رواية نصابين ولكن ظرفاء الفصل الاول1 بقلم منه محمد
بتبدأ احداث القصه ف شارع عادى و"محمد" بيجرى من "محمود" اللى عايز يقتله
محمد : الحقونى يا ناس الراجل ده عايز يقتلنى
محمود وهو ماسك السنجه : مش هاسيبه لازم اقتله
بتتلم الناس ع الخناقه وكان بينهم راجل صاحب محل دهب ومجوهرات بيطلع و بيسيب المحل لوحده عشان يشوف الخناقه
محمود : بقى انا على اخر الزمن اعز صحابى يخونى ويمشى مع اختى من ورايا
محمد : استهدى ب الله و اعقل انت اكيد مش ف وعيك
و اثناء م الناس مشغولين ف الخناقه بيظهر شخص متخفى جوا محل الذهب بينزل من فوق وبيعطل كاميرات المراقبه وبسرق كل اللى محل و بيقلع الشخص ده الماسك وبيطلع الشخص ده بنت واسمها "عنايات" و بعد ما بتسرق كل حاجه بتيدى اشاره للى بره
محمود : ايدا اصاحبى انا بعمل ايه هنا ؟
محمد : اييييه ولا حاجه ولا حاجه انت كنت بس تعبان
محمود : حبيبى يا صاحبى
و بيحضنوا بعض و بيمشوا وكل واحد بيرجع لحاله ، و بيدخل صاحب محل الدهب و بيلاقى المحل بتاعه كله مسروق ف بيصرخ و بيقول : حرامييييااااااااهههه
و بيتضح ان الاتنين اللى بيتخانقوا مع بعض والبنت اللى كانت بتسرق كانت اختهم هي كمان
_______________________________________________________________________________________________________
بعدها بيرجعوا البيت عشان يقسموا الغنيمه
محمود : الله عليكى يا عنايات ايه الافكار الجامده
عنايات : عيب عليك انا طول عمرى افكارى كده
محمود : بس ايه رايك ف تمثيلى مقنع شوفتنى وانا بقوله، و ربنا ما هسيبه لازم اقتله
و بيبتدو يقسموا الغنيمه
"محمد" اللى بيكون مضايق لان كل مره " عنايات" اللى بتخططلهم لانه هو الاخ الكبير وهى الصغيره
محمد بضيق : هو انت ليه كل مره انت اللى بتخططى
عنايات بتكبر :عشان انا اذكى واحده فيكوا طبعا 😌
محمد : بس ده مش عدل انت اللى كل مره بتخططي واحنا اللي بنفذ
محمود و هو بيحاول يهدى الوضع : خلاص يا جماعه ايه المشكله لما عنايات هى اللى تخطط عشان هى بتعرف تخطط واحنا اللى نفذ
"عنايات" بتوافق " محمود" الرأى لكن "محمد" بيكون معترض
و هما بيقسموا الغنيه بيحسوا ان فى دهب ناقص
محمد و محمود وهما بيبصوا لعنايات : عنايات طلعي الدهب اللي معاكي
عنايات : انا مخدتش حاجه
محمد :طلعي اللي معاكي يا عنايات
عنيات : لا انا المفروض اخد اكتر واحده فيكوا عشان الستات بتحب الدهب
محمد : عنايات طلعي الدهب اللي مخبياه بدل منفتشك
عنايات بخوف : حاضر حاضر
بتطلع "عنيات" كل الدهب اللي كان معاها و اللي كانت لابسه و مخبيه تحت كمامها
بعدها بيرجعوا "محمد" و "عنايات" يتخانقوا تانى
عنايات بيعياط مزيف :. بقى كده تعمل ف اختك كده كل ده عشان انا يتيمه و منكسره هو ده اللى وصاك ابوك و امك الله يرحمهم عليا هي دي معاملتك لاختك الصغيره شكر يا اخويا يا كبير اهي اهي
محمد وهو نفسه جازه عليه م التمثيل الاوفر ده : متبس بقى يا عنايات انت كل اما اكلمك كلمه تقوليلي الاسطوانه المشروخه دي
و بيرجعوا بيتخانقوا تاني بس "محمود" اخوهم بيوقف الخناقه
_________________________________________________________________________________________________________
فى مكان اخر ف قسم الشرطه بينزل من العربيه ظابط و بيدخل القسم وكل اللى بيشوفه بيضربله سلام
العسكرى : صباح الخير يا فندم نورت القسم كله
عماد : الله يخليك يا عبد السميع
العسكرى : اه صحيح شريف بيه كان عايزك
عماد : حضره الظابط شريف عايزني انا !!!!!
العسكرى : ايوه يافندم
عماد : طب متعرفش عايزني ف ايه ؟
العسكرى : لا والله ياباشا
عماد : طب خلاص انا رايحله
بيروح " عماد" لمكتب حضره الظابط "شريف"
عماد : هاى انكل ازيك عامل ايه
شريف بقرف : انا مش قولتلك ١٠٠ مره متقوليش يا انكل دى احنا ف مكان شغل هنا
عماد باحراج : امرك يا فندم
بعدها بينادى "شريف" على العسكرى
شريف : شوف البيه يشرب ايه
عماد : عايزه بيبسى ( ملحوظه الروايه دي كتبتها قبل المقاطعه تمام 😅)
شريف بغضب : ناااااعمم ؟
عماد بتوتر : اااا عايز قهوه ع الريحه
العسكرى : اوامرك ياباشا ، و طلع من المكتب
شريف : فى مهمه خطيره عايزك فيها
عماد بفرحه : بجد يا شريف بيه اخيرا امنت بقدراتى
شريف : و لا قدرات و لا نيله انا اخترتك عشان ملاقتيش حد غيرك
عماد : ايه هى المهمه يافندم
شريف : فى نصابين بقالهم فتره بيقموا بعمليات نصب وللاسف محدش عارف شكلهم و لا عددهم و محدش قدر يمسكهم قبل كده ، عشان كده مهمتك هاتكون انك تتوقع مين الشخص المحتمل انه ينصبوا عليه و تقبض عليهم
عماد : متقلقش يافندم ان شاء الله هاشرفك
شريف : ربنا يستر انا كان نفسى تبقى شبه والدك الله يرحمه كان ذكى وشاطر جدا ف شغله انا مش عارف انت مش طالعه ليه
بيضايق "عماد" ف كلام "شريف" عليه لكنه مبيبينش
شريف : المهم هاعين معاك ظابط صغير يساعدك ف المهمه
يتبع
يتبع