رواية الحكايه فيها عشق الفصل السادس عشر16والسابع عشر17 بقلم نرمين هاني
مفاجئه غير متوقعه *
...............
قد نضجت حقا ل أدرك معنى ذاتى ل أقوى بالله قبل اى شئ ل أصنع بسمتى بيدى واتخلى عن كل ما يؤلم قلبى !!! بالتفكير فى مخاوفى !!!
نضجت حتى شعرت بالحب والحياه والسعاده تخليت عن كل ما اشعر به من حزن والم ل أكتب سطور سعادتى وفقط !!
ولكن قدرى يرفض قرارى ، يرفض ابتسامتي ل أصدم بواقعى بقوه وعنفوان لاسقط بدون هويه مرة اخرى !!! 🌟.
.....................................
...........................................
................فى فيلا ادم !!!...........
اجتمع الثلاث بنات فى غرفة شذى ويعم الصمت الشديد كل واحده فيهم سرحانه وعايزه تتكلم بس مش عارفه تبدأ ازاى وتقول اى !!!
رقيه وهى تحاول تغيير الجو فتنظر لهم بمرح وفضول :-
- احم احم مالكم كل واحده شايله طاجن ام عبير وقاعده ضاربه بوزها شبرين وعينها واقعه منها كدا ليه ؟!!😂🤔
نظر كل من شذى وشروق باستغراب :-
شذى بعدم فهم ........انتى بتقولى اى يعنى اى اللى قلتيه دا !!!
ضحكت رقيه قائله بغمزه........اما تكبرى هبقى اقولك
ثم نظرت لشروق تتفحصها بدقه لتتحدث :-
- مالك يا شابه فى حد زعلك قوليلي وانا اخلى ريكس يظبطه شاورى انتى بس !!!
ضحكت شروق باصطناع......مفيش انا كويسه اهو مالى يعنى
نظرت رقيه لشذى.....وانتى يا مسهوكه مالك !!!
شذى باقتضاب........مفيش
وقفت رقية لتتحدث وهى تشير بيدها بتحذير :-
- لا ياحلوين مش بعد ما الفضول بلغ مبلغه ومش هعرف انيمه تانى .... اخلصو فى يومكم دا كل واحده تبوع باللى جواها بدل ما اقلب على القناه التانيه او اشوف اكشن بدل الكوميدى انتم حرين وقد شحتر من بحتر😂👌
شذى بذهول......اى التلوث اللى قلتيه ده يخربيتك انتى بتجيبى الكلام دا منين !!!!
ضحكت رقيه لتردف بمرح........من عند ام ابراهيم بتاع الفول😂😉
ضحكت شروق......والله انتى مجنونه ودمك خفيف !!!
وضعت يدها على صدرها كتحيه.........تسلميلي ياذوق نخدمك في الافراح ان شاء الله ارغو بقى
تنهدت شذى لتقول باختصار..... انا بتحب !!!
نظرو لها باستغراب لتتحدث رقيه ضاحكه :-
- نامى على جنبك اليمين مع بق مايه صبح وليل وهتروح ان شاء الله ودا جالك منين دا اكيد فيروس بتقفلى البلكونه ولا بتسيبيها وانتى نايمه😂🤔
غضبت شذى ........انتى هبله بلكونه اى انا بتكلم جد انا فى واحد بيحبنى لا دا ممكن يكون بيعشقنى !!!
لطمت رقيه على صدرها بفزع فظنت انها تتحدث عن عمار لتتوجه نحوها وقد اظلمت عيناها بشده :-
- اوعى تقولى انه جه قالك بيحبك طلاق تلاته منه ادبحه كدا يبقى ليلة امه سودا لا دا انا مش هدبحه لا كده هيرتاح !!!.....
ثم فكرت قليلا لتتحدث وهى تشير بيدها فى جميع الاتجاهات بطريقه كوميديه :-
- انا هجيبه من شعره انفضه وبعد منفضه اقطعه حتت و اعبيه فى كيس اسود كبير معفن ريحته زباله واعلقه على باب الجامعة واعلق يفطه فوق دماغه اكتب عليها هذا جزاء الخيانه ابصقو على وجه أمه وانصرفو😂😂
شذى وشروق وقعو من كتر الضحك على شكلها.....ههههههههههههههههههههههههههه
شروق بضحك حتى ادمعت عيناها............دا انتى غلبتى عادل امام يخربيتك😂
شذى بضيق...... انا مقصدش عمار وبعدين هو انتى علطول تافهه كده اعقلي يا بنتى شويه
هزت راسها بالرفض قائله :-
- أنا يا أكون تافه يا أبقى مكتئبه there is no in between
ضحكت شروق قائله........لا خليكى تافهه احسن مش ناقصين كئابه
جلست رقيه لتقول بغمزه :-
- ومين بقى اللى مدهول فيك ياجميل ؟!!
تنهدت شذى لتتحدث بحيره.......حمزه
رقيه....حلو اسم حمزه فيه حمز كدا لا يجى منه دستة عيال ماله بقى حمزه دا ويعرفك منين مهو انا بوظتك راحه تتحبى قبل اختك يخسارة تربيتى فيكى لالالا قلبى و طرطوفة صابعى غضبانه منك يا شذى !!😂✋
شروق باستهزاء.....راحه تتحب لا ميصحش اى قلة الادب دى !!!
رقيه بغيظ.....قوليلها !!!
ثارت شذى بشده .....الله يخربيتك تصدقى استاهل ضرب الجزم انى بحكى حاجه يالا غورو من هنا جتكم القرف
شروق بهدوء...بس يا روكا بقى احكى ياحبيبتى فى اى ؟!!
شذى تنهدت لتقول بحيره........حمزه صاحب ادم قالى انه بيحبنى وعايز يتجوزنى !!
ابتسمت رقيه باتساع لتقول.....اخيرا نطق يخربيته دا انا توقعت انه هيجراله حاجه قبل ما يقولها !!
رمقتها شذى بذهول واعين متسعه :-
- انتى كنتى عارفه !!!!😮😮
ضحكت رقيه بشده......طبعا كان واضح عليه جدا يابنتى وبعدين انا بعرف اللى بيحبو دول من نظره بس عندى انا تلاقينى خيبه ولا اعرف حاجه !!!
نظرت لها شروق قائله بجديه :-
- انتى بتحبيه ؟!!!
رمقتها بحيره شديده لتردف بلخبطه :-
- معرفش بس اما قالى انه بيحبنى قلبى دق ومش عارفه متلخبطه كدا مش عارفه اخد قرار ولو رفضت هيبعد انا حمزه بالنسبالى حاجه كبيره جدا دايما جنبى اى مشكله بجرى عليه احكيله عليها علطول والفتره اللى مكلمنيش فيها كنت حاسه بحاجه كبيره نقصانى مش عارفه دا ايه ؟!!
ضحكت رقيه......بقولك يا مسهوكه معلش عندى استفسار رفيع🤔
شذى باهتمام....سؤال اى دا ؟!!
رقيه......انتى عايزه تتجوزى ليه ؟!!
رمقتها بعدم فهم....هو ايه اللى ليه يعنى اى ؟!!
وضحت لها شروق قائله :-
- هى تقصد قبل ما تفكرى بتحبيه ولا لا فكرى انتى هل فعلا عايزه تتجوزى ؟! هتقدرى تدخلي فى علاقة ؟! انتى لازم توافقي وانتي واثقه من قرارك مينفعش التردد دا وخصوصا انه بيحبك متوافقيش وانتى مش عايزاه لمجرد خايفه يبعد انتى لو مبتحبهوش متوافقيش خلى حتى يبقى فى احترام بينكم ✋😍
شذى بحيره......مش عارفه بس الجواز اكتر حاجه هتخلينى مبسوطه بيتهيألى يعنى !!1
هزت شروق رأسها رافضه لتردف....غلط جد ياشذى الجواز مش لازم يكون سعاده على فكره.... بصى كل بنت مننا بيجى وقت عليها وتنضج سواء فكريا او عاطفيا الوقت دا بقى اما تتخلص من فكرة ان الجواز هو هدفها الوحيد او لما تتجوز وتعرف ان مهمتها منتهتش بالجواز وممن توصله لما كبر في السن شوية وتحس إن الجواز مش أولوية في حياتها سواء فهمت من نفسها او بسبب ضغوط المجتمع عليها بإطلاق مصطلح العنوسة أو تخويفها إنها ماتتجوزش مثلاً ... وممكن توصليله وانتى ف سن صغير كدا دلوقت ودا هيبقى افضل حاجه هتعرفى تختارى هتعرفى تقررى صح هتتخلصى من قيود المجتمع فى سن صغير اللى بتخلى البنت همها هو جوزها وتربية العيال سواء الاهل او الافلام او الاغاني وكل دول اللى بيعتبرو البنت من صغرها عروسه مهمتها انها تلبس الفستان الابيض .! لازم تعرفى ان الحياه مش بتقف على الجواز ولا السعاده هتتحقق اما تتجوزى الحياه كبيره وليها اهداف كتير جدا هو الجواز فعلا مهم بس مش شرط يكون ( جواز = سعادة ) ..!
الجواز ممكن = تعاسة أو كآبة أو ضغط أو إنفصال او حاجات تانية كتير ممكن ماتكونش سعيدة.
انتى ضامنه منين لو اتجوزتى تكونى سعيده انتى بس عشان عاطفيه بتميلى للحاجه اللى كلها عواطف وبتفتكرى انه هو السعاده الوحيده والابدية بس انتى ممكن تبقى مبسوطه بحاجات تانيه كتير زى الدين و الاهل والصحاب والشغل و والكتب والفلوس والفسح ....إلخ.مليون سبب تانى
ده غير إن الجواز ملهوش سن معين ولا هو قطر وبيفوت .. ممكن يجيلك في أي وقت.. أهم حاجة يكون وقتها عندك النضج الكافي إنك تختاري صح عشان يكون سبب من أسباب السعادة مش تحوليه بسبب إختيار غلط بسبب إنك عايزة تتجوزي وخلاص وتخليه سبب من أسباب تعاستك .. وقتها هتنضجي بردو بس متأخر اووى
دوري على سعادتك في كل حاجة حواليكى.. وماتحققيش هدف المجتمع هو اللي فارضه عليكي ومهيألك انك ملكيش غيره .. اعتبري الجواز سبب من أسباب كتير لسعادتك أهم حاجة لما تجيلك فرصة إختاري صح وبمزاج عشان يكون فعلاً سعادتك😍👌
- شروق كانت بتتكلم وبتفتكر كل اللى مرت بيه فى حياتها بسبب تفكيرها فى الجواز وبس -
شذى بحيره شديده......انا مش عارفه بجد افكر مش عارفه ؟!!
رقيه باستهزاء......هى عليها عفريت اسمه مش عارفه انا رأى ان حمزه كويس جدا وبيحبك بجد ودا واضح جدا من تصرفاته حاولى تدى نفسك فرصه وبلاش ابيه دى وانا واثقه انك هتحبيه مفيش حد يقابل حد بيعشقه كدا ويسيبو يمشى هتندمى بعد كدا ؟!!
شروق......هتندم اكتر لو فضلت معاه لمجرد انه بيحبها ياروكا كفه واحده ماتنفعش بتقع لازم الكفتين يبقو زى بعض عشان يعرفو يواجهوا ويتحدو اللى يقابلهم الموضوع مش سهل زى ما انتى متصوره
ثم نظرت لشذى قائله :-
- اقولك صلى صلاة استخاره
شذى بعدم فهم.......اللى هى اى دى ؟!!
شروق بذهول..... مش عارفاها ؟!!!
هزت رأسها رافضه لتتحدث بحيره....لا
نظرت شروق لهم بهدوء لتقول......انتم بتصلو ؟!!
نظروا لبعض بتوتر ليتحدثوا معا…... بصراحه مش دايما !!!
شروق......وليه مش لابسين حجاب انا بصراحه استغربت لما جيت انا كنت فاكره ان المسيحيين بس اللى بيمشو كدا !!
ضحكت شذى قائلة........عادى يابنتى احنا هنا فى القاهره غير بلدكم خالص وبعدين دى تعتبر حريه شخصيه ف عادى بس احنا بنصلى وبنصوم برضو
رفعت حاجبيها وقالت لنفسها ..... الموضوع شكله محتاج قعده جامده معاهم
ابتسمت شروق لتقول....طيب خلينا فى صلاة الاستخاره دلوقتى ونشوف اللبس بعدين انا هقولك ياستى دى اى بصى لما يبقى واحد محتار ما بين حاجتين يختار اى بينهم فبتصلى ركعتين استخاره.. اى بقى الصلاه دى واى دعائها "كان رسول الله صلى الله عليه وسلم يقول: «إِذا هم أحدكم بالأمر فليركع ركعتين من غير الفريضه ثم ليقل ..... اللهم انى استخيرك بعلمك واستقدرك بقدرتك واسالك من فضلك العظيم فانك تقدر ولا اقدر ,وتعلم ولا اعلم , وانت علام الغيوب , اللهم إنْ كنت تعلم ان هذا الامر ( يعنى يارب عريسى كذا وانا حاسه كذا اوفق عليه ) خير لى فى دينى ومعاشى وعاقبة امرى ( يعنى الدين والمعاش والمستقبل والاخره ) تمام ....نكمل فأقدره لي ويسره لي ثم بارك لي فيه , اللهم وان كنت تعلم انه ( نفس الامر تانى ) شر لى فى دينى ومعاشى وعاقبة أمرى فاصرفه عنى واصرفني عنه واقدر لى الخير حيث كان ثم ارضني به !!!
وبعد كدا ولو حسيتى انك مرتاحه للموضوع امشى فيه لاما هتلاقيه حلو وكل حاجه لاما تلاقيه متكعبل خالص والموضوع يتقفل فى وشك لوحده
رقية......طيب ما فى ناس بتتجوز وبتطلق وممكن تكون تبقى مصليه كمان عادى يعنى !!!
شروق..... لا مش عادى اكيد ربنا كتبلك الخير لو الموضوع دا مكانش حصل كان ممكن يحصل حاجه اقوى توجعك اكتر ودا كان افضل ليكى فهمتى ومش لازم تحلمى مش دايما بنحلم صلى وكل حاجه هتلاقيها بتوضح قدامك وان شاء الله ربنا هيكتبلك الخير
شروق كانت بتتكلم وبتقول لنفسها قبلهم هى فكره حلوه فعلا لازم تصلى استخاره اكيد ربنا هيختار لها الخير !!!
هى مفكرتش فى الموضوع قبل كدا عقلها كان مشوش ازاى مجاتش على بالها !!!
شذى بابتسامه.......طيب قشطه هجرب بس اكتبيلى الدعاء عشان احفظه
شروق اخذت ورقه وقلم وكتبت لها الدعاء
ثم وقفت قائله.......وانا لازم اروح اشوف عشق بتعمل اى ؟!!
رقيه وشذى......ماشى
وخرجت لتتوجه نحو غرفتها وتتوضأ وتصلي لتستخير ربها وبعد أن انتهت رفعت يدها عاليا لتقول بدموع :-
- ربى قد أبكى سرا وتتعالى ضحكاتى جهرا، قد ادعى انى بألف خير وأنت وحدك تعلم ما يرهقني ويؤلمني، فخفّف عنى وارحم ضعفى وقلة حيلتى.
وأن لنا قلوبًا هشة مهما تظاهرنا بغير ذلك ككل الأشياء التي لا تجيد وصفها ، مسكها او تركها ،
إن اقتربت ابتعدت ، وإن ابتعدتَ اندفعت ، نِصفا لا ينتهي ، و نهاية لا تتضح ، واضِحا لا يفهم ، مفهوما بذاتِ القدر ..سلام الله ، أين المفر من هذا يالله !!!
.........................................................................................
...............................فى منزل عمار......................
يجلس عمار ووالدته فى غرفة الصالون وكل منهما ينظر للاخر بتحدى .....!!!
مشيرة وهى تنظر لابنها بحده........يعني ايه الكلام دا بقى ؟!!
عمار بنظرة تحدى وثقه......يعنى مش هتجوزها ياماما انا حر وبعدين انتى ناسيه عملو فيا ايه ؟!!
غضبت بشده لتقول بهدوء مصطنع لتحاول اقناعه :-
- وهى شذى مالها فى اللى عملته رقيه هه ؟!!
عمار يقف قائلا بلامبالاه........اختها وبعدين خلصنا بقى انا داخل اوضتى واقفلى الموضوع دا بقى
ليقاطع حديثهم دخول علياء عليهم
عمار بغضب........اى ياحلوه مبقتش اشوفك فى البيت ليه لا نايمه لا بره
رمقته بلامبالاه لتجلس بهدوء بجوار والدتها قائله :-
- عادى بخرج مع اصحابى اغير جو انت مش عارف انى فسخت خطوبتى
عمار بجمود.......عرفت وعارف انك غلطتى كمان !!!
علياء بذهول واعين متسعه....انت كمان بقول غلطت ؟!!
مشيره......ايوا غلطتى مكنش لازم تزوديها كده كان ممكن تعتذري وخلاص اديكى ضيعتى ادم من ايدك
عمار بغضب.......هو دا اللى همك هو اى اللى ضيعته اصلا ادم يستاهل احسن منها
علياء بتحدى........انا مفيش حد احسن منى وبكره تشوفوا انا واثقه انه هيرجعلى تانى ؟!!!
رمقهم عمار بغضب ليتوجه بعدها نحو غرفته
رمقتها مشيره بلهفه.....هيرجعلك ازاى انتى كلمتيه ؟!!
علياء بغضب.....مبيردش عليا بس انا عارفه كويس انا هعمل اى واخليه يرجعلى تانى !!!
وجلست تفكر ماذا عليها ان تفعل لتنتقم من هذه الفتاة المسماه شروق وتسترد ادم مره اخرى !!!
..................................................
.............فى غرفة عمر............
يجلس عمر على اللاب الخاص به بينما عشق تنظر له بمرح و يدها تعبث فى كتبه بعشوائيه
- انت مش بتزاتي ليه هتيسقط ياحويان ( انت مش بتزاكر ليه هتسقط ياحيوان )
نظر لها عمر بصدمه قائلا........يارب اكون سمعت غلط ياارب انت قولتى اى ؟!!
عشق ببراءه... هتيسقط ( هتسقط )
عمر......يا ايه بقى ؟!!
عشق بابتسامه خبث.......حويان ( حيوان )
عمر بغيظ وهو يقترب منها ليحملها ويضعها على الفراش ويقوم بزغزغتها قائلا :-
- بقى انا حيوان يا زبله انتى انا هوريكى ؟!!
عشق........ههههههههههههههههه خياث هههههههههههههههه خياث ههههههههههه انا اثفه ( هههههههههه خلاص هههههههه خلاص ههههههههه انا اسفه )
عمر ابتعد عنها ضاحكا.........ايوا كدا احترمى نفسك قال حيوان قال
وقفت عشق على الفراش لتنزل ببطئ وتتوجه نحو الباب وتخرج له لسانها قائله :-
- هقول ليقيه تضيبك ياحويان عشان مبتذاترش ههههههههه ( هقول لرقيه تضربك ياحيوان عشان مبتزاكرش )
وقف ليتجه نحوها ولكنها فرت هاربه وهى تضحك بسعاده طفوليه😄
........................................
وبعد مرور شهر واكثر وقد تأقلمت الحياه نوعا ما مع الجميع فقد قررت شروق ان تبقى كما هى فهى لا تعرف والد عشق ولا تعرف لها عنوان وتخاف بشده ان تفتقدها وقامت بتعويض عشق باهتمامها وعطفها وحنانها واستقرت كثيرا فى بيت عمها واحست بالنضح فهى اصبحت اقوى وحددت اهدافها فى الحياه وصبت اهتمامها على ابنتها وعملها فقط حيث انها عملت فى احدى الشركات مع حمزة خطيب شذى المستقبلى فشذى قد وافقت عليه بعد تردد دام شهر تقريبا ولكن حب حمزه وتمسكه الشديد بها واحساسها بانها لم تستطيع البعد عنه وخصوصا عندما ارتاحت بعد صلاتها فاختارت الأنسب لها وقرروا إقامة حفلة خطوبة فى الفيلا بعد انتهاء امتحانات عمر..... اما بالنسبه لرقيه فهى مازالت تعند وتتحدى عمار ومازال التحدى مستمر حتى ان عمار يفعل بها الكثير ولكن رقيه تنتصر عليه دائما بخداعها له !! اما ادم ف اتصال علياء المستمر به جعله قد يتردد كثيرا فى الرجوع اليها وخاصة عندما قدمت اعتذارها له عن ما بدر منها ووعدته بالتغير ولكنه مازال مترددا فكان دائما يقارن بينها وبين شروق ابنة عمه فى كل شئ فهو قد تقرب منها كثيرا فى هذه الفتره ويريد ان تصبح علياء مثلها ...اما بالنسبه لعلياء ودينا فقد وضعو خطتهم للانتقام من شروق ورقيه وباقي التنفيذ فقط !!!
..........................
وجاء اليوم المنتظر لخطوبة حمزه وشذى وقد تجهزت الجنينه الملحقه بالفيلا لتبهر الحاضرين فقد اهتم بها حمزه كثير لتليق بهذا اليوم المميز الذى حلم به دائما !!!!
..............فى الجنينه...........
يجلس كل من شذى وحمزه فى الكوشه المخصصه لهم والسعاده باديه على وجوهم فيقترب منهما ادم مبتسما قائلا وهو يقبل رأس اخته بحنان :-
- مبروك يا طفلتى😍😍
اتسعت ابتسامة شذى لتقول........الله يبارك فيك ياحبيبى ربنا يخليك ليا يارب
حمزه بغيره........لا ياشيخه هو الكلام الحلو لادم بس ولا اى
لتضحك شذى بخفوت بينما يتوجه نحوه ادم ويضربه على رأسه قائلا :-
- بتغيرى يابيضه وبعدين لو مش عاجبك نفضها سيره عادى يعنى اخد اختي واتكل ع الله من هنا !!!
حمزه بلهفه مضحكه.......تفض مين ياعم حرام عليك دا انتو بهدلتونى عشان توافقوا قال أفض قال😂😮
الكل ضحك.....ههههههههههههههههههههههههههه
شروق بابتسامه.........مبروك ليكم وربنا يتمملكم بخير يارب
حمزه وشذى.......الله يبارك فيكى
رقيه بمرح من خلف شروق لتبعدها قائله بغمزه :-
- سالخير عليكم ياعرايس مش عايزين تشربوا حاجه بيبسى عصير شاي قهوه كله موجود شاورو انتم بس انا قلت ابدا بيكم الاول قبل ما اوجب مع الناس😂😉
الكل.........ههههههههههههههههههههههههههههه
حمزه بمرح.......اصيل يا ابو رحاب😂😉
رقيه وهى تضع يدها على صدرها كتحيه.........تشكر ياعريس احنا فى الخدمه يامعلم
شذى.........هههههههههههههههه معلم والله يعنى الفستان اللى لبساه دا مغيركيش
رقيه ولاول مره تقريبا ترتدى فستان ودا بعد ضغط كبير من شذى وشروق وكان فستانها لونه سمونى يضيق من الخصر لينزل باتساع بعد ذلك وأعطت الحرية لشعرها لينسدل على كتفيها وهذا ايضا كان فستان شروق فهم اتفقوا على ان يرتدو نفس الفستان ولكن الاختلاف ان شروق ترتدى بضى تحت فستانها وطرحة باللون الذهبى وكانو كالاميرات حقا !!!
رقيه بمرح...........انا الفستان عمره ما يغيرني مش انا يا امى
شروق بضحك.......دى قرفتنى كل شويه تقولى هقلع الكعب دا هقع بيه روشت امى😂😂
الكل.........ههههههههههههههههههههههههههههههههههههههه
شذى..........اومال عشق فين صحيح مش كانت معاكى من شويه
شروق بابتسامه....... عشق مع عمر تعالى ياروكا نشوفهم
روقيه........يالا ياستا
وابتعدوا ليتوجهو للبحث عن عشق....!!!
حمزه نظر لادم قائلا بجدية :-
- ادهم جه ولا لسه مش راضى يجى ؟!!
ادم بغمزه......لا جاى اتصل بيا من شويه وقال انه فى الطريق دماغه حجر
ضحك حمزه ليقول.......هههههههههههههه طيب يالا اتكل من هنا دا انت واقف على دماغى من الصبح ارحم يا عم شويه هو انا هخطفها
ادم ........ههههههههههههههه والله شاكك انك ممكن تعمل كدا وعموما شويه وراجع لك
ليترك حمزه اخيرا ليتحدث مع محبوبته ويتغزل بها ليتوجه نحو والدته ويجلس جوارها قائلا :-
- مبروك ياكركر
ابتسمت كريمه وهى تربت على كتفيه بحنان :-
- الله يبارك فيك ياحبيبى وعقبالك ياارب ويسلام لو تحقق اللى بتمناه
ضحك ادم بشده.......عايزانى ارجع لعلياء برضو !!!
هزت رأسها نافية لتقول بغمزه........لا طبعا انا عايزاك تتجوز شروق
نظر لها بصدمه وعدم استيعاب لما تتفوه به !!!!
ومن ثم ارتسمت ابتسامه على شفتيه ليقول
ادم.............................
..........................................................................
فى الجهه الاخرى يجلس كل من مشيره وعمار ويبدو عليها الضيق الشديد
تنهد عمار ليقول.....فكى التكشيره دى الناس هتلاحظ وبعدين انا اصلا مكنتش عايز اتجوزها فعادى يعنى !!!
مشيره بغضب............خليك بارد كده اهى ضاعت من ايدك انا كنت عايزه اناسبهم واديك بغبائك بوظت كل حاجة
ابتسم عمار لينظر نحو رقيه قائلا :-
- مين قال كدا انتى هتناسبيهم برضو !!!
نظرت له مشيرة بتعجب وعدم فهم لتقول
- ازاى يعنى ؟!!
رمقها عمار بملامح غامضه ليقول بثقه.......انا هتقدم لرقيه
نظرت له بصدمه لتتسع عيناها مما يقوله ابنها غير مصدقه ما سمعته للتو !!!😳
.......................................................................
فى الجهه الاخرى
شروق تضحك بشده على تصرفات رقيه المجنونه !!!
شروق بضحك.....يخربيت جنانك يا شيخة بقى رجعتى البت من على الباب
رقيه بغضب......اومال عايزانى اعمل اى اصل دينا دى بت ملزقه وتعتبر لابسه بدلة رقص حضرتك واحنا لاغيين الفقرة دي فجبتها من شعرها ورميتها على البوابه والله كنت بفكر اخليها تاخد جوله مع ريكس بس قلت بلاش بقى احسن الفرح يبوظ😂✋
شروق بضحك........هههههههههههههههههههه والله انتى مجنونه انا هروح اشوف عشق فين احسن اخوكى يكون غرغر بالبت
قهقهت رقيه........ههههههههههههههههههههههههه غرغر طيب روحى يااختى
وذهبت شروق لتبحث عن عشق ولكن بدون قصد اصطدمت بشخص فرفعت راسها لتعتذر له .....!!!
شروق بصدمة وهي ترفع رأسها....انا اسفه مخدتش بالى !!!
ليقاطعها الشخص وهو ينظر لها بدقة.........انتى !!!😮
شروق وهى ترجع خطوه للخلف بصدمه لتقول بعدم تصديق
- مش معقول انت !!!😳😳
........................................................
رقيه كانت سعيده جدا وتسير فى جميع انحاء القاعه وكانت كالفراشه بينهم بمرحها وابتسامتها لتصطدم اثناء سيرها بشخص لتقع فى احضانه ....!!!
رقيه وهى تبتعد بغضب ثم تنظر له .........حاسب يا اخ انت مش تفتح ولا عنيك دى لازمتها اى😡
الشخص بذهول...........انتى هبله يا بنتى انتى اللى خبطانى على فكره !!!
رقيه بعند.....انا برضه هه انت اللى ماشى غلط وبعدين انت تبع مين هنا انا اول مره اشوفك !!!
الشخص بثقه.........انا رائد
ضحكت رقيه لتقول بمرح.........رائد فضاء واى اللى جابك على الارض نسيوك ولا اى ؟!!😂✋
رائد بغضب.........................................
الفصل السابع عشر😍
* محاولة اختطاف *
هزت رأسها نافية لتقول بغمزه........لا طبعا انا عايزاك تتجوز شروق
نظر لها بصدمه وعدم استيعاب لما تتفوه به !!!!
ومن ثم ارتسمت ابتسامه على شفتيه ليقول :-
ادم......انتى بتتكلمى بجد !!!
كريمه......طبعا بتكلم جد اومال بهزر
ابتسم آدم ليقف قائلا وهو ينظر فى اتجاه ما ويغمز لها بعينيه :-
- ركزى ف الفرح يا كركر ونشوف الموضوع ده بعدين وان شاء الله هفرحك ياجميل !!!!
ومن ثم ابتعد عنها ليتجه نحو شروق بثقه وابتسامه مرسومه على شفتيه😊
تنهدت كريمه......ماشى يا ادم اما نشوف هتريح قلبى امتى ؟!!!
.................................................................................................................
………………...فى الجهه الاخرى……………..
شروق بصدمة وهي ترفع رأسها....انا اسفه مخدتش بالى !!!
ليقاطعها الشخص وهو ينظر لها بدقة.........انتى !!!😳😮
شروق وهى ترجع خطوه للخلف بصدمه لتقول بعدم تصديق :-
- مش معقول انت !!
ابتسم من زوايا فمه وهو يتأملها بصمت قائلا :-
- اى دا شكلك افتكرتينى ؟!!!
شروق بخجل......اكيد طبعا لازم افتكرك اه وشكرا على اللى عملته معايا وقتها !!!!!!
*فلاش باك *
وفجأة وجدت ضوء سياره تمشى بجوارهم تصدر صرير عالى جدا فجعلت الشابان يخافان بشده ان يراهم احد فابتعدوا عنها سريعا وفروا هربا.......
شروق وهى تنظر للسياره التى تقف امامها بذهول وراحه و.....
الشخص وهو يخرج من السياره ويتفحص شروق بنظرات يغلبها الحيره الشديده من تواجد فتاه مثلها في هذا الوقت فيبدو انها محترمه بملابسها هذه............
الشخص بجدية و نظرات متفحصه.......انتى مين واى اللى جايبك هنا ف وقت زى دا ؟!
شروق بلخبطه وبعض الخوف....مفيش انا انا لازم امشى من هنا عن اذنك
الشخص بشهامه.......استنى اوصلك مينفعش تمشى لوحدك ممكن حد يثبت هنا ؟!!
شروق بخوف وفزع ان يتعرض لها هذا الشاب فهى لا تعرفه ولا يمكن ان تثق به وتركب معه.......
- لالالا انا همشى لوحدى
وتحركت مبتعده سريعا عنه
الشخص برفعة حاجب وهو ينظر لها باستغراب ....مالها دى ربنا يشفى
وتوجه لسيارته وقادها مبتعدا عن المكان ليتوجه نحو منزله....
* باك *
يقاطع ادم حديثهم قائلا وهو يتوجه ليحتضن ادهم :-
- اخيرا جيت ياوحش
ادهم وهو يحتضنه بقوه ويربت على ظهره.......اه جيت هو انا هخلص من ذنك
شروق بشرود لنفسها.....وحش معقول ممكن يكون ثم فاق لنفسها قائلة :-
- ايه الهبل دا اكيد لا يعنى انا الاحلام شكلها هتخلينى اتجنن ولا ايه ؟!
فاقت من شرودها على صوت ادم يقول وهو ينقل انظاره بينهم باستغراب :-
- انتم تعرفوا بعض ولا اى ؟!!
لتجيب شروق بسرعه......لا
رمقها ادهم باستغراب شديد وهو يعقد حاجبيه بشده وينظر لها بتساؤل🤔🤨
لتردف بتوتر وهى تبعد انظارها عنه....اقصد ايوا
ضحك ادم....مالك يابنتى متلخبطه كدا ليه ثم نظر ل ادهم ليردف :-
- ادهم صاحبى ثم اشار نحو شروق ليردف ودى شروق بنت عمى يا ادهم ؟!
ليرفع ادهم يده فى اتجاهها لتنظر ليده بصمت قائله :-
- اسفه مبسلمش على رجاله !!!!!
رمقها بذهول شديد لتتسع ابتسامة ادم اعجابا بتصرفها مردفا بمرح :-
- هههههههههههه لم ايدك ياعم احنا عيله محافظه
ضحك ادهم بخفوت وهو ينظر لشروق التى تحاول السيطره على رعشة جسدها من ذكرى هذا اليوم قائﻻ......واضح فعلا
توترت شروق لتقول قبل ان تفر هربا :-
- عن أذنكم
ليتابعها ادهم قائلا بشرود......غريبه اوى البنت دى ؟!!!
ثم ابعدها عن تفكيره ليتوجه مع ادم نحو حمزه ليبارك له !!!
..........................................
…...فى الجهه الاخرى……..
الشخص بثقه.........انا رائد
ضحكت رقيه لتقول بمرح.........رائد فضاء واى اللى جابك على الارض نسيوك ولا اى ؟!!😂✋
رائد بغضب.......اتلمى يا بت انتى هنستظرف
رفعت احدى حاجبيها قائلة بتوعد......انت بتزعقلى عادى كدا اوعى تنسى انك فى ارضى يعنى هيلا هوب ادلقك بره زى دينا الهبله ولن أتزحزح عن موقفي انا بقولك اهو !!!😂✋
ضحك رائد بشده .......ههههههههه هيلا هوب مين ياحجه انتى بصى لنفسك وبصيلى دا انا بنفخة منى اطيرك اتكلمى على قدك ياشاطره
رقيه......هههههههههههههههه طيب قول هوف كدا ورينى قال بنفخه قال اللى قدامك دى بتلعب بوكس ياكابتن يعنى ولا يهزنى اللى قلته دا
رائد بهدوء وغموض......شخصيتك من النوع اللى بيحب يبين انه مبسوط مع ان جواه بلاوى مش كدا برضه ؟!!!!
نظرت له بذهول..........وانت عرفت منين اوعى تكون مخابرات ؟!!!!
ضحك بشده ليردف .......انا رائد دكتور نفسى
رقيه بضحك شديد..........رائد ودكتور ونفسى كمان ازاى دا ياجدع عملتها ازاى دى يابن الظينه !!!!!😂🤔
ليرمقها بغضب فتردف مسرعه...
رقيه......زميل يعنى انا بيطرى وﻻ تزعل ينفسك ياعم
ضحك رائد باستفزاز.......بتاع حيوانات يعنى !!!!!
رقيه بنظرة تحدى وابتسامه خبيثه......فعلا طيب الكلب بتاعى حالته النفسيه مش ولا بد وكنت عايزاك تعاينه كدا تخيل ياجدع مايحبش حد يقوله ياكلب 😂
ليقاطع حديثهم صوت عمار من خلفها يقول بجديه شديده :-
- مين حضرتك ؟!!
رفع احدى حاجبيه ببرود....وانت مال حضرتك
رقيه بمرح......انتم الاتنين بقيتوا حضرات وبدل وكرفتات ياحلاوه ياحلولى 😂✋
عمار بغضب وهو يشير باتجاهه قائلا :-
- مين دا يارقيه ؟!!!
ابتسمت رقيه بشدة فقد شعرت بغيرته لتردف......بسم الله الرحمن الرحيم دا كائن يعيش ويتعايش و اسمه رائد ودكتور نفساوى والله على ما اقوله شهيد
رمقها رائد باستهزاء......لا ونسيتى بنام بالليل واصحى الصبح😂🤨
ضحكت رقيه بشده.......هههههههههههههههههه تصدق اه فاتتنى دى
ثار عمار بشدة.....تحبى اجيب لكم شجره ولمون بالمره ؟!!!
رقيه بسعادة غير مصدقه.....انت ناسى ان الجونينه مليانه شجر ولا اى لا اركز كدا يا دوك
ثم نظرت لرائد بابتسامه.....انت جاى لمين هنا ياكابتن ؟!!!
رائد......جاى ل دكتور ادم اخو العروسه تعرفيه ؟!!
رقيه بمرح......طبعا هو اخويا بقالى كتير وبيجى عندنا فاكراه طشاش كده متقلقيش تعالى اوديك ليه
ثم نظرت لعمار بخبث قائلة.......شوف اللمون اتأخر ليه اذا سمحت يالا انجوى بقى😂🤔
ثم تحركت من امامه مع رائد بثقه وهى تحاول اخفاء ابتسامتها على منظر عمار الذي يظهر عليه الغضب الشديد و يجز على اسنانه بقوه قائله لنفسها بتأثر مصطنع :-
- دا انا على ما اتجوزك هيكون سنانك وقعت من اللى بعمله فيك .... ياعينى على حظك ياروكا ربنا يصبرك يا بنتى يلا كله علله🤔✋
اما عمار نظر لها بغضب شديد وتوعد قائلا......ماشى يارقيه انا هوريكى !!😡
..........
شروق وهى تبحث بعيونها عن عشق فى جميع الاتجاهات ولكن لم تستطيع العثور عليها فقلقت بشده وانقبض قلبها بخوف شديد لتسرع نحو كريمه قائله بلهفه :-
- عمتو مشوفتيش عمر او عشق !!!!
استغربت كريمه حالتها تلك لتقول بقلق..
- لا ياحبيبتى هو فى حاجه ولا اى ؟!!
نظرت لها شروق بضياع لتردف بصوت يشوبه البكاء :-
- انا عماله ادور عليهم فى الجنينه كلها مش لاقيه حد فيهم هيكونوا راحوا فين دلوقت دا لو مكنش حصلهم حاجه ؟!!
ل تربت عليها كمحاولة فى التخفيف عنها :-
- اهدى ماتقلقيش محصلش حاجه ان شاء الله طيب روحى اسألى رقيه يمكن شافتهم ؟!!!
لتتوجه شروق نحو رقيه كالمجنونه وقلبها يدق بعنف خوفا ان يصاب عشق اى مكروه !!
لتنظر لها كريمه وتتنهد قائله......جيب العواقب سليمه يارب
.............................
........فى الجهه الاخرى.............
رقيه وهى ترفع يدها عاليا لتنزل بها على كتف آدم بمزاح قائله :-
- كلم ياستا فى رائد عايزك !!!!😄🤔
نظر لها آدم باستغراب ليلمح بجانبها رائد صديقه الذى لم يراه منذ فتره كبيره.....
ادم بذهول.......رائد انا مش مصدق اخيرا حنيت عليا ؟!
ليحتضنه رائد بمرح قائلا.......والله ليك واحشه يامعلم
ابتعد عنه ادم ليردف......انتم عيال واطيه كلكم اساسا من ساعة ماخلصنا الكليه وكل واحد جرى من حته
رقيه......هههههههههههههههههههههه وانت صحتك على قدك ملكش ف الجرى ياعينى على بختك يا اخويا
الكل............هههههههههههههههههههههههههههههههههه
ادهم يشير بيده اتجاه رقيه.........دى طبعا رقيه اختك اللى مطلعه عينك مش كدا ؟!
ضربته رقيه فى كتفه قائلة بغضب مصطنع.....بتسيحلى مش عيب عليك
ليقاطع حديثها شروق بلهفه قائله وهى تمسك يدها :-
- رقيه تعالى عايزاكى عن اذنكم
ليبتعدوا عنهم بمسافه بسيطه لتردف رقيه بقلق :-
- مالك فى اى ؟!!
شروق بلهفه......شفتى عشق ؟!!!
هزت راسها رافضه......لا اخر مره اما عمر خدها منك ليه فى اى ؟!!
وضعت يدها على وجها تبكي بفزع.......يالهوى اومال راحت فين اكيد جرالها حاجه ؟!!
رقيه بتوتر وخوف......طيب شوفتيهم فى الفيلا جوا
وضعت يدها على رأسها قائله بصوت باكى .....لا مجاش فى بالى انا هدخل ادور يمكن دخلوا جوه
انهت كلامها لتتوجه مسرعه داخل الفيلا كالمجنونه ورقيه تحاول الالحاق بها والقلق بدأ يتسرب بداخلها !!!
..........................
عمار وهو يتوجه ليجلس بجانب والدته التى تتحدث مع علياء قائله بخفوت
- كلمتى ادم ولا لسه ؟!
علياء وهى تنظر نحو ادم الذى يضحك بشده مع أصدقائه غير مباليا بها لتردف وهي تزفر بضيق
- مكلمتوش !!!
مشيره بتشجيع.......طيب ماتروحى تتكلمى معاها وكلمتين حلوين يمكن يحن تانى
زفرت علياء بضيق لتقف بملابسها التي تظهر اكثر مما تخفى وتتوجه نحو ادم بدلع كمحاولة فى اثنائه عن رأيه !!!
عمار وهو ينظر لها بجديه وتساؤل ليتحدث قائلا :-
- اى كلمتي خالتي ولا لسه !!!
زفرت مشيره بحنق.......يعنى عجبتك رقيه عن شذى !!! دى مسترجله يابنى انا مش فاهمه انت بتفكر ازاى ؟!!!
ضحك بشده لينظر لها بخبث قائلا....انتى محسسانى انه هيفرق معاكى انتى مركزه فى الورث بس مش كده برضه ولا بيتهيألى ؟!!
توترت بشدة لتردف وهى تحاول السيطرة على توترها :-
- لا طبعا انا عايزه اناسب اختى مش اكتر واطمن عليك
رمقها بجديه قائلا بلامبالاه :-
- تمام يبقى تكلميها وياريت لو يبقى جواز علطول
نظرت له بصدمه غير مصدقه.......جواز كمان
اومأ موافقا..........ايوا اى المشكله بيتهيألى احنا عارفين بعض كفايا ملوش لازمه الخطوبه
ثم اردف بخبث.....وبعدين دا احسن ليكى عشان ميحصلش زى ادم وعلياء !!!
ابتسمت بشده فقد اقتنعت بما يقوله ابنها وقد سيطر عليها الطمع ل يجعلها تتغاضى عن تصرفات رقيه الرجولية لتردف وهى تقف للتوجه نحو اختها..........
- هروح ابلغها حالا واكيد مش هتعترض !!!
ليبتسم عمار بشده فلم يتوقع ان والدته سوف توافق بهذه السهوله ثم قال لنفسه باستهزاء .....مكنتش اتوقع انك توافقى علطول كدا بس فعلا مدام الموضوع فى فلوس يبقى مش مهم اى حاجه تانيه طول عمرك بتفكرى فى الفلوس وبس اما نشوف اخرتها معاكى اى ياامى العزيزه !!!
............................................
...................فى داخل الفيلا ....................
تدخل شروق غرفه عمر بسرعه شديده والتوتر واضح على ملامح وجهها ومن ثم تتنهد براحه بعد ان رات .....
رقيه من خلفها بفزع وهى تحاول ان تأخذ انفاسها......اى لقيتيهم !!!
لتنظر فى نفس الاتجاه التى تنظر له شروق لترى عمر وعشق يغطون فى سبات عميق على الفراش !!!
شروق وهى تضع يدها على قلبها تحاول السيطره على دقاته قائله :-
- الحمد لله انا قلبى كان هيقف
لتتوجه رقيه نحو عمر بغضب وتجذبه من ملابسه بعنف لينتفض بفزع قائلا :-
- مين فين ازاااى هعترف والله بس سيبوني😂😂😳
رقيه بغضب......اى اللى انت عملته دا ياحيوان ؟!!!
نظر لها عمر بعدم فهم لتردف شروق بصوت غاضب :-
- حرام عليك يا عمر وقفتلى قلبى وقطعتلي الخلف ياشيخ!!!
عمر وهو ينقل انظاره بينهم بعدم فهم وتساؤل .......مالكم فى اى وعرفتم منين اللى حصل ؟!!!
لتقوم رقيه بجذبه من ملابسه خارج الغرفه حتى لا تستيقظ عشق على اصواتهم وتتوجه خلفهم شروق بغضب
شروق بصوت مرتفع......ممكن افهم ليه مقولتليش انك هتدخل بعشق جوه انت بتستهبل ياعمر
عمر بهدوء......يعنى انتم معرفتوش اللى حصل وبتزعقوا وخلاص مش بدل ماتشكرونى
شروق وهى تحاول السيطره على اعصابها........وهو اى بقى اللى حصل ؟!!
عمر ..........كان فى محاولة لخطف عشق ولحقتها ف اخر لحظه !!
نظروا له بصدمه غير مصدقين مايتفوه به فمن الذى يريد ان يخطف ابنتها ولماذا !!!!
رقيه…….طيب ايه اللى حصل بالظبط ؟!
عمر بهدوء ……...اللى حصل ان..............
* فلاش باك *
تجلس عشق على الارجوحه ليقوم عمر بدفعها ببطئ بينما عشق تتذمر قائله :-
- زوقنى دامت سويه ايااه اى دا ( زوقنى جامد شويه اى دا )
ضحك عمر بشده .....ﻻ هتقعى وبعدين مش كفايا سايب الحفله ومبهدﻻنى معاكى يا زقرده
تزمرت عشق .....تيب حايزه حصير بقى وسعى بنات ليش دحوه ( طايب عاوزه عصير بقى وشعر بنات مليش دعوه )
عمر بتفكير مصطنع....ماشى هجيبلك بس عصير بس مفيش شعر بنات و بعدها هدخلك لماما علطول قشطه
عشق.....قسطه
عمر.....طيب خليكى هنا هجيبلك واجى
عشق....بسيعه ( بسرعه )
ليتوجه عمر ليجلب لها العصير وفى نفس الوقت يقف شخص يتابعهما بصمت حتى تركها عمر ليتوجه نحوها ببطء وهو يلتفت حول نفسه لتنظر له عشق ببتسامة بريئه و......
عشق.....اسيت ياعمو اسمت اى ؟!!
)ازيك ياعمو اسمك اى)
الشخص وهو يقترب منها بهدوء ليحملها بين ذراعيه ويقول :-
تعالى اوديكى لماما ماشى
عشق برفض.... عمي هيديب عثير اﻻوى ومش رضى يدبلى سعى بنات (عمر هيجيب عصير اﻻول ومش رضى يجبلى شعر بنات )
الشخص بخبث....انا هجيبلك
ابتسمت بسعاده ...ماثى يايا
)ماشى ياﻻ )
ليحملها ويتوجه بها للخارج ليلمحه عمر فيتوجه نحوه بسرعة شديدة ممسكا به من الخلف قائﻻ وهو ياخذ عشق من يديه
-انت مين وبتعمل اى هنا وواخدها على فين
الشخص وهو يحاول ان ياخذ عشق منه قائﻻ بصرامة وهو يرفع المطوه امام وجه عمر
-ابعد من هنا وسيب البنت احسنلك بدل ما اخلص عليك
لتنتفض عشق بخوف فى احضان عمر وتبكى بشده
ليرفع عمر صوته عاليا لينادى رجل اﻻمن وهو يحاول ابعاد نفسه للخلف لتجرح يده بالمطوه الممسك بها هذا الشخص ومن ثم يجتمع العديد من حولهم فيفر الرجل هاربا ليصعد سياره سوداء وتنطلق به بسرعة شديدة ليجري عمر بالداخل وهو يحاول تهدئة عشق حتى غفت بين يديه !!!
* باك *
عمر... بس فدخلتها وربطت ايدى ومرضتش اعمل شوشره عشان الفرح ميبوظش والحمد لله ان انا لحقتها قبل مايخطفها
شروق وهى تجلس بصدمه...
-مين دا اللى عايز يخطف عشق وهيستفاد اى من كدا !!!
لينظر كل من عمر ورقيه لها بحيره شديده فمن يريد خطف عشق ولماذا !!!
......................................................
فى مكان ما يتحدث شخص ف الهاتف قائﻻ :-
شخص 1 بغضب....دى مسكتنى من شعرى الزباله دى ورمتني بره انت ﻻزم تجبلى حقى منها زى ما قلتلى
شخص 2....اهدى يا دينا متقلقيش هتدفع تمن اللى بتعمله دا غالى وغالى جدا كمان سﻻم دلوقت
دينا......سﻻم
................
يقف آدم امامها ناظر لها بقوة بينما هى تحاول ان تلين قلبه نحوها وبعد حديث طويل من علياء بالتغيير وانها تحبه بشده ولا تستطيع البعد عنه …..!!!
نظر لها آدم ببتسامه وهو يرفع احد حاجبيه قائلا :-
- انا معنديش مانع نرجع لبعض تانى
اتسعت ابتسامتها لتنظر له غير مصدقه مايقوه لتردف بسعاده :-
- انت بتتكلم جد !!!
ليضع يديه فى جيبه قائلا بثقة وجمود......بس بشرط لو وافقتى هنرجع حالا لو لا يبقى الموضوع انتهى✋
رمقته بتساؤل وهي تقطب حاجبيها بشدة لتردف باهتمام
- شرط اى دا !!!!
ادم....................................
………………………………………………………..
فى الجهه الاخرى
تنظر كريمه الى اختها بعد ان طلبت منها يد رقيه لعمار ابنها لتتحدث بصرامه قائله :-
- انا مش موافقه مفيش جواز !!!