا الصبح سمعت التليفون يرن
نهله...باوعت ياسر يتصل
...الوووو
ياسر...هااا نايمه نوم العوافي
نهله...من الهبطه البارحه كوه نمت
ياسر...شلونه امج
نهله...الحمد لله بعدها نايمه يمكن من المسكن
ياسر...جبتلكم ريوك تفتحين الباب تاخذي
نهله...ليش كلفت نفسك فوك الازعاج البارحه النوب ريوك
ياسر...ارد اشويه من الصياني الي تجيني كل يوم
يله افتحي الباب جبتلكم كباب ومقبلات وصمون حار
نهله...شكر هسه افتح الباب
طفرت غسلت وجهي وخليت الشال على راسي وفتحتله الباب
راسا ابتسم صباح الخير
نهله...صباح الخيرات
ياسر...اتفضلي الف عافيه
نهله...شكرا
دخلت وكعدت امي
نهله...شوفي ياسر شجابلنا ريوك كباب خوش نسيب مو بله
امي...احسن نسيب
خل اغسل ونكعد نتربك
الضهر من رجع من المكتب مر علينا يطمن على امي وجايب وياا مسواك اشكال
امي...ولله وكفت البارحه ويانه تسوه الدنيا ومابيه لاتعب نفسك
ياسر...شلون صرتي
امي...الحمد لله
ياسر...اذا تحتاجون شي بس اتصلو عليه
نهله..دار وجه يريد يروح طبعا هو واكف بلباب مايقبل يدخل يكول اخاف احد يشوفني ويحجي عليكم
نهله...طلعت صحت علي حجابي وكع من راسي
اوكف سويت كيكه وخليتك حصه
ياسر...ادخلي لا يشوفج احد
نهله...ابتسمت ودخلت
جبتله كيكه عليه رشه سحر تفضل
ياسر..عاشت ايدج امبينه طيبه
اخذها وراح التفت عليه كال ادخلي لا توكفين بلباب
بعدها بطلت اروحله للبيت ولا اخذله اكل
اربع ايام ماشايفته
اتصل علينا امي كالت ردي وكولي امي نايمه وحاولي اجرري بلكلام
نهله...الووو
ياسر.. همزين انتي رديتي
نهله...هلو باسر شلونك
ياسر.....من سمعت صوتج صرت احسن. ليش ماتنطيني
رقم تليفونج
احسن مااتصل على امج
نهله..بس هاي سهله هسه ادزله الك برساله
ياسر...وين امج
نهله ...نايمه
ياسر.....تمام يعني احجي براحتي
نهله.......احجي منو لا زمك
ياسر..كل يوم ابقه منتضر بلكت تجين
نهله...يمته تنتضر
ياسر...من ارجع للبيت ابقه انتضر مو تتوقعين جوعان
لو مااكدر اشتري اكل
بس اريد اشوفج
نهله...ليش ماتتصل واني اجيك
ياسر...زحمه من امج
نهله...لو تعرف امي شكد تحبك
ياسر...واني اموت عليه وعلى خلفته
نهله...تعرف انت شكد شخصيتك مميزه
ياسر...هو انتي كله شفتيني بلدشداشه السوده ولحيتي شطوله
نهله...يمكن اذا اشوفك كاشخ افقد
ياسر...بابويه الحكلي تعال اسمع الحجي الحلو
نهله. .انت الحلو واحلى من الشكر
ياسر...هذا الكلام خطير
نهله...مو اخطر من وجودك بحياتي
ياسر...انتي شكد عمرج كلامج يذبح
نهله...١٦ سنه ٨ اشهر
ياسر...لا تحجين صدك
نهله...لعد اتشقا وياك
ياسر...انتي زغيره اني اكبر منج بهواي
نهله...العمر مو قباس
ياسر...شنو القياس بنضرج
نهله...الأخلاق التربيه الأسلوب الحلو جمانه السعيدي النخوه الغيره
ذني المهمات مو العمر المهم
ياسر...ياربي الكلام شعر مو كلام
نهله...راح اكول شي واسد التليفون
باسر...ليش اسدين التليفون بعدنا نحجي
نهله...اذا كلت هاي الكلمه استحي احجي بعد
ياسر...شنو سمعيني
نهله...احبك
راسا طبكت التليفون
رجع رن بنفس اللحظه
مارديت رجع رن مارديت خمس مرات يرن سادس
مره رفعت التليفون وماحجيت
ياسر...نهله ردي لا تسكتين
نهله...مارديت
ياسر...بس عيدي هاي الكلمه مره وحده بس
نهله...استحي
ياسر...وين جنتي من زمان
نهله...جنت مزوج ومستحيل تباوع عليه
ياسر...احبج واموت عليج احس نفسي رجعت مراهق
نهله...واني هم
ياسر...انتي شنووو عفيه كوليه
نهله...احبك
ياسر...باعي اذا اجي اخطبج تقبلين
نهله...اي اقبل
ياسر...خلاص اني راح اجي باجر احجي ويااا امج واشوف رائيه بلموضوع
نهله...بس لا تكول اي شي على هاي المكالمه لان امي ماتقبل
ياسر...ابد مراح احجي شي
سديت التليفون وامي كالت عفيه خوش اسوين بي
ثاني يوم جاب اخته وبنته واجا بته عمرها ١٢ سنه
طبعا هو مايدخل بيتنا بس لان اخته وياا دخل
اخته ماكانت كلش مقتنعه لان أربعين زوجته توها طالعه
وزوجته بت عمه
اخت ياسر...طبعا احنا حزينين على ام زينب
واني هلتشوفين لا بسه اسود وحتى ماحافه وجهي
بس ياسر صمم اجي اتعرف عليكم
امي...البقيه بحياتكم عيوني
...حياتكم الباقيه
امي...بس مافهمت شكووو
....ياسر يريد يتقدم البتج نهله مو اسمه نهله المحروسه
امي...اي نهله هي بس هاي البنيه عندي
ماعندي غيره
....الله يحفظه ويرعاها
ياسر...اني اعرف اني اكبر منه بس راح اخليه بعيوني
امي...بدون ماتكول اني مصدكتك
ياسر...اني مستعد الطلباتكم بس عرس مااسوي لان
عيب من بيت عمي
امي...اني مالي علاقه تسوي عرس لا هذا شي يخصك
بنتي زغيره وبعدها قاصر
ومايصيرله عقد محكمه ولا عدها اب ولا اخ يكون ولي امرها
يعني تزوج بس عقد شيخ وعقد الشيخ مايضمن حقه
اني اريد اضمن حقوق بنتي
ياسر....تفضلي اسمعج
امي....تدفع مهرها ٤٠ مليون وحتلو تكتب بلعقد عشرين حاضر وعشرين غايب استلمتهن العروس مقدما
اخت ياسر....لا شنو أربعين هووواي كلش هووواي
امي...هذا الي عندي بتي زغيره وحلوه والف واحديتمناها
بعدها حتى ١٧ سنه مامكمله
خو مااشمرها شمر
اخت ياسر....بس اخوي معروف بسمعته الطيبه
وبعمره مااكل حق احد
يدفع ٢٠ ومن تبلغ ويعقد بلمحكمه يسجل عشرين موخر
امي...لا ٤٠ وتعقد عقد شيخ وماعندي غير هذا الكلام
ياسر...موافق
اخته...شنو موافق هواي
ياسر...اني مراح اسوي عرس ولا زفه بس اغير غرفة النوم
عادي تستاهل نهله
امي...خلاص حضر المهر وتعال أعقد عقد شيخ واخذها وروح ماعندي مشكله
ياسر...بالخميس نعقد نعقد واخذها بنفس اللحظه للبيت
امي...مواففه سلمني المهر وعقد واخذها
ياسر...خلاص بعد ٣ ايام ونعقد ونزوج بنفس اليله
نهله...بديت اجهز نفسي رحت للصالون حفيت وعدلت شعري لبست فستان اوف وايت ورتبت شعري بلبيت
ومكياج اني خليت النفسي
اجا هو وياا ثنيبن عقدنا سلم المهر الامي ورحنا اني وياا وامي الببته
طالع يخبل حالق لحيته وشعرا لابس قاط اسود وقميص
ابيض طالع شكل ثاني
زواجنا تم بعد شهر ونص من نزلتنا للببت هذا
اخته جانت تنتضرنا بلبيت ومحضر الحلويات والكرزات
امي خلتله هلقاسمه الله بلاكل وكالت لا تاكلين
وخلت ربط بلمخده وطلعت
امي...دير بالك عليه ماعندي غيره
ياسر...اخليه بعيوني
امي واخته طلعن من البيت
دخل والابتسامه شاكه وجهه طبك باب الغرفه
ياسر...واخيرا صرتي حلالي واني وياج بمكان واحد
تعرفين ابد ماتوقعت امج تقبل بهاي الزواجه
ولج اني بكدج مرتين
اني انولدت اليوم
تعاي ناكل حلويات اريدج اتسولفليلي شلون حبيتيني
راد يخلي قطعه بحلكي
نهله...لا مااحب الحلويات
ياسر...ليش ماتحبين الحلويات اني هم مااكل
نهله...اخذت قطعه وخليته بحلكه اكل من ايدي
ياسر ....الله طعمه يخبل من ايدج
انعادت نفس القصه ماكدر يقرب عليه
حاول اكثر من مره بدون فايده
تخبل لان هو مزوج سابقا ويعرف نفسه زين
ثاني يوم حاول وماكووو
اجت امي تتأكد من خطته عرفت كلشي تمام
ماطلع يومين من البيت وراح جاب علاج وبدون فايده
ماخله احد ماسئله وحاول بس بدون اي تقدم
كل شويه وكال اني كبرت شنووو
ليش هيج جاي يصير وياي
المهم اسبوع بدون فايده ضاج بشكل مو معقول
حتى دزني بم امي ليلتين
بعدين امي هجمت علي اله اطلكه انت بكد ابوها شنو عيشته وياك
لو افضحك بلمنطقه لو اطلك
على شنو باقيه ويااك خدامه
هو معروف بلمنطقه حيل والناس كله تحترمه
مااتحمل كلام امي خصوصا وهي كل شويه رايحه للمكتب
اتهدده بعد اسبوعين زواج طلكني
رجعنا جمعنا غراصنا نشيل المنطقه ثانيه
امي اجرت النا بيت ودفعت الإيجار واني بعدني عروس
يعني بعد زواجي ب ٣ ايام
اتصلنا على ابو حمزه الي تفاجئ ليش كل شهرين تلاته ننتقلون من مكان المكان
امي ....الموجر طردنا وصلنا و اخذ اجرتك
لا تدخل احنا اعرف بضروفنا
وصلنا ونزلنا غراضنا وارتاحينا يومين
وامي طلعت ادور صيده جديده بس مالكت هاي اول مره هيج شهر كامل كل يوم تطلع وماكو الشخص المناسب
هاي اللعبه تريد واحد شبعان وعنده سمعه طيبه بين الناس يخاف على سمعته
مو اي واحد تمشي على هاي الخطه
بس امي ابد مابطلت تطلع وتسئل بلمنطقه
للحكايه بقيه
البطل القادم هو الي راح يكشف كلشي ويدخلهن السجن